ប្រទេសថៃ ៖ សារព័ត៌មានក្រៅប្រទេសបានចុះផ្សាយពីសេចក្តីថ្លែងការណ៍របស់រដ្ឋមន្ត្រីឧស្សាហកម្មឥណ្ឌូណេស៊ីថា នៅឆ្នាំ២០២៤ ក្រុមហ៊ុន ISUZU មានគម្រោងផ្លាស់ប្តូរទីតាំងផលិតរថយន្តចេញពីប្រទេសថៃទៅកាន់ឥណ្ឌូណេស៊ី ប៉ុន្តែក្រុមហ៊ុន ISUZU បានបដិសេធព័ត៌មាននេះ ហើយបញ្ជាក់ថា ក្រុមហ៊ុនគ្មានគម្រោងផ្លាស់ប្តូរការវិនិយោគចេញពីប្រទេសថៃទេ ។

ក្រោយការផ្សាយព័ត៌មាននេះ លោក Narit Terdsathirasak អគ្គលេខាធិការក្រុមប្រឹក្សាវិនិយោគលើកឡើងថា លោកបានសួរទៅកាន់នាយកគ្រប់គ្រងក្រុមហ៊ុន Isuzu Motors ប្រចាំប្រទេសថៃ ហើយក្រុមហ៊ុនបញ្ជាក់ថា ក្រុមហ៊ុនបានជជែកជាមួយនាយករបស់ក្រុមហ៊ុនធំនៅប្រទេសជប៉ុនរួចហើយ ។ ក្រុមហ៊ុនធំនៅជប៉ុនថា ក្រុមហ៊ុនមិនបានបញ្ចេញព័ត៌មាននេះទេ ហើយក៏គ្មានគម្រោងផ្លាស់ប្តូរការវិនិយោគចេញពីថៃដែរ ។

កន្លងមក ក្រុមហ៊ុន Isuzu Motors ប្រចាំប្រទេសថៃបានទទួលផលប្រយោជន៍លើការជំរុញវិនិយោគពីរដ្ឋាភិបាលក្នុងគម្រោងជាច្រើន ជាពិសេស ផលប្រយោជន៍ការវិនិយោគលើការផលិតរថយន្តដឹកទំនិញ និងរថយន្ត១បាំងកន្លះ ។ ក្រុមហ៊ុន Tri Petch Isuzu Sales Co., Ltd លើកឡើងថា ព័ត៌មានការផ្លាស់ប្តូរទីតាំងផលិតរថយន្ត មិនមែនជាការពិតទេ ហើយក៏គ្មានការប្រកាសជាផ្លូវការពីក្រុមហ៊ុន Isuzu Motors ដែរ បើទោះជាប្រទេសឥណ្ឌូណេស៊ី គឺជាទីផ្សារសំខាន់មួយរបស់ក្រុមហ៊ុន Isuzu ក្តី ប៉ុន្តែក្រុមហ៊ុនគ្មានគម្រោងប្តូរទីតាំងផលិតរថយន្តចេញពីថៃទៅកាន់ឥណ្ឌូណេស៊ីទេ ។

អគ្គលេខាធិការគណៈកម្មការគោលនយោបាយតំបន់ពិសេសភាគខាងកើត (EEC) ឱ្យដឹងថា មិនទាន់ឃើញសញ្ញាការផ្លាស់ប្តូរទីតាំងផលិតកម្មរបស់វិនិយោគិននៅឡើយទេ ។ កន្លងមក មានវិនិយោគិនចិន ជប៉ុន និងឥណ្ឌា បានចរចាពីការវិនិយោគនៅប្រទេសថៃ ជាពិសេស ឧស្សាហកម្មវេជ្ជសាស្ត្រ និងឱសថ ។ នេះចង្អុលបង្ហាញថា វិនិយោគិនចាប់អារម្មណ៍វិនិយោគលើឧស្សាហកម្មគោលដៅ ។

EEC នឹងចរចាជាមួយវិនិយោគិនបារាំង ដែលចាប់អារម្មណ៍វិនិយោគក្នុងឧស្សាហកម្មអាកាសយានដ្ឋាន នៅខែមិថុនា ឆ្នាំ២០២៣ ។ រីឯការផ្លាស់ប្តូររដ្ឋាភិបាលរបស់ថៃអាចជះឥទ្ធិពលដល់ការវិនិយោគខ្លះៗ ដូចជា មិនទាន់បានកំណត់ថ្លៃឈ្នួល និងលើកទឹកចិត្តក្នុងតំបន់វិនិយោគឌីជីថលនៅស្រុកស្រ៊ីរ៉ាឆា ព្រោះតម្លៃដីកើនឡើង និងជាការពិចារណារបស់រដ្ឋាភិបាលថ្មី ៕ ប្រភព ៖ Mono News

បរទេស៖ អគារឈើរបស់សហរដ្ឋអាមេរិកត្រូវបានសាងសង់ឡើងសម្រាប់ទំហំជីវិត ឈរនៅលើវេទិកាសាកល្បងមួយដែលមានទទឹង ៩៣ ម៉ែត្រ និងមានកម្ពស់ ៣៤ ម៉ែត្រ។
យោងតាមប្រភព Bloomberg កាលពីថ្ងៃទី ៦ ខែមិថុនា បានឱ្យដឹងថា អគារឈើ TallWood ត្រូវបានទទួលការសាកល្បងជាមួយនឹង “តារាងញ័រ”ដែលមានសមត្ថភាពខ្ពស់ រួមនឹងការប្រើឧបករណ៍ជំរុញធារាសាស្ត្រនឹងរុញវេទិកាដែកដើម្បីផ្លាស់ទីក្លែងធ្វើកម្លាំងរញ្ជួយ។ ការធ្វើតេស្តតារាងអង្រួននេះត្រូវបានធ្វើឡើងនៅសាកលវិទ្យាល័យកាលីហ្វ័រញ៉ា San Diego និងជាផ្នែកមួយនៃគម្រោង TallWood ផងដែរ។

គម្រោង TallWood មានគោលបំណងសាកល្បងភាពធន់នឹងការរញ្ជួយដីនៃអគារខ្ពស់ដែលធ្វើពីឈើរឹង នឹងសម្ភារៈដែលមានស្រទាប់ច្រើននៃឈើស្អិតជាប់គ្នា។ ប្លុកឈើនេះកំពុងក្លាយជាការពេញនិយមកាន់តែខ្លាំងឡើង នឹងជាជម្រើសដែលមាននិរន្តរភាពជាង បេតុង និងដែកដែលមានកាបូនខ្ពស់។

យោងតាមលោក Thomas Robinson ស្ថាបនិកក្រុមហ៊ុន Lever Architecture ដែលជាក្រុមហ៊ុនរចនាអគាររបស់អាមេរិក បាននិយាយថា អាគារឈើ TallWood កម្ពស់ ១០ ជាន់នេះបានជួបប្រទះនឹងការរញ្ជួយដីច្រើនជាង ១០០ ដង។ ដូច្នេះអាគារ TallWood និងដំណើរការយ៉ាងឆាប់រហ័សដែលមានសមត្ថភាពពិសេសជួយកាត់បន្ថយការខូចខាតសេដ្ឋកិច្ច និងសង្គមនៃការរញ្ជួយដី។ លោកក៏បានបន្តទៀតថា ជញ្ជាំងខាងក្រៅនៃអគារ TallWood នៅតែត្រង់ បើទោះបីជាមានការញ័រយ៉ាងខ្លាំងប៉ុណ្ណាក៏ដោយ។

នៅពេលដែលការធ្វើតេស្តរញ្ជួយដីត្រូវបានបញ្ចប់ អគារនេះនឹងត្រូវបានរុះរើ ហើយផ្នែកខ្លះត្រូវបានកែច្នៃឡើងវិញ ដើម្បីសាងសង់សំណង់សាកល្បងផ្សេងទៀត។ ក្រុមការងារសង្ឃឹមថា លទ្ធផលនៃការធ្វើតេស្តនេះ នឹងជំរុញការសាងសង់ប្លុកឈើដែលមានកំពស់ខ្ពស់បន្ថែមទៀត ដូចដែលបានបង្ហាញឱ្យឃើញពីភាពធន់របស់ពួកវា៕ ប្រភព៖vnexpress

ប្រទេសចិន ៖ ភូមិ Lujia ស្ថិតនៅខេត្ត Zhejiang ប្រទេសចិន បានក្លាយជាភូមិមួយទាក់ទាញភ្ញៀវទេសចរមកកម្សាន្តយ៉ាងច្រើនកុះករ ដោយសារពួកគេចង់ទទួលបាននូវបទពិសោធន៍ពីជីវិតនៅតាមជនបទ ។ ការទាក់ទាញភ្ញៀវទេសចរមកកាន់ភូមិ Lujia នាពេលបច្ចុប្បន្ននេះ ដោយសារពលរដ្ឋរស់នៅក្នុងភូមិបាននាំគ្នាជួយអភិវឌ្ឍន៍វិស័យទេសចរណ៍ និងកសិកម្ម អស់រយៈពេល២០ឆ្នាំមកហើយ ។

ភូមិ Lujia ស្ថិតនៅទីក្រុង Anji មានពលរដ្ឋរស់នៅប្រមាណ២.២០០នាក់ ហើយមានផ្ទៃដីព្រៃឫស្សីចំនួន៣.៣០០រ៉ៃ ។ គេសង្កេតឃើញថា បរិវេណនៅជុំវិញភូមិមានទេសភាពខៀវខ្ចីដ៏ស្រស់ស្អាត ហើយភ្ញៀវទេសចរអាចជិះរថភ្លើងទស្សនាចម្ការតែ និងទស្សនាទេសភាពនៅតាមដងផ្លូវចម្ងាយ៤,៥គីឡូម៉ែត្រផងដែរ ។

វិស័យទេសចរណ៍ផ្សារភ្ជាប់នឹងកសិកម្មបានធ្វើឱ្យជីវភាពរស់នៅរបស់អ្នកភូមិល្អប្រសើរជាងមុនច្រើន ។ លោក Zhu Renyuan ជាអ្នកភូមិម្នាក់និយាយថា លោកបានផ្លាស់ប្តូរដីរបស់លោកមកធ្វើជាចម្ការតែវិញ ហើយរហូតមកដល់បច្ចុប្បន្ន លោកបានប្រកបមុខរបរធ្វើចម្ការតែទាំងស្រុង ពីព្រោះមុខរបរនេះបានជួយពលរដ្ឋក្នុងភូមិមិនចាំបាច់ចេញទៅធ្វើការនៅកន្លែងផ្សេងទេ ។ លោកបន្តទៀតថា កាលពី២០ឆ្នាំមុន Lujia គឺជាភូមិមួយក្រីក្រ និងពោរពេញទៅដោយជាតិពុល ប៉ុន្តែក្រោយពីមានគម្រោងអភិវឌ្ឍន៍តំបន់ជនបទពណ៌បៃតង កាលពីឆ្នាំ២០០៣ មក ភូមិនេះក៏បានអភិវឌ្ឍន៍រហូតមក ។

មេភូមិ Lujia គឺជាអ្នកដឹកនាំពលរដ្ឋក្នុងភូមិមកជួយអភិវឌ្ឍន៍ភូមិ កែលម្អបរិស្ថាន និងបង្កើតមុខរបរផ្សេងៗ រហូតដល់ឆ្នាំ២០១៣ ។ សព្វថ្ងៃ ភូមិ Lujia បានក្លាយជាភូមិមួយដ៏ស្រស់ស្អាត និងទាក់ទាញភ្ញៀវទេសចរជាច្រើននាក់ពីគ្រប់ទិសទីមកកម្សាន្តនៅទីនេះ ព្រមទាំងជួយឱ្យអ្នកភូមិទទួលបានប្រាក់ចំណូលពីការអភិវឌ្ឍភូមិទេសចរណ៍ប្រកបដោយនិរន្តរភាពផងដែរ ៕ ប្រភព ៖ China Face

ផែនដីគឺជាភពទី ៣ នៃប្រព័ន្ធព្រះអាទិត្យដែលកកើតឡើងពីថ្ម និងលោហៈ ហើយវាមានទំហំធំ នឹងមានរាងមូលដូចជាបាល់។ ដូច្នេះហើយតើអ្នកដឹងទេ? ភពផែនដីរបស់យើងមានទំហំប៉ុនណា?

យោងតាមអ្នកវិទ្យាសាស្រ្តរបស់អង្គការ NASA បានគណនាអំពីទំហំផ្ទៃ និងអង្កត់ផ្ចិតរបស់ផែនដីទាំងមូល ដោយបានរកឃើញថា ផែនដីរបស់យើងមានទំហំសរុប ៥១០ លានគីឡូម៉ែត្រក្រឡា និងមានអង្កត់ផ្ចិត ៦,៣៧១ គីឡូម៉ែត្រ។

ប្រសិនបើគណនាមួយជុំតាមបណ្ដោយខ្សែអេក្វាទ័ររបស់ផែនដី គឺមានប្រវែង ៤០,០៧៦ គីឡូម៉ែត្រ ចំណែកឯមួយជុំខ្សែបណ្តោយកាត់ប៉ូលទាំងពីរ គឺមានប្រវែង ៤០,០០៧ គីឡូម៉ែត្រ។

ដូចនេះ ផ្ទៃដីដែលផុសពីទឹកសមុទ្រមានចំនួន ១៤៩ លានគីឡូម៉ែត្រ និងមានផ្ទៃសមុទ្រសុទ្ធ ៣៦០ លានគីឡូម៉ែត្រក្រឡា។

គួរបញ្ជាក់ដែរថា ភពផែនដីទាំងមូលរបស់យើងគឺមានផ្ទៃដីតិចជាងផ្ទៃទឹក ដែលទឹកមានសរុបទាំងអស់ ៧១ ភាគរយនៃផែនដី ចំណែកឯផ្ទៃដីវិញគឺមានត្រឹមតែ ២៩ ភាគរយប៉ុណ្ណោះ នៃផែនដីសរុប ៕