លោក ជំទាវ នៅ សូនិតា អនុប្រធានសមាគមសិល្បករខ្មែរប្រកាសមិនទទួលយកការសូមទោសដែលបង្ហាញពីអាកប្បកិរិយា គគ្លើន គ្មានសីលធម៌នៅក្នុងខ្លួនដែលប្រមាថព្រះចេស្តាព្រះករុណាធ្ងន់ធ្ងរដែលមិនអាចលើកលែងទោស។

ដូចមហាជនជ្រាបមកហើយថាអតីតតារាសម្តែងជើងចាស់ សុខ ស្រីមុំ ដែលកំពុងរស់នៅសហរដ្ឋអាម៉េរិកបានប្រើសម្តីប្រមាថយ៉ាងធ្ងន់ធ្ងរមកកាន់ព្រះមហាក្សត្រនិងហ្លួងម៉ែ ហើយក្រោយមកបានចេញមកសុំព្រះរាជទានទោសវិញ។ ទោះយ៉ាងណាសកម្មភាពសូមទោសរបស់អ្នកស្រី សុខ ស្រីមុំ ហាក់មិនចេញពីចិត្តប៉ុន្មាននោះទេថែមទាំងពាក់មួកថែមទៀតទើបធ្វើឱ្យសាធារណជនហាក់នៅតែមិនអាចទទួលយកបាន។

ជាមួយគ្នានេះលោកជំទាវ នៅ សូនិតា គឺបានបង្ហាញចំៗទៅកាន់អតីតតារាជើងចាស់រូបនេះ។ អនុប្រធានសមាគមសិល្បករខ្មែរបានសរសេរនៅល្ងាចថ្ងៃទី២៧ សីហា ថា «ក្នុងនាមនាងខ្ញុំជាប្រជាជនខ្មែរ ដែលស្ថិតក្រោមល្អងធូលី ព្រះបាទ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និង សម្តេច ហ្លួងម៉ែ ខ្ញុំមិនទទួលយកការសុំទោសដែលបង្ហាញពីអាកប្បកិរិយា គគ្លើន គ្មានសីលធម៌ក្នុងខ្លួននោះទេ។ ហាហើយមិនអាចខ្ជាក់ សំដីអ៊ំពិតជាមិនបានឆ្លងកាត់អា១គីឡូ២ខាំ អ៊ំប្រមាថព្រះចេស្តាព្រះករុណាធ្ងន់ធ្ងរដែលមិនអាចលើកលែងទោស ហើយរឹតតែមិនទទួលយកនូវចរិតរឹកពាររបស់បែបនេះជាផ្លូវការបាននោះទេ»។

លោកជំទាវ នៅ សូនិតា បានបន្តទៀតថា «អ៊ំចាកចេញពីប្រទេសកម្ពុជាយូរហើយ ដោយអ៊ំមិនបានជួយអ្វីដែលជាផលប្រយោជន៍ជាតិរួមឡើយ សូម្បីតែប្រទេសកំពុងមានបញ្ហាក៏អ៊ំបែរជាចេញវីដេអូបែបឈ្លើយដោយមិនបានឆ្លងកាត់សាលា មកផុសជាសាធារណៈ អ៊ំនៅស្រុកក្រៅយូរឈ្លក់ទឹកម៉ាស៊ីន ឈ្លក់រហូតលែងដឹងក្បាល ដឹងកន្ទុយ។ គុណតម្លៃអ៊ំមិនស្មើរនឹងក្មេងៗ៣ ៤ឆ្នាំនៅស្រុកខ្មែរដែលចេញវីដេអូអប់រំ និង លើកទឹកចិត្តដល់វិរកងទ័ពដែលយកជីវិតពាំងគ្រាប់នោះទេ ខ្ញុំពិតជាទទួលយកមិនបាន»។

គួរបញ្ជាក់ផងដែរថា បុគ្គលណាក៏ដោយឱ្យតែរកឃើញថាបានប្រមាថព្រះមហាក្សត្រនៃប្រទេសកម្ពុជា នឹងត្រូវទទួលទោស តាមមាត្រា៤៣៧ (ស្ទួន) នៃក្រមព្រហ្មទណ្ឌគឺត្រូវផ្ដន្ទាទោសដាក់ពន្ធនាគារពី ១ឆ្នាំ ទៅ ៥ឆ្នាំ និងពិន័យជាប្រាក់ពី ២លាន ទៅ ១០លានរៀល។

អតីតតារាជើងចាស់ សុខ ស្រីមុំ មានអាយុ៥២ឆ្នាំ បានចាកចេញពីកម្ពុជាទៅរស់នៅសហរដ្ឋអាម៉េរិកនៅខែកញ្ញា ឆ្នាំ១៩៩៤។ អ្នកស្រីបានចូលប្រឡូកសិល្បៈភាពយន្តនៅឆ្នាំ១៩៨៩ជាអតីតតារាភាពយន្តដ៏មានកេរ្តិ៍ឈ្មោះបោះសម្លេងក្នុងប្រទេសកម្ពុជា កាលពីចុងទសវត្សរ៍ទី៨០និងទសវត្សរ៍ទី៩០៕

Lee Chae Min ត្រូវបានគេជំនួសភ្លាមៗដើម្បីសម្តែងជាមួយ YoonA ក្នុងរឿង «Bon Appétit, Your Majesty » ប៉ុន្តែតារាសម្តែងរូបនេះទទួលបានប្រជាប្រិយភាពភ្លាមៗនៅពេលដែលរឿងនេះបានចាក់ផ្សាយនៅលើទូរទស្សន៍ tvN និង Netflix ។

គួរឱ្យដឹងថា YoonA ជាតារាដ៏ល្បីមួយរូបដែលមានអ្នកគាំទ្រច្រើន ដូច្នេះហើយទើបព័ត៌មានថានាងដើរតួជាតួឯកស្រីត្រូវបានទស្សនិកជនស្គាល់តាំងពីដើមមក។ ទោះជាយ៉ាងណាក៏ដោយ គម្រោងភាពយន្តនេះបានទាក់ទាញការចាប់អារម្មណ៍ពីសាធារណជនតាំងពីចាប់ផ្តើមដំណើរការថត ដោយសារតែមានការផ្លាស់ប្តូរភ្លាមៗរបស់តួឯកប្រុស។ ដំបូងឡើយ តួឯកប្រុសក្នុងរឿងនេះតារាសម្ដែង Park Sung Hoon តារាសម្តែងក្នុងរឿង «Squid Game» ពាក់អាវលេខ១២០។ ប៉ុន្តែនៅក្នុងខែមករា ឆ្នាំ២០២៥ តារាសម្តែងរូបនេះស្រាប់តែត្រូវបានរិះគន់ចំពោះការចែករំលែករូបថតអាសអាភាសនៅលើបណ្តាញសង្គមផ្ទាល់ខ្លួន។

វាត្រូវបានគេបង្ហាញថាការអានស្គ្រីបដំបូងដែលគ្រោងធ្វើនៅថ្ងៃទី ២ ខែមករា ត្រូវបានលុបចោលដោយសារតែភាពចម្រូងចម្រាសរបស់តួឯកប្រុស។ នៅថ្ងៃទី១១ ខែមករា Park Sung Hoon បានប្រកាសដកខ្លួនចេញពីគម្រោង។ ហើយត្រឹមតែ ២ ថ្ងៃក្រោយមក Lee Chae Min ត្រូវបានជ្រើសរើសជំនួសតួឯកប្រុស។ រឿងនេះបានចាប់ផ្តើមថតនៅថ្ងៃទី២២ ខែមករា ហើយថ្ងៃថតដំបូងរបស់ Lee Chae Min គឺថ្ងៃទី ១១ ខែកុម្ភៈ។ នេះមានន័យថា តារាសម្តែងកើតក្នុងឆ្នាំ ២០០០ មានពេលតិចជាងមួយខែដើម្បីរៀបចំសម្រាប់ដំណើរការថតថ្មី។ ការផ្លាស់ប្តូរភ្លាមៗចំពោះតួអង្គសំខាន់នៅក្នុងគម្រោងភាពយន្ត តែងតែមិនចង់បាន និងមានហានិភ័យសម្រាប់ផលិតករ។

Lee Chae Min គឺជាអ្នកចំណូលថ្មីក្នុងវិស័យនេះ។ លោកបានបង្ហាញខ្លួនជាលើកដំបូងក្នុងឆ្នាំ ២០២១ ហើយទទួលបានការចាប់អារម្មណ៍កាលពីឆ្នាំ២០២៤ នៅពេលដែលលោកបានដើរតួក្នុងរឿងភាគសាលារបស់ Netflix មានចំណងជើងថា «Hierarchy»។ ដូច្នេះហើយ ទស្សនិកជនជាច្រើន សង្ស័យលើសមត្ថភាពសម្ដែងរបស់ Lee Chae Min ដោយបារម្ភថា លោកនឹងមិនអាចបង្ហាញរូបភាពជាស្តេចផ្តាច់ការ។ ម៉្យាងវិញទៀត អ្នកគាំទ្របារម្ភថា Lee Chae Min មិនស័ក្តិសមនឹងដើរតួជាមួយ YoonA ព្រោះអ្នកទាំងពីរមានគម្លាតអាយុខុសគ្នាដល់ទៅជាង១០ឆ្នាំ។ ទោះយ៉ាងណា នៅពេលដែលរឿង «Bon Appétit, Your Majesty » ចាក់ផ្សាយ តួអង្គស្តេចដ៏ឃោរឃៅ Lee Heon សម្តែងដោយ Lee Chae Min បានទទួលប្រតិកម្មវិជ្ជមាន។

ទស្សនិកជនជាច្រើនបានសរសើរ Lee Chae Min ទោះបីជាមិនមានបទពិសោធន៍ច្រើនក្នុងការដើរតួសំខាន់ក៏ដោយ បានបង្ហាញរូបភាពនៃសិទ្ធិអំណាចរបស់អធិរាជបានយ៉ាងល្អ។ ទន្ទឹមនឹងនោះ តួអង្គនេះធ្វើឱ្យអ្នកទស្សនារំភើបចិត្ត ដោយសារតែបុគ្គលិកលក្ខណៈបែបកំប្លែង លាយឡំក្នុងភាពជាស្តេចជាមួយនឹងរូបរាងគួរឱ្យខ្លាច។ ទស្សនិកជនក៏បានកោតសរសើរចំពោះការសម្របខ្លួនរបស់ Lee Chae Min នៅពេលដែលទទួលបានឱកាសដ៏ធំមួយ។ ទស្សនិកជនភាគច្រើនគិតថា Lee Chae Min គឺជាជម្រើសដ៏ស័ក្តិសមសម្រាប់តួនាទីនេះ។

ពីរភាគដំបូងនៃរឿង «Bon Appétit, Your Majesty » មានការចាប់ផ្តើមវិជ្ជមានខ្លាំង។ បន្ទាប់ពីការវាយតម្លៃចំនួន៤.៩% នៅក្នុងភាគ ១រឿងនេះបានបង្កើនការវាយតម្លៃរបស់ដល់ ៦.៦% នៅក្នុងភាគទី២ដែលនាំមុខគេនូវពេលវេលាចាក់ផ្សាយរបស់ខ្លួននៅលើបណ្តាញខ្សែកាបកូរ៉េទាំងអស់៕

ឆ្លងកាត់ការប្រកួតបវរកញ្ញាជាច្រើនដង អ្នកគាំទ្រនៅតែព្យាយាមទទូចឱ្យ ប៊ី សុធារី វិលមកវិស័យនេះព្រោះពួកគេចង់ឃើញនាងតំណាងឱ្យប្រទេសកម្ពុជាឈរនៅលើឆាកអន្តរជាតិបន្ទាប់ពីបរាជ័យក្នុងការប្រកួត Miss Cosmo Cambodia 2025។ ទោះយ៉ាងណា ប៊ី សុធារី បានបញ្ជាក់ប្រាប់អ្នកគាំទ្រកុំឱ្យទន្ទឹងផ្លូវនាង ប៉ុន្តែនាងបានផ្តល់ក្តីសង្ឃឹមតូចមួយមកកាន់អ្នកគាំទ្រវិញ។

តាមរយៈវីដេអូមួយដែលមានការចែករំលែកនៅលើទិកតុក ប៊ី សុធារី បាននិយាយថា នាងមិន Comeback នោះទេហើយពេលនេះនាងចង់មានពេលវេលាសម្រាប់ខ្លួននិងរៀនសូត្រឱ្យមានចំណេះដឹងកាន់តែខ្លាំងជាងនេះ។ យ៉ាងណាមិញ ប៊ី សុធារី បានបន្ថែមថា ប្រសិនជាថ្ងៃណាមួយ តែនាងមិនដឹងថាពេលណាឆ្នាំណានោះទេ បើអារម្មណ៍របស់នាងដែលធ្លាប់មានកាលពីមុនត្រឡប់មកវិញ ជាអារម្មណ៍ដែលពុះកញ្ជ្រោលជាមួយនឹងការប្រកួតនាងអាចនឹង Comeback ប៉ុន្តែបើនាងគ្មានអារម្មណ៍នោះទេគឺមិនអាចឡើយ។

ត្រង់ចំណុចនេះដែរ ប៊ី សុធារី បានបញ្ជាក់ថា កាលណានាងគ្មានអារម្មណ៍ Comeback ដូចជាឆ្នាំនេះ(ការប្រកួត Miss Cosmo Cambodia 2025) គឺនាងមិនចង់នោះទេប៉ុន្តែដោយសារតែការជំរុញពីមនុស្សជុំវិញខ្លួន និងការចង់លុប Title ព្រោះមិនចង់ពាក់ព័ន្ធការប្រកួតមួយនោះទើបនាងសម្រេចចិត្ត Comeback ។

គួរបញ្ជាក់ផងដែរថា កន្លងមកនេះ ប៊ី សុធារី ដែលជា Runer Up Miss Cosmo Cambodia 2025 ធ្លាប់បានបញ្ជាក់ម្តងហើយម្តងទៀតថាការដែលនាងមិនបានឈ្នះមកុដក្នុងការប្រកួតនេះគឺនាងពិតជាស្រាលខ្លួនខ្លាំងមែនទែន។ ក្នុងពេលដែលប្រកួតកម្មវិធី Miss Cosmo Cambodia 2025 ជួបប្រទះបញ្ហាសុខភាពយ៉ាងខ្លាំងស្ទើរតែចង់បោះបង់ទៅហើយប៉ុន្តែនាងបានខិតខំអស់ពីសមត្ថភាព។ ក្រោយពេលបញ្ចប់ការប្រកួត ប៊ី សុធារី គឺមានឱកាសចេញទៅបំពេញការងារនៅប្រទេសវៀតណាមជាច្រើនដងផងដែរ៕

តារាចម្រៀង អេននី ហ្សាម បានបង្ហាញមុខមាត់គូស្នេហ៍ថ្មីជាអ្នកស្រលាញ់ភេទដូចគ្នាហើយបន្ទាប់ពីបែកបាក់ដៃគូចាស់បាន១ឆ្នាំ។ តាមការបញ្ជាក់ពី អេននី ហ្សាម គូស្នេហ៍ថ្មីរបស់នាងគឺមានអាយុតិចជាងខ្លួននាង១០ឆ្នាំ ប៉ុន្តែនោះមិនមែនជាឧបសគ្គសម្រាប់ពួកគេឡើយ។

កាលពីពេលថ្មីៗនេះតារាចម្រៀង អេននី ហ្សាម បានបង្ហោះនៅលើបណ្តាញសង្គមទិកតុកបង្ហាញពីគូស្នេហ៍ថ្មីរបស់ខ្លួនជាមួយនឹងពាក្យពេចន៍ដ៏ផ្អែមល្ហែមមិនចាញ់គូស្នេហ៍ប្រុសស្រីឡើយ។ ជាមួយនឹងរូបភាពជាច្រើនសន្លឹក អេននី ហ្សាម បានសរសេររៀបរាប់ថា «អរគុណបងផ្តល់ស្នាមញញឹមឱ្យអូន ទោះបីបងអាយុប្អូនអូន១០ឆ្នាំមែន តែចរិតចាស់ទុំជាងអូនទៀត ពេលអូនខឹង បងតាមលួង ពេលបងខឹង អូនអត់លួង ពួកយើងអត់ដែលឈ្លោះគ្នាទេ ទោះបីអូនងរ ក៏បងមិនខ្វល់ដែរ គឺបងលួងគ្រប់ពេលទោះបងត្រូវក៏ដោយ ឡុង នីតា មនុស្សល្អរបស់អូន»។

បន្ទាប់ពីបង្ហាញស្នេហាជាសាធារណៈជាមួយនឹងភាពផ្អែមល្ហែម មនុស្សជាច្រើនបានចូលរួមសម្តែងក្តីត្រេកអរចំពោះ អេននី ហ្សាម ចំពោះទំនាក់ទំនងថ្មីដែលគូស្នេហ៍ស្រលាញ់ភេទដូចគ្នា។ នៅក្នុងផ្នែកបបញ្ចេញមតិយោបល់លោក មាស សុខរតនៈ ក៏បានលើកឡើងដែរថាអាយុគ្រាន់តែជាតួលេខប៉ុណ្ណោះ។ ចំណែកឯគូស្នេហ៍ អេននី ហ្សាម វិញបានចូលខម្មិនថា «អគុណដែលស្រលាញ់បងអរគុណដែលចូលមកក្នុងជីវិតបង»។

បើតាមការឆ្លើយតបរបស់ អេននី ហ្សាម ទៅកាន់អ្នកលេងបណ្តាញសង្គម ចំណងស្នេហ៍នាង និងគូស្នេហ៍ ឡុង នីតា គឺមានរយៈពេលជាង១ខែហើយ។

គួរបញ្ជាក់ផងដែរថា អតីតតារាចម្រៀងក្នុងទ្រនំថោន អេននី ហ្សាម បានប្រកាសបែកគ្នាជាមួយគូស្នេហ៍ភេទដូចគ្នាមានឈ្មោះ Nona Ra ជាអ្នកសិល្បៈដូចគ្នាកាលពីខែឧសភា ឆ្នាំ២០២៤ បន្ទាប់ពីទាក់ទងគ្នាបានជាង៣ឆ្នាំ៕