យោងតាមគេហទំព័រ Koreaboo Giselle សមាជិកក្រុម Aespa មានពាក្យចចាមអារ៉ាមថាកំពុងណាត់ជួបជាមួយតន្ត្រីករ Shintaro Yasuda បន្ទាប់ពីអ្នកលេងអ៊ីនធឺណិតបានប្រៀបធៀបការបង្ហោះមួយចំនួនរបស់ពួកគេនៅលើ Instagram។

Shintaro Yasuda គឺជាតន្ត្រីករដែលត្រូវបានតែងតាំងសម្រាប់ពានរង្វាន់ Grammy ដែលធ្លាប់បានសហការជាមួយសិល្បករល្បីៗជាច្រើន។ លោកក៏បានធ្វើការជាមួយ Giselle និង Ningning លើបទចម្រៀងថ្មីដែលសមាជិក aespa ទាំងពីរនាក់បានសម្តែងនៅក្នុងការប្រគំតន្ត្រីរបស់ពួកគេនៅឯ Tokyo Dome។

ពាក្យចចាមអារ៉ាមបានចាប់ផ្តើមសាយភាយនៅពេលដែលអ្នកគាំទ្របានដឹងថា Giselle និង Shintaro Yasuda ធ្លាប់បានបង្ហោះរូបភាពដែលមានភាពស្រដៀងគ្នាគួរឱ្យចាប់អារម្មណ៍។ ការបង្ហោះមួយបានបង្ហាញថាអ្នកទាំងពីរកំពុងចែករំលែករូបថតផ្កាសាគូរ៉ាជាមួយនឹងចំណងជើងដែលត្រូវបានគេនិយាយថាស្រដៀងនឹងគ្នាទៅវិញទៅមក។

នៅក្នុងរូបថតមួយទៀត Giselle និង Shintaro បានបង្ហាញខ្លួនជាមួយនឹងទឹកកកឈូសដូចគ្នាបេះបិទ ដែលថតនៅទីតាំងដូចគ្នា។ លើសពីនេះ អ្នកទាំងពីរបានបង្ហោះរូបថតដែលមានមុំស្រដៀងគ្នា ដែលបង្កើនការសង្ស័យថាពួកគេនៅកន្លែងតែមួយក្នុងពេលតែមួយ។

ព័ត៌មានលម្អិតទាំងនេះបានប្រែក្លាយប្រធានបទដ៏ក្តៅគគុកមួយនៅលើបណ្តាញសង្គមយ៉ាងឆាប់រហ័ស។ អ្នកទស្សនាមួយចំនួនបានលើកឡើងថា នេះអាចជាសញ្ញាមួយដែលបង្ហាញថា Giselle និង Shintaro Yasuda មានទំនាក់ទំនងលើសពីមិត្តភាព។

ទោះជាយ៉ាងណាក៏ដោយ អ្នកផ្សេងទៀតជាច្រើនអះអាងថា ភស្តុតាងដែលកំពុងចរាចរមិនគួរឱ្យជឿជាក់គ្រប់គ្រាន់ទេ។ ការថតរូបនៅទីតាំងដូចគ្នា ឬការបង្ហោះរូបភាពដែលមានផ្ទៃខាងក្រោយស្រដៀងគ្នា មិនចាំបាច់បញ្ជាក់ពីទំនាក់ទំនងស្នេហានោះទេ។ បច្ចុប្បន្ន Giselle ឬក្រុមហ៊ុនគ្រប់គ្រ និង Shintaro Yasuda មិនទាន់បានចេញការឆ្លើយតបជាផ្លូវការចំពោះពាក្យចចាមអារ៉ាមនេះនៅឡើយទេ៕

បន្ទាប់ពីរងការរិះគ.ន់ពីទស្សនិកជនអំពីភាពមិនត្រឹមត្រូវខាងប្រវត្តិសាស្រ្ត IU និង Byeon Woo Seok ចេញមកសូមទោសមហាជនភ្លាមៗបន្ទាប់ពីរឿងភាគ «Perfect Crown» បានចាក់ផ្សាយភាគបញ្ចប់រួម។ ការចេញមកសូមទោសនេះគឺបង្ហាញពីទទួលខុសត្រូវរបស់អ្នកទាំងពីរក្នុងនាមជាតួឯកទោះបីជារឿងនេះមិនមែនជាកំហុសពួកគេក៏ដោយ។

រឿងភាគ «Perfect Crown» របស់ MBC ដែលមានតួឯក IU និង Byeon Woo Seok បានបញបញ្ចប់នៅថ្ងៃទី១៦ ខែឧសភា ជាមួយនឹងចំណាត់ថ្នាក់ទូទាំងប្រទេសខ្ពស់បំផុត ១៣.៨% ។បើទោះបីជាមានការវាយតម្លៃ និងប្រជាប្រិយភាពខ្លាំងក៏ដោយ រឿងភាគនេះបានប្រឈមមុខនឹងការរិះគន់ឥតឈប់ឈរពេញមួយការផ្សាយរបស់ខ្លួនលើភាពមិនត្រឹមត្រូវខាងប្រវត្តិសាស្ត្រ និងភាពចម្រូងចម្រាសនៃការសម្ដែងដែលពាក់ព័ន្ធនឹងសមាជិកតួសម្ដែងមួយចំនួន។ ជាពិសេស ភាគទី ១១ បានបង្កឱ្យមានប្រតិកម្មយ៉ាងខ្លាំងក្នុងចំណោមទស្សនិកជនកូរ៉េ។

បន្ទាប់ពីរឿងនេះបានបញ្ចប់ការផ្សាយរបស់ខ្លួនតារាចម្រៀងនិងសម្តែង IU និង Byeon Woo Seok បានចេញសូមទោសទស្សនិកជនព្រមគ្នាកាលពីថ្ងៃទី១៨ ខែឧសភា។ តារាស្រីរូបនេះបានសរសេរថា «ក្នុងនាមជាតួឯកស្រីនៃគម្រោងនេះ ខ្ញុំមានអារម្មណ៍សោកស្ដាយយ៉ាងខ្លាំងចំពោះការខកខានមិនបានបង្ហាញអាកប្បកិរិយាទទួលខុសត្រូវបន្ថែមទៀត និងចំពោះការបង្កការខកចិត្តយ៉ាងខ្លាំង។ បេះដូងរបស់ខ្ញុំនៅតែមានអារម្មណ៍ធ្ងន់ណាស់»។

នាងបានបន្តដោយទទួលស្គាល់ថា នាងមិនបានគិតឱ្យបានស៊ីជម្រៅគ្រប់គ្រាន់អំពីបញ្ហាប្រវត្តិសាស្ត្រដែលបានចង្អុលបង្ហាញដោយអ្នកទស្សនា ខណៈពេលកំពុងរៀបចំសម្រាប់តួនាទីនេះ។ IU បាននិយាយថា «គ្មានលេសណាមួយសម្រាប់ការមិនឆ្លុះបញ្ចាំងដោយប្រុងប្រយ័ត្នបន្ថែមទៀតអំពីភាពមិនត្រឹមត្រូវខាងប្រវត្តិសាស្ត្រដែលបានលើកឡើងដោយអ្នកទស្សនាមុនពេលចាប់ផ្តើមតួនាទីនោះទេ។ ដោយសារនេះជាគម្រោងមួយដែលមានគោលបំណងផ្សំការស្រមើលស្រមៃដោយផ្អែកលើប្រវត្តិសាស្ត្ររបស់យើងជាមួយនឹងភាពស្រស់ស្អាតនៃប្រពៃណីកូរ៉េ ខ្ញុំគួរតែបានសិក្សាស្គ្រីបឱ្យបានហ្មត់ចត់ជាងមុន ហើយចាប់ផ្តើមវាដោយប្រុងប្រយ័ត្នជាងមុនក្នុងនាមជាតារាស្រីម្នាក់»។

IU បានសូមទោសចំពោះកំហុសឆ្គងនេះ ដោយនាងបន្ថែមថានឹងចងចាំការរិះគន់ និងមតិកែលម្អដ៏មានតម្លៃរបស់ទស្សនិកជន ហើយនឹងក្លាយជាតារាសម្តែងម្នាក់ដែលខិតជិតគម្រោងនាពេលអនាគតដោយប្រុងប្រយ័ត្ន និងមានទំនួលខុសត្រូវជាងមុន។

ងាកមកកាន់ Byeon Woo Seok បានចេញសារសូមទោសដែលសរសេរដោយដៃហើយបង្ហោះតាមរយៈគណនីប្រព័ន្ធផ្សព្វផ្សាយសង្គមផ្ទាល់ខ្លួន។ តារាសម្ដែងរូបនេះបានទទួលស្គាល់ថា លោកមិនបានពិចារណាពេញលេញអំពីបរិបទប្រវត្តិសាស្ត្រ និងសារៈសំខាន់ដែលបានបង្កប់នៅក្នុងគម្រោងនេះក្នុងអំឡុងពេលថតនោះទេ។ «ក្នុងអំឡុងពេលដំណើរការថត និងសម្តែង ខ្ញុំខ្វះការពិចារណាគ្រប់គ្រាន់ទាក់ទងនឹងបរិបទប្រវត្តិសាស្ត្រ និងអត្ថន័យដែលមាននៅក្នុងស្នាដៃ និងរបៀបដែលវាអាចត្រូវបានទទួលដោយអ្នកទស្សនា។ តាមរយៈការរិះគន់របស់អ្នកទស្សនា ខ្ញុំបានឆ្លុះបញ្ចាំងយ៉ាងស៊ីជម្រៅ និងដឹងម្តងទៀតថា ក្នុងនាមជាតារាសម្តែង ខ្ញុំត្រូវទទួលខុសត្រូវកាន់តែខ្លាំងមិនត្រឹមតែចំពោះការសម្ដែងរបស់ខ្ញុំប៉ុណ្ណោះទេ ប៉ុន្តែថែមទាំងចំពោះសារ និងបរិបទដែលអនុវត្តដោយគម្រោងផងដែរ។ ខ្ញុំសូមអភ័យទោសដោយស្មោះ»។ នេះជាការលើកឡើងរបស់ Byeon Woo Seok ។ តារាសម្ដែងរូបនេះក៏បានសម្ដែងការដឹងគុណចំពោះទស្សនិកជនដែលបានគាំទ្ររឿងភាគនេះផងដែរ៕

ថ្មីៗនេះ Charmaine Sheh បានទាក់ទាញចំណាប់អារម្មណ៍យ៉ាងខ្លាំងនៅពេលដែលតារាស្រីរូបនេះបានចូលរួមព្រឹត្តិការណ៍មួយ។ ទោះបីជាមានអាយុជិតចូល៥១ឆ្នាំក៏ដោយ រូបរាងក្មេងជាងវ័យ ភ្លឺរលោង និងរាងដ៏ទាក់ទាញរបស់ Charmaine Sheh នៅតែធ្វើឱ្យមានការចាប់អារម្មណ៍។ ជាពិសេសនៅក្នុងបទសម្ភាសន៍មួយ Charmaine Sheh បានលើកឡើងថា នាង «ធ្លាប់បដិសេធចិញ្ចៀនដែលមានអត្ថន័យពិសេស»។

Charmaine Sheh មិនបានបញ្ជាក់ថាអ្នកណាជាអ្នកជូនចិញ្ចៀនដែលមានអត្ថន័យពិសេសនោះទេដោយគ្រាន់តែនិយាយថារឿងទាំងអស់គឺកន្លងផុតទៅហើយ។ នៅពេលសួរថាតើវាជាចិញ្ចៀនភ្ជាប់ពាក្យឬអត់ Charmaine Sheh បានឆ្លើយថាវាជាអាថ៌កំបាំង។ ការបង្ហើបរបស់ Charmaine Sheh បានធ្វើឱ្យអ្នកប្រើប្រាស់អ៊ីនធឺណិតនឹកឃើញពីទំនាក់ទំនងអតីតកាលរបស់នាងជាមួយតារាសម្ដែង Benny Chan (Chan Ho Man)។

ក្នុងឆ្នាំ២០០៦ Benny ត្រូវបានគេរាយការណ៍ថាបានចំណាយប្រាក់ប្រហែល ៤០,០០០ ដុល្លារហុងកុងដើម្បីរៀបចំពិធីខួបកំណើតគម្រប់ ៣១ ឆ្នាំសម្រាប់ Charmaine Sheh ដោយអញ្ជើញតារាល្បីៗជាច្រើនឱ្យចូលរួម។ ដោយមានការលើកទឹកចិត្តពីមិត្តភក្តិ Benny បានលុតជង្គង់ចុះ ហើយស្នើសុំ Charmaine Sheh រៀបការភ្លាមៗ ហើយនាងបានយល់ព្រម។ នៅពេលនោះ ទំនាក់ទំនងរបស់ពួកគេត្រូវបានប្រព័ន្ធផ្សព្វផ្សាយពណ៌នាថាផ្អែមល្ហែមមិនគួរឱ្យជឿ។ ទោះជាយ៉ាងណាក៏ដោយ ទំនាក់ទំនងនេះបានបែកបាក់គ្នាបន្ទាប់ពីណាត់ជួបអស់រយៈពេល ៤ ឆ្នាំ។

ទាក់ទងនឹងមូលហេតុនៃការបែកបាក់នេះប្រភពខ្លះនិយាយថាគូស្នេហ៍នេះបានឃ្លាតឆ្ងាយពីគ្នា ដោយសារតែ Chen Hao Min តែងតែធ្វើការនៅតៃវ៉ាន់ និងចិនដីគោក ខណៈដែល Charmaine Sheh រស់នៅហុងកុង។ មិនត្រឹមតែពាក្យចចាមអារ៉ាមអំពីទំនាក់ទំនងស្នេហាជុំវិញតារាសម្តែងរូបនេះទេ Charmaine Sheh ក៏សម្រេចចិត្តបញ្ចប់ទំនាក់ទំនងនេះផងដែរ។
ឥឡូវនេះ រឿងចាស់ត្រូវបានលើកឡើងម្តងទៀត ទស្សនិកជនជាច្រើនជឿថា ការបដិសេធរបស់ Charmaine Sheh មិនរៀបការជាមួយ Benny Chan គឺជាការសម្រេចចិត្តមួយលានសំណាងនិងជាជម្រើសដ៏ឈ្លាសវៃ។

បន្ទាប់ពីបែកបាក់ជាមួយ Charmaine Sheh តារាសម្តែងប្រុសរូបនេះបានជាប់ពាក់ព័ន្ធនឹងរឿងអាស្រូវរំលោភបំពានផ្លូវភេទលើមិត្តរួមការងារម្នាក់។ លោកក៏ត្រូវបានគេរិះគន់ផងដែរចំពោះការអនុញ្ញាតឱ្យភរិយារបស់លោក គឺតារាម៉ូដែល Jiang Lisha សម្រាលកូន៤នាក់តាមរយៈការវះកាត់ក្នុងរយៈពេលត្រឹមតែ៥ឆ្នាំប៉ុណ្ណោះ។ តាមពិតទៅ Charmaine Sheh ធ្លាប់មានអ្នកមកសុំរៀបការច្រើននាក់កាលពីនាងនៅក្មេង។ នេះមិនមែនជាលើកទីមួយទេដែលនាងនិយាយអំពីការបដិសេធសំណើរៀបការ។

តួឯកស្រីក្នុងរឿង រាជនីសារព័ត៌មាន ធ្លាប់បានចែករំលែកថាក្នុងវ័យ១៩ ឆ្នាំ ខណៈពេលកំពុងសិក្សានៅបរទេសនៅប្រទេសស្វីស នាងត្រូវបានបុរសម្នាក់សុំរៀបការដោយមិននឹកស្មានដល់ ប៉ុន្តែនាងបានបដិសេធដោយសុភាពរាបសារនៅនឹងកន្លែង។
នៅអាយុ ២១ ឆ្នាំ Charmaine Sheh បានជួបនឹងការស្នើសុំរៀបការបែបរ៉ូមែនទិកម្តងទៀត។ មិត្តប្រុសជនជាតិតៃវ៉ាន់ដែលមានទ្រព្យសម្បត្តិច្រើនរបស់នាងបានលាក់ចិញ្ចៀនមួយនៅក្នុងរូបមនុស្សព្រិល ហើយសុំនាងរៀបការ។ ទោះបីជានាងមានអារម្មណ៍រំជួលចិត្តយ៉ាងខ្លាំងក៏ដោយ ក៏នាងបានបដិសេធ ដោយលើកឡើងពីការសិក្សារបស់នាងជាមូលហេតុ។

Charmaine Sheh ធ្លាប់រស់នៅមួយរយៈពេលខ្លីនៅតៃវ៉ាន់ជាមួយមិត្តប្រុសពោរពេញដោយការស្រលាញ់។ តាមការគិតធម្មតានេះស្ទើរតែជា «ឋានសួគ៌ដ៏ល្អ» ដែលមនុស្សជាច្រើនស្រមៃចង់បាន ប៉ុន្តែនាងបានដឹងយ៉ាងឆាប់រហ័សថានាងមិនស័ក្តិសមសម្រាប់ជីវិតបែបនេះទេ។Charmaine Sheh មិនចង់ក្លាយជាស្ត្រីអ្នកមានម្នាក់ដែលចំណាយពេលពេញមួយថ្ងៃរបស់នាងដើរទិញអីវ៉ាន់ និងធ្វើសក់នោះទេ។ដូច្នេះហើយ នាងបានបញ្ចប់ទំនាក់ទំនងនេះហើយបានត្រឡប់ទៅហុងកុងវិញដើម្បីបង្កើតផ្លូវអាជីពផ្ទាល់ខ្លួនរបស់នាង។ Charmaine Sheh ក៏ធ្លាប់មានទំនាក់ទំនងជាមួយនឹងអតីតអនុប្រធានមន្ទីរពេទ្យប៉ុន្តែសម្រេចចិត្តបែកគ្នាដោយសន្តិវិធី។

បច្ចុប្បន្ននេះក្នុងវ័យឈានដល់ ៥១ ឆ្នាំ Charmaine Sheh បានសម្រេចចិត្តមិនរៀបការ ឬមានកូនទេ។ នាងបានធ្វើពាក្យបណ្ដាំតាំងពីដំបូង ដោយបន្សល់ទុកទ្រព្យសម្បត្តិភាគច្រើនរបស់នាងទៅឱ្យម្តាយ និងប្អូនប្រុសពីរនាក់របស់នាង៕