កញ្ញា អ៊ិន លក្ខិណា Miss Cosmo Cambodia 2024 បានបង្ហោះសារខ្លីៗបង្កប់អត្ថន័យជាច្រើនបណ្តាលឱ្យអ្នកគាំទ្រវិស័យបវរកញ្ញាមានការភ្ញាក់ផ្អើលនិងកាន់តែចង់ដឹងបន្ថែមទៀតតើ លក្ខិណា បានជួបរឿងរ៉ាវអ្វីខ្លះជាមួយនឹងសិស្សច្បង។

ក្រៅអំពីការខ្នះខ្នែងជួយដល់កងទ័ពជួរមុខនិងជនភៀសសឹក រួមទាំងស្ថានភាពស្ងប់ស្ងាត់នៅតាមបន្ទាត់ព្រំដែនបន្ទាប់ពីមានបទឈប់បាញ់រវាងកម្ពុជា-ថៃ គេបានឃើញបវរកញ្ញា អ៊ិន លក្ខិណា Miss Cosmo Cambodia 2024 ដែលកំពុងមានប្រជាប្រិយភាពបានបង្ហោះសំណេរប្លែកៗបង្កប់អត្ថន័យស៊ីជម្រៅជាច្រើន។

នៅថ្ងៃទី២៨ កក្កដា លក្ខិណា ស្រាប់តែបង្ហោះប្រយោគមួយថា «ខ្ញុំកំពុងចាំមើលបាបកម្មរបស់អ្នកណា ខ្ញុំមិនសាងជាមួយអ្នកតែកម្មដែលអ្នកធ្វើកំពុងចេញមកទៀតហើយ»។ នៅល្ងាចថ្ងៃទី២៩ កក្កដា អ៊ិន លក្ខិណា ក៏បានបង្ហោះសំណេរជាបន្តបន្ទាប់ទៀតថា «សង្គមនេះគួរឱ្យខ្លាចសំដែងក្នុងរឿងបានហើយកុំសំដែងក្នុងជីវិតពិតអីអត់ល្អមើលទេ»។

Miss Cosmo Cambodia 2024 បានបង្ហោះទៀតថា « ធ្វើអីដាក់ខ្ញុំខ្លះចាំអត់» និងប្រយោគមួយទៀតថា «ម៉េចហើយសិស្សច្បង»។

ការបង្ហោះសំណេរជាបន្តបន្ទាប់ពីសំណាក់ អ៊ិន លក្ខិណា ពិតជាធ្វើឱ្យអ្នកគាំទ្រមានការសង្ស័យយ៉ាងខ្លាំងអំពីវិស័យបវរកញ្ញាដែលនាងបានឆ្លងកាត់ហើយទំនងជាជួបប្រទះបញ្ហាជាមួយនឹងបវរកញ្ញារៀមច្បងរូបណាហើយទើបបានជានាងបញ្ចេញសំណេរខាងលើនេះឡើងមក។

គួរបញ្ជាក់ផងដែរថា បន្ទាប់ពីជាប់ TOP10 ក្នុងការប្រកួតនៅលើឆាកអន្តរជាតិ Miss Cosmo 2024 មកគេបានឃើញថា អ៊ិន លក្ខិណា មានទីផ្សារជាបន្តបន្ទាប់នៅឯប្រទេសវៀតណាម។ ជាពិសេសបវរកញ្ញាខ្មែររូបនេះនិងបវរកញ្ញាវៀតណាមម្នាក់ទៀតគឺបង្ហាញការស្រលាញ់រាប់អានគ្នាយ៉ាងជិតស្និទ្ធ៕

សកម្មភាពរបស់តារាសម្តែងល្បីឈ្មោះនាង Anne Thongprasom តារា GL និងគ្នីគ្នាម្នាក់ទៀតបានធ្វើឱ្យអ្នកលេងបណ្តាញសង្គមកម្ពុជាកើតក្តីខឹងសម្បារយ៉ាងខ្លាំងនិងចាត់ទុកថាពួកនាងយករឿងទុក្ខសោករបស់អ្នកដទៃមកធ្វើជារឿងលេងសើច។ មិនត្រឹមតែទស្សនិកជនទូទៅដែលធ្លាប់ជាអ្នកគាំទ្រប៉ុណ្ណោះទេសូម្បីតែតារាចម្រៀងនិងជាអ្នកនិពន្ធ ម៉ុង ម៉ានិត តារាចម្រៀង ប្រេម៉ា ក៏ទប់ចិត្តមិនជាប់ចេញមកព្រលះ Anne Thongprasom ចាស់ដៃ។

នៅថ្ងៃទី៣០ កក្កដា នេះ ម៉ានិត បានបង្ហោះរូបភាពមួយសន្លឹកពីគណនី IG របស់តារាសម្តែងថៃ Anne Thongprasom ជាមួយនឹងសម្តីថា «ហេ Anne កុំស្ងាត់storyចឹង។ នាំតួថៃផុសធ្វើងាប់ត្រូវផ្សែង Omakase តទៀតស៊ីស។ ភាគត Story សង់រោងធ្វើបុណ្យ ព្រោះវគ្គមុននាងឯងងាប់ហើយ វគ្គនេះបុណ្យហើយ មកកើតជាខ្មោច ហើយចាំតភាគ កើតជាចេះធ្មប់ ចាប់ ដាក់ក្អមរំលាយព្រលឹងហងចោល…»។ មុននឹងការបង្ហោះបែបនេះ ម៉ានិត ក៏បានចែករំលែកវីដេអូចម្រូងចម្រាសរបស់ Anne ដោយក្តីខឹងសម្បារថា «អរគុណ.. ដែលបង្ហាញថាសណ្ដានព្រៃរបស់ពួកនាងឯងជានរណា។ ថោក ពុតត្បុតរលួយ ដូចរឿងពួកនាងឯងលេងគ្មានខុស…។

ងាកទៅកាន់តារាចម្រៀង ប្រេម៉ា វិញបានចែករំលែកការបង្ហោះរបស់ ម៉ានិត ដោយបន្ថែមពាក្យពេចន៍ថា «វាចូលចិត្តអាផុសលុបៗ ឌឺដងហ្នឹង អត់ចោលសន្ដានទេ»។ ចំណែកឯពិធីការិនី ហ៊ិន ច័ន្ទនីរ័ត្ន វិញបានបញ្ចេញមតិលើការបង្ហោះរបស់ ម៉ានិត ដោយការហួសចិត្តយ៉ាងខ្លាំងចំពោះតារាសម្តែងថៃរូបនេះ។ ហ៊ិន ច័ន្ទនីរ័ត្ន បានសរសេរថា «ស្មានវាចាស់ទុំ មិនស្មានថាសាហាវជាងគេសោះ»។

គួរបញ្ជាក់ផងដែរថានាពេលថ្មីៗនេះ មានវីដេអូមួយបង្ហាញពី Anne , តារា GL Sirilak និងគ្នីគ្នាម្នាក់ទៀត បានបង្ហាញសកម្មភាពសើចសប្បាយ មានផ្សែង ហើយពួកគេយកដៃខ្ទប់ច្រមុះទាំងសើចនិងធ្វើជាសន្លប់។ ទង្វើរបស់តារាថៃទាំងនេះហាក់បីដូចជាសើចចំអកមកកាន់ខាងកម្ពុជាអំពីផ្សែងពុលរបស់ទាហានថៃធ្វើមកលើកម្ពុជាហើយត្រូវបានភាគីថៃបដិសេធថាមិនបានធ្វើ៕

ឆាឆា ដែលជាបុគ្គលល្បីឈ្មោះនៅលើបណ្តាញសង្គមបានប្រកាសថាចាប់ពីពេលនេះតទៅ Brand មួយណាក៏ដោយជាប់ទាក់ទងនឹងថៃខ្លួនមិនទទួលការងារធ្វើនោះទេខ្លួនសុខចិត្តអត់លុយ។

ជឿជាក់ថារឿងរ៉ាវរយៈពេល៥ថ្ងៃដែលថៃឈ្លានពានប្រទេសកម្ពុជាពិតជាធ្វើឱ្យមនុស្សជាច្រើនចងចាំគ្មានថ្ងៃភ្លេចពីទង្វើដ៏កង្វក់របស់ប្រទេសជិតខាងមួយនេះដែលតែងតែចិញ្ចឹមចិត្តចង់បានប្រាសាទ ចង់បានទឹកដីរបស់គេ។ ការឈឺចាប់របស់ថៃដែលធ្វើមកលើប្រទេសកម្ពុជាបណ្តាលឱ្យប្រាសាទព្រះវិហាររងគ្រោះយ៉ាងដំណំ យោធាត្រូវពលី រងរបួស ប្រជាជនរាប់ម៉ឺននាក់រងផលប៉ះពាល់បានធ្វើឱ្យមនុស្សជាច្រើនបង្ហាញការខឹងសម្បារជាសាធារណៈដូចជាលែងទៅជាន់ទឹកដីថៃ និងងាកមកគាំទ្រផលិតផលក្នុងស្រុកឱ្យបានកាន់តែច្រើន។

កាលពីកន្លងមកថ្មីៗនេះ បវរកញ្ញា ប៊ី សុធារី លោក មាស សាលី ជាដើមសុទ្ធតែបង្ហាញគោលជំហរមិនជាន់ទឹកដីថៃមួយជីវិត។ ងាកមកកាន់ ឆាឆា ដែលជា Influencers ល្បីឈ្មោះមួយរូបវិញគឺបានប្រកាសឈប់ធ្វើការទៅលើប្រ៊េនដែលជាផលិតផលថៃតែម្តង។

នៅថ្ងៃទី២៨ ខែកក្កដា ឆ្នាំ២០២៥ ឆាឆា បានបង្ហោះវីដេអូខ្លីមួយដោយប្រកាសជាសាធារណៈថា «ចាប់ពីថ្ងៃនេះរាល់ប៊េ្រនណាក៏ដោយដែលទាក់ទងនឹងប្រទេសថៃ ខ្លួននឹងមិនទទួលការងារធ្វើឡើយ»។ ឆាឆា ថាខ្លួនសុខចិត្តអត់លុយធ្វើការធម្មតា ហើយបើកន្លែងធ្វើការអត់បានទៀតខ្លួនសុខចិត្តចូលហាត់ទាហាន ហើយបើមានរឿងអីទៀតចូលទៅបាញ់តែម្តងបើទោះបីជាខ្លួនស្លាប់ក៏មានឈ្មោះថា ភេទទី៣ការពារជាតិ។

ការប្រកាសជាសាធារណៈរបស់ ឆាឆា ពីការមិនផ្សព្វផ្សាយប្រ៊េនថៃនេះដែរបានធ្វើឱ្យអ្នកគាំត្របុគ្គលល្បីឈ្មោះរូបនេះបង្ហាញការពេញចិត្តយ៉ាងខ្លាំង៕

ពេលនេះអ្នកគាំទ្រកម្ពុជាពិតជាភ្លឺភ្នែកច្បាស់ឃើញដល់ឋានព្រះច័ន្ទមិនខានពីទង្វើរបស់តារាថៃនាង Ann Thongprasom និងតារាGL Sirilak Kwong និងមនុស្សម្នាក់ទៀតដែលហាក់បង្ហាញពីសកម្មភាពសើចចំអកពីទុក្ខលំបាករបស់អ្នកដទៃយកមកធ្វើជារឿងលេងសើចរបស់ខ្លួន។

ការឈឺឆ្អាល ស្រលាញ់ប្រទេសជាតិ មានជាតិនិយមគឺជារឿងមិនខុសឆ្គងនោះទេ ដែលតារាកម្ពុជានិងតារាថៃ គាំទ្រជាតិនិយមរៀងៗខ្លួន។ ប៉ុន្តែទង្វើរបស់នាង Ann Thongprasom ដែលមានអាយុ ៤៨ឆ្នាំ និងនាង Sirilak Kwong អាយុ៣០ឆ្នាំដែលជាតារា GL ស្តែងឱ្យអ្នកគាំទ្ររបស់ពួកគេឃើញថានាងស្អាតតែរូបរាងប៉ុន្តែមិនមានការគិតពិចារណាវែងឆ្ងាយ ។ កាលពីព្រឹកថ្ងៃទី២៨ ខែកក្កដា លោកស្រី ម៉ាលី សុជាតា អ្នកនាំពាក្យក្រសួងការពារជាតិបានថ្លែងថា យោធាថៃ ប្រើផ្សែងពុល យន្តហោះចម្បាំង គ្រាប់បែកចង្កោម ដ្រូនអត្តឃាត វាយប្រហារកម្ពុជា។

នាពេលថ្មីៗនេះ ស្រាប់តែគេបានឃើញនាង Ann , Sirilak និងគ្នីគ្នាម្នាក់ទៀត បានបង្ហាញសកម្មភាពសើចសប្បាយ មានផ្សែង ហើយពួកគេយកដៃខ្ទប់ច្រមុះទាំងសើចនិងធ្វើជាសន្លប់។ ទង្វើរបស់តារាថៃទាំងនេះហាក់បីដូចជាសើចចំអកមកកាន់ខាងកម្ពុជាអំពីផ្សែងពុល ហើយត្រូវបានភាគីថៃបដិសេធថាមិនបានធ្វើ ទើបធ្វើឱ្យប្រជាពលរដ្ឋរបស់ខ្លួនគិតថាកម្ពុជាបង្កើតព័ត៌មានចោទប្រកាន់។

សកម្មភាពរបស់ Ann ដែលជាតារាថៃល្បីហើយមានអ្នកគាំទ្រច្រើននៅកម្ពុជាផងបានធ្វើឱ្យផ្ទុះការខឹងសម្បារជាសាធារណៈ។ ជាពិសេសនៅពេលឃើញចរិតមុខមាត់ពិតរបស់តារាសម្តែងទាំងនេះអ្នកមួយចំនួនបានផ្ញើវីដេអូទៅកាន់ប្រ៊េនធំៗដែលនាងផ្សព្វផ្សាយឱ្យគិតពិចារណាឡើងវិញចំពោះអ្នកតំណាងដែលយកទុក្ខលំបាករបស់អ្នកដទៃមកធ្វើជារឿងលេងសើច៕

ទីនីន ដែលជាម្ចាស់ប្រ៊េនល្បីឈ្មោះមួយរូបបានបង្ហាញត្រង់ៗថាលែងគាំទ្រ ពេជ្រ វត្តីសារ៉ាវឌ្ឍី តទៅទៀត។ ការចេញមកបង្ហាញថាឈប់គាំទ្រនេះ ទីនីន បញ្ជាក់ថាព្រោះកំហុករបស់ ពេជ្រ វត្តីសារ៉ាវឌ្ឍី មិនមែនទើបតែកើតឡើងលើកដំបូង។

ស្របពេលជម្លោះព្រំដែនកម្ពុជា-ថៃ ពេជ្រ វត្តីសារ៉ាវឌ្ឍី គឺត្រូវរងនូវការរិះគន់ទាំងនៅខ្មែរនិងថៃ ប៉ុន្តែតាមរយៈការ Live នៅលើ IG កាលពីថ្ងៃទី២៩ កក្កដា បេក្ខភាពបវរកញ្ញាចក្រវាលកម្ពុជារូបនេះមិនខឹងសម្បារនឹងប្រជាជនកម្ពុជាឡើយគឺមានតែអរគុណជំនួសវិញដែលដាស់ស្មារតីនាងព្រោះរឿងខ្លះនាងពិតជាមិនបានដឹងពិតមែន។

ទោះបីជាពេលនេះ ពេជ្រ វត្តីសារ៉ាវឌ្ឍី បានលុប Title កម្មវិធី Miss Grand គ្រប់បណ្តាញសង្គមនិងចូលរួមសកម្មភាពជាតិនិយមប្រកាសប្រាប់ថាថៃជាអ្នកចាប់ផ្តើមសង្គ្រាមមុននិងចូលរួមសកម្មភាពជួយជនភៀសសឹកក្តីប៉ុន្តែអ្នកមួយចំនួននៅតែមានចិត្តខឹងសម្បារចំពោះនាងដដែល។

ងាកមកកាន់ ទីនីន វិញបានបង្ហាញជាសាធារណៈលែងគាំទ្រ ពេជ្រ វត្តីសារ៉ាវឌ្ឍី តទៅទៀតនិងបាន unfriend នៅលើបណ្តាញសង្គមផងដែរ។ កាលពីយប់ថ្ងៃទី២៩ កក្កដា ទីនីន បានចែករំលែកបន្តពីការបង្ហោះរបស់ ចំប៉ីខ្មៅ រៀបរាប់អំពី ពេជ្រ វត្តីសារ៉ាវឌ្ឍី ថា «ខ្ញុំអត់លើកលែងទេ ចេះថៃ ពួកថៃស្គាល់ទៀតតែសំងំឱ្យពួកថៃដៀលខ្មែរកប់ៗមាត់។ មិនមែនលើកទី១ទេ គឺ បិទភ្នែកឱ្យគេដៀលច្រើនលើកច្រើនសារ.. ខ្ញុំខ្ជិលរៀបរាប់ បងប្អូនខ្មែរដឹង»។ ទីនីន បានបញ្ជាក់ចុងក្រោយថា «ពីថ្ងៃនេះខ្ញុំសុំអត់គាំទ្រ unfri ចោលតាំងពីថ្ងៃដំបូង ប្បាយហ្អាយអរគុណ»។

គួរបញ្ជាក់ផងដែរថា កាលពីល្ងាចថ្ងៃទី២៩ កក្កដា ពេជ្រ វត្តីសារ៉ាវឌ្ឍី បានឆ្លើយយ៉ាងម៉ឺងមាត់អំពីគោលជំហររបស់ខ្លួនប្រសិនជានាងឈ្នះមកុដបវរកញ្ញាចក្រវាលកម្ពុជាឆ្នាំ២០២៥ ក៏នាងមិនទៅប្រកួតនៅលើទឹកដីថៃជាដាច់ខាន ហើយប្រសិនបើជាមានកម្មវិធីនៅប្រទេសថៃក៏នាងនឹងមិនចូលរួមដែរ៕

ដំណឹងផ្លូវការពីឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់ប្រតិបត្តិការសឹករងព្រះវិហារថ្លែងទៅកាន់អនុព័ន្ធយោធាបរទេសចំនួន១៣ប្រទេស ដែលចុះទៅពិនិត្យតាមព្រំដែន នៅថ្ងៃទី៣០ ខែកក្កដា ឆ្នាំ២០២៥នេះបានធ្វើឱ្យប្រជាជនកម្ពុជា អ្នកសិល្បៈជាច្រើនរូបដូចជា នរិទ្ធ វីរៈនិច្ច ភរិយាតារាចម្រៀង កែវ វាសនា រួចទាំងអ្នកជាច្រើនទៀតបានបង្ហាញនូវការឈឺចាប់យ៉ាងខ្លាំងចំពោះទង្វើឃោឃៅរបស់កងទ័ពថៃ។

មេទ័ពកម្ពុជា ឧត្តមសេនីយ៍ទោ ច័ន្ទ សុភ័ក្ត្រា បានថ្លែងដោយការឈឺចាប់ជាទីបំផុតចំពោះទង្វើដ៏កង្វក់របស់កងទ័ពថៃដែលបានប្រើកលល្បិចរបស់ខ្លួនដោយទាហានថៃបានធ្វើដើរមកចាប់ដៃ ជាមួយទាហានកម្ពុជានៅសមរភូមិជាំតែ រួចហើយទាហានថៃលោតចេញពីព្រៃមកភ្ជង់ចាប់ខ្លួនតែម្តង។ ទាហានថៃបានប្រើកលល្បិចរបស់ខ្លួនចាប់ទាហានខ្មែរ២០នាក់ហើយក្នុងចំណោមនោះមានទាហាន១នាក់រត់គេចខ្លួនបាននិង២នាក់ទៀតសង្ស័យថាត្រូវបានបាញ់សម្លាប់។ លោកបានបន្តទៀតថា តើអស់លោកឈឺចាប់ទេ, នៅពេលមានបទបញ្ជាឈប់បាញ់ហើយ តែគេបែរជាប្រើល្បិចអាក្រក់បែបនេះ?

ដំណឹងដែលទាហានថៃចាប់ទាហានខ្មែរ២០នាក់នេះបានធ្វើឱ្យប្រជាជនកម្ពុជាបាន បង្ហាញការឈឺចាប់យ៉ាងខ្លាំងចំពោះកលល្បិចរបស់ថៃ ខណៈដែលប្រទេសមួយនេះបានបំពានបទបញ្ជាឈប់បាញ់។

មិនខុសពីប្រជាជនទូទៅនោះទេតារាចម្រៀង នរិទ្ធ នៅពេលបានដឹងដំណឹងនេះហើយបង្ហាញនូវការឈឺចាប់ខឹងសម្បារយ៉ាងខ្លាំង។ លោកបានសរសេរនៅលើហ្វេកប៊ុកផ្ទាល់ខ្លួនថា «ថោកទាប JM ហើយ»។

តារាចម្រៀង វីរៈនិច្ច វិញបានសរសេរថា «យុគ៩ តិចទៀតដឹងហើយ ផលកម្មមកពិតៗអាថៃ »។ ភរិយាតារាចម្រៀង កែវ វាសនា បានបង្ហោះថា «ដឹងរឿងច្បាស់គឺឈឺចាប់ណាស់អាសៀមមហាថោកគ្មានលេខដាក់»៕