គួរឱ្យសរសើរទៅកាន់កុមារាដែលមានអាយុក្រោយ១០ឆ្នាំទាំងប៉ុន្មានរូបនេះដែលបានបង្ហាញពីសមត្ថភាពក្នុងការបញ្ជេញនូវក្បាច់គុនល្បុក្កតោយ៉ាងអស្ចារ្យ និងហាក់ដូចជាស្ទាត់ជំនាញ រហូតដល់មហាជនយល់ថានេះគឺជាទំពាំងស្នងឬស្សីដើម្បីរក្សានូវកេរដំណែលដ៏មានតម្លៃរបស់ខ្នែរ និងជាគុនល្បុក្កតោ ទើបតែបានចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិរបស់អង្គការ យូណេស្កូកាលពីពេលថ្មីៗនេះផងដែរ។

ក្បាច់គុណក្បុក្កតោខ្មែរត្រូវបានចុះបញ្ជីជាសម្បត្តិបេតិកភណ្ឌវប្បធម៌អរូបីនៃមនុស្សជាតិរបស់អង្គការ យូណេស្កូនៅ ថ្ងៃទី២៩  ខែវិច្ឆិកា ២០២២  ដោយការសម្រេចនេះធ្វើឡើងនៅក្នុងកិច្ចប្រជុំលើកទី១៧ នៃកិច្ចប្រជុំ គណៈកម្មាធិការអន្តរ រដ្ឋាភិបាលដើម្បីការពារបេតិកភណ្ឌវប្បធម៌របស់អង្គការយូណេស្កូ ដែលប្រារព្ធឡើងនៅទីក្រុងរ៉ាបាតនៃប្រទេសម៉ារុក។

ជាមួយគ្នានោះផងដែរកាលពីពេលថ្មីៗកន្លងទៅនេះក៏មានការបង្ហោះនូវវីដេអូឃ្លីបដ៏ទាក់ទាញ និងគួរឱ្យចាប់អារម្មណ៍ជាខ្លាំងពីម្ចាស់គណនីហ្វេសប៊ុក “នរៈ ឧរង្គៈ Nakrak Urunga” ដែលបានថតបង្ហាញពីសកម្មភាពដ៏អស្ចាររបស់ក្មេងៗដែលជាកុមារាតូចៗ អាយុប្រហែល ៦ ទៅ៧ ឆ្នាំ ប៉ុន្តែពួកគេបានបង្ហាញនូវសមត្ថភាពដ៏គួរឱ្យស្ញប់ស្ញែញនៃការបង្ហាញពី គុនល្បុក្កតោ យ៉ាងស្វាហាប់ហាក់មិនគួរឱ្យជឿ។

ពិតណាស់នេះជាសម្មភាពដែលពួកគេបានព្យាយាមហាត់រៀនយ៉ាងយកចិត្តទុកដាក់ជាមួយនិងសម្បត្តិបេតិកភណ្ឌវប្បធម៌របស់ខ្មែរដ៏មានតម្លៃ ហើយវាក៏ជាមោទកភាពសម្រាប់កូនខ្មែរដែលបានព្យាយាមថែរក្សារឱ្យ គុនល្បុក្កតោ នេះគងវង្សជារៀងរហូត។

យ៉ាងណាមិញបន្ទាប់ពីមានការបង្ហោះនូវ គុនល្បុក្កតោរបស់កុមារតូចៗដល់បណ្ដាញសង្គម ក៏បានធ្វើឱ្យមហាជនជាច្រើនមានការស្ងើចសរសើរ និង បង្ហាញនូវអារម្មណ៍រំភើបព្រោះតែយល់ថាកុមារទាំងនេះគឺជាទំពាំងស្នងឬស្សីរបស់ខ្មែរ៕

អត្ថបទដោយ៖ យិត ម៉ានិល

ចាប់តាំងពីបញ្ចប់សង្គ្រាមលលោកលើកទី២មក ប្រជុំកោះកោះគូរីល (Kuril Islands) នៅតែជា​ចំណុច​មិនត្រូវគ្នារវាង​ជប៉ុន និង​រុស្ស៊ី។

រុស្ស៊ី បាន​ប្រកាស​ថា​ ប្រជុំកោះ​គូរីល ជារបស់ខ្លួននៅក្នុងឆ្នាំ១៧៨៦ បន្ទាប់ពីរកឃើញ​ដោយជនជាតិរុស្ស៊ី។ ប៉ុន្តែក្រោយមកដោយសារជប៉ុន អះអាងថា ប្រជុំកោះនេះ​ស្ថិតនៅជិត​ប្រទេសខ្លួន​ជាង ទើបនាំឱ្យ​មានការចុះសន្ធិសញ្ញាមួយរវាងប្រទេសទាំងពីរ នៅក្នុងឆ្នាំ១៨៥៥ ដោយបែងចែកគ្នា។ ក្នុងនោះ​កោះសំខាន់ៗចំនួន៤ នៅភាគខាងត្បូងនៃគូរីល ត្រូវប្រគល់ឱ្យទៅ​ជប៉ុនជាអ្នកគ្រប់គ្រង ខណៈរុស្ស៊ី គ្រប់គ្រងនៅផ្នែកខាងជើង​គូរីល។

ក៏ប៉ុន្តែរំលងបាន២០ឆ្នាំ ពោលគឺនៅឆ្នាំ​ ១៨៧៥ ប្រទេសទាំងពីរ ក៏បាន​ចុះ​សន្ធិសញ្ញាថ្មីមួយទៀត ដោយ​ប្រគល់ប្រជុំកោះនេះទាំងមូលឱ្យជប៉ុនកាន់កាប់ ជាការដោះដូរ​គ្នា ដោយ​ឱ្យរុស្ស៊ី កាន់កាប់​ប្រជុំកោះ Sakhalin វិញ។ ក៏ប៉ុន្តែដោយកាលនោះជប៉ុនជាប្រទេសមហាអំណាច ក៏បាន​ចូល​ឈ្លានពានដណ្តើមយក​ទឹកដីពាក់កណ្តាលនៃកោះ Sakhalin បន្ទាប់ពីឈ្នះសង្គ្រាមលើរុស្ស៊ី ក្នុងឆ្នាំ ១៩០៥។

តែយ៉ាងណាមិញ ក្រោយពីចាញ់សង្គ្រាមលោកលើកទី២  ក្រោយពី​ត្រូវអាមេរិក​ទម្លាក់​គ្រាប់បែកបរមាណូនៅថ្ងៃទី៦ និង ៩ ខែសីហា ឆ្នាំ​១៩៤៥ ក៏ស្រាប់តែកងទ័ព​រុស្ស៊ី (សហភាពសូវៀត) បានចូលកាន់កាប់ប្រជុំកោះនេះ និងនារទេសប្រជាជនដែលរស់នៅទីនោះ ត្រឡប់ទៅប្រទេសជប៉ុនវិញ។

ក្រោយមក នៅឆ្នាំ១៩៥៦ រុស្ស៊ី បាន​សម្រេច​ប្រគល់​កោះចំនួន២ ដែល​នៅកៀកជប៉ុនបំផុតគឺកោះ Shikotan និង Habomai នៃប្រជុំកោះ​គូរីលឱ្យជប៉ុន ប៉ុន្តែជប៉ុនមិនយល់ព្រមឡើយ ព្រោះ​កោះ២នេះ គឺមានទំហំស្មើតែ ៧% ប៉ុណ្ណោះ​នៃប្រជុំកោះ​គូរីល​ទាំងមូល។

លុះឈានមកដល់ឆ្នាំ ២០០៤ ប្រធានាធិបតីរុស្ស៊ី លោក ពូទីន (Putin)  ក៏នៅតែបន្តប្រគល់កោះទាំងពីរខាងលើឱ្យទៅជប៉ុនដដែល ហើយជប៉ុន បន្តប្រកែកមិនយក ដែលធ្វើឱ្យ​ប្រទេសទាំងពីរ នៅតែមិនអាចឈានដល់កិច្ចព្រមព្រៀងណាមួយ​ឡើយរហូតមកដល់បច្ចុប្បន្ន៕

ប្រភព: BBC

ការនាំចេញសម្លៀកបំពាក់ និងអាហារសមុទ្ររបស់វៀតណាមទៅកាន់ប្រទេសកាណាដាបានកើនឡើង ៥០% ធៀបនឹងឆ្នាំមុន ដែលមានតម្លៃសរុបចំនួន ១.១ ពាន់លានដុល្លារ សម្រាប់សម្លៀកបំពាក់ និង ៣៣៤លានដុល្លារ សម្រាប់អាហារសមុទ្រ។

ដោយសារប្រភេទទាំងពីរបានឃើញការកើនឡើងដ៏ធំបំផុតនៃការនាំចេញទៅកាន់ប្រទេសកាណាដា ក្នុងរយៈពេល ៣ ឆ្នាំចុងក្រោយនេះ ប្រភេទផ្សេងទៀតដូចជា ឈើ សារធាតុគីមី លោហៈ គ្រាប់ស្វាយចន្ទី កាបូប និងម៉ាស៊ីនក៏បានកត់ត្រាកំណើនពី ៣% ទៅ ៣០% យោងតាមស្ថិតិពី ការិយាល័យគយវៀតណាម។

ការនាំចេញសរុបពីវៀតណាមទៅកាណាដាបានកើនឡើង ២៨.៧% ធៀបនឹងឆ្នាំមុន ពោលគឺដល់ជិត ៥.៥ ពាន់លានដុល្លារ។ វៀតណាមគឺជាទីផ្សារនាំចេញធំបំផុតរបស់កាណាដា ក្នុងអាស៊ាន៕

ប្រភព៖ VN Express

ភ្នំពេញ៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) បានសម្ដែងនូវការសោកស្ដាយយ៉ាងខ្លាំង និងច្រានចោលយ៉ាងដាច់អហង្ការ ចំពោះគំនិតអគិតរបស់បុគ្គលមួយចំនួន ដែលបានចោទប្រកាន់ថា សហភាពសហព័ន្ធយុវជនកម្ពុជា បានរៀបចំបញ្ជីឈ្មោះសមាជិក សមាជិការបស់ខ្លួន ដែលត្រូវប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ផ្ញើទៅក្រសួងអប់រំ យុវជន និងកីឡា។

តាមរយៈ Facebook នៅព្រឹកថ្ងៃទី០៥ ខែធ្នូ ឆ្នាំ២០២២នេះ លោក ហ៊ុន ម៉ានី បានបញ្ជាក់យ៉ាងដូច្នេះថា៖

«ខ្ញុំមានការភ្ញាក់ផ្អើល ហើយមានការសោកស្តាយជាខ្លាំង ដែលមានបុគ្គល ក៏ដូចជាក្រុមអគតិទុច្ចរិតមួយចំនួន ដែលបង្ហោះសារថា ស.ស.យ.ក បានរៀបចំ បញ្ជីរាយនាមសមាជិក សមាជិកា ស.ស.យ.ក ដែលត្រូវប្រឡងបាក់ឌុប ផ្ញើទៅក្រសួងអប់រំ យុវជន និងកីឡា។

ផ្អែកលើព័ត៌មាននេះ ខ្ញុំសូមប្រកាសបដិសេធយ៉ាងដាច់អហង្ការ ថាមិនមានករណីបែបនេះ កើតឡើងនោះទេ។ ផ្ទុយទៅវិញ ស.ស.យ.ក តែងតែចូលរួមយ៉ាងសកម្មជាមួយរាជរដ្ឋាភិបាលកម្ពុជា ក្នុងការលើកស្ទួយវិស័យអប់រំ។ ជាពិសេស តាំងពីឆ្នាំ ២០១៤ ស.ស.យ.ក បានចូលរួមសង្កេតការណ៍ការប្រឡងបាក់ឌុប ដើម្បីធ្វើយ៉ាងណា ឲ្យការប្រឡងប្រព្រឹត្តទៅដោយជោគជ័យ យុត្តិធម៌ ទទួលយកបាន ដោយផ្អែកលើទិសស្លោក «អ្នកចេះគឺជាប់»។

ក្នុងនាមជា ប្រធានស.ស.យ.ក និងជាពលរដ្ឋមួយរូប ខ្ញុំក៏ចង់ឃើញការរៀបចំការប្រឡងបាក់ឌុបមួយ ប្រកបដោយប្រសិទ្ធភាព និងតម្លាភាពខ្ពស់ ហើយខ្ញុំក៏សូមបញ្ជាក់ជាថ្មី ជូនអាណាព្យាបាល សិស្សានុសិស្សគ្រប់រូបថា យើងខ្ញុំមិនធ្វើសកម្មភាពណាមួយដូចការចោទប្រកាន់នោះទេ ហើយ យើងខ្ញុំនឹងទទួលខុសត្រូវចំពោះមុខច្បាប់ ប្រសិនមានការប្រព្រឹត្តខុសឆ្គងណាមួយទៅលើច្បាប់ និងលិខិតបទដ្ឋាននានា ពាក់ព័ន្ធការប្រឡងបាក់ឌុប»។

សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិនៅឆ្នាំនេះ មានបេក្ខជនចុះឈ្មោះប្រឡងសរុប ១២៨,១៣៤នាក់ ស្រី ៦៨,៧៧១នាក់។ មណ្ឌលប្រឡងសរុប ២២១មណ្ឌល ត្រូវជា ៥,១៧៤បន្ទប់ និងមានការចូលរួមដោយគណៈមេប្រយោគ និងគណៈកម្មការនានា ក្នុងដំណើរនោះប្រឡងសរុបចំនួន ២៧,៧៥៣នាក់។ ការប្រលងនេះ គ្រោងនឹងប្រកាសលទ្ធផលប្រឡងនៅថ្ងៃទី២៧ ខែធ្នូ ឆ្នាំ២០២២ សម្រាប់រាជធានីភ្នំពេញ និងខេត្តកណ្ដាល និងថ្ងៃទី២៨ ខែធ្នូ ឆ្នាំ២០២២៕

សហគមន៍អេកូ–ទេសចរណ៍កោះសាមសិប ចម្ងាយ ៩៥គ.ម ពីខេត្តក្រចេះ។ សហគមន៍អេកូទេសចរណ៍កោះសាមសិប ត្រូវបាបានផ្តួចផ្តើមបង្កើតឡើងនៅថ្ងៃទី០៧ ខែមិថុនា ឆ្នាំ២០១៦ និងត្រូវបានបោះឆ្នោតជ្រើសរើសគណៈកម្មការដឹកនាំសហគមន៍នៅថ្ងៃទី២២ ខែមិថុនា ឆ្នាំ២០១៨​ ក្រោមការសម្របសម្រួលដោយ​ អង្គការកម្មវិធីផ្លាស់ប្តូរអនុផលព្រៃឈើកម្ពុជា (NTFP-EP) នឹងមានកិច្ចសហការពីអាជ្ញាធរឃុំ និងមន្ទីរទេសចរណ៍ខេត្តក្រចេះ ក្រោមកម្មវិធីដៃគូលើវិស័យព្រៃឈើ និងជលផល (PaFF) និងគាំទ្រថវិកាដោយទីភ្នាក់ងារសហប្រតបត្តិការស្វីសដើម្បីការអភិវឌ្ឍន៍ (SDC)។

សហគមន៍អេកូទេសចរណ៍កោះសាមសិបបង្កើតឡើងដោយផ្អែកទៅលើធនធានសក្តានុពលរបស់សហគមន៍ព្រៃឈើ និងសហគមន៍នេសាទខ្សាច់លាវ កោះខ្ញែរ និងពន្ធជា។ ​សហគមន៍នេះ សំបូរទៅដោយព្រៃឈើជាច្រើនប្រភេទរជា​​ប្រភេទ ដែលជាប្រភេទ​ព្រៃរបោះ និងពាក់កណ្តាលស្រោង ដែលជាជម្រក​សត្វព្រៃដ៍សំខាន់ដូចជា សត្វខ្ទីង ប្រើស ជ្រូកព្រៃ ក្ងោក​​ ត្មាត​ត្រយ៉ងចំកំកស និងសម្បូរទៅដោយសត្វស្លាបរាប់រយប្រភេទ និងត្រីដ៏សម្បូរបែប។ ចំណែកក្នុងដែនសហគមន៍នេសាទទាំងបីវិញ សំបូរដោយអន្លង់ទឹកជ្រៅ ទឹកជួរ សំបូរកោះ នឹងព្រៃលិចទឹកដែលជាជម្រកត្រីពងកូនដ៏សំខាន់។

ជារួមក្នុងក្នុងតំបន់នេះសំបូរ ទៅដោយធនធានធម្មជាតិដូចជា ព្រៃឈើ ទន្លេ ព្រែក អូរ សត្វព្រៃ សត្វស្លាប និងត្រីជាច្រើនប្រភេទដែលរស់នៅក្នុងទន្លេមេគង្គ។ ចំណែកឯធនធានវប្បធម៌វិញមានដូចជា ពិធីបុណ្យចូលឆ្នាំ ពិធីសែនព្រេន ឡើងអ្នកតា ភ្លេងបុរាណ មន្តអាគម និងអាពាហ៍ពិពាហ៍ជាដើម និងប្រពៃណីជនជានដើមភាគតិច។ ក្រៅពីនេះប្រជាជនក្នុងតំបន់នេះមានវប្បធម៌ដ៏ល្អ គឺការចេះជួយគ្នាទៅវិញទៅមក មិនប្រកាន់បក្សពួក រួសរាយរាក់ទាក់ភ្ញៀវ មានសុជីវធម៌ មិនកេងបន្លំគ្នាដែលជាគំរូដ៏ល្អ។

ទេសចរអាចជិះទូកមើលសត្វស្លាបច្រើនប្រភេទ  បោះតង់នៅលើកោះដែលរៀបចំដោយប្រធានសហគមន៍ មើលទេសភាពថ្ងៃលិចតាមមាត់ទន្លេរ និងពិសារអាហារដែលរៀបចំដោយប្រជាសហគមន៍ និងមានផ្ទះស្នាក់សហគមន៍ផងដែរ៕