បាងកក៖ កាលរិយាល័យបសុសត្ចតំបន់៣ បានកំណត់តំបន់ជាច្រើននៅក្នុងសង្កាត់ចំនួន២ នៃទីក្រុងបាងកកថាជាតំបន់រាតត្បាតនៃជំងឺឆ្កែឆ្កួ.ត បន្ទាប់ពីមន្រ្តីជំនាញរកឃើញសត្វឆ្កែឆ្កួរច្រើនក្បាលនៅទីនោះ។ នេះបើយោងតាមការចុះផ្សាយដោយសារព័ត៌មាន Matichon នៅថ្ងៃទី២៨ ខែវិច្ឆិកា។

តាមការឲ្យដឹងរបស់លោក Sayan Pongkhan មន្ត្រីបសុសត្វតំបន់ទី 1 និងតំបន់ទី 3 ស្តីទី បានបង្ហាញថា សង្កាត់ធំៗចំនួន២របស់ទីក្រុងបាងកក ដែលរួមមាន Bang Phli និង Bang Sao Thong ត្រូវបានដាក់ជាតំបន់រាតត្បាតជំងឺឆ្កែឆ្កួតបណ្តោះអាសន្នចាប់ពីថ្ងៃទី ២៧ ខែវិច្ឆិកា រហូតដល់ថ្ងៃទី២៦ខែធ្នូ។

អាជ្ញាធរបសុសត្វ បានរៀបរាប់ថាតំបន់ដែលរកឃើញថាមានសត្វដែលឆ្លងជំងឺនេះ ថាមានដូចជាសង្កាត់ Saen Saep ខណ្ឌ Min Buri, សង្កាត់ Khlong Song Ton Nun, និង Thap Yao ក្នុងខណ្ឌ Lat Krabang ទីក្រុងបាងកក, ស្រុក Racha Thewa និង Si Sa Chorakhe Noi ខេត្ត Samut Prakan។

ជាមួយគ្នានេះ អាជ្ងាធរក៏បានណែនាំឲ្យប្រជាពលរដ្ឋជៀសវាងការប៉ះពាល់ជាមួយសត្វវង្វេងនៅក្នុងតំបន់នោះផងដែរ។ លើសពីនេះ ប្រសិនបើត្រូវបានសត្វខាំ ឬប៉ះពាល់នឹងសត្វដែលសង្ស័យថាមានជំងឺឆ្កែឆ្កួត ត្រូវលាងសម្អាតមុខរបួសជាមួយសាប៊ូ ហើយស្វែងរកការព្យាបាលជាបន្ទាន់សម្រាប់ចាក់វ៉ាក់សាំងការពារជំងឺឆ្កែឆ្កួត។

មិនតែប៉ុណ្ណោះ អាជ្ញាធរក៏បានព្រ.មានចំពោះម្ចាស់សត្វចិញ្ចឹមទាំងឡាយឲ្យមានការយកចិត្តទុកដាក់ខ្ពស់ចំពោះសុខភាព និងអក្ការៈរបស់សត្វ និងហាមមិនឲ្យមានការផ្លាស់ទីសត្វចេញចូលពីតំបន់តាមអំពើចិត្តឡើយ។ ក្នុងករណីប្រព្រឹត្តិល្មើស និងបង្កជាបញ្ហា ម្ចាស់សត្វនោះនឹងត្រូវទទួលទោសជាប់ពន្ធនាគារអប្បបរមាមិនលើសពីពីរឆ្នាំ ឬពិន័យជាប្រាក់ប្រហែល ៤០,០០០ បាត ឬអាចទាំងពីរតែម្ដង។

គួររម្លឹកថា កាលពីខែកញ្ញាកន្លងទៅ ខ័ណ្ឌចំនួន៦ ក្នុងទីក្រុងបាងកក និងសូម្បីតែខេត្ត Samut Prakan ក៏ផ្ទុះជំងឺនេះផងដែរ ដោយក្នុងនោះមានសត្វជាច្រើនក្បាល ឈឺបណ្តាក់គ្នាជាបន្តបន្ទាប់។ យោងតាមតួលេខរបស់នាយកដ្ឋានគ្រប់គ្រងជំងឺថៃ បានបង្ហាញថា ឆ្នាំនេះចំនួនមនុស្សស្លាប់ដោយសារជំងឺឆ្កែឆ្កួតបានកើនឡើង៣ដង ក្នុងនោះ៩០% នៃករណីទាំងអស់គឺត្រូវឆ្កែខាំ និង ១០% ត្រូវឆ្មាខាំ៕

ប្រទេសថៃ៖ ក្រុមហ៊ុនប្រេង PTT ដ៏ធំរបស់ថៃ បានបង្ហាញពីការខាតបង់របស់ខ្លួនថាមានការធ្លាក់ចុះពី ៥០% ទៅ ៦០% ចាប់តាំងពីមានជម្លោះព្រំដែនរវាងកម្ពុជានិងថៃ និងប្រកាសថាខ្លួននឹងវេចបង្វេចចាកចេញពីប្រទេសកម្ពុជាក្នុងពេលឆាប់ៗ ប្រសិនបើស្ថានភាពនៅតែមិនប្រសើរឡើង។ នេះបើយោងតាមការចុះផ្សាយរបស់សារព័ត៌មាន The Nation ថ្ងៃទី២៨ ខែវិច្ឆិកា ឆ្នាំ២០២៥។

បន្ទាប់ពីបានធ្វើការវា.យតម្លៃលើការលក់សរុបរបស់ក្រុមក្រុមហ៊ុន PTT នៅក្នុងរយៈពេលចុងក្រោយនេះ លោក Peekthong Thongyai នាយកប្រតិបត្តិរបស់ក្រុមហ៊ុន បានលើកបង្ហាញថា ការលក់ប្រេង សាំងរបស់ PTT នៅក្នុងប្រទេសកម្ពុជាបានធ្លាក់ចុះពី ៥០-៦០% ចាប់តាំងពីជម្លោះព្រំដែនបានផ្ទុះកាលពីចុងខែកក្កដាឆ្នាំ ២០២៥ មក ដោយក្នុងនោះមានចំនួនសាខានៃស្ថានីយ៍ប្រេងឥន្ធនៈ បានថយចុះមកត្រឹមតែ១៥០ ប៉ុណ្ណោះ។ ដូច្នេះលោកចាត់ទុកកម្ពុជា គឺជាតំបន់ដែលមានហានិភ័យខ្ពស់បំផុតសម្រាប់ទីផ្សាររបស់ខ្លយន។

បន្ថែមលើនោះ នាយកប្រតិបត្តិរបស់ក្រុមហ៊ុនរូបនេះក៏បានបង្ហើបឲ្យដឹងផងដែរថា ពួកគេអាចនឹងត្រូវដកខ្លួនពីការធ្វើពាណិជ្ជកម្មនៅកម្ពុជាទាំងស្រុងនៅពេលខាងមុខ ប្រសិនបើស្ថានភាពកាន់តែអាក្រក់ទៅៗ។

យ៉ាងណាមិញ លោក Peekthong បាននិយាយយកល្អជុំវិញការប្រកាសត្រៀមដកខ្លួនចេញនេះថា ជាការផ្លាស់ប្ដូរយុទ្ធសាស្រ្តទីផ្សារ ដោយ «កាត់បន្ថយ» ការធ្វើអាជីវកម្មលើតំបន់គ្មានប្រសិទ្ធភាព ជាជាងការទទួលស្គាល់ថាការចាកចេញរបស់ខ្លួនគឺដោយសារខាតបង់ខ្លាំងឡើយ។

គួរជម្រាបថា ហេតុផលស្រដៀងគ្នានេះក៏ធ្លាប់ត្រូវបានលើកឡើងផងដែរកាលពីពេលថ្មីៗនេះ នៅពេលដែលក្រុមហ៊ុន ORC Coffee Passion Group (ORCG) ដែលគ្រប់គ្រងលើហាង Café Amazon និងស្ថិតនៅក្នុងសម្ព័ន្ធតែមួយជាមួយក្រុម PTT នេះ បានប្រកាសបិទហាងកាហ្វេរបស់ពួកគេទាំងអស់នៅក្នុងប្រទេសវៀតណាម ដោយសារតែប្រកួតប្រជែងមិនឈ្នះទីផ្សារក្នុងស្រុក។

យ៉ាងណាមិញ សម្រាប់របាយការណ៍លក់ប្រេង សាំងរបស់ក្រុមហ៊ុន PTT ថាមានការដាំក្បាលចុះដូចខាងលើនេះ ត្រូវបានគេមើលឃើញថាមិនមែនមានតែក្នុងប្រទេសកម្ពុជាតែមួយនោះទេ ក្នុងនោះប្រទេសវៀតណាម ឡាវ និងមីយ៉ាន់ម៉ា ក៏កំពុងផ្ដល់ហានិភ័យខ្ពស់ដល់ក្រុមហ៊ុននេះផងដែរ៕

ប្រទេសថៃ ៖ ទឹកជំនន់ដ៏ខ្លាំងក្លានៅស្រុកហាតយៃ ខេត្តសុងក្លា ប្រទេសថៃ បានស្រកចុះហើយតាំងពីថ្ងៃទី២៧ ខែវិច្ឆិកា ឆ្នាំ២០២៥ ប៉ុន្តែអ្វីគួរឱ្យហួសចិត្តបំផុត គឺអ្នកស្រុកជាច្រើននាំគ្នាសម្រុកចូលហាងទំនិញដើម្បីលួ.ចអាហារ ភេសជ្ជៈ និងរបស់របរយ៉ាងអាណាធិបតេយ្យ ដោយមិនអាណិតអាសូរម្ចាស់ហាងទំនិញដែលរងផលប៉ះពាល់ដោយសារទឹកជំនន់ឡើយ ។ រូបភាពមួយចំនួនត្រូវបានចែកចាយក្នុងបណ្តាញសង្គមនៅថ្ងៃទី២៨ ខែវិច្ឆិកា បង្ហាញឱ្យឃើញអ្នកស្រុកប្រជែងគ្នាយករបស់របរក្នុងហាង 7 Eleven និងហាងលក់ទំនិញផ្សេងទៀតដោយការគ្មានញញើត ។

នៅថ្ងៃទី២៨ ខែវិច្ឆិកា លោក Kitrat Panphet អគ្គស្នងការនគរបាលថៃបានប្រកាសចាត់វិធានការតាមច្បាប់ចំពោះជនឆ្លៀតឱកាសចូលលួចរបស់របរក្នុងហាងទំនិញនានាក្រោយទឹកជំនន់ស្រក រួចហើយបង្ហោះរូបភាពដែលលួចពីហាងទំនិញក្នុងបណ្តាញសង្គម ។ នេះចាត់ទុកថា គឺជាការលួចទ្រព្យសម្បត្តិរបស់អ្នកដទៃ និងមានទោសតាមផ្លូវច្បាប់ ដោយលោកសំណូមពរឱ្យពលរដ្ឋស្រុកហាតយៃ យល់ពីទុក្ខលំបាកគ្នាទៅវិញទៅមកក្នុងគ្រាលំបាកនេះ ពីព្រោះជាជ.នជាតិថៃដូចគ្នា មិនគួរឆ្លៀតឱកាសទេ ។

អគ្គស្នងការនគរបាលរូបនេះនិយាយថា មានជនឆ្លៀតឱកាសជាច្រើនសម្រុកចូលលួចរបស់របរក្នុងហាងទំនិញនៅស្រុកហាតយៃ ខេត្តសុងក្លា ពេលទឹកជំនន់ស្រកតាំងពីថ្ងៃទី២៧ មកម៉្លេះ ដោយដណ្តើមគ្នាលួចរបស់របរ អាហារ និងភេសជ្ជៈ ប្រមូលច្រកធំៗដោយគ្មានញញើត ថែមទាំងបង្ហោះរូបភាពអួតគ្នាក្នុងបណ្តាញសង្គម ។ ជនឆ្លៀតឱកាសទាំងនេះជាចោរលួចទ្រព្យសម្បត្តិ ប៉ុន្តែត្រូវរង់ចាំពិនិត្យមើលថា តើម្ចាស់ហាងទំនិញនឹងដាក់ពាក្យប្តឹងដែរឬទេ? ប្រសិនបើម្ចាស់ហាងទំនិញដាក់ពាក្យប្តឹង គឺជនទាំងនេះនឹងខុសច្បាប់ព្រហ្មទណ្ឌ ហើយសមត្ថកិច្ចនឹងកោះហៅមកសួរនាំ ពីព្រោះពួកគេប្រព្រឹត្តខុសច្បាប់ ។

លោកសំណូមពរឱ្យពលរដ្ឋស្រុកហាតយៃ យល់ពីទុក្ខលំបាកគ្នាទៅវិញទៅមកក្នុងគ្រាលំបាកនេះ ពីព្រោះជាជ.នជាតិថៃដូចគ្នា មិនគួរឆ្លៀតឱកាសទេ ។ ពលរដ្ឋបានបាត់បង់ទ្រព្យសម្បត្តិដោយសារទឹកជំនន់ ឬត្រូវទឹកជំនន់ហូរគួចរថយន្ត និងសម្ភារៈផ្សេងៗទៅបាត់ ដែលជាការខាតបង់ប្រាក់យ៉ាងច្រើន គួរតែយល់ពីទុក្ខលំបាករបស់ម្ចាស់ហាងទំនិញ គឺខាតបង់ដូចគ្នា ។

គួរបញ្ជាក់ថា កាលពីថ្ងៃទី២៧ ខែវិច្ឆិកា ពលរដ្ឋស្រុកហាតយៃបានដណ្តើមគ្នាយកចំណីអាហារ និងរបស់របរផ្សេងៗដែលភ្នាក់ងារសង្គ្រោះដឹកតាមរថយន្តយកមកចែក ដោយសារតែពួកគេស្រេកឃ្លានខ្លាំងពេកអស់រយៈពេលជាច្រើនថ្ងៃ ខណៈនៅក្បែរនោះមានទាំងសាកសពមិនទាន់ត្រូវបានប្រមូល និងគំរាមសំរាមពាសពេញ ។ សភាពបែបនេះ គឺដូចគ្នានឹងស្រុកហាតយៃ រងគ្រោះដោយរលកយក្សស៊ូណាមិ មនុស្សម្នាទើបរួចពីសេចក្តីស្លាប់ ។

យោងតាមទិន្នន័យកាលពីថ្ងៃទី២៧ ខែវិច្ឆិកា ប្រទេសថៃមានស្រុកចំនួន១០៥ស្រុករងផលប៉ះពាល់ដោយសារទឹកជំនន់ រួមទាំងស្រុកហាតយៃផងដែរ និងមាន៧០៨ឃុំ, ៥,២៤៣ភូមិ ដែលស្ថិតនៅខេត្តភាគខាងត្បូងទាំង៩ រួមមាន ៖ សុរ៉ាជថានី, ណាខនស្រ៊ីថាំម៉ារ៉ាជ, ត្រាំង, ផាត់ថាលុង, សាទូន, សុងក្លា, ប៉ាត់តានី, យ៉ាឡា និងណារ៉ាធិវ៉ាត ៕

ខេត្តសុងក្លា៖ ក្រោយពីស្ថានភាពទឹកជំនន់ដ៏ខ្លាំងក្លានៅស្រុកហាតយ៉ៃ បានស្រកថមថយទៅវិញ អ្នកស្រុកជាច្រើនបាននាំគ្នាសម្រុកចូលក្នុងហាងទំនិញនានាដែលនៅក្បែរៗនោះ ដើម្បីលួ.ចយកអាហារ ភេសជ្ជៈ និងសម្ភារៈចាំបាច់យ៉ាងអាណាធិបតេយ្យ ដោយមិនខ្លាចម្ចាស់ហាងឬគេថតយកទៅបង្ហោះឡើយ។

យោងតាមរូបភាពមួយចំនួនដែលត្រូវចែកចាយនៅលើបណ្ដាញសង្គមនៅថ្ងៃទី២៨ ខែវិច្ឆិកា ឆ្នាំ២០២៥នេះ បានបង្ហាញឲ្យឃើញថាមានពលរដ្ឋថៃជាច្រើនកំពុងប្រញាយគ្នាយករបស់ពីហាងដូចជា 7Eleven ម៉ាត និងហាងទំនិញផ្សេងៗទៀត ដោយមិនខ្លាចញញើតនរណាទាំងអស់ ព្រោះការស្រេកឃ្លាននិងទុក្ខលំបាកដែលស៊ូទ្រាំអស់ប៉ុន្មានថ្ងៃមកនេះ។

ហាងជាច្រើនដែលធ្លាប់មានមនុស្សចេញ-ចូលជារៀងរាល់ថ្ងៃ ឥឡូវនេះនៅសល់តែធ្នើដែលត្រូវបានដួលរលំ ទូរទឹកកក និងឧបករណ៍ប្រើប្រាស់ប្រាស់ដែលសើមជោគនៅត្រាំក្នុងភក់ ខណៈពេលដែលទីក្រុងទាំងមូលកំពុងតស៊ូដើម្បីស្តារឡើងវិញ។

គួរជម្រាបថា ភ្លៀងធ្លាក់ឥតឈប់ឈរជាច្រើនថ្ងៃបានប្រែក្លាយតំបន់ទីប្រជុំជនរបស់ស្រុកហាតយ៉ៃឲ្យក្លាយទៅជាទន្លេ ទីក្រុងដែលពោរពេញទៅដោយខ្មោ.ចរថយន្ត និងម៉ូតូរាប់ពាន់គ្រឿងគរលើគ្នា ខូចខាតផ្ទះសម្បែង និងសំណង់អាគារ ព្រមទាំងបផ្លាញអាជីវកម្មរាប់មិនអស់ក្នុងរយៈពេលត្រឹមតែប៉ុន្មានម៉ោងប៉ុណ្ណោះ។ ដូច្នេះ ក្រៅភាពអត់ឃ្លានរបស់ប្រជាជន អាជ្ញាធរនៅក្នុងតំបន់និងរដ្ឋាភិបាលថៃត្រូវប្រឈមមុខដោះស្រាយនឹងការខូចខាតជាច្រើនផ្សេងទៀត ព្រោះឥឡូវនេះតំបន់មួយចំនួនបានរងការបំផ្លិចបំផ្លាញស្ទើតែទាំងស្រុងទៅហើយ។

តាមរបាយការណ៍របស់នាយកដ្ឋានបង្ការ និងកាត់បន្ថយគ្រោះមហន្តរាយ (DDPM) គិតត្រឹមថ្ងៃទី ២៧ ខែវិច្ឆិកា ការខូចខាតបានគ្របដណ្តប់លើស្រុកចំនួន ១០៥ ស្រុករងចំនួន ៧០៨ និងភូមិចំនួន ៥២៤៣ ដែលប៉ះពាល់ដល់គ្រួសារចំនួន ១.០៧៨.៦១៧ គ្រួសារ និងមនុស្សចំនួន ២.៩៥៣.២០៦ នាក់។ ក្នុងនោះចំនួនមនុស្សស្លា.ប់បានកើនឡើងលើសពី១០០នាក់ ខណៈផ្ទៃដី៣ ៩០០គីឡូម៉ែត្រការ៉េត្រូវទឹកជន់លិច ចំណែកផលប៉ះពាល់សេដ្ឋកិច្ចមានប្រមាណ ១ទៅ១.៥ពាន់លានបាតក្នុងមួយថ្ងៃ។

ជាមួយគ្នានេះ រដ្ឋាបាលទីក្រុងបាងកកដែលដឹកនាំដោយនាយករដ្ឋមន្រ្តីអនុទី កំពុងត្រូវបានត្រូវបានប្រជាជនថៃស្ដីបន្ទោសជារៀងរាល់ថ្ងៃ ដោយពួកគេយល់ឃើញថា រដ្ឋាភិបាលសព្វថ្ងៃគ្មានសមត្ថភាព គ្មានវិធានការទប់ស្កាត់គ្រោះមហន្តរាយ និងបរាជ័យក្នុងការដោះស្រាយបញ្ហា៕

ប្រទេសថៃ ៖ បន្ទាប់ពីទឹកជំនន់ដ៏ធ្ងន់ធ្ងរបានវាយប្រ.ហារអស់រយៈពេលជិត១សប្តាហ៍នៅស្រុកហាតយៃ ខេត្តសុងក្លា បណ្តាលឱ្យមនុស្សស្លា.ប់រហូតដល់ជាង១០០នាក់ គិតត្រឹមថ្ងៃទី២៧ ខែវិច្ឆិកា ឆ្នាំ២០២៥ រដ្ឋាភិបាលថៃសន្យាផ្តល់ប្រាក់សំណងចំនួន២លានបាត (ឬជាង៦ម៉ឺនដុល្លារ) ក្នុង១សាកស.ព និងផ្តល់ប្រាក់៩ពាន់បាត (ឬជាង២០០ដុល្លារ) ក្នុង១គ្រួសារ រួមទាំងផ្តល់ប្រាក់សម្រាប់ជួសជុលផ្ទះ ។ ប៉ុន្តែពលរដ្ឋភាគខាងត្បូងស្តីបន្ទោសយ៉ាងខ្លាំង ជាពិសេស អ្នកនយោបាយ និងមន្ត្រីរាជការថា នាយករដ្ឋមន្ត្រីថៃមិនចេះដោះស្រាយបញ្ហាទឹកជំនន់ ជួយសង្គ្រោះពលរដ្ឋយឺតយ៉ាវ រហូតពលរដ្ឋស្លា.ប់ដោយអត់បាយ លង់ទឹក និងឆក់ខ្សែភ្លើង ដោយទាមទារឱ្យចុះចេញពីតំណែង ។

សារព័ត៌មាន Khaosod រាយការណ៍ថា នៅថ្ងៃទី២៨ ខែវិច្ឆិកា អតីតមន្ត្រីរាជការម្នាក់បានទាមទារឱ្យនាយករដ្ឋមន្ត្រីថៃ លោក Anutin Charnvirakul ចុះចេញពីតំណែងដោយសារមិនអាចដោះស្រាយបញ្ហាទឹកជំនន់ ។ ការចុះចេញពីតំណែងដើម្បីបង្ហាញពីការទទួលខុសត្រូវចំពោះទឹកជំនន់វាយប្រហារនៅភាគខាងត្បូងបណ្តាលឱ្យបាត់បង់ជីវិតមនុស្ស ហេដ្ឋារចនាសម្ព័ន្ធ និងទ្រព្យសម្បត្តិយ៉ាងច្រើនមហាសាល ។ លោក Anutin គួរផ្តល់ឱកាសឱ្យរដ្ឋាភិបាលថ្មី និងមិនចាំបាច់ប្រញាប់រំលាយសភាដើម្បីបោះឆ្នោតទេ ត្រូវយកប្រាក់សម្រាប់រៀបចំការបោះឆ្នោតមកជួយពលរដ្ឋរងគ្រោះដោយទឹកជំនន់ ។ បើព្រមចុះចេញ រដ្ឋាភិបាលថ្មីនឹងអាចដោះស្រាយជម្លោះព្រំដែនជាមួយប្រទេសជិតខាង និងផ្តល់ប្រាក់សំណងឱ្យពលរដ្ឋរងគ្រោះ ។

នៅថ្ងៃទី២៨ ខែវិច្ឆិកា លោក ស៊ុមឆ័យ ស្រ៊ីសុទ្ធីយ៉ាកន (Somchai Srisutthiyakorn) មន្ត្រីរាជការចូលនិវត្តន៍ និងអតីតសមាជិកគណបក្សប្រាឆាធិប៉ាត់ និងអតីតមន្ត្រីគណៈកម្មការរៀបចំការបោះឆ្នោត បានបង្ហោះសារក្នុងបណ្តាញសង្គមទាមទារឱ្យលោក Anutin នាយករដ្ឋមន្ត្រីថៃ និងជារដ្ឋមន្ត្រីក្រសួងមហាផ្ទៃ ត្រូវទទួលខុសត្រូវចំពោះវិធានការដោះស្រាយបញ្ហាទឹកជំនន់នៅភាគខាងត្បូងរបស់រដ្ឋាភិបាល ។ លោកថា ភ្លៀងធ្លាក់ខ្លាំងជារឿងធម្មជាតិពុំអាចហាមឃាត់បាន វាក៏ក្លាយជាទឹកជំនន់ ប៉ុន្តែការជួយសង្គ្រោះមនុស្សរងគ្រោះដោយទឹកជំនន់ឱ្យរស់រានមានជីវិត និងឆាប់រហ័សមានប្រសិទ្ធភាព គឺជាបញ្ហាដែលអាចដោះស្រាយបាន ។ អាជ្ញាធរក្នុងតំបន់អាចវាយតម្លៃស្ថានការណ៍ខុស ខ្វះខាតកម្លាំង និងឧបករណ៍ ដែលនេះជាតួនាទីរបស់រដ្ឋាភិបាលចាត់ការទឹកជំនន់ ឬបញ្ជូនកម្លាំងមកជួយ ។

រដ្ឋាភិបាលចាត់ការទឹកជំនន់យឺតយ៉ាវ និងផ្តោតតែលើការទាក់ទាញប្រជាប្រិយភាពដើម្បីទទួលបានសំឡេងឆ្នោតប៉ុណ្ណោះ រដ្ឋាភិបាលមិនដឹងថា គ្រប់វិនាទីមានសារៈសំខាន់សម្រាប់ជីវិតមនុស្សរាប់ម៉ឺននាក់ដែលកំពុងប្រឈមគ្រោះថ្នាក់ ដូចជា ៖ គ្មានទឹក គ្មានអាហារ រួមទាំងអ្នកជំងឺ មនុស្សចាស់ និងកុមារ រហូតបណ្តាលឱ្យមនុស្សស្លាប់ដោយសារទឹកជំនន់ជាង១០០នាក់ ។ រដ្ឋាភិបាលមិនគួរនិយាយថា បានជួយសង្គ្រោះទាន់ពេល មិនយឺតយ៉ាវនោះទេ ប៉ុន្តែលោក Anutin និងមន្ត្រីពាក់ព័ន្ធ គួរសូមទោសពលរដ្ឋដោយសារមិនអាចជួយពួកគេបាន ព្រមទាំងចុះចេញពីតំណែងដើម្បីបើកឱកាសឱ្យសភាបោះឆ្នោតជ្រើសរើសនាយករដ្ឋមន្ត្រីថ្មី ដែលនេះបង្ហាញពីការទទួលខុសត្រូវ ។

បើលោក Anutin ព្រមចុះចេញពីតំណែង សភានឹងបោះឆ្នោតឱ្យបុគ្គលណាម្នាក់ធ្វើជានាយករដ្ឋមន្ត្រីថ្មី ហើយគណបក្សប្រជាជនអាចនឹងសហការជាមួយគណបក្សនយោបាយណាមួយដើម្បីបង្កើតរដ្ឋាភិបាលថ្មីមានសំឡេងភាគច្រើនមកដឹកនាំប្រទេស ។ រដ្ឋាភិបាលថ្មីនឹងអាចដោះស្រាយជម្លោះព្រំដែនជាមួយប្រទេសជិតខាងដែលកំពុងអូសបន្លាយ និងផ្តល់ប្រាក់សំណងឱ្យពលរដ្ឋរងគ្រោះដោយទឹកជំនន់ ដោយពុំចាំបាច់រំលាយសភា ហើយយកប្រាក់សម្រាប់រៀបចំការបោះឆ្នោតទៅជួយពលរដ្ឋភាគខាងត្បូង ។ នេះបើតាមការលើកឡើងរបស់អតីតមន្ត្រីរាជការ ។

គួរបញ្ជាក់ថា កាលពីថ្ងៃទី២៦ ខែវិច្ឆិកា អតីតស្នងការរងនគរបាលជាតិ ក៏បានទាមទារឱ្យនាយករដ្ឋមន្ត្រីថៃទទួលខុសត្រូវពលរដ្ឋស្លា.ប់ដោយសារទឹកជំនន់នៅភាគខាងត្បូងដែរ ដោយបានស្តីបន្ទោសលោក Anutin បរាជ័យក្នុងការដោះស្រាយបញ្ហាទឹកជំនន់នៅស្រុកហាតយៃ ខេត្តសុងក្លា រហូតដល់ពលរដ្ឋស្លា.ប់កើនឡើងជាបន្តបន្ទាប់ក្រោយពីទន្ទឹងរង់ចាំការជួយសង្គ្រោះពីរដ្ឋាភិបាលទាំងអស់សង្ឃឹម ។ លោក Anutin កាន់តំណែងជានាយករដ្ឋមន្ត្រីផង និងរដ្ឋមន្ត្រីក្រសួងមហាផ្ទៃផង បែរជាមិនអាចដោះស្រាយបញ្ហាទឹកជំនន់ បណ្តោយឱ្យមន្ត្រីថ្នាក់ក្រោមធ្វើជំនួស ៕