ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា កូនផ្សោតមួយក្បាលជាកូនផ្សោតទី៣ ក្នុងឆ្នាំនេះអាយុប្រមាណ១សប្តាហ៍បានប្រទះឃើញ នាថ្ងៃទី២៥ ខែមេសា ឆ្នាំ២០២៣ ស្ថិតនៅស្រុកសៀមបូក ខេត្តស្ទឹងត្រែង។

តាមការជូនដំណឹងបានឱ្យដឹងថា ក្រុមស្រាវជ្រាវនៃខណ្ឌរដ្ឋបាលជលផលខេត្តក្រចេះ និងស្ទឹងត្រែង រដ្ឋបាលជលផល និងអង្គការWWFបានកត់ត្រាកូនផ្សោតថ្មីមួយ នៅម៉ោង ១៣៖៤២នាទី នាថ្ងៃទី២៥ ខែមេសា ឆ្នាំ២០២៣ នៅចំណុច ០៦០០០៧៦,១៤៧២៥០០ នៃអន្លង់កោះកូនសាត់ ភូមិកោះព្រះ ឃុំកោះព្រះ ស្រុកសៀមបូក ខេត្តស្ទឹងត្រែង។ តាមការអង្កេត កូនផ្សោតទើបកើតថ្មីនេះមានអាយុប្រមាណ១សប្តាហ៍កំពុងហែលជាមួយផ្សោតពេញវ័យ២ក្បាលទៀត។

សូមបញ្ជាក់ជូនថា កូនផ្សោតថ្មីនេះ ជាកូនផ្សោតទី០៣ហើយដែលត្រូវបានកត់ត្រាចាប់តាំងពីខែមករា ដល់ខែមេសា ឆ្នាំ២០២៣ ខណៈក្នុងឆ្នាំ២០២២ក្រុមការងារបានកត់ត្រាកូនផ្សោតបានចំនួន០៦ក្បាល៕

ចូលចិត្ត​ដើរលេង​នៅ​ប្រទេស​ក្រៅ​មែន​ទេ? ពិបាក​ក្នុង​ការ​ ទំនាក់ទំនង​ជាមួយ​ជនជាតិ​គេ​មែន​ទេ? ទាំង​នេះ​លែង​ជា​ការ​បារម្ភ​ទៀត​ហើយ​ បើ​អ្នក​បាន​ត្រៀម​ខ្លួន​រួច​ជា​ស្រេច​មុន​នឹង​ទៅ​កន្លែង​ណា​មួយ ឬ​បាន​ស្រាវជ្រាវ​ថា​កន្លែង​នោះ​និយាយ​ភាសា​អ្វី នោះ​ការ​ធ្វើ​ដំណើរ​របស់​អ្នក​នឹង​កាន់​តែ​​មាន​ភាព​ងាយ​ស្រួល ព្រម​ទាំង​សប្បាយ​រីករាយ​ជាក់​ជា​មិន​ខាន។

+ទូរសព្ទ​ស្មាតហ្វូន

ពិត​ណាស់​ទូរសព្ទ​ស្មាត​ហ្វូន ជា​មិត្ត​សំខាន់​សម្រាប់​មនុស្ស​គ្រប់​គ្នា​ នា​សម័យ​បច្ចុប្បន្ន​នេះ ហើយ​ទូរសព្ទ ក៏​ជា​ជំនួយ​យ៉ាង​ពិសេស​ពេល​អ្នក​ធ្វើ​ដំណើរ​ទៅ​ប្រទេស​ក្រៅ​ផង​ដែរ។ អ្នក​អាច ដោត​ឡួត App ភាសា​ដែល​អ្នក​នឹង​ទៅ​លេង ព្រោះ​ថា​សម័យ​ជឿន​លឿន​នេះ បើ​ទោះ​បី​ជា​អ្នក​មិន​ចេះ​ភាសា​ក៏​អាច​ទំនាក់ទំនង​ទៅ​គេ​បាន​យ៉ាង​ងាយ​ស្រួល ដោយ​គ្រាន់​តែ​ប្រើ​ប្រាស់​ទូរសព្ទ​ស្មាតហ្វូន​ប៉ុណ្ណោះ។

+សៀវភៅ​ទេសចរណ៍

បើ​ទោះ​បី​ជា​បច្ចុប្បន្ន​ ស្មាតហ្វូន ងាយ​ស្រួល​ក៏​ដោយ​តែ​យ៉ាង​ណា​គួរ​ត្រៀម​សៀវភៅ​សន្ទនា​ទុក​មួយ​ ព្រោះ​ពេល​ខ្លះ​ ស្មាតហ្វូន​របស់​អ្នក​អាច​នឹង​អស់​ថ្ម ហើយ​បើ​សិន​ជា​អ្នក​ទិញ​សៀវភៅ ក៏​អាច​អោយ​អ្នក​អាច​រៀន​ភាសា​គេ​បាន​ពេល​ធ្វើ​ដំណើរ ទាំង​នេះ​គឺ​ចំណេញ​បាន​ទាំង​សង​ខាង។

+ភាសា​កាយ​វិការ

កុំ​មើល​ស្រាល​ភាសា​កាយវិការ​។ មិន​ថា​អ្នក​ចង្អុល​ម្រាមដៃ ឬ គ្រវីក្បាល​ អ្នក​ដ៏​ទៃ​អាច​នឹង​យល់​ថា​អ្នក​នឹង​ចង់​បាន​អ្វី។ ដូច​នេះ​បើ​អ្នក​មិន​ដឹង​ថា​និយាយ​ពាក្យ​យ៉ាងម៉េច អ្នក​គ្រាន់​តែ​ញញឹម​ហើយ​ចង្អុល​ប្រាប់​ពី​ទិសដៅ ឬ​របស់​អ្វី​មួយ​ដែល​អ្នក​ចង់​បាន៕

ករណីហិង្សាក្នុងគ្រួសាររបស់អភិបាលរងក្រុងបូកគោ លោក គឹម បញ្ញា និងភរិយា អ្នកនាង ម៉ាត់ លក្ខិណា បង្កឱ្យមានភាពភ្ញាក់ផ្អើលយ៉ាងខ្លាំងរហូតធ្លាយរឿងដល់លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការ នៃស្នងការដ្ឋាននគរបាលខេត្តកំពតឱ្យចូលខ្លួនបំភ្លឺនៅអធិការក្រុងកំពត។ បន្ទាប់ពីសាកសួរ កាលពីល្ងាចថ្ងៃទី២៥ ខែមេសា ពេលនេះ ព្រះរាជអាជ្ញា សម្រេចឃាត់ខ្លួនលោក គឹម បញ្ញា ជាបណ្ដោះអាសន្នដើម្បីរៀបសំណុំរឿងទៅតុលាការបន្តនិតិវិធីតាមផ្លូវច្បាប់។តាមរយៈផេកស្នងការនគរបាលខេត្តកំពតបានឱ្យដឹងថា «ក្រោយធ្វើការសាកសួរបំភ្លឺនិងទទួលបណ្តឹងពីភរិយាលោក គឹម បញ្ញា អភិបាលរងក្រុងបូកគោ សមត្ថកិច្ចបានសុំគោលការណ៍ទៅ ឯកឧត្តម ម៉ៅ ធនិន អភិបាលខេត្តកំពត និងដោយបានគោលការណ៍ណែនាំពីឯកឧត្តម ព្រះរាជអាជ្ញា សម្រេចឃាត់ខ្លួនលោក គឹម បញ្ញា ដើម្បីបន្តនិតិវិធីទៅតុលាការពាក់ពន្ធ័ករណីហិង្សាលើភរិយា»។

គួរបញ្ជាក់ផងដែរថា ភរិយាលោក គឹម បញ្ញា អភិបាលរងក្រុងបូកគោ មានគណនីហ្វេកប៊ុក «Ah Leak » បានរងអំពើហិង្សាពីស្វាមី ម្តងហើយម្តងទៀតរស់នៅគ្មានសេចក្តីសុខចាប់តាំងពីសាងជីវិតគ្រួសារជាមួយគ្នាតាំងពីឆ្នាំ២០១៩ ដោយអស់ភាពអត់ធ្មត់ នាងសម្រេចចិត្តបង្ហោះរូបភាព និងវីដេអូដែលស្វាមីវាយដំ ដើម្បីឱ្យមហាជន និងថ្នាក់ដឹកនាំដឹងឮទាមទារយុត្តិធម៌ដល់ខ្លួន៕

បន្ទាប់ពីមានការចែករំលែកព្រោងព្រាតនៅលើបណ្តាញសង្គមករណីហិង្សាក្នុងគ្រួសារ របស់លោក គឹម បញ្ញា អភិបាលរងក្រុងបូកគោ បានប្រើបា្រស់អំពើហិង្សាលើភរិយា ពេលនេះលោកបានចូលខ្លួនបំភ្លឺហើយ ក្រោយលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការ នៃស្នងការដ្ឋាននគរបាលខេត្តកំពតបានប្រកាសឱ្យលោក គឹម បញ្ញា ចូលខ្លួនបំភ្លឺដោយខ្លួនឯងឬឱ្យសមត្ថកិច្ចអញ្ជើញដោយផ្ទាល់។តាមរយៈផេក ស្នងការនគរបាលខេត្តកំពត បានសរសេរថា «សូមអរគុណលោក គឹម បញ្ញា ដែលបានមកដអធិការក្រុងកំពត ដើម្បីបំភ្លឺករណីហិង្សារលើភរិយា»។

គួរបញ្ជាក់ផងដែរថា គណនីហ្វេកប៊ុកមួយឈ្មោះថា « Ah Leak » មានឈ្មោះពិត ម៉ាត់ លក្ខិណា បានអះអាងថាលោក គឹម បញ្ញា ត្រូវជាស្វាមី មានតួនាទីជា អភិបាលរងក្រុងបូកគោ ខេត្តកំពត បានប្រើប្រាស់អំពើហិង្សាម្តងហើយម្តងទៀតមកលើខ្លួនទោះបីជាធ្លាប់ធ្វើកិច្ចសន្យាឈប់ប្រើអំពើហិង្សារួចហើយក៏ដោយ៕

យោងតាមគណនីហ្វេកប៊ុកមួយឈ្មោះថា « Ah Leak » បានអះអាងថាលោក គឹម បញ្ញា ត្រូវជាស្វាមី មានតួនាទីជា អភិបាលរងក្រុងបូកគោ ខេត្តកំពត បានប្រើប្រាស់អំពើហិង្សាម្តងហើយម្តងទៀតមកលើខ្លួន ហើយនារីរូបនេះក៏បានស្នើដល់អភិបាលខេត្តកំពតជួយរកយុត្តិធម៌ឱ្យខ្លួនផងដែរ។

គណនីខាងលើបានរៀបរាប់នៅរសៀលថ្ងៃទី២៥ ខែមេសា ឆ្នាំ២០២៣ នេះថា «នាងខ្ញុំឈ្មោះ ម៉ាត់ លក្ខិណា ដែលមានស្វាមី ឈ្មោះ គឹម បញ្ញា ដែលមានតួនាទីរាល់ថ្ងៃ ជាអភិបាលរងក្រុងបូកគោ ខេត្តកំពត នាងខ្ញុំបានរួមរស់នៅជាមួយគ្នាតាំងពី ២០១៩ ដែលនៅក្នុងអំឡុងពេលរួមរស់ នៅជាមួយគាត់ នាងខ្ញុំ មិនដែលបានទទួលការស្រលាញ់ មានតែការឈឺចាប់ទាំងរាងកាយ និងផ្លូវចិត្ត គាត់បានប្រើអំពើហិង្សាដាក់នាងខ្ញុំម្តងហើយម្តងទៀត ទាំងដែលគាត់ធ្លាប់ធ្វើកិច្ចសន្យាថាគាត់ឈប់ប្រើអំពើហិង្សា ដាក់នាងខ្ញុំទៀតហើយ តែគាត់នៅតែបន្តវាយដំរូបនាងខ្ញុំមករហូត» ។

នារីខាងលើបានបន្ថែមទៀតថា «មកដល់ពេលនេះ នាងខ្ញុំ ឆ្អែត នឹងទង្វើដែលគាត់បានធ្វើមកកាន់នាងខ្ញុំ និងអស់ការទ្រាំបន្តទៀត ទើបនាងខ្ញុំបង្ហោះរូបនិង video ទាំងនេះដើម្បីឱ្យបងប្អូននិងមហាជនជួយរកយុតិ្តធម៌មកលើរូបនាងខ្ញុំ ផង សូមបងប្អូនជួយគិតមើលថា តើទង្វើហិង្សាបែបនេះសមជាអ្នកដឹកនាំទេ ( អភិបាលរងក្រុងបូកគោ) ហេតុដូចនេះ សូមបងប្អូនអ៊ំពូមីង ទាំងអស់ជួយចែករំលែកដើម្បីឱ្យរឿងនេះបានដឹងដល់លោកពូ អភិបាលខេត្តកំពតបានជ្រាប និងជួយរកយុតិ្តធម៌មកកាន់នាងខ្ញុំ ។ នាងខ្ញុំ សូមអរគុណ»។

ការបង្ហោះសារពីគណនី « Ah Leak » ដែលរងអំពើហិង្សានេះ បានធ្វើឱ្យមហាជនចែករំលែករួមជាមួយការខឹងសម្បារយ៉ាងខ្លាំងនៅលើបណ្តាញសង្គម។ ទោះយ៉ាងណា ប្រសិនលោក គឹម បញ្ញា អភិបាលរងក្រុងបូកគោ បកស្រាយយ៉ាងណាជុំវិញរឿងនេះ យើងខ្ញុំនឹងជម្រាបជូនបន្តទៀត៕