ខណៈដែលដែលសហរដ្ឋអាមេរិកកំពុងបើកប្រតិបត្តិការ Epic Fury វា.យប្រហារលើអ៊ីរ៉ង់យ៉ាងខ្លាំងក្លា និងមានការចូលរួមគាំទ្រដោយអ៊ីស្រាអែល ធ្វើឲ្យសង្គ្រាមនៅមជ្ឈិមបូព៌ាក៏រីកធំឡើងៗ និងរាលដាលពាសពេញតំបន់ អ្នកវិភាគស្ថានភាពអន្តរជាតិបានលើកឡើងពីសេណារីយ៉ូចំនួន ៤ ដែលនឹងនាំឲ្យមានការផ្លាស់ប្តូរប្រព័ន្ធនយោបាយរបស់អ៊ីរ៉ង់ និងមានផលវិបាកយ៉ាងធំធេងសម្រាប់សន្តិសុខក្នុងតំបន់ និងពិភពលោក។

យោងតាមរបាយការណ៍ដកស្រង់ដែលចេញផ្សាយដោយសារព័ត៌មាន The Guardian កាលពីថ្ងៃពុធម្សិលមិញនេះបានបង្ហាញពីសេណារីយ៉ូបួនដែលអ្នកជំនាញបានធ្វើការប៉ាន់ស្មានទុកជាមុន ថាវាអាចនឹងលេចចេញមកនាពេលឆាប់ៗខាងមុខ ខណៈដែលភាពតានតឹងនៅមជ្ឈិមបូព៌ាបន្តកើនឡើងកម្ដៅ។ សេណារីយ៉ូទាំង ៤ នោះរួមមាន៖

១. ការដួលរលំនៃរដ្ឋាភិបាលបច្ចុប្បន្នរបស់អ៊ីរ៉ង់៖ តាមរយៈការផ្ទុះឡើងនៃសង្រ្គាមនៅមជ្ឈិមបូព៌ា រដ្ឋាភិបាលបណ្តោះអាសន្នថ្មីមួយអាចនឹងឡើងជំនួសថ្នាក់ដឹកនាំបច្ចុប្បន្ន ដែលវាអាចត្រូវបានគាំទ្រដោយឥស្សរជនប្រឆាំងដែលរស់នៅក្រៅប្រទេស។ រដ្ឋាភិបាលនេះអាចបោះបង់ចោលកម្មវិធីនុយក្លេអ៊ែររបស់អ៊ីរ៉ង់ ហើយបើកទ្វារប្រទេសឱ្យមានកិច្ចសហប្រតិបត្តិការជាមួយលោកខាងលិច។ ទោះជាយ៉ាងណា អ្នកជំនាញនិយាយថា សេណារីយ៉ូនេះមិនទំនងជាមានភាគរយច្រើនថាអាចកើតមានទេ ព្រោះកងកម្លាំងសន្តិសុខ និងរចនាសម្ព័ន្ធនយោបាយរបស់អ៊ីរ៉ង់នៅតែមានភាពរឹងមាំ។

២. ថ្នាក់ដឹកនាំអ៊ីរ៉ង់នៅរស់រានមានជីវិត ប៉ុន្តែជ្រើសរើសផ្លូវដើរថ្មី៖ សេនារីយ៉ូនេះចង់សំដៅដល់ភាពជាអ្នកដឹកនាំរបស់អ៊ីរ៉ង់ថានៅតែអាចក្ដោបក្ដាប់អំណាច ប៉ុន្តែជ្រើសរើសរបៀបដឹកនាំផ្សេងតាមរយៈការចចរចាជាមួយទីក្រុងវ៉ាស៊ីនតោន ដើម្បីបន្ធូរបន្ថយភាពតានតឹង និងកំណត់សកម្មភាពនុយក្លេអ៊ែរជាថ្មី ខណៈនៅតែរក្សាការគ្រប់គ្រងនៅក្នុងប្រទេស។ ទោះជាយ៉ាងណាក៏ដោយ អ្នកជំនាញខ្លះជឿថា ភាពផ្ទុយពីនេះអាចនឹងកើតមាន ព្រោះថ្នាក់ដឹកនាំអ៊ីរ៉ង់នៅតែចង់ក្រាញ់អំណាច ហើយប្រកាន់យកជំហរតឹងរ៉ឹង ដោយពង្រឹងយុទ្ធសាស្ត្រយោធា និងពង្រីកសមត្ថភាពទប់ស្កាត់របស់ខ្លួន។

៣. អ៊ីរ៉ង់នឹងជម្នះនៅក្នុងសង្រ្គាមនេះ ហើយក្លាយជាប្រទេសដឺលរឹងរូសជាងមុន៖ អ្នកវិភាគជាច្រើនជឿថា សេណារីយ៉ូដែលទំនងបំផុតគឺ រដ្ឋាភិបាលអ៊ីរ៉ង់នឹងនៅតែមានជីវិតរួចផុតពីសង្គ្រាម ប៉ុន្តែពួកគេនឹងក្លាយជាប្រទេសផ្តាច់ការជាងមុនកាន់តែខ្លាំង។ ក្នុងករណីនេះ ថ្នាក់ដឹកនាំអ៊ីរ៉ង់អាចបង្កើនការតស៊ូយោធា បន្តការវាយប្រហារដោយមីស៊ីល និងលួចលាក់ក្នុងការបង្កើនល្បឿនកម្មវិធីនុយក្លេអ៊ែររបស់ខ្លួនដើម្បីប្រើវាការពង្រឹងអំណាច ដែលស្រដៀងគ្នាទៅនឹងយុទ្ធសាស្ត្ររបស់កូរ៉េខាងជើង។

៤. សង្គ្រាមស៊ីវិល និងភាពវឹកវរ៖ នេះគឺជាសេណារីយ៉ូដែលគ្រោះថ្នាក់បំផុត ដោយសាររដ្ឋាភិបាលអ៊ីរ៉ង់អាចនឹងត្រូវដួលរលំ ប៉ុន្តែមិនអាចរកអាជ្ញាធរមានស្ថិរភាពណាមកជំនួសវាបានទេ។ ស្ថានភាពនេះអាចបង្កឱ្យមានសង្គ្រាមស៊ីវិល ដោយក្រុមជនជាតិភាគតិច កងជីវពល និងក្រុមនយោបាយនឹងប្រជែងគ្នាដើម្បីដណ្ដើមអំណាច។ អស្ថិរភាពបែបនេះក៏អាចបង្កើតការប្រកួតប្រជែងដ៏គ្រោះថ្នាក់លើសម្ភារៈនុយក្លេអ៊ែររបស់អ៊ីរ៉ង់ និងការរីករាលដាលជម្លោះនៅទូទាំងតំបន់ផងដែរ។

សរុបមក អ្នកវិភាគមើលឃើញថាសង្គ្រាមនេះ នឹងអាចនាំឱ្យមានការផ្លាស់ប្តូររបបដឹកនាំ វិធានការសម្របសម្រួល របបផ្តាច់ការកាន់តែរឹងមាំ ឬសូម្បីតែសង្គ្រាមស៊ីវិល ហើយអ្វីដែលគួរឲ្យព្រួយបារម្ភបំផុតគឺរាល់សេណារីយ៉ូនីមួយៗសុទ្ធមានផលវិបាកធំៗដែលប៉ះពាល់ដល់មជ្ឈិមបូព៌ា និងសន្តិសុខពិភពលោកទាំងមូល៕

ខណៈដែលសង្រ្គាមនៅមជ្ឈិមបូព៌ាកំពុងឈានដល់ចំណុចក្ដៅគគុក លោកប្រធានាធិបតី Donald Trump បានអះអាងថា សហរដ្ឋអាមេរិកបានធ្វើការបំផ្លា.ញឃ្លាំងអា.វុធ និងទីតាំងដំឡើងមីស៊ីលរបស់អ៊ីរ៉ង់នៅទូទាំងប្រទេសរួចហើយ ដូច្នេះទីក្រុងតេហេរ៉ង់ឥឡូវនេះ កំពុងប្រឈមនឹងបញ្ហាអស់ទាំងមីស៊ីលបា.ញ់ និងអស់ទាំងកន្លែងបា.ញ់។ នេះបើតាមការចេញផ្សាយរបស់សារព័ត៌មាន Fox News ។

នៅក្នុងបទសម្ភាសន៍ជាមួយ Politico លោក Trump បានលើកឡើងដោយជឿជាក់ថា យោធាអ៊ីរ៉ង់កំពុងត្រូវបាន “បំផ្លា.ញ” ដោយការវាយប្រហារជាបន្តបន្ទាប់របស់សហរដ្ឋអាមេរិក និងអ៊ីស្រាអែល ហើយទីក្រុងតេអេរ៉ង់កំពុង “អស់ប្រព័ន្ធបាញ់មីស៊ីល” ដែលនេះមានន័យថា សមត្ថភាពរបស់ពួកគេក្នុងការបាញ់មីស៊ីល និងអាវុធផ្សេងទៀតកំពុងថយចុះជាគំហុក ខណៈដែលហេដ្ឋារចនាសម្ព័ន្ធនៅទូទាំងប្រទេសត្រូវបានគ្រាប់ទម្លាក់ចំម្តងហើយម្តងទៀត។

ជាមួយគ្នានោះ លោក Trump បានទទួលស្គាល់ថា អ៊ីរ៉ង់នៅតែអាចបន្តវាយប្រហារបានមួយរយៈទៀត ប៉ុន្តែបានទទូចថា សមត្ថភាពក្នុងការទប់ទល់របស់ពួកគេកំពុងតែចុះខ្សោយហើយ ពីព្រោះប្រព័ន្ធបាញ់មីស៊ីល និងតំបន់បាញ់មីស៊ីលជាច្រើនត្រូវបានបំផ្លាញ ស្របពេលដែលកងកម្លាំងរបស់អាមេរិកឯណេះវិញនៅសល់គ្រាប់រំសេវជាច្រើន និងកំពុងផលិតបន្ថែមកាន់តែច្រើនយ៉ាងឆាប់រហ័ស ដើម្បីគាំទ្រយុទ្ធនាការនេះ។

លោក Trump ក៏បានណែនាំផងដែរថា ខណៈពេលដែលកម្លាំងយោធារបស់អ៊ីរ៉ង់កំពុងបន្តចុះខ្សោយបន្តិចម្ដងៗ ទីក្រុងវ៉ាស៊ីនតោនអាចនឹងបើកចំហចំពោះការចូលរួមជាមួយថ្នាក់ដឹកនាំអ៊ីរ៉ង់ដែលបានផ្លាស់ប្តូររូបរាងឡើងវិញបន្ទាប់ពីជម្លោះ ដោយកត់សម្គាល់ថា ឥស្សរជនជាន់ខ្ពស់អ៊ីរ៉ង់ជាច្រើនត្រូវបានសម្លា.ប់រួចហើយនៅក្នុងការវាយប្រហារ ហើយថ្នាក់ដឹកនាំថ្មីនឹងលេចចេញជារូបរាងបណ្ដើរៗ។

គួរបញ្ជាក់ថា សេចក្តីថ្លែងការណ៍នេះកើតឡើងនៅពេលដែលជម្លោះ រួមទាំងប្រតិបត្តិការ Epic Fury ដ៏ខ្លាំងក្លារបស់សហរដ្ឋអាមេរិក និងប្រតិបត្តិការ Roaring Lion របស់អ៊ីស្រាអែល នៅតែបន្តជាមួយនឹងការបញ្ជាគ្រាប់មីស៊ីល និងយន្តហោះគ្មានមនុស្សបើកហោះទៅវិញទៅមកពេញផ្ទៃអាកាសដើម្បីដាក់សម្ពាធលើអ៊ីរ៉ង់ ហើយថែមនាំឲ្យមានផលប៉ះពាល់ដល់ប្រទេសជាច្រើនផ្សេងទៀតនៅក្នុងតំបន់ និងបង្កើនការព្រួយបារម្ភបន្ថែមអំពីការកើនឡើងនៃជម្លោះកាន់តែទូលំទូលាយ៕

ងើបមួយវា.យមួយរហូតដល់លែងមានអ្នកហ៊ានងើប! ប្រទេសអ៊ីស្រាអែលបានផ្ដល់ការគំរា.មទុកជាមុនថា ពួកគេនឹងធ្វើឃា.តជាសាធារណៈចំពោះមេដឹកនាំកំពូលថ្មីរបស់អ៊ីរ៉ង់ ពោលគឺបុគ្គលណាក៏ដោយឲ្យតែជាអ្នកដែលត្រូវស្នងតំណែងបន្តពីលោក Ali Khamenei នឹងត្រូវបានគេចាត់ទុកជា «គោលដៅច្បាស់លាស់បន្ទាប់សម្រាប់ការកម្ចាត់ចោល»។

តាមរយៈការសរសេសំណេរបង្ហោះដោយផ្ទាល់នៅលើបណ្ដាញសង្គម X កាលពីថ្មីៗនេះ រដ្ឋមន្ត្រីក្រសួងការពារជាតិអ៊ីស្រាអែល លោក Israel Katz បានព្រមានថា អ្នកណាដែលហ៊ានឡើងជំនួសលោក Ali Khamenei ក្នុងនាមជាមេដឹកនាំកំពូលរបស់អ៊ីរ៉ង់ នឹងក្លាយជា “គោលដៅច្បាស់លាស់សម្រាប់ការធ្វើឃា.ត”។ ការគំរាមកំហែងនេះបានកើតឡើងភ្លាមៗបន្ទាប់ពីមានរបាយការណ៍មួយបង្ហាញថា លោក Mojtaba Khamenei កូនប្រុសរបស់លោក Khamenei ត្រូវបានជ្រើសរើសជាមេដឹកនាំថ្មីរបស់អ៊ីរ៉ង់។

នៅក្នុងសំណេរខាងលើនោះ រដ្ឋមន្ត្រីការពារជាតិអ៊ីស្រាអែលបានលើកឡើងយ៉ាងដូច្នេះថា៖ រាល់បុគ្គលគ្រប់រូបដែលត្រូវបានតែងតាំងដោយរបបភេរវកម្មអ៊ីរ៉ង់ឱ្យបន្ត និងដឹកនាំផែនការបំផ្លា.ញអ៊ីស្រាអែល ឬគំរាមកំហែងដល់សហរដ្ឋអាមេរិក និងពិភពលោកខាងសេរី និងប្រទេសនានាក្នុងតំបន់ រួមទាំងការដឹកនាំដែលផ្ដល់ការគាបសង្កត់ដល់ប្រជាជនអ៊ីរ៉ង់ បុគ្គលនោះនឹងក្លាយជាគោលដៅបន្ទាប់សម្រាប់ការកម្ចាត់ចោល។

ជាមួយគ្នានោះ លោក Israel Katz បានសង្កត់ធ្ងន់ថា វាមិនសំខាន់ទេថាតើបុគ្គលនោះមានឈ្មោះអ្វី ឬលាក់ខ្លួននៅកន្លែងណា ព្រោះលោកនាយករដ្ឋមន្រ្តី Netanyahu និងក្រសួងការពារជាតិនឹងធ្វើសកម្មភាពតាមគ្រប់មធ្យោបាយទាំងអស់ដើម្បីអនុវត្តបេសកកម្មនេះជាផ្នែកសំខាន់មួយនៃគោលបំណងនៃប្រតិបត្តិការ “Lion’s Roar” ដោយកម្លាំងពេញលេញ រួមជាមួយដៃគូអាមេរិករបស់យើង ដើម្បីកំទេចសមត្ថភាពរបស់របបនេះ និងបង្កើតលក្ខខណ្ឌសម្រាប់ប្រជាជនអ៊ីរ៉ង់ដើម្បីផ្តួលរំលំវា និងជំនួសវា។

គួរជម្រាបថា ការព្រមាននេះកើតឡើងក្នុងអំឡុងពេលនៃភាពតានតឹងខ្លាំងបន្ទាប់ពីការស្លា.ប់របស់លោក Khamenei នៅក្នុងការវាយប្រហាររវាងសហរដ្ឋអាមេរិក និងអ៊ីស្រាអែល និងចលនាយ៉ាងឆាប់រហ័សដោយអាជ្ញាធរអ៊ីរ៉ង់ដើម្បីតែងតាំងអ្នកស្នងតំណែង។

តាមមន្ត្រីអ៊ីស្រាអែល គោលដៅរបស់អាមរិក និងអ៊ីស្រាអែល គឺធ្វើយ៉ាងណាឱ្យភាពជាអ្នកដឹកនាំ និងសមត្ថភាពយោធារបស់អ៊ីរ៉ង់ចុះខ្សោយដុនដាប លែងមានអំណាចនាំការគំរា.មកំហែ.ងដល់ពិភពលោកសេរី និងប្រជាជនរបស់អ៊ីរ៉ង់ខ្លួនឯង៕

នាដើមខែមីនា ឆ្នាំ២០២៦ អ្នកប្រើប្រាស់បណ្តាញសង្គម X នៅអាមេរិករាប់ពាន់នាក់បាននិយាយពីយុវជនអាមេរិកជាច្រើនត្រូវបង់បោះក្តីសុបិនមកចូលរួមសង្គ្រា.មនៅអ៊ីរ៉ង់ និងជំរុញឱ្យមេដឹកនាំបញ្ជូនកូនប្រុសរបស់ខ្លួនទៅចូលរួមធ្វើសង្គ្រា.មដែរ ថែមទាំងកាត់តរូបភាពកូនប្រុសមេដឹកនាំស្លៀកពាក់ឯកសណ្ឋានកងទ័ពចែកចាយពេញបណ្តាញសង្គម ។ ទោះយ៉ាងណា វាមិនអាចទៅរួចទេ ដោយសារកូនប្រុសរបស់លោកប្រធានាធិបតី Trump មានហេតុផលជាច្រើនពុំអាចចូលបម្រើកងទ័ព ។

ស្របពេលសង្គ្រាមនៅអ៊ីរ៉ង់ឆេះរាលដាលខ្លាំងដែលបង្កឡើងដោយអាមេរិក និងអ៊ីស្រាអែល ហើយរាលដាលពេញតំបន់មជ្ឈិមបូព៌ាដោយសារអ៊ីរ៉ង់បាញ់មីស៊ីលសំដៅលើទីតាំងមូលដ្ឋានកងទ័ពអាមេរិកឈរជើងជាច្រើនកន្លែងដើម្បីជាការសងសឹ.ក ពលរដ្ឋអាមេរិកក្នុងបណ្តាញសង្គមបានជំរុញឱ្យលោកប្រធានាធិបតី Donald Trump បញ្ជូនកូនប្រុសរបស់ខ្លួនទៅធ្វើសង្គ្រា.មនៅអ៊ីរ៉ង់ដើម្បីបញ្ជាក់ពីការស្នេហាជាតិ និងនិយាយពីប្រវត្តិរបស់ប្រធានាធិបតីអាមេរិកធ្លាប់គេចវេះមិនចូលបម្រើកងទ័ព ។

អ្នកប្រើប្រាស់បណ្តាញសង្គម X ទាំងនេះបានកាត់តរូបភាពកូនប្រុសរបស់លោកប្រធានាធិបតី Trump ឈ្មោះ Barron Trump អាយុ១៩ឆ្នាំ ដោយការស្លៀកពាក់ឯកសណ្ឋានកងទ័ព ព្រមទាំងសរសេរសារទៅកាន់ប្រធានាធិបតីឱ្យបង្ហាញការស្នេហាជាតិដោយបញ្ជូនកូនប្រុសទៅធ្វើសង្គ្រាមជាមួយយុវជនអាមេរិកផ្សេងទៀតដែលកំពុងតែប្រឈមនឹងគ្រោះថ្នាក់នៅមជ្ឈិមបូព៌ា ។ ការជំរុញកាន់តែផុសផុលខ្លាំងឡើងក្នុងបណ្តាញសង្គម បន្ទាប់ពីមានការជជែកវែកញែកកាលពីសម័យសង្គ្រាមវៀតណាម លោកប្រធានាធិបតី Trump ទទួលបានការពន្យារពេលចូលបម្រើកងទ័ពជាច្រើនលើ កក្រោមមូលហេតុជាប់សិក្សា និងសុខភាពមិនល្អ ។

អ្នកសរសេររឿងកំប្លែងដ៏ល្បីល្បាញ លោក Toby Morton ក៏បានចូលរួមបញ្ចេញមតិរឿងការបញ្ជូនកូនប្រុសមេដឹកនាំទៅចូលរួមធ្វើសង្គ្រាមដែរ និងបង្កើតគេហទំព័រមួយឈ្មោះ DraftBarronTrump.com ដោយសរសេរបញ្ឆិតបញ្ឆៀងថា កូនប្រុសមេដឹកនាំប្រទេសបានត្រៀមខ្លួនការពារជាតិ ដែលមានឪពុកជាមេទ័ព ។

គួរបញ្ជាក់ថា ពេលអ្នកប្រើប្រាស់បណ្តាញសង្គមអាមេរិករាប់ពាន់នាក់ជំរុញឱ្យមេដឹកនាំបញ្ជូនកូនប្រុសទៅចូលរួមសង្គ្រាម សារព័ត៌មានអង់គ្លេស The Independent បានចុះផ្សាយពីគោលការណ៍ក្នុងការចូលបម្រើកងទ័ពនៅអាមេរិក ហើយថា យុវជន Barron Trump ដែលបច្ចុប្បន្ន គឺជានិស្សិតសិក្សានៅវិទ្យាស្ថានអាជីវកម្ម Stern របស់សាកលវិទ្យាល័យញូវយ៉ក (NYU) អាចរួចខ្លួនពីការចូលបម្រើកងទ័ព មិនមែនដោយសារជាកូនរបស់មេដឹកនាំប្រទេសទេ ប៉ុន្តែដោយសារមានកម្ពស់ខ្ពស់ពេក ។

យុវជន Barron Trump មានកម្ពស់រហូតដល់ជាង២ម៉ែត្រ ដែលលើសស្តង់ដារកម្ពស់ខ្ពស់បំផុតរបស់កងទ័ពជើងគោក ជើងទឹក និងជើងអាកាសអាមេរិក ។ រូបរាងខ្ពស់បែបនេះគឺជាឧបសគ្គក្នុងការហ្វឹកហាត់កងទ័ព ពុំអាចពាក់ឯកសណ្ឋានកងទ័ព និងពុំអាចប្រតិបត្តិការក្នុងរថក្រោះ ឬនាវាមុជទឹក ។ ហេតុនេះ វាមិនអាចទៅរួចទេ ដោយសារ Barron Trump អាចលើកពីមូលហេតុជាច្រើន ដូចជា ៖ កម្ពស់ខ្ពស់ និងបញ្ហាសុខភាព ខណៈយុវជនអាមេរិកផ្សេងទៀតត្រូវបោះបង់ក្តីសុបិនមកចូលបម្រើកងទ័ព ៕

ព្រះរាជវាំង Golestan មានស្ថាបត្យកម្មដ៏ស្រស់ស្អាតនៅទីក្រុងតេហេរ៉ង់ ប្រទេសអ៊ីរ៉ង់ និងជាបេតិកភណ្ឌពិភពលោកចុះបញ្ជីដោយអង្គការយូណេស្កូ បានរងការខូចខាតយ៉ាងធ្ងន់ធ្ងរពីការវាយប្រ.ហារតាមផ្លូវអាកាសរបស់អាមេរិក និងអ៊ីស្រាអែល នៅទីលាន Arak កាលពីថ្ងៃទី១ ខែមីនា ឆ្នាំ២០២៦ បណ្តាលឱ្យព្រះរាជវាំងទទួលកម្លាំងរំញ័រខ្លាំង ។ អង្គការយូណេស្កូបានតាមដានយ៉ាងយកចិត្តទុកដាក់នូវស្ថានភាពបេតិកភណ្ឌវប្បធម៌នៅអ៊ីរ៉ង់ និងទូទាំងតំបន់ ក្នុងគោលបំណងធានាបាននូវការការពារបេតិកភណ្ឌដ៏មានតម្លៃ ។

តាមការចុះផ្សាយរបស់សារព័ត៌មានអ៊ីរ៉ង់ ព្រះរាជវាំងកូឡេសស្ថាន (Golestan Palace) នៅទីក្រុងតេហេរ៉ង់ ដែលត្រូវបានចុះបញ្ជីជាបេតិកភណ្ឌពិភពលោកដោយអង្គការយូណេស្កូ (UNESCO) បានរងការខូចខាតយ៉ាងធ្ងន់ធ្ងរដោយសារកម្លាំងរំញ័រពីការវាយប្រហារតាមអាកាសរបស់អាមេរិក និងអ៊ីស្រាអែល នៅទីលាន Arak ជាពិសេស បង្អួច ទ្វារ និងកញ្ចក់ ។ រីឯវត្ថុបុរាណមានតម្លៃផ្សេងៗក្នុងព្រះរាជវាំងមិនខូចខាតទេ ដោយសារត្រូវបានយកចេញទៅដាក់ក្នុងបន្ទប់មានសុវត្ថិភាពបំផុតតាំងពីកើតហេតុការណ៍ធ្វើបាតុកម្មទូទាំងប្រទេសកាលពីខែមករា ឆ្នាំ២០២៦ ខណៈវត្ថុបុរាណខ្លះទៀតត្រូវបានយកចេញតាំងពីខែមិថុនា ឆ្នាំ២០២៥ ។

អង្គការយូណេស្កូបានចេញសេចក្តីថ្លែងការណ៍កាលពីថ្ងៃទី២ ខែមីនា ថា បន្តតាមដានយ៉ាងយកចិត្តទុកដាក់នូវស្ថានភាពបេតិកភណ្ឌវប្បធម៌នៅប្រទេសអ៊ីរ៉ង់ និងទូទាំងតំបន់ ក្នុងគោលបំណងធានាបាននូវការការពារបេតិកភណ្ឌដ៏មានតម្លៃ ពីព្រោះស្ថិតក្រោមការការពាររបស់ច្បាប់អន្តរជាតិ ព្រមទាំងអនុសញ្ញាទីក្រុងឡាអេ ឆ្នាំ១៩៥៤ និងអនុសញ្ញាបេតិកភណ្ឌពិភពលោក ឆ្នាំ១៩៧២ ។ អង្គការយូណេស្កូបានផ្តល់ព័ត៌មានទីតាំងភូមិសាស្ត្រនានាដែលស្ថិតក្នុងបញ្ជីបេតិកភណ្ឌពិភពលោក ព្រមទាំងទីតាំងសំខាន់ៗទៅកាន់គ្រប់ភាគីពាក់ព័ន្ធ ដើម្បីចៀសវាងការខូចខាតអាចកើតឡើង ។

ការខូចខាតរបស់ព្រះរាជវាំងនេះ ស្របពេលស្ថានការណ៍កាន់តែតានតឹងខ្លាំងនៅតំបន់មជ្ឈិមបូព៌ា បន្ទាប់ពីអាមេរិក និងអ៊ីស្រាអែល បើកការវាយប្រហារលើគោលដៅកងទ័ពនៅអ៊ីរ៉ង់ ដែលបណ្តាលឱ្យប៉ះពាល់ទាំងសន្តិសុខ និងបេតិកភណ្ឌវប្បធម៌ ។ ប៉ុន្តែគ្មានសេចក្តីរាយការណ៍លម្អិតអំពីទំហំការខូចខាតរបស់សំណង់ព្រះរាជវាំងទេ ខណៈភ្នាក់ងារពាក់ព័ន្ធនឹងវាយតម្លៃទំហំការខូចខាតនាថ្ងៃខាងមុខ ។

គួរបញ្ជាក់ថា ព្រះរាជវាំងកូឡេសស្ថាន (Golestan Palace) គឺជាអគារដ៏ល្បីល្បាញបំផុតមួយក្នុងប្រវត្តិសាស្ត្រអ៊ីរ៉ង់ និងមានស្ថាបត្យកម្មដ៏ល្អប្រណីត ត្រូវបានសាងសង់ក្នុងសម័យរាជវង្ស Qatar ដែលគ្រប់គ្រងអំណាចនៅឆ្នាំ១៧៧៩ ។ ជញ្ជាំង និងពិដានត្រូវបានតុបតែងដោយកញ្ចក់រាប់ពាន់ផ្ទាំងមានពន្លឺភ្លឺពណ៌មាស និងពណ៌ប្រាក់ ហើយត្រូវបានចុះបញ្ជីជាបេតិកភណ្ឌពិភពលោកដោយអង្គការយូណេស្កូ កាលពីខែកក្កដា ឆ្នាំ២០១៣ ។

រាជវង្ស Qatar បានរៀបចំតេហេរ៉ង់ឱ្យក្លាយជាទីក្រុងធំដ៏ល្បីល្បាញដោយការរួមបញ្ចូលគ្នាដ៏ល្អឥតខ្ចោះនៃសំណង់ស្ថាបត្យកម្មបុរាណ និងឥទ្ធិពលលោកខាងលិច ។ បច្ចុប្បន្ន ព្រះរាជវាំងនេះនៅតែជាកន្លែងប្រវត្តិសាស្ត្រដ៏សំខាន់បំផុត និងត្រូវបានប្តូរជាសារមន្ទីរដាក់តាំងបង្ហាញវត្ថុបុរាណមានតម្លៃរបស់អ៊ីរ៉ង់ ៕

ចិនបានចេញមុខដាស់តឿនអាមេរិកកុំបង្ខិតបង្ខំឱ្យប្រទេសនានាសហការក្នុងសង្គ្រា.មវាយប្រ.ហារអ៊ីរ៉ង់ និងកុំយកពាណិជ្ជកម្មមកធ្វើជាឧបករណ៍ដាក់សម្ពាធ ពីព្រោះប្រតិបត្តិការកងទ័ពលើអ៊ីរ៉ង់គឺជាការល្មើសច្បាប់អន្តរជាតិ បង្កើនភាពតានតឹងក្នុងតំបន់មជ្ឈិមបូព៌ា ដោយចិនជំរុញឱ្យភាគីជម្លោះទាំងអស់បញ្ឈប់ប្រតិបត្តិការកងទ័ពត្រឹមនេះ ។ ការដាស់តឿនរបស់ចិន បន្ទាប់ពីមេដឹកនាំអាមេរិកប្រកាសផ្តាច់ទំនាក់ទំនងពាណិជ្ជកម្មជាមួយអេស្ប៉ាញ ដោយគ្រាន់តែអេស្ប៉ាញមិនគាំទ្រសង្គ្រា.ម ។

តាមការចុះផ្សាយរបស់សារព័ត៌មាន Reuters កាលពីថ្ងៃទី៤ ខែមីនា ឆ្នាំ២០២៦ ពាក់ព័ន្ធនឹងព័ត៌មានពីប្រធានាធិបតីអាមេរិក លោក Donald Trump គំរាមកាត់ផ្តាច់ទំនាក់ទំនងពាណិជ្ជកម្មជាមួយអេស្ប៉ាញ ដោយសារអេស្ប៉ាញមិនអនុញ្ញាតឱ្យអាមេរិកប្រើប្រាស់មូលដ្ឋានកងទ័ពអាកាសនៅអេស្ប៉ាញវាយប្រហារអ៊ីរ៉ង់នោះ អ្នកនាំពាក្យក្រសួងការបរទេសចិន អ្នកស្រី Mao Ning ថា ប្រតិបត្តិការកងទ័ពរបស់អាមេរិក និងអ៊ីស្រាអែលមកលើអ៊ីរ៉ង់ គឺជាការល្មើសច្បាប់អន្តរជាតិ ហើយអាមេរិកមិនគួរដាក់សម្ពាធពាណិជ្ជកម្មលើប្រទេសនានាដែលមិនរួមដៃទេ ។

អ្នកស្រី Mao Ning បន្តថា តាំងពីកើតសង្គ្រាមនៅអ៊ីរ៉ង់ ពលរដ្ឋចិនជាង៤៧០នាក់បានជម្លៀសចេញពីប្រទេសនេះដោយសុវត្ថិភាពក្រោមការសម្របសម្រួលរបស់ស្ថានទូតចិននៅទីក្រុងតេហេរ៉ង់ ហើយអ្នកស្រីក៏បានដាស់តឿនទៅកាន់ពលរដ្ឋចិនដែលកំពុងស្នាក់នៅអ៊ីរ៉ង់ ត្រូវបង្កើនការប្រុងប្រយ័ត្ន និងប្រញាប់ចាកចេញជាបន្ទាន់ ។

អ្នកនាំពាក្យក្រសួងការបរទេសចិនដាស់តឿនទៅកាន់ពលរដ្ឋរបស់ខ្លួន បន្ទាប់ពីអាមេរិក និងអ៊ីស្រាអែល បើកការវាយប្រហារអ៊ីរ៉ង់កាលពីថ្ងៃទី២៨ ខែកុម្ភៈ កន្លងមក បណ្តាលមេដឹកនាំកំពូលអ៊ីរ៉ង់ លោក Ayatollah Ali Khamenei បាត់បង់ជីវិត ដែលធ្វើឱ្យអ៊ីរ៉ង់សងសឹកវិញដោយការវាយប្រហារទៅលើអ៊ីស្រាអែល និងបណ្តាប្រទេសនៅឈូងសមុទ្រអារ៉ាប់ដែលមានមូលដ្ឋានកងទ័ពអាមេរិក ។

ចំណែកអ្នកនាំពាក្យសភាប្រជាជនចិន លោក Lou Qinjian បានអំពាវនាវឱ្យបញ្ឈប់ប្រតិបត្តិការកងទ័ពជាបន្ទាន់ ចៀសវាងការបង្កើនភាពតានតឹង ងាកមកការចរចាគ្នាដើម្បីសន្តិភាព និងស្ថិរភាពនៅតំបន់មជ្ឈិមបូព៌ា ។ លោកថា អធិបតេយ្យ សន្តិសុខ និងបូរណភាពទឹកដីរបស់អ៊ីរ៉ង់ គួរតែទទួលបានការគោរព និងគ្មានប្រទេសណាមួយមានសិទ្ធិគ្រប់គ្រងកិច្ចការអន្តរជាតិ ឬកំណត់ជោគវាសនារបស់ប្រទេសផ្សេងឡើយ ។

ប្រទេសចិនបានជំរុញឱ្យភាគីជម្លោះទាំងអស់បញ្ឈប់ប្រតិបត្តិការកងទ័ពត្រឹមនេះ និងងាកមកបន្តការចរចាដោយសន្តិវិធី ដោយចិនបញ្ជាក់ថា ការប្រើប្រាស់កម្លាំងគ្រាន់តែជាវិធានការបណ្តោះអាសន្នធ្វើឱ្យស្ថានការណ៍កាន់តែធ្ងន់ធ្ងរខ្លាំងឡើងប៉ុណ្ណោះ ។

គួរបញ្ជាក់ថា លោកប្រធានាធិបតី Trump បានប្រកាសកាត់ផ្តាច់ទំនាក់ទំនងពាណិជ្ជកម្មជាមួយប្រទេសអេស្ប៉ាញភ្លាមៗ និងរិះគន់ការចំណាយលើវិស័យការពារជាតិរបស់អេស្ប៉ាញ បន្ទាប់ពីរដ្ឋមន្ត្រីអេស្ប៉ាញ លោក Pedro Sánchez មិនអនុញ្ញាតឱ្យអាមេរិកប្រើប្រាស់មូលដ្ឋានកងទ័ពអាកាសនៅអេស្ប៉ាញវាយប្រហារអ៊ីរ៉ង់ ។ នាយករដ្ឋមន្ត្រីអេស្បាញបញ្ជាក់ពីគោលជំហរច្បាស់លាស់របស់ខ្លួនម្តងទៀតថា មិនគាំទ្រសង្គ្រាម បើទោះជាមានសម្ពាធពាណិជ្ជកម្មពីរដ្ឋាភិបាលអាមេរិកក៏ដោយ ៕

តំបន់មជ្ឈិមបូព៌ានឹងកាន់តែធ្លាក់ក្នុងសភាពវឹកវរបន្ថែមទៀត ក្រោយបព្វជិតជាន់ខ្ពស់នៃសាសនាឥស្លាមនៅក្នុងប្រទេសអ៊ីរ៉ង់បានចេញ ហ្វាតវ៉ា (Fatwa) ដែលជាសេចក្តីសម្រេចតាមបែបសាសនា ដើម្បីកៀរគរកម្លាំងពីកងជីវពលស៊ីអ៊ីត Hezbollah, Houthis, PMF និងពិភពឥស្លាមទាំងមូលឲ្យធ្វើការសងសឹកចំពោះការស្លា.ប់របស់ Khamenei ប្រឆាំងនឹងសហរដ្ឋអាមេរិក និងអ៊ីស្រាអែល។

យោងតាមរបាយការណ៍ពីប្រព័ន្ធផ្សព្វផ្សាយអន្តរជាតិនានាបានឲ្យដឹងថា បព្វជិតលេចធ្លោនៃសាសនាឥស្លាមជាច្រើនរូប រួមទាំងលោក Naser Makarem Shirazi បានប្រកាសថា ការសងសឹកចំពោះការស្លា.ប់របស់លោក Khamenei គឺជា “កាតព្វកិច្ចសាសនា” សម្រាប់ប្រជាជនមូស្លីម ដោយជំរុញឱ្យអ្នកជឿលើអល់ឡោះចេញប្រឈមមុខនឹងសហរដ្ឋអាមេរិក និងសម្ព័ន្ធមិត្តរបស់ពួគគេ។ សេចក្តីសម្រេចនេះត្រូវបានគេរាយការណ៍ថាបានដាក់ស្លាកប្រធានាធិបតីអាមេរិក លោក Donald Trump និងនាយករដ្ឋមន្ត្រីអ៊ីស្រាអែល លោក Benjamin Netanyahu ថាជា “សត្រូវរបស់ព្រះ” ដែលជាការកំណត់ដែលនៅក្នុងច្បាប់សាសនាអ៊ីរ៉ង់អាចបង្ហាញអំពីភាពត្រឹមត្រូវនៃការដាក់ទណ្ឌកម្មយ៉ាងធ្ងន់ធ្ងរ។

ហ្វាតវ៉ា នេះបានបង្កើនការភ័យខ្លាចចំពោះជម្លោះកាន់តែទូលំទូលាយនៅទូទាំងមជ្ឈិមបូព៌ា។ មន្ត្រីសន្តិសុខនៅអឺរ៉ុបបានព្រ.មានថា ក្រឹត្យនេះអាចលើកទឹកចិត្តដល់ការវា.យប្រហារដោយអ្នកគាំទ្រជ្រុលនិយម ដែលភ្ជាប់ទៅនឹងបណ្តាញអ៊ីរ៉ង់នៅក្រៅប្រទេស។ ហេតុដូចនេះ ពួកគេជំរុញឲ្យរដ្ឋាភិបាលនៅក្នុងបណ្ដារប្រទេសលោកខាងលិចទាំងអស់ ត្រូវបង្កើនការជូនដំណឹងសន្តិសុខ និងបង្កើនការឃ្លាំមើលឲ្យបានជិតស្និតបំផុត ខណៈការសងសឹកអាចហៀរចេញលើសពីតំបន់ដែលកំពុងមានអំពើហិង្សានៅមជ្ឈិមបូព៌ា។

គួរជម្រាបថា ហ្វាតវ៉ាដែលចេញដោយអាជ្ញាធរសាសនាឥស្លាមនិកាយស៊ីអ៊ីត គឺជាក្រឹត្យដែលមានឥទ្ធិពលខ្លាំងណាស់។ វាអាចមានឥទ្ធិពលទាំងលើផ្នែកនយោបាយ និងសង្គមយ៉ាងសំខាន់នៅក្នុងប្រទេសអ៊ីរ៉ង់ និងក្នុងចំណោមក្រុមសម្ព័ន្ធមិត្តនៅទូទាំងមជ្ឈិមបូព៌ា។ ដូច្នេះជាមួយនឹងការដាក់ចញនូវ ហ្វាតវ៉ា ដូចខាងលើ អ្នកវិភាគបានផ្ដល់ការព្រមា.នថា សេចក្តីប្រកាសបែបនេះអាចលើកទឹកចិត្តក្រុមសកម្មប្រយុទ្ធ ឬអ្នកគាំទ្រអ៊ីរ៉ង់ឱ្យអនុវត្តសកម្មភាពសងសឹកប្រឆាំងនឹងគោលដៅអាមេរិក ឬអ៊ីស្រាអែល។ ស្ថានភាពនេះបានធ្វើឱ្យកិច្ចខិតខំប្រឹងប្រែងផ្នែកការទូតកាន់តែស្មុគស្មាញ ហើយបង្កើនភាពតានតឹងរវាងអ៊ីរ៉ង់ និងមហាអំណាចលោកខាងលិច៕