សាកលវិទ្យាល័យភូមិន្ទវិចិត្រសិល្បៈ បានផ្លាស់ប្តូរទីតាំងទៅក្បែរវត្តកៀនឃ្លាំង សង្កាត់ជ្រោយចង្វារ នៅលើទំហំដី ៤ ហិកតា ស្របពេលដែលទីតាំងចាស់នឹងត្រូវយកទៅខាងសារមន្ទីរជាតិដើម្បីលើកកម្ពស់អត្តសញ្ញាណវប្បធម៌ជាតិខ្មែរ។
អ្នកនាំពាក្យក្រសួងវប្បធម៌ និងវិចិត្រសិល្បៈបានថ្លែងប្រាប់អ្នកសារព័ត៌មានថាជុំវិញការសម្រេចប្តូរទីតាំងសាកលវិទ្យាល័យភូមិន្ទវិចិត្រសិល្បៈនេះគឺជាការគិតដ៏ត្រឹមត្រូវ និងជាផ្លូវការ។
“ទីតាំងបច្ចុប្បន្ន នឹងថែរក្សាមិនឱ្យបាត់បង់មួយចម្រៀកណាទៅដៃឯកជននោះទេគឺស្ថិតនៅតែជាសម្បត្តិបេតិកភណ្ឌវប្បធម៌របស់ជាតិសូមឱ្យទាំងអស់គ្នាទាំងអ្នកសារព័ត៌មាន និងសាធារណជនបានត្រជាក់ចិត្តចិត្តចុះ”។
“យើងចង់ពង្រីកទីតាំងនេះប្អូនមើលខាងមុខនោះគឺសារមន្ទីរជាតិដែលជាព្រះរាជាណាចក្រអច្ឆរិយមហាអំណាចវប្បធម៌គួរនៅប៉ុណ្ណឹងទេគួរនៅតូចច្រមក់អ៊ីចឹងទេបើសិនយើងអាចធ្វើឱ្យទៅជាធំបានល្អបានមានសោភណភាពជាងនេះបានវាស័ក្តិសមនឹងទឹកដី និងកេរ្តិ៍ឈ្មោះរបស់ប្រទេសយើងនៅលើពិភពលោក”៕
