តារាសម្តែង Lee Chae Min កំពុងធ្វើឱ្យមនុស្សជាច្រើនប៉ងប្រាថ្នាចង់ធ្វើជាតួឯកស្រីក្នុងសាច់រឿងបន្ទាប់ពីទស្សនារឿងភាគពេញនិយម «Bon Appétit, Your Majesty»ហើយ។ នេះជាឱកាសមាស ឱកាសប្រាក់របស់តារាសម្តែងវ័យក្មេងរូបនេះបន្ទាប់ពីបានសម្តែងជាមួយរៀមច្បង YoonA ។ យ៉ាងណាមិញ នៅក្នុងជីវិតពិតតារាសម្តែងរូបសង្ហាកើតក្នុងឆ្នាំ ២០០០ រូបនេះមានគូស្នេហ៍បាត់ទៅហើយ។

Lee Chae Min មានទំនាក់ទំនងជាមួយមិត្តស្រីក្នុងវិស័យសិល្បៈដូចគ្នាដែលបានធ្វើឱ្យទស្សនិកជនជាច្រើនដែលមិនទាន់បានដឹងមានការភ្ញាក់ផ្អើលព្រោះតារាប្រុសរូបនេះទើបតែប្រឡូកក្នុងវិស័យសិល្បៈបានប៉ុន្មានឆ្នាំប៉ុណ្ណោះ ប៉ុន្តែបានប្រកាសជាសាធារណៈអំពីទំនាក់ទំនងរបស់ខ្លួនជាមួយនឹងមិត្តស្រីដែលមានវ័យស្មើគ្នា។

នៅខែមីនា ឆ្នាំ២០២៤ Lee Chae Min និងតារាសម្តែង Ryu Da In ត្រូវបានគេប្រទះឃើញកាន់ដៃគ្នានៅលើផ្លូវ។ Lee Chae Min ក៏បានកាន់អាវធំ និងកាបូបរបស់ Ryu Da In ផងដែរ។ សម្លៀកបំពាក់របស់ពួកគេត្រូវគ្នានឹងការបង្ហោះនៅលើបណ្តាញសង្គមដែលបង្កឱ្យមានពាក្យចចាមអារ៉ាមអំពីទំនាក់ទំនងស្នេហា។ បន្តិចក្រោយមក ក្រុមហ៊ុនគ្រប់គ្រងរបស់ Lee Chae Min បានបញ្ជាក់ថា តារាប្រុសរូបនេះកំពុងមានទំនាក់ទំនងស្នេហាជាមួយ Ryu Da In ពិតមែន ខណៈស្នេហារបស់ពួកគេត្រូវបានទស្សនិកជនគាំទ្រ។

អ្នកនិយមលេងអ៊ីនធឺណិតភាគច្រើនគិតថា Lee Chae Min និង Ryu Da In គឺជាគូស្នេហ៍ដ៏ស្រស់ស្អាត។ មិនត្រឹមតែមានអាយុស្មើគ្នាទេ ពួកគេក៏មានកម្ពស់សមស្របដែរ។ Lee Chae Min មានកម្ពស់ ១.៩០ម៉ែត្រ ខណៈ Da In មានកម្ពស់ ១.៧៤ម៉ែត្រ។

នៅក្នុងបទសម្ភាសន៍មួយ Da In បានចែករំលែកថា «ខ្ញុំមិនមានអារម្មណ៍ថាមានសម្ពាធអ្វីទេនៅពេលបង្ហាញទំនាក់ទំនងរបស់យើងជាសាធារណៈ។ ជាមួយនឹងអាជីពសម្តែងរបស់យើង យើងនឹងផ្លាស់ប្តូរទៅជាតួអង្គផ្សេងៗគ្នា។ ខ្ញុំមិនគិតថាឈ្មោះរបស់ខ្ញុំធ្វើឱ្យមានភាពខុសប្លែកគ្នាច្រើននោះទេ។ ខ្ញុំគ្រាន់តែត្រូវបង្ហាញការសម្ដែងឱ្យបានល្អ និងព្យាយាមឱ្យអស់ពីសមត្ថភាពសម្រាប់តួនាទីរបស់ខ្ញុំ»។

តារាសម្តែងទាំងពីរទទួលបានការចាប់អារម្មណ៍ដោយសារតួនាទីគាំទ្ររបស់ពួកគេនៅក្នុងរឿងភាគរបស់ទូរទស្សន៍ tvN មានចំណងជើងថា «Crash Course in Love» ឆ្នាំ២០២៣ ហើយបន្ទាប់មកមានឱកាសទទួលតួនាទីឈានមុខគេនៅក្នុងគម្រោងខ្សែភាពយន្តតាមប្រព័ន្ធអនឡាញ។

ក្នុងឆ្នាំ ២០២៤ Lee Chae Min បានធ្វើឱ្យមានការចាប់អារម្មណ៍ជាមួយនឹងតួនាទីឈានមុខគេដំបូងរបស់ Netflix មានចំណងជើងថា «Hierarchy» ខណៈដែល Da In ក៏មានតួនាទីនៅក្នុងរឿងភាគដ៏ពេញនិយម «Pyramid Game» ។ ការទទួលតួនាទីជាតួឯកប្រុសក្នុងរឿង «Bon Appétit, Your Majesty» គឺជាឱកាសដ៏មិននឹកស្មានដល់ និងសំខាន់សម្រាប់ Lee Chae Min ៕

កាលពីថ្ងៃទី៣០ ខែសីហា តារាសម្តែងកូរ៉េ Lee Soo Hyuk តួប្រុសក្នុងរឿង «S Line» និងជាមិត្តភក្តិល្អរបស់ G-Dragon បានជួបជាមួយអ្នកគាំទ្រលើកដំបូងរបស់ខ្លួននៅទីក្រុង Hangzhou ប្រទេសចិន។ ព្រឹត្តិការណ៍នេះបានទាក់ទាញការចាប់អារម្មណ៍ និងលក់អស់ក្នុងរយៈពេលតែប៉ុន្មាននាទីប៉ុណ្ណោះ។

ទោះជាយ៉ាងណាក៏ដោយ បន្ទាប់ពីព្រឹត្តិការណ៍នេះ ប្រព័ន្ធផ្សព្វផ្សាយ EBC បានចោទប្រកាន់ Saram Entertainment ថាបានបង្ខំ Lee Soo Hyuk ឱ្យធ្វើការខ្លាំងពេក។ ប្រព័ន្ធផ្សព្វផ្សាយនេះបានសរសេរថា “ក្រុមហ៊ុនបានលក់សំបុត្រជាច្រើនដែល Lee Soo Hyuk ត្រូវចុះហត្ថលេខាលើប័ណ្ណសម្គាល់សម្រាប់អ្នកគាំទ្ររាប់ពាន់នាក់ក្នុងរយៈពេល ១២ ម៉ោង។
ប្រភពដដែលបានបន្ថែមថា Lee Soo Hyuk ពោរពេញដោយញើសនៅចុងបញ្ចប់នៃព្រឹត្តិការណ៍នេះ ដោយសារតែម៉ាស៊ីនត្រជាក់មិនល្អនៅកន្លែង។ សាក្សីខ្លះបាននិយាយថា តារាសម្តែងរូបនេះ ថែមទាំងបង្ហាញសញ្ញានៃការខះជាតិទឹក និងកំពុងញ័រជុំវិញកន្លែង។

នៅពេលដែលអ្នកគាំទ្រតវ៉ាយ៉ាងខ្លាំងចំពោះអ្នករៀបចំសម្រាប់ការធ្វើការងារលើសព្រំដែននិងទាមទារឱ្យមានការពន្យល់ អ្នកគ្រប់គ្រងរបស់តារាសម្តែងរូបនេះបានឆ្លើយតប។
Saram Entertainment បាននិយាយថា «យើងសូមអភ័យទោសដោយស្មោះចំពោះឧប្បត្តិហេតុដែលបានកើតឡើងក្នុងអំឡុងពេលជួបអ្នកគាំទ្រដោយសារតែកាលៈទេសៈដែលមិននឹកស្មានដល់។ ចំពោះឧបទ្ទវហេតុនេះ យើងសន្យាថានឹងប្រឹងប្រែងឱ្យអស់ពីសមត្ថភាពដើម្បីកែលម្អបន្ថែមទៀតនាពេលអនាគត។ យើងសង្ឃឹមថា ភាពស្មោះត្រង់របស់សិល្បករ ដែលបានព្យាយាមអស់ពីសមត្ថភាព ទោះជាស្ថិតក្នុងកាលៈទេសៈណាក៏ដោយ និងអ្នកគាំទ្រដែលមកចូលរួមដោយក្តីស្រលាញ់ចំពោះសិល្បករ នឹងមិនបាត់បង់ដោយសារតែការវិវត្តន៍ទាំងនេះឡើយ។ យើងសង្ឃឹមថាពេលវេលានៃការជួបគ្នារវាងសិល្បករនិងអ្នកគាំទ្រជាលើកដំបូងក្នុងរយៈពេលជាង១០ឆ្នាំនេះនឹងតែងតែជាអនុស្សាវរីយ៍ដ៏មានតម្លៃ»។

ការចោទប្រកាន់របស់ប្រព័ន្ធផ្សព្វផ្សាយថាក្រុមហ៊ុនគ្រប់គ្រងរបស់ Lee Soo Hyuk បានកេងប្រវ័ញ្ចកម្លាំងពលកម្មរបស់លោកបានបង្កឱ្យមានការភ្ញាក់ផ្អើលចំពោះអាកប្បកិរិយាមិនធម្មតារបស់តារាសម្តែង។ ថ្មីៗនេះ Lee Soo Hyuk បានធ្វើឱ្យមានការព្រួយបារម្ភ ដោយសារតែរូបរាងស្គមជាងមុនរបស់លោក និងអាកប្បកិរិយាមិនធម្មតាមួយចំនួន ដូចជាមិនអាចអង្គុយស្ងៀមក្នុងអំឡុងពេលជួបអ្នកគាំទ្រជាដើម។ មនុស្សជាច្រើនគិតថាអាកប្បកិរិយារបស់ Lee Soo Hyuk គឺស្រដៀងនឹង មិត្តជិតស្និទ្ធរបស់លោកគឺ G-Dragon ពេក។ អ្នកលេងអ៊ីនធឺណិតមួយចំនួនថែមទាំងសង្ស័យថាតារារូបនេះប្រើសារធាតុខុសច្បាប់។

ទោះជាយ៉ាងណាក៏ដោយ នៅពេលដែល Lee Soo Hyuk ត្រូវបានលាតត្រដាងពីការចុះហត្ថលេខាឱ្យអ្នកគាំទ្ររយៈពេល ១២ ម៉ោងនោះ ទស្សនិកជនបានសម្តែងការអាណិតអាសូរចំពោះតារាសម្តែងរូបនេះ ដោយបាននិយាយថា ការបង្ខំឱ្យធ្វើការខ្លាំងពេកគឺជាហេតុផលដែលប៉ះពាល់ដល់សុខភាព និងផ្លូវចិត្តរបស់លោក។ Lee Soo Hyuk ធ្លាប់ជាតារាសម្ដែង និងជាតារាបង្ហាញម៉ូតក្នុងផលិតកម្ម YG Entertainment ។ ប៉ុន្តែនៅក្នុងខែមករា ឆ្នាំ២០២៥ YG ស្រាប់តែបានប្រកាសបញ្ចប់អាជីវកម្មគ្រប់គ្រងតារាសម្តែងរបស់ខ្លួន ដែលបណ្តាលឱ្យតារាសម្តែងរាប់សិបនាក់រួមទាំង Lee Soo Hyuk ចាកចេញពីក្រុមហ៊ុន។
នៅពាក់កណ្តាលខែកក្កដា Lee Soo Hyuk បានចុះកុងត្រាជាមួយ Saram Entertainment ។ មិនយូរប៉ុន្មានលោកបានទាក់ទាញការចាប់អារម្មណ៍នៅពេលដែលលោកបានដើរតួសំខាន់នៅក្នុងខ្សែភាពយន្ត 18+ «S-Line»៕

ពាក្យចចាមអារ៉ាមអំពី Jennie សមាជិកក្រុម BLACKPINK មានទំនាក់ទំនងស្នេហាជាថ្មីកំពុងទទួលបានការចាប់អារម្មណ៍លើអ៊ីនធឺណិត បន្ទាប់ពីមានការបង្ហោះនៅលើបណ្តាញសង្គមដោយបានអះអាងថាតារាចម្រៀងល្បីឈ្មោះរូបនេះកំពុងមានទំនាក់ទំនងស្នេហាជាមួយតារាសម្ដែងអាម៉េរិក និងជាកីឡាករជិះស្គី Nico Hiraga ។

យោងតាមការបង្ហោះចែកចាយនៅលើប្រព័ន្ធផ្សព្វផ្សាយសង្គម Jennie និង Nico ត្រូវបានគេចោទប្រកាន់ថាបានប្រទះឃើញរួមគ្នានៅទីក្រុង Vancouver ប្រទេសកាណាដា។ អ្នកលេងអ៊ីនធឺណិតអន្តរជាតិបានចែករំលែករូបថតពីឆ្នាំ២០២៤ ហើយសរសេរថា Jennie ជាមួយមិត្តភ័ក្តិ និងមិត្តប្រុសរបស់នាង។ អ្នកបង្ហោះនោះក៏បានចង្អុលទៅរូបថតរបស់ Jennie និង Nico ដែលថតជាមួយគ្នាជាព័ស្តុតាងបន្ថែមទៀតនៃទំនាក់ទំនង។

ទោះជាយ៉ាងណាក៏ដោយ អ្នកនិយមលេងអ៊ីនធឺណិតកូរ៉េភាគច្រើនបានច្រានចោលការរំពឹងទុកនេះ ដោយលើកហេតុផលថា រូបថតទាំងនោះគ្រាន់តែបង្ហាញថាពួកគេជាមិត្តជិតស្និទ្ធប៉ុណ្ណោះ មិនមែនជាគូស្នេហ៍នោះទេ។ អ្នកនិយមលេងអ៊ីនធឺណិតក៏បានចង្អុលបង្ហាញថា សមាជិកក្រុម BLACKPINK តែងតែបង្ហាញការស្រលាញ់រាប់អានជាសាធារណៈចំពោះមិត្តភក្តិប្រុស ជាពិសេសប្រសិនបើមិត្តភក្តិទាំងនោះជាភេទទី៣ ឬមានទំនាក់ទំនងអាជីវកម្មជាមួយគ្នា។

អ្នកលេងអ៊ីនធឺណិតកូរ៉េបានបញ្ចេញមតិថា៖ ប្រតិកម្មហួសហេតុពេកគឺគួរឱ្យអស់សំណើចណាស់។ ប៉ុន្តែប្រសិនបើគេថតចំហបែបនេះ វាទំនងជាមិត្តភក្តិនឹងគ្នា, BLACKPINK មិនអាច ដើរលេងជាមួយមិត្តភ័ក្តិបានទេ? ជាមួយនឹងភាពជោគជ័យ ពួកគេប្រហែលជាមានទំនាក់ទំនងជាច្រើននៅក្រៅប្រទេស។ គ្រាន់តែឃើញនៅជាមួយគ្នាមិនមានន័យថាមនុស្សប្រុសនោះជាមិត្តប្រុសដោយស្វ័យប្រវត្តិនោះ ,ច្បាស់ណាស់គេគ្រាន់តែជាមិត្ត…»។

គួរឱ្យដឹងថា Nico Hiraga ស្ទើរតែក្លាយជាកីឡាករជិះស្គីអាជីពប៉ុន្តែបន្ទាប់ពីរងរបួសកាលពីនៅអាយុ ១៩ ឆ្នាំវាបានបំផ្លាញក្តីស្រមៃរបស់លោកដោយ Nico បានប្តូរទៅសម្តែងវិញ។ ទោះជាយ៉ាងនេះក្តីលោកនៅតែជាអ្នកជិះស្គីដ៏សកម្មរហូតមកដល់សព្វថ្ងៃនេះ៕

ថ្មីៗនេះគណនីកម្សាន្តក្នុងប្រទេសចិនជាច្រើនបានផ្សព្វផ្សាយព័ត៌មានថា Feng Shaofeng និង Jing Tian បានរៀបការនៅថ្ងៃទី ២៩ ខែសីហា។ ព័ត៌មានបានបញ្ជាក់ថាតារាទាំងពីរបានជួបគ្នាពេលធ្វើការជាមួយគ្នាក្នុងរឿងភាគប្រវត្តិសាស្ត្រក្នុងឆ្នាំ២០២៣ បន្ទាប់មករក្សាទំនាក់ទំនងសម្ងាត់មុនពេលរៀបការ។

នៅថ្ងៃទី៤ ខែកញ្ញា ការិយាល័យរបស់ Jing Tian បានបដិសេធថា «ក្លែងក្លាយ! Jing Tian មិនបានរៀបការទេ នាងនៅលីវ។ សូមបញ្ឈប់ការផ្សព្វផ្សាយពាក្យចចាមអារ៉ាមប្រឌិត»។ បន្ទាប់មក អ្នកគ្រប់គ្រងក្រុមហ៊ុនតារា Feng Shaofeng ក៏បានឆ្លើយតបនៅថ្ងៃដដែលនេះថា «ក្លែងក្លាយ! ពិតជាមិនពិត កុំជឿពាក្យចចាមអារ៉ាម កុំផ្សព្វផ្សាយវា»។ បន្ទាប់ពី Jing Tian និង Feng Shaofeng បានបដិសេធយ៉ាងដាច់អហង្ការចំពោះដំណឹងរៀបការនោះ ទស្សនិកជនជាច្រើនក៏បានចង្អុលបង្ហាញថាពាក្យចចាមអារ៉ាមនេះគឺមិនទំនងទាល់តែសោះ។

កាលពីខែមុន ប៉ាប៉ារ៉ាស៊ីបានចាប់បានថា Shaofeng ដើរទិញឥវ៉ាន់ជាមួយមិត្តស្រីរបស់ខ្លួនឈ្មោះ Zhou Linjia ដែលមានអាយុតិចជាងលោក ១៨ ឆ្នាំ ដែលជាតារាសម្តែងដែលមានគណនី Douyin មានអ្នកតាមដានជាង ១ លាននាក់។ កាលពីចុងឆ្នាំ២០២៤ អ្នកទាំងពីរត្រូវបានគេប្រទះឃើញនៅជាមួយគ្នា។ ទោះបីជាយ៉ាងណាក៏ដោយ នៅពេលនោះ Linjia បានបដិសេធពាក្យចចាមអារ៉ាមថាមានទំនាក់ទំនងស្នេហាជាមួយ Feng Shaofeng ។
ក្នុងខែមិថុនា ឆ្នាំ២០២៥ គេឃើញអ្នកទាំងពីរកំពុងញ៉ាំអាហារពេលល្ងាចជាមួយមិត្តជិតស្និទ្ធខណៈតារាប្រុសរូបនេះបានបង្ហាញសកម្មភាពផ្អែមល្ហែមជាច្រើនចំពោះមិត្តស្រីរបស់ខ្លួន។

គួរបញ្ជាក់ផងដែរថា Feng Shaofeng បានរៀបការជាមួយតារាសម្តែង Zhao Liying ក្នុងឆ្នាំ ២០១៨ ប៉ុន្តែអាពាហ៍ពិពាហ៍របស់ប្តីប្រពន្ធនេះមានរយៈពេលត្រឹមតែ ៣ ឆ្នាំប៉ុណ្ណោះ ពួកគេបានលែងលះគ្នានៅខែមេសា ឆ្នាំ ២០២១ ដោយបន្សល់នូវចំណងដៃកូនប្រុសម្នាក់។

Jing Tian កើតនៅឆ្នាំ ១៩៨៨ ហើយត្រូវបានគេស្គាល់ថាជា សម្រស់ទីមួយនៃទីក្រុងប៉េកាំង ប៉ុន្តែមានរឿងអាស្រូវស្នេហាជាច្រើន។ នាងបានណាត់ជួបជាមួយកីឡាករវាយកូនបាល់លើតុដ៏ល្បីល្បាញ Zhang Jike ក្នុងឆ្នាំ ២០១៨។ Jing Tian ក៏ត្រូវបានពាក្យចចាមអារ៉ាមថាជាស្រីកំណាន់របស់ម្ចាស់ស្ទូឌីយោភាពយន្តចិនដែលមានឥទ្ធិពលនៅក្នុងទីផ្សារសហរដ្ឋអាម៉េរិក ដែលផ្តល់ឱកាសឱ្យនាងចូលរួមក្នុងខ្សែភាពយន្តហូលីវូដ។

នៅឆ្នាំ ២០២៣ Jing Tian ត្រូវបានជាប់នៅក្នុងរឿងអាស្រូវដ៏ធំមួយ នៅពេលដែលអ្នកយកព័ត៌មានបានលាតត្រដាងថា អតីតមិត្តប្រុសរបស់នាង Zhang Jike បានប្រើប្រាស់រូបថត និងវីដេអូរសើបដើម្បីដោះស្រាយបំណុលល្បែងរបស់នាងក្នុងឆ្នាំ ២០១៩។ ហេតុការណ៍នេះបានធ្វើឱ្យ Jing Tian ភ្ញាក់ផ្អើលយ៉ាងខ្លាំង ដោយបង្ខំឱ្យនាងបញ្ឈប់សកម្មភាពសិល្បៈមួយរយៈ និងដាក់កម្រិតលើការបង្ហាញមុខជាសាធារណៈ៕