កំពង់ធំ គឺជាខេត្ត មួយដែលស្ថិតនៅចំកណ្តាលផ្ទៃប្រទេសកម្ពុជា។ ខេត្តនេះមានផ្ទៃដីសរុប ១៣ ៨១៤ សហាតិមាត្រការ៉េ ហើយបែងចែកជា ៨ ស្រុក-ក្រុង, ៨១ ឃុំ-សង្កាត់ និង ៧៣៤ ភូមិ ខេត្តកំពង់ធំជាខេត្តមានផ្ទៃដីធំទី២នៅក្នុងប្រទេសកម្ពុជា។

ខេត្តនេះ មានព្រំប្រទល់ជាប់ខេត្តសៀមរាបនៅភាគពាយព្យ ព្រះវិហារនៅភាគខាងជើង ស្ទឹងត្រែងនៅភាគឦសាន ក្រចេះនៅខាងកើត កំពង់ចាម កំពង់ឆ្នាំង នៅខាងត្បូង និង បឹងទន្លេសាបនៅភាគខាងលិច។

​ខាងលិចនៃផ្នែកមួយនៃផ្លូវជាតិលេខ ៦ គ្របដណ្តប់៣០ភាគរយ ផ្ទៃធម្មតានេះគឺជាតំបន់ពង្រីកទៅដល់បឹងទន្លេសាប។ តំបន់នេះគឺជាការល្អសម្រាប់ការដាំដុះស្រូវនិងការនេសាទត្រីសម្រាប់គាំទ្រដល់តម្រូវការនៃខេត្តនេះនិងនាំចេញទៅទៀត

ខេត្តនេះ មានបណ្តាញផ្លូវជាតិលេខ៦ ភ្ជាប់ពី ក្រុងភ្នំពេញ ទៅ ខេត្តសៀមរាប ហើយ មានផ្លូវបំបែកទៅ ខេត្តព្រះវិហារ តាមរយៈផ្លូវជាតិលេខ៦៤ ដែលមានចម្ងាយ ១២៦ សហាតិមាត្រ។ ខេត្តកំពង់ធំជាខេត្តមួយផងដែរដែលសំបូរទៅដោយសក្តានុពលទេសចរណ៍ដើម្បីទាក់ទាញភ្ញៀវទេសចរជាតិនិងអន្ដរជាតិដូចជាការកម្រនិងអសកម្មបឹង, ទន្លេ, ព្រៃភ្នំនិងប្រាសាទបុរាណចំនួនជាង២០០ ។

ប្រាសាទសំបូរព្រៃគុហ៍ ដែលសរុបមានប្រមាណជិតពីររយប្រាសាទផ្សេងទៀត មានសារៈសំខាន់ណាស់សម្រាប់ការសិក្សាអំពីអារ្យធម៌ខ្មែរ មុនសម័យអង្គរ។ ប្រាសាទទាំងនេះ បានទាក់ទាញទេសចរណ៍ និង អ្នកស្រាវជ្រាវបុរាណវិទូជាច្រើនរូបមកធ្វើការស្វែងរកកាពិតផ្សេងៗ ដូចទៅនឹងប្រាសាទដ៏ទៃ។

កំពង់ធំ គឺជាខេត្តមួយក្នុងប្រទេសកម្ពុជា ខេត្តកំពង់ធំមានទីរួមខេត្តឈ្មោះក្រុងស្ទឹងសែន​ ដែលជាទីក្រុងមួយដែលមានប្រជាជន ៣០ ០០០ នាក់ មានទេសភាពដ៏ល្អប្រណីត គួរអោយចាប់ចិត្ត ស្ថិតនៅតាម​បណ្តោយនៃច្រាំងដងស្ទឹងសែន៕

ថ្មីៗនេះ នៅក្នុងបណ្តាញទំនាក់ទំនងសង្គមនៅស្រុកខ្មែរ មានការផ្អើលចែករំលែករូបភាព ព្រះមួយអង្គ ដោយអ្នកទាំងនោះជឿថាសុំអ្វី នឹងសម្រេចដូចបំណង។ ហើយអ្នកខ្លះទៀតបានលើកឡើងថា “បើមិនជឿកុំប្រមាថ បានផលពិតៗ ចង់បានអីបានហ្នឹង ស៊ែរប្រាប់ពីអ្វីដែរអ្នកចង់បាន”។

ចុះតើអ្នកដឹងទេថា ព្រះនោះមានឈ្មោះអ្វី ហើយនៅក្នុងជំនឿ និងសិល្បៈខ្មែរយើងតាំងពីបុរាណកាលមក​ ព្រះ​នោះ ​តំណាង​ឱ្យ​អ្វី?

យើងបានគោរពព្រះគណេសតាំងពីសម័យមុនអង្គរ ( សតវត្សរ៍ទី៦ ដល់សតវត្សរ៍ទី៨ ) រហូតដល់សម័យអង្គរ តាមរយៈសិលាចារឹកនិងបដិមា។ កុំថាឡើយតែប្រជារាស្ត្រទូទៅ ទោះជាទំនៀមនៅក្នុងព្រះបរមរាជវាំងក៏មានគោរពព្រះគណេសដែរ ត្បិតទេពនេះនៅក្នុងចំណោមទេពទាំង ៥ ដែលហៅថា “មហាក្សេត្រ” ឬ “បញ្ចក្សេត្រ” (ព្រះឥសូរ, ព្រះនារាយណ៍, ព្រះចន្ទី, ព្រះគណេស និងព្រះកច្ចាយន៍)។

ក្រោយមកខ្មែរដូរមកកាន់ពុទ្ធសាសនាថេរវាទវិញ ជាពិសេសចាប់ពីស.វ.ទី១៤ មកទល់បច្ចុប្បន្ន។ ដោយសារការផ្លាស់ប្តូរនេះ ខ្មែរភ្លេច ឬលែងរាប់រកទេពក្នុងព្រហ្មញ្ញសាសនាមួយចំនួន។ ទោះបីជានៅរាប់រកខ្លះក៏មិនខ្លាំងក្លាដូចមុន លើកលែងតែព្រះឥសូរ ព្រះនារាយណ៍ និងព្រះព្រហ្ម ដែលអ្នកស្រុកនៅតែស្គាល់ ហើយជួនកាលគោរពក្រោមរូបភាពផ្សេងៗ។

ក្នុងគំនិតដើម ព្រះគណេសមានគុណសម្បត្តិច្រើនណាស់ ដូចជាកម្ចាត់ឧបសគ្គគ្រប់បែបយ៉ាង ផ្ទុកនូវចំណេះចេះដឹងទាំងពួងក្នុងខ្លួន មានជាអាទិ៍ គឺវិជ្ជាខាងមន្តអាគម។ ហេតុនេះហើយទើបខ្មែរនៅតែរាប់រក ត្បិតជីវិតតែងតែប្រទះនឹងបញ្ហាធំតូច ពុំសូវល្ហែ ទោះជាសម័យកាលណាក៏ដោយ ដូច្នេះក្រៅពីការដោះស្រាយបញ្ហាតាមមធ្យោបាយធម្មតា មនុស្សតែងតែទៅរកពឹងពាក់អាស្រ័យលើមន្តអាគម។

ដូច្នេះហើយទើបនៅសម័យបច្ចុប្បន្ននេះយើងនៅតែឃើញគេគូរព្រះគណេសដាក់ក្នុងយន្ត្រ គេធ្វើជាកំណារពាក់នៅកឬចង្កេះ ឬមួយសាក់នៅលើស្បែកផ្ទាល់តែម្តង បើអ្នកខ្លះទៀតតម្កល់រូបព្រះគណេសនៅលើហឹង ហើយគោរពបូជាទៀងទាត់ទៀតផងដែរ៕

ប្រភព៖ Wikipedia

ភ្នំពេញ៖ ក្រសួងសុខាភិបាល នៃព្រះរាជាណាចក្រកម្ពុជាសូមជម្រាបជូនដល់សាធារណជនទាំងអស់ឱ្យបានជ្រាបថាក្រសួងសុខាភិបាលពិនិត្យឃើញមាន ការចែកចាយ និងលក់ឱសថ Trajenta” គ្មានលេខបញ្ជិកាពីក្រសួងសុខាភិបាល ស្រដៀង នឹងឱសថឈ្មោះ Trajenta” មានលេខបញ្ជិកា CAM ROSS3IP-I3 ដែលចែកចាយដោយក្រុមហ៊ុន DKSH (Cambodia) Itd។

អនុលោមតាមច្បាប់ ស្តីពីការគ្រប់គ្រងឱសថ និងច្បាប់ស្ដីពីវិសោធនកម្មច្បាប់ ស្តីពីការគ្រប់គ្រងឱសថតម្រូវឱ្យ រាល់ការចរាចរឱសថ និងផលិតផលដែលមានគុណភាពក្នុងការបង្ការ ឬព្យាបាលជំងឺគ្រប់ប្រភេទក្នុងព្រះរាជាណាចក្រកម្ពុជា ត្រូវមានលេខបញ្ជិកាពីក្រសួងសុខាភិបាល។

ដូច្នេះសូមប្រជាពលរដ្ឋមុននឹងទិញឱសថគ្រប់ប្រភេទ សូមពិនិត្យមើលលតាបត្រ បញ្ជិកាដែលមានបិទលើសំបកវេចខ្ចប់ ហើយលតាបត្រដែលត្រឹមត្រូវ គឺមានពីរផ្នែក ១-ផ្នែកខាងលើមានឈ្មោះ ក្រុមហ៊ុន ២-ផ្នែកខាងក្រោមមានលេខបញ្ជិកា ដូចមានគំរូភ្ជាប់មកជាមួយ។

ក្រសួងសុខាភិបាល សូមជូនព័ត៌មានដល់បងប្អូនប្រជាពលរដ្ឋទាំងអស់មិនត្រូវទិញ និងប្រើប្រាស់ឱសថដែល គ្មានលេខបញ្ជិកាខាងលើ ជាបន្តទៀត ព្រោះឱសថនេះមិនអាចធានាបាននូវ គុណភាព សុវត្ថិភាព និងប្រសិទ្ធភាពបានឡើយ ហើយអាចជាឱសថក្លែងក្លាយ បណ្តាលឱ្យប៉ះពាល់សុខភាព ឬមានគ្រោះថ្នាក់ដល់អាយុជីវិតរបស់អ្នកប្រើប្រាស់ទៀតផង។

ក្រសួងសុខាភិបាលតម្រូវឱ្យបុគ្គលដែលចែកចាយ ឬលក់ឱសថគ្មានលេខបញ្ជិកាខាងលើ រួមទាំងជនពាក់ព័ន្ធ ដទៃទៀតត្រូវបញ្ឈប់ការនាំចូល ចែកចាយ ឬលក់ឱសថខាងលើនេះជាបន្ទាន់។ ក្រសួងសុខាភិបាលនឹងមានវិធានការតឹងរ៉ឹង ទៅតាមផ្លូវច្បាប់ចំពោះជនណាចែកចាយ ឬលក់ឱសថគ្មានលេខបញ្ជិកា ឱសថក្លែងក្លាយ និងជនពាក់ព័ន្ធដទៃទៀតទៅ តាមច្បាប់ស្តីពីវិសោធនកម្មច្បាប់ស្ដីពីការគ្រប់គ្រងឱសថជាធរមាន។

ក្នុងករណីបងប្អូនប្រជាពលរដ្ឋបានជួបប្រទះឃើញជនណាកំពុងចែកចាយ ឬលក់ឱសថដែលគ្មានលេខ បញ្ជិកា សូមបងប្អូនប្រញាប់ផ្តល់ព័ត៌មាន និងត្រូវការព័ត៌មានបន្ថែមពីនាយកដ្ឋានឱសថ ចំណីអាហារ បរិក្ខារពេទ្យ និង គ្រឿងសំអាង សូមទំនាក់ទំនងតាមរយៈលេខទូរស័ព្ទ៖ ០១២ ៣៥៥ ១៦១, ០១២ ៩០៤ ៣៨៥, ០១២ ៩៨៣ ៣៣៤, ០១៧ ៦០៦ ៦៧០, ០១២ ៥៦២ ៤៤៦,០១៧ ៨៦៦ ៧៦០ ៕

ដើម្បី​ជា​ការ​ស្វាគមន៍ ឬ​គោរព​គ្នា លោក​អ្នក​ភាគ​ច្រើន​តែង​ចាប់​រលាក់​ដៃ​ នៅ​ពេល​ជួប​គ្នា​ម្ដងៗ។ ទោះ​ជា​យ៉ាង​ណា​នេះ ប្រហែល​ជា​មាន​ប្រិយមិត្ត​មិន​តិច​ទេ ដែល​មិន​ដឹង​ពី​ប្រវត្តិ​នៃ​ទំនៀម​មួយ​នេះ។

ការ​ចាប់​រលាក់​ដៃ​គ្នា ត្រូវបានប្រទះឃើញឆ្លាក់នៅលើរូប​ចម្លាក់​មួយ​ដែល​មាន​អាយុ​កាល​តាំងពី​សតវត្ស​ទី ៩ មុន​គ.ស​មក​ម្ល៉េះ។ ក្នុង​រូប​នោះ បាន​បង្ហាញ​ពី រូប​មេ​ដឹកនាំ​នគរ អាស់ សុី រី (Assyria) គឺ​ស្ដេច សាល មែន នេស ហ្សឺ (Shalmaneser) ទី ៣ បាន​ចាប់​ដៃ​មេដឹកនាំ បេប៊ី ឡុន (Babylon) ដើម្បី​បង្ហាញ​ពី​ការ​ចង​សម្ព័ន្ធ​ភាព​គ្នា។ នគរ​ទាំង​ពីរ​ស្ថិត​នៅ​ផ្នែក​មួយ​ក្នុង​តំបន់​មជ្ឈិមបូព៌ា​បច្ចុប្បន្ន។

បន្ថែម​ពី​លើ​នេះ ក្នុង​កំណាព្យ​ក្រិក​ល្បី​ឈ្មោះ អុី ឡេត(Illiad) និង អូ ឌឺ សុី (Odyssey) របស់​អ្នក​និពន្ធ​ ហូម មឺរ(Homer) នៅ​សតវត្ស​ទី ៨​នៃ​គ.ស ក៏​បាន​រៀប​រាប់​ពី​ការ​ចាប់​រលាក់​ដៃ​ផង​ដែរ។ ក្នុង​នោះ ទំនៀម​នេះ​ត្រូវ​បាន​គេ​ចាត់​ទុក​ជា​និមិត្តរូប​នៃ​ការ​សន្យា និង​ការ​ជឿជាក់​លើ​គ្នា​ទៅ​វិញ​ទៅ​មក។ ទោះ​ជា​យ៉ាង​ណា ក្រោយ​មក ក្នុង​ផ្ទាំង​គំនូរ​សិល្បៈ​ជា​ច្រើន​របស់​ក្រិក​នៅ​សតវត្ស​ទី ៤ និង ៥ មុន​គ.ស ការ​ចាប់​រលាក់​ដៃ ត្រូវ​បាន​គេ​ចាត់​ទុក​ជា​ការ​លា​គ្នា​រវាង​អ្នក​រៀប​នឹង​ស្លាប់ និង​សាច់​ញាតិ​របស់​ខ្លួន​ទៅ​វិញ។

ដោយ​ឡែក ក្នុង​សម័យ​អាណាចក្រ​រ៉ូម​បុរាណ​វិញ ការ​ចាប់​រលាក់​ដៃ​ត្រូវ​បាន​ចាត់​ទុក​ជា​និមិត្តរូប​នៃ​មិត្ត​ភាព និង​ភាព​ស្មោះ​ត្រង់។

បើ​ទោះ​ជា​មាន​វត្តមាន​ទាំង​ពី​យូរ​យារ​ក្ដី ការ​ចាប់​រលាក់​ដៃ​ទើប​តែ​ចាប់​ផ្ដើម​មាន​ប្រជាប្រិយ​នៅ​អំឡុង​សតវត្ស​ទី ១៧​ប៉ុណ្ណោះ។ អ្នក​ប្រវត្តិសាស្ត្រ​ជា​ច្រើន​បាន​យល់ឃើញ​ដូច​គ្នា​ថា មូលហេតុ​ដែល​នាំ​មាន​ប្រការ​ដូច្នេះ គឺ​ដោយ​សារ​ទំនៀម​នេះ​បង្ហាញ​ពី​ភាព​ស្មើ​ភាព​គ្នា​រវាង​មនុស្ស​ និង​មនុស្ស ជាង​ទំនៀម​ផ្សេងៗ​ទៀត​ដូច​ជា​ការ​អោន​ក្បាល​គោរព ឬ​ដោះ​មួក​ជា​ដើម។ តាំង​ពី​ពេល​នោះ​មក ការ​ចាប់​រលាក់​ដៃ​គ្នា បាន​សាយ​ភាយ​ឥទ្ធិពល​ខ្លួន រហូត​ស្ទើរ​តែ​ក្លាយ​ជា​ទម្លាប់​ទូទៅ​សម្រាប់​ប្រទេស​ជា​ច្រើន​ក្នុង​ពិភព​លោក​នា​ពេល​បច្ចុប្បន្ន៕

ប្រភព៖ History

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ មានប្រសាសន៍ឱ្យដឹងថា ច្បាប់ស្តីពីចរាចរណ៍ផ្លូវគោកថ្មី នឹងតម្រូវឱ្យអ្នកបើកបរគ្រប់ប្រភេទ ត្រូវធ្វើតេស្តរកសារធាតុញៀន ប៉ុន្តែមិនទាន់កំណត់ថា នឹងត្រូវធ្វើតេស្តប៉ុន្មានដងក្នុងរយៈពេលមួយឆ្នាំ។

ក្នុងឱកាសអញ្ជើញបិទវគ្គសុក្រឹតការថ្នាក់ដឹកនាំនគរបាល កម្រិត១ និងកម្រិត២ ជំនាន់ទី២ នៅបណ្ឌិត្យសភានគរបាលកម្ពុជា ស្ថិតនៅស្រុកកៀនស្វាយ ខេត្តកណ្ដាល នាថ្ងៃទី២៧ ខែធ្នូ ឆ្នាំ២០២២សម្តេចក្រឡាហោម មានប្រសាសន៍ថា “ការធ្វើវិសោធនកម្មច្បាប់ ស្តីពីចរាចរណ៍ផ្លូវគោកថ្មីនេះ នឹងមានការបន្ថែមចំណុចមួយ ដោយតម្រូវឱ្យអ្នកបើកបរយានយន្តគ្រប់ប្រភេទត្រូវតែធ្វើតេស្តសារធាតុញៀន ហើយត្រង់ថាយើងនឹងត្រូវកំណត់ធ្វើប៉ុន្មានឆ្នាំម្តងយ៉ាងណានោះ គឺនឹងកំណត់ដោយរាជរដ្ឋាភិបាល ហើយ ធ្វើតេស្តនៅទីណា ឬកន្លែងណានោះក៏នឹងកំណត់នៅពេលក្រោយ។ ប៉ុន្តែជាគោលការណ៍គឺត្រូវតែធ្វើតេស្តចំពោះអ្នកបើកយានយន្តទាំងអស់ តាំងពីអ្នកបើកម៉ូតូ, ម៉ូតូកង់បី,ឬកង់បួនក៏ត្រូវតែធ្វើដូចគ្នាដែរ”។

ជាមួយគ្នានោះដែរ សម្តេចក្រឡាហោម ឧបនាយករដ្ឋមន្ដ្រី រដ្ឋមន្ត្រីក្រសួងមហាផ្ទៃ ក៏បានពន្យល់ពីការធ្វើតេស្តរកសារធាតុញៀន ដល់អ្នកបើកបរយានយន្តគ្រប់ប្រភេទនេះ គឺដើម្បីបង្ការ និងទប់ស្កាត់ការប្រើប្រាស់សារធាតុញៀន និងដើម្បីកាត់បន្ថយការគ្រោះថ្នាក់ចរាចណ៍នៅកម្ពុជា ឱ្យកាន់តែមានប្រសិទ្ធភាពបន្ថែមទៀត ខណៈបញ្ហាគ្រឿងញៀន និងបញ្ហាចរាចណ៍នេះបានកំពុងមានកង្វល់យ៉ាងខ្លាំងនៅកម្ពុជា៕

យោងតាម​សេចក្តីណែនាំ​ស្តីពី​បែបបទ និង​នីតិវិធី​នៃការងារចុះបញ្ជី​ និង​គ្រប់គ្រង​ការស្នាក់នៅ របស់​អគ្គនាយកដ្ឋាន​អត្តសញ្ញាណកម្ម​បាន​ឱ្យដឹងថា ឯកសារភ្ជាប់​សម្រាប់ចុះបញ្ជីផ្តល់សៀវភៅ​ស្នាក់នៅ និង​សៀវភៅគ្រួសារ រួមមានដូចខាងក្រោម៖

សៀវភៅគ្រួសារ

សហព័ទ្ធ (ប្តីឬប្រពន្ធ) នៃ​គ្រួសារ​ណាមួយ ត្រូវដាក់ពាក្យ​ស្នើសុំ​ចុះបញ្ជីផ្តល់​សៀវភៅ​គ្រួសារ​នៅប៉ុស្តិ៍នគរបាល​រដ្ឋបាលឃុំសង្កាត់ ដោយភ្ជាប់​ជាមួយ​នូវ​ឯកសារ​ណាមួយ​មានដូចខាងក្រោម៖

• ពលរដ្ឋខ្មែរ ត្រូវមាន​សៀវភៅ​ស្នាក់នៅ និង​សេចក្តីចម្លងសំបុត្រកំណើត ឬសំបុត្រ​បញ្ជាក់កំណើត (ក្នុងករណីប្តី ប្រពន្ធ ត្រូវមាន​សេចក្តីចម្លង​សំបុត្រ​អាពាហ៍ពិពាហ៍​ ឬសំបុត្រ​បញ្ជាក់​អាពាហ៍ពិពាហ៍)
• កូនស្មុំ ត្រូវមាន​សាលក្រមតុលាការ
• ជនបរទេស​ដែល​ចូលសញ្ជាតិ​ខ្មែរ ត្រូវមាន​ច្បាប់ចម្លង​ព្រះរាជក្រឹត្យចូលសញ្ជាតិខ្មែរ

មន្រ្តី​បុស្តិ៍​នគរបាល​រដ្ឋបាល​ឃុំសង្កាត់ ត្រូវបំពេញ​សំណុំ​បែបបទតាមការស្នើសុំ​របស់​មេគ្រួសារ ដោយមានភ្ជាប់​ជាមួយនូវ​ឯកសារ​ដាក់ជូននាយប៉ុស្តិ៍នគរបាល​រដ្ឋបាល ពិនិត្យ និងសម្រេច បន្ទាប់ពី ចម្លង​ទិន្នន័យ​ចូល​ក្នុងបញ្ជីគ្រួសារ និង​សៀវភៅ​គ្រួសារបាន​ត្រឹមត្រូវ តាមខ្លឹមសារ​នៃទម្រង់​នីមួយៗ​ដោយមិនអនុញ្ញាតឱ្យ​សរសេរ​អក្សរកាត់ ឬប្រើប្រាស់​សញ្ញាអ្វីឡើយ និងមេគ្រួសារ​ត្រូវផ្តិមេដៃលើ​បញ្ជីគ្រួសារ រួចនាយប៉ុស្តិ៍នគរបាល​រដ្ឋបាលត្រូវចុះហត្ថលេខា និងបោះត្រា​លើបញ្ជីគ្រួសារ ព្រមទាំង​បញ្ជូនសៀវភៅ​គ្រួសារនោះ​ទៅសុំការ​សម្រេចពីអធិការ​នគរបាលក្រុង ស្រុក ខណ្ឌ ដើម្បី​ចុះហត្ថលេខា និងបោះត្រា​លើសៀវភៅគ្រួសារ

សៀវភៅស្នាក់នៅ

មេគ្រួសារ ឬអ្នកតំណាង​ត្រូវដាក់​ពាក្យ​ស្នើសុំចុះ​បញ្ជី​ផ្តល់​សៀវភៅ​ស្នាក់នៅ នៅប៉ុស្តិ៍​នគរបាល​រដ្ឋបាល​ឃុំ សង្កាត់ ដោយភ្ជាប់​ជាមួយ​នូវ​ឯកសារ​ណាមួយមានដូចខាងក្រោម៖

• ពលរដ្ឋខ្មែរ ត្រូវមាន​សេចក្តីចម្លង​សំបុត្រ​កំណើត ឬ​សំបុត្រ​បញ្ជាក់​កំណើត (ក្នុង​ករណី​អ្នកទើប​រៀប​អាពាហ៍ពិពាហ៍ ត្រូវ​ភ្ជាប់​ជាមួយ​សេចក្តី​ចម្លង​សំបុត្រ​អាពាហ៍ពិពាហ៍ ឬសំបុត្រ​បញ្ជាក់​អាពាហ៍ពិពាហ៍)
• ជនបរទេស​អន្តោប្រវេសន្ត​ដែល​ស្នាក់នៅស្របច្បាប់ ដែលមាន​ប្រកាស​ទទួលស្គាល់​របស់​ក្រសួងមហាផ្ទៃ និងបណ្ណស្នាក់នៅអចិន្រ្តៃយ៍ (មាន​សុពលភាព)
• ជនបរទេស​ដែល​ចូលសញ្ជាតិខ្មែរ ត្រូវមាន​ច្បាប់​ចម្លងព្រះរាជក្រឹត្យ​ចូលសញ្ញាជាតិខ្មែរ
• សមាជិក​គ្រួសារ​ខ្មែរ​ដែលវិលត្រឡប់​មកពីក្រៅប្រទេស ត្រូវមាន​លិខិត​បញ្ជាក់​អំពី​ការធានាអះអាងពីមេគ្រួសារ ឬសាក្សី
• អ្នកជួល​លំនៅឋាន​ដែល​ពុំទាន់​បានចុះបញ្ជី​ស្នាក់នៅ​អចិន្រ្តៃយ៍​នៅតាមលំនៅឋាន​ណាមួយ ត្រូវមាន​ឯកសារ​បន្ថែម​ដូចជា​កិច្ចសន្យា​ជួលលំនៅឋាន និង​លិខិត​បញ្ជាក់​ពីម្ចាស់​លំនៅឋាន ឱប្រើប្រាស់​អាសយដ្ឋាន ដែលមានការបញ្ជាក់​ទទួលស្គាល់ពីមេឃុំ ឬចៅសង្កាត់។

ភ្នំពេញ៖ ដោយយោងតាមមាត្រា ៤២​​ថ្មី នៃច្បាប់ស្តីពីសារពើពន្ធ ពាក្យ “ប្រាក់បៀវត្ស” សំដៅដល់ប្រាក់បៀវត្ស លាភ ប្រាក់បំណាច់ បុព្វលាភ ប្រាក់ម៉ោងបន្ថែម ប្រាក់ប៉ះប៉ូវនានា និងអត្ថប្រយោជន៍បន្ថែមដែលបានទូទាត់ដើម្បីប្រយោជន៍ផ្ទាល់ ឬប្រយោលដល់និយោជិក ចំពោះការបំពេញសកម្មភាពបម្រើការងារ។