ប្រទេសកូរ៉េខាងត្បូង ៖ រដ្ឋាភិបាលកូរ៉េខាងត្បូងបានបង្កើតច្បាប់ថ្មីពុំអនុញ្ញាតឱ្យកូនសិស្សកម្រិតបឋមសិក្សា មធ្យមសិក្សា និងវិទ្យាល័យលេងទូរស័ព្ទដៃ និងឧបករណ៍អេឡិចត្រូនិកផ្សេងៗពេលកំពុងរៀនក្នុងថ្នាក់ ហើយច្បាប់នេះនឹងអនុវត្តចាប់ពីខែមីនា ឆ្នាំ២០២៦ ។ បន្ទាប់មក នឹងមានការហាមឃាត់កូនសិស្សលេងទូរស័ព្ទនៅបរិវេណខាងក្រៅថ្នាក់រៀនផងដែរ ។ នេះបើតាមការផ្សព្វផ្សាយរបស់សារព័ត៌មានបរទេសកាលពីថ្ងៃទី៩ ខែកក្កដា ឆ្នាំ២០២៥ ។

ការបង្កើតច្បាប់ហាមកូនសិស្សលេងទូរស័ព្ទក្នុងថ្នាក់រៀនកើតឡើងដោយសារគ្រូបង្រៀន និងអាណាព្យាបាលសិស្សបារម្ភពីផលប៉ះពាល់ដោយសារទូរស័ព្ទស្មាតហ្វូនរំខានអារម្មណ៍កូនសិស្ស និងប៉ះពាល់លទ្ធផលការសិក្សា ។ មតិគាំទ្រការហាមឃាត់កូនសិស្សលេងទូរស័ព្ទក្នុងថ្នាក់រៀន យល់ឃើញថា ការរឹតបន្តឹងប្រើប្រាស់ទូរស័ព្ទនឹងជួយឱ្យកូនសិស្សផ្តោតអារម្មណ៍លើការសិក្សា បង្កើនទំនាក់ទំនងជាមួយមិត្តភក្តិ និងកាត់បន្ថយបញ្ហាការមើលងាយក្នុងបណ្តាញសង្គម ។ ប៉ុន្តែមតិពុំគាំទ្របានសួរពីប្រសិទ្ធភាពការអនុវត្តច្បាប់ និងផលប៉ះពាល់រយៈពេលយូរ ។

គណៈកម្មការអប់រំរបស់សភាកូរ៉េខាងត្បូងបានអនុម័តវិសោធនកម្មច្បាប់អប់រំកម្រិតបឋមសិក្សា និងមធ្យមសិក្សា ដើម្បីបង្កើតគោលការណ៍រឹតបន្តឹងការប្រើប្រាស់ទូរស័ព្ទស្មាតហ្វូននៅសាលារៀន ។ ទោះជាក្រសួងអប់រំណែនាំឱ្យរឹតបន្តឹងការប្រើប្រាស់ទូរស័ព្ទស្មាតហ្វូននៅសាលារៀន តាំងពីខែកញ្ញា ឆ្នាំ២០២៣ ប៉ុន្តែការធ្វើវិសោធនកម្មច្បាប់លើកនេះនឹងបង្កើនទម្ងន់ផ្លូវច្បាប់ឈានទៅអនុវត្តជាក់ស្តែង ។

តាមសេចក្តីព្រាងច្បាប់នេះ គឺកូនសិស្សគ្រប់កម្រិតនឹងត្រូវហាមឃាត់ប្រើប្រាស់ទូរស័ព្ទស្មាតហ្វូនពេលកំពុងរៀន លើកលែងតែករណីមួយចំនួន ដូចជា ៖ កូនសិស្សមានតម្រូវការពិសេស ឬចាំបាច់ត្រូវប្រើប្រាស់ទូរស័ព្ទស្មាតហ្វូនសម្រាប់ការសិក្សា ឬមានហេតុការណ៍បន្ទាន់ ។

ក្រៅពីនេះ សាលារៀនក៏អាចហាមឃាត់ការប្រើប្រាស់ទូរស័ព្ទស្មាតហ្វូននៅក្រៅថ្នាក់រៀនផងដែរ ឱ្យតែកូនសិស្សស្ថិតនៅបរិវេណសាលារៀន ។ គ្រូបង្រៀននឹងមានអំណាចគ្រប់គ្រងការប្រើប្រាស់ឧបករណ៍អេឡិចត្រូនិក ករណីគ្រូចាំបាច់ត្រូវរក្សាបរិយាកាសការរៀនសូត្រ ។ សេចក្តីព្រាងច្បាប់នេះទទួលបានការគាំទ្រពីគណបក្សនយោបាយធំៗទាំង២ ហើយរំពឹងថា រដ្ឋសភានឹងអនុម័តនៅខែសីហា ខាងមុខ ៕

ករណីគួរឲ្យភ្ញាក់ផ្អើលបំផុត ប្ដីប្រពន្ធ1គូភ័យស្ទើគ្រុន ទិញប៊ូសស្រ្តង ត្រូវរង្វាន់ធំ តែបែជាច្រលំកាត់កំប៉ុងមើលមុនក្រុមហ៊ុនចុះមកពិនិត្យ ដោយមិនដឹងថាក្រុមហ៊ុនហាមដាច់ខាតមិនឲ្យកាត់កំប៉ុងបែបនេះឡើយ គឺខុសគោលការណ៍។

ប្ដីប្រពន្ធ1គូនេះ ប្ដីឈ្មោះ ណឹម សំណាង និងប្រពន្ធឈ្មោះ សយ ចេស្នា ធ្វើការរោងចក្រ ត្រូវរង្វាន់ប្រពន្ធល្អ 888$គុណ2 ស្មើទឹកប្រាក់ 1776$ នៅខណ្ឌដង្កោ រាជធានីភ្នំពេញ។ ពួកគាត់ត្រេកអរខ្លាំងពេកក៏បានកាត់កំប៉ុងដើម្បីពិនិត្យមើលឲ្យច្បាស់ ធ្វើឲ្យអ្នកជិតខាងភ័យជំនួសខ្លាចខុសគោលការណ៍ក្រុមហ៊ុន គេមិនបើករង្វាន់ជូន។ ពួកគាត់ភ័យផង អរផង ខលមកក្រុមហ៊ុនដើម្បីសួរនាំ ទើបសប្បាយចិត្តវិញ គឺក្រុមហ៊ុនប៊ូសស្រ្តង អនុគ្រោះ និងចុះត្រួតពិនិត្យក្រវិលកំប៉ុងម្ដងទៀតដើម្បីបើករង្វាន់ជូន។

ប៊ូសស្រ្តង រង្វាន់ច្រើន ឆ្ងាញ់ជាងគេ!

ប្រទេសថៃ ៖ នៅថ្ងៃទី១០ ខែកក្កដា ឆ្នាំ២០២៥ សារព័ត៌មាន Thairath រាយការណ៍ថា រដ្ឋាភិបាលថៃនឹងលុបបំបាត់ឧក្រិដ្ឋ.កម្មឆ្លងដែននៅកម្ពុជាឱ្យអស់ ក្រោយពីតុលាការថៃចេញដីកាឱ្យសមត្ថកិច្ច Cyber ចាប់ខ្លួនលោកឧកញ៉ា កុក អាន ហើយរដ្ឋាភិបាលថៃនៅតែបន្តអនុវត្តគោលនយោបាយកាត់ផ្តាច់អគ្គិសនី ទឹក អ៊ីនធើរណេត និងប្រេងឥន្ធនៈដើម្បីកម្ចា.ត់ឧក្រិដ្ឋ.កម្មឆ្លងដែន ព្រមទាំងប្រាប់ទៅប្រទេសនានាថា កម្ពុជា ជាទីតាំងឧក្រិដ្ឋ.កម្មឆ្លងដែនដ៏ធំលើពិភពលោកដើម្បីរួមគ្នាទប់ស្កាត់ ។

លោក ជិរ៉ាយុ ហួងសាប់ អ្នកនាំពាក្យទីស្តីការនាយករដ្ឋមន្ត្រីថៃ បាននិយាយនៅថ្ងៃទី១០ ខែកក្កដា ថា រដ្ឋាភិបាលថៃបានទទួលរបាយការណ៍ពីមេបញ្ជាការស៊ើបអង្កេតបទល្មើសបច្ចេកវិទ្យាពីការស៊ើបអង្កេតយ៉ាងយកចិត្តទុកដាក់ ដោយចាប់ខ្លួនក្រុមឧក្រិដ្ឋកម្មឆ្លងដែន និងអ្នកនៅពីក្រោយខ្នងជាបន្តបន្ទាប់ ។ ថ្មីៗនេះ សមត្ថកិច្ច Cyber បានទទួលដីកាពីតុលាការឱ្យចាប់ខ្លួនលោកឧកញ៉ា កុក អាន សញ្ជាតិខ្មែរ ពីបទពាក់ព័ន្ធនឹងឧក្រិដ្ឋកម្មឆ្លងដែន បោកប្រាស់ពលរដ្ឋថៃ និងជនបរទេសទូទាំងពិភពលោក ។

សមត្ថកិច្ចបានឆ្មក់ឆែកឆេរទីតាំង១៩កន្លែង នៅទីក្រុងបាងកក ខេត្តសមុទ្រប្រាកាន និងខេត្តឈុនបុរី បណ្តាញរបស់លោក កុក អាន ជាម្ចាស់ Crown Casina Resort អគារកម្ពស់២៥ជាន់, អគារ១៨ជាន់ និងអគារ Hiso ដោយចោទប្រកាន់ថា ជាទីតាំងឧក្រិដ្ឋកម្មឆ្លងដែនដ៏ធំស្ថិតនៅទីក្រុងប៉ោយប៉ែត ទល់មុខស្រុកអារញ្ញប្រាថេត ខេត្តស្រះកែវ ។

សមត្ថកិច្ចគ្រប់ជាន់ថ្នាក់បានអនុវត្តគោលនយោបាយតាមការបញ្ជារបស់នាយករដ្ឋមន្ត្រីតាំងពី៣ខែមុន ឱ្យចាប់ខ្លួនក្រុមពាក់ព័ន្ធនឹងឧក្រិដ្ឋកម្មឆ្លងដែន និងអ្នកនៅពីក្រោយខ្នង ។ សមត្ថកិច្ចក៏ទទួលបានសេចក្តីរាយការណ៍នៅមានឧក្រិដ្ឋកម្មឆ្លងដែនជាច្រើនក្រុមទៀតដែលបោកប្រាស់ពលរដ្ឋតាមវិធីដដែលៗ និងការផ្ញើសារ SMS មកជនរងគ្រោះ ។ រដ្ឋាភិបាលនឹងអនុវត្តគោលនយោបាយបង្ក្រាបបទល្មើសបន្តទៀត ហើយរំពឹងថា នៅខែកក្កដា ឆ្នាំ២០២៥នេះ នឹងអាចបង្ក្រាបបទល្មើសកាន់តែច្រើន ។

រដ្ឋាភិបាលថៃនៅតែបន្តអនុវត្តគោលនយោបាយកាត់ផ្តាច់អគ្គិសនី ទឹក និងបណ្តាញអ៊ីនធើរណេតដើម្បីទប់ស្កាត់ក្រុមឧក្រិដ្ឋកម្មទាំងនេះ ហើយរដ្ឋាភិបាលនឹងប្រាប់ទៅប្រទេសទាំងអស់ថា កម្ពុជា ជាទីតាំងឧក្រិដ្ឋកម្មឆ្លងដែនដ៏ធំលើពិភពលោកដើម្បីរួមគ្នាទប់ស្កាត់ ។ នេះបើតាមលោក ជិរ៉ាយុ ហួងសាប់ អ្នកនាំពាក្យទីស្តីការនាយករដ្ឋមន្ត្រីថៃ ។

គួរបញ្ជាក់ថា រដ្ឋាភិបាលថៃតែងតែព្យាយាមលាបពណ៌កម្ពុជាម្តងហើយម្តងទៀតថា កម្ពុជា ជាទីតាំងឧក្រិដ្ឋកម្មឆ្លងដែនដ៏ធំលើពិភពលោក ប៉ុន្តែរដ្ឋាភិបាលថៃពុំដឹងថា ថៃជាទីតាំងឧក្រិដ្ឋកម្មឆ្លងដែនទេ ។ ថៃ គឺជាទីតាំងឧក្រិដ្ឋកម្មឆ្លងដែន និងការឆបោកអនឡាញដ៏ធំ ដែលជនខិលខូចតែងតែបោកប្រាស់តារាសម្តែងចិនជាបន្តបន្ទាប់ឱ្យមកថៃ រួចបញ្ជូនទៅមីយ៉ាន់ម៉ា រហូតធ្វើឱ្យភ្ញៀវទេសចរចិនខ្លាចពុំហ៊ានមកលេងថៃ ។ រីឯថៃពង្រឹងបិទច្រកព្រំដែនជាមួយកម្ពុជា គឺជាវិធានការកុំឱ្យឧក្រិដ្ឋកម្មបច្ចេកវិទ្យា និងចែកចាយគ្រឿងញៀនឆ្លងដែនពីថៃចូលមកកម្ពុជា ៕

វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានព្រមា.នពាក់ព័ន្ធនឹងអត្រាពន្ធថ្មីថា ប្រទេសណាដែលអនុវត្តគោលនយោបាយ ឬស្របតាមគោលការណ៍របស់ BRICS ដែលប្រឆាំងនឹងផលប្រយោជន៍របស់សហរដ្ឋអាមេរិក នឹងត្រូវទទួលពន្ធបន្ថែម 10% ពីលើពន្ធដែលបានកំណត់រួច។

យោងតាមសារព័តមាន BBC នាថ្ងៃអង្គារ ទី៨ ខែកក្កដា ឆ្នាំ ២០២៥ បានឲ្យដឹងថា លោក Trump បានសរសេរនៅលើប្រព័ន្ធផ្សព្វផ្សាយសង្គមថា “ប្រទេសណាមួយដែលសម្របខ្លួនជាមួយនឹងគោលនយោបាយប្រឆាំងអាមេរិករបស់ BRICS នឹងត្រូវបានគិតពន្ធបន្ថែម 10% ។ វានឹងមិនមានការលើកលែងចំពោះគោលនយោបាយនេះដាច់ខាត” ។

គួរជម្រាបថា BRICS គឺជាប្លុកប្រទេសដែលមានស្ថាបនិកដូចជា ប្រទេសប្រេហ្ស៊ីល, ប្រទេសរុស្ស៊ី, ប្រទេសឥណ្ឌា, ប្រទេសចិន និងអាហ្រ្វិកខាងត្បូង រួមទាំងសមាជិកដទៃផ្សេងទៀតរួមមាន៖ អារ៉ាប៊ីសាអូឌីត អេហ្ស៊ីប អារ៉ាប់រួម អេត្យូពី ឥណ្ឌូនេស៊ី និងអ៊ីរ៉ង់ ដែលបានពួតដៃគ្នាបង្កើតជាវេទិកាសម្របសម្រួលនយោបាយ និងការទូតសម្រាប់បណ្ដាប្រទេសមកពីតំបន់លោកខាងត្បូង (Global South)។

លោក Trump បានរិះគន់អង្គការ BRICS ជាយូរយារមកហើយ ជាពិសេសទៅលើសមាជិកអង្គការរួមមាន ចិន រុស្ស៊ី និងឥណ្ឌា ដែលតែងព្យាយាមបង្កើតគោលនយោបាយប្រឆាំងនឹងសហរដ្ឋអាមេរិក។

ជាមួយគ្នានេះ សហរដ្ឋអាមេរិកបានដាក់កាលកំណត់ត្រឹមថ្ងៃទី 9 ខែកក្កដា សម្រាប់ប្រទេសនានាដែលបានយល់ព្រមលើកិច្ចព្រមព្រៀងពាណិជ្ជកម្មជាមួយអាមេរិក និងបញ្ជាក់ថាពន្ធថ្មីដែលបានកំណត់នឹងចូលជាធរមានចាប់ពីថ្ងៃទី 1 ខែសីហា តទៅ។ លោក Trump បាននិយាយថាលោកនឹងដាក់លិខិតទៅកាន់ប្រទេសទាំងនោះ ហើយប្រាប់ពួកគេថាតើអត្រាពន្ធនឹងទៅជាយ៉ាងណា ប្រសិនបើកិច្ចព្រមព្រៀងរវាងប្រទេសពួកគេនិងអាមេរិកមិនត្រូវបានសម្រេច។

គួររំលឹកផងដែរថា ចាប់តាំងពីចូលកាន់តំណែងនៅដើមឆ្នាំនេះមក លោក Donald Trump បានប្រកាសពន្ធនាំចូលអាមេរិកជាបន្តបន្ទាប់លើទំនិញពីប្រទេសផ្សេងៗ ដោយលើកហេតុផលថា ពួកគេនឹងជំរុញការផលិតក្នុងស្រុក និងការពារការងារពលរដ្ឋរបស់អាមេរិក ៕