បន្ទាប់ពីចូលរួមកម្មវិធី «ដើរដើម្បីសន្តិភាព» ត្រូវបានប្រព័ន្ធផ្សព្វផ្សាយថៃយកទៅចុះព្រៀងព្រាតពេលនេះតារារ៉េប ម៉ាន់ វណ្ណដា និងសិល្បកររួមទ្រនំបាននាំគ្នាអង្គុយខ្ចប់អីវ៉ាន់ជូនដល់ជនភៀសសឹកដែលកំពុងរងផលលំបាកដោយសារតែការឈ្លានពានរបស់ថៃ។ សកម្មភាពដែលខ្មែរសាមគ្គីបែបនេះហើយទើបបានជាប្រជាជនថៃមួយចំនួនច្រណែននឹងការសាមគ្គីនេះពីព្រោះនៅក្នុងប្រទេសថៃពុំមានចលនាដូចនេះឡើយ។

នៅល្ងាចថ្ងៃទី២១ ខែធ្នូ សមាគមសិល្បករខ្មែរបានបង្ហាញថា «បន្ទាប់ពីកិច្ចសហប្រតិបត្តិការនៃការប្រគំតន្ត្រី Rise for Khmer ដ៏ជោគជ័យបំផុតនៅលើទឹកដីបារាំង លោកជំទាវអ្នកឧកញ៉ា ម៉ៅ ចំណាន គិតម៉េង បានជួបជជែកពិភាក្សាការងារដ៏មានសារៈសំខាន់ ហើយបន្ទាប់មកក៏បានរៀបចំការវេចខ្ចប់អីវ៉ាន់ គ្រឿងឧបភោគបរិភោគ និងសម្ភារប្រើប្រាស់ជាង២០មុខ ជាមួយថ្នាក់ដឹកនាំផលិតកម្មបារមី និងតារាចម្រៀង វណ្ណដា វណ្ណថាន នរិទ្ធ យ៉ូហៃ និង ស៊ូហ្សាណា ព្រមទាំងសិល្បករសិល្បការិនីជាច្រើនដួងទៀត ដើម្បីរៀបចំដឹកជញ្ជូនយកទៅចែកជូនបងប្អូនជនភៀសសឹក»។

គួរឱ្យដឹងថា ស្ថិតនៅក្នុងស្ថានភាពដ៏លំបាកនេះគេបានឃើញប្រជាជនខ្មែរគ្រប់ស្រទាប់វណ្ណៈ តាំងពីថ្នាក់ដឹកនាំ មន្រ្តីរាជការ សិល្បករសិល្បការិនីគ្រប់ជំនាន់ ប្រជារាស្រ្តទោះមានឬក្រ ប៉ុន្តែបានសាមគ្គីគ្នាយ៉ាងខ្លាំងរួបរួមគ្នាជាធ្លុងមួយជួយដល់វីរកងទ័ពជួរមុខដែលកំពុងច្បាំងការពារទឹកដីពីចោរឈ្លានពាន និងបងប្អូនៅភៀសសឹកមានជាងកន្លះលាននាក់ដែលបានចាកចោលផ្ទះសម្បែងគេចគ្រាប់ផ្លោងរបស់សៀមរកទីសុវត្ថិភាព។

កាលពីរសៀលថ្ងៃទី១៨ ខែធ្នូ វណ្ណដា និងមិត្តរួមទ្រនំក៏បានចូលរួមព្យុយាត្រា«ដើរដើម្បីសន្តិភាព» ក្នុងស្មារតីតែមួយបង្ហាញទៅកាន់ពិភពលោកពីបេះដូងដ៏បរិសុទ្ធ និងចេតនាដ៏ស្មោះស្ម័គ្របំផុតថាប្រទេសកម្ពុជាត្រូវការសន្តិភាពមិនចង់មានសង្គ្រាមឡើយ។ វត្តមានរបស់ វណ្ណដា នៅក្នុងក្បួនដង្ហើរនេះបានល្បីសុះសាយនៅលើប្រព័ន្ធផ្សព្វផ្សាយសៀមដូចជា Thairath ជាដើម៕

ហ្វីយ៉ាតា បវរកញ្ញាចក្រវាលកម្ពុជាឆ្នាំ២០២៥ បានចេញវីដេអូមួយចោទសួរទៅកាន់ប្រជាជនថៃទាំងមូលចំពោះទង្វើឈ្លានពានរបស់ថៃមកលើកម្ពុជាដោយយកលេសរាក់កំភែល លុបបំបាត់ Scam ទាំងប្រទេសថៃខ្លួនឯងក៏មាន។ ហ្វីយ៉ាតា ថាការបំផ្ទុះស្ពាន បំផ្លាញប្រាសាទ ឈ្លានពានចូលផ្ទះពលរដ្ឋប្រដាប់ដោយអាវុធតើអាចបំបាត់ Scam បានយ៉ាងដូចម្តេច។ បវរកញ្ញារូបនេះថាគ្មានប្រទេសណាមួយលើផែនដីនេះដែលល្អឥតខ្ចោះ ១០០% នោះទេ។

នៅថ្ងៃទី២១ ខែធ្នូ ហ្វីយ៉ាតា បានចេញវីដេអូមួយដោយនិយាយជាភាសាអង់គ្លេសដោយមិនដឹងថាជនជាតិថៃប៉ុន្មាននាក់ស្តាប់បានឬអត់នោះទេពីព្រោះនៅពេលជនជាតិខ្មែរនិយាយភាសាអង់គ្លេសបានល្អ ថៃថាដោយសារតែខ្មែរស្ថិតក្រោមអាណានិគម។ បវរកញ្ញាចក្រវាលកម្ពុជាឆ្នាំ២០២៥ បាននិយាយថាថៃបោសផ្ទះខ្លួនឯងមិនទាំងស្អាតផង មកចង់ត្រួតត្រាផ្ទះអ្នកដទៃពោលប្រទេសមួយនេះមិនខុសពី វណ្ណដា ច្រៀងថាជាប្រទេសកំប្លែងនៅអាស៊ីនោះទេ។

ហ្វីយ៉ាតា បានលើកចោទសួរថាការបំផ្ទុះគ្រាប់បែកលើកម្ពុជា ដើម្បី «លុបបំបាត់ Scam» ឬគ្រាន់តែយុទ្ធសាស្រ្តរបស់ថៃនោះទេ? ដោយលើកឧទាហរណ៍ងាយៗដើម្បីឱ្យជនជាតិសៀមងាយយល់។ ទោះបីជាចូលចិត្តឬមិនចូលចិត្តពីការចង្អិនបាយផ្ទះអ្នកដទៃអ្នកគ្មានសិទ្ធិចូលទៅក្នុងផ្ទះអ្នកដទៃបំផ្លាញទ្រព្យសម្បត្តិរបស់គេនោះមិនមែនជាការការពារនោះគឺជាការឈ្លានពាន។

ហ្វីយ៉ាតា លើកឡើងទៀតថាការដោះសារមួយដែលសៀមចូលចិត្តប្រើញឹកញាប់បំផុតនៅពេលនេះគឺ “Scam” ដោយនាងបានចោទសួរបកទៅវិញថា ការបំផ្ទុះស្ពាន បំផ្លាញប្រាសាទ ឈ្លានពានចូលផ្ទះពលរដ្ឋ ដោយមានកាំភ្លើងក្នុងដៃ អាចបញ្ឈប់ការ Scam បានយ៉ាងដូចម្តេច? ការបំផ្លាញមរតកវប្បធម៌ និងការយកជីវិតមនុស្សមិនអាចហៅថា “ការជួយ” បានទេ។

បវរកញ្ញារូបនេះលើកឡើងទៀតថាមុននឹងប៉ះពាល់ឬចង់រៀបចំផ្ទះអ្នកដទៃសៀមគួរតែរៀបចំទុកដាក់ផ្ទះរបស់ខ្លួនឯងឱ្យបានល្អជាមុនសិនព្រោះពិភពលោកបានដឹងរួចហើយថាករណី Scam ធំៗកើតឡើងនៅក្នុងប្រទេសថៃផ្ទាល់ច្រើនរាប់មិនអស់ផងដែរ សូម្បីតែមេដឹកនាំថៃបច្ចុប្បន្នក៏មានអ្នកពាក់ព័ន្ធនឹងការ Scam លើប្រជាជនរបស់ខ្លួនឯងដែរ។ដូច្នេះតើប្រទេសផ្សេងៗគួរតែបំផ្ទុះ បំផ្លាញសហគមន៍ ចង្អុលកាំភ្លើងទៅលើពលរដ្ឋថៃដែរឬ?។ ហ្វីយ៉ាតា ថាអំពើឧក្រិដ្ឋកម្មមិនអាចផ្តល់សិទ្ធិឱ្យប្រទេសណាមួយទៅឈ្លានពានប្រទេសណាមួយទៀតឡើយហើយគ្មានប្រទេសណាមួយលើផែនដីនេះដែលល្អឥតខ្ចោះ ១០០% ទេ។បើភាពមិនល្អឥតខ្ចោះអាចយកមកធ្វើជាហេតុផលនៃអំពើហិង្សា សំលាប់គ្នាចឹងនោះគ្មានប្រទេសណាអាចរស់រានមានជីវិតបានទេ។

Miss Universe Cambodia 2025 លើកឡើងថាប្រទេសថៃឈប់យកហេតុផលឆ្កួតទាំងនោះ ធ្វើជាលេសប្រើការចោទប្រកាន់ដើម្បីផ្តល់សិទ្ធិឱ្យខ្លួនឯងបំផ្លាញអ្នកដទៃទៀតទៅ កុំប្រើសលេសដើម្បីបិទបាំងសកម្មភាពថោកទាបខ្លួនឯងព្រោះប្រទេសដែលខ្លាំងពិតមិនចាំបាច់ត្រូវការយកលេសដើម្បីបំផ្លាញគេបើពិតជាចង់បានសន្តិភាព សូមចាប់ផ្តើមដោយគោរពព្រំដែន, ជីវិតអ្នកដទៃនិងផ្ទះរបស់អ្នកដទៃសិនទៅ៕

ទន្ទឹមនឹងការជួយរបស់មហាគ្រួសារខ្មែរយ៉ាងផុសផុលទៅដល់វីរកងទ័ពនិងជនភៀសសឹករបស់កម្ពុជាដែលរងការឈ្លានពានពីថៃ បុគ្គលអគតិមួយចំនួនក៏ឆ្លៀតឱកាសយករឿងនេះមកធ្វើជាជំនួញដូចគ្នា។ មានការក្លែងបន្លំជាច្រើនបោកលុយពីសប្បុរសជនពិធីការិនី សុភ័ក្រ កុសុម៉ា និងអ្នកនាង ផន សុផារី ចេញមុខនិយាយជុំវិញរឿងនេះតែម្តង។

តាមរយៈវីដេអូបង្ហោះនៅថ្ងៃទី២០ខែធ្នូ នេះ សុភ័ក្រ កុសុម៉ា បាននិយាយថានាងតឹងទ្រូងជាយូរមកហើយក៏សុំផ្តាំផ្ញើទៅកាន់ជនបោកប្រាស់ ជនខិលខូចដែលមានខួរក្បាលសត្វហើយរឿងនេះគឺតាំងពីមានសង្គ្រាមលើកទី១មកម្ល៉េះនាងទើសខ្លាំងមែនទែន។ កុសុម៉ា ថាជនបោកប្រាស់ទាំងនោះមិនដឹងមានខួរក្បាលជាអ្វី ដែលបង្កើតអាខោនឬក៏ QR Code ដូរឈ្មោះជាបងប្អូនរបស់វីរកងទ័ពដែលបានពលីឬក៏កំពុងសម្រាកព្យាបាលលួយយកលុយពីសប្បុរសជនទៅចាយហ៊ឺហាដោយខ្លួន

ពិធីការិនីរូបនេះលើកឡើងទៀតថា ជនឆ្លៀតឱកាសទាំងនោះមិនថាមានខួរជាអ្វីនោះទេដែលធ្វើបែបនេះទៅរួច ខណៈនាងថាបាបមិនចាំជាតិក្រោយនោះទេ ហើយការធ្វើបែបនេះពិតជាជ្រុលហួសហេតុ។ កុសុម៉ា ថាកាលៈទេសៈពេលនេះត្រូវមានឆន្ទៈជាកូនខ្មែរបើមិនបានជួយ មិនបានរួបរួមទេកុំដើរទៅបោកប្រាស់អ្នកដទៃ។

មិនខុសគ្នាប៉ុន្មាននោះទេ អ្នកនាង ផន សុផារី វិញក៏បានចេញវីដេអូដូចគ្នាទាក់ទងនឹងជនបោកប្រាស់ដូចគ្នាដែលកេញចំណេញយកលុយសប្បុរសជនក្នុងពេលមានសង្គ្រាម។

អ្នកនាង ផន សុផារី បានលើកឡើងថាជនឆ្លៀតឱកាសដែលធ្វើបែបនេះគឺពិតជាបាបខ្លាំងណាស់ ខណៈដែលពេលនេះមានបងប្អូនមួយចំនួនដែលជាសមាជិកគ្រួសារកងទ័ពពលី ឬរងរបួសកំពុងតែត្រូវការខ្លាំងអ្នកដែលត្រូវការមែនទែនគឺអត់មានអ្នកណាដែលជួយពួកគាត់ទេ។ កត្តាដែលគ្មានអ្នកជួយទៅលើគ្រួសារពលីនិងរងរបួសពិតប្រាកដគឺដោយសារតែជនក្លែងបន្លំកាត់មុខ ធ្វើឱ្យសប្បុរសជនពិបាកនឹងជួយដោយសារតែជួយខុសរហូត៕

តារាចម្រៀង ជី ដេវីត បានប្រកាសបិទមូលធិនិ «អ្នកចម្បាំងឈាមខ្មែរ» ចាប់ពីយប់ថ្ងៃទី១៩ ខែធ្នូ ខណៈ ទេព បូព្រឹក្ស បានបញ្ជាក់ថានាងនិងស្វាមីនឹងបន្តជួយតាមរបៀបអ្នកទាំងពីរបន្តទៀតដោយមិនមើលនឹងភ្នែកនោះទេ។ ងាកមកខាងមូលនិធិនៅ Vin Mart វិញក៏បានប្រកាសឈប់ទទួលស្បៀងជាបន្តទៀតហើយ ប៉ុន្តែពួកគេនឹងនៅតែបន្តជួយ ខណៈបានបញ្ជាក់ថាសប្បុរសជនអាចបន្តយកស្បៀងដាក់នៅខាង Eat More ឬ ប៉ីប៉ី ឌី បាន។

នៅយប់ថ្ងៃទី១៩ ធ្នូ តារាចម្រៀង ជី ដេវីត បានបង្ហោះថា «មូលនិធិ ‘អ្នកចម្បាំងឈាមខ្មែរ’ សូមជម្រាបជូនបងប្អូនអ្នកគាំទ្រនិងបងប្អូនជនរួមជាតិអំពីដំណឹងនៃការ បិទមូលនិធិនៅក្នុងយប់នេះ។ យើងខ្ញុំសូមអរគុណបងប្អូននិងអ្នកគាំទ្រដែលបានចូលរួមបេសកកម្មនេះជាមួយគ្នាដោយក្តីគោរព អ្វីដែលយើងបានធ្វើគឺបានទៅដល់ដៃបងប្អូនភៀសសឹកច្រើនពាន់គ្រួសារ កងពល ព្រមទាំងវីរជនជួរមុខជាច្រើនទីតាំងដោយហុចផ្ទាល់ដៃ ពេលវេលាដ៏លំបាកមួយនេះពួកយើងនឹងអាចឆ្លងផុតដោយកម្លាំងសាមគ្គីជាតិ សូមទទួលយកការគោរពដ៏ខ្ពង់ខ្ពស់ពីយើងខ្ញុំ»។

ការសម្រេចចិត្តប្រកាសបិទមូលនិធិនេះតារាចម្រៀង ទេព បូព្រឹក្ស បញ្ជាក់ថានឹងនៅតែជួយតាមរបៀបពួកគេ។ ម្ចាស់បទ «វីរនារី» បានបញ្ជាក់ថា «មួយរយៈពេលនេះពួកយើងទាំងអស់គ្នាឆ្លងកាត់ការឈឺចាប់ជាច្រើនដោយភ្នែកផ្ទាល់ ប៉ុន្តែយ៉ាងណាក៏បងប្អូនយើងបានរួមគ្នាដោយសាមគ្គីភាព ខ្ញុំមានមោទនភាពដែលបានចូលរួមក្នងពេលដ៏លំបាកនេះជាមួយបងប្អូនតែក៏ដល់ពេលត្រូវបិទនូវមូលនិធិនេះ, តែខ្ញុំនិងស្វាមីនឹងបន្តជួយតាមរបៀបរបស់ខ្ញុំបន្តទៀតដោយមិនមើលនឹងភ្នែកនោះទេ»។

ជាមួយគ្នានេះដែរ អ្នកបង្កើតមាតិកា សាយទី ក៏បានប្រកាសថានៅថ្ងៃសៅរ៍ ទី២០ ជាថ្ងៃចុងក្រោយដែលខាង Vin Mart ទទួលជំនួយ។ តាមរយៈវីដេអូដែល សាយទី បានបង្ហោះលោកបាននិយាយថាដោយសារតែខ្វះស្បៀងក្នុងការបញ្ចេញទៅខាងកងទ័ពនិងជនភៀសសឹក ប៉ុន្តែលោកបានបញ្ជាក់ថាសាធារណជនអាចយកជំនួយទៅកាន់កន្លែងផ្សេងៗដូចជា eat more ឬ Peypey Dy ក៏បាន។

សាយទី បានបញ្ជាក់ថានៅទីនេះ (Vin Mart) គឺមានតែកម្លាំងជួយប៉ុន្តែពុំមានស្បៀងគ្រប់គ្រាន់ដូច្នេះបងប្អូនអាចចូលរួមមកខាង Vin Mart ត្រឹមថ្ងៃទី២០ ធ្នូនេះ។ ទោះយ៉ាងណា អ្នកបង្កើតមាតិការូបនេះបញ្ជាក់ដែរថាប្រសិនជាមានជំនួយច្រើននឹងបន្តទៀតប៉ុន្តែប្រសិនជាមានជំនួយទៀតនឹងបិទតែម្តងដើម្បីបង្វែរទៅកន្លែងផ្សេងហើយពួកគេនឹងនៅតែបន្តជួយបើទោះបីជាបិទនៅទីនេះក្តី៕