គណនីទិកតុករបស់អ្នកនាង ជីមមី ដែលមានអ្នកតាមដានជាង២លាននាក់ត្រូវបានលុបចោលបន្ទាប់ពីលេង Trend ពុទ្ធិសែននាងកង្រី ។ ករណីនេះ ជីមមី បាននិយាយថា ដោយសារតែមានមនុស្សមួយក្រុមធំធ្វើការ Report ទិកតុកហើយទស្សនិកជនភាគច្រើនគិតថាគ្មានអ្នកណាក្រៅពីផ្ទះលេខ២នោះទេ។

កាលពីល្ងាចថ្ងៃទី២៣ កក្កដា អ្នកនាង ជីមមី បានបង្ហោះវីដេអូមួយដែលមានរយៈពេល៧នាទី ដោយភ្ជាប់មកជាមួយនឹងចំណងជើងថា «យើងមានជំរើសតែ២គត់គឺ ព្រមអោយគេជាន់ និង ព្យាយាមងើបឡើងវិញ , ខ្ញុំត្រូវការអ្នកទាំងអស់គ្នាពីព្រោះកំលាំងខ្ញុំម្នាក់ឯង មិនអាចឈ្នះទេ តែបើយើងទាំងអស់គ្នាធ្វើព្រមគ្នា យើងអាចនឹងឈ្នះ»។ ក្នុងវីដេអូនេះអ្នកនាង ជីមមី បានឱ្យដឹងថាការគណនីទិកតុករបស់ខ្លួនត្រូវបានលុបចោលដោយសារតែមានមនុស្សមួយក្រុមធំធ្វើការ Report ទៅទិកតុកដោយថាការReport នោះគឺក្នុងចេតនា វីដេអូរបស់នាងជាការក្លែងបន្លំអរិយធម៌ ក្លែងបន្លំប្រវត្តិសាស្រ្តហើយយករឿងប្រទេសដទៃមកធ្វើជារបស់ខ្លួនទាំងមិនមែនជាការពិត។

អ្នកជំនួញអនឡាញរូបនេះបានបន្តទៀតថា ការលេង Trend របស់ទៅលើអក្សរសិល្ប៍ ពុទ្ធិសែននាងកង្រី គឹមានចេតនាបង្ហាញពីមោទនភាពជាតិ បង្ហាញពីទេពកោសល្យរបស់ខ្មែរដែលមានការអាប់ដេតឡើងពីមួយជំនាន់ទៅមួយជំនាន់ និងសំលៀកបំពាក់ដ៏ស្រស់ស្អាត រួមទាំងរឿងពេ្រងនិទាន។

អ្នកនាង ជីមមី ថាការចេញវីដេអូនេះគឺខ្លួនអ្នកនាងមានការខកបំណងយ៉ាងខ្លាំងដោយគ្រាន់តែបង្ហាញពីកិត្តិយសនៃឬសគល់របស់ខ្លួនត្រូវទទួលរងការចោទប្រកាន់យ៉ាងអយុត្តិធម៌។ អ្នកនាង ជីមមី ថាបន្ទាប់ពីទិកតុករបស់ខ្លួនត្រូវបានលុបចោលក្រុម IT របស់អ្នកនាងគឺបានស្វិតស្វាញយ៉ាងខ្លាំងដើម្បីទាញយកត្រឡប់មកវិញប៉ុន្តែដោយសារតែការ Report មានចំនួនច្រើនទើបអ្នកនាងស្នើសុំកម្លាំងបងប្អូនខ្មែរជួយគ្នា។

ពិធីការិនីដ៏មានប្រជាប្រិយភាពរូបនេះបានលើកឡើងទៀតថា ទោះបីជាទិកតុក បេនអាខោននាងក្តីប៉ុន្តែ ប្រវត្តិសាស្រ្តពិតនិងសំឡេងប្រជាជាតិនាងគ្មានថ្ងៃអាចលុបបាននោះទេ។

គួរបញ្ជាក់ផងដែរថា នៅថ្ងៃទី១៨ ខែកក្កដា អ្នកនាង Jimmy Meng បានបង្ហាញវីដេអូថ្មីមួយពីការលេង Trend ចេញពីរឿងព្រេង ពុទ្ធិសែននាងកង្រី ដោយមានស្វាមីរបស់អ្នកនាង ផេនខេក និងអ្នកផ្សេងទៀតចូលរួមជាច្រើននាក់។ ដ្បិតត្រឹមតែរយៈពេល១នាទី ២៤វិនាទីក្តី ប៉ុន្តែវីដេអូនេះបានធ្វើឱ្យមហាជនចាប់អារម្មណ៍យ៉ាងខ្លាំងព្រោះប្រៀបដូចជាបង្ហាញខ្សែភាពយន្តមួយបាត់ទៅហើយ។

ក្នុងវីដេអូនេះមានទាំងតួអង្គនាងទាំង១២ នាងកង្រី យក្ខិនី ពុទ្ធិសែន រួមទាំងតាឥសី ជាដើម។ នៅចុងបញ្ចប់វីដេអូ ជីមមី ក៏បានបង្ហាញរូបភាពភ្នំកង្រី នៅខេត្តកំពង់ឆ្នាំងផងដែរ។ ទម្រាំនឹងចេញសមិទ្ធផល Trend ពុទ្ធិសែននាងកង្រី អ្នកនាង Jimmy បានបង្ហាញថាចំណាយពេល៣៦ម៉ោងទាំងថតទាំងកាត់បូករួមជាមួយនឹងក្រុមការងារជិត ៤០ជីវិតមកធ្វើការងារនេះរួមគ្នា៕

Jennie សមាជិក BLACKPINK គឺជាតារាស្រីដែលមានបទចម្រៀង K-pop ឈានដល់ចំណាត់ថ្នាក់លេខ១នៅលើ Billboard ក្នុងឆ្នាំ២០២៥ រហូតមកដល់ពេលនេះ។ នាងទើបតែបង្ហាញមុខលើក្របទស្សនាវដ្តី Elle Korea ប្រចាំខែសីហា ដោយបាននិយាយទំលាប់ដែលនាងចូលចិត្តរួមទាំងនិយាពីក្រុម BLACKPINK ផងដែរ។

កម្រងរូបភាពថត របស់តារាចម្រៀងរូបនេះក្នុងនាមជាទូតសុឆ្ឆនៈម៉ាក Chanel ដោយពាក់ម៉ូតពីការប្រមូលសំលៀកបំពាក់មុនរដូវស្លឹកឈើជ្រុះឆ្នាំ២០២៥ បង្ហាញក្នុងទស្សនាវដ្តី ។ ក្រឡេកមើលជីវិតបច្ចុប្បន្នរបស់នាងវិញ Jennie បានចែករំលែកថា៖ «ពេលដែលខ្ញុំចូលចិត្តគឺភ្ញាក់ពីគេងយប់ជ្រៅនៅផ្ទះ សម្រាក និងបើកបង្អួចមើលមេឃ។ វាជាពេលដ៏ស្ងប់ស្ងាត់និងកក់ក្តៅដែលខ្ញុំស្រលាញ់»។

Jennie បានចែករំលែកអំពីរបៀបដែលការធ្វើដំណើរទោលរបស់នាងបានជួយនាងឱ្យ រីកចម្រើន។ Jennie បាននិយាយថា «ក្នុងអំឡុងពេលដំណើរការបង្កើតអាល់ប៊ុម Ruby ខ្ញុំបានជំរុញខ្លួនឯងឱ្យយកឈ្នះលើបញ្ហាប្រឈម និងកំហុស។ ខ្ញុំកាន់តែរឹងមាំ ហើយសមាជិកផ្សេងទៀតក៏ធ្វើដូចគ្នាដែរ តាមរយៈដំណើរផ្ទាល់ខ្លួនរបស់ពួកគេ។ Blackpink បានជួបជុំគ្នាជាក្រុមដែលមានភាពចាស់ទុំ និងការយល់ដឹងកាន់តែច្រើន»។

និយាយអំពីបទចម្រៀងដែលមានចំណងជើងថា «Like Jennie» សមាជិក BLACKPINK រូបនេះបានចែករំលែកថា «នៅក្នុងបទចម្រៀងនេះ Jennie គ្រាន់តែជារូបតំណាង។ អ្នកណាដែលច្រៀងបទនេះគួរតែមានអារម្មណ៍ថាមានថាមពល និងស្រលាញ់ខ្លួនឯងតាមវិធីផ្ទាល់ខ្លួនរបស់ខ្ញុំ។ ខ្ញុំបង្កើតវាឡើងដោយសង្ឃឹមថាវានឹងនាំមកនូវទំនុកចិត្ត មិនត្រឹមតែចំពោះអ្នកដទៃប៉ុណ្ណោះទេ ប៉ុន្តែសម្រាប់ខ្លួនខ្ញុំផ្ទាល់ផងដែរ»។

«Like Jennie» ថ្មីៗនេះបានជាប់ចំណាត់ថ្នាក់លេខ ១នៅលើតារាង Billboard នៃ «The 25 Best K-Pop Songs of 2025 (So Far)»។ លើសពីនេះ បទចម្រៀងនេះបានឡើងដល់លេខ ៨៣ នៅលើតារាង Billboard Hot 100 អស់រយៈពេល ១១សប្តាហ៍នៅលើ Pop Airplay ហើយបានវ៉ាដាច់បទចម្រៀងជាភាសាអង់គ្លេសរបស់នាង Mantra នៅលើតារាងវិទ្យុកំពូល ៤០ របស់សហរដ្ឋអាម៉េរិក ដែលបង្ហាញពីភាពលេចធ្លោដ៏កម្រសម្រាប់បទចម្រៀងកូរ៉េ៕

បន្ទាប់ពីមានការចោទប្រកាន់ថាមានជីវិតឯកជនដ៏ច្របូកច្របល់និងបោកប្រាស់អតីតគូស្នេហ៍របស់ខ្លួនតារាប្រុស Ziyu ដែលទើបមានប្រជាប្រិយភាពតាមរយៈរឿង BL ចេញមកសារភាពនិងសូមទោសជាសាធារណៈរួមទាំងផ្អាកការងារ។

ថ្មីៗនេះ Ziyu ត្រូវបានគេលាតត្រដាងពីជីវិតឯកជនដ៏ច្របូកច្របល់របស់ខ្លួនហើយត្រូវបានចាប់ចូលក្នុងរឿងអាស្រូវបោកប្រាស់។ មានអត្ថបទវែងមួយបានបង្ហោះនៅលើវេទិកាសង្គម ដោយចោទប្រកាន់ថាអ្នកទាំងពីរបានចាប់ផ្តើមមានទំនាក់ទំនងស្នេហានៅចុងឆ្នាំ ២០២៣។ ក្នុងអំឡុងពេលនេះ បុរសរូបនេះមិនត្រឹមតែមានទំនាក់ទំនងស្នេហាជាមួយអតីតមិត្តស្រីប៉ុណ្ណោះទេ ថែមទាំងបានប្រើអំពើហិង្សាត្រជាក់ម្តងហើយម្តងទៀតលើនាង ដែលបណ្តាលឱ្យមានរបួសផ្លូវចិត្ត ។ ក្រោយមក Ziyu បានចេញសេចក្តីថ្លែងការណ៍សូមទោស ដោយបានសារភាពថាបានធ្វើអ្វីមួយខុស ហើយបានប្រកាសថាអាជីពសម្តែងរបស់ខ្លួននឹងត្រូវបានផ្អាក។

Paris Lii បានបញ្ចេញរូបថតអេក្រង់ និងរូបថតដែលគេសង្ស័យថា ជជែកគ្នាលេងជាច្រើនរបស់នាង និង Ziyu ដោយបញ្ជាក់ថា ពួកគេធ្លាប់មានទំនាក់ទំនងជិតស្និទ្ធិ និងបានចោទប្រកាន់ Ziyu ថាមានទំនាក់ទំនងមិនច្បាស់លាស់ជាមួយនារីម្នាក់ទៀតអំឡុងពេលទំនាក់ទំនងរបស់ពួកគេ ដែលវាស្មើនឹងការបោកប្រាស់។ នាងក៏បាននិយាយផងដែរថា នាងត្រូវបានក្រុមរបស់ Ziyu ដាក់សម្ពាធ មិនឱ្យបង្ហាញទំនាក់ទំនងរបស់ពួកគេជាសាធារណៈ បើមិនដូច្នេះទេ ពួកគេនឹងទទួលផលផ្លូវច្បាប់។ ឧបទ្ទវហេតុនេះបានក្លាយជាប្រធានបទដ៏ក្តៅគគុកយ៉ាងឆាប់រហ័សនៅលើ Weibo និងបណ្តាញសង្គមធំៗ ហើយស្លាកពាក់ព័ន្ធថែមទាំងក្លាយជាការស្វែងរកដ៏ក្តៅគគុកទាក់ទាញអ្នកលេងអ៊ីនធឺណិតមួយចំនួនធំឱ្យរិះគន់។

នៅពេលដែលភាពចម្រូងចម្រាសបានរីករាលដាល Ziyu បានចេញសូមទោសកាលពីយប់ថ្ងៃទី២៣ កក្កដា ដោយនិយាយថាលោកពិតជាបានបង្កគ្រោះថ្នាក់ដល់ភាគីម្ខាងទៀតក្នុងទំនាក់ទំនងដោយសារតែសម្ពាធការងារនិងការគ្រប់គ្រងអារម្មណ៍មិនត្រឹមត្រូវ។ តារាប្រុស BL រូបនេះបានសារភាពថា ខ្លួនបានគេចមិនអើពើនឹងស្ថានភាពនេះ ហើយបង្កគ្រោះថ្នាក់ដល់ស្ត្រីរូបនេះ ។ Ziyu បានសង្កត់ធ្ងន់ថា លោកនឹងផ្អាកការងារ «ខ្ញុំទទួលស្គាល់ថា ក្នុងរយៈពេលកន្លងមក ដោយសារកាលវិភាគការងារតឹងតែង និងសម្ពាធខ្លាំង ហើយការដោះស្រាយបញ្ហាផ្លូវចិត្ត និងផ្ទាល់ខ្លួនមិនសមរម្យរបស់ខ្ញុំ មានបញ្ហាទំនាក់ទំនងធ្ងន់ធ្ងរ ដែលធ្វើឱ្យអ្នកពិបាករកខ្ញុំ។ នេះជាកំហុសរបស់ខ្ញុំ។ ខ្ញុំគួរតែរកវិធីដោះស្រាយឱ្យបានល្អជាងនេះ ដើម្បីទំនាក់ទំនងល្អជាមួយអ្នក»។

Zi Yu ក៏បានលើកឡើងផងដែរថា «បន្ថែមពីលើការងារដែលកំពុងដំណើរការរួចហើយ ខ្ញុំនឹងផ្អាកការងារសាធារណៈមួយរយៈពេល ឆ្លុះបញ្ចាំងយ៉ាងម៉ត់ចត់ កែសម្រួលស្ថានភាពរបស់ខ្ញុំ រៀនពីរបៀបធ្វើឱ្យមានតុល្យភាពការងារ និងជីវិតកាន់តែប្រសើរ និងរបៀបដោះស្រាយទំនាក់ទំនងរវាងបុគ្គលកាន់តែចាស់ទុំ»។ជាចុងក្រោយ ខ្ញុំសូមធ្វើការសុំទោសយ៉ាងជ្រាលជ្រៅចំពោះនាងម្តងទៀត។ ខ្ញុំក៏សូមថ្លែងការសោកស្ដាយចំពោះអ្នកគាំទ្រ មិត្តភ័ក្តិ និងអ្នកដែលខ្វល់ខ្វាយពីរូបខ្ញុំ និងអ្នកទាំងអស់គ្នាដែលមានការព្រួយបារម្ភអំពីបញ្ហានេះ។ ខ្ញុំនឹងខិតខំធ្វើការកែតម្រូវ ហើយចាប់ផ្តើមឡើងវិញ។ អរគុណអ្នកទាំងអស់គ្នា»៕