បច្ចេកវិទ្យា AI ជួយយើងអាចជជែកជាមួយអ្នកស្លាប់

By

-

January 6, 2023

Artificial Intelligence (AI) ជាប្រធានបទដែលទទួលបានការចាប់អារម្មណ៍នាពេលចុងក្រោយនេះ ។ យើងសម្លឹងមើលជ្រុងមួយទៀត ដោយការប្រើប្រាស់ AI អាចឱ្យយើងជជែកជាមួយអ្នកស្លាប់ហើយ ដោយមានអារម្មណ៍ថា កំពុងជជែកតាមរយៈ Video Call ។

ការរីកចម្រើននៃបច្ចេកវិទ្យា AI បច្ចុប្បន្ន គេមានការបារម្ភ ខណៈឃើញបច្ចេកវិទ្យានេះរីកចម្រើនរាល់ថ្ងៃ រហូតចាប់ផ្តើមចូលមកក្នុងជីវិតប្រចាំថ្ងៃច្រើនឡើង ហើយនាពេលថ្មីៗ មានការអភិវឌ្ឍបច្ចេកវិទ្យាអាចជជែកជាមួយអ្នកស្លាប់ ។ ពេលពិបាកធ្វើចិត្តជាមួយសាច់ញាតិដែលស្លាប់ទៅ ដូច្នេះ គេបានយកព័ត៌មានរបស់អ្នកស្លាប់ទៅប្រើប្រាស់ក្នុងការបណ្តុះបណ្តាល AI ហើយវាអាចឆ្លើយតបទៅកាន់អ្នកសួរជាច្រើន ។ ស្តាប់ទៅ ដូចជារឿងសុបិន តែយើងកំពុងតែទៅកាន់យុគមួយដែល AI អាចធ្វើបាន ។

ក្រុមហ៊ុនដំបូងចេញមកបង្ហាញពីរឿងនេះ គឺ Microsoft ដោយយើងអាចជជែកជាមួយអ្នកស្លាប់តាមរយៈ Chatbot ពឹងផ្អែកលើបញ្ញាសិប្បនិមិត្ម ដើម្បីជួយឱ្យអ្នកស្លាប់ទៅអាចសន្ទនាឆ្លងឆ្លើយដូចគេមានជីវិតម្តងទៀត ។ Microsoft មិនមែនជាក្រុមហ៊ុនតែមួយទេដែលបង្កើតបច្ចេកវិទ្យានេះ មានក្រុមហ៊ុនជាច្រើនទៀតចាប់អារម្មណ៍ដូចគ្នា រួមមាន ៖

-ក្រុមហ៊ុន StoryFile បានអភិវឌ្ឍន៍ AI ដោយអ្នកស្លាប់អាចត្រឡប់មកជជែកទទួលភ្ញៀវក្នុងពិធីបុណ្យសពខ្លួនឯង ។
-ក្រុមហ៊ុន MyHeritage អនុញ្ញាតឱ្យយើងដាក់រូបថតអ្នកស្លាប់ឱ្យត្រឡប់មកមានជីវិតម្តងទៀត ។
-ក្រុមហ៊ុន Artistry In Motion ជាមួយការចម្លងរូបអ្នកស្លាប់តាម Hologram ឱ្យពួកគេបង្ហាញខ្លូនឡើង ។
-ក្រុមហ៊ុន HereAfter AI យើងអាចជជែកជាមួយអ្នកស្លាប់តាមរយៈទូរស័ព្ទដៃ ។

បច្ចេកវិទ្យានេះព្យាយាមទាក់ទងជាមួយអ្នកស្លាប់ ទោះជាដឹងថា ការជជែកគ្រាន់តែជាឧបករណ៍ជំនួស តែមនុស្សជាច្រើននៅតែសង្ឃឹមបានជួបមុខ ជជែក និងរស់នៅជាមួយអ្នកសំខាន់របស់ខ្លួនម្តងទៀត ។ គេទទួលបានបទពិសោធន៍អាចជួបមុខអ្នកស្លាប់បាន៣០នាទីតាមផ្ទាំងកញ្ចក់ ។ បច្ចេកវិទ្យានេះមិនត្រឹមតែប្រើជាមួយអ្នកស្លាប់ទេ ក្រុមហ៊ុនក៏អាចធ្វើឱ្យយើងជជែកជាមួយអ្នកមានជីវិតដូចគ្នា ដូចជា អ្នកប្រកាសព័ត៌មានល្បីឈ្មោះ Kim Joo Ha និងប្រធានាធិបតីកូរ៉េខាងត្បូងបច្ចុប្បន្ន ត្រូវបានគេបង្កើតកម្មវិធី AI រួចហើយ ។

បច្ចេកវិទ្យានាពេលអនាគតដែលនៅតែចោទសួរ ៖
ស្តាប់ទៅជារឿងល្អ បើយើងអាចត្រឡប់ទៅជជែកម្តងទៀតជាមួយអ្នកស្លាប់ ទោះដឹងថាគ្រាន់តែជាកញ្ចក់កុំព្យូទ័រ តែថ្ងៃអនាគត បច្ចេកវិទ្យាអាចអភិវឌ្ឍន៍បញ្ញាលើសនេះទៀត ។ នៅពេលបច្ចេកវិទ្យា AR និង VR អភិវឌ្ឍន៍ជាមួយជីវិតប្រចាំថ្ងៃ ដូចគ្នានឹងទូរស័ព្ទដៃ គឺថ្ងៃមុខ យើងក៏អាចយក AI អ្នកស្លាប់មកដោនឡោតក្នុងទូរស័ព្ទដៃបាន តែបច្ចេកវិទ្យានេះបង្កើតសំណួរជាច្រើនទាំងភាពសមស្រប សីលធម៌ និងផលប៉ះពាល់ ៕

ប្រភព ៖ Post Today

ជាប់បាក់ឌុប! ចង់បន្តការសិក្សានៅភ្នំពេញ គប្បីត្រូវដឹងចំណុចសំខាន់ទាំង៣នេះ

By

Lee Ek

-

January 6, 2023

0

ដោយគុណភាពអប់រំនៅទីក្រុងភ្នំពេញមានការប្រសើរជាងនៅតាមខេត្ត ដូចនេះហើយទើបប្អូនៗសិស្សានុសិស្សជាច្រើនសម្រេចចិត្តចាកចេញពីស្រុកកំណើតមករស់នៅទីក្រុងដែលសម្បូរដោយការជឿនលឿន។ ខាងក្រោមនេះជាចំណុចដែលដែលប្អូនៗគួរដឹងមុននឹងមកបន្ដការសិក្សា៖

ចរាចរណ៍៖ នៅទីក្រុងមានឡាននិងផ្លូវខ្វែងខ្វាត់ជាច្រើន ដូចនេះហើយមុនធ្វើដំណើរទៅណាមកណាគប្បីសួរនាំគេជាមុនសិន។ ចរាចរណ៍ឡាន ម៉ូតូមានការចង្អៀត និងស្ទះរាល់ពេលដែលម៉ោងសំខាន់។ ពេលធ្វើដំណើរគឺត្រូវប្រុងប្រយត្ន័គ្រប់ជំហាន។

ស្វែងរកផ្ទះស្នាក់នៅ៖ វាជាគំនិតមួយដ៏ល្អប្រសិនបើអ្នកមកជាមួយជាមួយមិត្តភក្ដិអ្នក។ អ្នកអាចជួលបន្ទប់មួយតម្លៃប្រហែល$50ទៅ$100ក្នុងមួយខែ ដោយចែកគ្នាចេញជាមួយមិត្តរួមបន្ទប់របស់អ្នក អ្នកក៏អាចសន្សំលុយច្រើនគួរសមដែរ។ ប៉ុន្តែប្រសិនបើអ្នកមករស់នៅភ្នំពេញម្នាក់ឯងវិញ ចូរកុំភ័យអី មានអង្គការដែលរង់ចាំអ្នកដែរ អ្នកអាចនៅទីនោះបានដោយឥតគិតថ្លៃហើយពេលមានអង្គការខ្លះទៀតឧបត្តមទាំងថ្លៃការសិក្សាជូនអ្នកថែមទៀតផង។

ជ្រើសរើសជំនាញឱ្យបានត្រូវ៖ នេះគឺជាការសម្រេចមួយដ៏ធំបំផុតក្នុងជីវិតរបស់អ្នក។ ប្រសិនបើអ្នកជ្រើសរើសខុស អ្នកនឹងដឹងថាវាពិបាកប៉ុនណានៅថ្ងៃក្រោយនិងជីវិតអស់ន័យទៀតហើយ។ វិធីមួយនោះគឺចូលថ្នាក់តម្រង់ទិសដែលសាកលវិទ្យាល័យនីមួយផ្ដល់ជូន បន្ទាប់មកអ្នកអាចប្រៀបធៀបនិងរើសយកមួយណាដែលអ្នកចូលចិត្ត៕

បើនៅសុខៗស្រាប់តែគេស្ងាត់ដាក់អ្នក មនុស្សស្រីឆ្លាតនឹងធ្វើរឿងទាំងនេះដើម្បីតម្លៃខ្លួនឯង

By

Lee Ek

-

January 6, 2023

0

មនុស្សស្រលាញ់គ្នា បើម្ខាងទៀតនៅសុខៗគេក៏ឈប់ទាក់ទងមកអ្នក ប្រាកដជាធ្វើឲ្យអ្នកមានរសាប់រសល់ចង់ដឹងហេតុផលពីការបង្ហាញចរិតប្លែកៗនេះមិនខាន។ យ៉ាងណាក្តី កុំធ្វើរឿងទាំងនេះ ព្រោះនាំតែអស់តម្លៃប៉ុណ្ណោះ។

១ កុំផ្ញើរសារទៅគេច្រើនដង

ប្រសិនបើមនុស្សអ្នកស្រលាញ់ នៅសុខៗគេក៏ឈប់ទាក់ទងមកអ្នក កុំផ្ញើរសារទៅគេរញ៉េរញ៉ៃគេអី។ កុំសួរគេថា ហេតុអ្វីគេមិនឆ្លើយតប ព្រោះមានតែធ្វើឲ្យគេមានអារម្មណ៍មិនស្រួលចិត្ត។ បើសិនគាត់ចង់ទាក់ទងមកអ្នក គាត់ច្បាស់ជារកវិធីមិនខាន។ តែបើគេមិនចង់តបសារហើយ ទោះអ្នកផ្ញើរសារមួយពាន់សារទៅគេ ក៏គេមិនតបវិញដែរ។ ហេតុនេះ បើនៅសុខៗគេក៏ប្រែ អ្នកមិនបាច់រំខានគេទៀតទេ។

២ មិនបាច់ស្តីបន្ទោសម្នាក់ទៀតឡើយ

ការបន្តនៅស្រលាញ់មនុស្សដែលគេលែងចាប់អារម្មណ៍អ្នកទៀត មានតែធ្វើឲ្យខ្លួនឯងឈឺចាប់។ ត្រូវចាំថា មនុស្សដែលស្រលាញ់អ្នកពិត គេគ្មានថ្ងៃចាកចោលអ្នកឡើយ។ ម្យ៉ាងទៀត អ្នកក៏មិនបាច់ត្រូវទៅស្តីបន្ទោសគេ ឬក៏ខ្លួនឯងដែរ ។

៣ ឈប់រំខានគេទៀត រៀនប្រឈមដោយស្ងាត់ស្ងៀម

សុភាសិតមួយនិយាយថា “រឿងដែលលំបាកបំផុតនោះ គឺការរក្សាក្តីស្រលាញ់ឲ្យនៅស្ថិតស្ថេរ”។ សម្រាប់មនុស្សដែលស្រលាញ់អ្នកខ្លាំង គេមិនងាយនិយាយពាក្យថា “បែកគ្នាទៅ” នោះទេ ហើយត្រឹមពាក្យថារវល់ក៏មិនអាចជាលេសដើម្បីបំបែកស្នេហាដែរ។ មិនថាហេតុផលអ្វីក៏ដោយ បើពេលគេឈប់ទាក់ទងមកអ្នក សូមកុំរំខានគេទៀត ។ រៀនរម្ងាប់អារម្មណ៍ កុំធ្វើខ្លួនឲ្យអស់តម្លៃដោយសារតែមនុស្សដែលគេលែងស្រលាញ់អ្នកទៀត៕

រើសកាតមួយដើម្បីដឹងថា២០២៣ តើអ្នកនឹងមានអ្វីផ្លាស់ប្តូរខ្លះសម្រាប់អ្នក

By

Lee Ek

-

January 6, 2023

0

សាករើសកាតមួយដើម្បីដឹងថា តើឆ្នាំ២០២៣នេះ នឹងមានរឿងអ្វីកើតឡើងសម្រាប់អ្នក។

កាត A

កាតនេះបង្ហាញថា ក្នុងឆ្នាំថ្មីអ្នកនឹងមានឱកាសកាន់តែច្រើនដើម្បីរៀនសូត្រ និងអភិវឌ្ឍជាងមុនក្នុងវិស័យការងារ។ នៅចំណុចនេះ អ្នកនឹងដឹងថា ការសិក្សាទៀងទាត់នឹងជួយអ្នកបានច្រើន។ ដូច្នេះហើយ ក្នុងឆ្នាំ២០២៣ អ្នកត្រូវប្រឹងប្រែងធ្វើការ។

កាត B

ក្នុងឆ្នាំ២០២៣ អ្នកនឹងមានឱកាសព្យាបាលរបួសផ្លូវចិត្ត។ កាលពីឆ្នាំ ២០២២ អ្នកទទួលរងការឈឺចាប់ផ្នែកស្មារតីខ្លាំង ហើយឆ្នាំថ្មីនេះ អ្នកកាន់តែស្ងប់ស្ងាត់និងស៊ីជម្រៅ។ សម្រាប់អ្នក សុទិដ្ឋិនិយមគឺជាឱសថដ៏ពិសិដ្ឋសម្រាប់អ្នក។

កាត C

យោងតាមកាតនេះ ក្នុងឆ្នាំ២០២៣ អ្នកនឹងក្លាយជាមនុស្សសកម្មម្នាក់ ដោយប្រើប្រាស់ពេលវេលារបស់អ្នកយ៉ាងមានប្រសិទ្ធភាព លែងខ្ជះខ្ជាយដូចមុនហើយ។ អ្នកបូជាគ្រប់ថាមពលដើម្បីប្រឹងប្រែងធ្វើការយ៉ាងលំបាកដើម្បីទទួលបានលទ្ធផលដែលអ្នកចង់បាន។ បើអ្នកកំពុងស្វែងរកការងារធ្វើទៀត ក៏ជាឱកាសល្អមួយដែរ។ ម្យ៉ាងទៀត បើអ្នកកំពុងមានការងារធ្វើស្រាប់ នោះនឹងមានឱកាសឡើងដំណែង។យ៉ាងនេះក្តី ទាំងស្មារតីនិងផ្លូវចិត្តក្នុងឆ្នាំនេះ មិនទាន់សូវល្អប៉ុន្មានទេ តែវានៅតែសំខាន់ដើម្បីបែងចែកពេលវេលាសមសម្រប ការសម្រាកសមហេតុផលគឺចាំបាច់។

កាត D

ប្រសិនបើអ្នកនៅ Single អ្នកនឹងមានទំនាក់ទនងដ៏ពិសេសមួយក្នុងឆ្នាំថ្មីនេះ។ គ្រាន់តែជួបគ្នាភ្លាម អ្នកទាំងពីរលង់ស្រលាញ់គ្នាតែម្តង។ ទំនាក់ទំនងអ្នកទាំងពីរមិនសូវខឹងគ្នាច្រើនទេ តែងតែយល់ពីគ្នានិងស្រលាញ់គ្នាទៅវិញទៅមកខ្លាំងឡើងៗ៕

រយៈពេល១១ខែឆ្នាំ២០២២ ថៃនាំចេញអង្ករលំដាប់ទី២

By

Lee Ek

-

January 6, 2023

0

ប្រទេសថៃ ៖ សមាគមអ្នកនាំចេញអង្ករថៃបានបង្ហាញពីការនាំចេញអង្ករក្នុងរយៈពេល១១ខែដំបូងឆ្នាំ២០២២ គឺស្មើ៦,៩១លានតោន ស្ថិតក្នុងលំដាប់លេខ២របស់ពិភពលោក ខណៈប្រទេសឥណ្ឌានាំមុខគេ ដោយនាំចេញអង្ករដល់ទៅ១៨,២៥លានតោន ។ គេសង្ឃឹមថា ថៃអាចនាំចេញអង្ករលើសគោលដៅដែលស្មើ៧,៥លានតោន ។

នាយកសមាគមនាំចេញអង្ករថៃ លោក Charoen Lao Thammathat បានបង្ហាញពីបរិមាណការនាំចេញអង្ករក្នុងរយៈពេល១១ខែឆ្នាំ២០២២ (ខែមករា-ខែវិច្ឆិកា) មានបរិមាណ៦.៩០៧.៧៦១តោន កើនឡើង២៦,៨% ស្មើទឹកប្រាក់១២៣,៥១១.៣លានបាត ឬកើនឡើង២៩,២% បើធៀបនឹងឆ្នាំ២០២១ ដែលនាំចេញក្នុងបរិមាណ៥.៤៤៥.៨១០តោន ស្មើ៩៥,៥៩១.៧លានបាត ។

សម្រាប់ការនាំចេញអង្ករក្នុងខែវិច្ឆិកា ឆ្នាំ២០២២ មានបរិមាណ៧០៦.២៧០តោន ស្មើ១៤,៣៣៣.៣លានបាត ដោយបរិមាណថយចុះ១១,១% ប៉ុន្តែតម្លៃនាំចេញកើនឡើង២,៦% បើធៀបនឹងខែតុលា ដែលនាំចេញក្នុងបរិមាណ៧៩៤.២២៤តោន ស្មើ១៣,៩៧៤.១លានបាត ។ ទីផ្សារនាំចេញសំខាន់សម្រាប់អង្ករថៃមាន សហរដ្ឋអាមេរិក ចិន ហុងកុង កាណាដា សិង្ហបុរី និងអូស្ត្រាលី ជាដើម ខណៈថៃនាំចេញអង្ករសទៅកាន់ប្រទេសអ៊ីរ៉ាក់ ចិន ជប៉ុន អង់ហ្គោឡា ម៉ូសំប៊ិក ហ្វីលីពីន និងកាមេរ៉ូន ។

ទោះយ៉ាងណា សមាគមសង្ឃឹមថា ក្នុងខែធ្នូ ឆ្នាំ២០២២ ការនាំចេញអង្ករស្មើប្រមាណ៧៥ម៉ឺន-៨០ម៉ឺនតោន ដោយអ្នកនាំចេញអង្ករនានាជំរុញការនាំចេញតាមកិច្ចសន្យា ហើយសង្ឃឹមថា ការនាំចេញអង្ករឆ្នាំ២០២២ មានបរិមាណលើសគោលដៅដែលស្មើ៧,៥លានតោន ។

ប្រទេសថៃនៅតែដើរតួនាំចេញអង្ករលំដាប់លេខ២ក្នុងពិភពលោក ដោយនាំមុខវៀតណាមដែលនាំចេញបាន៦,៦៧លានតោន ខណៈឥណ្ឌាលំដាប់លេខ១ ជាអ្នកនាំចេញអង្ករច្រើនបំផុតក្នុងពិភពលោក ស្មើ១៨,២៥លានតោន ។ ប្រទេសប៉ាគីស្ថានបាននាំចេញ៣,៧៤លានតោន ហើយអាមេរិកនាំចេញ១,៩៩លានតោន ។ ដូច្នេះ អង្ករថៃនាំចេញរហូតដល់៦០% របស់ការនាំចេញអង្ករទាំងអស់ ។

ទីផ្សារនាំចេញសំខាន់ៗមាន ប្រទេសអ៊ីរ៉ាក់ អាហ្វ្រិកខាងត្បូង ចិន អាមេរិក និងបេនីន ក្រៅពីនេះមាន ជប៉ុន សេណេហ្គាល់ អង់ហ្គោឡា ហ្វីលីពីន ម៉ូសំបិក កាមេរ៉ូន និងហុងកុង ជាដើម ។ គួរបញ្ជាក់ថា តម្លៃអង្កររបស់ថៃបច្ចុប្បន្ន គឺមិនខុសគ្នាពីគូប្រជែងទេ ដែលធ្វើឱ្យថៃអាចប្រជែងជាមួយប្រទេសទាំងនោះបាន ៕ ប្រភព ៖ Post Today

អ្នកឧកញ៉ា សុខ គង់ ក្រើនរំលឹកកុំឲ្យផឹកស៊ីភ្លេចខ្លួន ព្រោះគ្មានអ្វីពិបាកជាងពេលក្រនោះឡើយ

By

Lee Ek

-

January 6, 2023

0

ភ្នំពេញ៖ អ្នកឧកញ៉ា សុខ គង់ ដែលគេស្គាល់ថាជាមហាសេដ្ឋីស្រុកខ្មែរ បានក្រើនរំលឹកកុំឲ្យផឹកស៊ីភ្លេចខ្លួន ព្រោះគ្មានអ្វីពិបាកជាងពេលក្រនោះឡើយ។

ថ្លែងនាពេលសម្ពោធសៀវភៅ អាថ៌កំបាំងពីក្រោយភាពជោគជ័យរបស់អ្នកឧកញ៉ាបណ្ឌិត សុខ គង់ នាភ្នំបូកគោ កាលពីពេលថ្មីៗនេះ អ្នកឧកញ៉ា សុខ គង់បានរំលឹកអតីតកាលដ៏ជូរចត់របស់ខ្លួនជាមួយមិត្តភក្តិ រវាងពេលលោកមានលុយ និងពេលលោកអត់លុយ ពេលមានលុយ ដើរលេងផឹកស៊ីជាមួយគ្នាមួយ យប់អស់៤ជី ៥ជី ទៅ១ដំឡឹង តែដល់ពេលធ្លាក់ខ្លួន សូម្បីតែកាហ្វេខ្មៅមួយកែវ ក៏គេមិនហៅផឹកផង។

មហាសេដ្ឋីស្រុកខ្មែរ អ្នកឧកញ៉ា សុខ គង់ថា” ខ្ញុំចេះតែឧស្សាហ៍ប្រាប់កូនចៅថា ពេលយើងអស់លុយហើយ មុខយើងគេអត់មើលទេ អ៊ីចឹងខំប្រឹងឡើង ខំសន្សំសំចៃឡើង”។

យោងតាមឃ្លីបវីដេអូដែលផ្សាយនៅលើទំព័រហ្វេសប៊ុកសារព័ត៌មានស៊ីស៊ីថាមស៍ អ្នកឧកញ៉ា សុខ គង់ មានប្រសាសន៍លើកឡើងពីករណីបុគ្គលដែលចូលចិត្តចាយវាយតែលើការផឹកស៊ីរាល់ថ្ងៃ ហើយពេលខ្លះ ឈានដល់កាប់ចាក់គ្នា និងជំពាក់លុយគេ។

អ្នកឧកញ៉ា ក្រើនរំលឹកជាទូទៅថា “យើងផឹករហូតដល់អត់មានលុយ គេមានផ្ទះ ត្រូវគិតគូរខ្លួនឯង អនាគតយើងនៅយូរអង្វែង”។

អ្នកឧកញ៉ា សុខ គង់ ម្ចាស់ក្រុមហ៊ុនសូគីម៉ិច, ក្រុមហ៊ុនសុខាអូតែលដែលប្រតិបត្តិគម្រោងវិនិយោគធំៗ ជាច្រើននៅកម្ពុជា បានបញ្ជាក់ថា គ្មានអ្វីដែលពិបាកជាងពេលក្រនោះឡើយ អាក្រហ្នឹងហើយ ពិបាក អត់លុយហ្នឹងហើយ ពិបាក អ៊ីចឹងមនុស្សយើងត្រូវខំប្រឹង ទោះមិនមានធ្វើសេដ្ឋីដូចគេឯង ក៏វាគ្រប់គ្រាន់ដើម្បីជីវភាពប្រចាំថ្ងៃរបស់យើងដែរ៕

ចិនក្ដៅស្លឹកត្រចៀក ក្រោយអាមេរិកនាំនាវាពិ.ឃា.ត ធ្វើដំណើរឆ្លងកាត់សមុទ្រតៃវ៉ាន់

By

Manil

-

January 6, 2023

0

ប្រទេសចិន៖ USS Chung-Hoon ដែលជានាវាពិឃាតមួយ បំពាក់ដោយប្រព័ន្ធកាំជ្រួចរបស់អាមេរិក បានធ្វើដំណើរឆ្លងកាត់ច្រកសមុទ្រតៃវ៉ាន់ ក្នុងសប្តាហ៍ដំបូងនៃឆ្នាំ ២០២៣ រហូតចិនបានចេញមុខថ្កោលទោសទៅកាន់អាមេរិកពីទង្វើមួយនេះ។

នាថ្ងៃទី ៦ ខែមករា ឆ្នាំ២០២៣ ទីភ្នាក់ងារសារព័ត៌មានបរទេសរាយការណ៍ពីទីក្រុងវ៉ាស៊ីនតោន សហរដ្ឋអាមេរិកឱ្យដឹងថា កងនាវាចរទី៧ និងកងនាវាចរប៉ាស៊ីហ្វិក របស់សហរដ្ឋអាមេរិក បានចេញសេចក្តីថ្លែងការណ៍មួយ បញ្ជាក់ពីការដាក់ពង្រាយ នាវាពិឃាតមីស៊ីលលំដាប់ពិភពលោក USS Chung-Hoon ឆ្លងកាត់ច្រកសមុទ្រតៃវ៉ាន់។

ការធ្វើដំណើរឆ្លកងកាត់នេះគឺដើម្បីគូសបញ្ជាក់ពីជំហរគោលនយោបាយយោធារបស់សហរដ្ឋអាមេរិក ស្តីពីសេរីភាពនៃការល្បាតនៅក្នុងតំបន់ឥណ្ឌូ-ប៉ាស៊ីហ្វិក។

ទោះជាយ៉ាងណា បើទោះបីជាការធ្វើដំណើររបស់កងទ័ពអាមេរិកលើដែនសមុទ្រតៃវ៉ាន់មិនមែនជាលើកដំបូងក៏ដោយ ប៉ុន្តែស្ថានទូតចិនប្រចាំក្រុងវ៉ាស៊ីនតោនបានចេញសេចក្តីថ្លែងការណ៍ថា សហរដ្ឋអាមេរិកត្រូវបានថ្កោលទោសចំពោះទង្វើមួយនេះ។ ហើយក៏បានអំពាវនាវឲ្យរដ្ឋាភិបាលក្រុងវ៉ាស៊ីនតោនបញ្ឈប់ជាមួយសកម្មភាពដែលវាបង្ហាញពីចេតនាបង្កហឹង្សា និងបំផ្លាញសន្តិភាព ក៏ដូចជាស្ថិរភាពនៅច្រកសមុទ្រតៃវ៉ាន់យ៉ាងធ្ងន់ធ្ងរផងដែរ៕ ប្រភព៖ Dailynews

ជាប់បាក់ឌុបមិនដឹងរៀនមុខវិជ្ជាអ្វីមែនទេ! ក្រសួងអប់រំ រៀបចំពិពរណ៍ជំនាញ និងសកលវិទ្យាល័យ នៅថ្ងៃនេះ

By

Lee Ek

-

January 6, 2023

0

ក្រសួងអប់រំ យុវជន និងកីឡា បានប្រកាសរៀបចំពិព័រណ៌អប់រំមួយ ដោយមានគោលដៅ៣សំខាន់ៗ ហើយមួយក្នុងចំណោមនោះ គឺដើម្បី ដើម្បីតម្រង់ទិសចាប់យកមុខជំនាញសិក្សាឆ្លើយតបទីផ្សារការងារ។

ពិព័រណ៌នេះមានឈ្មោះផ្លូវការថា កម្មវិធី “ពិព័រណ៍ជំនាញ និងសាកលវិទ្យាល័យ២០២៣” ។ តាមការបញ្ជាក់របស់ក្រសួងអប់រំ កម្មវិធី នឹងត្រូវរៀបចំឡើយរយៈពេល២ថ្ងៃ ចាប់ផ្ដើមពីថ្ងៃស្អែកទី ០៦-០៧ ខែមករា ឆ្នាំ២០២៣។

កម្មវិធីពិព័រណ៍ជំនាញ និងសាកលវិទ្យាល័យ មានគោលបំណងធំៗ ចំនួន៣៖

ចែករំលែករាល់បទពិសោធន៍ និងតម្រង់ទិសចាប់យកមុខជំនាញសិក្សាឆ្លើយតបទីផ្សារការងារ
ស្វែងរកឱកាសក្នុងការអភិវឌ្ឍសមត្ថភាព ចំណេះ ជំនាញ
ជម្រុញឱ្យយុវជនមានភាពក្លាហានក្នុងការប្រកួតប្រជែងរាល់កម្មវិធីអប់រំ

សម្រាប់ទីកន្លែងរៀបចំពិព័រណ៌ គឺស្ថិតនៅក្នុងវិទ្យាស្ថានបច្ចេកវិទ្យាកម្ពុជា (សាលាតិចណូ)៕

អាសន្នហើយ! ប្រទេសមួយ បានលុបចោលជើងហោះហើរក្នុងស្រុកទាំងអស់ ដោយសារតែមិនមានប្រេងឥន្ធនៈ

By

Lee Ek

-

January 6, 2023

0

ភ្នំពេញ៖ អ្នកដំណើរតាមក្រុមហ៊ុនអាកាសចរណ៍រាប់ពាន់នាក់នៅទូទាំងប្រទេស ប៉ាពួញូហ្គីណេ ត្រូវបានលុបចោល បន្ទាប់ពីអ្នកផ្គត់ផ្គង់តែមួយគត់នៃផលិតផលប្រេង ទៅឱ្យក្រុមហ៊ុនអាកាសចរណ៍របស់ប្រទេសនេះបានបញ្ឈប់ការផ្គត់ផ្គង់ប្រេងឥន្ធនៈ។

យោងតាមកាសែត The Guardian ក្រុមហ៊ុនអាកាសចរណ៍ធំបំផុតរបស់ប៉ាពួញូហ្គីណេ – Air Niugini – ត្រូវលុបចោលជើងហោះហើរក្នុងស្រុកទាំងអស់ចាប់ពីថ្ងៃទី ៥ ខែមករា បន្ទាប់ពីក្រុមហ៊ុន Puma Energy ដែលជាក្រុមហ៊ុនផ្គត់ផ្គង់ប្រេងឥន្ធនៈតែមួយគត់របស់ប្រទេសបានបញ្ឈប់ការផ្គត់ផ្គង់ប្រេងឥន្ធនៈ Jet A1 ដល់ក្រុមហ៊ុនអាកាសចរណ៍ទាំងអស់។

ទន្ទឹមនឹងនេះ ក្រុមហ៊ុន Puma Energy បាននិយាយថា ខ្លួនមិនមានការផ្គត់ផ្គង់គ្រប់គ្រាន់ទេ ដោយសារតែធនាគារកណ្តាល Papua New Guinea ខ្វះខាតរូបិយប័ណ្ណបរទេស ដើម្បីទិញប្រេងឥន្ធនៈនៅក្នុងទីផ្សារអន្តរជាតិ។

បន្ទាប់ពីក្រុមហ៊ុនអាកាសចរណ៍ធំៗជាច្រើនត្រូវលុបចោលជើងហោះហើរនៅថ្ងៃទី ៥ ខែមករា ភាពចលាចលបានផ្ទុះឡើងនៅអាកាសយានដ្ឋានក្នុងស្រុកក្នុងរដ្ឋធានី Port Moresby ។ អ្នកដំណើររាប់រយនាក់ដែលជើងហោះហើរត្រូវបានលុបចោលនៅអាកាសយានដ្ឋានអន្តរជាតិ Jacksons ក្នុងរដ្ឋធានីបានស្នើសុំឱ្យរដ្ឋាភិបាលរបស់នាយករដ្ឋមន្ត្រី James Marape អន្តរាគមន៍ដោះស្រាយបញ្ហានេះ។លោក Simdei Kamgu ជាភ្ញៀវទេសចរណ៍ទៅកាន់ខេត្ត Kiunga ភាគខាងលិចរបស់ប្រទេសបាននិយាយថា “ជីវិតរបស់យើងកំពុងរងផលប៉ះពាល់ភ្លាមៗបន្ទាប់ពីឆ្នាំថ្មី” ។

នាយករដ្ឋមន្ត្រី Marape បានប្រកាសថា វិបត្តិបច្ចុប្បន្នបានក្លាយជាបញ្ហាសន្តិសុខជាតិ ហើយបានស្នើឱ្យធនាគារកណ្តាល និងក្រុមហ៊ុន Puma Energy រកដំណោះស្រាយ ៕

ថៃនាំចេញម្នាស់កំប៉ុងលំដាប់លេខ១ ក្នុងពិភពលោក

By

Lee Ek

-

January 6, 2023

0

ប្រទេសថៃ ៖ អ្នកនាំពាក្យរដ្ឋាភិបាលថៃឱ្យដឹងថា ផ្លែឈើថៃមានកេរ្តិ៍ឈ្មោះ ដូចជា ម្នាស់កំប៉ុងថៃបានជាប់លំដាប់លេខ១ក្នុងពិភពលោក ហើយផ្លែស្វាយខេត្តសុងក្លា ក៏បានចុះបញ្ជី GI រួចហើយដែរ ដែលបានបង្កើនប្រាក់ចំណូលដល់កសិករ ។

កាលពីថ្ងៃទី៤ ខែមករា លោក Anucha Burapachaisri អនុរដ្ឋលេខាធិការផ្នែកនយោបាយ និងជាអ្នកនាំពាក្យទីស្តីការនាយករដ្ឋមន្ត្រី មានប្រសាសន៍ថា លោកនាយករដ្ឋមន្ត្រីថៃ ប្រាយុទ្ធ ចាន់អូចា បានជ្រាបពីសក្តានុពលរបស់ថៃ ក្នុងឋានៈជាប្រទេសនាំចេញផ្លែម្នាស់និងម្នាស់កំប៉ុង លំដាប់លេខ១ក្នុងលោក មានតម្លៃ២ម៉ឺនលានបាត ដោយគ្រប់គ្រងទីផ្សារពិភពលោកដល់៣២% ខណៈហ្វីលីពីនជាប់លំដាប់លេខ២ ស្មើ២២% និងសរសើរការងាររបស់ផ្នែកពាក់ព័ន្ធដែលជួយគាំទ្រផលិតផលម្នាស់កំប៉ុងរហូតដល់នាំចេញលំដាប់លេខ១ ។

រោងចក្រម្នាស់កំប៉ុងភាគច្រើនរបស់ថៃស្ថិតនៅខេត្តប្រាជួប សិរ៉ីខាន់ (Prachuap Khiri Khan) ។ រដ្ឋាភិបាលបានចាត់ផែនការអភិវឌ្ឍន៍ម្នាស់រយៈពេល៥ឆ្នាំ (២០២៣-២០២៧) ដើម្បីជួយដល់ឧស្សាហកម្មផលិតម្នាស់ បង្កើនសក្តានុពលការផលិត ការបំលែងរូប និងទីផ្សារ ។ លើសពីនេះ ក៏មានផែនការអភិវឌ្ឍន៍សំខាន់ទៀតដើម្បីជំរុញប្រាក់ចំណូល និងសមត្ថភាពប្រកួតប្រជែងរបស់ឧស្សាហកម្មម្នាស់យូរអង្វែង ។

ទីស្តីការនាយករដ្ឋមន្ត្រីបន្ថែមថា រីឯផ្លែស្វាយនៅខេត្តសុងក្លា ជាទំនិញមួយដែលទទួលបានការនិយមចូលចិត្តពីអ្នកនៅទីនោះ និងភ្ញៀវទេសចរ ដែលតែងទិញផ្ញើមិត្តភក្តិ ខណៈស្វាយនេះបានចុះបញ្ជីនៅ GI រួចហើយ ។ ស្វាយបានបង្កើតប្រាក់ចំណូលដល់កសិករក្នុងតំបន់ជាង៥៨លានបាតក្នុង១ឆ្នាំតាមនយោបាយជំរុញសេដ្ឋកិច្ចរបស់រដ្ឋាភិបាល ដើម្បីកសាងទំនុកចិត្តដល់អតិថិជន និងពង្រីកទីផ្សារក្រៅប្រទេសជាបន្តបន្ទាប់ ។

លោកនាយករដ្ឋមន្ត្រីបានសរសើរ និងអរគុណដល់ការធ្វើការរបស់គ្រប់ស្ថាប័នពាក់ព័ន្ធ ក៏ដូចជាកសិករក្នុងតំបន់ និងផ្នែកឯកជន រួមគ្នាធ្វើការតាមវិធានការរបស់រដ្ឋ ពង្រីកសក្តានុពលគុណភាពផលិតផលថៃ ដើម្បីកេរ្តិ៍ឈ្មោះ និងការជឿជាក់ក្នុងការនាំចេញ ។ លើសពីនេះ លោកប្រាយុទ្ធ បានស្នើឱ្យស្ថាប័នពាក់ព័ន្ធទាំងអស់ជួយអភិវឌ្ឍន៍សមត្ថភាពផ្នែកផលិត ការនាំចេញផលិតផល និងសិក្សាពីតម្រូវការទីផ្សារក្រៅប្រទេសដើម្បីបង្កើនប្រាក់ចំណូលកសិករ ៕

ប្រភព ៖ THE STATES TIMES

Khmer Breaking News

បច្ចេកវិទ្យា AI ជួយយើងអាចជជែកជាមួយអ្នកស្លាប់

ជាប់បាក់ឌុប! ចង់បន្តការសិក្សានៅភ្នំពេញ គប្បីត្រូវដឹងចំណុចសំខាន់ទាំង៣នេះ

បើនៅសុខៗស្រាប់តែគេស្ងាត់ដាក់អ្នក មនុស្សស្រីឆ្លាតនឹងធ្វើរឿងទាំងនេះដើម្បីតម្លៃខ្លួនឯង

រើសកាតមួយដើម្បីដឹងថា២០២៣ តើអ្នកនឹងមានអ្វីផ្លាស់ប្តូរខ្លះសម្រាប់អ្នក

រយៈពេល១១ខែឆ្នាំ២០២២ ថៃនាំចេញអង្ករលំដាប់ទី២

អ្នកឧកញ៉ា សុខ គង់ ក្រើនរំលឹកកុំឲ្យផឹកស៊ីភ្លេចខ្លួន ព្រោះគ្មានអ្វីពិបាកជាងពេលក្រនោះឡើយ

ចិនក្ដៅស្លឹកត្រចៀក ក្រោយអាមេរិកនាំនាវាពិ.ឃា.ត ធ្វើដំណើរឆ្លងកាត់សមុទ្រតៃវ៉ាន់

ជាប់បាក់ឌុបមិនដឹងរៀនមុខវិជ្ជាអ្វីមែនទេ! ក្រសួងអប់រំ រៀបចំពិពរណ៍ជំនាញ និងសកលវិទ្យាល័យ នៅថ្ងៃនេះ

អាសន្នហើយ! ប្រទេសមួយ បានលុបចោលជើងហោះហើរក្នុងស្រុកទាំងអស់ ដោយសារតែមិនមានប្រេងឥន្ធនៈ

ថៃនាំចេញម្នាស់កំប៉ុងលំដាប់លេខ១ ក្នុងពិភពលោក

EVEN MORE NEWS

សម្រស់របស់ Liu Yifei ក្នុងវ័យ១៦ ឆ្នាំបានបង្កឱ្យមានការចាប់អារម្មណ៍យ៉ាងខ្លាំង

មានការសង្ស័យថា Zhao Liying និងក្រុមផលិតរឿង Rebirth មិនមានទំនាក់ទំនងល្អនឹងគ្នាទេ

Dilraba ប្រឈមមុខនឹងប្រតិកម្មអវិជ្ជមានដោយសារលើកឡើងបែបនេះ

POPULAR CATEGORY