នូវែលសេឡង់អនុម័តច្បាប់ថ្មី មនុស្សដែលកើតចាប់ពីឆ្នាំ ២០០៩ ឡើងគ្មានសិទ្ធិទិញបារីជក់
បរទេស៖ សភាតំណាងប្រទេសនូវែលសេឡង់កាលពីថ្ងៃអង្គារកន្លងទៅនេះបានអនុម័តច្បាប់ថ្មីប្រឆាំងការជក់បារី ដែលនឹងហាមឃាត់ការលក់ថ្នាំជក់ដល់មនុស្សដែលកើតនៅថ្ងៃទី ១ ឬក្រោយថ្ងៃទី ១ ខែមករាឆ្នាំ ២០០៩ឡើងទៅ ក្នុងគោលបំណងលប់បំបាត់ផ្សែងបារីក្នុងប្រទេស។
នាថ្ងៃទី ១៥ ខែធ្នូ ឆ្នាំ២០២២ មានសេចក្ដីរាយការណ៍បានចេញផ្សាយពីសេចក្ដីប្រកាសអំពីសភាតំណាងប្រទេសនូវែលសេឡង់កាលពីថ្ងៃអង្គារកន្លងទៅនេះបានអនុម័តច្បាប់ថ្មីប្រឆាំងការជក់បារី ដែលនឹងហាមឃាត់ការលក់ថ្នាំជក់ដល់មនុស្សដែលកើតនៅថ្ងៃទី ១ ឬក្រោយថ្ងៃទី ១ ខែមករាឆ្នាំ ២០០៩ឡើងទៅ។
ទន្ទឹមនឹងនោះការហាមប្រាមការលក់បារីនេះមានគោលបំណងបញ្ឈប់មនុស្សជំនាន់ក្រោយពីការជក់បារី ហើយជាវិធានការមួយទៀតដែលរដ្ឋាភិបាលនូវែលសេឡង់កំពុងព្យាយាមជំរុញឱ្យប្រទេសនេះក្លាយជាប្រទេស គ្មានផ្សែងនៅក្នុងឆ្នាំ ២០២៥។
ទោះជាយ៉ាងណាប្រសិនបើអ្នកណាហានបំពានច្បាប់មួយនេះ និងត្រូវបានទទួលទោសតាមច្បាប់ ក៏ដូចជាត្រូវបានផាកពិន័យ ចំពោះការបំពានច្បាប់គឺរហូតដល់ ៣.៣៤ លានដុល្លារ។
ជាមួយគ្នានោះអនុរដ្ឋមន្ត្រីក្រសួងសុខាភិបាលនូវែលសេឡង់លោក អាយីសា វើរ៉ូល(Ayesha Verrall) បាននិយាយថា ទោះជាយ៉ាងណា នាពេលបច្ចុប្បប្រទេសនូវែលសេឡង់មានអត្រាអ្នកជក់បារីទាបបំផុតមួយក្នុងពិភពលោករួចទៅហើយ ដែលអាត្រាបានធ្លាក់ចុះជាលំដាប់ពី៩.៤ភាគរយមកត្រឹមតែ ៨ភាគរយក្នុងរយៈពេល ១២ ខែចុងក្រោយនេះ។
យ៉ាងណាមិញរដ្ឋមន្ត្រីនេះបានបន្តថា ការដាក់ឱ្យប្រើប្រាស់ច្បាប់ថ្មីនេះឡើងមក នឹងជួយឱ្យមនុស្សរស់នៅបានយូរ និងមានសុខភាពល្អ ហើយប្រព័ន្ធថែទាំសុខភាពក៏នឹងសន្សំការចំណាយបានប្រហែសជិត ៤ លានដុល្លារបន្ថែមទៀតក្នុងមួយឆ្នាំ៕ ប្រភព៖ Sanook
.jpg)
.jpg)
.jpg)
ទោះជាយ៉ាងនេះក្តី ការរាតត្បាតជំងឺកូវីដ ១៩ កន្លងមកបានបន្សល់ទុកនូវបញ្ហា និងវិបត្តមួយចំនួន ដល់មនុស្សយើងជាពិសេសវិបត្តិសេដ្ឋកិច្ច តួយ៉ាងដូចជាមន្ទីរពេទ្យកុមារអង្គរ ខេត្តសៀមរាប បានប្រឈមនឹងការលំបាកអំពីបញ្ហាជំនួយមូលនិធិសប្បុរសធម៌មានការធ្លាក់ចុះ បណ្តាលឲ្យមានការរាំងស្ទះដល់ដំណើរការបំពេញសកម្មភាពសំខាន់ៗមួយចំនួនផងដែរ ក្នុងអំឡុងពេលដែលចំនួនអ្នកជំងឺកុមារគ្រប់ប្រភេទ នៅតែបន្តមកទទួលសេវាព្យាបាល និងថែទាំនៅមន្ទីរពេទ្យនេះឥតឈប់ឈរ។ ជាមួយនឹងសកម្មភាពផ្សព្វផ្សាយ និងរៃអង្គាសជាច្រើនរបស់មន្ទីរពេទ្យកុមារអង្គរ ថ្មីៗនេះមានយុទ្ធនាការថ្មីជាលើកដំបូងមួយដែលមន្ទីរពេទ្យកុមារអង្គរ បានបង្កើត ឡើងគឺ យុទ្ធនាការជួយសង្គ្រោះជីវិតកុមារពីជំងឺមហារីក ដែលបានចាប់ផ្តើមតាំងពីដើមខែតុលាឆ្នាំ២០២២ ដោយក្នុងនោះមានរួមបញ្ចូលនូវព្រឹត្តិការណ៍ រត់ជាមួយសាយ ៤សែនជំហាន ភ្នំពេញ សៀមរាប រយៈពេល ៩ថ្ងៃ និងសកម្មភាពផ្សព្វផ្សាយជាច្រើនទៀត ទាំងក្នុង និងក្រៅបណ្តាញសង្គម និងយុទ្ធនការនេះ។
នៅចុងបញ្ចប់នៃយុទ្ធនាការជួយសង្គ្រោះជីវិតកុមារពីជំងឺមហារីក មានមនុស្សមួយក្រុមមកពីបណ្តាក្រុមហ៊ុនអាជីវកម្ម បានប្រមូលគ្នីគ្នាប្រមាណជាង ៥០នាក់ ដើរឡើងភ្នំបូកគោ នាថ្ងៃទី ១០ ខែធ្នូកន្លងទៅ និងបានបោះតង់សម្រាកនៅលើកំពូលភ្នំបូកគោមួយយប់ថែមទៀត។ កម្មវិធីនេះ ផ្តួចផ្តើម និងដឹកនាំដោយ លោក អ៊ីវ គឹមសួរ ជាគ្រូបង្វឹកអាជីវកម្មមកពីក្រុមហ៊ុន Action COACH ក្រោមការចូលរួមសហការរៀបចំដោយក្រុមហ៊ុន Khmer Ads zone ក្រុមហ៊ុន Tomnerb Tech និង ក្រុមហ៊ុនDM Cambodia ដោយមានការគាំទ្រពីសំណាក់ សាលាខេត្តកំពត មន្ទីរទេសចរណ៍ខេត្ត និង អជ្ញាធរមូលដ្ឋាន ដែលបង្កើតឡើងមិនត្រឹមតែធ្វើការផ្សព្វផ្សាយ រៃអង្គាសមូលនិធិជួយដល់កុមារមានជំងឺមហារីកនៅក្នុង មន្ទីរពេទ្យកុមារអង្គរ ប៉ុណ្ណោះទេគឺជាបំផុសគំនិតហាត់ប្រាណតាមរយៈការដើរ ពង្រីកបណ្តាញធុរៈកិច្ច បង្កើតសេចក្តីរីករាយជួបជុំជាមួយក្រុមគ្រួសារឬមិត្តភក្តិ ព្រមទាំងផ្សព្វផ្សាយទីកន្លែងទេសចរណ៍ដ៏ស្រស់ត្រកាល នៃភាគនារតីនៃប្រទេសកម្ពុជា។
កម្មវិធីនេះ បានបញ្ចប់ទៅដោយភាពសប្បាយរីករាយ អមដោយបទពិសោធន៍ និងអនុស្សាវរីយ៍ដ៏ល្អៗ ពីព្រឹត្តិការណ៍ទាំងមូល ជាពិសេសកម្មវិធីនេះទទួលបាននូវកការឧបត្ថម្ភគាំទ្រពីសំណាក់ក្រុមហ៊ុនអាជីវកម្ម ដ៏ធំចំនួនពីរគឺ ក្រុមហ៊ុនខាំផែនថ្នាំពណ៌ជាតិ និង ក្រុមហ៊ុន ឃាង ហួត អ៊ិនធឺណេសិនណល នាំចូលភេសជ្ជៈខារ៉ាបាវ ព្រមទាំងសហការឧបត្ថម្ភដោយក្រុមហ៊ុន Global Top Star Industrial Co., Ltd ភោជនីយដ្ឋានដើមលាភ សណ្ឋាគារឋានសួគ៌សុខា និងឡឺបូកគោ និង Genesha Resort Kampot សារព័ត៌មានហ្រ្វេសញ៉ូស VVPM CONSTRUCTION និងបណ្តាក្រុមហ៊ុន សប្បុរសជន ជាច្រើនទៀតផងដែរ ដែលជាការចូលរួមជាចំណែកមួយនៃ យុទ្ធនាការជួយសង្គ្រោះជីវិតកុមារពីជំងឺមហារីក នៅក្នុងមន្ទីរពេទ្យកុមារអង្គរ។
នាក្នុងឱកាសនោះដែរ ឯកឧត្តម ចាន់ ថា អភិបាលរងខេត្តកំពត តំណាងដ៏ខ្ពង់ខ្ពស់ របស់ ឯកឧត្តម ម៉ៅ ធនិន អភិបាលនៃគណៈអភិបាលខេត្ត មានប្រសាសន៍លើកឡើងថាជាឆ្នាំដំបូងក៏ពិតមែនតែការរៀបចំ ប្រព្រឹត្តទៅដោយរលូន និងទទួលបានជោគជ័យ ប្រកបដោយភាពសប្បាយរីករាយសម្រាប់អ្នកចូលរួមទាំងអស់។ លោកក៏បានអំពាវនាវ សុំអោយបងប្អូនសាធារណៈជន ក្រុមហ៊ុនអាជីវកម្ម ព្រមទាំងស្ថាប័នផ្សេងៗមានការចូលរួមគាំទ្រ ក្នុងព្រឹត្តិការណ៍នេះនៅឆ្នាំក្រោយៗទៀត អោយបានច្រើនកុះករ ដើម្បីអោយមន្ទីរពេទ្យកុមារអង្គរខេត្តសៀមរាប នៅតែបន្តសកម្មភាពសប្បុរសធម៌របស់ខ្លួនក្នុងការជួយសង្រ្គោះជីវិតកុមារកម្ពុជា និងលើកកម្ពស់សុខុមាលភាពកុមារដែលជាទំពាំងស្នងឫស្សី និង ជាសសរទ្រូងប្រទេសជាតិនាពេលអនាគត ព្រមទាំងរួមចំណែកលើកស្ទួយវិស័យទេសចរណ៍ក្នុងខេត្តកំពតផងដែរ។
លោក អ៊ីវ គឹមសួរ រួមទាំងនាយកមន្ទីរពេទ្យកុមារអង្គរ និងអ្នកចូលរួមកម្មវិធីនេះទាំងអស់សូមចូលរួម សម្តែងនូវការដឹងគុណ និងថ្លែងអំណរគុណយ៉ាងជ្រាលជ្រៅបំផុត ចំពោះទឹកចិត្តដ៏សប្បុរសរបស់សប្បុរសជន ទាំងអស់ ដែលបានធ្វើឲ្យកម្មវិធីនេះដំណើរការបាន និងបានប្រមូលជំនួយសប្បុរសធម៌ ជួយដល់កុមារជាច្រើនដែលកំពុងសម្រាកព្យាបាល ថែទាំជំងឺមហារីក ក៏ដូចជាជំងឺដទៃជាច្រើនទៀត ប្រកបដោយគុណភាព និងឥតគិតកម្រៃនៅក្នុងមន្ទីរពេទ្យកុមារអង្គរ ហើយក៏បានប្រកាសឲ្យមានការចូលរួមជាបន្តជាមួយគ្នានៅ ខែធ្នូឆ្នាំ ក្រោយៗទៀត ៕
ទំនាក់ទំនងកម្មវិធី និងសារព័ត៌មាន៖
