បើ​ទោះ​ជា​បច្ចុប្បន្ន​ប្រទេស​ខ្លះ​កែប្រែ​របប​ពី​មាន​ស្ដេច​ មក​ជា​​របប​ប្រធានាធិបតី​គ្រប់គ្រង​ ក៏​ពិត​មែន​ប៉ុន្តែ​ក៏​នៅ​មាន​ប្រទេស​មួយ​ចំនួន​ នៅ​គោរព​ប្រតិបត្តិ​​ព្រះមហាក្សត្រ​ដដែល​តួយ៉ាង​ដូចជា​ កម្ពុជា, ថៃ, ម៉ាឡេស៊ី​ និង​ប្រ៊ុយណេ​ ជា​ដើម។ ដោយ​ឡែក​ប្រទេស​​លែង​មាន​ស្ដេច​​គ្រប់គ្រង​មួយ​ចំនួន​វិញ​​ ក៏​នៅ​តែ​​ ថែ​រក្សា និង​អភិរក្ស​បាន​យ៉ាង​ល្អ នូវ​​ប្រពៃណី​ ទំនៀមទម្លាប់​​ សំណង់​ពាក់ព័ន្ធ​នឹង​រាជា​និយម​ ដូចជា​រាជវាំង​ រាជ​ដំណាក់​។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​នៅ​អាស៊ាន​ ព្រះរាជវាំង​ដែល​នៅ​រក្សា​រូប​រាង​បាន​ល្អ​ ហើយ​បន្ត​សេសសល់​ដល់​សព្វថ្ងៃ​ និង​ចាស់​ជាង​គេ​គឺ​រាជវាំង​ The Palace of Yogyakarta។

ព្រះរាជវាំង​នេះ ត្រូវបានកសាងឡើងនៅឆ្នាំ ១៧៥៥-១៧​៥៦​ នៅទីក្រុង Yogyakarta នៃប្រទេសឥណ្ឌូនេសុី។ វិមានដ៏ប្រណិតនេះត្រូវបានសាងសង់ឡើងដោយផ្អែកលើជំនឿបុរាណ នៃទំនាក់ទំនងរវាងព្រះ មនុស្ស និងអាណាចក្រធម្មជាតិ។

ព្រះរាជវាំង​នេះ ត្រូវ​បាន​គេ​សាងសង់​ដោយ​បែរ​មុខ​ទៅ​ទិស​ខាងជើង​ផ្ទាល់​ឆ្ពោះ​ទៅ​កាន់​ភ្នំ Merapi ដោយផ្នែកខាងត្បូងត្រូវបានសាងសង់បែរមុខទៅមហាសមុទ្រឥណ្ឌា ដែលគេជឿថាកន្លែងគង់នៅរបស់ ម្ចាស់ក្សត្រីនៃសមុទ្រខាងត្បូង និងជាមហេសីអាថ៌របស់ស្តេចស៊ុលតង់។

ដោយឡែកព្រះបរមរាជវាំងកម្ពុជា ស្ថិតនៅលេខ៥ ក្នុងចំណោម រាជវាំងដែលចាស់ជាគេបំផុត នៅក្នុងតំបន់អាស៊ានយើង៕

ប្រភព៖ Indonesia Travel

នៅរសៀលថ្ងៃទី១៥ ខែកក្កដា ឆ្នាំ២០២៣នេះ ឯកឧត្តមបណ្ឌិត ម៉ុង ឫទ្ធី បានបង្ហោះនូវរឿងមួយដែលលោកទើបបានជួបប្រទះលើកទី១នៅក្នុងជីវិតព្រោះតែក្មេងស្រីអាយុ១៣ឆ្នាំម្នាក់។

នៅលើបណ្តាញសង្គមឯកឧត្តមបណ្ឌិត ម៉ុង ឫទ្ធី បានរៀបរាប់យ៉ាងដូច្នេះថា «ស្ទើរតែមួយជីវិតរបស់ខ្ញុំទៅហើយទើបតែបានជួបជាលើកទីមួយ នៅពេលខ្ញុំចុះមកដាំកូនឈើនៅក្នុងបរិវេណសាលាបឋមសិក្សាតាម៉ូងផ្អែម ខ្ញុំបានកាច់ធ្មេញឱ្យ កុមារា កុមារីជាច្រើននាក់ដោយឱ្យប្រាក់១០,០០០៛ក្នុងម្នាក់ៗ ចំឡែកតែកុមារី ហួត ស្រីនាថ អាយុ១៣ឆ្នំាបានទទួលប្រាក់យកទៅបាត់មួយសន្ទុះ ស្រាប់តែរត់យកមកឱ្យខ្ញុំ១០,០០០៛វិញហើយប្រាប់ថា ខ្ញុំជូនលុយ១០.០០០៛វិញលោកតាឱ្យខ្ញុំលើស។ ខ្ញុំទទួលយកមកវិញហើយបានថែមលុយពីលើនេះមួយចំនួនទៅឱ្យវិញ ដើម្បីជាការតបស្នងសងគុណនូវអំពើសុចរិតនេះ»។ ខ្ញុំ

ឯកឧត្តម បានបន្តទៀតថា «ខ្ញុំបានឱ្យក្រុមការងារស្រាវជ្រាវរកក្រុមគ្រួសារកុមារីនេះ ឃើញថាម្តាយមានអាយុ៤៦លែងលះគ្នាជាមួយឪពុកទុកកូនឱ្យចំនួន៥នាក់ ស្រី៤នាក់ ប្រុសម្នាក់ ស្រីនាថ ជាកូនទី៣ បងៗ២នាក់បំរើការងារនៅចំការដូងប្រេង។ តាំងពីលែងលះគ្នាមកម្តាយពិបាកចិត្តពេកចេះតែហូបស្រាពេលនេះមានជម្ងឺប្រចាំកាយ ខ្ញុំបានឱ្យក្រុមការងារគណបក្សចំការដូងប្រេង ដឹកយកមកសង្គ្រោះនៅក្នុងមន្ទីរសម្រាកព្យាបាល និង សម្ភព ឧកញ៉ាម៉ុង កែវផុស ព្រឹកថ្ងៃសៅរ៍ទី១៥ ខែកក្កដា ឆ្នាំ២០២៣ នេះរូបខ្ញុំព្រមទាំងក្រុមការងារបានចូលមកសួរសុខទុក្ខ ព្រមទាំងបានជួយផ្តល់ថវិកាមួយចំនួនដល់ម្តាយនិងកុមារីនេះ ព្រមទាំងបានជួយផ្តល់ថវិកាដល់អ្នកជម្ងឺដែលកំពុងតែសម្រាកព្យាបាលផងដែរ»។

ក្រោយពីឃើញទង្វើដ៏ល្អរបស់ក្មេងស្រីខាងលើនេះហើយ សាធារណជនលេងបណ្តាញសង្គមបានចូលទៅខំមិនលើការបង្ហោះរបស់ឯកឧត្តមបណ្ឌិត ម៉ុង ឫទ្ធី កោតសរសើរយ៉ាងខ្លាំងចំពោះ ស្រីនាថ ដែលជាក្មេងគម្រូសម្រាប់ក្មេងឯទៀតយកតម្រាប់តាម៕

ថ្មីៗនេះនាយកដ្ឋានភាពយន្តទើបតែហៅក្រុមសម្តែងមួយក្រុមចូលទៅណែនាំ ពីការថតវីដេអូបង្កប់រូបភាពមិនសមរម្យបញ្ចេញភាពស៊ិ.ចស៊ី ស្រើ.បស្រា..លមិនសមភ្នែកដែលផ្ទុយពីអ្វីក្រសួងវប្បធម៌ និងវិចិត្រសិល្បៈធ្លាប់បានចេញសេចក្តីប្រកាសណែនាំនាពេលកន្លងមក។ ទោះយ៉ាងណាក្រសួងទើបតែហៅមួយក្រុមទៅណែនាំ ពេលនេះមានមួយក្រុមទៀតជ្រកក្រោមឈ្មោះរឿងកំប្លែងតែបញ្ចេញដើមទ្រូងមិនសមភ្នែកដែលធ្វើឱ្យមហាជនកំពុងរិះគន់ក្រុមសម្តែងនេះព្រោះដូចមិនខ្លាចចំណាត់ការណែនាំរបស់ក្រសួងសោះ។

នៅលើផេកមួយឈ្មោះថា «Mix ZinTwo Khmer Boy» បានបង្ហោះវីដេអូមួយកាលពីថ្ងៃទី១២ ខែកក្កដា ដោយបានដាក់ចំណងជើងថា «រឿងកំប្លែងស្វែងរកប្ដី» ដែលមានរយៈពេលជិត៧នាទី។ យ៉ាងណាមិញ រឿងកំប្លែងនេះត្រូវបានសាធារណជនសម្តែងការមិនពេញចិត្ត និងកំពុងបញ្ចេញមតិរិះគន់ដូចព្យុះព្រោះរឿងកំប្លែងនេះមានតួអង្គសម្តែងបញ្ចេញដើមទ្រូងអង្រួនលើវីដេអូមិនសមទៅនឹងចំណងជើងទាល់តែសោះ។

អ្នកលេងបណ្តាញសង្គមបានចូលទៅបញ្ចេញមតិថា «ខ្ញុំនឹងយក video នេះទៅឱ្យក្រសួង ,គេហៅអប់រំទៀតលូវហើយ, អន់ជាងខ្ញុំធ្វើការនៅវេងស្រេងទៀត ,គួរធ្វើឱ្យសមរម្យតិចទៅ ព្រោះសម្រស់អ្នកមិនអន់ទេ បើធ្វើចឹងដូចធ្វើបាបខ្លួនឯងដែរ ស្លៀកពាក់បង្ហាញលើ Social media ធ្វើឱ្យមានគេមើលងាយណាស់ ព្រោះយើងជាស្រី ,មួយក្រុមទៀតហើយ ស្រុកខ្មែរខ្ញុំសម្បូរណាស់ឥឡូវ គួរតែចាប់ហើយកុំលែងមកវិញ ព្រោះតែចង់ល្បីធ្វើឱ្យឈ្មោះជាស្រី ត្រូវប្រុសមើលមកយើងជាស្រីមិនល្អ ហើយបង្រៀនឱ្យក្មេងៗកាន់តែឡើងតណ្ហា ចង់សាកចង់ដឹងព្រោះតែការស្លៀកពាក់បែបនេះ គួរតែបញ្ឈប់រាល់សកម្មភាពដែលស្លៀកពាក់បែបនេះឱ្យសង្គមឃើញទៀត»។

អ្នកផ្សេងទៀតបានខំមិនថា «ធ្វើខ្លួនឲ្យគេជេរពេលគេជេរខឹងគេ យ៉ាប់មែន ,អស់មួយចូលពីរក្រសួងឈឺក្បាល , ស្លៀកពាក់ឱ្យស្រួលទៅវាមិចបងហើយអោយតែយើងលេងល្អមើលគេមើលហើយកុំស្លៀកបែបនេះអី បងមើលខ្លួនឯងទៅវាមិនសមនឹងរូបរាងទេ,ល្អមើល ណាស់ឈប់សម្តែងទៀតទៅ..»។

គួរបញ្ជាក់ថា នាពេលបច្ចុប្បន្ននេះមានក្រុមផលិតវីដេអូមួយចំនួនតែងតែផលិតវីដេអូជ្រកក្រោមឈ្មោះថារឿងអប់រំបញ្ចេញភាពស៊ិចស៊ី ស្រើបស្រាល ដើម្បីទាក់ទាញអ្នកមើលដោយមិនខ្វល់ថាទង្វើនេះវាប៉ះពាល់យ៉ាងណានោះទេ។ អស់ពីជ្រកក្រោមឈ្មោះថា រឿងអប់រំ ពេលនេះជ្រកក្រោមឈ្មោះរឿងកំប្លែងវិញម្តង ទោះបីជាក្រុមខ្លះត្រូវបានក្រសួងហៅទៅណែនាំក្តីតែនៅតែមានក្រុមផ្សេងទៀតធ្វើជាបន្តបន្ទាប់ដដែល។ រឿងហេតុដដែលៗនេះ ធ្វើខុសអាងបារមីសូមទោសទើបធ្វើឱ្យក្រុមខ្លះនៅតែធ្វើម្តងហើយម្តងទៀត៕