ភាពយន្ដ «Overdo» របស់ Zhang Linghe និង Wang Churan បានបញ្ចប់ការថតជាផ្លូវការហើយ។ អំឡុងពេលការងារចុងក្រោយ អ្នកគាំទ្ររបស់តារាប្រុសរូបនេះមកពីខេត្ត Jiangsu បានរៀបចំសកម្មភាពគាំទ្រ ដើម្បីបង្ហាញការគាំទ្រដល់ Idol របស់ពួកគេ។

ជាការឆ្លើយតបទៅកាន់អ្នកគាំទ្រ Zhang Linghe ក៏បានរៀបចំអាហារ ភេសជ្ជៈ និងអំណោយ ដើម្បីផ្ញើជូនអ្នកដែលគាំទ្រលោកផងដែរ។ ពាក្យគន្លឹះ Zhang Linghe អញ្ជើញអ្នកគាំទ្រញ៉ាំពេញមួយថ្ងៃ បានកើនឡើងដល់កំពូលនៃការស្វែងរក និងការពិភាក្សានៅលើវេទិកា Weibo ។ នៅវេលាថ្ងៃត្រង់ Zhang Linghe បានកុម្ម៉ង់អាហារសម្រន់ ភេសជ្ជៈស្រស់ ទឹកដោះគោ និងបានចែកស្រោមសំបុត្រសំណាងដល់អ្នកគាំទ្រ។ នៅពេលរសៀល លោកបានបន្តផ្ញើកូនសោរអនុស្សាវរីយ៍ ផ្លែឈើ ស្ករគ្រាប់ នំព្រះខែដែលរចនាតាមតម្រូវការ។ នៅពេលអាហារពេលល្ងាច បន្ទាប់ពីក្រុមផលិតភាពយន្តបានបញ្ចប់ពិធីលាគ្នា Zhang Linghe បានរៀបចំពិធីជប់លៀងមួយសម្រាប់សហគមន៍អ្នកគាំទ្រ។

តារាសម្តែងវ័យ២៧ឆ្នាំរូបនេះបានបញ្ជាទិញអាហារពេលល្ងាចចំនួន ១,៦០០ រួមទាំងប្រអប់អាហារថ្ងៃត្រង់ជាច្រើនពាន់ប្រអប់ថែមទៀត។ នៅលើប្រព័ន្ធផ្សព្វផ្សាយសង្គម អ្នកគាំទ្របានលាតត្រដាងថា Zhang Linghe បានរៀបចំអំណោយ និងអាហារសម្រន់យ៉ាងតិច ១០ មុខដែលធានាថាអ្នកគាំទ្រដែលបានមកគាំទ្រពិធីបិទភាពយន្តនឹងមានអាហារឆ្ងាញ់ៗ ភេសជ្ជៈ និងអំណោយយកទៅផ្ទះ។
ការគិតគូរ និងការលះបង់របស់ Zhang Linghe ទទួលបានការសរសើរយ៉ាងច្រើនពីសាធារណជន។ មនុស្សគ្រប់គ្នាជឿថាការស្រលាញ់ពីភាគីទាំងពីរមានតម្លៃណាស់ ហើយជាកត្តាសម្រាប់ទំនាក់ទំនងយូរអង្វែង។

បច្ចុប្បន្ន Zhang Linghe បានបញ្ចប់ការថតឈុតឆាកក្នុងរឿង «Overdo» ដែលរឿងនេះគឺជាគម្រោងភាពយន្តបែបមនោសញ្ចេតនាបន្តពីរឿង «Too Late to Say I Love You»។ ខ្សែភាពយន្តនេះបានចេញផ្សាយឈុតខ្លីដំបូងរបស់ខ្លួនក្នុងអំឡុងពេលសន្និសីទផ្សព្វផ្សាយ ការផ្សាយពាណិជ្ជកម្មទាក់ទាញ នៃវេទិកា iQiyi ។ Zhang Linghe និង Wang Churan បានធ្វើឱ្យផ្ទុះនូវភាពស្រស់ស្អាត និងភាពស៊ីចង្វាក់គ្នារបស់ពួកគេ ដោយសន្យាថានឹងនាំមកនូវឥទ្ធិពលថ្មីដល់ទីផ្សារស្នេហារបស់តារាចិន៕

លោក Yu Chung Chung អ្នកដឹកនាំរឿង «Speed and Love» សម្តែងដោយ Esther Yu បានគាំទ្រភាពយន្តថ្មីរបស់ Zhao Lusi ទោះបីជាអ្នកទាំងពីរមិនធ្លាប់ធ្វើការជាមួយគ្នាក៏ដោយ។

នៅថ្ងៃទី ២៦ ខែកញ្ញា ភាពយន្ត «Love’s Ambition» សម្តែងដោយ Zhao Lusiនិង William Chan ស្រាប់តែចាក់ផ្សាយ។ អ្នកគាំទ្ររបស់ Zhao Lusi បានកត់សម្គាល់ឃើញថាអ្នកដឹកនាំរឿង Yu Chung Chung បានចុះឈ្មោះគណនី VIP ចំនួន ៣០០ នៅលើ Tencent Video ដើម្បីគាំទ្រខ្សែភាពយន្តថ្មីរបស់តួឯកស្រីរូបនេះ។ គួររំលឹកផងដែរថា អ្នកដឹកនាំរឿងនេះមិនធ្លាប់ធ្វើការជាមួយ Zhao Lusi ឬ William Chan ទេ។

Yu Chung Chung គឺជាអ្នកដឹកនាំរឿងជនជាតិតៃវ៉ាន់ដ៏ល្បីល្បាញដែលមានស្នាដៃជាច្រើន ហើយថ្មីៗនេះបានដឹកនាំរឿង «Speed and Love» សម្តែងដោយ Esther Yu និង He Yu ។ កាលពីមុន Zhao Lusi និង Esther Yu ត្រូវបានគេចាត់ទុកថាជាគូប្រជែងជាញឹកញាប់ដោយមានការប្រៀបធៀបក្នុងនាមអ្នកទាំងពីរគឺតារាសម្តែងវ័យក្មេង។ ការពិតដែលថាអ្នកដឹកនាំរឿងដែលបានធ្វើការជាមួយ Esther Yu ស្រាប់តែធ្វើសកម្មភាពគាំទ្រ Zhao Lusi បង្កឱ្យមានការពិភាក្សាជាច្រើន។

នៅពេលបញ្ចប់ការថតរឿង «Speed and Love» Esther Yu ត្រូវបានរិះគន់ចំពោះការចាក់ទឹកលើក្បាលរបស់អ្នកដឹកនាំរឿងរូបនេះដោយនាងបានលេងតាមប្រពៃណីតាមតំបន់។ យ៉ាងណាមិញ អ្នកដឹកនាំរឿងរូបនេះបានចេញមកបញ្ជាក់ថា Esther Yu ចាក់ទឹកស្អាតមកលើគាត់ មិនមែនតែទឹកដោះគោដូចដែលសហគមន៍អនឡាញប៉ាន់ស្មាន។ សកម្មភាពរបស់តារាស្រីរូបនេះពិតជាគ្រាន់តែបង្ហាញពីអត្ថន័យនៃការជូនពរសំណាងនិងជោគជ័យសម្រាប់ភាពយន្តប៉ុណ្ណោះ។

ក្រៅពីអ្នកដឹកនាំរឿង Yu Chung Chung យីហោទឹកដោះគោជូរមួយប្រភេទក៏បានឧបត្ថម្ភការផ្សាយពាណិជ្ជកម្មសម្រាប់ខ្សែភាពយន្ត «Love’s Ambition»ផងដែរ។ Esther Yu ធ្លាប់ជាតំណាងរបស់យីហោទឹកដោះគោជូរនេះ ប៉ុន្តែភ្លាមៗនៅពេលដែលរឿងអាស្រូវរបស់តារាស្រីរូបនេះផ្ទុះឡើង យីហោនេះបានលុបចោលភ្លាមៗ និងលាក់ការបង្ហោះអំពីនាង។

សហគមន៍អនឡាញជឿជាក់ថា Esther Yu កំពុងត្រូវបានបង្វែរចេញដោយឧស្សាហកម្មកម្សាន្តទាំងមូល បន្ទាប់ពីរឿងអាស្រូវពាក់ព័ន្ធនឹងគ្រួសាររបស់នាង និងបុគ្គលិកលក្ខណៈក្លែងក្លាយ។ តារាស្រីរូបនេះស្ទើរតែបង្កកសកម្មភាពមិនបានបង្ហាញមុខសាធារណៈផ្ទាល់តាំងពីដើមខែកញ្ញាមក។ បច្ចុប្បន្ននេះភាពយន្ត «Love’s Ambition»បានចាក់ផ្សាយចំនួន ៤ ភាគនៅលើវេទិកាវីដេអូ Tencent ។ ភាពល្បីល្បាញនៃខ្សែភាពយន្តឈានដល់ ២៧,០០០ ពិន្ទុជាមួយនឹងមតិវិជ្ជមានជាច្រើនពីទស្សនិកជន៕