ទេពកោសល្យ រូបរាង ទ្រព្យសម្បត្តិ និងបុគ្គលិកលក្ខណៈរបស់ Jimin

ថ្មីៗនេះតារាចម្រៀង Jimin សមាជិក BTS មានពាក្យចចាមអារ៉ាមស្នេហាជាមួយនឹងតារាសម្តែង Song Da Eun ប៉ុន្តែសិល្បករមិនទាន់បានផ្តល់ការឆ្លើយតបជាផ្លូវការណាមួយនោះទេ ខណៈអ្នកគាំទ្រជាច្រើនបង្ហាញការជឿជាក់របស់ខ្លួនទៅកាន់តារាប្រុសរូបនេះ។ យ៉ាងណា យើងមកដឹងទាំងអស់គ្នាពី រូបរាង ទ្រព្យសម្បត្តិ និងរបៀបរស់នៅរបស់ Jimin ។

កើតក្នុងឆ្នាំ១៩៩៥ Jimin លេចធ្លោជាមួយនឹងទម្រង់មុខដ៏សង្ហារបស់ខ្លួនលក្ខណៈចុះសម្រុងគ្នា និងជាសុភាពបុរសប្រកបដោយភាពទន់ភ្លន់។ ជារឿយៗលោកត្រូវបានគេហៅថា ព្រះអង្គម្ចាស់នៃឆាក ដោយសារតែសមត្ថភាព។ ក្នុងក្រុម BTS Jimin មានកម្ពស់១,៧៤ម៉ែត្រ ប្រកបដោយរាងកាយរឹងមាំ ដោយសារការហ្វឹកហាត់ដ៏តឹងរ៉ឹង។ នៅក្នុងចំណាត់ថ្នាក់សម្រស់ជាច្រើនសមាជិកក្រុម BTS រូបនេះតែងតែលេចមុខក្នុងលំដាប់កំពូលជាមួយនឹងរូបភាពដ៏មានមន្តស្នេហ៍ ភ្នែកដ៏ទាក់ទាញ និងស្នាមញញឹមដ៏ផ្អែមល្ហែម។

Jimin មិនត្រឹមតែមានរូបរាងលេចធ្លោប៉ុណ្ណោះទេប៉ុន្តែក៏ត្រូវបានគេចាត់ទុកថាជាតារា K-pop ដែលមានបំផុតម្នាក់ផងដែរ។ បន្ទាប់ពីធ្វើការជាច្រើនឆ្នាំជាមួយ BTS លោកមានទ្រព្យសម្បត្តិប៉ាន់ស្មានរាប់សិបលានដុល្លារ។ ប្រាក់ចំណូលរបស់ Jimin បានមកពីប្រភពផ្សេងៗគ្នា រួមទាំងថ្លៃសួយសារតន្ត្រី កិច្ចសន្យាផ្សាយពាណិជ្ជកម្ម ម៉ាកម៉ូត និងគ្រឿងសម្អាង និងគម្រោងផ្ទាល់ខ្លួន។ អាល់ប៊ុមដំបូងរបស់ Jimin មានឈ្មោះថា «Face» ត្រូវបានចេញផ្សាយនៅឆ្នាំ២០២៣ហើយអាល់ប៊ុមទីពីរត្រូវបានចេញផ្សាយនៅឆ្នាំ ២០២៤ ។

Jimin បានបង្ហាញខ្លួនជាច្រើនដងក្នុងបញ្ជីតារាចំណូលខ្ពស់ក្នុងប្រទេសកូរ៉េ។
ជាពិសេស Jimin ក៏ចាប់អារម្មណ៍នឹងការវិនិយោគអចលនទ្រព្យដ៏មានតម្លៃរបស់ខ្លួនផងដែរ។ យោងតាមប្រព័ន្ធផ្សព្វផ្សាយកូរ៉េ បានឱ្យដឹងថា នៅក្នុងខែមីនា ឆ្នាំ ២០២១ Jimin បានទិញផ្ទះល្វែងដ៏ប្រណីតមួយនៅឯអគារ Nine One Hannam ដែលជាអគារផ្ទះល្វែងថ្លៃបំផុតនៅទីក្រុងសេអ៊ូល ជាមួយនឹងតម្លៃរាប់លានដុល្លារ។ នេះក៏ជាតំបន់លំនៅឋានរបស់តារាកំពូលៗជាច្រើននិងឥស្សរជនកូរ៉េផងដែរ។ លើសពីនេះទៅទៀត តារាចម្រៀងប្រុសមានរបស់របរប្រណីតៗជាច្រើនពីម៉ាកធំៗដូចជា Chanel, Dior, Louis Vuitton…។

អ្វីដែលធ្វើឱ្យ Jimin កាន់តែទទួលបានសេចក្តីស្រលាញ់គឺមិនត្រឹមតែរូបរាង ឬទ្រព្យសម្បត្តិប៉ុណ្ណោះទេ ថែមទាំងមានរបៀបរស់នៅសាមញ្ញរបស់លោកទៀតផង។ តារាប្រុសរូបនេះក៏ធ្លាប់បរិច្ចាគច្រើនលើកច្រើនសារទៅក្នុងសកម្មភាពសង្គម ជាពិសេសលើវិស័យអប់រំ និងចិញ្ចឹមកូន។ វាគឺជាការរួមបញ្ចូលគ្នានៃទេពកោសល្យ រូបរាង ទ្រព្យសម្បត្តិ និងបុគ្គលិកលក្ខណៈដែលបានជួយ Jimin រក្សាភាពទាក់ទាញខ្លាំងក្នុងរយៈពេលជាច្រើនឆ្នាំនេះ៕