តារាចម្រៀង សួស វីសា បានកោតសរសើរប្តីរបស់ខ្លួនគឺលោក ថមមី ដែលមានតួនាទីជាមន្រ្តីរាជការក្រៅពីអាជីពសិល្បៈនិងអ្នកជំនួញថាជាមនុស្សដែលអាចរកលុយបានរាប់លានដុល្លារគ្រាន់តែប្រើខួរក្បាលនិងអត្តចរិតសប្បាយៗ។ តារាចម្រៀងរូបនេះថាប្តីរបស់នាងជាមនុស្សសាមញ្ញៗតែមិនសាមញ្ញ។
តារាចម្រៀង សួស វីសា បានបាត់មុខលើឆាកតន្រ្តីមួយរយៈមកហើយដោយតារាចម្រៀងរូបនេះសម្រាលកូនទី២ និងបន្តការលក់អនឡាញជាមួយនឹងលោក ថមមី ។ អ្នកទាំងពីរត្រូវបានទស្សនិកជនសម្គាល់ថាជាអ្នកលក់អនឡាញដោយប្រើការកំប្លែងៗរបស់ខ្លួនលក់ដូរមិនដូចជាអ្នកលក់អនឡាញមួយចំនួនប្រើវិធីសាស្រ្តមិនល្អហែកហួរដើម្បីឱ្យលក់ដូរដាច់នោះទេ។
មិនសូវជាសរសើរប្តីជាសាធារណៈស្រាប់តែថ្មីៗនេះ សួស វីសា បានពោលសរសើរលោក ថមមី ថាជាមនុស្សពូកែរកលុយ។ នៅយប់ថ្ងៃទី៩ កក្កដា អ្នកនាង វីសា បានបង្ហោះរូបមួយសន្លឹកហើយបានរៀបរាប់ថា «បងប្អូនជឿអត់ មនុស្សម្នាក់សោះអាចរកលុយបាន រាប់រយរាប់ពាន់ រាប់លានដុល្លារបាន គ្រាន់តែប្រើខួរក្បាលនិងអត្តចរិតសប្បាយៗតែប៉ុណ្ណោះ ។ នេះគេហៅថាផ្នត់គំនិត មនុស្ស លើមនុស្សគឺប្តីខ្ញុំសាមញ្ញៗតែមិនសាមញ្ញ អ្នកដឹងបានដឹង ម្នាក់នេះប៉ិនណាស់ ស្រុកខ្មែរឱ្យអូយ សូមសរសើរគាត់ មិនចេះទាល់»។
ពាក្យសម្តីខាងលើនេះរបស់តារាចម្រៀង សួស វីសា ទៅកាន់លោក ថមមី សូម្បីតែតារាសម្តែង ចន ច័ន្ទលក្ខិណា ក៏បានចូលខម្មិនព្រោះតែទើបឃើញ វីសា សរសើរប្តីរបស់ខ្លួន។
គួរបញ្ជាក់ផងដែរថា សួស វីសា និង លោក ថមមី នៅពេលបច្ចុប្បន្ននេះគឺមាន កូនចំនួនពីរនាក់ស្រីមួយប្រុសមួយ ហើយការរកស៊ីរបស់អ្នកទាំងពីរក៏កាក់កបផងដែរ៕
