ជី ឈីងលីន បានបង្ហាញគូស្នេហ៍ថ្មីសាជាធារណៈដែលធ្វើឱ្យមានការចាប់អារម្មណ៍យ៉ាង ខ្លាំងពីទស្សនិកជនដោយសារតែគូស្នេហ៍នាងលែងជាជាតារាចម្រៀង ស៊ុន វេហា ទៀតហើយ។ រឿងនេះកាន់តែសាយភាពបន្ទាប់ពី ឈីងលីន បានបង្ហាញថា វេហា ជាអតីតគូស្នេហ៍បានប្រើប្រាស់អំពើហិង្សាលើនាងដោយនាងបានបង្ហាញស្នាមរបួសមកជាមួយខណៈ វេហា បានបង្ហាញថារឿងនោះយូរមកហើយដោយលោកបានចោទ ឈីងលីន វិញថាក្បត់ចិត្តលោក។

កាលពីពេលថ្មីៗនេះ ជី ឈីងលីន អ្នកប្រម៉ូតផលិតផល បានបង្ហាញគូស្នេហ៍ថ្មី ជា សាធារណៈ ក្នុងរូបភាពយ៉ាងមានក្តីសុខ ប៉ុន្តែត្រូវបានមហាជនដែលតាមដាននាងបានជីក សួររកតារាចម្រៀង ស៊ុន វេហា អតីតបេក្ខជន The Voice Cambodia Season 3 ព្រោះ កន្លងមកនេះអ្នកទាំងពីរបានបង្ហាញចំណងស្នេហ៍ជាមួយគ្នាជាសាធារណៈ។ ដោយសារតែរឿងនេះរីករាលដាននិងមានការចោទប្រកាន់ថានាងក្បត់ចិត្ត វេហា ឈីងលីន បានបង្ហោះពីរូបភាពស្នាមរបួសដោយភ្ជាប់មកជាសារវែងមួយដោយបញ្ជាក់ថានាងមិនត្រឡប់ទៅរកអតីតគូស្នេហ៍វិញឡើយ មិនឱ្យតម្លៃនាង ព្យាយាមបំផ្លាញនាងគ្រប់វិធី មុននឹងនាងបើកចិត្តមានអ្នកថ្មីនាងសឹងតែលែងមានជីវិតរស់នៅបន្ត ពេលនាងកំពុង ជួបទុក្ខ ស៊ុន វេហា កំពុងតែឱបស្រីចូលផ្ទះសំណាក់ ហើយនាងមិនចង់បង្ហាញថាទេ ចង់បញ្ចប់ដោយស្ងប់ស្ងាត់ប៉ុន្តែអតីតដៃគូនាងជាអ្នកធ្វើឱ្យនាងលាតត្រដាងរឿងនេះមក។

ការលាតត្រដាងពី ជី ឈីងលីន នេះ ស៊ុន វេហា បានចូលទៅខម្មិនលើការបង្ហោះ របស់ នាងថា «មនុស្សរស់នៅជាមួយគ្នាតែងតែឈ្លោះគ្នាហើយមានដើម មានហេតុ មិនមែន សុខៗអត់មានរឿងសោះខ្ញុំទៅឈ្លោះជាមួយគាត់ លើកដៃវៃដែរ ចានក្នុងរាវគង់តែប៉ះ គ្រាន់កើតឡើងហើយ យើងក៏បានសុំទោសគ្នា ហើយរឿងនេះក៏មួយឆ្នាំជាងដែរមិនមែន បច្ចុប្បន្ន ហើយកុំចោទថាខ្ញុំមានស្រីតាំងពីសង្សារយើងមកខ្ញុំមិនដែលរញ៉េញ៉ៃ ជាមួយអ្នកណាឡើយកុំត្រចៀកសពេកបើមិនបានឃើញនឹងភ្នែក លួចមានប្រុស ខ្លួនឯងខ្ញុំ ចាប់បានខ្ញុំរករឿងផុសធ្វើជាជនរងគ្រោះចឹងមែន?»។

នៅលើបណ្តាញសង្គមរបស់ ស៊ុន វេហា តារាចម្រៀងដែលរងនូវរឿងអាស្រូវរូបនេះបាន ចែករំលែករូបភាពផ្អែមល្ហែមរបស់ ឈីងលីន និងគូស្នេហ៍ថ្មីដោយភ្ជាប់មកជាមួយនឹង ខ្លឹមសារថា « មនុស្សរស់នៅជាមួយគ្នារាល់ថ្ងៃនៅហ៊ានលួចទាក់អ្នកថ្មីបានជឿហើយ ហើយឡាយប្រាប់គេថាខ្ញុំធ្វើបាប រឿងឈ្លោះគ្នាតាំង១ឆ្នាំ មុនលើកមកនិយាយ ប៉ិនម៉េសនឹងមែនលេសដើម្បីយកអ្នកថ្មី? ឈ្លោះគ្នា២ថ្ងៃ Show អ្នកថ្មី ស្តាយពេល២ឆ្នាំ ហើយក៏ស្តាយពេលខំចេញមុខការពារគ្រប់រឿងលះបង់កិត្តិយសមិនខ្វល់គេជេរឡើយ៕

ថ្មីៗនេះពាក្យចចាមអារ៉ាមជាច្រើននៅលើបណ្តាញសង្គម ដែលបានលើកឡើងថាអាកាសយានដ្ឋានពោធិ៍ចិនតុង ត្រូវបានលក់ទៅឱ្យក្រុមហ៊ុនឯកជនតាំងពី ១៥ឆ្នាំមុនមកម្ល៉េះ។

ពាក់ព័ន្ធនឹងពាក្យចចាមអារ៉ាមនេះ សម្តេចនាយករដ្ឋមន្រ្តី ហ៊ុន ម៉ាណែត បានបញ្ជាក់ច្បាស់ៗថា៖” អាកាសយានដ្ឋានអន្តរជាតិភ្នំពេញ នឹងនៅតែស្ថិតក្រោមកម្មសិទ្ធិរបស់រដ្ឋាភិបាលដដែល ហើយនឹងមិនលក់ទៅឱ្យបុគ្គលឯកជនណាមួយឡើយ”។

សម្តេចបានមានប្រសាសន៍ថា៖”ការរក្សាអាកាសយានដ្ឋាននេះ មានសារៈសំខាន់ណាស់សម្រាប់ការការពារអាកាសយានដ្ឋានថ្មី ប្រសិនបើមានបញ្ហាណាមួយកើតឡើង យើងនឹងមានព្រលានយន្តហោះចាស់សម្រាប់ប្រើប្រាស់ជំនួសវិញ”។

ក្រៅពីនេះ ព្រលានយន្តហោះអន្តរជាតិពោធិ៍ចិនតុង នឹងរក្សាទុកជាផលប្រយោជន៍របស់ប្រជាពលរដ្ឋ និងជាទ្រព្យសម្បត្តិរបស់រដ្ឋ ដែលជាទីតាំងប្រវត្តិសាស្រ្ដ បន្សល់ទុកពីព្រះបរមរតនកោដ្ឋ។

គួរបញ្ជាក់ថា ព្រលានយន្តហោះពោធិ៍ចិនតុង នឹងត្រូវបិទទ្វារនៅម៉ោង១២ យប់រំលងអធ្រាត្រថ្ងៃទី៩ ឈានចូលថ្ងៃទី១០ ខែកក្កដា ២០២៥ នៅពេលដែលអាកាសយានដ្ឋានអន្តរជាតិភ្នំពេញថ្មី បើកដំណើរការជាផ្លូវការនៅខែកក្កដា ខាងមុខនេះ៕

អាកាសយានដ្ឋានអន្តរជាតិតេជោថ្មីរបស់កម្ពុជា (TIA) ដែលគ្រោងនឹងបើកដំណើរការនៅថ្ងៃទី១០ ខែកក្កដា ឆ្នាំ២០២៥ ខាងមុខគឺតំណាងឲ្យការរីកចម្រើនយ៉ាងសំខាន់ក្នុងហេដ្ឋារចនាសម្ព័ន្ធអាកាសចរណ៍របស់ប្រទេស ហើយត្រៀមខ្លួនក្លាយជាមជ្ឈមណ្ឌលដ៏សំខាន់មួយនៅក្នុងតំបន់ ព្រមទាំងនឹងនាំឲ្យកម្ពុជាមានការអភិវឌ្ឍន៍យ៉ាងឆាប់រហ័សក្លាយខ្លួនទៅជាប្រទេសសិង្ហបុរីទី២។ នេះបើតាមការលើឡើងរបស់ B1M ដែលជាវេទិកាវិភាគលើគុណភាព សោភណ្ឌភាពនៃវិស្វកម្ម និងសំណង់ស្ថាបត្យកម្មធំៗនៅលើពិភពលោក។

នៅលើបណ្ដាញទំនាក់ទំនង Facebook កាលពីថ្ងៃទី ១២ ខែឧសភា ផេកផ្លូវការរបស់ B1M បានបញ្ចេញនូវឃ្លីបវីដេអូមួយដោយលើកសរសើរពីរចនាបទសំណង់ និងគុណសម្បត្តិជាច្រើនរបស់ព្រលានយន្តហោះថ្មីនេះរបស់កម្ពុជា។

នៅក្នុងវីដេអូដែលបានបង្ហោះនោះ B1M បានលើកឡើងថា ៖ មជ្ឈមណ្ឌលថ្មីដ៏ធំនេះ កំពុងសាងសង់ក្នុងប្រទេសកម្ពុជា ដំបូលដែលមានក្បាច់រចនាដ៏អស្ចារ្យរបស់ព្រលានយន្តហោះនេះ ត្រូវបានបំផុសគំនិតដោយព្រៃស្រោងដែលមាននៅក្នុងប្រទេស និងប្រពៃណីរបស់កម្ពុជាដែលប្រើប្រាស់ស្បូវដើម្បីប្រក់ដំបូលផងដែរ។

លើសពីនេះ ប្រភពខាងលើបានបន្ថែមទៀតថា ៖ គម្រោងនេះនឹងផ្លាស់ប្តូរជោគវាសនារបស់ប្រទេសទាំងមូល។ ហើយបច្ចុប្បន្នកម្ពុជាជាប្រទេសដែលកំពុងមានសេដ្ឋកិច្ចលូតលាស់លឿនបំផុតនៅអាស៊ីអាគ្នេយ៍។ ចំណែកឧស្សាហកម្មផ្អែកលើវិស័យអាកាសចរណ៍របស់ប្រទេសនេះក៏កំពុងរីកចម្រើន ដោយសារតម្រូវការពាណិជ្ជកម្មខ្ពស់ និងការធ្វើដំណើររបស់អ្នកភ្ញៀវទេសចរទៅមកក៏ច្រើនផងដែរ។

ការរំពឹងទុកក្នុងដំណាក់កាលទីមួយនៃអាកាសយានដ្ឋានថ្មីនេះ គឺនឹងអាចឱ្យកម្ពុជាទទួលបានអ្នកដំណើរពី ១៣ ទៅ ១៥ លាននាក់។ ខណៈនៅដំណាក់កាលបន្ទាប់ គេសម្លឹងឃើញថាចំនួនអ្នកដំណើរនឹងកើនឡើងដល់ 50 លាននាក់នៅឆ្នាំ 2050 ហើយធ្វើឲ្យអាកាសយានដ្ឋាននេះក្លាយជាគូប្រជែងជាមួយអាកាសយានដ្ឋាន Changi របស់សិង្ហបុរីជាមិនខាន។

គួរជម្រាបផងដែរថា អាកាសយានដ្ឋានអន្តរជាតិតេជោនេះ បានចំណាយថវិការសាងសង់សរុបអស់ជា 1.2ពាន់លានដុល្លារ លើផ្ទៃដីប្រមាណ 2,600ហិកតា ដោយនឹងបើកឲ្យដំណើរការជាផ្លូវការនៅខែកក្កដា ឆ្នាំ២០២៥ ខាងមុខនេះ។ គម្រោងនៃអាកាសយានដ្ឋានថ្មីនេះ ត្រូវបានរាជរដ្ឋាភិបាលកម្ពុជារពឹងថា នឹងនាំឲ្យវាក្លាយជាមជ្ឈមណ្ឌលអាកាសចរណ៍ដ៏ធំមួយនៅតំបន់អាស៊ាន ព្រមទាំងអាចផ្លាស់ប្ដូរជោគវាសនាសេដ្ឋកិច្ចកម្ពុជាទាំងមូលបានផងដែរ៕

យើងតែងតែយល់ថា ការនិយាយដើមអ្នកដទៃពីក្រោយខ្នង គឺជារឿងមិនល្អ ដោយសារការនិយាយអាក្រក់នឹងធ្វើឱ្យប៉ះពាល់ដល់កេរ្តិ៍ឈ្មោះអ្នកដទៃ ប៉ុន្តែអ្នកពិគ្រោះយោបល់ផ្នែកវេជ្ជសាស្ត្រអះអាងថា ការនិយាយដើមគ្នានឹងធ្វើឱ្យយើងបង្កើនភាពជិតស្និទ្ធជាមួយមិត្តភក្តិ និងជួយសុខភាពផ្លូវចិត្តផងដែរ ។ វាជាការផ្តល់នូវថាមពលដ៏ល្អមកឱ្យខ្លួនយើង ពេលបានខ្សឹបខ្សៀវជាមួយមិត្តភក្តិ ។

លោក Charles Sweet ជាអ្នកពិគ្រោះយោបល់ផ្នែកវេជ្ជសាស្ត្រមកពី Linear Health និយាយថា ការខ្សឹបគ្នាជជែកពីរឿងរ៉ាវអ្នកដទៃ អាចធ្វើឱ្យសុខភាពផ្លូវចិត្តយើងល្អប្រសើរ គឺវាដូចគ្នានឹងការបញ្ចេញសម្ពាធផ្លូវចិត្តដ៏ត្រឹមត្រូវ នៅពេលមានអ្នកណាម្នាក់ស្តាប់ និងចាប់អារម្មណ៍ពីអ្វីដែលយើងរៀបរាប់ ។ វានឹងធ្វើឱ្យយើងមានអារម្មណ៍ថា ខ្លួនឯងមានតម្លៃ ពុំឯកោ ហើយយើងជាមនុស្សសំខាន់ ដែលមានអ្នកនៅក្បែរ ឬគាំទ្រ ។

មិនមែនមានតែលោក Charles Sweet ម្នាក់ទេ ដែលអះអាងថា ការនិយាយដើមគេផ្តល់នូវអត្ថប្រយោជន៍សម្រាប់ខ្លួនយើង អ្នកចិត្តសាស្ត្រមកពីអាមេរិក អ្នកស្រី Alexandra Hoerr ក៏យល់ស្របតាមការអះអាងនេះដែរ ។ អ្នកស្រីនិយាយថា ការនិយាយដើមគ្នារបស់ស្រីៗ គឺជាវិធីមួយជួយការពារ ថែទាំ និងផ្តល់ព័ត៌មានឱ្យគ្នាទៅវិញ ទៅមក ។ វាពុំអាក្រក់ទេ ប៉ុន្តែវាជាការដាស់តឿនជាមុន ដើម្បីការពារមិនឱ្យមិត្តភក្តិប្រឈមនឹងស្ថានការណ៍គ្រោះថ្នាក់ ។

អ្នកស្រី Alexandra Hoerr ប្រាប់ថា ៖ «ធ្លាប់អត់ ពេលបាននិយាយពីអ្នកណាម្នាក់ជាមួយមិត្តភក្តិតាមទូរស័ព្ទរួចហើយមានអារម្មណ៍ថា ដូចលើកភ្នំចេញពីដើមទ្រូងអីចឹង ។ នេះហើយជាថាមពលដោយសារការបញ្ចេញអារម្មណ៍ពីក្នុងខ្លួន ដែលមានមិត្តភក្តិរង់ចាំស្តាប់ និងយល់ស្រប ។ បើអ្នកណាស្តាប់យើងនិយាយ វានឹងធ្វើឱ្យយើងមានអារម្មណ៍ថា គឺជាប្រយោជន៍យ៉ាងធំធេងសម្រាប់សុខភាពផ្លូវចិត្ត ដោយសារវាជួយកាត់បន្ថយភាពតានតឹង» ។

ប៉ុន្តែអ្នកជំនាញបញ្ជាក់ថា ធ្វើអ្វីក៏ដោយ តែងតែទទួលបានលទ្ធផលវិជ្ជមាន និងអវិជ្ជមាន គឺការនិយាយដើមអ្នកដទៃនឹងបង្កផលប៉ះពាល់ភ្លាមៗ ប្រសិនបើយើងនិយាយបង្ខូចកេរ្តិ៍ឈ្មោះអ្នកណាម្នាក់ ឬនិយាយអ្វីមិនពិត ។ ប៉ុន្តែបើគ្រាន់តែនិយាយដើម្បីចែករំលែក រៀនសូត្រ ឬពិនិត្យមើលគំនិតរបស់ខ្លួនឯង វានឹងពុំប៉ះពាល់អ្វីឡើយ ។

ហេតុនេះ ពេលយើងជួបជុំមិត្តភក្តិ និងនិយាយរឿងរ៉ាវឱ្យពួកគេស្តាប់ គឺត្រូវតែដឹងថា យើងពុំបាននិយាយកុហកពីអ្នកណាម្នាក់ យើងគ្រាន់តែនិយាយដើម្បីបង្កើនភាពជិតស្និទ្ធជាមួយមិត្តភក្តិប៉ុណ្ណោះ ។ ពេលខ្លះ វាក៏ជួយឱ្យផ្លូវចិត្តយើងល្អប្រសើរផងដែរ ក្រោយពីបាននិយាយដើមអ្នកណាម្នាក់ឱ្យមិត្តភក្តិស្តាប់ ៕

ខណៈរដូវវស្សាកាន់តែកៀកក្នុងការឈានមកដល់ ភ្លៀងក៏ចាប់ផ្ដើមមានធ្លាក់មកជាបណ្ដើរៗដែលនាំឲ្យតំបន់ខ្លះមិនថានៅខេត្ត ឬក្នុងក្រុងឡើយ តែងជួបប្រទះនឹងការជន់លិចទឹកចូលក្នុងគេហដ្ឋាន ដែលនាំមកនូវបញ្ហាជាច្រើនរួមមាន ការខ្វះអនាម័យបង្ករជាផលប៉ះពាល់ដល់សុខភាព និងសុវត្ថិភាពនៃសមាជិកគ្រួសារដែលរស់នៅក្នុងផ្ទះជាដើម។ បន្ថែមពីនេះ វាមានពួកសត្វអសិរពិសមួយចំនួនចូលមកជាមួយផងដែរ។

នៅពេលមានទឹកលិចម្ដងៗសត្វអសិរពិសជាច្រើនប្រភេទដូចជា ពស់ ក្អែប ខ្ទួយ ខ្យាដំរី និងផ្សេងៗទៀត តែងភៀសខ្លួនចេញពីជម្រករបស់វាដែលត្រូវភ្លៀងសើម ឬលិចទឹក មករកទីទួលសុវត្ថិភាព។ ក្នុងនោះផ្ទះរបស់លោកអ្នកអាចជាជម្រើសល្អសម្រាប់ពួកវា ព្រោះមានទីកន្លែងច្រើនសម្រាប់ឲ្យពួកវាលាក់ខ្លួនបាន។ ដូចនេះមកដឹងពីវិធីងាយៗ ក្នុងការការពារកុំឲ្យពពួកសត្វទាំងអស់នេះអាចមកសម្ញំលាក់ខ្លួននៅក្នុងគេហដ្ឋានដូចខាងក្រោម៖

១. បិទស្នាមប្រហោងដែលមាននៅជុំវិញផ្ទះ ៖ ចន្លោះប្រហោង ឬស្នាមប្រេះនៅតាមជញ្ជាំង របង និងទីតាំងផ្សេងទៀតនៅជុំវិញផ្ទះ អាចជាច្រកចូលសំខាន់សម្រាប់សត្វល្អិត ឬសត្វល្មូនទាំងឡាយ។ ដូចនេះ ក្នុងរដូវភ្លៀងនេះ អ្នកគួរស្វែងដំណោះស្រាយក្នុងការបិទខ្ទប់វាឲ្យជិត ដូចជាបៀកដោយស៊ីម៉ង់ត៍ កំបោរ ឬប្រើប្រាសើសំណាញ់មកព័ទ្ធជុំវិញក៏បានដែរ។
២. កា.ប់ឆ្ការព្រៃ ឬមែកឈើ ៖ ត្រូវកា..ប់ឆ្ការគុម្ពព្រៃ ឬ មែកឈើ ដែលមាននៅជុំវិញផ្ទះឲ្យបានស្អាតល្អ និងធ្វើយ៉ាងណាកុំឲ្យមានមឺកឈើលយមកប៉ះនឹងដំបូល ឬជញ្ជាំងផ្ទះជាដាច់ខាត ព្រោះសត្វទាំងអស់នោះតែងធ្វើដំណើរឆ្លងចូលមកផ្ទះរបស់អ្នកតាមផ្លូវទាំងអស់នោះ។
៣. រៀបចំទុកដាក់របស់របរប្រើប្រាស់ឲ្យមានសណ្ដាប់ធ្នាប់ ៖ ត្រូវទុកដាក់សម្ភារៈដែលប្រើប្រាស់រួចឲ្យបានត្រឹមត្រូវ ចៀសវាងការគរលើគ្នា ឬដាក់រប៉ាត់រប៉ាយផ្ដេសផ្ដាស ព្រោះសត្វមួយចំនួនដូចជាពស់ ក្អែប និងខ្យាដំរី … ចូលចិត្តពួនក្នុងស្បែកជើង, គំនរសម្លៀកបំពាក់ ឬកន្លែងដែលមានរបស់របររញ៉េរញ៉ៃដទៃទៀត។
៤. សម្អាតផ្ទះបាយ និង ទីកន្លែងរក្សាម្ហូបអាហារ ៖ ក្រៅពីពស់ ឬក្អែប សត្វល្អិតផ្សេងទៀតដូចជា កណ្ដុរ និង កន្លាតក៏ត្រូវប្រុងប្រយ័ត្នផងដែរ។ បើទោះជាវាគ្មានពិស ប៉ុន្តែវាជាភ្នាក់ងារចម្លងរោគដ៏ចម្បងបំផុតមួយ។ ដូច្នេះដើម្បីរាររាំងពួកវា ត្រូវទុកដាក់កាកសំណល់របស់អ្នកឲ្យបានត្រឹមត្រូវ ចំពោះចានឆ្នាំងដែលបានប្រើប្រាស់រួចត្រូវលាងសម្អាត និងរៀបចំឲ្យមានអនាម័យ ចៀសវាងការគរចោលនាំឲ្យទាក់ទាញដល់សត្វទាំងអស់នោះ។
៥. ប្រើប្រាស់ផលិតផលធម្មជាតិ ឬគីមី ៖ ដើម្បីទប់ស្កាត់ការជ្រៀតចូលនៃសត្វអសិរពិសទាំងនោះ វិធីធម្មជាតិដែលគេនិយមប្រើបំផុតមានដូចជា ការដាក់ពង្រាយផ្លែក្រូចសើច មើមខ្ទឹមស និងគល់ស្លឹកគ្រៃ ឬពេលខ្លះគេប្រើប្រាស់វត្ថុធាតុដើមទាំងនោះមកបុកផ្សុំបញ្ចូលគ្នា រួចរំលែកដាក់កែវ ឬកូនចានដាក់តម្រៀបជុះវិញផ្ទះ។ ចំណែកវីធីបែបសារជាតិគីមី គេអាចយកសាប៊ូដុំតូចៗ ឬសាប៊ូម្សៅទៅដាក់តាមមាត់លូ បំពង់បង្ហូរទឹក ឬកន្លែងទឹកសើមៗ នោះពួកសត្វទាំងអស់នោះនឹងមិនហ៊ានឡើងមកឡើយ៕