ដល់ម៉ោងសម្ដែងទៀតហើយ! ស្របពេលដែលកិច្ចប្រជុំ GBC កំពុងតែដំណើរការ នៅរសៀលថ្ងៃទី២៥ ខែធ្នូ ឆ្នាំ២០២៥ នេះ ទីបញ្ជាការកងទ័ពភូមិភាគទី២ថៃអះអាងថា ទាហានរបស់ខ្លួនម្នាក់ទៀតហើយបានជាន់មីនរងរបួសដា.ច់ជើងម្ខាង នៅចំណុចក្បែរប្រាសាទតាក្របី ធ្វើឲ្យគេក្លាយជាទាហានទី៩ដែលរងគ្រោះដោយសារគ្រាប់មីន។ នេះបើយោងតាមសារព័ត៌មាន Khaosod។

តាមការបញ្ជាក់របស់កងវរសេនាធំវិស្វករទី ៦ នៅតំបន់ទី២ថៃបានឲ្យដឹងថា នៅវេលាម៉ោង ២:២០ នាទីរសៀល ពលបាលឯកម្នាក់បានជាន់មីននៅជិតប្រាសាទតាក្របី នៅខណៈពេលដែលគេកំពុងបំពេញកាតព្វកិច្ចតាមបណ្តោយព្រំដែន ដោយបណ្ដាលឲ្យរងរបួសធ្ងន់ធ្ងរនៅជើងខាងឆ្វេង។

បន្ទាប់ពីហេតុការណ៍នេះ ស្ថាប័នពាក់ព័ន្ធនានាកំពុងស៊ើបអង្កេតព័ត៌មានលម្អិតនៃករណីនេះ និងតាមដានយ៉ាងដិតដល់នូវស្ថានភាពសន្តិសុខនៅក្នុងតំបន់ ប៉ុន្តែបានធ្វើការចោ.ទប្រកាន់ទាំងគ្មានមូលដ្ឋានថា ពលបាលឯករូបនេះ គឺជាជនរងគ្រោះទីប្រាំបួនហើយនៃការផ្ទុះមីនដែលដាក់ដោយកម្ពុជា។

តាមការកត់សម្គាល់ រៀងរាល់ពេលដែលមានកិច្ចប្រជុំសំខាន់ណាមួយត្រូវបានរៀបចំឡើងដើម្បីសម្របសម្រួលស្ថានការណ៍រវាងថៃជាមួយនឹងកម្ពុជា គឺតែងតែមានឧបទ្ទវហេតុផ្ទុះមីនលើទាហានថៃជានិច្ច។ បន្ទាប់ពីនោះ ថៃនឹងចាប់ផ្ដើមរករឿងបង្កជម្លោះជាមួយកម្ពុជាបន្ថែមដូចករណីមុនៗ ទាំងដែលគ្មានភ័ស្តុតាងសោះក៏ដោយ។

ជាការងឿងឆ្ងល់សម្រាប់ពលរដ្ឋខ្មែរទូទៅ តើហេតុអ្វីបានជាមានហេតុការណ៍ផ្ទុះមីននៅពេលនេះទៅវិញ? ចុះកាលពីពេលថ្មីៗកន្លងទៅដែលទាហានថៃនាំគ្នាមកដោតទង់ជាតិស្រែកហ៊ោកញ្ច្រៀវនៅប្រាសាទតាក្របី ម្ដេចមិនមានអ្នកណាប៉ះមីនសូម្បីមួយគ្រាប់អញ្ចឹង? ឬមួយទាល់តែដល់ពេលមានកិច្ចប្រជុំទើបមីនផុសឡើងពីដីមកឲ្យជាន់?

កងទ័ពអាកាសថៃ បានបញ្ជាទិញប្រព័ន្ធការពារដែនអាកាស Barak MX ដែលផលិតឡើងដោយប្រទេសសុីស្រាអែល ដោយការទិញដំបូងប្រហែល១០៧លានដុល្លារអាមេរិក។

Barak MX ត្រូវបានផលិតឡើង ដើម្បីស្ទាក់ចាប់ និងបាញ់ទម្លាក់យន្តហោះ ដ្រូន ឧទ្ធម្ភាគចក្រ និងកាំជ្រួចផ្លោង។

ប្រព័ន្ធការពារដែនអាកាសនេះ បែកចេកចេញជា៣ជម្រើសក្នុងនោះរួមមាន៖

• Barak MR បាញ់បានចម្ងាយ ៣៥គីឡូម៉ែត្រ
• Barak LR, បាញ់បានចម្ងាយ ៧០គីឡូម៉ែត្រ
• Barak ER, បាញ់បានចម្ងាយ ១៥០គីឡូម៉ែត្រ

ទាំង៣ប្រភេទនេះ អាចហោះបាននៅក្នុងល្បឿន២៥០០គីឡូម៉ែត្រក្នុងម៉ិង ដែលមានលទ្ធភាពអាចបាញ់ទម្លាក់មីសុីលដែលមានល្បឿនលឿនជាងសំលេង២ដង បានយ៉ាងងាយស្រួល។

កងទ័ពអាកាសថៃ រំពឹងថាប្រព័ន្ធការពារដែនអាកាស Barak MX នឹងអាចដាក់ចូលសមរភូមិក្នុងឆ្នាំ២០២៨ខាងមុខនេះ៕

ព្រែកជីកប៉ាណាម៉ា ជាព្រែកជីកសិប្បនិម្មិតនៅទ្វីបអាមេរិកកណ្ដាលដែលតភ្ជាប់មហាសមុទ្រប៉ាស៊ីហ្វិកនិងមហាសមុទ្រអាត្លង់ទិក។
ដំបូងឡើយព្រែកនេះ ត្រូវបានសាងសង់ឡើងដោយបារាំង តែបានបរាជ័យ ក្រោយមកអាមេរិក ក៏ចូលខ្លួនសាងសង់ជំនួសវិញ។
លោកត្រាំ បានគំរាមនឹងយកព្រែកជីកប៉ាណាម៉ាមកគ្រប់គ្រងវិញ ព្រោះប៉ាណាម៉ាមិនគោរពពាក្យសន្យាកាលអាមេរិកឱ្យព្រែកជីកឱ្យ។
ត្រាំ យល់ឃើញថាព្រែកជីកជាផ្លូវទឹកពាណិជ្ជកម្មពិភពលោកដ៏សកម្មខ្លាំង និងប្រកបដោយយុទ្ធសាស្ត្រ សម្រាប់សហរដ្ឋអាមេរិក។
អ្វីដែលសំខាន់ លោក ត្រាំ ឆ្ងល់ថា”ហេតុអ្វីនាវាអាមេរិកត្រូវបង់ថ្លៃឆ្លងកាត់ព្រែកជីកក្នុងតម្លៃដ៏ខ្ពស់ និងខ្ពស់ជាងនាវាចិនទៅទៀត”។
ជុំវិញចម្ងល់នេះ អាជ្ញាធរគ្រប់គ្រងព្រែងជីកប៉ាណាម៉ា បានបកស្រាយាថា៖” ចិនមានប្រៀបជាងអាមេរិក ព្រោះទំហំផ្តោះប្តូរពាណិជ្ជកម្មចិនជាមួយបណ្តាប្រទេសអាមេរិកឡាទីនបានកើនឡើង៣៤ដងគិតចាប់ពីឆ្នាំ២០១៧មក”៕

ប្រទេសថៃ ៖ តាមការចុះផ្សាយរបស់សារព័ត៌មាន Top News កាលពីថ្ងៃទី២៤ ខែធ្នូ ឆ្នាំ២០២៥ គណបក្សភូមិចៃថៃបានសម្រេចតែងតាំងនាយករដ្ឋមន្ត្រីចាំផ្ទះ លោក Anutin Charnvirakul និងរដ្ឋមន្ត្រីក្រសួងការបរទេស លោក Sihasak Phuangketkeow ឈរឈ្មោះជាបេក្ខជនតំណែងនាយករដ្ឋមន្ត្រីថ្មីសម្រាប់ការបោះឆ្នោតនៅខែកុម្ភៈ ឆ្នាំ២០២៦ បន្ទាប់ពីបុគ្គលទាំង២រូបប្រឹងប្រែងរកសំឡេងគាំទ្រដោយបង្កសង្គ្រា.មឈ្លានពា.នកម្ពុជា ។ រីឯមន្ត្រីជាន់ខ្ពស់ក្នុងគណបក្សភូមិចៃថៃ ចំនួន២រូបទៀតនឹងបន្តធ្វើការជាមួយគ្នា ប្រសិនបើគណបក្សនេះជាប់ឆ្នោតបង្កើតរដ្ឋាភិបាល ។

កាលពីថ្ងៃទី២៤ ខែធ្នូ គណបក្សភូមិចៃថៃចេញសេចក្តីប្រកាសពីការសម្រេចរបស់គណបក្សតែងតាំងបុគ្គលចំនួន២រូបឱ្យឈរឈ្មោះជាបេក្ខជនតំណែងនាយករដ្ឋមន្ត្រីថ្មី រួមមាន ៖ នាយករដ្ឋមន្ត្រីចាំផ្ទះ និងជាប្រធានគណបក្សភូមិចៃថៃ លោក Anutin Charnvirakul និងរដ្ឋមន្ត្រីក្រសួងការបរទេស លោក Sihasak Phuangketkeow ។

គណបក្សលើកហេតុផលថា ការជ្រើសរើសលោក Anutin ធ្វើជាបេក្ខជនតំណែងនាយករដ្ឋមន្ត្រីថ្មី ដោយសារមានបទពិសោធន៍ដឹកនាំប្រទេស និងទទួលបានការគាំទ្រពីពលរដ្ឋឱ្យកាន់តំណែងបន្តទៀត បន្ទាប់ពីបង្កសង្គ្រាមឈ្លានពានកម្ពុជាជាថ្មី ។ រីឯការជ្រើសរើសលោក Sihasak ជាបេក្ខជនតំណែងនាយករដ្ឋមន្ត្រីថ្មី ដោយសារលោកជារដ្ឋមន្ត្រីក្រសួងការបរទេសមានបទពិសោធន៍ច្រើនផ្នែកការទូតជាមួយអន្តរជាតិ ហើយអាចធ្វើការងារទាំងផ្នែកនយោបាយ ទាំងសន្តិសុខ ដែលមានការទទួលស្គាល់ពីពលរដ្ឋ ។

ចំណែកអ្នកស្រី Suphajee Suthumpun រដ្ឋមន្ត្រីក្រសួងពាណិជ្ជកម្ម និងលោក Ekniti Nitithanprapas ឧបនាយករដ្ឋមន្ត្រី និងរដ្ឋមន្ត្រីក្រសួងហិរញ្ញវត្ថុ នឹងបន្តធ្វើការជាមួយគ្នា ប្រសិនបើគណបក្សភូមិចៃថៃជាប់ឆ្នោតបង្កើតរដ្ឋាភិបាលនៅឆ្នាំ២០២៦ ។

ពេលប្រកាសគោលនយោបាយរបស់គណបក្សភូមិចៃថៃ លោក Anutin បាននិយាយទៅកាន់សមាជិកគណបក្សដែលចង់ឈរឈ្មោះបោះឆ្នោតថា បើពលរដ្ឋបោះឆ្នោតគាំទ្រគណបក្សភូមិចៃថៃកាន់អំណាចបន្ត គឺគណបក្សនឹងតែងតាំងអ្នកស្រី Suphajee Suthumpun ដែលបច្ចុប្បន្ន ជារដ្ឋមន្ត្រីមន្ត្រីក្រសួងពាណិជ្ជកម្ម ឱ្យកាន់តំណែងជាឧបនាយករដ្ឋមន្ត្រី និងរដ្ឋមន្ត្រីក្រសួងពាណិជ្ជកម្ម ។ ចំណែកលោក Ekniti Nitithanprapas នឹងកាន់តំណែងដដែល គឺឧបនាយករដ្ឋមន្ត្រី និងរដ្ឋមន្ត្រីក្រសួងហិរញ្ញវត្ថុ ។ លោក Anutin សុំឱ្យពលរដ្ឋបោះឆ្នោតគាំទ្រខ្លួន និងផ្តល់ឱកាសឱ្យលោកបន្តតំណែងជាថ្មី បើជាប់ឆ្នោតនឹងជ្រើសរើសទាហានស្ម័គ្រចិត្ត ចំនួន១សែននាក់ ដោយផ្តល់ប្រាក់ខែខ្ពស់ គឺ១ម៉ឺន២ពាន់បាតក្នុង១ខែ (ឬជិត ៤០០ដុល្លារ) ។

គួរបញ្ជាក់ថា លោក Anutin ត្រូវបានគណបក្សប្រឆាំងលើកបន្តប់ឱ្យកាន់តំណែងនាយករដ្ឋមន្ត្រីត្រឹមតែរយៈពេល៤ខែប៉ុណ្ណោះ និងត្រូវរំលាយរដ្ឋសភាប្រគល់អំណាចឱ្យពលរដ្ឋបោះឆ្នោតជ្រើសរើសនាយករដ្ឋមន្ត្រីថ្មី ទើបប្រឹងប្រែងរៀបចំផែនការសម្តែងផ្ទុះមីនជាមួយកងទ័ពយកលេសវាយប្រហារកម្ពុជាជាថ្មី ដើម្បីរកសំឡេងគាំទ្រពេលបោះឆ្នោត ។ បើមិនធ្វើសង្គ្រាមឈ្លានពានដណ្តើមទឹកដីកម្ពុជា លោកមិនអាចបន្តតំណែងទេ ដោយសារអសមត្ថភាពដឹកនាំប្រទេស និងរងការរិះគន់ខ្លាំងរឿងបណ្តោយឱ្យពលរដ្ឋភាគខាងត្បូង ជាពិសេស នៅស្រុកហាតយៃ ខេត្តសុងក្លា ស្លាប់ដោយសារទឹកជំនន់រហូតដល់ជាង១,០០០នាក់ រួមទាំងមានទំនាក់ទំនងជិតស្និទ្ធជាមួយមេឧក្រិដ្ឋកម្មអនឡាញលំដាប់ពិភពលោក ។

ការធ្វើសង្គ្រាមវាយប្រហារកម្ពុជាលើកនេះ គឺជាវិធីដើម្បីឱ្យលោក Anutin ទទួលបានសំឡេងគាំទ្រឡើងវិញ និងក្លាយជាមេដឹកនាំប្រទេសដែលល្បីល្បាញខាងដណ្តើមទឹកដីប្រទេសជិតខាង ។ ប៉ុន្តែការបង្កសង្គ្រាមដើម្បីផលប្រយោជន៍នយោបាយផ្ទៃក្នុង ឬអំណាចរបស់ខ្លួន វាគ្មានន័យអ្វីឡើយ ពីព្រោះបានបំផ្លាញហេដ្ឋារចនាកម្ពុជាយ៉ាងធ្ងន់ធ្ងរ ពលរដ្ឋកម្ពុជាត្រូវជម្លៀសពីលំនៅឋាន បាត់បង់សមាជិកគ្រួសារ ព្រាត់ប្រាស់ប្តី-ប្រពន្ធ កូនសិស្សមិនបានចូលរៀន ។ លោក Anutin ត្រូវតែទទួលខុសត្រូវចំពោះឧក្រិដ្ឋកម្មឈ្លានពាន ឧក្រិដ្ឋម្មសង្គ្រាម និងឧក្រិដ្ឋកម្មប្រឆាំងមនុស្សជាតិ ៕

ប្រទេសថៃ ៖ កងទ័ពថៃបានបើកការវាយប្រ.ហារកម្ពុជាជាថ្មីយ៉ាងធ្ងន់ធ្ងរ និងមានរយៈពេលយូរជាងមុន បន្ទាប់ពីរៀបចំផែនការជាមួយមេដឹកនាំបង្កសង្គ្រា.មឈ្លានពា.នកម្ពុជាពេលមានឱកាសល្អ ទើបទឹកជំនន់នៅភាគខាងត្បូងមិនទាន់ស្រកស្រួលបួលផង កងទ័ពថៃក៏បង្កសង្គ្រា.មភ្លែត ។ មុននេះ កងទ័ពថៃព្យាយាមចោទប្រកាន់កម្ពុជាបង្កប់មីនថ្មីជាច្រើនលើកច្រើនសារ ដើម្បីយកលេសធ្វើសង្គ្រា.មឈ្លានពា.នវាតទីទឹកដី និងកុហកពលរដ្ឋខ្លួនថា កម្ពុជាបា.ញ់មុន ហើយទាមទារឱ្យកម្ពុជាស្នើសុំឈប់បា.ញ់មុន ។

អគ្គសេនាធិការកងទ័ពថៃបានប្រកាសពីគោលជំហរទាមទារឱ្យកម្ពុជាស្នើសុំឈប់បា.ញ់មុន ក្នុងនាមជាប្រទេសឈ្លានពា.ន និងថា កងទ័ពថៃធ្វើសង្គ្រា.មវាយប្រ.ហារកម្ពុជាជាច្រើនថ្ងៃមកនេះ ក្នុងគោលបំណងដណ្តើមកាន់កាប់ទឹកដីកម្ពុជា ដោយការកំណត់គោលដៅកំទេ.ចទីតាំងអាវុ.ធរបស់កងទ័ព ។ នេះបើតាមការចុះផ្សាយរបស់សារព័ត៌មាន Amarin News នៅថ្ងៃទី២៥ ខែធ្នូ ឆ្នាំ២០២៥ ។

នៅថ្ងៃទី២៥ ខែធ្នូ នៅទីបញ្ជាការកងទ័ពជើងគោកស្ថិតតាមបណ្តោយផ្លូវរ៉ាជដាំណឺន ទីក្រុងបាងកក លោក ឆ័យយ៉ាព្រឹក ឌួងប្រាផាត់ អគ្គសេនាធិការកងទ័ពថៃ បាននិយាយពីស្ថានការណ៍បច្ចុប្បន្នរវាងកម្ពុជា-ថៃថា បានដំណើរការទៅតាមផែនការរបស់កងទ័ពថៃ ជំហ៊ានបន្ទាប់ នឹងដំណើរការតាមផែនការដែលកងទ័ពថៃរៀបចំ ប៉ុន្តែនៅសល់ការងារខ្លះៗប៉ុណ្ណោះដែលកងទ័ពនឹងចាត់វិធានការយ៉ាងឆាប់រហ័សបំផុត ។

ចំណែកកិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) ចាប់ពីថ្ងៃទី២៤ ដល់ថ្ងៃទី២៦ ខែធ្នូ ឆ្នាំ២០២៥ នឹងទទួលបានលទ្ធផលតាមការរំពឹងទុករបស់ថៃឬអត់នោះ គឺរង់ចាំតាមដានលទ្ធផលកិច្ចប្រជុំ ពេលនេះ គ្រាន់តែជាការជជែកគ្នារបស់ក្រុមលេខាធិការប៉ុណ្ណោះ ។ យើងនឹងរង់ចាំមើលថា តើកិច្ចប្រជុំនឹងមានចំណុចលម្អិតបញ្ជាក់ពីការព្រមព្រៀងគ្នាអ្វីខ្លះ ។

ពេលសារព័ត៌មានសួរថា តើកម្ពុជានឹងយល់ព្រមទទួលយកសំណើរបស់ថៃឬអត់? លោក ឆ័យយ៉ាព្រឹក អគ្គសេនាធិការកងទ័ពថៃថា នឹងរង់ចាំស្តាប់លទ្ធផលកិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) រួមទាំងលទ្ធផលកិច្ចប្រជុំ GBC ថ្នាក់រដ្ឋមន្ត្រីក្រសួងការពារជាតិកម្ពុជា-ថៃ នៅថ្ងៃទី២៧ ខែធ្នូ ។ ពេលនេះ កងទ័ពថៃនៅតែបន្តសកម្មភាពឈ្លានពានកម្ពុជាខ្លាំងបំផុត ។

លោក ឆ័យយ៉ាព្រឹក ចោទប្រកាន់កម្ពុជាបង្កសង្គ្រាម ទើបទាមទារឱ្យកម្ពុជាស្នើសុំឈប់បាញ់មុន ក្នុងនាមជាប្រទេសឈ្លានពាន ព្រមទាំងនិយាយប្រឌិតថា ថៃធ្វើសង្គ្រាមដើម្បីការពារអធិបតេយ្យ ទាំងដែលការពិត កងទ័ពថៃបានរៀបចំផែនការជាមួយមេដឹកនាំវាយប្រហារកម្ពុជាជាថ្មី ប៉ុន្តែព្យាយាមទម្លាក់កំហុសលើកម្ពុជាដើម្បីបំភ័ន្តភ្នែកពលរដ្ឋ និងអន្តរជាតិ ។

លោកបន្តថា រហូតមកដល់ថ្ងៃទី២៥ ខែធ្នូ កងទ័ពថៃបានវាយប្រហារកម្ពុជានៅតាមគោលដៅជាច្រើនកន្លែងក្នុងទឹកដីកម្ពុជា និងដឹងថា កម្ពុជានៅមានអាវុធជាច្រើនទៀត ប៉ុន្តែសុំមិននិយាយលម្អិតទេ យើងបានធ្វើប្រតិបត្តិនៅតាមគោលដៅផ្សេងៗតាមផែនការរំពឹងទុក ។

គួរបញ្ចាក់ថា ទោះជាថៃព្យាយាមនិយាយមួលបង្កាច់ ប៉ុន្តែអន្តរជាតិដឹងការពិតអស់ហើយ សង្គ្រាមនេះបង្កឡើងដោយកងទ័ពថៃតាមផែនការគ្រោងទុក ដើម្បីរកសំឡេងគាំទ្រសម្រាប់ការបោះឆ្នោតនៅឆ្នាំ២០២៦ បន្ទាប់ពីនាយករដ្ឋមន្ត្រីចាំផ្ទះ លោក Anutin Charnvirakul រងការស្តីបន្ទោសពីការដឹកនាំប្រទេសអន់គ្រប់វិស័យ ។ ថៃកុហកបានតែពលរដ្ឋរបស់ខ្លួនប៉ុណ្ណោះ ប៉ុន្តែការពិតនៅតែជាការពិត គឺកងទ័ពថៃបា.ញ់មុន សូម្បីតែប្រធានាធិបតីអាមេរិក លោក Donald Trump ក៏និយាយការពិតដែរថា កងទ័ពថៃបាញ់មុន ប៉ុន្តែទម្លាក់កំហុសលើកម្ពុជា ។

មេដឹកនាំថៃ និងកងទ័ពថៃ ហ៊ានបានតែជាមួយកម្ពុជាជាប្រទេសតូចជាងប៉ុណ្ណោះ ប៉ុន្តែមិនហ៊ានក្អកជាមួយមីយ៉ាន់ម៉ា និងម៉ាឡេស៊ីទេ ខណៈថៃក៏មានបញ្ហាព្រំដែនជាមួយប្រទេសទាំងពីរដែរ ។ កងទ័ពថៃពង្រីកសមរភូមិប្រយុទ្ធហួសបន្ទាត់ព្រំដែនចូលជ្រៅក្នុងដែនអធិបតេយ្យកម្ពុជា ដោយប្រើប្រាស់យន្តហោះចម្បាំងទម្លាក់គ្រាប់បែក ហើយស្រែកថា ការពារអធិបតេយ្យ និងសុវត្ថិភាពពលរដ្ឋ តើជាការការពារអធិបតេយ្យបែបណាទៅ បើពង្រីកសមរភូមិប្រយុទ្ធកាន់តែជ្រៅបែបនេះ ៕

លោក អានុទីន ឆាន់វិរៈគុល នាយករដ្ឋមន្រ្តីអាយ៉ងរបស់ថៃបានធ្វើការឆ្លើយតបយ៉ាងមិនសមទំនងជុំវិញការរិះគ.ន់របស់ឥណ្ឌាចំពោះការបំផ្លា.ញរូបសំណាកអាទិទេពសាសនាហិណ្ឌូរបស់យោធាថៃថា៖ ត្រឹមរូបសំណាកមួយ គឺមិនអាចប្រៀបធៀបនឹងអវយវៈរបស់ទាហានថៃដែលបានបាត់បង់ទៅដោយសារកម្ពុជាឡើយ។ នេះបើតាមការចុះផ្សាយរបស់សារព័ត៌មាន Khaosod ។

ឆ្លើយតបនឹងសំណួររបស់អ្នកសារព័ត៌មាន ទាក់ទងនឹងការយល់ឃើញរបស់រដ្ឋាភិបាលថៃបន្ទាប់ពីទទួលបានការរិះគន់ពីឥណ្ឌាជុំវិញការបំផ្លាញរូបសំណាកសាសនាហិណ្ឌូ នៅថ្ងៃទី២៥ ខែធ្នូ ឆ្នាំ២០២៥នេះ លោក អានុទីន បានអះអាងយ៉ាងដូច្នេះថា៖ «រូបសំណាកដែលត្រូវបានបំផ្លាញមិនអាចប្រៀបធៀបជាមួយនឹងអវយវៈដែលទាហានរបស់យើងបានបាត់បង់នោះទេ ហើយក៏មិនអាចប្រៀបធៀបជាមួយនឹងទង្វើប្រមា។ថបានដែរ។ សម្រាប់ខ្ញុំ ខ្ញុំនឹងមិនធ្វើការប្រៀបធៀបបែបនេះដាច់ខាត»។

ការចេញមកឆ្លើយតបបែបនេះរបស់អានុទីន ធ្វើឡើងបន្ទាប់ពីក្រសួងការបរទេសឥណ្ឌា បានផ្ញើលិខិតថ្កោលទោ.សទៅកាន់ប្រទេសថៃ ដោយចាត់ទុកសកម្មភាពរបស់យោធាថៃថា យកលេសជម្លោះព្រំដែនទៅបំផ្លិចបំផ្លា.ញទីតាំងសក្ការៈបូជារបស់សាសនាហិណ្ឌូ និងព្រះពុទ្ធសាសនា ដែលជារឿងមិនសមទំនង និងមិនអាចទទូលយកបានទាំល់តែសោះ។

នៅក្នុងលិខិតនោះក្រសួងការបរទេសឥណ្ឌាបានគូសបញ្ជាក់ថា ព្រះអាទិទេពសាសនាហិណ្ឌូ និងព្រះពុទ្ធសាសនា ត្រូវបានគោរពបូជាយ៉ាងជ្រាលជ្រៅដោយប្រជាជនទូទាំងតំបន់ ដែលជាផ្នែកមួយនៃបេតិកភណ្ឌរួម។ បើទោះជាមានការទាមទារទឹកដីនៅតំបន់នោះក៏ដោយ ប៉ុន្តែទង្វើដ៏អសីលធម៌បែបនេះមិនគួរកើតមានឡើងឡើយ។

តាមការកត់សម្គាល់ ប្រទេសថៃឥឡូវនេះកំពុងត្រូវបានពិភពលោកសម្លឹងមើលក្នុងផ្លូវអវិជ្ជមានហើយ ដោយចាប់តាំងពីការប្រកាសរបស់លោកប្រធានាធិបតី ដូណាល់ត្រាំ មក សារព័ត៌មានអន្តរជាតិធំៗជាច្រើនបានចុះផ្សាយព្រោងព្រាតថា ប្រទេសថៃបើកការវា.យប្រហារលើកម្ពុជា, បំផ្លា.ញវត្តអារាម, ស្ពាន, ផ្លូវថ្នល់, សាលារៀន និងមូលដ្ឋានជនស៊ីវិលកម្ពុជា ដែលធ្វើឲ្យរដ្ឋមន្រ្តីការពារជាតិថៃក្រពុលមុខខ្លាំងរហូតនិយាយចេញមកទាំងអន់ចិត្តថា ប្រទេសនានាសុទ្ធតែលម្អៀងមកខាងកម្ពុជា គ្មាននរណាម្នាក់កាន់ជើងថៃពិតប្រាកដឡើយ សូម្បីតែសហរដ្ឋអាមេរិកដែលជាសម្ព័ន្ធមិត្តជិតស្និតរបស់ខ្លួនក៏ដោយ៕

ពេលកងទ័ពថៃបើកការវាយប្រ.ហារកម្ពុជាកាលពីខែកក្កដា និងខែធ្នូ ឆ្នាំ២០២៥ ក្រុមជ្រុលនិយមថៃចូលចិត្តញុះញង់ឱ្យកងទ័ពកំទេ.ចរហូតដល់រាជធានីភ្នំពេញ ទម្លាក់គ្រាប់បែ.កដោយយន្តហោះចម្បាំង F-16 និងដណ្តើមកាន់កាប់រាជធានីមួយនេះតាមមហិច្ឆតាវាតទីទឹកដី ។ ក្រុមនេះគាំទ្រឱ្យកងទ័ពពង្រីកសមរភូមិប្រ.យុទ្ធ ដោយមិនខ្វល់ពីការខូចខាតហេដ្ឋារចនាសម្ព័ន្ធកម្ពុជា និងការបាត់បង់ជីវិតពលរដ្ឋកម្ពុជាឡើយ ប៉ុន្តែមានពលរដ្ឋថៃម្នាក់បានបញ្ចេញមតិក្នុងបណ្តាញសង្គមដាស់តឿនកុំឱ្យញុះញង់កងទ័ពកំទេ.ចរាជធានីភ្នំពេញ ដោយលើកហេតុផលមួយចំនួន ។

គណនី TikTok របស់ពលរដ្ឋថៃម្នាក់ឈ្មោះ «cpt.farm» បានបញ្ចេញមតិដាស់តឿនទៅកាន់ក្រុមជ្រុលនិយមដែលញុះញង់ឱ្យកងទ័ពយកយន្តហោះចម្បាំងទម្លាក់គ្រាប់បែកកំទេ.ចរាជធានីភ្នំពេញ ថាប្រទេសថៃមិនគួរធ្វើបែបនេះទេ ពីព្រោះការពិតនៃសង្គ្រាម មិនមែនជាភាពយន្តហូលីវូដ ។ សំណួរសួរថា តើថៃអាចធ្វើបែបនេះបានដែរឬទេ គឺអាចធ្វើបាន ប៉ុន្តែប្រទេសដែលឆ្លាត គេមិនធ្វើឡើយ ពីព្រោះទីក្រុងនីមួយៗមានប្រព័ន្ធការពារសុវត្ថិភាពខ្លាំងបំផុត និងអាចបំផ្លាញយន្តហោះទម្លាក់គ្រាប់បែករបស់ថៃបាន ។

លើសពីនេះ ប្រសិនបើកងទ័ពថៃប្រើប្រាស់យន្តហោះចម្បាំងទម្លាក់គ្រាប់បែកនៅរាជធានីភ្នំពេញ ប្រទេសកម្ពុជា ពិភពលោកនឹងថ្កោលទោសថៃភ្លាមៗពីការឈ្លានពានទឹកដីកម្ពុជា ជាពិសេស មហាអំណាចនានានឹងដាក់ទណ្ឌកម្មសេដ្ឋកិច្ចថៃ ដែលធ្វើឱ្យប៉ះពាល់សេដ្ឋកិច្ចថៃយ៉ាងធ្ងន់ធ្ងរស្តារលែងរួច ថៃនឹងក្លាយជាប្រទេសបង្កសង្គ្រាមត្រឹមមួយប៉ព្រិចភ្នែក ។ ប្រវត្តិសាស្ត្របានបង្រៀនថា ការវាយប្រហារប្រទេសណាមួយមិនអាចបញ្ចប់ជម្លោះទេ វានឹងធ្វើឱ្យពលរដ្ឋប្រទេសនោះកាន់តែមានស្មារតីជាតិនិយមខ្លាំងឡើង ហើយផលប៉ះពាល់នឹងធ្លាក់មកលើពលរដ្ឋថៃ ខណៈសេដ្ឋកិច្ចថៃនឹងធ្លាក់ចុះរាប់សិបឆ្នាំ ។

ការវាយប្រហាររាជនីភ្នំពេញ គឺជាទង្វើដ៏ល្ងង់ខ្លៅបំផុតដែលកងទ័ពថៃពុំគួរធ្វើដាច់ខាត ។ ជ័យជម្នះពិតប្រាកដ មិនមែនមកពីសព្វាវុធរបស់ប្រទេសណាមួយមានកម្លាំងខ្លាំងជាងនោះទេ ប៉ុន្តែជ័យជម្នះពិតប្រាកដ សំដៅដល់តើប្រទេសណាមួយអាចរក្សាផលប្រយោជន៍ជាតិបានយូរអង្វែងជាង ។ ដូច្នេះ ថៃត្រូវតែចេះពីរបៀបធ្វើសង្គ្រាម និងអត់ធ្មត់ជាងនេះ ។

គួរបញ្ជាក់ថា ពលរដ្ឋកម្ពុជាខុសគ្នាពីពលរដ្ឋថៃ គឺពលរដ្ឋកម្ពុជាមិនញុះញង់ឱ្យកងទ័ពវាយប្រហារវាតទីទឹកដីប្រទេសជិតខាងទេ កម្ពុជាគ្រាន់តែការពារទឹកដីរបស់ខ្លួនប៉ុណ្ណោះ ។ ពលរដ្ឋកម្ពុជាអំពាវនាវសុំសន្តិភាពរហូតមក និងឱ្យអន្តរជាតិផ្តល់យុត្តិធម៌ កុំឱ្យថៃធ្វើសង្គ្រាមទន្ទ្រានទឹកដីមិនឈប់ឈរ ពីព្រោះថៃប្រើប្រាស់យន្តហោះចម្បាំងជាច្រើនប្រភេទទម្លាក់គ្រាប់បែកហួសបន្ទាត់ព្រំដែន និងចូលជ្រៅក្នុងដែនអធិបតេយ្យកម្ពុជា ។ ពលរដ្ឋកម្ពុជាត្រូវជម្លៀសចេញពីលំនៅឋានគេចពីគ្រាប់បែក គ្រាប់ផ្លោង ផ្សែងពុល រីឯពលរដ្ឋថៃវិញញុះញុង់ឱ្យធ្វើសង្គ្រាមកុំដកដៃ ដើម្បីដណ្តើមទឹកដីកម្ពុជា ដណ្តើមប្រាសាទ ។

ពលរដ្ឋថៃកាន់តែមានគំនិតជាតិនិយមជ្រុល ស្រឡាញ់តែជាតិសាសន៍ខ្លួនឯង និងស្ពប់ខ្ពើមសាសន៍ដទៃ ។ ពួកគេញុះញង់ឱ្យកងទ័ពទម្លាក់គ្រាប់បែកនៅបណ្តាខេត្តនានារបស់កម្ពុជា រហូតដល់ចង់កំទេចរាជធានីភ្នំពេញ ក្រោមលេសកំទេច Scammer ប៉ុន្តែសួរថា កងទ័ពថៃទម្លាក់គ្រាប់បែកកំទេចវត្តអារាម ស្ពាន លំនៅឋាន និងសាលារៀនរបស់កម្ពុជារាល់ថ្ងៃនេះ តើក្រុម Scammer លាក់ខ្លួននៅទីកន្លែងទាំងនេះ មែនទេ? វាគ្រាន់តែលេសរបស់ថៃក្នុងចេតនាបំផ្លាញហេដ្ឋារចនាសម្ព័ន្ធ សេដ្ឋកិច្ចកម្ពុជា និងបំភ័យភ្ញៀវទេសចរបរទេសមកលេងប្រាសាទអង្គរវត្ត ៕