កញ្ញា ខន សូរិយា Miss World Cambodia 2026 បានបង្ហាញចំនួន៤ចំណុចដែលបវរកញ្ញាកម្ពុជាប្រឈមមុខហើយក៏ជាមូលហេតុដែលបវរកញ្ញាពិបាកក្នុងឈានដល់ចំណុចកំពូលនៅលើឆាកអន្តរជាតិ។

ចំណុចទីមួយដែល ខន សូរិយា បានលើកឡើងនៅលើបណ្តាញសង្គមរបស់ខ្លួននៅថ្ងៃទី១៤ ខែមករា គឺការគាំទ្រមានកម្រិតពីអង្គការជាតិដោយអ្នកតំណាងប្រទេសជាច្រើនត្រូវបានទុកឱ្យគ្រប់គ្រងការរៀបចំ ការបណ្តុះបណ្តាល ហិរញ្ញវត្ថុ និងស្តង់ដារអន្តរជាតិភាគច្រើនដោយខ្លួនឯង។ Miss World Cambodia 2026 ថាបើគ្មានប្រព័ន្ធរឹងមាំនៅពីក្រោយ វាក្លាយជាបញ្ហាប្រឈមយ៉ាងខ្លាំងក្នុងការប្រកួតប្រជែងជាមួយប្រទេសដែលមានស្ថាប័នប្រកួតសម្រស់ដែលមានរចនាសម្ព័ន្ធល្អ។

ចំណុចទីពីរ បវរកញ្ញាភាគច្រើនត្រូវពឹងផ្អែកលើខ្លួនឯងចាប់ពីការផ្សព្វផ្សាយម៉ាកយីហោផ្ទាល់ខ្លួន រហូតដល់គម្រោងតស៊ូមតិ សម្លៀកបំពាក់ ជំនាញទំនាក់ទំនង និងការផ្សព្វផ្សាយអន្តរជាតិ អ្វីៗគ្រប់យ៉ាងច្រើនតែត្រូវបានផ្តល់មូលនិធិដោយខ្លួនឯង និងគ្រប់គ្រងដោយខ្លួនឯង។ ចំណែកឯទីបី វិញកញ្ញា សូរិយា ថាការគាំទ្រពីរដ្ឋាភិបាលនៅតែមានតិចតួចបើប្រៀបធៀបទៅនឹងប្រទេសដទៃទៀត ដែលបវរកញ្ញាត្រូវបានគេមើលឃើញថាជាទូតសុឆ្ទន្ទៈវប្បធម៌ និងជាមោទនភាពជាតិ។ នៅក្នុងប្រទេសទាំងនោះរាជនីសម្រស់ទទួលបានការគាំទ្រជាផ្លូវការ ការលាតត្រដាងពីប្រព័ន្ធផ្សព្វផ្សាយ និងធនធានដែលជួយលើកកម្ពស់ការសម្តែង និងភាពមើលឃើញរបស់ពួកគេនៅទូទាំងពិភពលោក។

នៅចំណុចទី៤ ខន សូរិយា ថាការគាំទ្រពីសាធារណជននៅតែមានកម្រិត។ នាងបានពន្យល់ថា ជំនួសឱ្យការលើកទឹកចិត្តបវរកញ្ញាជាច្រើនប្រឈមមុខនឹងការរិះគន់ ការវិនិច្ឆ័យដ៏ឃោរឃៅ និងភាពអវិជ្ជមានតាមអ៊ីនធឺណិត។ លើសពីនេះ កង្វះការគាំទ្រផ្នែកអារម្មណ៍ និងសង្គមនេះអាចប៉ះពាល់យ៉ាងខ្លាំងដល់ទំនុកចិត្ត សុខភាពផ្លូវចិត្ត និងសមត្ថភាព។ បវរកញ្ញាលូតលាស់បានល្អបំផុតនៅពេលដែលប្រទេសរបស់នាងជឿជាក់លើនាង មិនមែននៅពេលដែលនាងត្រូវបានគេសួរដេញដោល ឬបំបាក់ទឹកចិត្តឥតឈប់ឈរនោះទេ។

គួរបញ្ជាក់ផងដែរថា ខន សូរិយា ត្រូវបានមនុស្សជាច្រើនបញ្ចេញមតិរិះគន់ចាប់តាំងពីទទួលតំណែងជា Miss World Cambodia 2026 មកម្ល៉េះ។ ទោះយ៉ាងណាអ្នកតំណាងកម្ពុជារូបនេះធ្លាប់បានអះអាងថាទម្រាំដល់ខែដែលត្រូវចេញទៅប្រកួតនាងនឹងដុសខាត់សមត្ថភាពរបស់ខ្លួនឱ្យកាន់តែខ្លាំង៕

ថ្មីៗនេះនៅលើបណ្តាញសង្គមមានការជជែកវែកញែកយ៉ាងច្រើនទាក់ទងនឹង គ្រូបង្រៀននិងសិស្ស ទាំងការចោលសៀវភៅនៅក្រៅថ្នាក់និងការបង្កើតគ្រុបដើម្បីជេរគ្រូ។ សីលធម៌របស់សិស្សានុសិស្សមួយចំនួនដែលមានការធ្លាក់ចុះបែបនេះជំរុញឱ្យអនុប្រធានសមាគមសិល្បករនិងតារាចម្រៀង វ៉ាន់ នីឡា បញ្ចេញមតិយោបល់លើបណ្តាញសង្គម។

កញ្ញា វ៉ាន់ នីឡា តារាចម្រៀងនិងជាពិធីការិនី បានលើកឡើងនៅលើបណ្តាញសង្គមថា «ដោយសារអ្នកគ្រូខឹងមិនអាចប៉ះសាច់កូនគេបានទើបបានត្រឹមតែគប់សៀវភៅចោល ជំនាន់ខ្ញុំរៀនអត់សរសេរអក្សរផ្តៅវាត់ឡ់ងប៉ើងសំពត់។ សិស្សជំនាន់មុនខ្លាចគ្រូហើយគោរពគ្រូណាស់ ម៉ោងចេញលេងគ្រូកំពុងអង្គុយនិយាយគ្នាអត់ហ៊ានដើរកាត់ផង។ សូមម៉ែឪទាំងឡាយមុនបន្ទោសគ្រូ សួរហេតុផលសិនថាមិចបានឈានដល់ថ្នាក់ហ្នឹង»។ កញ្ញាបានបង្ហោះសំណេរមួយទៀតថា «បច្ចេកវិជ្ជាកាន់តែទំនើបសិលធម៌កាន់តែអន់ថយ ឪពុកម្តាយកាចៗកូនខ្លះអាងអី depression ចង់តែងា.ប់ គ្រូកាចក៏មិនបាន មិនដឹងពីណាប្រដៅពួកវាបានទេ»។

ងាកមកកាន់លោកជំទាវ នៅ សូនិតា ដែលជាអនុប្រធានសមាគមសិល្បករវិញបានលើកឡើងថាក្មេងៗឥឡូវហ៊ានណាស់ដល់ថ្នាក់បង្កើត Group ជេរគ្រូបង្រៀន។ អតីតតារាសម្តែងរូបនេះបានសរសេរថា «ក្មេងៗឥឡូវហ៊ានៗណាស់ ហ៊ានរហូតបង្កើត groupជេរគ្រូលោកអើយសាហាវហួស។ ជំនាន់ខ្ញុំតែមុខគ្រូមិនហ៊ានមើលទេ ដើរកាត់មុខគ្រូឱនចង់ដល់ដី ។

អនិច្ចា តើសិលធម៌បាត់ទៅណាអស់ហើយ បច្ចេកវិជ្ជាកាន់តែទំនើបមនុស្សបាត់អស់គុណធម៌»។ លោកជំទាវ ផ្តាំផ្ញើទៅកាន់សិស្សានុសិស្សងាកបកមកគិតអំពីគុណតំលៃដ៏មហិមារបស់លោកគ្រូអ្នកគ្រូដែលគាត់ចំណាយអស់ហើយដើម្បីតែកូនសិស្សគាត់ក្រេបយកនូវចំនេះដឹងខ្ពង់ខ្ពស់ តែបែរជាសិស្សតបស្នងបែបនេះទៅកាន់គាត់៕

តារាចម្រៀងដ៏មានឈ្មោះបោះសំឡេងក្នុងអាជីពសិល្បៈ មាស សុខសោភា បានបង្ហាញប្រាប់ទស្សនិកជនថាបន្ទាប់ពីទំនេរពីការងាររូបអ្នកនាងជ្រើសរើសមកសមាធិដើម្បីសុំសិរីសួស្តី។ នេះបើយោងទៅតាមវីដេអូដែលបានចែករំលែកនៅលើបណ្តាញសង្គមទិកតុកកាលពីពេលថ្មីៗនេះ។

នៅក្នុងវីដេអូនោះដែរអ្នកនាង មាស សុខសោភា បានស្លៀកឈុតពណ៌សជាមួយនឹងការបរិយាយទៅកាន់មហាជនថា ទំនេរពីការងាររូបខ្លួនមកសមាធិដើម្បីសុំសិរីសួស្តីពីព្រះគ្រប់ព្រះអង្គឱ្យមកជួយបីបាច់ថែរក្សាសំបកកាយរបស់ខ្លួនឱ្យមានភាពជ្រះថ្លានិងទទួលបានបុណ្យកុសល។ ជាមួយនឹងការបង្ហាញទម្លាប់ចូលចិត្តសមាធិបន្ទាប់ពីទំនេរការងារតារាចម្រៀងរូបនេះក៏បានផ្តាំផ្ញើឱ្យមហាជនដទៃទៀតចូលរួមធ្វើបែបនេះទាំងអស់គ្នា។

ចំពោះការលើកឡើងរបស់តារាចម្រៀង មាស សុខសោភា ខាងលើនេះអ្នកលេងបណ្តាញសង្គមបានបញ្ចេញមតិចម្រុះមកកាន់រូបនាង ហើយនេះក៏មិនមែនជាលើកដំបូងផងដែរសម្រាប់ មាស សុខសោភា ចាប់តាំងមានជីវិតឯកជនដ៏ច្របូកច្របល់។ អ្នកមួយចំនួនហាក់នៅតែមិនចិត្តចំពោះសកម្មភាពរបស់តារាចម្រៀងរូបនេះដោយនៅតែបន្តមានមតិរិះគន់ឥតឈប់ ដោយឡែកមតិមួយចំនួនទៀតថាការលើកឡើងរបស់អ្នកនាង មាស សុខសោភា មិនខុសនោះទេដែលគ្រាន់តែមកសមាធិដើម្បីសន្តិភាពផ្លូវចិត្ត។

គួរបញ្ជាក់ផងដែរថា កាលពីថ្ងៃទី១១ ខែមករា តារាចម្រៀង មាស សុខសោភា ទើបតែចេញបទថ្មីរបស់ខ្លួនមានចំណងជើងថា «គ្មានបងជីវិតអូននិរាករ»៕

ដេត ស្រីនាឌ Miss Charm Cambodia 2025 បាននាំយកឈុតតំណាងជាតិរបស់ខ្លួនដែលប្រកួតនៅប្រទេសវៀតណាមស្លៀកចូលរួមកម្មវិធី «ខ្លឹមព្រះនគរ» ម្តងទៀត។ អ្វីដែលទស្សនិកជនអាចមិនសូវជាបានដឹងរូបប្រាសាទអង្គរវត្តនៅខាងក្រោយគឺមានទម្ងន់រហូតដល់១០គីឡូក្រាមឯណោះ។

«សមរាត្រី » គឺជាឈុតតំណាងជាតិរបស់ ដេត ស្រីនាឌ ដែលយកទៅប្រកួតនៅលើឆាកអន្តរជាតិ Miss Charm 2025 ដែលជាស្នាដៃតំឡើងឈុតដោយ «ទឹកគ្រឿង និង ក្មេងវត្ត»និងគូរដោយ វាសនា សឿង។ ឈុតខ្មែរដ៏ពិសេសនេះបានធ្វើឱ្យសាធារណជនចាប់អារម្មណ៍នាកន្លងមកត្រូវបាន ដេត ស្រីនាឌ យកមកបង្ហាញម្តងទៀតតាមរយៈកម្មវិធីរបស់តារាចម្រៀង ជី ដេវីត និង ទេព បូព្រឹក្ស កាលពីថ្ងៃទី១១ ខែមករា មកនេះ។

តាមរយៈការផ្តល់បទសម្ភាសន៍ជាមួយនឹងពិធីករ ពិធីការិនី ដេត ស្រីនាឌ បានបញ្ជាក់ថានាងសម្រេចចិត្តជ្រើសរើសឈុតនេះដោយសារតែជាឈុតតំណាងជាតិដែលនាងប្រកួតនៅប្រទេសវៀតណាម។ អ្វីដែលធ្វើឱ្យទស្សនិកជនភ្ញាក់ផ្អើលនៅខាងក្រោយនៃឈុតដែលមានប្រាសាទអង្គរវត្តមិនមែនធ្វើឡើងពីស្នោរមានទម្ងន់ស្រាលនោះទេប៉ុន្តែវាមានទម្ងន់រហូតដល់១០គីឡូក្រាមឯណោះ។

ការទម្លាយពីទម្ងន់រូបព្រះអាទិត្យរះចំកំពូលប្រាសាទអង្គរវត្តមានទម្ងន់រហូតដល់១០គីឡូក្រាមនេះបានធ្វើឱ្យអ្នកគាំទ្រមួយចំនួនភ្ញាក់ផ្អើលព្រោះនឹកស្មានថាមានទម្ងន់តិចតួចប៉ុណ្ណោះ។

គួរបញ្ជាក់ផងដែរថា ដេត ស្រីនាឌ បានសម្រេចចិត្តជម្នះការរិះគន់កន្លងមកនិងតាំងចិត្តប្រកួតឱ្យបានល្អរហូតដល់ទីបំផុតនាងបានបើកទ្វារកម្ពុជាចូល TOP 20 ជាលើកដំបូងក្នុងកម្មវិធីប្រកួតសម្រស់ Miss Charm 2025 ។ ជាមួយនឹងចំណាត់ថ្នាក់ TOP 20 ស្រីនាឌ បានឈ្នះពានរង្វាន់ពិសេសមួយគឺ BEST IN SOCIAL៕

អ្នកច្នៃម៉ូត ឯម រៀម បានធ្វើឱ្យសាធាណជនបញ្ចេញមតិវែកញែកជាច្រើនជុំវិញមកុដរបស់លោកបានពាក់ចូលរួមកម្មវិធី «ខ្លឹមព្រះនគរ» ជាមួយនឹងឈុត «រាជនីកន្ទេល»។ ដោយសារតែសន្ទុះការរិះគន់ឥតឈប់ឈរលោកឯម រៀម បានចេញបកស្រាយពីអត្ថន័យដោយភ្ជាប់មកជាមួយនឹងរូបរបស់ ភឹម ស្រីណូ។ ជុំវិញភាពចម្រូងចម្រាសនេះផេក បុរាណាចារ្យ ដែលតែងតែចែករំលែកពីវប្បធម៌ក៏បានលូកមាត់ផងដែរ។

លោក ឯម រៀម បានសរសេរបង្ហោះនៅលើបណ្តាញសង្គមនៅល្ងាចថ្ងៃទី១២ ថា«តាមពិតទៅមកុដទាំងពីរនេះតំណាង ព្រះនាងឱមាទេវី និង ព្រះសិវៈ បានផលិតរួចរាល់តាំងពីឆ្នាំ២០២៤ តែមិនមានឱកាសបានថតបង្ហាញ គឺបានថតជាមួយ បវកញ្ញា ភឹម ស្រីណូ គឺមកុដព្រះនាងឱមាទេវី ។ បើតាមបែបព្រហ្មញ្ញសាសនា ពងមាន់ គឺតំណាងឱ្យ យោនី នៃព្រះនាងឱមាទេវី រីឯទៀន ដែលដោតបន្តពីលើពងមាន់ គឺតំណាងឱ្យ លិង្គ នៃព្រះសិវៈ ទាំងពីរនេះបញ្ចូលគ្នាបង្កើតបានជា គ្រឿងសិល្បៈ ដែលជនជាតិខ្មែរជឿជាក់ថាជាទេវបង្កើតលោក និងបង្កើតអ្វីៗទាំងអស់ពុំចេះចប់»។

អ្នកច្នៃម៉ូតរូបនេះ បន្តទៀតថា «សព្វថ្ងៃមានជំនឿតៗគ្នាថា អ្នកដែលអត់គូឱ្យទៅបួងសួងសូមពី ព្រះសិវៈ និងព្រះនាងឱមាទេវី និងគូគាប់…ឬអ្នកដែលមានគូហើយសូមបួងសួង ឱ្យស្រឡាញ់គ្នា និងសុខសប្បាយជារាងរហូត…»។

ការច្នៃប្រឌិតរបស់លោក ឯម រៀម ត្រូវបានមនុស្សភាគច្រើនមិនពេញចិត្តនោះទេដោយហេតុថាមកុដរបស់លោកគឺមានសភាពច្បាស់ៗពេក។ ងាកមកកាន់ផេក បុរាណាចារ្យវិញក៏បាននិយាយប៉ុន្មានម៉ាត់ទាក់ទងនឹងការច្នៃប្រឌិតរបស់លោក ឯម រៀម ផងដែរ។

នៅយប់ថ្ងៃទី១៣ បុរាណាចារ្យ បានសរសេរថា «ការច្នៃប្រឌិតមានលក្ខណៈជាធម្មជាតិពេក ខុសពីទំនងនៃសិល្បៈប្រពៃណីខ្មែរដែលនិយមភាពជាសិល្បៈច្នៃប្រឌិតច្រើនជាង។ យើងអាចសង្គេតមើល បណ្តាសិវៈលិង្គនានា ក្នុងរចនាបថខ្មែរបាន។ មកុដជានិមិត្តរូបនៃក្សត្រនៃទេវៈ គួរតែប្រើប្រាស់ សិវៈលិង្គ (….) ដើម្បីបង្ហាញពីភាពខ្ពង់ខ្ពស់ ក្នុងវប្បធម៌»៕