ប្រទេសថៃ ៖ វិស័យឯកជនបានសំណូមពរឱ្យរដ្ឋាភិបាលថៃបញ្ចប់សង្គ្រា.មឈ្លានពា.នកម្ពុជា ពីព្រោះថៃខាតបង់ចំណូលសេដ្ឋកិច្ចរហូតដល់ជាង១ពាន់លានដុល្លារក្នុង១ឆ្នាំដោយសារការបិទព្រំដែនជាច្រើនខែ ។ លើសពីនេះ ពលរដ្ឋថៃនៅបណ្តាខេត្តជាប់ព្រំដែនកម្ពុជាបាត់បង់ចំណូលនិងការងារ ហើយការបិទព្រំដែនក៏ប៉ះពាល់វិស័យទេសចរណ៍ និងការវិនិយោគពីក្រៅប្រទេសផងដែរ ប្រសិនបើរដ្ឋាភិបាលថៃនៅតែប្រកាន់ជំហរររឹងរូសបន្តសង្គ្រា.ម នឹងធ្វើឱ្យកម្ពុជាឈប់នាំចូលទំនិញថៃជារៀងរហូត ។

តាមការលើកឡើងរបស់វិស័យឯកជនថៃកាលពីថ្ងៃទី១៣ ខែធ្នូ ឆ្នាំ២០២៥ ការបិទព្រំដែនកម្ពុជា-ថៃរយៈពេល៧ខែ ធ្វើឱ្យពាណិជ្ជកម្មរវាងប្រទេសទាំងពីររាំងស្ទះ និងបាត់បង់ចំណូលសេដ្ឋកិច្ចរហូតដល់ជាង៥ម៉ឺនលានបាតក្នុង១ឆ្នាំ (ឬជាង១,៥៨០លានដុល្លារ) ។ ការខាតបង់ចំណូលយ៉ាងច្រើននេះធ្វើឱ្យប៉ះពាល់អាជីវកម្ម និងការប្រកបរបររបស់ពលរដ្ឋនៅខេត្តចំនួន៦ ជាប់ព្រំដែនកម្ពុជា ខណៈរដ្ឋាភិបាលថៃពិបាកស្វែងរកទីផ្សារថ្មីសម្រាប់នាំចេញទំនិញ និងកាត់បន្ថយផលប៉ះពាល់ ។

ការនាំចេញទំនិញពីថៃទៅកម្ពុជា ស្មើទឹកប្រាក់ជាង៧ម៉ឺនលានបាតក្នុង១ឆ្នាំ ខណៈការនាំចូលទំនិញពីកម្ពុជាមកថៃ ស្មើត្រឹមតែ២ម៉ឺនលានបាតក្នុងឆ្នាំ ដែលធ្វើឱ្យថៃបាត់បង់ចំណូលសេដ្ឋកិច្ចរហូតដល់ជាង៥ម៉ឺនលានបាតក្នុង១ឆ្នាំ (ឬជាង១,៥៨០លានដុល្លារ) ដោយសារការបិទព្រំដែនជាឯកតោភាគីរបស់កងទ័ពថៃ ។ ទោះជាផលប៉ះពាល់ទៅលើផលិតផលក្នុងស្រុកសរុប (GDP) ស្មើប្រមាណតែ០.២% ក្តី ប៉ុន្តែពាណិជ្ជកម្មព្រំដែនបានប៉ះពាល់ខ្លាំងបំផុត ។

វិស័យឯកជនថៃបង្ហាញក្តីបារម្ភពីផលប៉ះពាល់ពាណិជ្ជកម្មព្រំដែនកាន់តែធ្ងន់ធ្ងរ បើស្ថានការណ៍ជម្លោះជាមួយកម្ពុជាអូសបន្លាយជាង៣ខែទៀត នឹងធ្វើឱ្យថៃបាត់បង់ចំណូលសេដ្ឋកិច្ចរហូតដល់៨ម៉ឺនលានបាតក្នុង១ឆ្នាំ (ឬជាង២,៥៣៧លានដុល្លារ) ហើយកម្ពុជាអាចនឹងបញ្ឈប់ការនាំចូលទំនិញថៃ និងនាំចូលទំនិញវៀតណាមជំនួសវិញ ។ ទន្ទឹមនឹងនេះ វិស័យការងារ វិនិយោគ និងទេសចរណ៍ ក៏ប៉ះពាល់ដោយសារការបិទព្រំដែនដែរ និងត្រូវរង់ចាំតាមដានស្ថានការណ៍មិនប្រាកដប្រជាយូរទៀត ។

ពលរដ្ឋថៃនៅខេត្តចំនួន៦ជាប់ព្រំដែនកម្ពុជា បាត់បង់ចំណូលដោយសារជម្លៀសចេញពីលំនៅឋានម្តងហើយម្តងទៀត ពុំអាចប្រកបមុខរបរចិញ្ចឹមជីវិត រីឯវិស័យទេសចរណ៍បាត់បង់ចំណូលដោយសារការបិទព្រំដែនផង និងទឹកជំនន់នៅភាគខាងត្បូងផង ។ ហេតុនេះ វិស័យឯកជនស្នើឱ្យរដ្ឋាភិបាលថៃបញ្ចប់សង្គ្រាមឈ្លានពានដើម្បីឱ្យភ្ញៀវទេសចរបរទេសមកកម្សាន្តនៅថៃឡើងវិញ និងកាត់បន្ថយផលប៉ះពាល់សេដ្ឋកិច្ចយូរអង្វែង ដោយសារប្រទេសនានាហាមពលរដ្ឋខ្លួនកុំធ្វើដំណើរមកក្បែរតំបន់គ្រោះថ្នាក់ ។

លោក សរ៉ាថេត រ៉ូតផូចនារ៉ាត់ ទីប្រឹក្សាសមាគមសណ្ឋាគារ និងជាម្ចាស់ភោជនីយដ្ឋានថា ការបិទព្រំដែន៧ខែធ្វើឱ្យប៉ះពាល់ការនាំចេញទំនិញថៃទៅកម្ពុជា ដែលស្មើទឹកប្រាក់រាប់ម៉ឺនលានបាតក្នុង១ឆ្នាំ ខណៈថៃនាំចូលពីកម្ពុជាតិចតួច បញ្ហាសំខាន់ ការខ្វះខាតកម្លាំងពលកម្មដោយសារក្រសួងការពារថៃមិនបន្តសុពលភាពប័ណ្ណធ្វើការឱ្យពលករកម្ពុជា ។ រដ្ឋាភិបាលថៃគួរស្វែងរកពលករបរទេសមកធ្វើការដើម្បីកុំឱ្យប៉ះពាល់អាជីវកម្ម និងឧស្សាហកម្ម ។

ទោះជាវិស័យឯកជនទទូចឱ្យរដ្ឋាភិបាលថៃបញ្ចប់សង្គ្រាមឈ្លានពានកម្ពុជាតាមរយៈការចរចាសន្តិវិធី ប៉ុន្តែនាយករដ្ឋមន្ត្រីចាំផ្ទះ លោក Anutin Charnvirakul ប្រកាន់នៅតែជំហររឹងរូសបន្តសង្គ្រាម បន្ទាប់ពីទាត់ចោលបទឈប់បាញ់ និងកិច្ចព្រមព្រៀងសន្តិភាព ដោយចោទប្រកាន់កម្ពុជាបង្កប់មីនថ្មី ។ ប្រទេសនានា រួមទាំងមហាអំណាចអាមេរិក មហាអំណាចចិន អំពាវនាវឱ្យរដ្ឋាភិបាលថៃបញ្ចប់សង្គ្រាមជាបន្ទាន់ ប៉ុន្តែរហូតមកដល់ព្រឹកថ្ងៃទី១៦ ខែធ្នូ កងទ័ពថៃនៅតែបន្តធ្វើសកម្មភាពវាយប្រហារ និងបាញ់ផ្សែងពុលចូលក្នុងភូមិសាស្ត្រភូមិព្រៃចាន់ ខេត្តបន្ទាយមានជ័យ ៕

តើថៃសំអាងអ្វីបានជាហ៊ានផ្គើននឹងការអំពាវនាវឲ្យឈប់បា.ញ់ពីសំណាក់ប្រទេសធំៗបែបនេះ? បន្ទាប់ពីសហរដ្ឋអាមេរិក បានប្រកាសឲ្យប្រទេសថៃនិងកម្ពុជាបញ្ចប់សង្គ្រាមហើយត្រឡប់មកគោរពកិច្ចព្រមព្រៀងសន្តិភាព ឥឡូវនេះប្រទេសចិនក៏បានចេញសេចក្ដីថ្លែងការណ៍ផងដែរ ដើម្បីជំរុញឲ្យភាគីទាំងពីររក្សាសន្តិភាពជាទិភាពខ្ពស់បំផុត។ តែទោះជាយ៉ាងណា គិតមកត្រឹមព្រឹកថ្ងៃអង្គារ ទី១៦ ខែធ្នូនេះ ភាគីថៃនៅតែបន្តផ្លោ.ងគ្រាប់ និងវាយប្រហារចូលទឹកដីកម្ពុជាដដែល។

យោងតាមទំព័រហ្វេសប៊ុកផ្លូវការរបស់លោក Guo Jiakun អ្នកនាំពាក្យក្រសួងការបទេសចិន នៅថ្ងៃចន្ទ ទី១៥ ខែធ្នូ ឆ្នាំ ២០២៥ បានប្រកាសថា មហាអំណាចចិន ប្តេជ្ញាជំរុញឲ្យមានបទឈប់បាញ់រវាង កម្ពុជានិងថៃ ហើយចូលតុចរចាដើម្បីសន្តិភាព ហើយសង្ឃឹមថា កម្ពុជា និងថៃ នឹងអនុវត្តការអត់ធ្មត់ជាអតិបរមា ហើយចាត់វិធានការទាំងអស់ ដែលនាំទៅដល់ការបញ្ឈប់ការប្រយុទ្ធគ្នា និងបន្ថយភាពតានតឹងឱ្យបានឆាប់តាមដែលអាចធ្វើទៅបាន។

លោក Guo Jiakun បានបន្ថែមថា ចិននឹងបន្ត ដោយមើលលើឆន្ទៈរបស់ភាគីទាំងពីរ ក្នុងការធ្វើការឱ្យអស់ពីសមត្ថភាព ដើម្បីជំរុញការចរចាដើម្បីសន្តិភាព និងដើរតួនាទីស្ថាបនាតាមរបៀបរបស់យើង ដើម្បីនាំមកនូវបទឈប់បាញ់ និងការស្តារសន្តិភាពរវាងប្រទេសទាំងពីរ។

ជាមួយគ្នានេះ លោក Wang Wenbin ឯកអគ្គរដ្ឋទូតចិនប្រចាំនៅកម្ពុជា ក៏បានបង្ហាញឲ្យឃើញដែរថា អាទិភាពខ្ពស់បំផុតគឺបញ្ឈប់សង្គ្រាម និងការពារពលរដ្ឋស៊ីវិល។ លោកបានលើកឡើងពីគោលជំហប្រទេសចិន គឺនឹងបន្តធ្វើអ្វីៗគ្រប់យ៉ាងតាមដែលយើងអាចធ្វើបាន ដើម្បីលើកកម្ពស់ការសន្ទនារ ឈានទៅកសាងសន្តិភាព ហើយចិន នឹងបន្តដើរតួនាទីស្ថាបនាតាមវិធីរបស់ខ្លួន ក្នុងការនាំមកនូវបទឈប់បាញ់រវាងកម្ពុជា-ថៃ ដើម្បីកសាងសន្តិភាព។

គួរជម្រាបថា ទាំងការលើកឡើងរបស់អ្នកនាំពាក្យក្រសួងការបទេសចិន និងឯកអគ្គរដ្ឋទូតចិន ដូចខាងលើនេះ ធ្វើឡើងបន្ទាប់ពីការប្រកាសរបស់ប្រធានាធិបតីសហរដ្ឋអាមេរិក លោក ដូណាល់ត្រាំ និង លោក អាន់វ៉ា អុីប្រាហុីម នាយករដ្ឋមន្រ្តីម៉ាឡេសុី ជំរុញឲ្យកម្ពុជានិងថៃវិលត្រឡប់ទៅអនុវត្តតាមសេចក្ដីថ្លែងការណ៍រួមស្តីពីកិច្ចព្រមព្រៀងសន្តិភាពទីក្រុងគូឡាឡាំពួ ដើម្បីបញ្ឈប់ការបង្ហូរឈា.មរបស់ទាហាន និងជនសុីវិល។

តែទោះជាមានការជំរុញ និងអំពាវនាវយ៉ាងនេះក្ដី ប្រទេសថៃដែលជាអ្នកហែកចោ.លសន្តិភាពមុន មិនបានយល់ព្រមក្នុងការបញ្ចប់ជម្លោះជាមួយកម្ពុជាឡើយ។ បើតាមរបាយការណ៍របស់ក្រសួងការពារជាតិកម្ពុជា នាព្រឹកថ្ងៃទី១៦ ខែធ្នូ វេលាម៉ោង៨៖៣០នាទី ទាហានឈ្លានពានថៃ បានប្រើប្រាស់កាំភ្លើងធំ និងកម្លាំងថ្មើរជើង បា.ញ់យ៉ាងខ្លាំងនៅសមរភូមិព្រៃចាន់ ភូមិជោគជ័យ និងបឹងត្រកួន ខេត្តបន្ទាយមានជ័យ។

ជាការឆ្លើយតប កម្លាំងកម្ពុជាបានបា.ញ់តបតទៅវិញយ៉ាងខ្លាំងក្លា មិនឲ្យពួកគេចូលមកឈរជើង និងកាន់កាប់ទីតាំងរបស់យើងបាននោះទេ។ ក្នុងន័យនេះគួរបញ្ជាក់ថា កម្ពុជាតែងចាត់ទុកសន្តិភាពជាទិភាពចម្បង ប៉ុន្តែការការពារដែនអធិបតេយ្យ និងបូរណភាពទឹកដី ចំពេលមានការឈ្លានពានពីប្រទេសជិតខាង ក៏ជារឿងសំខាន់ដែលកម្ពុជាត្រូវតែអនុវត្តក្រោមច្បាប់ការពារខ្លួនផងដែរ៕

ប្រទេសថៃ ៖ កាលពីថ្ងៃទី១៣ ខែធ្នូ ឆ្នាំ២០២៥ ពលរដ្ឋខេត្តឈៀងម៉ៃជាច្រើនបានចេញមកតវ៉ាប្រឆាំងនឹងកងទ័ពធ្វើសង្គ្រា.មឈ្លានពា.នកម្ពុជា ដោយពួកគេចាត់ទុកសង្គ្រា.មនេះរៀបចំឡើងដោយរដ្ឋាភិបាលរបស់នាយករដ្ឋមន្ត្រីចាំផ្ទះ លោក Anutin Charnvirakul ដើម្បីរកសំឡេងគាំទ្រសម្រាប់ការបោះឆ្នោតនៅខែកុម្ភៈ ឆ្នាំ២០២៦ បន្ទាប់ពីមេដឹកនំាំថៃមានរឿងអាស្រូវជាច្រើន ដូចជា ៖ គ្មានសមត្ថភាពដោះស្រាយទឹកជំនន់បណ្តាលឱ្យពលរដ្ឋភាគខាងត្បូង ជាពិសេស នៅស្រុកហាតយៃ ខេត្តសុងក្លា ស្លា.ប់រហូតដល់ជាង១,០០០នាក់ និងមានទំនាក់ទំនងជិតស្និទ្ធជាមួយមេឧក្រិដ្ឋ.កម្មឆបោ.កអនឡាញបរទេស ។

ប៉ុន្តែតារាសម្តែងប្រុសម្នាក់នៅប្រទេសថៃបែរជាបង្ហោះសារស្តីបន្ទោសពលរដ្ឋខេត្តឈៀងម៉ៃ ថា នាំគ្នាកាន់ស្លាកប្រឆាំងសង្គ្រាមឈ្លានពានកម្ពុជា តើពលរដ្ឋខេត្តឈៀងម៉ៃធ្លាប់ទៅប្រយុទ្ធនៅសមរភូមិជាមួយកងទ័ពដែរឬទេ? តារាសម្តែងរូបនេះបានណែនាំឱ្យពលរដ្ឋខេត្តឈៀងម៉ៃឈប់តវ៉ាបញ្ចប់សង្គ្រាម និងនាំគ្នាបញ្ជូនស្បៀងអាហារឱ្យកងទ័ពថៃនៅសមរភូមិវិញដើម្បីមានកម្លាំងប្រយុទ្ធដណ្តើមទឹកដីកម្ពុជា ។

តាមការចុះផ្សាយរបស់សារព័ត៌មាន Top News នៅថ្ងៃទី១៥ ខែធ្នូ ឆ្នាំ២០២៥ លោក Pharunyoo Rojanawuttitham តារាសម្តែងថៃបានបង្ហោះសារក្នុងបណ្តាញសង្គមស្តីបន្ទោសពលរដ្ឋខេត្តឈៀងម៉ៃ ដែលប្រមូលគ្នាកាន់ស្លាកទាមទារឱ្យរដ្ឋាភិបាល និងកងទ័ពបញ្ឈប់សង្គ្រាមឈ្លានពានកម្ពុជា ដោយតារាសម្តែងនេះថា តើពលរដ្ឋខេត្តឈៀងម៉ៃធ្លាប់ទៅសមរភូមិប្រយុទ្ធឬអត់ ទើបនាំគ្នាមកតវ៉ាឱ្យបញ្ឈប់សង្គ្រាមបែបនេះ ។ សូមពួកអ្នកយកពេលវេលាតវ៉ាទៅរៀបចំស្បៀងអាហារបញ្ជូនឱ្យកងទ័ពនៅសមរភូមិវិញ ។

ពលរដ្ឋថៃបានគាំទ្រការបញ្ចេញមតិរបស់តារាសម្តែងរូបនេះ ជាពិសេស សៀមសុរិន្ទនិយាយថា ពលរដ្ឋខេត្តឈៀងម៉ៃពិតជាឆោតល្ងង់ដែលទាមទារឱ្យបញ្ឈប់សង្គ្រាម ពួកអ្នកមិនដឹងរឿងច្បាស់ទេ ដោយសារមិននៅព្រំដែនជាប់កម្ពុជា ។ ពលរដ្ឋខ្លះទៀតបានអរគុណដល់តារាសម្តែងនេះដែលជួយឧបត្ថម្ភកងទ័ពគ្រប់យ៉ាងសម្រាប់ការវាយប្រហារកម្ពុជាជាថ្មី ដោយពួកគេសំណូមពរឱ្យកងទ័ពវាយកម្ពុជាឱ្យធ្ងន់ធ្ងរកុំបន្ធូរដៃ ខណៈខ្លះទៀតថា ថៃមិនត្រូវការសង្គ្រាមទេ និងចោទប្រកាន់កម្ពុជាជាន់ឈ្លីកិត្តិយសកងទ័ពថៃ និងលាបពណ៌កម្ពុជាបង្កប់មីនថ្មីបណ្តាលឱ្យកងទ័ពថៃរងរបួសដាច់ជើង ហើយជំរុញឱ្យកងទ័ពវាយប្រហារកម្ពុជាបន្តទៀតដើម្បីការពារអធិបតេយ្យ ។

គួរបញ្ជាក់ថា កន្លងមក លោក Pharunyoo Rojanawuttitham ដែលមានស្នាមសាក់ពេញខ្លួននេះបានបង្ហោះសារសើចឡកឡើយឱ្យកម្ពុជាថា ៖ «ខ្ញុំក៏ចង់ពហិការដាក់ប្រទេសអ្នកឯងដែរ ប៉ុន្តែប្រទេសអ្នកគ្មានអ្វីឱ្យពហិការទេ ក្រៅពីការឆបោកអនឡាញ ។ ខ្ញុំគិតមិនចេញថា តើមានអ្វីអាចពិការបាន» ។

ពាក្យសម្តីរបស់តារាសម្តែងថៃនេះពិតជាបញ្ជាក់ពីសន្តាន គ្មានចំណេះវិជ្ជាក្នុងខ្លួន និងញុះញង់ឱ្យកងទ័ពថៃបន្តធ្វើសង្គ្រាមដណ្តើមទឹកដីកម្ពុជា ។ លើសពីនេះ ថែមទាំងចោទប្រកាន់កម្ពុជាជាប្រទេសឆបោកអនឡាញ ទាំងដែលប្រទេសថៃខ្លួនឯងជាសំបុករបស់ឧក្រិដ្ឋកម្មអនឡាញដ៏ធំបំផុតនៅលើពិភពលោក ដែលភ្ញៀវទេសចរបរទេសខ្លាចមិនហ៊ានមកកម្សាន្ត ជាពិសេស ភ្ញៀវទេសចរចិន ខណៈមេដឹកនាំថៃបច្ចុប្បន្ន លោក Anutin ពាក់ព័ន្ធនឹងមេឧក្រិដ្ឋកម្មអនឡាញដ៏ធំលើពិភពលោក ទើបបង្កសង្គ្រាមជាមួយកម្ពុជាដើម្បីបិទបាំងអំពើអាក្រក់របស់ខ្លួន ៕

ប្រទេសនានាលើពិភពលោក រួមមាន ៖ ម៉ាឡេស៊ី ជប៉ុន អាមេរិក ចិន កូរ៉េខាងត្បូង វៀតណាម ឡាវ សិង្ហបុរី បារាំង អង្គការសហប្រជាជាតិ និងរុស្ស៊ី បានបង្ហាញក្តីបារម្ភយ៉ាងខ្លាំងបន្ទាប់ពីកងទ័ពថៃបង្កសង្គ្រា.មឈ្លានពា.នកម្ពុជាជាថ្មីកាន់តែខ្លាំងក្លា សា.ហាវព្រៃ.ផ្សៃ និងអូសបន្លាយពេលជាច្រើនថ្ងៃ ។ កងទ័ពថៃប្រើប្រាស់សព្វាវុ.ធធុនធ្ងន់គ្រប់ប្រភេទ រួមទាំងផ្សែងពុល គ្រាប់បែ.កចង្កោម យន្តហោះទម្លាក់គ្រាប់បែក F-16 និង Gripen វាយប្រ.ហារចូលក្នុងដែនអធិបតេយ្យកម្ពុជាមិនឈប់ឈរ ទោះជាប្រធានាធិបតីអាមេរិកអំពាវនាវឱ្យថៃបញ្ឈប់ការឈ្លា.នពាន និងគោរពកិច្ចព្រមព្រៀងសន្តិភាពក្តី ។

ស្ថានទូតរុស្ស៊ីប្រចាំប្រទេសថៃ បានចេញសេចក្តីប្រកាសតាមបណ្តាញសង្គមថា ក្រសួងការបរទេសរុស្ស៊ីបារម្ភយ៉ាងខ្លាំងចំពោះការផ្ទុះសង្គ្រាមយ៉ាងខ្លាំងក្លានៅតាមបណ្តោយព្រំដែនកម្ពុជា-ថៃ បន្ទាប់ពីកងទ័ពថៃប្រើប្រាស់សព្វាវុធធុនធ្ងន់ជាច្រើនប្រភេទ ។ រុស្ស៊ីអំពាវនាវឱ្យភាគីទាំងសងខាងអត់ធ្មត់ដើម្បីកុំឱ្យបាត់បង់ជីវិតមនុស្ស និងងាកមកចរចាដោះស្រាយជម្លោះដើម្បីឈប់បាញ់ជាបន្ទាន់ ។

អ្នកនាំពាក្យក្រសួងការបរទេសរុស្ស៊ី អ្នកស្រី Maria Zakharova បានបញ្ជាក់ក្នុងសេចក្តីប្រកាសកាលពីថ្ងៃទី១១ ខែធ្នូ ឆ្នាំ២០២៥ ថា រុស្ស៊ីមានទំនាក់ទំនងមិត្តភាព និងសហការជាមួយកម្ពុជា-ថៃយូរមកហើយ ហើយសង្គ្រាមកាន់តែខ្លាំងក្លានៅតាមបណ្តោយព្រំដែនប្រទេសទាំងពីរធ្វើឱ្យរុស្ស៊ីបារម្ភបំផុត ។ រុស្ស៊ីសូមអំពាវនាវឱ្យប្រទេសទាំងពីរអត់ធ្មត់ដើម្បីចៀសវាងការបាត់បង់ជីវិតមនុស្ស ដោយត្រឡប់មកចរចាយ៉ាងឆាប់រហ័សដើម្បីអនុវត្តបទឈប់បាញ់ និងដោះស្រាយជម្លោះព្រំដែន ។ ប្រទេសទាំងពីរគួរនឹកដល់កិច្ចព្រមព្រៀងសន្តិភាពដែលបានចុះហត្ថលេខារួមមគ្នាក្រៅកិច្ចប្រជុំកំពូលអាស៊ាននៅទីក្រុងគូឡាឡាំពួរ ប្រទេសម៉ាឡេស៊ី កាលពីថ្ងៃទី២៦ ខែតុលា ។

អ្នកស្រី Maria លើកឡើងថា រុស្ស៊ីគាំទ្រការដោះស្រាយជម្លោះកម្ពុជា-ថៃដោយសន្តិវិធីប៉ុណ្ណោះ និងស្តីបន្ទោសថា ជម្លោះរវាងប្រទេសនានាលើពិភពលោក គឺបណ្តាលមកពីគោលនយោបាយអាណានិគមដ៏យូរអង្វែងរបស់ប្រទេសលោកខាងលិច ។ ពេលមានភាពមិនប្រាកដប្រជានៃសន្តិសុខលើពិភពលោកកើនឡើង ជាពិសេស នៅតំបន់អាស៊ីប៉ាស៊ីហ្វិក រុស្ស៊ីមើលឃើញថា បណ្តាប្រទេសសមាជិកអាស៊ានត្រូវតែលើកកម្ពស់ស្មារតីនៃការរួបរួម សាមគ្គីភាពដើម្បីឆ្លងផុតជម្លោះប្រវត្តិសាស្ត្រ និងរក្សាស្ថិរភាពក្នុងតំបន់ ។

គួរបញ្ជាក់ថា រុស្ស៊ីអំពាវនាវឱ្យបញ្ចប់សង្គ្រាមកម្ពុជា-ថៃ បន្ទាប់ពីការអំពាវនាវពីប្រទេសនានា រួមមាន ៖ ម៉ាឡេស៊ី ជប៉ុន អាមេរិក ចិន កូរ៉េខាងត្បូង វៀតណាម ឡាវ សិង្ហបុរី បារាំង និងអង្គការសហប្រជាជាតិ ដោយសារបារម្ភពីការបាត់បង់ជីវិតមនុស្សនៅតាមបណ្តោយព្រំដែនកាន់តែច្រើនដែលបង្កឡើងដោយកងទ័ពឈ្លានពានថៃ ។

កាលពីថ្ងៃទី១២ ខែធ្នូ ប្រធានាធិបតីអាមេរិក លោក Donald Trump បានទូរស័ព្ទមកនាយករដ្ឋមន្ត្រីថៃចាំផ្ទះ លោក Anutin Charnvirakul ឱ្យបញ្ឈប់ការបាញ់ប្រហារកម្ពុជា និងគោរពកិច្ចព្រមព្រៀងសន្តិភាព ប៉ុន្តែលោក Anutin នៅតែប្រកាន់ជំហររឹងទទឹងធ្វើសង្គ្រាមបន្តទៀត រហូតមានអារម្មណ៍ថា គ្មានគ្រោះថ្នាក់ ។ លោក Anutin និងកងទ័ពថៃបានទាត់ចោលបទឈប់បាញ់ និងមិនគោរពកិច្ចព្រមព្រៀងសន្តិភាព ដោយយកលេសកងទ័ពជាន់មីនដើម្បីសងសឹកយ៉ាងខ្លាំងមកលើកម្ពុជា ។

ប្រធានាធិបតីអាមេរិក លោក Donald Trump បានផ្ដល់បទសម្ភាសន៍ជាមួយកាសែត The Wall Street Journal នាចុងសប្ដាហ៍មុនថា ថៃ និងកម្ពុជា នឹងប្រឈមជាមួយការដំឡើងពន្ធគយខ្លាំងក្លាពីអាមេរិក បើប្រទេសទាំងពីរមិនបញ្ឈប់ជម្លោះប្រដាប់អាវុធ ហើយវិលទៅគោរពបទឈប់បាញ់ ។ លោក Trump បន្ថែមថា លោកបានប្រាប់មេដឹកនាំប្រទេសទាំងពីរថា ៖ «បើពួកអ្នកធ្វើសង្រ្គាមនឹងគ្នា ខ្ញុំមិនត្រឹមតែបញ្ឈប់កិច្ចព្រមព្រៀងពាណិជ្ជកម្មដែលយើងមានប៉ុណ្ណោះទេ ខ្ញុំនឹងដំឡើងពន្ធគយលើប្រទេសទាំងពីរថែមទៀត គ្មាននរណាផ្សេងអាចធ្វើបានដូចខ្ញុំទេ» ៕

គូឡាឡាំពួ៖ ការបើកបង្ហាញទិន្នន័យរូបភាពតាមរយៈផ្កាយរណប និងលទ្ធផលស៊ើបអង្កេតរបស់ក្រុម AOT ដែលគ្រោងធ្វើឡើងក្នុងកិច្ចប្រជុំពិសេសរដ្ឋមន្ត្រីការបរទេសអាស៊ាន នៅទី១៦ ធ្នូស្អែកនេះ ត្រូវបានលើកទៅពេលក្រោយ ខណៈភាពតានតឹងនៃជម្លោះព្រំដែនកម្ពុជា-ថៃ កំពុងបន្តកើនឡើង។ នេះបើយោងតាមសារព័ត៌មានម៉ាឡេស៊ី BERNAMA។

នាយករដ្ឋមន្រ្តីម៉ាឡេសុី និងជាប្រធានប្ដូរវេនអាស៊ានបច្ចុប្បន្ន លោក អាន់វ៉ា អុីប្រាហុីម បាននិយាយប្រាប់សារព័ត៌មាន នាថ្ងៃចន្ទ ទី១៥ ខែធ្នូ ឆ្នាំ២០២៥ នេះថា ប្រទេសជិតខាងទាំងពីរ (កម្ពុជា-ថៃ) បានស្នើសុំពន្យារពេលកិច្ចប្រជុំបន្តិចបន្តួច ដែលដំបូងឡើយត្រូវបានគ្រោងទុកសម្រាប់ថ្ងៃស្អែកនេះ។

លោក អាន់វ៉ា បាននិយាយថា ការពន្យារពេលនៃកិច្ចប្រជុំនេះ គឺធ្វើឡើងដើម្បីវាយតម្លៃការវិវឌ្ឍចុងក្រោយបំផុតនៃភាពតានតឹងព្រំដែនដែលកំពុងបន្តរវាងកម្ពុជា និងថៃ និងដើម្បីធានាថាអ្វីៗគ្រប់យ៉ាងមានមានភាពរៀបរយ មុននឹងការប្រជុំពិភាក្សាលើប្រធានបទផ្សេងៗដំណើរការទៅបានដោយរលូន។

ថ្លែងទៅកាន់ក្រុមអ្នកសារព័ត៌មាន ក្នុងកម្មវិធីមួយនៅឯវិទ្យាស្ថាន International Institute of Advanced Islamic Studies នៅថ្ងៃដដែលនេះ លោក អាន់វ៉ា បានកត់សម្គាល់ថា «យើង (ម៉ាឡេសុី)កំពុង សម្របសម្រួល និងតាមដានកិច្ចប្រឹងប្រែង។ ពួកគេ (ថៃ និងកម្ពុជា) បានស្នើឱ្យលើកពេលកិច្ចប្រជុំពិសេសថ្នាក់រដ្ឋមន្ត្រីការបរទេសអាស៊ានដែលដំបូងឡើយគ្រោងនឹងធ្វើនៅថ្ងៃអង្គារស្អែកនេះ។ ដូច្នេះយើងបាន លើកពេលកិច្ចប្រជុំ ប៉ុន្តែយើងនៅតែអំពាវនាវឱ្យបញ្ឈប់ការប្រយុទ្ធគ្នា ហើយនេះជារឿងសំខាន់បំផុត»។

គួរបញ្ជាក់ថា កាលពីថ្ងៃសៅរិ័ ទី១៥ ខែធ្នូ ឆ្នាំ២០២៥កន្លងទៅ លោក អាន់វ៉ា អុីប្រាហុីម បានលើកឡើងថា លទ្ធផលតាមដាននៃបេសកកម្មរបស់ក្រុមអ្នកសង្កេតការណ៍អាស៊ាន (AOT) ដែលផ្តល់ការគាំទ្រដោយរដ្ឋាភិបាលសហរដ្ឋអាមេរិកតាមរយៈប្រព័ន្ធផ្កាយរណប នឹងត្រូវបើកបង្ហាញនៅក្នុងកិច្ចប្រជុំរដ្ឋមន្ត្រីការបរទេសអាស៊ាននៅថ្ងៃអង្គារ ទី ១៦ ខែធ្នូខាងមុខ។

ប៉ុន្តែដោយបច្ចុប្បន្ន កិច្ចប្រជុំមួយនេះត្រូវបានពន្យាពេល ការបើកបង្ហាញលទ្ធផលនៃក្រុម AOT រួមទាំងរូបភាពដែលចាប់បានពីផ្កាយរណប ក៏នឹងត្រូវលើកទៅពេលក្រោយដូចគ្នា ហើយនៅមិនទាន់មានការកំណត់ថានឹងធ្វើឡើងនៅពេលណាច្បាស់លាស់នោះដែរ ដោយរង់ចាំមើលស្ថានការណ៍ព្រំដែនរវាងកម្ពុជា-ថៃ មានការធូរស្បើយជាមុនសិន៕