ភ្នំពេញ៖ ក្រោយដាក់ឱ្យដំណើរការដោយឥតគិតថ្លៃក្នុងរយៈពេល១ខែពេញក្នុងខែតុលារួចមក ផ្លូវល្បឿនលឿនភ្នំពេញ-ក្រុងព្រះសីហនុ បានចាប់ផ្តើមគិតកម្រៃជាផ្លូវការចាប់ពីថ្ងៃទី០១ ខែវិច្ឆិកា ឆ្នាំ២០២២នេះទៅ ហើយការបង់ប្រាក់នឹងត្រូវធ្វើឡើងតាមចម្ងាយជាក់ស្តែង។

ផ្លូវល្បឿនលឿនភ្នំពេញ-ព្រះសីហនុ មានចម្ងាយ ១៨៧.០៥គីឡូម៉ែត្រ ដូចនេះត្រូវបង់ប្រាក់ចំនួន ១២ដុល្លារ (បានចុះតម្លៃមកត្រឹម 80%រួច) សម្រាប់យានយន្តដែលត្រូវបង់កម្រៃ Type “A”ខាងក្រោម៖

១. រថយន្តប្រភេទគ្រួសារ ៧កៅអី ចុះក្រោម

៣. ទោចក្រយានយន្តកម្លាំងចាប់ពី ៥០០cc ឬ ២៧kW ឡើង មានបិទ លតាបត្រ (ស្ទីគ័រ) សម្គាល់អនុញ្ញាតដោយក្រសួង។

តារាងកម្រៃលម្អិតត្រូវគិតតាមចម្ងាយ និងប្រភេទយានយន្ត ជាក់ស្តែង ដូចមានក្នុងតារាងជូនភ្ជាប់។ តារាងកម្រៃ ក៏មានបិទនៅតាមផ្ទាំងព័ត៌មាន ច្រកចេញចូលផ្លូវល្បឿនលឿនផងដែរ។ រាល់យានយន្តចូលប្រើប្រាស់ផ្លូវល្បឿនលឿន ត្រូវមាន៖ផ្លាកលេខសម្គាល់យានយន្ត, ត្រួតពិនិត្យលក្ខណៈបច្ចេកទេស (ឆៀក) មានសុពលភាព, និងកាតព្វកិច្ចផ្សេងៗតាមច្បាប់ដែលបានកំណត់​ ៕

កន្លងមកមានបងប្អូនប្រជាពលរដ្ឋខ្មែរលោកមានចម្ងល់ថា បើផ្លូវល្បឿនលឿនភ្នំពេញ _ព្រះសីហនុ មិនអាចបត់ឬថយក្រោយជាដាច់ខាតផងហ្នឹង តែបើឡានជិតអស់សាំង ត្រូវការកន្លែងឈប់សម្រាក ចូលបន្ទប់ទឹក បរិភោគអារហារវិញ តើយើងគួរធ្វើយ៉ាងម៉េច បើឮតែថា អត់ឲ្យបត់ថយក្រោយផង?

បើយោងទៅតាមគេហ​ទំព័រ​ “ផ្លូវ​ល្បើន​លឿនភ្នំពេញ-ព្រះសីហនុ” បាន​ឱ្យដឹង​ថា តាមពិតទៅ នៅតាមដងផ្លូវល្បឿនលឿនគឺមានកន្លែងផ្តល់សេវាកម្ម ក្នុងនោះមានដូចជា ស្ថានីយ៍ប្រេងឥន្ធនៈ ចំណតឡាន កន្លែងឈប់សម្រាក អាហារដ្ឋាន បន្ទប់ទឹកនិងយាន្តដ្ឋាន ជាដើម ដែលអាចបំរើសេវាកម្មចាំបាច់ជូនអ្នកធ្វើដំណើរផ្លូវឆ្ងាយបានដោយមិនមានក្តីព្រួយបារម្ភនោះឡើយ។ ទោះជាយ៉ាងណា អ្នកបើកបរត្រូវ​ចាប់អារម្មណ៍មើលស្លាកសញ្ញានៅលើដងផ្លូវឲ្យបានច្បាស់ជាមុនសិន មុនចូលចតជៀសវាងបញ្ហាគ្រោះថ្នាក់ផ្សេងៗអាចកើតមានឡើង។

គួរបញ្ជាក់ផងដែរថា ផ្លូវ​ល្បើន​លឿនភ្នំពេញ-ព្រះសីហនុ នេះមានប្រវែងសរុបប្រហែល ១៩០,៦៣៣ គ.ម​​។​ ផ្លូវនេះត្រូវសាងសង់ជា ០៤គន្លង តួផ្លូវមានទទឹង ​២៤ម៉ែត្រ៕

ប្រភព: ក្រសួងសាធារណៈការ និងដឹកជញ្ជូន

ភ្នំពេញ៖ «សម្រាប់ភាពជាអ្នកដឹកនាំ អ្វីដែលសំខាន់គឺចេះប្រើប្រាស់មន្ត្រីក្រោមឱវាទរបស់ខ្លួន»។ នេះជាការលើកឡើងរបស់សម្តេចនាយករដ្ឋមន្ត្រី ហ៊ុន សែន ដោយប្រតិកម្មទៅនឹងការលើកឡើងពីសមាសភាពលោក ឌិត ទីណា ដែលទើបត្រូវបានតែងតាំងជារដ្ឋមន្ត្រីក្រសួងកសិកម្ម រុក្ខា ប្រមាញ់ និងនេសាទ។

នាពិធីចែកសញ្ញាបត្រដល់និស្សិតនិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦០០០នាក់ នៅព្រឹកថ្ងៃអង្គារ ទី១ ខែវិច្ឆិកា នេះ សម្តេច ហ៊ុន សែន បានលើកឡើងថា វាជាបង្ហាញឲ្យឃើញពីការខ្វះចំណេះដឹងចំពោះការរិះគន់រដ្ឋាភិបាលគ្មានតម្លាភាពលើការដោះដូរមន្ត្រី។

«កសិកម្មមិនមែនតែរឿងស្រូវមួយមុខនោះឡើយ»។ ប្រមុខរដ្ឋាភិបាលបានអះអាងយ៉ាងដូច្នេះ ដើម្បីតបតទៅនឹងអ្នករិះគន់ដែលបានបន្ទោសរដ្ឋាភិបាលលើការតែងតាំងលោក ឌិត ទីណា ដែលជាមន្ត្រីជំនាញខាងរ៉ែ ឲ្យកាន់តំណែងជារដ្ឋមន្ត្រីកសិម្ម។

សម្តេចបានលើកឡើងថា គ្មានអ្នកណាចេះអស់នោះឡើយ សូម្បីតែខាងយោធា ក៏សម្តេចមិនចេះអស់នោះដែរ ក្រៅពីជំនាញកងថ្មើរជើង ហើយក្នុងកសិកម្ម ក្រៅពីការងារស្រែស្រូ មានជំនាញច្រើនទៀត ដូចជាក្សេតសាស្ត្រ ការចិញ្ចឹមសត្វ និងការងារជាច្រើនទៀត។

«កុំវាយតម្លៃរហ័សពេក»។ នេះជាការប្រសាសន៍របស់សម្តេច ហ៊ុន សែន ដោយសម្តេចក៏បានដឹងថា អ្នកជំនាញកសិកម្មខ្លះ សូម្បីតែរោងម៉ាស៊ីនកិនស្រូវ ធ្វើមិនបាន ហើយរហូតដល់ជំពាក់លុយគេមិនទាន់សងថែមទៀត។

ជាមួយគ្នានេះ សម្តេចបានរិះគន់មន្ទីរកសិកម្មមួយចំនួន ដែលមិនមានការដាំដុះក្នុងបរិវេណខ្លួន ដែលអន់ជាងនៅតាមសាលារៀនទៅទៀត។

កើតនៅថ្ងៃទី៧ ខែមករា ឆ្នាំ១៩៧៩ លោក ឌិត ទីណា ដែលជាកូនប្រុសបង្កើតរបស់លោក ឌិត មន្ទី ប្រធានតុលាការកំពូល បានរៀនចប់ជំនាញវិស្វកម្មរ៉ែនៅសាលាជាតិជាន់ខ្ពស់ផ្នែករ៉ែនៅក្រុងប៉ារីស (MINES ParisTech)។ លោកក៏បានរៀបចប់អនុបណ្ឌិតផ្នែករូបវិទ្យាពីសាកលវិទ្យាល័ Université Paris-Sud ដ៏ល្បីល្បាញនៅបារាំងផងដែរ។

នៅមុនកាន់តំណែងជារដ្ឋមន្ត្រីកសិកម្ម ជំនួសលោក វេង សាខុន លោក ឌិត ទីណា ជារដ្ឋលេខាធិការ និងជាអ្នកនាំពាក្យនៃក្រសួងរ៉ែ និងថាមពល​ ៕

ផ្លូវល្បឿនលឿន ភ្នំពេញ-ព្រះសីហនុ ត្រូវបានបើកដំណើរការសាកល្បងនៅថ្ងៃទី១ ខែតុលា ឆ្នាំ២០២២  ដោយបានឱ្យប្រជាពលរដ្ឋធ្វើដំំំណើរមិនគិតថ្លៃមួយខែពេញ ហើយថ្ងៃទី១ ខែវិច្ឆកានេះ ក្រសួងចាប់ផ្តើមយកកម្រៃហើយ ដោយតម្លៃគិតតាមចម្ងាយជាក់ស្តែង។

រាល់យានយន្តចូលប្រេីប្រាស់ផ្លូវល្បឿនលឿន​ ត្រូវមាន៖

– ផ្លាកលេខសម្គាល់​យានយន្ត​

– ត្រួតពិនិត្យលក្ខណៈបច្ចេកទេស (ឆៀក)​ មានសុពលភាព

– កាតព្វកិច្ចផ្សេងៗតាមច្បាប់ដែលបានកំណត់៕

ឆ្នាំ១៩៥៦ គឺជាឆ្នាំដែលកម្ពុជាបានបង្កើតក្រុមហ៊ុនអាកាសចរណ៍ដំបូងគេ ដែលមានឈ្មោះថា ” រ៉ូយាល់ អ៊ែរ កាំប៊ូច(Royal Air Cambodge) ឬ ក្រុមហ៊ុនអាកាសចរណ៍ភូមិន្ទកម្ពុជា”។

ក្រុមហ៊ុនអាកាសចរណ៍ភូមិន្ទកម្ពុជា ត្រូវបានបើកសម្ពោធជើងហោះហើរដំបូងនៅឆ្នាំ១៩៧០ រហូតដល់ឆ្នាំ១៩៧៥។ បន្ទាប់ពីការបង្កើតសាធារណរដ្ឋខ្មែរក្នុងឆ្នាំ ១៩៧០ ក្រុមហ៊ុនអាកាសចរណ៍នេះត្រូវបានដាក់ឈ្មោះឡើងវិញថា “អ៊ែរ កាំប៊ូច (Air Cambodge) ឬក្រុមហ៊ុនអាកាសចរណ៍ខេមបូឌា”។ ក្រុមហ៊ុនអាកាសចរណ៍ភូមិន្ទកម្ពុជាដែលជាក្រុមហ៊ុនអាកាសចរណ៍ដែលបង្កើតដំបូងគេនៅកម្ពុជានេះគឺបង្កើតក្រោមការចាប់ដៃគូ និងវិនិយោគរួមគ្នារវាងរាជរដ្ឋាភិបាលកម្ពុជាមានភាគហ៊ុន៥១ភាគរយ និងក្រុមហ៊ុនអាកាសចរណ៍ម៉ាឡេស៊ី ៤៩ភាគរយ។

ក្រុមហ៊ុនអាកាសចរណ៍ម៉ាឡេស៊ីដែលជាដៃគូវិនិយោគបានជួបវិបត្តិហិរញ្ញវត្ថុ និងបន្តខាតបង់ដោយសារការថតចុះចំនួនអ្នកដំណើរបន្ទាប់ពីការវាយប្រហារភេរវកម្មថ្ងៃទី១១ ខែកញ្ញា ឆ្នាំ២០០១ នៅថ្ងៃទី១៦ ខែតុលា ឆ្នាំ២០០១ ក្រុមហ៊ុនអាកាសចរណ៍ភូមិន្ទកម្ពុជាបានប្រកាសបិទទ្វា។ ក្រោយមករដ្ឋាភិបាលកម្ពុជាចាប់ដៃគូជាមួយក្រុមហ៊ុនអាកាសចរណ៍វៀតណាមបង្កើតក្រុមហ៊ុនអាកាសចរណ៍ជាតិថ្មីនៅកម្ពុជា ដែលមានឈ្មោះថា​ “អង្គរអ៊ែរ” នៅឆ្នាំ ២០០៩៕