គ្រប់បណ្ដាប្រទេសទាំងអស់ នៅលើពិភពលោក សុទ្ធតែមានអាហារដែលតំណាងឱ្យប្រទេសរបស់ខ្លួន ដែលមានលក្ខណៈប្លែកៗ និងរសជាតិខុសៗពីគ្នា។ ដោយឡែកថ្ងៃនេះ KBN សូមលើកយកពីលក្ខណៈពិសេសនៃអាហាររបស់ជនជាតិប៉ែកអាស៊ីអាគ្នេយ៍ នៅក្នុងតំបន់អាស៊ាន ទាំង ១១ ប្រទេសដូចខាងក្រោមនេះ៖

1. អាម៉ុក(Ahmok)៖ ជាម្ហូបដ៏ល្បីនៅប្រទេសកម្ពុជាដែលផ្សំពីសាច់ត្រីជាមួយគ្រឿងការី គ្រឿងទេសខ្មែរ និងម្ទេស ចំហុយនៅក្នុងកន្ទោងស្លឹកចេក និងលលាដ៍ដូង។
2. អំប៊ូយ៉ាត (Ambuyat) គឺជាម្ហូបដ៏ល្បីប្រចាំប្រទេសព្រុយណេ។
3. ណាស៊ីហ្កូរេង (Nasi goreng) ជាម្ហូបដ៏ល្បីនៅក្នុងប្រទេសឥណ្ឌូណេស៊ី។
4. ឡាប (Larb) គឺជាម្ហូបដ៏ល្បីដែលតំណាងឱ្យប្រទេសឡាវ។
5. ណាស៊ីលេម៉ាក (Nasi lemak) គឺជាម្ហូបដ៏ល្បីប្រចាំប្រទេសម៉ាឡេស៊ី។
6. ម៉ូហ៊ីងហ្កា (Mohinga) គឺជាម្ហូបដ៏ល្បីនៅក្នុងប្រទេសមីយ៉ាន់ម៉ា។
7. អាដូបូ (Adobo) ជាម្ហូបដ៏ល្បីដែលតំណាងឱ្យប្រទេសហ្វីលីពីន។
8. បាយមាន់ហៃណាន (Hainanese Chicken rice) គឺជាម្ហូបដ៏ល្បីប្រចាំប្រទេសសិង្ហបុរី។
9. ផាត់ថៃ (Pad Thai) ជាម្ហូបដ៏ល្បីប្រចាំប្រទេសថៃ។
10. ហ្វឺ (Phở) គឺជាម្ហូបដ៏ល្បីនៅក្នុងប្រទេសវៀតណាម។
11. អ៊ីកាន់ ប៉េប៉េស (Ikan Pepes)៖ គឺជាម្ហូបដ៏ល្បីដែលតំណាងឱ្យប្រទេសទីម័រខាងកើត ៕

ជប៉ុន៖ រថយន្ត Honda e:Ny1 នឹងក្លាយជារថយន្តអគ្គិសនីទីពីររបស់ Honda នៅអឺរ៉ុប ដែលមានសមត្ថភាព ២០១ សេះ និងអេក្រង់ ១៥.១ អ៊ីញដូចគ្នា។
បើនិយាយពីរូបរាងវិញ Honda e:Ny1 ទាំងមូលមានរូបរាងប្រហាក់ប្រហែលនឹងរថយន្ត HR-V របស់អឺរ៉ុប ជាមួយនឹងការរចនាដ៏សាមញ្ញ ក្រឡាភ្លើងបិទជិត។ យានជំនិះនេះត្រូវបានផ្អែកលើវេទិកា e:N Architecture F ថ្មីជាមួយនឹងការរចនាថ្មីផ្តោតលើភាពរឹង (តួដែកធន់នឹងកម្លាំងខ្ពស់ ៤៧%) ចំណុចកណ្តាលទំនាញទាប និងមានលំហអាកាស។ នៅខាងមុខរថយន្តមានស្លាកសញ្ញាពណ៌សដែលមានពាក្យថា ” e:Ny1” នៅមាត់ទ្វារខាងក្រោយមានពាក្យថា “Honda”។ ការរចនាខាងក្នុងថ្មីស្រឡាង និងមានភាពខុសគ្នាជាមួយនឹងរថយន្ត HR-V ។ នៅលើផ្ទាំងគ្រប់គ្រងគឺជាអេក្រង់បញ្ឈរ ១៥.១ អ៊ីញ នាឡិកាឌីជីថលដែលមានរាងចតុកោណកែង រួមជាមួយនឹងចង្កៀងតុបតែងនៅមាត់ទ្វារ។

ម៉ូទ័រអេឡិចត្រិចដែលមានសមត្ថភាព ២០១ hp និងកម្លាំងបង្វិល ៣១០ Nm កញ្ចប់ថ្ម ៦៨.៨ kWh អាចសាក ១០-៨០% ក្នុងរយៈពេល ៤៥ នាទី។ ការធ្វើដំណើរសម្រាប់ការសាកពេញគឺ ៤១២ គីឡូម៉ែត្រ។ ប៉ារ៉ាម៉ែត្រទាំងនេះគឺគ្រប់គ្រាន់ដើម្បីជួយឱ្យរថយន្ត Honda e:Ny1 ប្រកួតប្រជែងនៅក្នុងទីផ្សារអ៊ឺរ៉ុប ហើយត្រូវបានគេរំពឹងថានឹងនាំមកនូវភាពជោគជ័យដល់ក្រុមហ៊ុនជប៉ុន បន្ទាប់ពីម៉ូដែល Honda e បរាជ័យក្នុងការទាក់ទាញអតិថិជនបន្ទាប់ពីលក់អស់រយះពេលពីរឆ្នាំ។Honda e: Ny1 នឹងដាក់លក់នៅអ៊ឺរ៉ុបនៅប៉ុន្មានខែខាងមុខនេះ តម្លៃមិនទាន់ត្រូវបានប្រកាសនោះទេ។ ទោះជាយ៉ាងណាក៏ដោយ ប្រព័ន្ធផ្សព្វផ្សាយរបស់អង់គ្លេសបាននិយាយថា តម្លៃដែលបានស្នើឡើងត្រូវបានរំពឹងទុកពី ៣៧,០០០ ដុល្លារអាមេរិកឡើងទៅ ៕ ប្រភព៖vnexpress

ប្រទេសថៃ ៖ កាលពីថ្ងៃទី១៥ ខែឧសភា លោក Phitha Limjaroenrat មេដឹកនាំគណបក្សកាវក្លៃបានប្រកាសពីលទ្ធផលជោគជ័យក្នុងការបោះឆ្នោតជាមួយនឹងសំឡេងគាំទ្រពីពលរដ្ឋដ៏ច្រើនលើសលប់ ហើយលោកបានត្រៀមខ្លួនធ្វើជានាយករដ្ឋមន្ត្រីទី៣០ របស់ប្រទេសថៃ នាថ្ងៃអនាគតផងដែរ ។ លោកបញ្ជាក់ថា នឹងស្តាប់មតិយោបល់ពីគណបក្សផ្សេងៗ ហើយនឹងបង្កើតរដ្ឋាភិបាលឱ្យបានឆាប់រហ័ស ។

សម្រាប់ការដឹកនាំបង្កើតរដ្ឋាភិបាល លោក Phitha Limjaroenrat លើកឡើងថា លោកបានទំនាក់ទំនងទៅកាន់គណបក្សភឿថៃ, គណបក្សប្រៈឆាឆាតិ, គណបក្សថៃសាងថៃ និងគណបក្សសេរីរួមថៃរួចហើយ ។ ដូច្នេះ នៅពេលគណបក្សទាំងនេះរួមគ្នាជាមួយគណបក្សកាវក្លៃ គឺនឹងមានសំឡេងសរុបចំនួន៣០៨សំឡេង ហើយពេលនេះ លោកកំពុងទាក់ទងគណបក្សប៉ិនថាំ ដើម្បីឱ្យបាន៣០៩សំឡេង ហេតុនេះ វាគ្រប់គ្រាន់ហើយសម្រាប់ការបង្កើតរដ្ឋាភិបាល ។ ទោះយ៉ាងណា លោកមិនបានទាក់ទងទៅគណបក្សភូមិចៃថៃឱ្យមកចូលរួមបង្កើតរដ្ឋាភិបាលទេ ព្រោះលោកត្រូវធ្វើតាមការឯកភាពគ្នា ។ លោកនឹងធ្វើការជាមួយគណបក្សប្រឆាំង ហើយមិនបារម្ភពីសមាជិកព្រឹទ្ធសភាទេ ព្រោះពិន្ទុដែលទទួលបានអាចវិនិច្ឆ័យថា មានភាពយុត្តិធម៌ដើម្បីបង្កើតរដ្ឋាភិបាល ។

មេដឹកនាំគណបក្សកាវក្លៃរូបនេះបន្តថា កាលពីរសៀលថ្ងៃទី១៥ ខែឧសភា គណបក្សកាវក្លៃបានរៀបចំកិច្ចប្រជុំគណៈកម្មាធិការប្រតិបតិ្ត ដើម្បីបង្កើតរដ្ឋាភិបាលឱ្យបានឆាប់រហ័សបំផុត ។ លើសពីនេះ នឹងមានការធ្វើវិសោធនកម្មរដ្ឋធម្មនុញ្ញ ដោយបង្កើតសភាធម្មនុញ្ញ ព្រមទាំងជួបគ្នាជាមួយគ្រប់វិស័យទាំងអស់ដើម្បីឈ្វេងយល់ ដូចជា វិនិយោគិន មន្ត្រីរាជការ និងពលរដ្ឋថៃ ។

ចំណែកគណបក្សភឿថៃបានប្រកាសថា នឹងមិនបង្កើតរដ្ឋាភិបាលប្រជែងជាមួយគណបក្សកាវក្លៃទេ ហើយលើកឡើងថា តាមលទ្ធផលបោះឆ្នោតមិនផ្លូវការបង្ហាញថា គណបក្សកាវក្លៃ គឺជាគណបក្សទទួលបានជ័យជម្នះក្នុងការបោះឆ្នោត ហើយគណបក្សភឿថៃស្ថិតក្នុងលំដាប់លេខ២ ។ លើសពីនេះ គណបក្សភឿថៃបានអរគុណដល់ពលរដ្ឋដែលបានប្រើប្រាស់សិទ្ធិរបស់ខ្លួនគាំទ្រគណបក្សភឿថៃ និងប្រកាន់គោលការណ៍ប្រជាធិបតេយ្យ ។ ពលរដ្ឋត្រូវការផ្លាស់ប្តូរប្រទេសថៃឱ្យក្លាយជាប្រទេសប្រជាធិបតេយ្យ ហើយគណបក្សភឿថៃបញ្ជាក់ថា គ្មានគំនិតបង្កើតរដ្ឋាភិបាលប្រជែងជាមួយគណបក្សកាវក្លៃទេ ហើយការពិភាក្សា និងដំណើរការការងារផ្សេងៗជាតួនាទីរបស់គណបក្សកាវក្លៃ ៕ ប្រភព ៖ beartaiBRIEF

ប្រទេសថៃ ៖ កាលពីថ្ងៃទី១៥ ខែឧសភា អ្នកនាង Paethongthan Shinawatra ជាបេក្ខជននាយករដ្ឋមន្ត្រីមកពីគណបក្សភឿថៃ និងជាកូនស្រីរបស់អតីតនាយករដ្ឋមន្ត្រីថៃ លោក Thaksin Shinawatra បានបង្ហោះសារតាមហ្វេសប៊ុកថា សូមអបអរសាទរជាមួយគណបក្សកាវក្លៃ និងរីករាយជាមួយពលរដ្ឋផងដែរ ដែលបានបោះឆ្នោតជ្រើសរើសគណបក្សកាវក្លៃឱ្យបន្តដឹកនាំប្រទេសថៃ ហើយវាជាចម្លើយបញ្ជាក់ច្បាស់ថា ពលរដ្ឋត្រូវការផ្លាស់ប្តូរមេដឹកនាំប្រទេស ។

អ្នកនាង Paethongthan បានសរសេរក្នុងហ្វេសប៊ុកថា នាងខ្ញុំសូមបញ្ជាក់ពីគោលជំហរដើម និងគោរពគោលការណ៍ប្រជាធិបតេយ្យ ហើយគណបក្សដែលទទួលបានសំឡេងឆ្នោតច្រើនជាងគេនឹងជាគណបក្សបង្កើតរដ្ឋាភិបាល ហើយគណបក្សភឿថៃ និងរូបខ្ញុំ នឹងគាំទ្រអ្នកដែលទទួលបានសំឡេងឆ្នោតគាំទ្រខ្ពស់ពីពលរដ្ឋ ។ ចំណែកបងប្អូនប្រជាពលរដ្ឋដែលបានបោះឆ្នោតគាំទ្រគណបក្សភឿថៃ នាងខ្ញុំសូមអរគុណបងប្អូនម្តងទៀតដែលនៅតែមានទំនុកចិត្ត ជឿជាក់ និងផ្តល់ឱកាស ហើយមិនមែនអរគុណសម្រាប់តែការបោះឆ្នោតលើកនេះទេ ប៉ុន្តែសូមអរគុណដល់ការជឿទុកចិត្តមកលើគណបក្សយើងខ្ញុំរហូតមក ។

មេដឹកនាំគណបក្សភឿថៃរូបនេះបន្តថា នាងខ្ញុំសូមយកឱកាសនេះសម្តែងការអបអរដល់សមាជិកសភាមណ្ឌលបោះឆ្នោតមកពីគណបក្សភឿថៃ ដែលទទួលបានជ័យជម្នះក្នុងការបោះឆ្នោត សូមអរគុណដល់ការប្រឹងប្រែងធ្វើការកន្លងមក និងអាចបំពេញតួនាទីសម្រាប់ពលរដ្ឋម្តងទៀត ។ សូមឱ្យអ្នកទាំងអស់គ្នាប្រកាន់ខ្ជាប់នូវកាតព្វកិច្ចថែរក្សាពលរដ្ឋបន្តទៀតប្រកបដោយស្ថិរភាព មិនរង្គោះរង្គើ ហើយគណបក្សភឿថៃនឹងគាំទ្រពួកលោកដូចដែលគណបក្សធ្លាប់បានគាំទ្រកន្លងមក ។

មេដឹកនាំគណបក្សភឿថៃបន្ថែមថា សម្រាប់បេក្ខជនមិនបានចូលរួមក្នុងសភានាពេលនេះ នាងខ្ញុំសូមអរគុណដូចគ្នាដែរសម្រាប់ការអត់ធ្មត់ធ្វើការរបស់ពួកលោក ។ នាងខ្ញុំជឿថា បើទោះជាមានតួនាទីឬគ្មាន ប៉ុន្តែពួកលោកនឹងនៅតែតាំងចិត្តធ្វើការបន្តដើម្បីពលរដ្ឋ ព្រោះការងាររបស់យើងធ្វើដើម្បីពលរដ្ឋ ៕ ប្រភព ៖ sanook