តៃវ៉ាន់ជំរុញទំនាក់ទំនងទ្វេភាគី និងសេដ្ឋកិច្ចជាមួយហ្គាតេម៉ាឡា

April 3, 2023

ប្រទេសហ្គាតេម៉ាឡា ៖ ប្រធានាធិបតីតៃវ៉ាន់បានធ្វើដំណើរមកកាន់ប្រទេសហ្គាតេម៉ាឡា ដើម្បីជំរុញទំនាក់ទំនងទ្វេភាគី និងសេដ្ឋកិច្ច បន្ទាប់ពីប្រទេសហុងឌូរ៉ាសបានផ្តាច់ទំនាក់ទំនងការទូតជាមួយតៃវ៉ាន់ ហើយងាកទៅបង្កើតទំនាក់ទំនងការទូតជាមួយប្រទេសចិនវិញ ។

ប្រធានាធិបតីតៃវ៉ាន់ លោកស្រី Tsai Ing-wen បានជួបជាមួយប្រធានាធិបតីប្រទេសហ្គាតេម៉ាឡា លោក Alejandro Giamatti នៅទីក្រុងហ្គាតេម៉ាឡា ដើម្បីពិភាក្សាគ្នាអំពីប្រធានបទនានា និងទំនាក់ទំនងពាណិជ្ជកម្មរវាងប្រទេសទាំងពីរ ។ លោកស្រី Tsai Ing-wen បានផ្តល់ភាពសំខាន់ចំពោះប្រទេសអាមេរិកកណ្តាល ខណៈប្រទេសនេះជាសម្ព័ន្ធមិត្តដ៏សំខាន់របស់តៃវ៉ាន់ និងបានសហការគ្នាយ៉ាងជិតស្និទ្ធលើផ្នែកសេដ្ឋកិច្ច ពាណិជ្ជកម្ម និងសុខភាព ក្នុងរយៈពេលប៉ុន្មានឆ្នាំកន្លងមកនេះ ។

ប្រធានាធិបតីប្រទេសហ្គាតេម៉ាឡា លោក Alejandro Giamatti បានថ្លែងថា មិត្តភាពរវាងហ្គាតេម៉ាឡាជាមួយតៃវ៉ាន់ គឺគ្មានថ្ងៃបែកបាក់ទេ ហើយលោកសូមអះអាងថា ប្រទេសហ្គាតេម៉ាឡានឹងជំរុញអធិបតេយ្យភាព និងការចូលរួមជាសមាជិកក្នុងអង្គការពិភពលោក ដូចជា អង្គការសហប្រជាជាតិ ។

កាលពីខែវិច្ឆិកា ឆ្នាំ២០២២ ប្រទេសហ្គាតេម៉ាឡា និងតៃវ៉ាន់ បានធ្វើពិធីគម្រប់ខួប៦២ឆ្នាំនៃទំនាក់ទំនងទ្វេភាគី រួមទាំងប្រទេសបេលីសផងដែរ ។ ប្រទេសនៅអាមេរិកកណ្តាលទាំងពីរនេះបានទទួលស្គាល់ និងមានទំនាក់ទំនងការទូតជាផ្លូវការជាមួយតៃវ៉ាន់ ។

ទោះយ៉ាងណា ការមកកាន់ប្រទេសហ្គាតេម៉ាឡារបស់មេដឹកនាំតៃវ៉ាន់ លោកស្រី Tsai Ing-wen មានរយៈពេលខ្លីប៉ុណ្ណោះ បន្ទាប់ពីប្រទេសហុងឌូរ៉ាសបានផ្តាច់ទំនាក់ទំនងការទូតដែលមានរយៈពេល៨០ឆ្នាំជាមួយតៃវ៉ាន់ ហើយងាកមកបង្កើតទំនាក់ទំនងការទូតជាមួយប្រទេសចិនវិញ ៕ ប្រភព ៖ TNN World

ការទំពារស្ករកៅស៊ូនៅក្នុងប្រទេសសមាជិកអាស៊ានមួយនេះ នឹងត្រូវជាប់ពន្ធនាគារ

admin

April 3, 2023

ប្រទេសសិង្ហបុរី គឺជាប្រទេសតូចជាងគេបង្អស់នៅក្នុងតំបន់អាសុីអាគ្នេយ៍។ មានផ្ទៃដី ៧១០,២ គីឡូម៉ែត្រការ៉េ ប្រទេសដែនកោះស្ថិតនៅចុងខាងត្បូងនៃឧបទ្វីបម៉ាឡេ។

ប្រទេសនេះ បានហាមដាច់ខាតក្នុងការនាំចូល និងការប្រើប្រាស់ស្ករកៅស៊ូ។ នៅក្នុងមួយឆ្នាំៗប្រទេសនេះ ចំណាយ១៥មុឺនដុល្លារ ក្នុងការផ្សព្បផ្សាយ និងបង្កើតយុទ្ធនាការបោះបង់ទម្លាប់ទំពារស្ករកៅស៊ូ។

ច្បាប់នៅបានអនុម័តតាំងពីឆ្នាំ ១៩៩២មកម្ល៉េះ ដោយគ្រានោះរដ្ឋាភិបាលសិង្ហបុរីយល់ឃើញថា ការទំពារស្ករកៅស៊ូ មិនត្រឹមតែប៉ះពាល់ដល់សុខភាពនោះទេ វាក៏នឹងបំផ្លាញបរិស្ថានផងដែរ។

សម្រាប់បុគ្គលណាដែលបានប្រព្រឹត្តិខុសទៅនឹងច្បាប់នឹងត្រូវពិន័យជាទឹកប្រាក់៥០០ដុល្លារ ដល់១០ ០០០ដុល្លារ ហើយក៏អាចត្រូវជាប់ពន្ធនាគារ១មួយឆ្នាំផងដែរ។

សូមជម្រាបផងដែរថា សិង្ហបុរីជាមជ្ឈមណ្ឌលហិរញ្ញវត្ថុឈានមុខគេចំណាត់ថ្នាក់លេខបួននៅលើពិភពលោក ដែលដើរតួនាទីយ៉ាងចម្បងក្នុងវិស័យពាណិជ្ជកម្មនិងហិរញ្ញវត្ថុអន្តរជាតិ។ លើសពីនេះទៅទៀត កំពង់ផែសិង្ហបុរីស្ថិតក្នុងចំណោមកំពង់ផែដែលមមាញឹកជាងគេទាំងប្រាំនៅលើពិភពលោក។

ថ្មីៗនេះប្រទេសនេះក៏ត្រូវបានក្លាយជាទីក្រុងល្អដាច់គេលេខ៩ លើលោក និងទីក្រុងនៅក្នុងសុីវិល័យជាងគេនៅក្នុងតំបន់អាស៊ាន៕

លីវ ជីលី ក្លាយជាម្ចាស់មកុដ Miss Supranational Cambodia ខណៈមានមតិវែកញែកមិនធម្មតា

admin

April 3, 2023

កញ្ញា លីវ ជីលី បានក្លាយជាម្ចាស់មកុដនៅក្នុងកម្មវិធី Miss Supranational Cambodia 2023 ដែលតំណាងឱ្យខេត្តកំពង់ធំ បន្ទាប់ពីឆ្លងកាត់ការប្រកួតមួយរយៈ ខណៈការក្លាយជាម្ចាស់មកុដនេះអ្នកស្នេហាវិស័យបវរកញ្ញាបានបញ្ចេញមតិជាច្រើនដោយអ្នកខ្លះលើកឡើងថាមិនមានភាពយុត្តិធម៌សម្រាប់អ្នកមានសមត្ថភាព និងអ្នកខ្លះទៀតក៏លើកឡើងថា សមស្របហើយដែលឱ្យ លីវ ជីលី ឈ្នះ។

ដូចមហាជនអ្នកគាំទ្រជ្រាបមកហើយថា លីវ ជីលី ដែលជា Miss Grand Cambodia 2020 និងបានជាប់ Top 20 នៅលើឆាកអន្តរជាតិ បានសម្រេចចិត្តចូលរួមប្រកួតកម្មវិធី Miss Supranational Cambodia 2023 ដែលរៀបចំឡើងដោយក្រុមហ៊ុនមហាហង្ស ក្រោមការដឹកនាំរបស់លោក អ៊ិន សុភិន។ មុនសម្រេចចិត្តប្រកួតក្នុងកម្មវិធីខាងលើនេះ លីវ ជីលី បានតាំងចិត្តយ៉ាងខ្ពស់ ប្រឹងប្រែងឱ្យអស់ពីសមត្ថភាព ទោះបីជាទទួលលទ្ធផលបែបណាក៏ដោយ។

នៅទីបំផុត លីវ ជីលី បានគ្រងមកុដ Miss Supranational Cambodia 2023 ហើយនៅរាត្រីផ្តាច់ព្រ័ត្រកាលពីរាត្រីថ្ងៃទី១ ខែមេសា នេះដោយម្ចាស់ជ័យលាភីមុន កញ្ញា អ៊ិន លក្ខណា ជាអ្នកផ្ទេរមកុដឱ្យ ខណៈនាងនឹងត្រូវតំណាងប្រទេសកម្ពុជាម្តងទៀតចូលរួមប្រកួតលើឆាកអន្តរជាតិ។

ទន្ទឹមនឹង លីវ ជីលី តំណាងឱ្យខេត្តកំពង់ធំក្លាយជាម្ចាស់មកុដថ្មីនេះក៏មានមតិវែកញែកមិនធម្មតាដូចគ្នានៅលើបណ្តាញសង្គមពីអ្នកគាំទ្រក្នុងវិស័យនេះ ដោយអ្នកខ្លះបានលើកឡើងថា «ការប្រកួតកម្មវិធីនេះមិនសុក្រឹតយុត្តិធម៌ មានភាពលម្អៀង បវរកញ្ញាផ្សេងទៀតមានសមត្ថភាពជាងនេះបែរជាមិនជាប់ កម្មវិធីហាក់និយមបក្ខពួក ហើយការប្រើប្រាស់ភាសាអង់គ្លេសរបស់ លីវ ជីលីនៅមានកម្រិតនៅឡើយ ពេលឆ្លើយសំណួរទៀតសោតក៏រាងចាកប្រធានដែរ»។
ជាមួយនឹងមតិរិះគន់ម្ចាស់មកុដថ្មី Miss Supranational Cambodia អ្នកខ្លះក៏បានលើកឡើងថា ការជាប់របស់ លីវ ជីលី គឺសមស្របហើយ ដោយមានការចូលរួមអបអរសាទរពីសំណាក់អ្នកគាំទ្ររបស់នាងផងដែរ។ បន្ថែមពីលើសនេះ លីវ ជីលី ក៏បានបេ្តជ្ញាចិត្តបំពេញតួនាទីរបស់ខ្លួនឱ្យល្អបំផុតទោះបីជាមានការបញ្ចេញមតិបែបណាក៏ដោយ។

គួរបញ្ជាក់ថា Miss Supranational Cambodia ២០២៣ ក្រៅពី លីវ ជីលី ជាម្ចាស់មកុដ លំដាប់់រងទី១ គឺបានទៅលើ Miss Supranational កែប លំដាប់រងទី២ Miss Supranational បាត់ដំបងលំដាប់រងទី៣ Miss Supranational ភ្នំពេញ និងលំដាប់រងទី៤ Miss Supranational រតនគិរី។

សូមរម្លឹកថា សម្រាប់បវរកញ្ញាតំណាងប្រទេសកម្ពុជាក្នុងកម្មវិធី Miss Supranational អន្តរជាតិ ឆ្នាំមុនគឺកញ្ញា អ៊ិន លក្ខណា ប៉ុន្តែនាងមិនបានទទួលជ័យលាភីណាមួយឡើយ ខណៈកម្មវិធីនេះទើបតែចាប់ផ្តើមនៅកម្ពុជារកឃើញម្ចាស់មកុដ២រូបប៉ុណ្ណោះ៕

គ្មានប្រទេសណារារាំងការបង្រួបបង្រួមជាតិរបស់ចិនជាមួយតៃវ៉ាន់បានទេ

admin

April 3, 2023

ប្រទេសចិន ៖ ចិនលើកឡើងថា គ្មានប្រទេស ឬកងកម្លាំងណាមួយអាចរារាំងចិនមិនឱ្យឈានដល់គោលដៅការបង្រួបបង្រួមជាតិជាមួយតៃវ៉ាន់បានទេ ហើយលោកស្រី Tsai Ing-wen គ្រាន់តែជាមេដឹកនាំថ្នាក់តំបន់របស់ចិនប៉ុណ្ណោះ ។

អ្នកនាំពាក្យក្រសួងការបរទេសចិន លោកស្រី Mao Ning បានថ្លែងកាលពីថ្ងៃទី៣១ ខែមីនាថា គ្មានប្រទេស ឬកងកម្លាំងណាមួយអាចរារាំងប្រទេសចិនមិនឱ្យឈានដល់គោលដៅការបង្រួបបង្រួមជាតិជាមួយតៃវ៉ាន់បានទេ ។ លោកស្រីបានថ្លែងបែបនេះទៅកាន់អ្នកសារព័ត៌មាន ដែលសួរអំពីការទៅកាន់ទឹកដីអាមេរិករបស់ប្រធានាធិបតីតៃវ៉ាន់ លោកស្រី Tsai Ing-wen ក្នុងអំឡុងពេលដំណើរទៅកាន់អាមេរិកកណ្តាល ។

លោកស្រី Mao Ning ថ្លែងថា ការទៅកាន់ទឹកដីអាមេរិករបស់លោកស្រី Tsai Ing-wen គឺក្នុងគោលបំណងព្យាយាមចង់បំបែកខ្លួន និងជាការពិសោធន៍ឱ្យឃើញថា ការទៅកាន់អាមេរិករបស់លោកស្រី Tsai Ing-wen មិនមែនគ្រាន់តែជាការឈៀងចូលទេ ប៉ុន្តែគឺព្យាយាមចង់បំបែកខ្លួនរបស់តៃវ៉ាន់ ។ ចិនសូមបញ្ជាក់ម្តងទៀតថា មិនថាមន្ត្រីតៃវ៉ាន់និយាយអ្វី ឬធ្វើអ្វីមួយទេ ក៏មិនអាចផ្លាស់ប្តូរការពិតថា តៃវ៉ាន់ជាទឹកដីមួយចំណែករបស់ចិន ហើយគ្មានអ្នកណាម្នាក់ ឬកងកម្លាំងណាមួយអាចរារាំងចិន ដើម្បីសម្រេចគោលដៅបង្រួបបង្រួមជាតិជាមួយតៃវ៉ាន់បានទេ ។

លោកស្រី Mao Ning ថ្លែងបន្តថា យើងសូមបញ្ជាក់ម្តងហើយម្តងទៀតអំពីគោលជំហរច្បាស់លាស់របស់យើងពាក់ព័ន្ធនឹងការឈៀងចូលទឹកដីអាមេរិករបស់លោកស្រី Tsai Ing-wen ថា ចិនប្រឆាំងនឹងទំនាក់ទំនងជាផ្លូវការ មិនថាក្នុងរូបភាពណាមួយទេរវាងអាមេរិកជាមួយតៃវ៉ាន់ ។ តៃវ៉ាន់ជាទឹកដីមួយផ្នែករបស់ចិន ហើយចិនប្រឆាំងនឹងការមកកាន់ទឹកដីអាមេរិករបស់មេដឹកនាំតៃវ៉ាន់ ព្រោះលោកស្រី Tsai Ing-wen គ្រាន់តែជាមេដឹកនាំថ្នាក់តំបន់របស់ចិនប៉ុណ្ណោះ ។ ក្នុងដំណើរទៅកាន់ទឹកដីអាមេរិក មិនថាក្នុងរូបភាពណាមួយ ឬនៅក្រោមលេសណាមួយទេ ចិននឹងប្រឆាំងដាច់ខាតចំពោះទំនាក់ទំនងរវាងរដ្ឋាភិបាលអាមេរិកជាមួយមន្ត្រីតៃវ៉ាន់ ។

ចំណែកប្រធានាធិបតីតៃវ៉ាន់ លោកស្រី Tsai Ing-wen បានធ្វើដំណើរទៅកាន់ប្រទេសពីរនៅអាមេរិកកណ្តាល គឺប្រទេសហ្គាតេម៉ាឡា និងបេលីស ដែលប្រទេសទាំងពីរនេះស្ថិតក្នុងចំណោម១៣ប្រទេសនៅលើពិភពលោក ដែលទទួលស្គាល់ និងមានទំនាក់ទំនងការទូតជាផ្លូវការជាមួយតៃវ៉ាន់ ។ លោកស្រី Tsai Ing-wen បានធ្វើដំណើរចេញពីតៃវ៉ាន់កាលពីថ្ងៃទី២៩ ខែមីនា កន្លងមក និងមានគម្រោងត្រឡប់មកតៃវ៉ាន់វិញ នៅថ្ងៃទី៧ ខែមេសា ឆ្នាំ២០២៣ ៕ ប្រភព ៖ TNN World

ចូលឆ្នាំខ្មែរ៣ថ្ងៃ! ទៅលេងសៀមរាប ក្រៅពីប្រាសាទមាន មានកន្លែងណាគួរដើរខ្លះ?

admin

April 3, 2023

កាលណាគេនិយាយពីខេត្តសៀមរាប គេតែងតែងនឹកឃើញដល់ប្រាសាទក្នុងតំបន់អង្គរ ជាពិសេសប្រាសាទអង្គរវត្ត។ ប៉ុន្តែមានតែមនុស្សមួយចំនួនតូចប៉ុណ្ណោះដែលដឹងពីវិសាលភាពធំទូលាយនៃខេត្តសៀមរាបថា ជាខេត្តមួយដែលសម្បូរទៅដោយតំបន់ទេសចរណ៍ជាច្រើន ទោះបីជាដើរមួយខែក៏មិនអស់ឡើយ។

ស្របពេលដែលថ្ងៃចូលឆ្នាំប្រពៃណីខ្មែរ ជិតមកដល់នោះ ភ្ញៀវទេសចរណ៍ដែលមានគម្រោងទៅសៀមរាប ក៏ប៉ុន្តែមិនដឹងថាទៅណាទៀតក្រៅពីទៅទស្សនាប្រាសាទអង្គរវត្តនោះ ថ្ងៃនេះគេហទំព័រ KBN សូមណែនាំកន្លែងដើរលេងមួយចំនួន ដែលលោកអ្នកមិនគួរមើលរំលងក្រៅពីប្រាសាទ។

+រមណីយដ្ឋានទឹកធ្លាក់ក្បាលស្ពាន
ក្បាលស្ពាន មានចម្ងាយ ៥០គីឡូម៉ែត្រ ពីសៀមរាប ដោយទិសដៅដូចគ្នានឹងទៅភ្នំគូលែនដែរ និងចម្ងាយ ១៨គម ពីបន្ទាយស្រី។ រមណីយដ្ឋានក្បាលស្ពានគឺជាន្លែងដែលគេស្គាល់ថាជា ជ្រលងនៃលិង្គ១០០០, ដែលមានចម្លាក់ធ្វើអំពីថ្មនៅក្នុង និងជុំវិញក្បាលស្ពាន ។

+កាហ្វេវប្បធម៌-សៀមរាប
ផ្ទះកាហ្វេវប្បធម៌សៀមរាបកសាងឡើងដើម្បីឲ្យប្រជាជនខ្មែរ និងជនជាតិបរទេស បានឃើញពីការថែរក្សា និងការពារមរតកវប្បធម៌ខ្មែរដែលមានតាំងពីសម័យដើមរហូតមកដល់បច្ចុប្បន្ន។ ភ្ញៀវដែលបានទៅអាចភ្លក្សរសជាតិកាហ្វេ និងតុបតែងខ្លួនស្លៀកសម្លៀកបំពាក់សម័យលង្វែក និងថតរូបទុកជាអនុស្សាវរីយ៍បាន។ តម្លៃចាប់ពី ២.៥ ដុល្លាឡើង។

+កន្លែងជិះស្គីលើផ្ទៃទឹក ICF Wake Park
ICF Water Park ជាឧទ្យានជិះស្គីលើទឹកមានតែមួយគត់ក្នុងប្រទេសកម្ពុជា។ ចំពោះតម្លៃគឺចាប់ពី ១៩ ដុល្លារឡើងទៅ បើកដំណើរការពីថ្ងៃចន្ទ ដល់ សៅរ៍។ ចំពោះក្មេងចាប់ពីអាយុ ១០ ឆ្នាំឡើងអាចជិះបាន។

+កន្លែងបាញ់ធ្នូបន្ទាយជ័យ ៨០២
ក្លឹបកីឡាបាញ់ធ្នូភូមិកម្ពុជា ជាកន្លែងបាញ់ធ្នូមួយត្រូវបានបង្កើតឡើងក្នុងគោលបំណងលើកស្ទួយ ក៏ដូចជាផ្សព្វផ្សាយមរតកដូនតាខ្មែរទៅដល់ភ្ញៀវទេសចរជាតិ និងអន្តរជាតិ ជាពិសេសកូនចៅខ្មែរជំនាន់ក្រោយឲ្យបានស្គាល់ដោយការដាក់តាំងបង្ហាញវត្ថុបុរាណជាច្រើនដែលបានបន្សល់ទុកតាំងពីសម័យអង្គរមកម្ល៉េះ។

+ខ្នងបារាយណ៍
ខ្នងបារាយណ៍មានទីតាំងស្ថិតនៅ ខាងជើងព្រលានយន្តហោះសៀមរាប ខាងក្រោយវត្តស្វាយរមៀត។សម្រាប់អ្នកទាំងអស់គ្នាដែលចង់ទៅកម្សាន្តនៅខ្នងបារាយណ៍ លោកអ្នកគួរតែទៅនាពេលរសៀលថ្ងៃជ្រេរបន្តិច ដើម្បីអាចផ្ដិតយកនូវរូបភាពដ៏ស្រស់ស្អាត។

+សហគមន៍ បាគងភូមិខ្ញុំ
តំបន់សហគមន៍ ទេសចរណ៍បាគងភូមិខ្ញុំ ជាតំបន់កម្សាន្តមួយដ៏ល្អសម្រាប់ជាលក្ខណៈគ្រួសារ និងមកជាមួយមនុស្សជាទីស្រលាញ់ ដោយសារកន្លែងនេះ មានភាពស្ងប់ស្ងាត់ល្អ ទេសភាពបៃតងស្រស់បំព្រង ខ្យល់បរិសុទ្ធ ជាពិសេសនោះមានកន្លែងជិះទូកលេងសប្បាយ រួមជាមួយកន្លែងកម្សាន្តជាច្រើនទៀត ដូចជាការបោះតង់ ស្ទូចត្រីជាដើម។

+ភូមិលិចទឹកកំពង់ផ្លុក

កន្លែងនេះគឺជាភូមិធម្មជាតិមួយនៅលើទឹក ដែលអាចឱ្យអ្នកទេសចរជិះទូក ឬកាណូតទេសចរណ៍លើផ្ទៃទឹក ទស្សនាទេសភាពលើផ្ទៃទន្លេសាបដែលមានព្រៃលិចទឹក សាលារៀន វត្តអារាម ជម្រកសត្វបក្សី និងកន្លែងបែបធម្មជាតិពិសេសជាច្រើនទៀតលើផ្លូវទឹក៕

មកទស្សនាវត្ថុយក្សៗមួយចំនួន ដែលមានវត្តមាននៅសៀមរាប ក្នុងថ្ងៃអង្គរសង្ក្រាន្ត

admin

April 3, 2023

ព្រឹត្តិការណ៍អង្គរសង្ក្រាន្តដែលធ្វើឡើងនៅថ្ងៃចូលឆ្នាំខ្មែរខាងមុខនេះ នឹងធ្វើឡើងក្រោមប្រធានបទ “ក្ដីស្រមៃ និងក្ដីសង្ឃឹម” ដេីម្បីជាការលើកយកនូវកេរ្តិ៍តំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមកធ្វើការរំលេចឡើងជាផ្ទាំង នៃទស្សនីយភាពវប្បធម៌ជាច្រើនដូចជា ល្បែងប្រជាប្រិយ របាំបុរាណ របាំប្រពៃណី និងរបាំប្រជាប្រិយ ការបង្ហាញពីជីវភាពរស់នៅរបស់ប្រជាជនកម្ពុជានៅតាមតំបន់ និង សិល្បៈទស្សនីយភាពជាច្រើនទៀត។

ខាងក្រោមនេះជាវត្ថុយក្សដែលនឹងត្រូវដាក់បង្ហាញនៅក្នុងកម្មវិធីភូមិខ្ញុំ នៃព្រឹត្តិការណ៍អង្គរសង្ក្រាន្តខួប១០ឆ្នាំ ត្រូវបានរៀបចំហើយ ដែលមានដូចជា មួកស្លឹកត្នោតយក្ស ចាប៉ីយក្ស អង្រុតយក្ស បំពង់ទឹកត្នោតយក្ស ខ្មុកយក្ស កន្ត្រងប្រហុកយក្ស និងសំបុកពងមាន់យក្ស។

https://blogger.googleusercontent.com/img/b/R29vZ2xl/AVvXsEiACaSXpVytpevkAcChLI5_QBgQqUmy4c9lMhm4vEUOAooxXrlAfuBh93gvrswxHmU5ZhF557kFcAz-dRsvplaehx1NwyN-ZcK5WhOUmFiCTqsJdKNLX3jRM_9lBpwF7a9kQV_5mUpBuTuo7O-Irxg38dVLTYiszQktbHMjhSvWIvMY_yBKkKzsNLo6/s1080/642640ec44f0f_1680228540_large.jpg

អបអរសាទរ! ផលិតផលស្រាបៀរ ហនុមាន របស់ក្រុមហ៊ុន ហនុមាន ប៊ែវើរីជីស នឹងមានវត្តមាននៅក្នុងទីផ្សារប្រទេសថៃក្នុងពេលឆាប់ៗខាងមុខនេះ!

admin

April 1, 2023

ក្រោមការសហការជាមួយក្រសួងពាណិជ្ជកម្មកម្ពុជា ក្រុមប្រឹក្សាធុរកិច្ចថៃ-កម្ពុជា បានចូលរួមជាមួយវិស័យឯកជនថៃ ដើម្បីជំរុញការវិនិយោគ និងត្រៀមខ្លួនជាស្រេចដើម្បីពង្រីកឱកាសពាណិជ្ជកម្មរវាងប្រទេសទាំងពីរ

បាងកក: ថ្ងៃទី២៨ ខែមីនា ២០២៣ក្រោមការសហការជាមួយក្រសួងពាណិជ្ជកម្ម និង ក្រុមប្រឹក្សាធុរកិច្ចថៃ-កម្ពុជា (Thailand-Cambodia Business Council: TCBC) សហការជាមួយវិស័យឯកជនថៃ បានរៀបចំសិក្ខាសាលា “ទិសដៅអនាគតនៃឱកាសពាណិជ្ជកម្ម និងការវិនិយោគនៅកម្ពុជា ឆ្នាំ២០២៣” (Future Direction of Trade and Investment Opportunities in Cambodia 2023) ក្រោមអធិបតីភាព ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មកម្ពុជា និង លោក Kriangkrai Thiennukul ប្រធានក្រុមប្រឹក្សាភិបាល និងជាប្រធានសហព័ន្ធឧស្សាហកម្មថៃ ដែលធ្វើឡើងនៅទីក្រុងបាងកក ប្រទេសថៃ ។ សិក្ខាសាលានេះ បានផ្សព្វផ្សាយ និងចែករំលែកព័ត៌មានស្តីពីស្ថានភាពសេដ្ឋកិច្ច និងទស្សនវិស័យ សម្រាប់ពាណិជ្ជកម្ម និងការវិនិយោគនៅកម្ពុជា ក្រោយវិបត្តិកូវីដ-១៩ ជាពិសេស បានឆ្លុះបញ្ចាំងពីទំនាក់ទំនង និងកិច្ចសហប្រតិបត្តិការជិតស្និទ្ធរវាងប្រទេសថៃ និងកម្ពុជា ដើម្បីសម្រេចឱ្យបានទំហំពាណិជ្ជកម្មទ្វេភាគីកម្ពុជា-ថៃ តម្លៃ ១៥ ពាន់លានដុល្លារ ដែលកំណត់ដោយនាយករដ្ឋមន្ត្រីនៃប្រទេសទាំងពីរ។

ក្នុងឱកាសថ្លែងសុន្ទរកថា ឯកឧត្តមរដ្ឋមន្រ្តី ប៉ាន សូរស័ក្តិ បានមានប្រសាសន៍ថា សារសំខាន់នៃសិក្ខាសិលាគឺអ្នកវិនិយោគថៃនឹងមានសក្តានុពលក្នុងការស្វែងរកព័ត៌មានពាក់ព័ន្ធទាំងអស់អំពីឱកាសពាណិជ្ជកម្ម និងការវិនិយោគនៅកម្ពុជា ព្រមទាំងលើកទឹកចិត្តពួកគេឱ្យធ្វើការសិក្សា វិនិយោគ និងពង្រីកការវិនិយោគរបស់ពួកគេ ជាពិសេសលើវិស័យសេដ្ឋកិច្ចជារង្វង់ (circular economy) និងកសិឧស្សាហកម្មនៅកម្ពុជា ដើម្បីទាញយកផលប្រយោជន៍ពីកិច្ចព្រមព្រៀងពាណិជ្ជកម្មទ្វេភាគី និងតំបន់។ ឯកឧត្តមក៏បាន ស្នើសុំសភាពាណិជ្ជកម្មថៃ និងក្រុមប្រឹក្សាធុរកិច្ចថៃ សហការជាមួយសភាពាណិជ្ជកម្មកម្ពុជា (CCC) សម្រាប់ការផ្លាស់ប្តូរទស្សនកិច្ចរវាងវិស័យឯកជននៃប្រទេសទាំងពីរ ដើម្បីបង្កើនសកម្មភាពពាណិជ្ជកម្ម និងវិនិយោគក្នុងប្រទេសទាំងពីរឱ្យកាន់តែស៊ីជម្រៅ ព្រមទាំងបានយកឱកាសនេះ អញ្ជើញវិស័យឯកជនពាក់ព័ន្ធ។

ជាមួយគ្នានោះដែរ លោក Kriangkrai Thiennukul ប្រធានគណៈកម្មការចម្រុះនៃស្ថាប័នវិស័យឯកជនចំនួន៣ (JSCCIB) រួមមានសភាពាណិជ្ជកម្មថៃ សហព័ន្ធឧស្សាហកម្មថៃ និងសមាគមធនាគារថៃ និង លោក Sanan Angubolkul ប្រធានក្រុមប្រឹក្សាភិបាលសភាពាណិជ្ជកម្មថៃ និងក្រុមប្រឹក្សាពាណិជ្ជកម្មថៃ បានបង្ហើបថា សិក្ខាសាលានេះ វាឆ្លុះបញ្ចាំងពីទំនាក់ទំនង និងកិច្ចសហប្រតិបត្តិការជិតស្និទ្ធរវាងប្រទេសថៃ និងកម្ពុជា ក្នុងសិក្ខាសាលានេះពិតជាទទួលបានកិត្តិយសដ៏ធំធេង ដោយមានរដ្ឋមន្ត្រីក្រសួងពាណិជ្ជកម្មកម្ពុជា រួមជាមួយគណៈប្រតិភូជាន់ខ្ពស់នៃរដ្ឋាភិបាលកម្ពុជាបានចូលរួមក្នុងសិក្ខាសាលា។ ហើយនៅក្នុងសិក្ខាសាលានេះ ក៏មានទាំងអ្នកជំនួញ ទាំងថៃ និងកម្ពុជា បានប្រមូលផ្តុំគ្នាចូលរួមនៅសាកលវិទ្យាល័យសភាពាណិជ្ជកម្មថៃ (UTCC) ដែលជាគ្រឹះស្ថានអប់រំដែលមានភាពលេចធ្លោក្នុងការលើកកម្ពស់ឧត្តមភាពក្នុងការប្រកបអាជីវកម្ម។ ក្នុងនាមសភាពាណិជ្ជកម្មថៃ និងក្រុមប្រឹក្សាពាណិជ្ជកម្មថៃ ពិតជាមានមោទកភាពយ៉ាងក្រៃលែង សម្រាប់ការរៀបចំព្រឹត្តិការណ៍ក្នុងថ្ងៃទី២៨ មីនា ឆ្នាំ២០២៣ កន្លងមកនេះ។

លោក Sanan ក៏បានមានប្រសាសន៍ថា ដោយមានការប្ដេជ្ញាចិត្ត និងកិច្ចសហការពីគ្រប់ភាគី អាចជឿជាក់បានថាសិក្ខាសាលាថ្ងៃនេះនឹងក្លាយជាការចាប់ផ្តើមនៃព្រឹត្តិការណ៍ដ៏សំខាន់មួយក្នុងការជំរុញសេដ្ឋកិច្ចរួមគ្នាតាមរយៈកិច្ចសហប្រតិបត្តិការនៃវិស័យឯកជនថៃ និងរដ្ឋាភិបាលកម្ពុជា ដើម្បីលើកកម្ពស់ និងបង្កើនតម្លៃសេដ្ឋកិច្ចរវាងប្រទេសទាំងពីរ។

លោក Woratat Tantimongkolsuk ប្រធានក្រុមប្រឹក្សាធុរកិច្ចថៃ-កម្ពុជា បានចូលរួមផ្តល់សុន្ទរកថា និងមានប្រសាសន៍ថា គោលបំណងសំខាន់នៃសិក្ខាសាលាគឺផ្តល់ចំណេះដឹង និងការយល់ដឹងអំពីការធ្វើអាជីវកម្មជាមួយកម្ពុជាក្នុងអំឡុងពេលក្រោយការរីករាលដាលនៃមេរោគកូវីដ-១៩ ទាំងក្នុងស្ថានភាពបច្ចុប្បន្ន និងទស្សនវិស័យសេដ្ឋកិច្ចកម្ពុជា ក៏ដូចជាច្បាប់ពាណិជ្ជកម្ម ការវិនិយោគ និងការការពារអ្នកប្រើប្រាស់សំខាន់ៗថ្មីរបស់កម្ពុជា។ ក្រៅពីនេះក៏បានទទួលកិត្តិយសពីប្រធានការិយាល័យជំរុញពាណិជ្ជកម្មអន្តរជាតិរាជធានីភ្នំពេញបានបង្ហាញនូវទិដ្ឋភាពទូទៅនៃស្ថានភាពសេដ្ឋកិច្ចរបស់កម្ពុជា ស្ថិតិពាណិជ្ជកម្មរវាងប្រទេសថៃ និងកម្ពុជា ក៏ដូចជាទទួលបានកិច្ចសហប្រតិបត្តិការពីតំណាងវិស័យធុរកិច្ចថៃ ចែករំលែកបទពិសោធន៍ និងបង្ហាញពីឱកាសកាន់តែច្រើននៅក្នុងទីផ្សារលក់រាយ និងលក់ដុំនៅកម្ពុជា ក៏ដូចជាសក្តានុពលវិនិយោគ និងឱកាសនាំចេញ។

ព្រឹត្តិការណ៍សំខាន់មួយទៀតនៃសិក្ខាសាលាថ្ងៃនេះ គឺពិធីចុះហត្ថលេខា លើអ្នកចែកចាយផ្តាច់មុខក្នុងប្រទេសថៃ រវាងក្រុមហ៊ុន Hanuman Beverages និង Yakyim Intertrade Co.,Ltd ដើម្បីចែកចាយផលិតផល ស្រាបៀរ ហនុមាននៅក្នុងទីផ្សារប្រទេសថៃ ដែលជាសក្ខីភាពនៃកិច្ចសហប្រតិបត្តិការដើម្បីពង្រឹងទំនាក់ទំនងល្អរវាងថៃ និងកម្ពុជាក្នុងការធ្វើអាជីវកម្ម។ ភាគីប្រទេសថៃមានសេចក្តីសោមនស្សរីករាយជាខ្លាំងក្នុងការគាំទ្រផលិតផលខ្មែរដើម្បីដាក់លក់នៅក្នុងទីផ្សារប្រទេសថៃដែលជាការជួយលើកកម្ពស់តុល្យភាពពាណិជ្ជកម្មរវាងប្រទេសទាំងពីរ និង ប្តេជ្ញាចាប់ដៃនឹងកម្ពុជាធ្វើការរួមគ្នាដើម្បីបង្កើតភាពរីកចម្រើនសេដ្ឋកិច្ចជាមួយគ្នា។ ប្រជាពលរដ្ឋខ្មែរ និង បរទេស ព្រមទាំងប្រជាពលរដ្ឋ ថៃ នឹងទទួលបាននូវស្រាបៀរដែលមានរសជាតិពោពេញដោយវិសាលភាព។

ក្រុមហ៊ុនហនុមាន ប៊ែវើរីជីស ឯ.ក ត្រូវបានបង្កើតឡើងដោយកូនខ្មែរ ផ្តួចផ្តើមឡើងដោយស្ថាបនិការ លោកជំទាវ
ខៀវ សស៊ីលៀប ជាមួយទុនវិនិយោគប្រមាណ ១៦០ លានដុល្លារ ដែលបំពាក់ដោយបច្ចេកវិទ្យាទំនើបចុងក្រោយបង្អស់ពីអឺរ៉ុប ស្របទៅតាមបទដ្ឋានស្តង់ដារលំដាប់ពិភពលោក ជាមួយចក្ខុវិស័យវែងឆ្ងាយប្រកបដោយវិសាលភាព ហើយផ្តោតសំខាន់លើ ឧត្តមភាព នៃគុណតម្លៃ ក្នុងការរក្សាស្ថិរភាពលើគុណភាពផលិតផល ក៏ដូចជាការគាំទ្រលើយុទ្ធសាស្រ្តល្អៗ ដើម្បីនិរន្តរភាពដល់ការពង្រីកអាជីវកម្មជាចម្បង ជាពិសេសគឺជំរុញបន្ថែមលើការកសាងគុណភាពម៉ាកសញ្ញាកូនខ្មែរទៅកាន់សកលលោក។

ស្វាគមន៍ស្មាតហ្វូនដែលមានរាងថ្មី…បច្ចេកវិទ្យាថ្មីទាក់ទាញ Samsung Galaxy A34 | A54 5G មកដល់ទីផ្សារកម្ពុជាជាមួយកាដូផ្ដល់ជូនម៉ាពេញបេះដូងតែម្ដង…!! អេក្រង់ធំច្បាស់ ថតស្អាតកប់ស៊េរី ថ្មកាន់ប្រើឡើងហត់…!!!

admin

April 1, 2023

(ភ្នំពេញ) ថ្ងៃទី ០១ ខែមេសា ឆ្នាំ២០២៣៖ អ្នកណានិយាយថាចង់ប្រើស្មាតហ្វូនដែលទំនើបទាន់សម័យ និងលេចធ្លោត្រូវចំណាយលុយច្រើននោះ? ដូចអ្វីដែលក្រុមហ៊ុន សាមសុង បានសន្យាអញ្ចឹងថាធ្វើយ៉ាងណានឹងផ្តល់ឱ្យអតិថិជនរបស់ខ្លួនទាំងអស់ទទួលបាននូវជម្រើសបទពិសោធន៍យ៉ាងច្រើនសម្បូរបែបនៃការផ្លាស់ប្តូរពិភពស្មាតហ្វូននាពេលអនាគត!

ជាក់ស្តែងថ្ងៃនេះក្រុមហ៊ុន សាមសុង បានផ្តល់នូវភាពភ្ញាក់ផ្អើលដោយនំាយកនូវស្មាតហ្វូន Samsung Galaxy A34 5G និង Galaxy A54 5G ជំនាន់ថ្មី ដែលទំនើបអស្ចារ្យជាមួយនឹងតម្លៃយ៉ាងពិសេសដែលសឹងតែមិនគួរឱ្យជឿមកលក់ជាផ្លូវការក្នុងប្រទេសកម្ពុជាយើង!

ពិសេសតែម្តងជាមួយនឹងការផ្ដល់ជូននូវកាដូដ៏អស្ចារ្យរាល់ការជាវ Samsung Galaxy A34 5G និង Galaxy A54 5G ចាប់ពីថ្ងៃនេះនឹងទទួលបានការថែមជូននូវកៅអីបត់ពិកនិកនិងកាបូបរក្សាសីតុណ្ហភាពដ៏ស្រស់ស្អាតភ្លាមៗសម្រាប់ការផ្តល់ជូននេះរហូតដល់រង្វាន់អស់ពីស្តុក!!

ឥឡូវនេះយើងមកដឹងពីលក្ខណៈសម្បត្តិដ៏អស្ចារ្យរបស់ Samsung Galaxy A34 5G និង Galaxy A54 5G ម្ដងមើល៎ ថាមានកន្លែងពិសេសអ្វីខ្លះតោះទៅតាមដានទាំងអស់គ្នា…!!

*Samsung Galaxy A54
– អេក្រង់ធំទំហំ 6.4″ ប្រភេទ Super AMOLED និងកម្រិតភាពច្បាស់ខ្ពស់, 120Hz Refresh rate និងមាន ពន្លឺអេក្រង់បញ្ចេញខ្លាំងរហូត 1000 nits
– ដាំមកជាមួយកាមេរ៉ាគោល 50MP (f1.8) AF OIS, Ultra Wide 12MP (f2.2), Macro 5MP(f2.4) និង កាមេរ៉ាមុខទំហំ 32MP (កម្រិតភាពច្បាស់ឥតខ្ចោះជាមួយមុខងារ Nightography ថតពេលយប់ និងទប់លំនឹងបានយ៉ាងល្អ ថតវីដេអូដោយបច្ចេកវិទ្យា OIS 1.5°)
– ប្រព័ន្ធដំណើរការលឿនលូន និងឆ្លាតវ័យនៃបន្ទះឈីប Exynos 1380
– កម្លាំងថាមពលថ្មខ្លាំង 5,000 mAh (សាកថ្មលឿន) អាយុកាលប្រើប្រាស់បានរហូតដល់ 2 ថ្ងៃ
– ទំហំផ្ទុកធំរហូតដល់ 128GB Ram 8GB + Ram Plus 8GB (Storage 256GB depend on marketing)
– ប្រព័ន្ធការពារជ្រាបទឹកកម្រិតខ្ពស់ IP67 (ការពារជម្រាបទឹកធន់នៅក្នុងទឹកជម្រៅ 1ម៉ែត្ររយៈពេល 30នាទី)
– ដំណើរការដោយប្រព័ន្ធ 5G
– កម្រិតសម្លេង Stereo Surround Sound (Dolby Atmos)
– មានមុខងារ “Voice Focus” កាត់បន្ថយសម្លេងរំខានពេលខលបានយ៉ាងល្អ

រីឯ Samsung Galaxy A34
– មានអេក្រង់ធំច្បាស់ត្រជាក់ភ្នែក 6.6” ប្រភេទ Super AMOLED និងកម្រិតភាពច្បាស់ខ្ពស់, 120Hz Refresh rate និងមានពន្លឺអេក្រង់បញ្ចេញខ្លាំងរហូត 1000 nits
– កាមេរ៉ាគោល 48MP (f1.8) AF OIS, Ultra Wide 8MP (f2.2), Macro 5MP (f2.4) និង កាមេរ៉ាមុខទំហំ 13MP (កម្រិតភាពច្បាស់ល្អជាមួយមុខងារ Nightography ថតពេលយប់ និងទប់លំនឹងបានយ៉ាងល្អ ថតវីដេអូដោយបច្ចេកវិទ្យា OIS 1.5°)
– ប្រព័ន្ធដំណើរការលឿនលូន និងឆ្លាតវ័យនៃបន្ទះឈីប MediaTek Dimension 1080
– កម្លាំងថាមពលថ្មខ្លាំង 5,000 mAh (សាកថ្មបានលឿន) អាយុកាលប្រើប្រាស់បានរហូតដល់ 2 ថ្ងៃ
– ទំហំផ្ទុកធំរហូតដល់ 128GB Ram 8GB + Ram Plus 8GB (Storage 256GB depend on marketing)
– ប្រព័ន្ធការពារជ្រាបទឹកកម្រិតខ្ពស់ IP67 (ការពារជម្រាបទឹកធន់នៅក្នុងទឹកជម្រៅ 1ម៉ែត្ររយៈពេល 30នាទី)
– ដំណើរការដោយប្រព័ន្ធ 5G
– កម្រិតសម្លេង Stereo Surround Sound (Dolby Atmos)
– មានមុខងារ “Voice Focus” កាត់បន្ថយសម្លេងរំខានពេលខលបានយ៉ាងល្អ

អូហូ…! អែមណាស់!! មកក្នុងសំណុំប៉ុណ្ណេះបែបថ្លៃហើយមើលទៅ? អត់ថ្លៃទេ…ខ្ញុំហ៊ានធានា…! តម្លៃគឺ ពិសេសសឹងតែមិនគួរឱ្យជឿទាល់តែសោះ!

សូមធានា Samsung Galaxy A34 និង A54 ពិតជាស្មាតហ្វូនជំនាន់ថ្មីដែលល្អទាំងតម្លៃ…ទាំងគុណភាព និង ស័ក្តិសមបំផុតសម្រាប់លោកអ្នក! ចង់បានស្មាតហ្វូនដ៏ល្អមួយគ្រឿងប្រើ…មានអីទៅពិបាកទៀតនោះ!! ប្រញាប់រួសរាន់ទិញថ្ងៃនេះឱ្យលឿនភ្លាមទៅតិចប្រយ័ត្នអត់ទាន់ប្រូម៉ូសិនណា៎!!

បញ្ជាក់: សូមអតិថិជនធ្វើការបញ្ជាទិញទូរស័ព្ទដៃដែលមានការធានាត្រឹមត្រូវពីខាងក្រុមហ៊ុន!!!

សូមបញ្ជាក់ ក្រុមហ៊ុន សាមសុង នៅតែបន្តគាំទ្រយ៉ាងពេញទំហឹងអស់ពីកម្លាំងកាយកម្លាំងចិត្ត ដើម្បីធ្វើ យ៉ាងណាឱ្យទីក្រុង ប៊ូសាន នៃប្រទេសកូរ៉េ ក្លាយម្ចាស់ផ្ទះនៃព្រឹត្តិការណ៍ពិព័រណ៍ពិភពលោក World Expo 2030 នាពេលខាងមុខផងដែរ។

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់ឬតេស្តដោយផ្ទាល់ដៃនៅតាមហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬ ក៏អាច ចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន 24/7 ឥតគិតថ្លៃតាមរយៈទូរស័ព្ទលេខ៖ 1800-20 32 32!

ពីធីចែកវិញ្ញាបនបត្រជូនដល់និស្សិតដែលបញ្ចប់វគ្គសិក្សាក្រោមកម្មវិធី “Samsung Innovation Campus”

admin

April 1, 2023

ភ្នំពេញ៖ កាលពីថ្ងៃទី ៣១ ខែមីនា ឆ្នាំ២០២៣ ក្រោយពីការដាក់សម្ពោធឲ្យដំណើរការជាផ្លូវការនូវកម្មវិធី “Samsung Innovation Campus” របស់ក្រុមហ៊ុន សាមសុង កាលពីឆ្នាំ 2022 រួចមក ថ្ងៃនេះក្រុមហ៊ុន សាមសុង និងសាកលវិទ្យាល័យភូមិន្ទភ្នំពេញបានរៀបចំពីធីចែកវិញ្ញាបនបត្រជូនដល់និស្សិតដែលបញ្ចប់វគ្គសិក្សា “Cording & Programming” ឆ្នាំ 2022 និងប្រកាសបើកវគ្គសិក្សាថ្មី Big Data ផងដែរ ។

កម្មវិធីនេះត្រូវបានប្រព្រឹត្តឡើងក្នុងបរិវេណសាកលវិទ្យាល័យភូមិន្ទភ្នំពេញ នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) ក្រោមអធិបតីភាព ឯកឧត្តមបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ និងលោក Hyun Geun Lee អគ្គនាយកសាខាក្រុមហ៊ុនថៃសាមសុងអេឡិកត្រូនិកប្រចាំប្រទេសកម្ពុជា ។ កម្មវិធីចែកវិញ្ញាបនបត្រនេះធ្វើឡើងជូនដល់សិស្សនិស្សិតចំនួន 60 នាក់ ដែលបានចូលរួមក្នុងវគ្គសិក្សាតាំងពីខែ សីហា 2022 រហូតដល់ចុងខែ មករា 2023 និងប្រលងបញ្ចប់វគ្គដោយជោគជ័យក្នុងខែកុម្ភៈកន្លងមកនេះ ។ ស្របក្នុងពេលជាមួយគ្នាផងដែរក្រុមហ៊ុន សាមសុងក៏បានប្រកាសបើកវគ្គសិក្សាថ្មីកម្រិតខ្ពស់គឺវគ្គសិក្សា “Big Data” ដែលនឹងចាប់ផ្តើមពីថ្ងៃទី 20 ឧសភា រហូតដល់ដំណាច់ឆ្នាំ 2023 ។

លោក Hyun Geun Lee អគ្គនាយកគ្រប់គ្រងក្រុមហ៊ុនសាមសុងប្រចាំប្រទេសកម្ពុជាបានមានប្រសាសន៍ថា “ខ្ញុំពិតជារំភើបរីករាយ និងសូមអបអរសាទរដល់សិស្សនិសិ្សតទាំងអស់ដែលបានបញ្ចប់ការសិក្សាលើមុខវិជ្ជា “Cording & Programming” នាពេលនេះហើយសូមកោតសរសើរដល់សិស្សនិសិ្សតទាំងអស់ដែលខិតខំប្រឹងប្រែងសិក្សារៀនសូត្ររហូតទទួលបានជោគជ័យ ។ ជាមួយនឹងលទ្ធផលដ៏ប្រសើរនេះ ក្រុមហ៊ុនសាមសុងបានបន្តធ្វើការយ៉ាងជិតស្និទ្ធជាមួយសាកលវិទ្យាល័យភូមិន្ទភ្នំពេញ ហើយសម្រចបង្កើតវគ្គសិក្សាកម្រិតខ្ពស់ Big Data Course ។ ខ្ញុំជឿជាក់ថា វគ្គសិក្សា Coding & Program និង Big Data នឹងផ្តល់ដល់និស្សិតកម្ពុជានូវចំណេះដឹងយ៉ាងល្អលើផ្នែក ទំនាក់ទំនងព័ត៌មានវិទ្យា ដែលនិសិ្សតទាំងអស់នឹងអាចយកជំនាញនេះទៅអភិវឌ្ឍន៍ប្រទេសជាតិឲ្យកាន់តែរីកចម្រើនឈានទៅមុខ។”

ឯកឧត្តមបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ ក៏បានមានមតិផ្តាំផ្ញើដល់និស្សិតទាំងអស់ផងដែរថា “ជាដំបូងខ្ញុំក៏សូមអបអរសាទរដល់និស្សិតដែលបានបញ្ចប់វគ្គ coding and programing ទាំង 60 នាក់។ សូមអរគុណដល់ក្រុមហ៊ុន សាមសុង ដែលបានជ្រើសរើសយកសាកលវិទ្យាល័យភូមិន្ទភ្នំពេញជាដៃគូសហការក្នុងការបើកវគ្គបណ្តុះបណ្ដាលមួយនេះឡើង។ ខ្ញុំសូមបញ្ជាក់ផងដែរថា ក្រុមហ៊ុន សាមសុង បានបង្កើតវគ្គសិក្សានេះឡើងគឺពិតជាល្អមែនទែន ព្រោះនេះជាតម្រូវការរបស់សាកលវិទ្យាល័យ ហើយខ្ញុំជឿជាក់ថាក្រុមហ៊ុន សាមសុង នឹងនៅតែបន្តជួយគាំទ្រគម្រោងនេះបន្តទៀត ដើម្បីជាប្រយោជន៍ដល់យុវជនកម្ពុជាយើងនាពេលអនាគត។ ជាចុងក្រោយខ្ញុំសុំកើនរំលឹកសិស្សនិស្សិតទាំងអស់ត្រូវតែខិតខំប្រឹងប្រែងរៀនជំនាញនេះ ព្រោះតទៅមុខទៀតការងារជាច្រើនគឺទាមទារឱ្យមានជំនាញបច្ចេកវិទ្យាជាចាំបាច់។”

ស្របពេលនេះដែរ ក្រុមហ៊ុន សាមសុង ក៏បានធ្វើការប្រគល់ជូននូវរង្វាន់លើកទឹកចិត្តជូនដល់និសិ្សតឆ្នើមចំនួន 3 រូប ដែលទទួលបានចំណាត់ថ្នាក់ពិសេស៖
– និស្សិតដែលជាប់ចំណាត់ថ្នាក់លេខ 1 គឺទទួលបាននាឡិកាដៃ Samsung Watch 5 pro
– និសិ្សតដែលជាប់ចំណាត់ថ្នាក់លេខ 2 និង លេខ 3 គឺទទួលបាននាឡិកាដៃ Samsung Watch 5ម្នាក់ 1រង្វាន់ ផងដែរ។

សូមបញ្ជាក់ផងដែរថា កម្មវិធី “Samsung Innovation Campus” គឺជាផ្នែកមួយនៃកម្មវិធីជំនួយសង្គមរបស់ក្រុមហ៊ុន សាមសុង សម្រាប់និស្សិតកម្ពុជា ក្នុងការពង្រឹងសមត្ថភាពលើផ្នែកវិទ្យាសាស្រ្ត បច្ចេកវិទ្យា និង ទំនាក់ទំនងព័ត៌មានវិទ្យា ដើម្បីចូលរួមអភិវឌ្ឍន៍សង្គមជាតិស្របតាមគោលនយោបាយរាជរដ្ឋាភិបាលកម្ពុជាក្នុងការឈានទៅរកឧស្សាហកម្ម4.0 ។ ក្រុមហ៊ុនសាមសុងនៅតែបន្តជួយដល់សង្គមក្នុងការផ្តល់ផលវិជ្ជមាន និងប្រយោជន៍ក្នុងការពង្រឹងចំណេះដឹងយុវជនសម័យថ្មីតាមរយៈកម្មវិធីនានា, រួមទាំងកម្មវិធី Samsung Innovation Campus ដើម្បីពង្រីកជំនាញ និងពង្រឹងសមត្ថភាពរបស់ពួកគេឲ្យកាន់តែរឹងមាំជាងមុនទៀត។
សូមរំលឹកថា ក្រុមហ៊ុន សាមសុង គឺជាសមាជិកសកម្មក្នុងវិស័យឯកជនដែលធ្វើសកម្មភាពគាំទ្រដល់ទីក្រុង ប៊ូសាន នៃប្រទេសកូរ៉េ ក្លាយជាម្ចាស់ផ្ទះនៃព្រឹត្តិការណ៍ពិព័រណ៍ពិភពលោក World Expo 2030 នាពេលខាងមុខផងដែរ។

អេស្ប៉ាញប្រឈមនឹងភ្លើងឆេះព្រៃដោយសារសីតុណ្ហភាពឡើងខ្ពស់

admin

March 31, 2023

ប្រទេសអេស្ប៉ាញ ៖ មន្ត្រីរដ្ឋាភិបាលអេស្ប៉ាញបាននិយាយថា កាលពីថ្ងៃទី៣០ ខែមីនា មានភ្លៀងឆេះព្រៃជាង១០០កន្លែងនៅតំបន់ Asturias ស្ថិតនៅភាគខាងជើងប្រទេសអេស្ប៉ាញ ។ នៅនិទាឃរដូវរបស់អេស្ប៉ាញមានសីតុណ្ហភាពកើនឡើងខ្ពស់នៅទូទាំងប្រទេសដែលមិនធ្លាប់ជួបពីមុនមក ហើយវាបានធ្វើឱ្យភ្លើងកាន់តែឆេះព្រៃខ្លាំងឡើង ។

បើតាមទិន្នន័យរបស់ការិយាល័យឧតុនិយម AEMET របស់អេស្ប៉ាញឱ្យដឹងថា នៅថ្ងៃទី២៩ ខែមីនា ប្រទេសអេស្ប៉ាញមានសីតុណ្ហភាពខ្ពស់ជាងធម្មតាពី៧-១៤អង្សារសេ ។ ការដឹកជញ្ជូនសម្ភារនានានៅតាមផ្លូវ ការប្រើប្រាស់គ្រឿងយន្ត និងឧបករណ៍ផ្សេងៗនៅក្នុងព្រៃ គឺជាមូលហេតុធ្វើឱ្យភ្លើងឆេះព្រៃកាន់តែច្រើន ។

តាមការផ្សព្វផ្សាយរបស់ស្ថានីយទូរទស្សន៍ក្នុងស្រុកបានបង្ហាញពីរថយន្តជាច្រើនគ្រឿង ដែលបើកចេញពីអណ្តាតភ្លើងឆាបឆេះក្នុងចម្ងាយមិនឆ្ងាយប៉ុន្មាន ហើយភ្នាក់ងារការពារគ្រោះមហន្តរាយបានបាញ់ទឹកពន្លត់ភ្លើងផងដែរ ។

ប្រទេសអេស្ប៉ាញបានតស៊ូជាមួយភ្លើងឆេះព្រៃដ៏ខ្លាំងក្លាជាលើកដំបូងនៅឆ្នាំ២០២៣នេះ ។ វាបានឆេះរាលដាលក្នុងតំបន់ Valencia ស្ថិតនៅភាគខាងកើតប្រទេសតាំងពីសប្តាហ៍មុន ហើយភ្លើងបានបំផ្លាញព្រៃអស់ជាច្រើនហិកតា ។

ជាមួយគ្នានេះ កាលពីថ្ងៃទី២៩ ខែមីនា នៅក្នុងទីក្រុងជាច្រើន និងនៅប្រជុំកោះកាណារីរបស់ប្រទេសអេស្ប៉ាញ សីតុណ្ហភាពបានកើនឡើងដល់៤០អង្សារសេ ដែលបណ្តាលឱ្យពលរដ្ឋ និងភ្ញៀវទេសចរត្រូវចេញមកលេងទឹក និងទទួលយកខ្យល់នៅឆ្នេរមហាសមុទ្រអាត្លង់ទិក ។ អាជ្ញាធរប្រចាំកោះកាណារីបានប្រកាសឱ្យពលរដ្ឋរស់នៅទីនេះប្រុងប្រយ័ត្នចំពោះសីតុណ្ហភាពកើនឡើងខ្ពស់នៅកោះ Gran Canaria ផងដែរ ៕ ប្រភព ៖ TNN World

1...1,7561,7571,758...2,009 Page 1,757 of 2,009

Khmer Breaking News

តៃវ៉ាន់ជំរុញទំនាក់ទំនងទ្វេភាគី និងសេដ្ឋកិច្ចជាមួយហ្គាតេម៉ាឡា

ការទំពារស្ករកៅស៊ូនៅក្នុងប្រទេសសមាជិកអាស៊ានមួយនេះ នឹងត្រូវជាប់ពន្ធនាគារ

លីវ ជីលី ក្លាយជាម្ចាស់មកុដ Miss Supranational Cambodia ខណៈមានមតិវែកញែកមិនធម្មតា

គ្មានប្រទេសណារារាំងការបង្រួបបង្រួមជាតិរបស់ចិនជាមួយតៃវ៉ាន់បានទេ

ចូលឆ្នាំខ្មែរ៣ថ្ងៃ! ទៅលេងសៀមរាប ក្រៅពីប្រាសាទមាន មានកន្លែងណាគួរដើរខ្លះ?

មកទស្សនាវត្ថុយក្សៗមួយចំនួន ដែលមានវត្តមាននៅសៀមរាប ក្នុងថ្ងៃអង្គរសង្ក្រាន្ត

ពីធីចែកវិញ្ញាបនបត្រជូនដល់និស្សិតដែលបញ្ចប់វគ្គសិក្សាក្រោមកម្មវិធី “Samsung Innovation Campus”

អេស្ប៉ាញប្រឈមនឹងភ្លើងឆេះព្រៃដោយសារសីតុណ្ហភាពឡើងខ្ពស់

EVEN MORE NEWS

អ៊ីរ៉ង់គំរា.មកាត់ផ្តាច់ខ្សែអុបទិកក្រោមបាតសមុទ្រ ធ្វើឲ្យពិភពលោកទាំងមូលដាច់អ៊ីនធឺណិត

ផ្លូវចិត្តល្អប្រសើរ ធ្វើឱ្យ តារាចម្រៀង មាស សុខសោភា ប្រែរូបរាងខុសពីមុន

ទេព បូព្រឹក្ស គ្រោងយកស្បៃខ្មែរបង្ហាញនៅក្នុងការសម្តែងនៅឯប្រទេសហ្វីលីពីន

POPULAR CATEGORY