ប្រទេសថៃ ៖ ជាច្រើនថ្ងៃមកនេះ បុគ្គល កាន់ ចមផ្លាំង Influencer ថៃដែលតែងតែធ្វើសកម្មភាពឈ្លា.នពានពលរដ្ឋខ្មែរនៅភូមិជោគជ័យ និងភូមិព្រៃចាន់ មិនថាការបញ្ជូនលាម.ក មកកាន់តំបន់ព្រំដែនខេត្តស្រះកែវ និងបើកសំឡេងរំខាន បានរងការរិះគ.ន់យ៉ាងខ្លាំងពីសំណាក់មជ្ឈដ្ឋានទូទៅ ជាពិសេស រងការរិះគ.ន់ពីសមាជិកសភាគណបក្សប្រឆាំង ដោយសារកេងបន្លំប្រាក់មូលនិធិរាប់រយលានបាត ។ ពលរដ្ឋថៃបានផ្ញើប្រាក់ក្នុងម្នាក់ៗរាប់ម៉ឺនបាតតាមធនាគារមកឱ្យ កាន់ ចមផ្លាំង សម្រាប់ចំណាយការងារព្រំដែន ព្រោះជឿថា ជាគណនីធនាគាររបស់បុគ្គលនេះ ប៉ុន្តែមានការបែកធ្លាយជាគណនីធនាគាររបស់រដ្ឋមន្ត្រីកសិកម្ម ទើបធ្វើឱ្យអ្នកផ្ញើប្រាក់ទាំងអស់ទាមទារប្រាក់មកវិញ និងឱ្យបុគ្គលនេះបកស្រាយឱ្យច្បាស់លាស់ ។

ការធ្វើសកម្មភាពនានារបស់ កាន់ ចមផ្លាំង គឺឧបនាយករដ្ឋមន្ត្រី និងរដ្ឋមន្ត្រីក្រសួងកសិកម្ម លោក ថាំម៉ាណាស់ ព្រំផៅ នៅពីក្រោយខ្នង ព្រមទាំងពាក់ព័ន្ធជាមួយប្រាក់មូលនិធិផងដែរ ។ ក្រោយផ្ទុះរឿងអាស្រូវពាក់ព័ន្ធនឹងការកេងបន្លំប្រាក់មូលនិធិ កាន់ ចមផ្លាំង ប្រកាសថា ខ្លួននឹងបកស្រាយជាសាធារណៈពីប្រាក់មូលនិធិនៅព្រឹកថ្ងៃទី២៤ ខែតុលា ឆ្នាំ២០២៥ ។ នៅថ្ងៃនេះដែរ រដ្ឋមន្ត្រីក្រសួងកសិកម្មថៃ លោក ថាំម៉ាណាស់ ព្រំផៅ បានបដិសេធមិនពាក់ព័ន្ធជាមួយការកេងបន្លំប្រាក់មូលនិធិរបស់ កាន់ ចមផ្លាំង ទេ លោកមិនដឹងរឿង គឺ កាន់ ចមផ្លាំង ធ្វើអ្វីមិនចេះគិត ។

នាវេលាម៉ោង១០និង១០នាទីព្រឹក ថ្ងៃទី២៤ ខែតុលា នៅវិមានរដ្ឋាភិបាល រដ្ឋមន្ត្រីកសិកម្ម លោក ថាំម៉ាណាស់ ដែលមានឋានៈជាប្រធានទីប្រឹក្សាគណបក្សក្លាថាំ បានផ្តល់សម្ភាសន៍ពីការរិះគន់ថា បើប្រាក់មូលនិធិ កាន់ ចមផ្លាំង បរាជ័យ តើប្រាក់មូលនិធិទាំងអស់នឹងក្លាយជាកម្មសិទ្ធិរបស់លោក មែនទេ? លោក ថាំម៉ាណាស់ ឆ្លើយថា កាន់ ចមផ្លាំង បានផ្លាស់ប្តូរឈ្មោះម្ចាស់កម្មសិទ្ធិមូលនិធិ ពេលធ្វើអ្វីមិនសួរនាំទេ លោកមិនដឹងរឿង ។ កាន់ ចមផ្លាំង ធ្វើអ្វីមិនសូវចេះគិត វាមិនពាក់ព័ន្ធជាមួយគណបក្សក្លាថាំទេ គឺ កាន់ ចមផ្លាំង ប្រមូលប្រាក់មូលនិធិដោយខ្លួនឯង មិនពាក់ព័ន្ធនឹងលោក ពេលនេះ ប្រាក់មូលនិធិក្នុងធនាគារត្រូវបានផ្ទេរទៅឱ្យអ្នកផ្សេង ប៉ុន្តែមិនដឹងផ្ទេរទៅអ្នកណា ។

គួរបញ្ជាក់ថា នៅព្រឹកថ្ងៃទី២៤ ខែតុលា កាន់ ចមផ្លាំង បានចេញមកស្រាយបំភ្លឺពីការកេងបន្លំប្រាក់មូលនិធិជាសាធារណៈក្នុងសណ្ឋាគារមួយកន្លែងនៅទីក្រុងបាងកក ដើម្បីឱ្យមហាជនបាត់ការសង្ស័យ ។ កាន់ ចមផ្លាំង ថាប្រាក់មូលនិធិដែលខ្លួនប្រមូលបានសរុបចំនួន២០៧លានបាត (ស្មើជាង៦លាន ៣សែនដុល្លារ) ដោយបានចំណាយអស់ ១១៧លានបាត ពេលនេះ ប្រាក់មូលនិធិនៅសល់ក្នុងបញ្ជីធនាគារត្រឹមតែ ៩០លានបាត ។ មូលហេតុដែលខ្លួនឱ្យមហាជនផ្ញើប្រាក់មូលនិធិចូលគណនីធនាគាររបស់លោក ថាំម៉ាណាស់ រដ្ឋមន្ត្រីកសិកម្ម ដោយសារប្រញាប់ ខ្លួនមិនបានធ្វើជាប្រធានប្រាក់មូលនិធិទេ ព្រោះគ្មានអំណាច ។

ប្រាក់មូលនិធិនៅសល់ចំនួន៩០លានបាតនេះ ខ្លួនមានគម្រោងទុកចំណាយលើការជីកលេណដ្ឋាន ទិញឧបករណ៍អេឡិចត្រូនិក ធ្វើស្ពាន និងផ្លូវ បើមហាជនសង្ស័យពីការកេងបន្លំប្រាក់មូលនិធិ ខ្លួននឹងឈប់ធ្វើសកម្មភាពជួយសង្គម ។ រីឯសមាជិកសភាគណបក្សប្រឆាំង អ្នកនាង រ៉ាក់ឆាណុក ស៊ីណក ក៏បានធ្វើដំណើរមកស្តាប់ការបកស្រាយរបស់ កាន់ ចមផ្លាំង ផងដែរ ក្រោយពីនាងបានសួរនាំរឿងការកេងបន្លំប្រាក់មូលនិធិធ្វើឱ្យផ្ទុះការចាប់អារម្មណ៍ពេញប្រទេស ៕

គណៈប្រតិភូកម្ពុជានៅមហាសន្និបាតសហភាពអន្តរសភាលើកទី១៥១ (IPU) ហួសចិត្តយ៉ាងខ្លាំង ចំពោះសារព័ត៌មាន The Nation របស់ថៃដែលបានផ្សព្វផ្សាយព័ត៌មានប្រឌិត ភូតភរកុហក និងបំភ្លៃ ការពិតដោយឥតអៀនខ្មាស ក្នុងបំណងធ្វើឲ្យខូចខាតកេរ្តិ៍ឈ្មោះ និងការប្ដេជ្ញាចិត្តដ៏មុតមាំរបស់កម្ពុជាចំពោះសន្តិភាព។ ទង្វើអសីលធម៌បែបនេះបង្កជាការគំរាមកំហែងយ៉ាងធ្ងន់ធ្ងរដល់ការលើកកម្ពស់សន្តិភាព ស្ថិរភាព និងវិបុលភាព រវាងប្រជាជាតិទាំងពីរ។

តាមរយៈសេចក្ដីបំភ្លឺរបស់អ្នកនាំពាក្យគណៈប្រតិភូកម្ពុជា នៅថ្ងៃទី២៤ ខែតុលា ឆ្នាំ២០២៥ នេះបានបញ្ជាក់ថា ការផ្សាយរបស់កាសែត The Nation របស់ថៃ គឺជាព័ត៌មានភូតកុហកនិងបំភ្លៃការពិតទាំងមិនចេះខ្មាសអៀន។ ចំពោះការអះអាងថាគណៈប្រតិភូថៃត្រូវបាន«ទម្លាក់»ទៅតួនាទីជាទីប្រឹក្សា អ្នកនាំពាក្យគណៈប្រតិភូកម្ពុជាបានបញ្ជាក់ថា គឺជាការលើកឡើងមិនត្រឹមត្រូវ និងបង្កការភាន់ច្រឡំ។

សកម្មភាពរបស់គណៈប្រតិភូកម្ពុជានៅក្នុងមហាសន្និបាតសហភាពអន្តរសភាលើកទី១៥១ ត្រូវបានប្រព្រឹត្តទៅប្រកបដោយភាពថ្លៃថ្នូរ និងអនុលោមតាមគោលការណ៍តម្លាភាព វិជ្ជាជីវៈ សុចរិត ភាព និងស្មោះត្រង់ ជាមួយនឹងការប្តេជ្ញាចិត្តយ៉ាងមុតមាំចំពោះកិច្ចសហប្រតិបត្តិការពិតប្រាកដជាមួយ គ្រប់ប្រទេសទាំងអស់ ក្នុងការប្រយុទ្ធប្រឆាំងនឹងការឆបោកតាមប្រព័ន្ធអ៊ីនធឺណិតជាសាកល ដើម្បី ផលប្រយោជន៍នៃសហគមន៍អន្តរជាតិទាំងមូល។

សកម្មភាពរបស់គណៈប្រតិភូកម្ពុជានៅក្នុងមហាសន្និបាតសហភាពអន្តរសភាលើកទី១៥១ ត្រូវបានប្រព្រឹត្តទៅប្រកបដោយភាពថ្លៃថ្នូរ និងអនុលោមតាមគោលការណ៍តម្លាភាព វិជ្ជាជីវៈ សុចរិត ភាព និងស្មោះត្រង់ ជាមួយនឹងការប្តេជ្ញាចិត្តយ៉ាងមុតមាំចំពោះកិច្ចសហប្រតិបត្តិការពិតប្រាកដជាមួយ គ្រប់ប្រទេសទាំងអស់ ក្នុងការប្រយុទ្ធប្រឆាំងនឹងការឆបោកតាមប្រព័ន្ធអ៊ីនធឺណិតជាសាកល ដើម្បី ផលប្រយោជន៍នៃសហគមន៍អន្តរជាតិទាំងមូល។

អ្នកនាំពាក្យសង្កត់ធ្ងន់ថា ការមិនយកចិត្ដទុកដាក់និងព្រងើយកន្ដើយចំពោះការពិតបែបនេះ មានគោលបំណងធ្វើឱ្យខូចខាតយ៉ាងអយុត្ដិធម៌ដល់កេរ្ដិ៍ឈ្មោះ និងការប្ដេជ្ញាចិត្ដយ៉ាងមុតមាំរបស់កម្ពុជាចំពោះសន្ដិភាព។ លើសពីនេះ ទង្វើអសីលធម៌បែបនេះបង្កជាការគំរាមកំហែងយ៉ាងធ្ងន់ធ្ងរដល់ការលើកកម្ពស់សន្ដិភាព ស្ថិរភាព និងវិបុលភាព ដើម្បីផលប្រយោជន៍ទៅវិញទៅមករវាងប្រជាជនកម្ពុជានិងប្រជាជនថៃ៕

រុស្សុី បានធ្វើសមយុទ្ធនុយក្លេអ៊ែរភ្លាមៗ ក្រោយពីលោកដូណាល់ ត្រាំ លុបចោលកិច្ចប្រជុំជាមួយលោកពូទីន ដែលគ្រោងធ្វើឡើងនៅប្រទេសហុងគ្រី។

លោកពូទីន ជាអ្នកដឹកនាំសមយុទ្ធនេះដោយផ្ទាល់ បានបញ្ជាបាញ់មីស៊ីលបាលីស្ទិក Yars មួយគ្រាប់ បូករួមជាមួយយន្តហោះទម្លាក់គ្រាប់បែកTu-95។

បន្ថែមពីនេះ រុស្សុី ក៏បានសម្ញែងមីស៊ីលមួយប្រភេទទៀតឈ្មោះ Sineva ដែលត្រូវបានបាញ់ចេញពីនាវាមុជទឹកនៅសមុទ្រ Barents ផងដែរ។

សមយុទ្ធនេះ ផ្តោតសំខាន់ទៅលើនីតិវិធីច្បាប់សម្រាប់ការអនុញ្ញាតឱ្យប្រើប្រាស់អាវុធនុយក្លេអ៊ែរ នៅក្នុងករណីចាំបាច់។

គួរបញ្ជាក់ថា សមយុទ្ធនុយក្លេអ៊ែរនេះ ធ្វើឡើង ដើម្បីសម្ញែងពីសមត្ថភាពនុយក្លេអ៊ែររបស់រុស្ស៊ី ចំពេលមានភាពតានតឹងរវាងរុស្សុី ជាមួយអាមេរិក និងលោកខាងលិច ជុំវិញការបញ្ឈប់សង្គ្រាមអ៊ុយក្រែន៕

បាងកក៖ ចូលរួមក្នុងកិច្ចប្រជុំតែមួយ ប៉ុន្តែលទ្ធផលចេញមកខុសគ្នា! ថៃបានបដិសេធចំពោះការលើកឡើងរបស់នាយករដ្ឋមន្រ្តីកម្ពុជា ស្ដីពីការប្រើប្រាស់ផែនទីខ្នាត 1/20,0000 ដែលភាគីទាំងពីរបានឯកភាពគ្នាក្នុងកិច្ចប្រជុំ JBC ដើម្បីកំណត់ការវាស់វែងរួមគ្នា និងបោះបង្គោលព្រំដែន ដោយថៃបានអះអាងថា ខ្លួនទទួលស្គាល់និងប្រើប្រាស់តែផែនទីខ្នាត 1/50,000 ដែលគូសដោយឯកតោភាគីរបស់ខ្លូនតែមួយគត់។

ក្រោយពីកិច្ចប្រជុំ JBC បានបញ្ចប់ទៅដោយលទ្ធផលវិជ្ជមាន នៅយប់ថ្ងៃទី23 ខែតុលា អ្នកនាំពាក្យក្រសួងការបរទេសថៃ លោក Nikorndej Balankura បានចេញមកច្រានចោលនូវរបាយការណ៍នៅលើប្រព័ន្ធផ្សព្វផ្សាយសង្គមរបស់នាយករដ្ឋមន្ត្រីកម្ពុជាទាក់ទងនឹងបញ្ហាផែនទីខ្នាត 1:200,000 ក្នុងអំឡុងពេលកិច្ចប្រជុំគណៈកម្មការព្រំដែនរួម (JBC) កាលពីថ្មីៗនេះ ដោយបានបដិសេធថា៖ “ការពិភាក្សាទាំងនេះមិនពាក់ព័ន្ធ ឬទាក់ទងនឹងបញ្ហាផែនទីខ្នាត 1:200,000 ដូចសេចក្តីថ្លែងការណ៍របស់នាយករដ្ឋមន្ត្រីកម្ពុជានោះទេ។

លោក Nikorndej បានបញ្ជាក់ថា ប្រទេសថៃនៅតែប្តេជ្ញាចិត្តក្នុងការដោះស្រាយស្ថានភាពព្រំដែនថៃ-កម្ពុជាដោយសន្តិវិធីតាមរយៈយន្តការទ្វេភាគីដោយផ្អែកលើគោលការណ៍អ្នកជិតខាងល្អ ខណៈពង្រឹងជំហរយ៉ាងរឹងមាំលើអធិបតេយ្យភាព ផលប្រយោជន៍ជាតិ និងផ្តល់អាទិភាពដល់សុវត្ថិភាពរបស់ប្រជាជននៅតំបន់ព្រំដែន។ ប្រទេសថៃនឹងមិនអនុញ្ញាតឱ្យព័ត៌មានបំភ្លៃធ្វើឱ្យខូចដល់កិច្ចខិតខំប្រឹងប្រែងទាំងនេះទេ”។

ការចេញមកឆ្លើយតបរបស់អ្នកនាំពាក្យក្រសួងការបរទេសថៃដូចខាងលើនេះ គឺបន្ទាប់ពីសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានធ្វើការបង្ហោះនៅលើទំព័រហ្វេសប៊ុករបស់លោកថា៖ ដើម្បីស្វែងរកដំណោះស្រាយពាក់ព័ន្ធនឹងបញ្ហាព្រំដែន និងដែនអធិបតេយ្យ កម្ពុជានិងថៃនៅក្នុងកិច្ចប្រជុំ JBC បានឯកភាពគ្នាបន្តធ្វើសកម្មភាពតាមលក្ខណៈបច្ចេកទេស ដើម្បីកំណត់ការវាស់វែងរួមគ្នា និងបោះបង្គោលបណ្ដោះអាសន្ន ដោយប្រើប្រាស់ផែនទី១/២០០.០០០ សន្ធិសញ្ញា១៩០៧ និងកំណត់ហេតុបោះបង្គោល របស់គណៈកម្មការបោះបង្គោលបារាំង-សៀម ធ្វើជាមូលដ្ឋាន។

គួរបញ្ជាក់ថា ជម្លោះព្រំដែនរវាងកម្ពុជា-ថៃបានអូសបន្លាយ និងពិបាកក្នុងការដោះស្រាយរហូតមកទល់នឹងពេលនេះ គឺបណ្ដាលមកពីការប្រកាន់យកផែនទីខ្នាតខុសគ្នាមកប្រើប្រាស់។ ក្នុងនោះកម្ពុជាយើងបានសម្រេចប្រើប្រាស់ផែនទីខ្នាត 1/200,000 ដែលជាផែនទីរដ្ឋបាលមានភាពសុក្រឹតទទួលស្គាល់ជាលក្ខណៈអន្តរជាតិ ខណៈថៃប្រកាន់ខ្ជាប់ប្រើប្រាស់នូវផែនទីខ្នាត1/50,000 ដែលគូសវាសដោយខ្លួនឯងមិនមានអ្នកណាទទួលស្គាល់ឡើយ៕

ប្រទេសថៃ ៖ ក្រោយពីកម្ពុជានិងថៃឯកភាពលើឯកសារព្រាងស្តីពីកិច្ចព្រមព្រៀងសន្តិភាពសម្រាប់ចុះហត្ថលេខាដោយនាយករដ្ឋមន្ត្រីប្រទេសទាំងពីរក្នុងកិច្ចប្រជុំកំពូលអាស៊ាននៅម៉ាឡេស៊ី ដោយមានប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim ជាសាក្សីនាពេលដ៏ខ្លីខាងមុខនេះ អតីតអ្នកសារព័ត៌មានថៃនិយាយថា ប្រធានាធិបតីអាមេរិកពុំស័ក្តិសមធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងសន្តិភាពទេ ដោយលើកពីហេតុផលមួយចំនួន ។

តាមការលើកឡើងរបស់អតីតអ្នកសារព័ត៌មានថៃ លោក សុធីន វ៉ាន់ណាក់បាវន គឺលោក Trump គ្មានភាពស្របច្បាប់ដើម្បីធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងសន្តិភាពកម្ពុជា-ថៃទេ ដោយសារមានអារម្មណ៍ថា ប្រធានាធិបតីអាមេរិករូបនេះម្តងល្អ ម្តងអាក្រក់ មិនទទួលខុសត្រូវពាក្យសម្តីរបស់ខ្លួន និងប្រែប្រួលគ្រប់ពេលវេលា ទើបមិនអាចបញ្ចប់សង្គ្រាមប្រល័យពូជសាសន៍ប៉ាឡេស្ទីននៅតំបន់កាហ្សា ។

ជាមួយគ្នានេះ លោក Trump ពុំអាចបញ្ចប់សង្គ្រាមអ៊ុយក្រែនជាមួយរុស្ស៊ីទេ ដោយសារលោកនិយាយត្រឡប់ត្រឡិន ដូចជា ៖ ក្នុងពេលរកសំឡេងឆ្នោត លោក Trump សន្យានឹងបញ្ចប់សង្គ្រាមនៅអ៊ុយក្រែនត្រឹមរយៈពេល២៤ម៉ោង ប៉ុន្តែតាំងពីឡើងកាន់តំណែងជាប្រធានាធិបតីអាមេរិកម្តងទៀតរហូតមកដល់ពេលនេះ គឺនៅតែមានការបាញ់មីស៊ីល ប្រើប្រាស់ដ្រូនទម្លាក់គ្រាប់បែកដាក់គ្នាធ្វើឱ្យពលរដ្ឋអ៊ុយក្រែន-រុស្ស៊ីស្លាប់រាប់ពាន់នាក់ ។

សង្គ្រាមនៅតំបន់កាហ្សាក៏ដូចគ្នាដែរ លោក Trump ប្រកាសបញ្ចប់ឱ្យឈប់បាញ់ជាបន្ទាន់ ប៉ុន្តែតាំងពីកាន់តំណែងជាប្រធានាធិបតីអាមេរិកបាន៩ខែ លោកទើបតែធ្វើឱ្យអ៊ីស្រាអែលនិងហាម៉ាស់ចុះហត្ថលេខាលើបទឈប់បាញ់ជារៀងរហូតកាលពីថ្ងៃទី១៨ ខែតុលា ឆ្នាំ២០២៥ ។ លោក Trump អះអាងពីភាពជោគជ័យ ផ្ទុយទៅវិញ អ៊ីស្រាអែលនៅតែសម្លាប់ពលរដ្ឋប៉ាឡេស្ទីនបន្តទៀត គ្មានការឈប់បាញ់ពិតប្រាកដ ។

អតីតអ្នកសារព័ត៌មានថៃ លោក សុធីន បន្តថា វាដូចគ្នានឹងបទឈប់បាញ់រវាងកម្ពុជា-ថៃ ដែលលោក Trump កំណត់ឱ្យប្រទេសទាំងពីរឈប់បាញ់កាលពីថ្ងៃទី២៨ ខែកក្កដា ឆ្នាំ២០២៥ រហូតដល់បច្ចុប្បន្ន កងទ័ពថៃនៅតែដាច់ជើងដោយសារមីនកម្ពុជា ស្ថានការណ៍ព្រំដែននៅតែតានតឹង ហើយការប៉ះទង្គិចគ្នាអាចនឹងកើតឡើងគ្រប់ពេល ។

លោក សុធីន បានចោទប្រកាន់លោក Trump និយាយត្រឡប់ត្រឡិនគ្មានភាពប្រាកដប្រជា ក្រោយពីទូរស័ព្ទទៅប្រធានាធិបតីរុស្ស៊ី លោក Vladimir Putin ជាច្រើនលើក រួចសន្និដ្ឋានថា រុស្ស៊ីនិងអ៊ុយក្រែនយល់ព្រមបញ្ចប់សង្គ្រាម ដោយសារអ៊ុយក្រែនសុខចិត្តបាត់បង់ទឹកដីរបស់ខ្លួនទៅឱ្យរុស្ស៊ីដើម្បីប្តូរយកសន្តិភាព ។ មូលហេតុទាំងអស់នេះទើបពលរដ្ឋថៃ រួមទាំងខ្លួនលោកយល់ថា លោក Trump មិនស័ក្តិសម និងមិនគួរធ្វើជាអ្នកសម្របសម្រួលការចរចា ឬមិនគួរធ្វើសាក្សីក្នុងពិធីចុះហត្ថលេខាលើកិច្ចព្រមព្រៀងសន្តិភាពកម្ពុជា-ថៃនៅម៉ាឡេស៊ីទេ ។

គួរបញ្ជាក់ថា តាំងពីឡើងកាន់តំណែងម្តងទៀត លោក Trump បានព្យាយាមចរចាបញ្ចប់សង្គ្រាមជាច្រើនកន្លែង រួមទាំងសង្គ្រាមកម្ពុជា-ថៃ ហើយត្រូវបានពិភពលោកចាត់ទុកលោកជាប្រធានាធិបតីសន្តិភាព ។ លោក Trump ថា នឹងធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងសន្តិភាពកម្ពុជា-ថៃនៅម៉ាឡេស៊ី ដោយសារលោកប្រាថ្នាចង់ឃើញប្រទេសទាំងពីរមានសុខសន្តិភាពពិតប្រាកដ គោរពបទឈប់បាញ់ ជាពិសេស ថៃត្រូវតែបញ្ឈប់រាល់សកម្មភាពឈ្លានពានបង្កជម្លោះនៅតំបន់ព្រំដែនកម្ពុជា-ថៃ ។

កាលពីថ្ងៃទី២២ ខែតុលា កន្លងមក ពលរដ្ឋថៃជាច្រើននាក់បានប្រមូលគ្នាធ្វើបាតុ.កម្មនៅមុខស្ថានទូតអាមេរិកប្រចាំប្រទេសថៃ ដើម្បីកុំឱ្យប្រធានាធិបតីអាមេរិកចូលពាក់ព័ន្ធនឹងជម្លោះកម្ពុជា-ថៃ និងចោទប្រកាន់ប្រធានាធិបតីអាមេរិកជ្រៀតជ្រែកកិច្ចការផ្ទៃក្នុងថៃ ជាពិសេស ជម្លោះព្រំដែនជាមួយកម្ពុជា ។ ពលរដ្ឋថៃទាមទារឱ្យលោក Trump ដកខ្លួនចេញពីបញ្ហាជម្លោះព្រំដែន និងសុំដោះស្រាយបញ្ហាត្រឹមទ្វេភាគី មិនត្រូវការប្រទេសទី៣ ឬប្រទេសផ្សេងៗចូលមកពាក់ព័ន្ធទេ ៕