ជាទូទៅមនុស្សជាច្រើន នៅពេលទិញផ្លែឈើតែងចាប់អារម្មណ៍លើសម្រស់ស្រស់ និងទុំប៉ុណ្ណោះ មិនសូវចាប់អារម្មណ៍លេខកូដ ដែលបានបិតនៅលើផ្លែឈើប៉ុន្មាននោះទេ។ ដោយឡែក ក៏មានអ្នកខ្លះទៀតក៏ប្រហែលធ្លាប់ចាប់អារម្មណ៍ ក៏ប៉ុន្តែមិនដឹងអត្ថន័យវាយយ៉ាងមិច។

សម្រាប់ការបិតលេខកូដនៅលើផ្លែឈើនេះ វាមានតែលើផ្លែឈើំណាដែលនាំចូលពីក្រៅស្រុកប៉ណ្ណោះ ដូច្នេះនៅពេលអ្នកទិញផ្លែឈើដែលនាំចូលពីបរទេស អ្នកគួរពិនិត្យមើលលេខកូដដែលបានបិតនៅលើវា៖

• ប្រសិនបើមានលេខចំនួន៤ខ្ទង់ ដែលចាប់ផ្ដើមដោយ លេខ៣ ឬ លេខ៤ មានន័យថា ផ្លែឈើនោះត្រូវបានដាំដុះក្រោមច្បាប់កសិកម្ម ដែលត្រូវបានអនុវត្តនៅក្នុងប្រទេសជាច្រើន។ ផ្លែឈើទាំងនោះត្រូវបានគេប្រើប្រាស់ថ្នាំសម្លាប់សត្វល្អិត និងជីគីមីសិប្បនិម្មិត
• ប្រសិនបើមានលេខចំនួន៥ខ្ទង់ ដែលចាប់ផ្ដើមដោយ លេខ៨ មានន័យថា ផ្លែឈើនោះត្រូវបានគេកែប្រែហ្សែន (GMO) ដូច្នេះអ្នកគួរតែជៀសវាងផ្លែឈើប្រភេទនេះ
• ប្រសិនបើមានលេខចំនួន៥ខ្ទង់ ដែលចាប់ផ្ដើមដោយ លេខ៩ មានន័យថា ផ្លែឈើនោះគឺជាផ្លែឈើធម្មជាតិ ដែលបានដាំដុះដោយប្រើប្រាស់វិធីសាស្ត្រតាមបែបប្រពៃណី ដោយគ្មានការប្រើប្រាស់ថ្នាំសម្លាប់សត្វល្អិត ឬជីគីមីឡើយ។ ផ្លែឈើប្រភេទនេះហើយដែលអ្នកគួរទិញសម្រាប់គ្រួសាររបស់អ្នក៕

ប្រភព៖ Daily Mail 

ប្រទេសកេនយ៉ា ៖ អគ្គលេខាធិការអង្គការសហប្រជាជាតិ (UN) លោក Antonio Guterres បានថ្លែងទៅកាន់គណៈប្រតិភូមកចូលរួមក្នុងកិច្ចប្រជុំកំពូល ស្តីពីអាកាសធាតុនៅអាហ្វ្រិក ដែលរៀបចំឡើងនៅទីក្រុងណៃរ៉ូប៊ី ប្រទេសកេនយ៉ា ថា ប្រទេសទាំងឡាយដែលបានអភិវឌ្ឍន៍រួចហើយ ត្រូវតែមានចំណែកទទួលខុសត្រូវចំពោះតួនាទីរបស់ខ្លួន ដែលធ្វើឱ្យសីតុណ្ហភាពលើពិភពលោកកើនឡើង រហូតមានវិបត្តិអាកាសធាតុ ។

ជាមួយគ្នានេះ លោក Antonio Guterres បានអំពាវនាវឱ្យពិភពលោកឈប់ប្រើប្រាស់ប្រេងឥន្ធនៈហ្វូស៊ីលផងដែរ ដោយសារមើលឃើញថា ប្រេងឥន្ធនៈប្រភេទនេះបានជួយជំរុញឱ្យពិភពលោកកាន់តែក្តៅ និងធ្វើឱ្យប្រទេសអាហ្វ្រិករងគ្រោះដោយសារទឹកជំនន់ គ្រោះរាំងស្ងួត និងភ្លៀងធ្លាក់មិនទៀងទាត់ ។ ក្រៅពីនេះ វាគឺជាមូលហេតុធ្វើឱ្យមនុស្សជាច្រើននាក់នៅប្រទេសអាហ្វ្រិកស្លា.ប់បាត់ប.ង់ជីវិ.ត ។ ដូច្នេះ ប្រទេសទាំងអស់ត្រូវតែផ្តល់មូលនិធិជួយសង្គ្រោះក្នុងកិច្ចប្រជុំ COP 28 នៅឆ្នាំ២០២៣ ។

ទោះយ៉ាងណា នាពេលកន្លងមក លោក Antonio Guterres ធ្លាប់បានដាស់តឿនមនុស្សទាំងអស់ថា បច្ចុប្បន្ន ពិភពលោកកំពុងតែដួលរលំ ហើយមនុស្សកំពុងធ្វើសង្គ្រាម និងសម្លា.ប់ខ្លួនឯងដោយសារធម្មជាតិ ។ លើសពីនេះ លោកក៏បានអំពាវនាវឱ្យប្រទេសនានានៅលើពិភពលោកសហការគ្នា ដើម្បីកាត់បន្ថយការបញ្ចេញកាបូនឌីអុកស៊ីតឱ្យស្មើកម្រិតសូន្យ ។

ចុងក្រោយ លោក Antonio Guterres លើកឡើងថា គ្រប់ប្រទេសទាំងអស់ រួមទាំងស្ថាប័នហិរញ្ញវត្ថុ និងក្រុមហ៊ុនផ្សេងៗត្រូវតែបង្កើតផែនការផ្លាស់ប្តូរ ដើម្បីឈានទៅរកការកាត់បន្ថយការបញ្ចេញកាបូនឌីអុកស៊ីតឱ្យស្មើកម្រិតសូន្យនៅត្រឹមឆ្នាំ២០៥០ ៕ ប្រភព

ត្រលប់ទៅខែកក្កដា Jungkook បានបង្កើតប្រវត្តិសាស្ត្រជាសិល្បករកូរ៉េដំបូងគេដែលចេញបទចម្រៀងបានឈរនៅលំដាប់ថ្នាក់លេខ១ព្រមគ្នានៅតារាងសហរដ្ឋអាម៉េរិកចំនួន៣ មានដូចជា Billboard’s Hot 100, Global 200 និង Global Excl ទៅលើបទចម្រៀងរបស់គេមានចំណងជើងថា “Seven” ដែល Feat ជាមួយ Latto។

ក្នុងរយៈពេលប៉ុន្មានសប្តាហ៍មកនេះបទ “Seven” មិនបានធ្លាក់ចេញពីចំណាត់ថ្នាក់លេខ ១ របស់ខ្លួននៅលើ Global 200 ឬ Global Excl នោះទេ ហើយបទនេះក៏បានបំបែកកំណត់ត្រាតារាងសហរដ្ឋអាម៉េរិករបស់ក្រុមBTS របស់គេផងដែរ ដែលពីមុនគ្រប់គ្រងដោយបទ”Dynamite” ដែលជាបទជាប់លេខ១បានច្រើនសប្តាហ៍នៃបទចម្រៀងបានដោយសិល្បករកូរ៉េ។

នៅថ្ងៃទី៥ ខែកញ្ញា Billboard បានប្រកាសជាផ្លូវការថា “Seven” បានការពារតំណែងរបស់ខ្លួនដោយជោគជ័យនៅលេខ១ជាប់ៗគ្នា នៅលើតារាងពិភពលោកទាំងពីរសម្រាប់សប្តាហ៍ទី ៧ ហើយធ្វើឱ្យវាក្លាយជាបទចម្រៀងដំបូងនៃឆ្នាំ២០២៣ ដែលចំណាយពេលប្រាំពីរសប្តាហ៍ដំបូងនៅលើតារាងទាំងពីរឈរនៅលេខ ១ ខណៈពេលមុនកំណត់ត្រាជាកម្មសិទ្ធិបទ ” Flowers ” របស់ Miley Cyrus ដែលឈរនៅលេខ ១។ ប្រការនេះហើយបទនេះបានជាប់ចំណាត់ថ្នាក់ជាបទល្បីលំដាប់លេខ ១ដ៏ជោគជ័យបំផុតក្នុងប្រវត្តិសាស្ត្រ Billboard Global 200។

គូសបញ្ជាក់ថា ក្នុងអំឡុងពេលថ្ងៃទី ២៥ដល់ថ្ងៃទី៣១ ខែសីហាបទ “Seven” របស់ Jungkook បានកត់ត្រាការផ្សាយដ៏គួរឱ្យចាប់អារម្មណ៍ចំនួន ៩៧ លាននិងការលក់ឌីជីថលចំនួន ១២,០០០នៅទូទាំងពិភពលោក៕

ដើមឈើ ឬរុក្ខជាតិអាចនាំមកនូវភាពស្រស់ស្អាតដល់បរិវេនផ្ទះ ប៉ុន្តែមិនមែនដើមឈើទាំងអស់សុទ្ធតែសមរម្យសម្រាប់ដាក់ក្នុងផ្ទះនោះទេ។ សម្រាប់គ្រួសារណាដែលមានកូនតូចៗ សូមចំណាំថា អ្នកមិនគួរដាំដើមឈើទាំងនេះទេ ព្រោះអាចនឹងមានគ្រោះថ្នាក់ដល់ក្មេង។

១.ដើមរុក្ខជាតិលីលី ឬផ្កាលីលី៖ ដើមរុក្ខជាតិនេះផ្តល់ភាពស្រស់ស្អាតក្នុងផ្ទះ ប៉ុន្តែវាអាចបង្កើតរោគសញ្ញាមិនល្អ ប្រសិនបើកុមារលេបវាចូលនឹងធ្វើឱ្យកុមារពុលភ្លាមៗ។

២.ផ្កាប្រាំបីទិស៖ ទោះបីជាមានឈ្មោះគួរឱ្យទាក់ទាញក៏ដោយក៏រុក្ខជាតិនេះមិនសមស្របសម្រាប់ការដាំដុះក្នុងផ្ទះនោះទេ ព្រោះវាមានជ័រ និងបន្លាមុតស្រួចនៅលើដើម ដែលអាចបណ្តាលឱ្យកុមារមានគ្រោះថ្នាក់ប្រសិនបើប៉ះវា។

៣.ប្រទាលដំបងយក្ស៖ រុក្ខជាតិប្រភេទនេះគឺមានបន្លារាយប៉ាយ ដែលជ័ររបស់វាអាចធ្វើឱ្យស្បែករបស់អ្នករលាកធ្ងន់ធ្ងរ ហើយថែមទាំងអាចបន្សល់ទុកពងបែកឈឺចាប់ទៀតផង។

៤.ដើមអូលែនឌឺ៖ ជាមួយនឹងផ្កាពណ៌ផ្កាឈូកដ៏ស្រស់ស្អាតរបស់វា រុក្ខជាតិផ្កាប្រភេទនេះ គឺពិតជាទាក់ទាញភ្នែកណាស់ ប៉ុន្តែ អ្វីដែលគួរប្រយ័ត្ននោះគឺ រុក្ខជាតិនេះមានជាតិពុលខ្ពស់ហើយសូម្បីតែស្លឹកតែមួយសន្លឹករបស់វា ក៏អាចបណ្តាលឱ្យអ្នកស្លាប់ ឬសត្វចិញ្ចឹមរបស់អ្នកស្លាប់ផងដែរ។

៥.ដើមផាត់ប្រមូល៖ រុក្ខជាតិម្យ៉ាងឈ្មោះថា Dieffenbachia ឬគេហៅថាប្រទាលផាត់ប្រមូល ដែលត្រូវបានគេនិយមដាំដើម្បីលម្អលំនៅឋាន ប៉ុន្តែរក្ខជាតិនេះគឺអាចបង្កគ្រោះថ្នាក់ដល់អាយុជីវិត ជាពិសេសកុមារតូចៗ ប្រសិនបើទៅប៉ះពាល់ ឬយកទៅដាក់ក្នុងមាត់នឹងបណ្ដាលឱ្យស្លាប់ភ្លាមៗមួយរំពេច៕
ប្រភព៖phuntoday.com

បរទេស៖ យោងតាមទីភ្នាក់ងារអវកាសអូស្ត្រាលីបានប្រកាសកាលពីថ្ងៃទី ៥ ខែកញ្ញាថា ប្រទេសនេះមានបំណងបញ្ជូនមនុស្សយន្តដំបូងគេទៅកាន់ឋានព្រះច័ន្ទក្រោមបេសកកម្ម Artemis របស់ NASA ក្នុងរយៈពេលប៉ុន្មានឆ្នាំខាងមុខ។

មនុស្សយន្តនេះមិនមានឈ្មោះទេ ហើយ NASA កំពុងចាប់ផ្តើមការប្រកួតមួយដើម្បីដាក់ឈ្មោះឱ្យមនុស្សយន្តនេះ។ អ្នករស់នៅអូស្ត្រាលីអាចចូលរួមជ្រើសរើសឈ្មោះដែលចូលចិត្តបំផុតចំនួន ៤ បន្ទាប់មកបើកការបោះឆ្នោតជាសាធារណៈ ហើយឈ្មោះដែលឈ្នះនឹងត្រូវប្រកាសនៅដើមខែធ្នូ ឆ្នាំ២០២៣។

បច្ចុប្បន្ន NASA កំពុងប្រើបច្ចេកវិទ្យាប្រតិបត្តិការពីចម្ងាយឈានមុខគេលើពិភពលោករបស់អូស្ត្រាលី។ NASA នឹងព្យាយាមទាញយកអុកស៊ីហ្សែនចេញពីគំរូ ដែលនេះគឺជាជំហានដ៏សំខាន់ឆ្ពោះទៅរកការបង្កើតវត្តមានមនុស្សប្រកបដោយនិរន្តរភាពនៅលើឋានព្រះច័ន្ទ។

អង្គការ NASA បានដាក់ពង្រាយបេសកកម្មមួយដោយជោគជ័យក្រោមកម្មវិធី Artemis ហើយក៏កំពុងរៀបចំសម្រាប់បេសកកម្មបន្ទាប់របស់ខ្លួនគឺ Artemis 2 ជាមួយនឹងគោលដៅបញ្ជូនអវកាសយានិកបួននាក់ទៅជុំវិញឋានព្រះច័ន្ទ។

គោលបំណងក្នុងការបាញ់បង្ហោះមនុស្សយន្តទៅចុះចតលើឋានព្រះច័ន្ទគឺដើម្បីសិក្សាស្វែងរកចំណេះដឹង និងជំនាញដែលបានរៀនក្នុងអំឡុងពេលដំណើរការនេះ នឹងជួយមនុស្សឆ្ពោះទៅរកគោលដៅធំបន្ទាប់ ពោលគឺការបើកដំណើរការកប៉ាល់ដឹកជញ្ជូនមនុស្សទៅកាន់ភពព្រះអង្គារ។

ដូច្នេះហើយ NASA កំពុងប្រើប្រាស់ភាពជាដៃគូពាណិជ្ជកម្ម និងអន្តរជាតិ ដើម្បីសម្រេចបាននូវគោលដៅមហិច្ឆតារបស់ Artemis ក្នុងការចូលរួមជាមួយប្រទេសអូស្ត្រាលីក្រោមបេសកកម្ម Artemis នាពេលខាងមុខ។ លើសពីនេះទៀត ទីភ្នាក់ងារអវកាសអឺរ៉ុប (ESA) ក៏ផ្តល់ម៉ូឌុលឧបករណ៍សម្រាប់យានអវកាស Orion ហើយ SpaceX’s Starship នឹងក្លាយជាយានចុះចតលើភពព្រះច័ន្ទដំបូងបង្អស់របស់កម្មវិធី៕
ប្រភព៖vnexpress