Influencer ល្បីឈ្មោះប្រចាំប្រទេសលោក ហេង វិសាល និង ជា ស្រីនា ជាភរិយាបានធ្វើរឿងដ៏គួរឱ្យស្ងប់ស្ញែងដោយអ្នកទាំងពីរបានបរិច្ចាគទឹកប្រាក់រហូតដល់១ម៉ឺនដុល្លារសហរដ្ឋអាម៉េរិក។ ការបរិច្ចាគនូវទឹកប្រាក់នេះគឺជូនទៅដល់មន្ទីរពេទ្យចំនួនពីរ និងថវិកាមួយផ្នែកទៀតទៅកាន់កងទ័ពដែលកំពុងការពារនៅព្រំដែនតាមរយៈលោក តាំង គីមឡេង។

នៅលើបណ្តញសង្គម Weyoung Cambodia ដែលជាក្រុមហ៊ុនរបស់អ្នកបង្កើតមាតិកា ហេង វិសាល និង ជា ស្រីនា បានប្រកាសថា «មុនបញ្ចប់កម្មវិធី Weyoung Launching Party ក៏នឹងបន្តចែករំលែកក្តីស្រឡាញ់មួយចុងក្រោយ ជាមួយកុមារកម្ពុជានិងបងៗ កងកំលាំងការពារព្រំដែនរបស់យើងដែរគឺ Weyoung នឹងបរិច្ចាកប្រាក់ចំនួន ១០០០០$។ ៨០០០$ជូនទៅកាន់មន្ទីរពេទ្យកុមារអង្គរ និងគន្ធបុប្ផា និង២០០០$ជូនទៅកាន់បងៗកងកំលាំងរបស់យើងដែលកំពុងតែការពារនៅព្រំដែនតាមរយៈបង តាំង គឹមឡេង។ ពីក្រុមការងារនិង ភ្ញៀវ Weyoung សូមជូនពរប្អូនៗ បងៗកងកំលាំង និងប្រជាជនកម្ពុជាទាំងអស់ជួបតែសេចក្តីសុខ ជោគជ័យ រីករាយ និងមានសុភមង្គល »។

ជាមួយនឹងការប្រកាសខាងលើនេះ ហេង វិសាល និង ជា ស្រីនា ក៏បានបង្ហាញពីប្រតិបត្តិការផ្ទេរប្រាក់របស់ខ្លួនទៅកាន់មន្ទីរពេទ្យគន្ធបុផ្ផាចំនួន៤០០០ដុល្លារ មន្ទីរពេទ្យកុមារអង្គរចំនួន៤០០០ដុល្លារ និង២០០០ដុល្លារទៀតទៅកាន់លោក តាំង គីមឡេង ដើម្បីជួយទៅដល់កងទ័ពកម្ពុជាដែលកំពុងបំពេញកាតព្វកិច្ចដោយសេចក្តីអង់អាចការពារទឹកដីកម្ពុជាពីសត្រូវឈ្លានពាន។

ទឹកចិត្តរបស់ម្ចាស់ក្រុមហ៊ុនវ័យក្មេងទាំងពីររូបបានធ្វើឱ្យមហាជនកោតសរសើរយ៉ាងខ្លាំង ក្នុងនោះម្តាយ ជា ស្រីនា ក៏បានបង្ហាញអារម្មណ៍រំភើបយ៉ាងខ្លាំងដែលឃើញកូននិង កូនប្រសារមានចិត្តសប្បុរសយ៉ាងនេះ។ ជារឿយៗ ហេង វិសាល និង ជា ស្រីនា តែងតែជួយបរិច្ចាគទ្រព្យសម្បត្តិផ្ទាល់ខ្លួនជួយទ្រទ្រង់ទៅដល់កន្លែងខ្វះខាតរួមវត្តអារាមមួយចំនួនផងដែរ៕

្មីៗនេះស្រីស្អាត ឡូរីន បានបញ្ចេញរូបថតជាច្រើនសន្លឹកនៅលើបណ្តាញសង្គមទាំងរូបថតជាមួយនឹង វណ្ណដា ក្នុងពេលដំណើរកម្សាន្តទៅកាន់កោះរ៉ុង។ ជាមួយនឹងការបញ្ចេញរាងក្នុងឈុតប៊ីគីនីបញ្ចេញរាងយ៉ាងស្រស់ស្អាតរបស់ខ្លួនបែរជាមានមតិថារូបរាងរបស់នាងកែកុនរហូតធ្វើឱ្យ ឡូរីន និយាយឡើងមក។

នៅក្នុងការបង្ហោះរបស់ ឡូរីន នៅគណនីបណ្តាញសង្គមរបស់ខ្លួននាពេលថ្មីៗនេះ ស្រីស្អាតរូបនេះបានរៀបរាប់ថា «Guys! ខ្ញុំហាត់ប្រាណរាប់ឆ្នាំហើយ ពេលធម្មតាអត់ទាន់ញុំាអីគឺឃើញរាងស្អាតឃើញ abs បន្ទាន់ពីញុំាហើយផឹកហើយគឺ វាណែនពោះឃើញមូលចឹងហើយ ពេលស្រកពោះក៏វាធម្មតា តាមហ្នឹង I’m also a human ណា! មិនមែនជ័រណា!នេះខ្ញុំ តែងតែចែករំលែករូបភាពខ្លះៗពេលខ្ញុំហាត់ប្រាណ និងវិធីដែល ខ្ញុំធ្វើទៅបានផលមែន, ដល់ពេលទៅឱ្យ credit លើការចាក់នេះ ចាក់នុះ កែ បូម អីហ្នឹង ខ្ញុំអន់ចិត្តខ្លាំងមែនទែន..»។

សង្សារ វណ្ណដា បានចែករំលែកទៀតថា នាងចែក រំលែកតែអីដែលជាសកម្មភាពនៅក្នុងជីវិតពិតរបស់នាងតែងតែធ្វើនិង លើកទឹកចិត្តឱ្យអ្នកទាំងអស់គ្នាខំថែខំហាត់អ្វីដែលយើងអាច កែប្រែដោយខ្លួនឯងបាន បើនាងកែកន្លែងណាមួយនាងអត់ចាំបាច់ និយាយរ៉ាយរ៉ាប់ពីវិធីនេះនេះទេ ហើយបើចឹងនាងបាន លុយsponsorទៀត (បើនាងកែកន្លែងណា១មេន) អន់ចិត្តទេ ដល់អ្នកត្រង់ជាមួយហើយគេអត់ជឿ..»។

ស្រីស្អាត ឡូរីន បានបញ្ជាក់ចុងក្រោយថា «មិនមែនអ្នកដែលអ្នកទាំងអស់គ្នាស្គាល់ ក្នុង បណ្តាញសង្គមសុទ្ធតែកែកុនគ្រប់គ្នាណា..»។

គួរឱ្យដឹងថា ការដែល ឡូរីន ចេញមកបញ្ជាក់និងសម្តែងការអន់ចិត្តបែបនេះ ដោយសារតែនាងបានបង្ហោះរូបភាពច្រើនសន្លឹករបស់ខ្លួនខណៈមានអ្នកលេងអ៊ីនធឺណិតថា នាងជាមនុស្សមានលុយ យកលុយទៅកែចាក់គូទឱ្យធំជាងខ្លួន៕

លោកស្រី អ៊ឹម សុគន្ធា មានការហួសចិត្តយ៉ាងខ្លាំងបន្ទាប់ពីបង្ហោះរូបអបអរសាទរចំពោះ ផន ស្រីពី ក្នុងការដណ្តើមជ័យជម្នះ Miss Cosmo Cambodia 2025 ប៉ុន្តែបែរត្រូវបានអ្នកលេងបណ្តាញសង្គមមួយចំនួនប្រតិកម្មរិះគន់យ៉ាងច្រើននិងចោទថាការបង្ហោះនេះគឺមានចរិតឌឺដង។ សន្ទុះការរិះគន់ថាខ្លួនមានចិត្តចង់ឌឺដង ផ្លែផ្កា ជាពស់ បានជំរុញឱ្យអតីតអ្នករៀបចំកម្មវិធីបវរកញ្ញារូបនេះបង្ហាញការខកចិត្តនិងយល់ពីសង្គមមួយនេះ។

ម៉ោង២ទៀបភ្លឺឈានចូលថ្ងៃទី៣១ ឧសភា លោកស្រី អ៊ឹម សុគន្ធា បានបង្ហោះរូបប៉ុន្មាន សន្លឹករបស់ ផន ស្រីពី ដោយសម្តែងការអបអររបស់ខ្លួនទៅកាន់នាងដែលទទួលបានជ័យ ជម្នះក្នុងការប្រកួត Miss Cosmo Cambodia 2025។ ទោះជាយ៉ាងណាការបង្ហោះរបស់ អតីតអ្នករៀបចំកម្មវិធីបវរកញ្ញារូបនេះបែរជាទទួលរងនូវមតិប្រតិកម្មយ៉ាងច្រើនពីសំណាកអ្នកលេងបណ្តាញសង្គម។ ទាំងខ្លឹមសារការស៊ែរនិងនៅផ្នែកបញ្ចេញមតិយោបល់លោកស្រី អ៊ឹម សុគន្ធា ទទួលបាននូវសម្តីថា ការបង្ហោះនេះអបអរ ស្រីពី គឺចំនួន១០% ប៉ុន្តែចង់ឌឺដង ៩០% មតិខ្លះទៀតបានហៅលោកស្រីថាជា Mommy snake ។

ក្រោយពីទទួលបាននូវសម្តីជាច្រើនក្នុងន័យមិនល្អអំពីខ្លួនលោក អ៊ឹម សុគន្ធា បានបង្ហាញសំឡេងឆាតរបស់លោកស្រីនិងស្រីពី ដោយបានរៀបរាប់ខ្លឹមសារថា
«ដល់តែចឹងមិនដឹងនិយាយអីទេ បងប្អូនខ្មែរឈប់បានឈប់ទៅ ខ្ញុំមិនមែនម្ចាស់កម្មវិធីទេ ហើយមិចបានគេបានមកុដរឺមិនបានមកុដមកទាក់ទងអីនឹងខ្ញុំដែរ…? សូមអត់យល់ទេ គ្រាន់តែពាក្យជូនពរក្មេងស្រីម្នាក់ ដែលព្យាយាមចង់ជួបខ្ញុំ ចង់បានពាក្យជូនពរពីខ្ញុំតែ ខ្ញុំគ្មានសូម្បីពេលវេលាជួបគាត់ គាត់ព្យាយាមឈរចាំមុខផ្ទះជិតម៉ោង មកទាំងមិនដឹងថា ខ្ញុំនៅផ្ទះរឺក៏អត់យកបាច់ផ្កាមកអោយ តែស្តាយមិនបានជួបគ្នា។ ហើយគាត់នៅតែព្យាយាមឆាតមក សុំពាក្យជូនពរពីខ្ញុំ… ហើយខ្ញុំផុសរូបមួយសន្លឹកនឹង ជូនពរគាត់ខ្ញុំខុសអីទៅ? និយាយអ្វីមានសុជីវធម៌ផង»។

អតីតND Miss Cosmo Cambodia 2024 រូបនេះបន្តទៀតថា «ជាហ្វេនមានគុណភាព កុំយល់តែចិត្តខ្លួនឯងកុំបង្ខំអ្នកផ្សេងធ្វើតាមអ្វីដែលខ្លួនឯងចង់បានអី រៀនមើលរៀនទទួល ស្គាល់ផង .. ក្មេងស្រីម្នាក់ដែលជាប់មកុដនោះក៏ជាឈាមជ័រជាខ្មែរ គាត់កាត់សាសន៍ណា ទេតំណាងឱ្យខ្មែរទេ ហើយខ្ញុំមិនមែនអ្នកដាក់ពិន្ទុទេ ហើយជាប់រឺមិនជាប់ តើមកពាក់ព័ន្ធអីនឹងខ្ញុំដែរ?សូមអត់យល់ ហើយសូមបញ្ជាក់: ខ្ញុំមិនសើចមិនយំ អ្នកណាគេទេ ជាប់រឺក៏ធ្លាក់គឺជាសមត្ថភាពរបស់ពួកគាត់ រឿងរបស់ពួកគាត់ មិនមែនជាប់រឺធ្លាក់ដោយសារតែផុសខ្ញុំទេ… ខ្ញុំយល់អារម្មណ៍បងប្អូន ដំបូងថាមិនចង់ផុសទេពីព្រោះតែផុសគឺបែបនេះ តែក៏អាណិតស្រីពី គ្នាសុំគ្រាន់តែពាក្យជូនពរហេតុអីខ្ញុំធ្វើមិនបាន…? បើស្រីពី គ្នាពិតជាព្យាយាមឆាតចង់បានពាក្យជូនពរពីខ្ញុំណាស់…ខ្ញុំយល់អារម្មណ៍អ្នកណាក៏ស្តាយដែរ មនុស្សយើងស្រលាញ់មិនបានសំរេចក្ដីស្រមៃពិតជាមានអារម្មណ៍ស្តាយ តែត្រូវចាំណាបើស្រលាញ់គាត់ពិត មិនបាច់ខមិននិយាយពីគេទេ ត្រូវនិយាយថាគាត់បានជាប់ក្នុងបេះដូងបងប្អូនហើយ ប៉ុណ្ណឹងគឺចប់ ហើយបើចង់និយាយអីទៀតសូមឆាតទៅកម្មវិធីទៅ សួរគាត់ទៅហេតុអីបានចឹង? »

លោកស្រី អ៊ឹម សុគន្ធា បានបន្ថែមសម្តីចុងក្រោយថា «កុំមកខាតពេលខមិនជាមួយខ្ញុំ វាអត់ប្រយោជន៍ទេ ខ្ញុំខ្លាចហើយវិស័យនេះ ខ្ញុំហត់ហើយ..មានលុយធ្វើកម្មវិធីអស់ជិត1M ចំណាយពេលវេលា2ឆ្នាំ ហើយបានមកវិញពីហ្វេនតែពាក្យមកគឺ….ហ៊ីហ៊ឺ អរគុណហ្វេនៗណាស់ដែលឱ្យខ្ញុំយល់ពីសង្គមមួយនេះ»។

គួរបញ្ជាក់ផងដែរថា ការដែលអ្នកលេង បណ្តាញសង្គមបញ្ចេញមតិប្រតិកម្មដាក់លោកស្រី អ៊ឹម សុគន្ធា បែបនេះទំនងកើតឡើងដោយសារតែកន្លងមកនេះលោកស្រីធ្លាប់បាន បង្ហាញការមិនពេញចិត្តបន្ទាប់ពី ប៊ី សុធារី លេចមុខនៅក្នុងការប្រកួត Miss Cosmo Cambodia 2025 ដោយមិនសុំការអនុញ្ញាតហើយកុងត្រាក៏នៅមិនទាន់ផុត៕