លោកស្រី លីតា ហានុវង្ស សាស្ត្រាចារ្យនៅនាយកដ្ឋានប្រវត្តិសាស្ត្រ មហាវិទ្យាល័យវិទ្យាសាស្ត្រសង្គម នៃប្រទេសថៃ បានធ្វើការរិះគ.ន់ចំៗចំពោះរដ្ឋាភិបាលរបស់ប្រទេសថៃថា បានត្រឹមតែរករឿងបង្ករជម្លោះនៅតាមព្រំដែនជាមួយកម្ពុជា មិនយកចិត្តទុកដាក់ចំពោះព្រំដែនជាប់មីយ៉ាន់ម៉ានោះទេ ទាំងដែលបញ្ហាអសន្តិសុខជាក់ស្ដែងតែងតែកើតមានចេញពីទីនោះ។

យោងតាមការផ្ដល់បទសម្ភាសន៍នៅក្នុងកម្មវិធីមួយជាមួយឆានែល The 101.World កាលពីថ្ងៃព្រសហស្បត្តិ៍សប្ដាហ៍មុន លោកស្រី លីតា ហានុវង្ស បានលើកឡើងថា៖ រដ្ឋាភិបាលថៃមិនសូវយកចិត្តទុកដាក់ចំពោះប្រទេសមីយ៉ាន់ម៉ាទាល់តែសោះ ខណៈតាមពិតទៅ បញ្ហាអសន្តិសុខជាច្រើនដែលយើងជួបប្រទះនៅក្នុងប្រទេសសព្វថ្ងៃនេះ គឺមានប្រភពមកពីប្រទេសមីយ៉ាន់ម៉ា។

លោកស្រីបន្តទៀតថា៖ អស់រយៈពេល 10 ឆ្នាំកន្លងមកនេះ គឺជាឆ្នាំដែលប្រទេសមីយ៉ាន់ម៉ាអាចផលិតគ្រឿងញៀ.នបានច្រើនបំផុត។ វាមានន័យថានៅឆ្នាំក្រោយ នឹងមានគ្រឿងញៀនកាន់តែច្រើនឡើងៗ។ ហើយនៅពេលនោះ គ្រឿងញៀន និងហេរ៉ូអ៊ីនកាន់តែច្រើន នឹងត្រូវបាននាំចូលទៅប្រទេសថៃ។ ក្រៅពីនោះ បញ្ហាជាមួយមជ្ឈមណ្ឌលបោកប្រាស់ បទល្មើសតាមប្រព័ន្ធបច្ចេកវិទ្យា និងការជួញដូរមនុស្ស ដែលបានដំណើរការអស់រយៈពេលជាច្រើនឆ្នាំ ក៏កើតមាននៅតំបន់នោះផងដែរ។

ទាំងអស់នេះបង្ហាញយ៉ាងច្បាស់ថា មានបញ្ហាសន្តិសុខទាក់ទងនឹងព្រំដែនរវាងប្រទេសថៃ និងមីយ៉ាន់ម៉ា ច្រើនណាស់ដែលរដ្ឋាភិបាលថៃគួររកវិធានការណ៍ដោះស្រាយ ជាជាងកាលដែលទៅបង្កជម្លោះបន្ថែមជាមួយកម្ពុជា ព្រោះដរាបណាមានការប្រយុទ្ធគ្នានៅតាមព្រំដែន ប្រជាជនរបស់យើងរងផលប៉ះពាល់ដែរ។ ពេលនោះ កុមារនឹងមិនអាចត្រឡប់ទៅសាលារៀនវិញបានទេ ហើយសង្រ្គា.មនឹងបន្តប៉ះពាល់ដល់ការអភិវឌ្ឍន៍ប្រទេសរបស់យើង។

គួរជម្រាបថា ការលើកឡើងរបស់សាស្រ្តាចារ្យថៃដូចខាងលើនេះ ធ្វើឡើងស្របពេលដែលប្រទេសថៃបានបើកការវា.យប្រហារមកលើកម្ពុជាយ៉ាងខ្លាំងក្លា។ ដោយចង់បង្វែងការយល់ឃើញរបស់អន្តរជាតិ ថាខ្លួនកំពុងឈ្លានពានចង់ប្ល.ន់យកទឹកដីរបស់កម្ពុជា និងវាយប្រហារទីតាំងជនសុីវិល រដ្ឋាភិបាលថៃបានព្យាយាមបំភ្លៃសាច់រឿងថា ទាំងនេះគឺជាផ្នែកមួយនៃការបង្រ្កាបរបស់ថៃទៅលើមជ្ឈមណ្ឌលឆបោ.កតាមអនឡាញនៅកម្ពុជា តាមរយៈការទម្លាក់គ្រាប់បំផ្លា.ញកាស៊ីណូ និងទីតាំងមួយចំនួនដែលថៃរកឃើញថាជាជម្រករបស់ក្រុមឧក្រិដ្ឋជនទាំងនោះ។

យ៉ាងណាក៏ដោយ ជាមួយនឹងការចោ.ទប្រកាន់ដូចខាងលើ ប្រទេសថៃគ្មានភ័ស្តុងតាងមកបញ្ជាក់ និងបង្ហាញពិតប្រាកដឡើយ ដោយនេះគ្រាន់តែជាលេសដើម្បីវាយប្រហារលើកម្ពុជាក្រោមហេតុផលឈ្លានពានតែប៉ុណ្ណោះ។ ផ្ទុយទៅវិញ នៅព្រំដែនថៃជាប់មីយ៉ាន់ម៉ាឯណោះ សកម្មភាពខុសច្បាប់និងបទល្មើសអសន្តិសុខរាប់មិនអស់បានកើតមាននៅទីនោះ ប៉ុន្តែគេមិនឃើញរដ្ឋាភិបាល ឬយោធាថៃចាត់វិធានបង្រ្កាបធ្ងន់ធ្ងរឡើយ ដោយមានតែយោធាមីយាន់ម៉ាប៉ុណ្ណោះជាអ្នកចាត់ការ។

តាមការចុះផ្សាយនាពេលថ្មីៗកន្លងទៅនេះ សកម្មភាពបង្រ្កាបសម្បុកក្រុមឧក្រិដ្ឋជនឆបោកតាមអនឡាញរបស់មីយ៉ាន់ម៉ា ដោយការបំផ្ទុះនិងបំផ្លោងគ្រាប់បែ.កបានធ្វើឲ្យជ្រុលទៅប៉ះដល់ផ្ទះប្រជាជនថៃនៅតាមព្រំដែន និងធ្វើឲ្យមានអ្នករបួសថែមទៀតផង។ ការបំផ្លោ.ងគ្រាប់រហូតជ្រុលចូលទឹកដីថៃនេះ មិនមែនកើតមានម្ដង ឬពីរដងនោះទេ ពោលគឺតែងកើតមានជាញឹកញយ ប៉ុន្តែទោះជាយ៉ាងណាក៏ថៃនៅតែរក្សាការអត់ធ្មត់ជាមួយមីយ៉ាន់ម៉ា។ តើនេះដោយសារតែថៃខ្លាចមីយ៉ាន់ម៉ា ឬមួយយ៉ាងណា?

ជាច្រើនថ្ងៃនេះ មហាជនថៃបានរិះគ.ន់ស្ត្រីថៃម្នាក់ជាជាងកាត់សក់នៅទីក្រុងប៉ោយប៉ែត ខេត្តបន្ទាយមានជ័យ ដែលហ៊ាននិយាយការពិតថា ការរស់នៅធម្មតា គ្មានការធ្វើបា.បពីអាជ្ញាធរកម្ពុជា ឬកងទ័ពចាប់ធ្វើចំណាប់ខ្មាំ.ងទេ និងសំណូមពរទៅក្រុមជ្រុលនិយម រួមទាំងសារព័ត៌មានថៃនានាឈប់ផ្សព្វផ្សាយព័ត៌មានមូលបង្កាច់ និងលាបពណ៌ប៉ោយប៉ែតជាតាំងឆបោ.កអនឡាញ ។ ស្ត្រីថៃថា ការរស់នៅមានក្តីសុខ មិនដូចការចុះផ្សាយរបស់សារព័ត៌មានថៃដែលធ្វើឱ្យមានការយល់ច្រឡំប៉ោយប៉ែតគ្មានសុវត្ថិភាព ប៉ុន្តែត្រូវមហាជនរិះគ.ន់យ៉ាងចាស់ដៃថា កាន់ជើងកម្ពុជា ។

ស្ត្រីថៃនិយាយថា ការរស់នៅទីក្រុងប៉ោយប៉ែតធម្មតា គ្មានការធ្វើបាបពីអាជ្ញាធរកម្ពុជាដូចការផ្សព្វផ្សាយលាបពណ៌របស់សារព័ត៌មានថៃនានាទេ នៅប្រទេសណាក៏ដោយ សុទ្ធតែមានបញ្ហាដូចគ្នា ប៉ុន្តែពលរដ្ឋថៃញុះញង់តាមបណ្តោយសង្គមឱ្យកងទ័ពប្រើប្រាស់យន្តហោះ F-16 ទម្លាក់គ្រាប់បែកលើទីក្រុងប៉ោយប៉ែត ។ ស្ត្រីរូបនេះថា គ្រប់ប្រទេសលើពិភពលោក គឺមានទាំងមនុស្សល្អ មនុស្សអាក្រក់ សូមអ្នករិះគន់ទាំងឡាយយកពេលវេលានេះទៅថែទាំងគ្រួសាររបស់ខ្លួន ឬរកស៊ីចិញ្ចឹមជីវិតប្រសើរជាង ថាតើគ្រួសារខ្លួនមានអាហារហូបចុកគ្រប់គ្រាន់ឬនៅ និងឈប់លាបពណ៌ប្រទេសជិតខាង ។

សារព័ត៌មាននៅប្រទេសថៃពូកែលាបពណ៌ទីក្រុងប៉ោយបែតជាទីតាំង Scammer បើដូចការផ្សព្វផ្សាយមែននោះ នាងជាជនជាតិថៃរស់នៅទីនេះច្បាស់ជាមានបញ្ហាមិនខាន ប៉ុន្តែនាងរស់នៅធម្មតា គ្មានអាជ្ញាធរដេញចាប់ជនជាតិថៃធ្វើជាចំណាប់ខ្មាំងទេ ។ ការរស់នៅសព្វថ្ងៃ នាងមិនធ្លាប់ឃើញកងទ័ពកម្ពុជាណាម្នាក់សោះ ប៉ុន្តែពលរដ្ឋថៃខ្លះរស់នៅក្នុងត្រឡោក ញុះញង់ឱ្យកងទ័ពប្រើប្រាស់យន្តហោះ F-16 ទម្លាក់គ្រាប់បែក ។ ពួកគេគួររៀនសូត្របន្ថែមតាមអ៊ីនធើរណេត មិនមែនចាំតែញុះញង់ក្នុងបណ្តាញសង្គម ពីព្រោះជនជាតិថៃដែលមកធ្វើការនៅប៉ោយប៉ែត មិនមែនជា Scammer ទេ ។

មនុស្សជាច្រើនបានរិះគន់ពាក្យសម្តីរបស់ស្ត្រីថៃរូបនេះថា កាន់ជើងកម្ពុជា និងជំរុញឱ្យនាងស្នើសុំសញ្ជាតិខ្មែរ ប៉ុន្តែនាងឆ្លើយតបទៅវិញថា ហេតុអ្វីមិនទទួលស្គាល់ការពិត និងរិះគន់អ្នកនិយាយការពិត ។ ពលរដ្ឋថៃរស់នៅតែក្នុងប្រទេសខ្លួនមិនដែលចេញក្រៅ មិនស្គាល់ទីក្រុងប៉ោយប៉ែតច្បាស់លាស់ទេ ដោយសារជឿសារព័ត៌មានថៃផ្សព្វផ្សាយលាបពណ៌ ។

គួរបញ្ជាក់ថា សារព័ត៌មានថៃនានាបានព្យាយាមលាបពណ៌ទីក្រុងប៉ោយបែតជាសំបុក Scammer និងទីតាំងប្រព្រឹត្តបទល្មើស តាំងពីមុនពេលផ្ទុះសង្គ្រាមម៉្លេះ ក្នុងគោលបំណងធ្វើឱ្យជនបរទេសញញើតមិនហ៊ានមកទីក្រុងប៉ោយប៉ែត ។ បន្ទាប់ពីកងទ័ពថៃបើកការវាយប្រហារកម្ពុជាជាថ្មី ពលរដ្ឋថៃក៏ញុះញង់ឱ្យកងទ័ពប្រើប្រាស់យន្តហោះចម្បាំង F-16 ទម្លាក់គ្រាប់បែកលើអគារនានា ក្រោមលេសជាទីតាំង Scammer ទោះជាដឹងថា មានពលរដ្ឋថៃស្នាក់នៅទីនេះច្រើនក្តី ។

ទីក្រុងប៉ោយប៉ែតបានរងការវាយប្រហារពីយន្តហោះចម្បាំង F-16 ទម្លាក់គ្រាប់បែកជាបន្តបន្ទាប់ ដែលធ្វើឱ្យពលរដ្ឋកម្ពុជាជម្លៀសចេញពីលំនៅឋានជាច្រើនលើកច្រើនសារ ដោយកងទ័ពថៃយកលេសថា ទម្លាក់គ្រាប់បែកកំទេចសំបុក Scammer ដែលលាក់ខ្លួនក្នុងអគារនានា ។

តាមការក្រសួងការពារជាតិកម្ពុជា នៅថ្ងៃទី២២ ខែធ្នូ ឆ្នាំ២០២៥ កងទ័ពថៃនៅតែបន្តធ្វើសកម្មភាពបាញ់ប្រហារចូលទីតាំងប្រជាជនស៊ីវិលកម្ពុជា និងហេដ្ឋារចនាសម្ព័ន្ធស៊ីវិល នៅយោធភូមិភាគទី៥ ក្នុងភូមិសាស្ត្រភូមិក្បាលកោះ សង្កាត់អូរជ្រៅ ក្រុងប៉ោយប៉ែត ។ នាម៉ោង១០និង៥០នាទី យោធាថៃបានបើកការបាញ់ប្រហារមកលើអាគារ និងផ្ទះរបស់ពលរដ្ឋស៊ីវិលកំពុងរស់នៅ ប្រមាណ ៣០គ្រាប់ (កាំភ្លើងដៃ) នៅភូមិក្បាលកោះ សង្កាត់អូរជ្រៅ ក្រុងប៉ោយប៉ែត ។ សកម្មភាពនេះជាការវាយប្រហារដ៏កំរោលមិនរើសគោលដៅរបស់យោធាថៃ និងរំលោភបំពានច្បាប់មនុស្សធម៌អន្តរជាតិយ៉ាងធ្ងន់ធ្ងរ ៕

លោក Casey Barnett ប្រធានសភាពាណិជ្ជកម្មអាមេរិកប្រចាំកម្ពុជា បានរៀបរាប់លម្អិត ពីល្បិចធ្វើជាលុបចោលកិច្ចព្រមព្រៀងសន្តិភាពជាឯកតោភាគីពីភាគីថៃ ដើម្បីបង្កសង្រ្គា.មឈ្លានពានលើកម្ពុជា ដែលបណ្ដាលឲ្យស្លាប់ជនស៊ីវិលជាច្រើន និងពលរដ្ឋប្រមាណ ៧០ម៉ឺននាក់នៅតាមព្រំដែន ត្រូវភៀសខ្លួន និងពេលនេះកំពុងទទួលរងទុក្ខលំបាក។

យោងតាមការបង្ហោះនៅលើទំព័រផេកផ្លូវការ នាយប់ថ្ងៃទី២១ ខែធ្នូនេះ លោក Casey Barnett បានបង្ហោះនូវសំណេរវែងមួយដែលមានរៀបរាប់អំពីខ្លឹមសារលម្អិតនៃទង្វើឈ្លានពានដ៏អាក្រ.ក់របស់ប្រទេសថៃថា៖ គិតត្រឹមម៉ោង ១២៖០០អធ្រាត្រ ថ្ងៃទី២២ ខែធ្នូ ឆ្នាំ២០២៥ ថៃបានអនុវត្តការវាយប្រហារតាមអាកាសប្រហែល ២៣លើកលើប្រទេសកម្ពុជា ដោយវាយបំផ្លាញទាំងគោលដៅយោធា និងហេដ្ឋារចនាសម្ព័ន្ធស៊ីវិល រួមទាំងសាលាបឋមសិក្សា វត្តអារាម និងស្ពាន។

កម្ពុជាគ្មានជម្រើសក្រៅពីទ្រាំទ្រទទួលរងការទម្លាក់គ្រាប់បែក ដែលបានបណ្ដាលឲ្យគ្រួសារ កុមារ និងមនុស្សចាស់កម្ពុជាចំនួន ៥១៨ ៦១១នាក់ ត្រូវផ្លាស់ទីលំនៅនៅក្នុងប្រទេស ហើយឥឡូវនេះកំពុងរស់នៅក្នុងតង់បណ្តោះអាសន្នតាមជំរំ។ ថៃក៏រាយការណ៍ថា មានមនុស្សជាង ២០មុឺននាក់ត្រូវបានជម្លៀសចេញ ព្រោះការបាញ់កាំភ្លើងធំរបស់កម្ពុជា។ ប៉ុន្តែវាមិនសមហតុផលឡើយ ដ្បិតប្រជាជននៅតាមព្រំដែនប្រហែល ៩៥% ហើយគឺជាជនជាតិខ្មែរ សូម្បីតែនៅក្នុងខេត្តថៃតាមបណ្ដោយព្រំដែនក៏មានជនជាតិខ្មែររស់នៅច្រើនផងដែរ ដូចជាខេត្តសូរិន (Surin) ដែលត្រូវបានប៉ាន់ប្រមាណថា យ៉ាងហោចណាស់ ៦៣% ជាជនជាតិខ្មែរ ទោះបីមានការលាយបញ្ចូលភាសាយ៉ាងទូលំទូលាយក៏ដោយ។

តាមការយល់ឃើញរបស់លោក Casey បើទោះជាមានបទឈប់បា.ញ់ដែលផ្ដួចផ្ដើមឡើងដោយប្រធានាធិបតីអាមេរិក លោក ដូណាល់ត្រាំ និងកិច្ចព្រមព្រៀងសន្តិភាពទីក្រុងគូឡាឡាំពួហើយក៏ដោយ ប៉ុន្តែថៃនៅតែស្វែងរកមូលហេតុសម្រាប់ហែកចោលសន្តិភាពវិញឲ្យទាល់តែបាន។ ក្នុងនោះ ចំពោះមូលហេតុផ្លូវការដែលអនុទិន បានលើកឡើងសម្រាប់ការលុបចោលកិច្ចព្រមព្រៀងសន្តិភាព គឺថា ទាហានថៃ ៤នាក់បានរងរបួសដោយមីន លើផ្លូវក្នុងព្រៃនៅតំបន់ជម្លោះ ក្នុងពេលល្បាត នៅថ្ងៃទី ១០ ខែវិច្ឆិកា ឆ្នាំ២០២៥។ ទោះបីថៃអះអាងថា មីននោះទើបត្រូវបានដាក់ថ្មីក៏ដោយ តែថៃមិនដែលបានបង្ហាញភស្តុតាងណាមួយថា មីននោះត្រូវបានដាក់ បន្ទាប់ពីការចុះហត្ថលេខាលើកិច្ចព្រមព្រៀងសន្តិភាពនៅថ្ងៃទី ២៦ ខែតុលា ឡើយ។ ហើយដោយសារការលុបចោលកិច្ចព្រមព្រៀងសន្តិភាព ដោយឯកតោភាគីនេះ ថៃបានឈានទៅដល់ការបង្កសង្រ្គា.មយ៉ាងខ្លាំងក្លា ដែលជាការឆ្លើយតបហួសហេតុ និងមិនសមហេតុផលទាល់តែសោះ។

ការលុបចោលកិច្ចព្រមព្រៀងសន្តិភាពថ្ងៃទី១០ ខែវិច្ឆិកា របស់អនុទិន បានកើតឡើងតែបន្ទាប់ពីអនុទិនដឹងថា សភាតំណាងរាស្ត្រនឹងត្រូវរំលាយ នៅពេលសភាប្រជុំឡើងវិញ នៅថ្ងៃទី ១២ ខែធ្នូ ហើយនឹងមានការបោះឆ្នោតមុនកាលកំណត់។ នៅថ្ងៃទី៥ ខែវិច្ឆិកា ឆ្នាំ២០២៥ អនុទិនខ្លួនឯងបាននិយាយថា «បើយើងមិនអាចឈ្នះល្បែងនយោបាយបានទេ យើងនឹងរំលាយសភា»។ (ការរំលាយសភា និងការបោះឆ្នោតមុនកាលកំណត់ កាន់តែប្រាកដសម្រាប់ អនុទិន នៅថ្ងៃទី៩ ខែវិច្ឆិកា ឆ្នាំ ២០២៥ នៅពេលដែល People’s Party ទាមទារឲ្យមានសម័យប្រជុំវិសេស សម្រាប់ការកែប្រែរដ្ឋធម្មនុញ្ញ ប៉ុន្តែត្រូវបានអនុទិនបដិសេធ។

ការលុបចោលកិច្ចព្រមព្រៀងសន្តិភាព ដោយឯកតោភាគី និងការកើនឡើងនៃការប្រយុទ្ធ គឺស្របពេលជាមួយការខិតខំរបស់ អនុទិន ក្នុងការរក្សាអំណាច ដែលជាការខិតខំមួយ ដែលហាក់ដូចជាតានតឹងខ្លាំង ព្រោះគណបក្ស Bhunjaithai របស់អនុទិន មានអាសនៈត្រឹមពាក់កណ្ដាលនៃគណបក្សសម្ព័ន្ធមិត្តរបស់ខ្លួន ហើយសម្ព័ន្ធភាពនោះក៏កំពុងដល់ទីបញ្ចប់ដោយជៀសមិនរួច។ អ្វីដែលបន្ថែមសម្ពាធឲ្យ អនុទិន គឺអត្រាគាំទ្ររបស់គាត់បានធ្លាក់ដល់កម្រិតទាបបំផុត ក្នុងអំឡុងទឹកជំនន់ធ្ងន់ធ្ងរនៅហាតយ៉ៃ ភាគខាងត្បូងថៃ ពីថ្ងៃទី២១ ដល់ថ្ងៃទី២៤ ខែវិច្ឆិកា ដែលរដ្ឋាភិបាលរបស់គាត់ត្រូវបានរិះគន់យ៉ាងទូលំទូលាយថា បានឆ្លើយតបយឺត និងមិនគ្រប់គ្រាន់; របាយការណ៍ Reuters បង្ហាញថា ការគាំទ្រពីសាធារណៈ ចំពោះអនុទិន បានធ្លាក់ពី ៤៨% មកត្រឹម ២៣% ប៉ុណ្ណោះ។ រួមជាមួយកំណើនសេដ្ឋកិច្ចខ្សោយប្រហែល ២% និងការថយចុះនៃចំនួនភ្ញៀវទេសចរចូលមក ៧% ឱកាសរបស់ អនុទិន ក្នុងការឈ្នះការបោះឆ្នោតឡើងវិញកាន់តែតិចតួច។ (11) ការចាប់ផ្តើមសង្គ្រាមជាមួយកម្ពុជា នៅថ្ងៃទី៧ ខែធ្នូ ឆ្នាំ ២០២៥ បានដាក់ អនុទិន ឲ្យស្ថិតក្នុងទីតាំងយុទ្ធសាស្ត្រសម្រាប់ការបោះឆ្នោតឡើងវិញ មុនពេលការរំលាយសភានៅថ្ងៃទី ១២ ខែធ្នូ ឆ្នាំ ២០២៥។

ដូច្នេះការលើកឡើងរបស់លោក Casey Barnett ខាងលើនេះ គឺភស្តុតាងបញ្ជាក់យ៉ាងច្បាស់អំពីល្បិចកលរបស់រដ្ឋាភិបាលថៃក្នុងការបង្កសង្រ្គា.មជាមួយកម្ពុជា ដែលមិនដើម្បីតែឈ្លានពានទឹកដីកម្ពុជាប៉ុណ្ណោះទេ ប៉ុន្តែក៏ដើម្បីផលប្រយោជន៍របស់ពួគគេនៅក្នុងឆាកនយោបាយក្នុងស្រុកផងដែរ៕

នៅព្រឹកថ្ងៃទី២២ ខែធ្នូ ឆ្នាំ២០២៥ ប្រធានសភាពាណិជ្ជកម្មអាមេរិកនៅប្រទេសកម្ពុជា លោក Casey Barnett បានថ្កោលទោសការឈ្លានពា.នដ៏សា.ហាវឃោរ.ឃៅរបស់កងទ័ពថៃមកលើដែនអធិបតេយ្យស្របច្បាប់កម្ពុជា ជាពិសេស ថ្កោលទោសថៃប្រើប្រាស់យន្តហោះចម្បាំង F-6 ទម្លាក់គ្រាប់បែ.កក្នុងទឹកដីកម្ពុជាមិនរើសគោលដៅ រហូតដល់២៣លើក ដោយបានបំផ្លិចបំផ្លា.ញស្ពាន ផ្លូវ វត្តអារ៉ាម សាលារៀន និងលំនៅឋានពលរដ្ឋខ្ទេចខ្ទី ។

ប្រធានសភាពាណិជ្ជកម្មអាមេរិកនៅកម្ពុជា លោក Casey Barnett បាននិយាយនៅព្រឹកថ្ងៃទី២២ ខែធ្នូ ថា ៖ «កងទ័ពថៃបានវាយប្រហារកម្ពុជាតាមផ្លូវអាកាស ចំនួន២៣លើក ដោយមានគោលដៅបំផ្លាញទីតាំងកងទ័ព តំបន់ជនស៊ីវិល រួមទាំងសាលារៀនបឋមសិក្សា វត្តអារ៉ាម និងស្ពាន ។ មេដឹកនាំថៃ លោក Anutin Charnvirakul បញ្ជាឱ្យកងទ័ពវាយប្រហារកម្ពុជាជ្រុលហួសហេតុ បន្ទាប់ពីកងទ័ពខ្លួនរងរបួសតិចតួច» ។

អាមេរិកប្រកាសថ្កោលទោសថៃដែលឈ្លានពានពានដែនអធិបតេយ្យកម្ពុជាយ៉ាងសាហាវឃោរឃៅ ជាពិសេស ការប្រើប្រាស់យន្តហោះចម្បាំង F-16 ទម្លាក់គ្រាប់បែកក្នុងទឹកដីកម្ពុជា ចំនួន២៣លើក ដោយមិនរើសគោលដៅ និងបំផ្លាញហេដ្ឋារចនាសម្ព័ន្ធស៊ីវិល សាលារៀនបឋមសិក្សា វត្តអារ៉ាម និងស្ពាន ។ ថៃវាយប្រហារតាមដែនអាកាសកម្ពុជាកើនឡើងរហូតដល់៥លើកកាលពីថ្ងៃទី១៨ ខែធ្នូ និង៤លើកកាលពីថ្ងៃទី១៩ ខែធ្នូ ដែលការទម្លាក់គ្រាប់បែកភាគច្រើន គឺនៅទីប្រជុំជន និងបណ្តាស្រុកនៅជនបទ ថែមទាំងទម្លាក់គ្រាប់បែកនៅទីក្រុងប៉ោយប៉ែត ដែលមានមនុស្សរស់នៅយ៉ាងច្រើន ។

លោក Casey Barnett បន្តថា បើតាមផែនទី គឺការទម្លាក់គ្រាប់បែករបស់កងទ័ពថៃស្ថិតក្នុងដែនអធិបតេយ្យកម្ពុជា ខណៈកម្ពុជាមិនបានឆ្លើយតបនឹងការវាយប្រហារដែនអាកាសទៅថៃវិញទេ ដោយសារកម្ពុជាគ្មានយន្តហោះចម្បាំង ឬប្រព័ន្ធការពារដែនអាកាសរបស់ខ្លួន ។ កម្ពុជារងគ្រោះដោយសារការទម្លាក់គ្រាប់បែក ពលរដ្ឋកម្ពុជាជាង៥០ម៉ឺនគ្រួសារ មានទាំងកុមារ និងមនុស្សចាស់បានជម្លៀសចេញពីលំនៅឋាន ។

ថៃបានព្រមព្រៀងឈប់បាញ់ដោយគ្មានលក្ខខណ្ឌកាលពីថ្ងៃទី២៨ ខែកក្កដា ដោយមានប្រធានាធិបតីអាមេរិក លោក Donald Trump ជួយអន្តរាគមន៍យល់ព្រមទម្លាក់ពន្ធទំនិញកម្ពុជា-ថៃមកត្រឹម១៩% ។ បន្ទាប់មក លោកប្រធានាធិបតី Trump បានធ្វើជាសាក្សីក្នុងពិធីចុះហត្ថលេខាលើសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពគូឡាឡាំពួរ ដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោក Anutin Charnvirakul នាយករដ្ឋមន្ត្រីថៃចុះហត្ថលេខារួមគ្នាកាលពីថ្ងៃទី២៦ ខែតុលា ប៉ុន្តែថៃបែរជាឈ្លានពានកម្ពុជា ទើបអាមេរិកផ្អាកចរចាពន្ធទំនិញ រហូតដល់ថៃគោរពកិច្ចព្រមព្រៀងសន្តិភាពឡើងវិញ ។

លោក Anutin បានចោទប្រកាន់កម្ពុជាបង្កប់មីនថ្មីធ្វើឱ្យកងទ័ពថៃរងរបួស ហើយប្រកាសឈប់អនុវត្តកិច្ចព្រមព្រៀងសន្តិភាព ប៉ុន្តែថៃគ្មានភស្តុតាងបញ្ជាក់ពីគ្រាប់មីននេះបានបង្កប់ក្រោយថ្ងៃទី២៦ ខែតុលា ទេ ។ លោក Anutin បញ្ជាឱ្យកងទ័ពវាយប្រហារកម្ពុជាជាថ្មីយ៉ាងធ្ងន់ធ្ងរ ដែលជាទង្វើជ្រុលហួសហេតុដើម្បីទទួលផលប្រយោជន៍នយោបាយឡើងកាន់តំណែងបន្ត ។ នេះបើតាមការលើកឡើងរបស់ប្រធានសភាពាណិជ្ជកម្មអាមេរិក ។

គួរបញ្ជាក់ថា ថ្មីៗនេះ កាសែតបាងកកប៉ុស្តិ៍របស់ថៃបានលាតត្រដាងការពិតពីការកេងចំណេញ និងស្វែងរកផលប្រយោជន៍របស់គណបក្សភូមិចៃថៃ របស់លោក Anutin ថាកំពុងបង្កសង្គ្រាមឈ្លានពានកម្ពុជាដើម្បីរកសំឡេងគាំទ្រពីពលរដ្ឋសម្រាប់ការបោះឆ្នោតនៅខែកុម្ភៈ ឆ្នាំ២០២៦ ។ មហាអំណាចចិន និងមហាអំណាចអាមេរិកដឹងច្បាស់ថា វាគ្រាន់តែជាសង្គ្រាមដែលមេដឹកនាំថៃរៀបចំប៉ុណ្ណោះ ហើយមហាអំណាចទាំងពីរបានអំពាវនាវឱ្យបញ្ចប់សង្គ្រាមជាបន្ទាន់ ប៉ុន្តែត្រូវបានមេដឹកនាំថៃទាត់ចោលការអំពាវនាវ និងបណ្តោយឱ្យកងទ័ពវាយប្រហារកម្ពុជាកាន់តែខ្លាំង ។

លោក Anutin អសមត្ថភាពដឹកនាំប្រទេសគ្រប់វិស័យ និងបិទបាំងព័ត៌មានពលរដ្ឋភាគខាងត្បូងស្លាប់ដោយសារទឹកជំនន់រហូតដល់ជាង១,០០០នាក់ ក៏រៀបចំផែនការបង្កសង្គ្រាមជាមួយកម្ពុជាជាថ្មី ដោយបណ្តុះគំនិតជាតិនិយមឱ្យពលរដ្ឋយល់ថា ជាសង្គ្រាមការពារទឹកដី ។ សង្គ្រាមនេះបានបំផ្លាញហេដ្ឋារចនាសម្ព័ន្ធកម្ពុជានៅតាមបណ្តាខេត្តជាប់ព្រំដែនថៃ បណ្តាលឱ្យពលរដ្ឋកម្ពុជាស្លាប់ រងរបួស ភៀសខ្លួនពីផ្ទះសម្បែងគេចពីគ្រាប់ផ្លោង និងការទម្លាក់គ្រាប់បែករបស់យន្តហោះចម្បាំង F-16 ។

ទោះមានការជួយសម្រួលសម្រួលពីមហាអំណាចអាមេរិក ចិន ម៉ាឡេស៊ី និងសហគមន៍អន្តរជាតិ ប៉ុន្តែថៃនៅតែផ្គើនសម្រុកបាញ់ផ្លោង និងទម្លាក់គ្រាប់បែកក្នុងដែនអធិបតេយ្យកម្ពុជាយ៉ាងសាហាវឃោរឃៅ ។ លើសពីនេះ ថៃដាក់លក្ខខណ្ឌ ៣ចំណុចថែមទៀត ក្នុងនោះមានលក្ខខណ្ឌឱ្យកម្ពុជាប្រកាសឈប់បាញ់មុន ទាំងដែលការពិតថៃបាញ់មុន ដើម្បីរួចខ្លួនមិនផ្តល់ប្រាក់សំណងដែលថៃបំផ្លាញសាលារៀន វត្តអារ៉ាម ស្ពាន និងផ្ទះពលរដ្ឋ ៕