ល្បីថា «បន្លែស្រស់» គឺល្អសម្រាប់សុខភាព ព្រោះគុណតម្លៃអាហារូបត្ថម្របស់វាភពេញលេញ មិនបាត់បង់កំឡុងពេលចម្អិនអាហារលើសកំដៅ ប៉ុន្តែក៏មានបន្លែស្រស់ បន្លែឆៅមួយចំនួន ដែលមិនស័ក្តិសមសម្រាប់មនុស្សមួយចំនួនដែល និងមិនគួរទទួលទានឆៅ ព្រោះវាអាចមានបញ្ហាសុខភាព ឬបន្លែស្រស់ៗខ្លះអាចមានគ្រោះថ្នាក់ដែលយើងមិននឹកស្មានដល់។
ថ្ងៃនេះសូមណែនាំនូវបន្លែមួយចំនួនដែលអ្នកមិនគួរបរិភោគឆៅ៖
១. សណ្តែកបណ្តុះ
ពន្លកឆៅនៃសណ្ដែកបណ្ដុះត្រូវបានគេរកឃើញថាមានមេរោគបាក់តេរីដូចជា Salmonella ឬ E. coli ព្រោះនៅពេលដាំសណ្តែកបណ្តុះ សំណើម និងសីតុណ្ហភាពរបស់សណ្តែកបណ្តុះ សមរម្យសម្រាប់ការលូតលាស់នៃមេរោគ ប៉ុន្តែប្រសិនបើយើងយកវាឆ្លងកាត់កំដៅ មេរោគទាំងនេះនឹងត្រូវសំលាប់ ដូច្នេះយើងអាចបរិភោគសណ្តែកបណ្តុះបានដោយមានសុវត្ថិភាព។
២. ស្ពៃក្ដោប
អ្នកដែលមានបញ្ហាក្រពេញទីរ៉ូអ៊ីត ឬមុខងាររបស់ក្រពេញទីរ៉ូអ៊ីតដំណើរការទាបជាងធម្មតា ប្រសិនបើអ្នកទទួលទានបន្លែដែលមានផ្ទុកសារធាតុ Goitrogen ដូចជាស្ពៃក្តោប ឬផ្កាខាត់ណា ពពួកសារធាតុ Goitrogen នឹងរារាំងការស្រូបយកអ៊ីយ៉ូត ដូច្នេះដើម្បីឱ្យក្រពេញទីរ៉ូអ៊ីតផលិតអរម៉ូនកាន់តែច្រើន យកល្អគួរតែទទួលទានបន្លែទាំងនេះដោយចម្អិនវាមុនពេលបរិភោគ ។
ប៉ុន្តែសម្រាប់មនុស្សធម្មតា មិនមានជំងឺ អាចបរិភោគបានដោយគ្មានបញ្ហាអ្វីឡើយ កង្វល់តែមួយគត់គឺសំណល់ថ្នាំសំលាប់សត្វល្អិតដែលអាចកើតមានពីប្រពន្ធនៃការដាំដុះ ដូច្នេះត្រូវការលាងសម្អាត ដោយបក ទៅជាស្លឹកនឹងលាងឱ្យស្អាត។
៣. ដំឡូងបារាំង
.jpg)
ដំឡូង និងពន្លកឫស អាចមានផ្ទុកសារធាតុ Cyanide ដែលអាចបង្កគ្រោះថ្នាក់ដល់រាងកាយរបស់អ្នកព្រោះសារធាតុ Cyanide ដូច្នេះគួរតែចម្អិនឱ្យលើស ពី ១០ នាទីឬច្រើនជាងនេះ។
៤. សណ្តែកគួរ
មនុស្សមួយចំនួនមានការហើមពោះបន្ទាប់ពីទទួលទានសណ្តែកគួរឆៅ វាអាចទាក់ទងអំពីប្រព័ន្ធពោះវៀនរបស់មនុស្សម្នាក់ៗ ប៉ុន្តែអ្វីដែលអ្នកត្រូវប្រយ័ត្នគឺសណ្តែកគួរជាក្រុមរុក្ខជាតិដែលប្រើថ្នាំសម្លាប់សត្វល្អិតខ្ពស់ នេះអាចបណ្តាលឱ្យសណ្តែកនេះ ស្រូបយកសារធាតុទាំងនោះបានច្រើនផងដែរ។
ដូច្នេះអ្នកគួរតែលាងទឹកយ៉ាងហ្មត់ចត់ ដោយដៃផ្ទាល់ ហើយប្រហែលជាត្រូវការត្រាំក្នុងទឹកឱ្យយូរ បើមិនដូច្នេះទេគួរតែចម្អិនបន្ថែម។
របៀបទទួលទានបន្លែដោយសុវត្ថិភាព
ពិតណាស់យើងតែងតែបារម្ភពីបន្លែដែលមានជាតិគីមី និងថ្នាំសម្លាប់សត្វល្អិត ដូច្នេះវិធីកាត់បន្ថយហានិភ័យ គឺលាងបន្លែឱ្យបានហ្មត់ចត់ អាចត្រូវត្រាំក្នុងទឹករយៈពេល ១០ នាទី មុននឹងលាងសម្អាតម្តងទៀត។
សម្រាប់បាក់តេរី ការលាងបន្លែឱ្យបានហ្មត់ចត់ មិនកាត់បន្ថយបរិមាណបាក់តេរីដែលស្រូបចូលទៅក្នុងបន្លែនោះបានទេ ដូច្នេះគួរតែចម្អិន ដើម្បីឱ្យបាក់តេរីត្រូវបានសំលាប់ដោយកំដៅត្រឹមត្រូវ នោះយើងនឹងអាចបរិភោគបន្លែដោយមានសុវត្ថិភាពសម្រាប់រាងកាយ៕ ប្រភព៖ Sanook
