នៅថ្ងៃទី២៩ ខែសីហា តារាសម្តែង Xu Lisha បានសារភាពនៅក្នុងការផ្សាយបន្តផ្ទាល់ថារូបថតស្និទ្ធស្នាលដែលលេចធ្លាយពីមុនរបស់ Xu Kai មិនត្រូវបានថតដោយនាងផ្ទាល់ទេ ប៉ុន្តែជាមនុស្សស្រីផ្សេងទៀត។ យ៉ាងណាមិញ នាងមិនបានបង្ហាញពីអត្តសញ្ញាណអ្នកថតរូប ឬរបៀបទទួលបានរូបថតនោះទេ។ មិនត្រឹមតែប៉ុណ្ណោះ Xu Lisha បានចាត់ទុកឧបទ្ទវហេតុនេះថាជាការលេងសើច។

តារាសម្តែងរូបនេះបាននិយាយនៅក្នុងការ Live ថា «វាគួរឱ្យអស់សំណើច។ យើងចង់និយាយកុហក Xu Kai ឱ្យភ្នាក់ងាររបស់គាត់មកនិយាយជាមួយយើង ហើយឱ្យអ្នកគាំទ្ររបស់គាត់ប្រឈមមុខនឹងភ្នាក់ងាររបស់គាត់។ យើងគិតថាវាគួរឱ្យអស់សំណើច»។ Xu Lisha បានពណ៌នាអំពីការប្រើប្រាស់គណនីក្លែងក្លាយរបស់ក្រុមនេះ ដើម្បីបញ្ចេញខ្លឹមសារណែនាំ ដែលដំបូងឡើយមានបំណងដាក់សម្ពាធលើ Xu Kai ក្នុងការប្រាស្រ័យទាក់ទងយ៉ាងសកម្ម។ យ៉ាងណាក៏ដោយបន្ទាប់ពីគ្មានការឆ្លើយតប៤ថ្ងៃជាប់គ្នា នាងសម្រេចចិត្តបង្ហោះធ្វើឱ្យកេរ្តិ៍ឈ្មោះរបស់ Xu Kai ត្រូវញាំញី។

ទោះជាយ៉ាងណាក៏ដោយ នៅព្រឹកព្រលឹមថ្ងៃទី ៣០ ខែសីហា Xu Lisha បានបង្ហោះនៅលើ Weibo ព្រោះមានការចោទប្រកាន់ថានាងទំនងជាបានលុយហើយទើបចេញមកនិយាយបែបនេះ។ Xu Lisha ថា «ខ្ញុំមិនបានទទួលយកមួយសេនទេ ហើយខ្ញុំនឹងមិនទទួលយកអ្វីទាំងអស់។ អ្វីដែលខ្ញុំបាននិយាយបន្ទាប់ពីនោះមិនមែនជាការលេងសើចនោះទេ។ នាងថែមទាំងបានប្រាប់អ្នកគាំទ្ររបស់ Xu Kai ដោយផ្ទាល់ឱ្យឈប់ព្យាយាមធ្វើបាបនាង។

អ្នកនិយមលេងអ៊ីនធឺណិតបានដោះស្រាយភាពផ្ទុយគ្នារបស់នាងយ៉ាងឆាប់រហ័សព្រោះ នាងបានសារភាពថាបានប្រឌិតកំណត់ត្រាជជែក និងក្លែងបន្លំជាមិត្តស្រី ដោយបង្ហាញឥរិយាបថព្យាបាទថាជារឿងកំប្លែង។ នៅពេលដែលភាពចម្រូងចម្រាសនៅតែបន្តកើតមាន មនុស្សជាច្រើនកំពុងចង្អុលបង្ហាញថា សកម្មភាពរបស់ Xu Lisha គឺជាការបំពានលើឯកជនភាព ការប្រឌិតព័ស្តុតាង និងការរៀបចំមតិសាធារណៈ។

រឿងអាស្រូវនេះគឺថា Xu Lisha បានទាញយកប្រយោជន៍ពីការចង់ដឹងចង់ឃើញរបស់សាធារណជននិងបានបង្កើនជម្លោះឯកជនទៅជាព្រឹត្តិការណ៍សាធារណៈតាមរយៈព័ត៌មានបែកខ្ញែក និងការរៀបរាប់អំពីអារម្មណ៍។ គួរឱ្យដឹងថា តារាសម្តែង Xu Lisha បង្ហោះចេញជាសាធារណៈនូវខ្លឹមសារនិងរូបថតជាច្រើនសន្លឹកដោយចោទប្រកាន់ Xu Kai ថាក្បត់ចិត្តនាងហើយអ្នកទាំងពីរបានបែកគ្នាកាលពីចុងឆ្នាំ២០២២៕

ថ្មីៗនេះទស្សនាវដ្ដី Forbes Korea បានប្រកាសពីចំណាត់ថ្នាក់តារាកូរ៉េដែលមានឥទ្ធិពលបំផុតនៅលើ YouTube ក្នុងឆ្នាំ២០២៥ ដោយ Rosé សមាជិក BLACKPINK កាន់កាប់តំណែងលេខ១។

ឆាណែលយូធូប Rosé មានអ្នក Subscribe ច្រើនជាង ១៩ លាននាក់ឈានដល់ ៣.៦ ពាន់លាន views ជាមួយនឹង ៨៦ វីដេអូដែលបានបង្ហោះនៅក្នុងឆាណែលរបស់នាង។ ប្រាក់ចំណូលប្រចាំឆ្នាំរបស់ Rosé នៅលើ YouTube ត្រូវបានគេប៉ាន់ស្មានថាមានចំនួន ១១.០៦ពាន់លានវ៉ុនប្រមាណ៨.២លានដុល្លារ។ Rosé បានល្បីកក្រើកទូទាំងពិភពលោកកាលពីខែតុលា ឆ្នាំ២០២៤ ជាមួយនឹងការសហការរបស់នាងជាមួយនឹងសិល្បករអាម៉េរិក Bruno Mars ក្នុងបទចម្រៀង APT ដែលបានបំផុសគំនិតដោយ «Apartment Game»ជាហ្គេមកូរ៉េដ៏ពេញនិយម។

បទចម្រៀងនេះបានឈានដល់ ១០០ លានស្ទ្រីមនៅលើ Spotify ក្នុងរយៈពេលត្រឹមតែ៧ ថ្ងៃនៃការចេញផ្សាយរបស់វា ដោយបានបង្កើតកំណត់ត្រាយ៉ាងឆាប់រហ័សសម្រាប់បទចម្រៀង K-pop លឿនបំផុតដើម្បីឈានដល់ ១ពាន់លានការស្ទ្រីមក្នុងប្រវត្តិសាស្ត្របន្ទាប់ពី ១០០ថ្ងៃ។ បទ APT ក៏បានឡើងដល់កំពូលលេខ ៣ នៅលើតារាង Billboard Hot 100 របស់សហរដ្ឋអាម៉េរិក ដោយបង្កើតកំណត់ត្រាសម្រាប់បទចម្រៀងដែលមានចំណាត់ថ្នាក់ខ្ពស់បំផុតដោយតារាចម្រៀងនារី K-pop ហើយនៅតែឈរនៅលើតារាងរយៈពេល ៤១ សប្តាហ៍ជាប់ៗគ្នា។

នៅលើ YouTube បទនេះបានបំបែកឯតទគ្គកម្មសម្រាប់ MV Kpop លឿនបំផុតដែលឈានដល់ ១ ពាន់លានទស្សនាក្នុងប្រវត្តិសាស្ត្រដែលពីមុនត្រូវបានគ្រងតំណែងដោយ MV «Gangnam Style» របស់ Psy ។ MV «APT»ឥឡូវនេះមានអ្នកចូលមើលលើសពី ១.៩ពាន់លានដង។ កម្មវិធី «20th Century Hit Song» របស់ KBS Joy បាននិយាយថា Rosé រកចំណូលបាន ១៣.៣ ពាន់លានវ៉ុនប្រមាណ ៩.៧លានដុល្លារពីក្នុងការស្ទ្រីមត្រឹមតែ ២សប្តាហ៍បន្ទាប់ពីការចេញបទចម្រៀង «APT» ។

ទឹកប្រាក់រាប់សិបលានដុល្លារដែលរកបានតាមរយៈ YouTube បន្តឆ្លុះបញ្ចាំងពីប្រជាប្រិយភាពទូទាំងពិភពលោករបស់ Rosé ដោយពង្រឹងឋានៈជាកំពូលតារារបស់នាងក្នុងនាមជាតារាចម្រៀងទោលដែលទទួលបានជោគជ័យបំផុតរបស់ K-pop ។ លើសពីនេះ Rosé ត្រូវបានបោះឆ្នោតដោយទស្សនាវដ្តី Time ថាជា «មនុស្សមានឥទ្ធិពលបំផុតម្នាក់» ក្នុងឆ្នាំ២០២៥ នៅក្នុងខែមេសា។

គួរឱ្យដឹងថាបទចម្រៀង «APT» កំពុងទទួលបានការតែងតាំង ៧ ក្នុងចំណោម ៨ សម្រាប់ Rosé នៅឯកម្មវិធី MTV Video Music Awards ឆ្នាំ ២០២៥៕

ពីមនុស្សម្នាក់ដែលស្ទើរតែគ្មាននរណាម្នាក់ចងចាំ Liu Yuning មានដំណើរផ្លាស់ប្តូរគួរឱ្យកត់សម្គាល់។ ក្នុងរយៈពេលជាច្រើនឆ្នាំនៃសកម្មភាពសិល្បៈ Liu Yuning បានបង្ហាញពីការតស៊ូ និងជំនឿយ៉ាងមុតមាំលើផ្លូវដែលលោកបានជ្រើសរើស។

តារាប្រុសធ្លាប់បាននិយាយថា «គ្មានអ្នកណាជួយខ្ញុំឱ្យដឹងពីមហិច្ឆតាដ៏ខ្ពស់របស់ខ្ញុំទេ ខ្ញុំដើរកាត់ព្រិលដោយខ្លួនឯងមួយជំហានយកឈ្នះលើកំពូល»។ ពាក្យនេះមិនត្រឹមតែបង្ហាញពីការតស៊ូប៉ុណ្ណោះទេ ប៉ុន្តែថែមទាំងក្លាយជាប្រភពនៃការបំផុសគំនិតសម្រាប់ទស្សនិកជនជាច្រើនដែលចូលចិត្ត។ ក្រឡេកទៅមើលដំណើរកម្សាន្តនៃសកម្មភាពតន្រ្តីចាប់តាំងពីការបង្ហាញខ្លួនលើកដំបូងរូបភាពរបស់ Liu Yuning នៅពេលនោះនៅតែពោរពេញដោយការចាប់អារម្មណ៍និងច្របូកច្របល់។ យ៉ាងណាមិញក្រោយរយៈពេល៧ឆ្នាំនៅលើឆាកតែមួយ លោកបានវិលមកក្នុងមុខតំណែងផ្សេង គឺអ្នកសិល្បៈចម្រុះ ទាំងតារាចម្រៀង និងតារាសម្តែង ទទួលបានការគាំទ្រយ៉ាងសាទរ និងមានការចោទសួរជាបន្តបន្ទាប់ពីអ្នកសារព័ត៌មាន។

Liu Yuning មិនត្រឹមតែឈប់សកម្មភាពលើតន្ត្រីប៉ុណ្ណោះទេប៉ុន្តែលោកក៏បានបន្សល់ទុកនូវភាពល្បីល្បាញលើកញ្ចក់ទូរទស្សន៍ជាមួយនឹងតួនាទីចម្រុះជាច្រើន ដែលទទួលបានការកោតសរសើរយ៉ាងខ្លាំងពីប្រព័ន្ធផ្សព្វផ្សាយ និងទស្សនិកជន។ តាំងពីដើមមកតារាវ័យ៣៥ឆ្នាំរូបនេះត្រូវតែប្រឹងប្រែងដោយខ្លួនឯង ដោយគ្មានការគាំទ្រខ្លាំង ទើបលោកបញ្ជាក់សមត្ថភាពបន្តិចម្តងៗ ជាមួយនឹងសំឡេងច្រៀង ការសម្តែង និងស្ទីលការងារប្រកបដោយវិជ្ជាជីវៈ។

ការផ្លាស់ប្តូរជាក់ស្តែងតាមរយៈដំណាក់កាលនីមួយៗ គឺជាព័ស្តុតាងនៃដំណើរដ៏លំបាកដែលលោកបានឆ្លងកាត់។ ពីសិល្បករដែលមិនសូវស្គាល់ Liu Yuning ឥឡូវនេះបានឈរយ៉ាងរឹងមាំនៅលើឆាកធំៗដូចជា Mercedes-Benz Arena ជាកន្លែងដែលបង្ហាញមុខនឹងពន្លឺដ៏ភ្លឺស្វាង និងក្តីស្រលាញ់យ៉ាងពេញទំហឹងពីទស្សនិកជន។ ជាមួយនឹងស្មារតីតស៊ូឥតឈប់ឈរ Liu Yuning សមនឹងក្លាយជាគំរូនៃការខិតខំប្រឹងប្រែង ជំនះការលំបាក និងការតស៊ូក្នុងឧស្សាហកម្មកម្សាន្តចិន៕

ថ្មីៗនេះម៉ាកគ្រឿងសម្អាងមួយបានប្រកាសថាការផ្សាយផ្ទាល់របស់ Esther Yu ក្នុងឱកាសពិធីបុណ្យ Qixi នៅថ្ងៃទី២៩ ខែសីហា ត្រូវបានពន្យារពេល។ បន្ទាប់មកម៉ាកនេះបានប្ដូររូបCover ពីទូតសុឆ្ទន្ឆៈ Esther Yu មកជារូបថតរបស់ Zhao Lusi ។

ទង្វើនេះបានធ្វើឱ្យមានការរំជើបរំជួលភ្លាមៗ ដោយសារតែ Zhao Lusi និង Esther Yu ថ្មីៗនេះត្រូវបានគេនិយាយថាមានជម្លោះ ដោយសារតែ Zhao Lusi បាននិយាយបង្ហើបម្តងហើយម្តងទៀតនៅលើការផ្សាយផ្ទាល់ដែលមនុស្សជាច្រើនជឿថានាងចង់និយាយពី Esther Yu ។ ទោះបីជាយ៉ាងណាក៏ដោយ យោងតាមប្រព័ន្ធផ្សព្វផ្សាយ ការផ្សាយបន្តផ្ទាល់របស់ Esther Yu ត្រូវបានផ្អាកភ្លាមៗ ដោយសារតែ រឿងអាស្រូវថ្មីៗរបស់តារាស្រីរូបនេះទាក់ទងនឹងអាកប្បកិរិយា បុគ្គលិកលក្ខណៈ និងប្រវត្តិគ្រួសាររបស់នាង។ ជាពិសេស អាជីវកម្មគ្រួសាររបស់ Esther Yu បានជាប់ក្នុងបញ្ជីស្វែងរកពេញនិយមបំផុតនៅលើ Weibo ។

យោងតាមប្រព័ន្ធផ្សព្វផ្សាយចិនបានឱ្យដឹងថា ភាពចម្រូងចម្រាសនេះកើតចេញពីគណនីមួយបង្ហោះបង្កឱ្យមានការសង្ស័យថាក្រុមហ៊ុនរបស់ឪពុករបស់ Esther Yu មានជាប់ពាក់ព័ន្ធក្នុងអំពើខុសច្បាប់ដូចជាការខ្ចីប្រាក់ ការកេងបន្លំមូលនិធិសាធារណៈ ការបណ្តាក់ទុនមិនទៀងទាត់ជាមួយសហគ្រាសរដ្ឋ និងការគេចពន្ធ។ លើសពីនេះ ក៏មានសេចក្តីរាយការណ៍ថា ជីតារបស់ Esther Yu គឺជាប្រធានសហជីពការងារនៃក្រុមហ៊ុនមួយ ខណៈឪពុករបស់ Esther Yu បើកក្រុមហ៊ុនរុករករ៉ែដែលមានកម្រិតខ្ពស់នៃការត្រួតស៊ីគ្នាជាមួយនឹងសកម្មភាពអាជីវកម្មរបស់សហគ្រាសរដ្ឋ។ ប្រសិនបើជាការពិត វានឹងក្លាយជាការរំលោភលើបទប្បញ្ញត្តិដែលហាមឃាត់សាច់ញាតិរបស់នាយកប្រតិបត្តិជាន់ខ្ពស់នៅក្នុងសហគ្រាសរដ្ឋរបស់ចិនមិនឱ្យធ្វើអាជីវកម្មក្នុងវិស័យពាក់ព័ន្ធ។

ទោះជាយ៉ាងនេះក៏ដោយភាពចម្រូងចម្រាសពាក់ព័ន្ធនឹង Esther Yu មិនមែនជារឿងអាស្រូវក្នុងឧស្សាហកម្មកម្សាន្តទៀតទេ ប៉ុន្តែជាករណីដែលមានសញ្ញានៃការបំពានច្បាប់ ខណៈករណីនេះស្នើឱ្យអាជ្ញាធរស៊ើបអង្កេត និងបង្ហាញលទ្ធផលជាសាធារណៈ។
ភ្លាមៗនោះ នៅថ្ងៃទី ២៨ ខែសីហា Esther Yu បានប្រកាសថានាងបានអនុញ្ញាតឱ្យក្រុមហ៊ុនច្បាប់របស់នាងប្តឹងគណនីសរុបចំនួន៥៦ ។ ទោះជាយ៉ាងនេះក្តី សេចក្តីប្រកាសមិនបានបញ្ជាក់ជាក់លាក់អំពីព័ត៌មានដែលកំពុងផ្សព្វផ្សាយនោះទេ គឺគ្រាន់តែនិយាយជាទូទៅអំពីការប្តឹងគណនីដែលបានធ្វើសេចក្តីថ្លែងការណ៍ប្រមាថ បង្ខូចកេរ្តិ៍ឈ្មោះ និងធ្វើឱ្យខូចមុខមាត់អ្នកសិល្បៈ។

យោងតាម QQ ការពិត អាជីវកម្មគ្រួសារមិនទាក់ទងផ្ទាល់ជាមួយ Esther Yu ទេ។ ប៉ុន្តែនាងជាតារាសម្តែងដ៏ល្បី និងមានឥទ្ធិពលមួយរូប ដូច្នេះហើយនៅពេលដែលក្រុមហ៊ុនរបស់ឪពុកនាងត្រូវគេចោទថាប្រព្រឹត្តិល្មើសច្បាប់ វានឹងបង្ហាញនូវតម្លៃមិនល្អ មិនត្រូវបានមហាជនគាំទ្រឡើយ។ ជាពិសេស Esther Yu ត្រូវបានគេស្គាល់ថាជា ព្រះនាងសៀងហៃ ដែលមានប្រវត្តិជាអ្នកមាន។ ជីវិតដ៏ឡូយឆាយផ្អែកលើសកម្មភាពជំនួញខុសច្បាប់របស់គ្រួសារនាងនឹងធ្វើឱ្យតារាស្រីរូបនេះត្រូវគេបោះបង់ចោល។

Esther Yu កំពុងតែប្រឈមមុខគឺមិនត្រឹមតែសំណួរជុំវិញគ្រួសាររបស់នាងប៉ុណ្ណោះទេ ប៉ុន្តែថែមទាំងហានិភ័យនៃរូបភាព និងបុគ្គលិកលក្ខណៈរបស់នាងផងដែរ ដោយសារតែត្រូវបាន «លាតត្រដាង»ដោយមិត្តរួមការងារ និងមនុស្សក្នុងឧស្សាហកម្មជាច្រើនចំពោះអាកប្បកិរិយាមិនល្អរបស់នាង។

ក្នុងសប្តាហ៍កន្លងទៅ Esther Yu បានបាត់បង់អ្នកតាមដានជាង ៧២០,០០០ នាក់នៅលើគណនីប្រព័ន្ធផ្សព្វផ្សាយសង្គមរបស់នាង។ តារាសម្តែងកើតក្នុងឆ្នាំ ១៩៩៥ រូបនេះកំពុងមានវិបត្តិសកម្មភាពរបស់នាងដែលត្រូវបានប៉ះពាល់៕