ប្រទេសថៃ ៖ បុរសជនជាតិថៃម្នាក់បានរៀបរាប់ពីបទពិសោធន៍ព្រឺសម្បុរមួយប្រាប់សារព័ត៌មាន Morning News ថា គាត់ និងអ្នកផ្សេងទៀតបានជាប់នៅក្នុងបន្ទប់យន្តសម្រាប់បញ្ជូនសា.កស.ព ជិត១ម៉ោង ។ គាត់ប្រាប់ថា នៅសុខៗ ស្រាប់តែទ្វារបន្ទប់យន្តបានបិទដោយខ្លួនឯង រួចហើយវាក៏ឡើងទៅកាន់ជាន់ទី២ ។

បន្ទាប់ពីគាត់បានចេញពីបន្ទប់យន្តនេះ ស្រាប់តែគាត់មានអារម្មណ៍ប្លែកៗ ។ ហេតុនេះ គាត់ក៏សម្រេចចិត្តទៅធ្វើបុណ្យដើម្បីឱ្យសប្បាយចិត្ត និងចៀសផុតពីគ្រោះថ្នាក់ផ្សេងៗ ។

បើតាមវីដេអូដែលខាងសារព័ត៌មានថៃបានបង្ហោះបង្ហាញថា គេបានជួយសង្គ្រោះមនុស្សចំនួន៣នាក់ដែលជាប់នៅក្នុងបន្ទប់យន្តមួយ ព្រមទាំងមានរូបថតសាកសពនៅក្នុងនោះផងដែរ ។ បុរសម្នាក់ដែលជាប់ក្នុងបន្ទប់យន្តនេះ បានផ្តល់សម្ភាសន៍ជាមួយសារព័ត៌មាន Morning News តាមទូរស័ព្ទថា អគារនេះស្ថិតនៅក្នុងបរិវេណវត្ត មានកម្ពស់៤ជាន់ ហើយជាន់ដែលរៀបចំពិធីបុណ្យសព គឺនៅជាន់ទី២ ។

បុរសរូបនេះបន្តថា គាត់បានកាន់រូបថតសា.កស.ពលោកយាយដើរចូលទៅក្នុងបន្ទប់យន្តមុនគេ បន្ទាប់មក មានអ្នកថតវីដេអូ, អ៊ំម្នាក់, លោកអាចារ្យម្នាក់, ព្រះសង្ឃ និងចុងក្រោយ គេក៏ដាក់ក្តារមឈូសសពចូលមកក្នុងបន្ទប់យន្តនេះដែរ ។ ប៉ុន្តែពេលចេញវិញ គេបានលើកមឈូសសពឱ្យចេញពីបន្ទប់យន្តមុនគេ បន្ទាប់មក ព្រះសង្ឃ លោកអាចារ្យ និងបងប្រុសម្នាក់ទៀតដើរចេញពីបន្ទប់យន្តតាមក្រោយ ។

ពេលនោះ គាត់ និងមនុស្សមួយចំនួនទៀតមិនទាន់បានដើរចេញពីបន្ទប់យន្តទេ ស្រាប់តែទ្វារបន្ទប់យន្តបានបិទដោយខ្លួនឯង ។ ទោះយ៉ាងណា រូបគាត់ និងអ្នកផ្សេងទៀតដែលពុំទាន់បានចេញពីបន្ទប់យន្តគិតថា បន្តិចទៀត នឹងមានមនុស្សមកជួយមិនខាន ។ ប៉ុន្តែវាមិនដូចជាការគិតទេ គឺគាត់ និងអ្នកផ្សេងទៀតបានជាប់ក្នុងនេះជិត១ម៉ោង ។

គាត់គិតថា ការជាប់ក្នុងបន្ទប់យន្តនេះអាចបណ្តាលមកពីអ្វីម្យ៉ាងដែលនៅក្បែរនោះ ហើយមុនពេលគាត់បើកបររថយន្តចេញពីវត្តវិញ គាត់និយាយថា ៖ «សូមកុំតាមមកណា មិនអនុញ្ញាតឱ្យតាមមកទេ នៅក្នុងវត្តល្អហើយ» ។

ពេលមកដល់ផ្ទះវិញ គាត់មានអារម្មណ៍ប្លែកៗ និងបារម្ភបន្តិចដែរ ។ រៀងរាល់យប់ គាត់សម្រាកមិនលក់ទេ ដោយសារគិតពីពេលគាត់ជាប់ក្នុងបន្ទប់យន្ត ពីព្រោះគាត់មិនដឹងថា តើមានប៉ុន្មានរយសពទេ ដែលគេបានបញ្ជូនឆ្លងកាត់តាមបន្ទប់យន្តនេះ? ប្រភព ៖ Morning News

បរទេស៖ ញូវយ៉កជាប់ចំណាត់ថ្នាក់ជាទីក្រុងដ៏អាក្រក់បំផុតមួយសម្រាប់អ្នកនៅលីវ ដោយសារតែមានការចំណាយខ្ពស់ក្នុងការណាត់ជួប។

យោងតាមប្រភពព័ត៌មាន New York Post ដែលបានចុះផ្សាយនៅថ្ងៃទី១៣ ខែធ្នូថា ទីក្រុងញូវយ៉កពិតជាកន្លែងដ៏អាក្រក់បំផុតមួយសម្រាប់អ្នកនៅលីវ ដោយសារតែនៅទីនោះគឺមានការចំណាយខ្ពស់ដូចជា មើលកុន ញ៉ាំអាហារនៅភោជនីយដ្ឋាន និងផឹកស្រាតិចតួចក៏ថ្លៃខ្លាំងផងដែរ ដែលនេះធ្វើឱ្យអ្នកនៅលីវពិបាកក្នុងការណាត់ជួបគ្នាព្រោះត្រូវពិចារណាអំពីលុយដែលចំណាយលើការញ៉ាំអាហារ ឬក៏ដើរកម្សាន្តនៅតំបន់នានាជាដើម។

យោងតាមការពន្យល់របស់ WalletHub ក៏បានឱ្យដឹងដែរថា ទីក្រុងញូវយ៉កមានតម្លៃជួលជាមធ្យមខ្ពស់ជាងបីដងនៃទីក្រុងដែលមានតម្លៃជួលថោកបំផុតគឺ Columbia រដ្ឋ Maryland។ ដូច្នេះអ្នកនៅលីវក្នុងទីក្រុងញូវយ៉កប្រហែល ១.៥ លាននាក់ដែលមានអាយុពី ២០-៣៤ ឆ្នាំបានងាកទៅរកកម្មវិធីណាត់ជួបគ្នាតាមអ៊ីនធឺណិតធ្វើឱ្យពួកគេមានពេលវេលាតិចក្នុងការជួបគ្នាខាងក្រៅ។

អ្នកប្រឹក្សាណាត់ជួបសម្រាប់បុរស Blaine Anderson បានធ្វើការស្ទង់មតិជាមួយនឹងអ្នកនៅលីវចំនួន ១,០០០នាក់ ដោយបុរស ៥៣% បាននិយាយថាពួកគេព្រួយបារម្ភអំពីការណាត់ជួបដោយមិនញ៉ាំអាហារ ឬមើលកុន ប៉ុន្តែខ្លាចដៃគូរបស់ពួកគេចាត់ទុកថាជាមនុស្សឈ្លើយ រីឯ ៤៥% នៃបុរសដែលមានអាយុពី ១៨ ទៅ ២៥ ឆ្នាំបានសារភាពថាពួកគេមិនដែលទាក់ទងមនុស្សស្រីទេ។

គួរបញ្ជាក់ដែរថា ញូវយ៉កក៏ត្រូវបានគេចាត់ទុកថាជាទីក្រុងមួយដែលមានមនុស្សតិចណាស់ដែលស្គាល់គ្នា។ នេះបើតាមការស្ទង់មតិចុងក្រោយដោយក្រុមហ៊ុនសេវាកម្មហិរញ្ញវត្ថុដែលមានមូលដ្ឋាននៅទីក្រុងម៉ៃអាមី Wallethub បានបង្ហាញថាទីក្រុងញូវយ៉កជាប់ចំណាត់ថ្នាក់ ១៤៤ ក្នុងចំណោមទីក្រុង ១៨២ ដែលសមរម្យសម្រាប់ការណាត់ជួប។ ចំណាត់ថ្នាក់នេះគឺផ្អែកលើឱកាស ការចំណាយ និងលក្ខណៈវិនិច្ឆ័យណាត់ជួប។ ដូច្នេះបើនិយាយពីការនៅម្នាក់ឯងគ្មានការណាត់ជួបវិញ ទីក្រុងញូវយ៉កជាប់ចំណាត់ថ្នាក់ទី ១៦៧។

ទោះជាយ៉ាងណាក៏ដោយទីក្រុងដែលល្អ និងស័ក្តិសមបំផុតសម្រាប់អ្នកនៅលីវក្នុងការណាត់ជួបនោះគឺទីក្រុង Seattle (វ៉ាស៊ីនតោន) តាមពីក្រោយដោយ Las Vegas (Nevada), Denver (Colorado), Atlanta (Georgia) និង Austin (Texas)៕

ប្រទេសប៉ាគីស្ថាន ៖ សារព័ត៌មានបរទេសបានចុះផ្សាយពីហេតុការណ៍គួរឱ្យតក់ស្លុតមួយ ដែលកើតឡើងនៅក្នុងសួនសត្វប្រទេសប៉ាគីស្ថាន ក្រោយពីបុរសម្នាក់ដែលគេមិនស្គាល់អត្តសញ្ញាណ ត្រូវបានសត្វខ្លាព្រួតគ្នាខាំរហូតដល់ស្លា.ប់នៅក្នុងទ្រុង ។ ប៉ូលិសបានព្យាយាមស៊ើបអង្កេតថា តើបុរសម្នាក់នេះចូលទៅក្នុងទ្រុងខ្លាដោយរបៀបណា? ក្រោយមក អាជ្ញាធរក៏បានបញ្ជាឱ្យបិទសួនសត្វមួយរយៈសិន ។

បើតាមការចុះផ្សាយរបស់សារព័ត៌មានប៉ាគីស្ថានបង្ហាញថា សួនសត្វ «Sherbagh» នៅទីក្រុង Bahawalpur រដ្ឋ Punjab ស្ថិតនៅភាគខាងកើតប្រទេសប៉ាគីស្ថាន ត្រូវបានអាជ្ញាធរបញ្ជាឱ្យបិទជាបណ្តោះអាសន្ន ក្រោយពីបុគ្គលិកធ្វើការក្នុងសួនសត្វ បានឃើញសាកសពបុរសមិនស្គាល់អត្តសញ្ញាណម្នាក់នៅក្នុងទ្រុងមួយ ដែលមានខ្លានៅក្នុងនោះរហូតដល់៣ក្បាល ។ លើសពីនេះ ខ្លា១ក្បាលបានពាំស្បែកជើងរបស់សាកសពនៅមាត់របស់វាទៀតផង ។

បុគ្គលិកធ្វើការក្នុងសួនសត្វនិយាយថា ខ្លួនបានប្រទះឃើញសាកសពបុរសនេះ ពេលកំពុងបោសសម្អាតនៅបរិវេណនោះ ។ បើតាមការពិនិត្យសភាពសាកសពបង្ហាញថា បុរសនេះត្រូវបានខ្លាព្រួតគ្នាខាំនៅពេលយប់ ។ ពេលនេះ សួនសត្វបានបិទទ្វារបណ្តោះអាសន្នសិន ដោយសារតែអាជ្ញាធរធ្វើការស៊ើបអង្កេតថា តើបុរសនេះចូលទៅក្នុងទ្រុងខ្លាដោយរបៀបណា?

លោក Ali Usman Bukhari ជាអាជ្ញាធរប្រចាំតំបន់និយាយថា ៖ «លទ្ធផលការត្រួតពិនិត្យពុំទាន់បានប្រកាសជាសាធារណៈទេ តែបើតាមភស្តុតាងដែលប្រមូលបានពីទ្រុងខ្លាបង្ហាញថា បុរសនេះនៅតែមានជីវិតនៅឡើយ នៅពេលគាត់ត្រូវបានខ្លាវា.យប្រហា.រ» ។

លោក Bukhari បន្តថា ខ្លាមិនបានចេញក្រៅទ្រុងទៅខាំបុរសនេះទេ ប៉ុន្តែរូបគាត់ទៅវិញទេ ដែលចូលមកក្នុងទ្រុងខ្លាដោយខ្លួនឯង ។ យើងនឹងដោះស្រាយបញ្ហានេះ ដោយជួលភ្នាក់ងារឯកជនមកជួយការពារសុវត្ថិភាពក្នុងសួនសត្វ ។

ទោះយ៉ាងណា គេមិនអាចបញ្ជាក់បានថា អ្នកស្លា.ប់គឺជាអ្នកណាឱ្យប្រាកដទេ ហើយក៏គ្មានសាច់ញាតិប្រកាសតាមរកសាកសពដែរ ។ តាមរបាយការណ៍បឋមបង្ហាញថា អ្នកស្លា.ប់អាចជាមនុស្សវិកលចរិត ខណៈអាជ្ញាធរប្រចាំតំបន់បានប្រាប់ប្រព័ន្វផ្សព្វផ្សាយថា បុគ្គលិកធ្វើការក្នុងសួនសត្វនេះមានវត្តមានគ្រប់គ្នា ។ ដូច្នេះ គេសន្និដ្ឋានថា អ្នកស្លាប់ជាមនុស្សមកពីខាងក្រៅ ៕ ប្រភព ៖ khaosod

បរទេស៖ អ្នកវិទ្យាសាស្ត្ររុស្ស៊ីម្នាក់ត្រូវបានដោះលែងឱ្យមានសេរីភាពវិញហើយ បន្ទាប់ពីគាត់ត្រូវបានជាប់ពន្ធនាគាររយៈពេល ១០ ខែកាលពីខែកុម្ភៈ ឆ្នាំ ២០២៣ កន្លងមក នៅពេលដែលប្រព័ន្ធ AI បានកំណត់ថាមុខរបស់គាត់ដូចគ្នានឹងឃាតកកាលពី ២០ ឆ្នាំមុនរហូតទៅដល់ ៥៥%។

យោងតាមប្រភពព័ត៌មាន Addity Central ដែលបាចុះផ្សាយនៅថ្ងៃទី១៣ ខែឆ្នូថា អ្នកជំនាញផ្នែកធារាសាស្ត្ររុស្សី លោក Aleksandr Testevkov ត្រូវបានជាប់ពន្ធនាគាររយៈពេល ១០ ខែបន្ទាប់ពីបញ្ញាសិប្បនិមិត្ត (AI) បានធ្វើការវិភាគមិនត្រឹមត្រូវ និងបានកំណត់ថា អ្នកវិទ្យាសាស្ត្រនេះត្រូវគ្នានឹងគំនូរព្រាងរបស់ជនល្មើសរហូតទៅដល់ ៥៥%។

លោក Alexander ត្រូវបានចាប់ខ្លួនក្នុងខែកុម្ភៈឆ្នាំ ២០២៣ នេះបន្ទាប់ពីគាត់ត្រូវបានចោតប្រកាន់ថាមានមុខមាត់ដូចឃាតកកាលពី ២០ ឆ្នាំមុនដែលអ្នកស៊ើបអង្កេតបានកំណត់ថាមានឃាតកម្មជាបន្តបន្ទាប់នៅទីក្រុងម៉ូស្គូ។
កន្លងមកប៉ូលីសបានចាប់ខ្លួនឧក្រិដ្ឋជនមួយចំនួនដោយពួកគេភាគច្រើនគ្មានផ្ទះសម្បែងទេ ហើយចំណាយពេលផឹក ជក់បារីជាក្រុម ដោយជនដៃដល់ទាំងនោះមានស្នាមសាក់ចិញ្ចៀននៅលើម្រាមដៃ។ ប៉ុន្តែចំពោះលោក Alexander វិញគឺគាត់មានផ្ទះសម្បែងរស់នៅធម្មតា និងមិនដែលជក់បារី ដោយសារតែមានបញ្ហាសួត ក៏ដូចជាមិនមានស្នាមសាក់អ្វីឡើយ។

យោងតាមសហការីរបស់លោក Alexander ក៏បានបញ្ជាក់ដូច្នេះដែរថា នៅពេលកើតហេតុ ពួកគេនៅចម្ងាយរាប់រយគីឡូម៉ែត្រពីឧប្បត្តិហេតុរួម។ ប៉ុន្តែប៉ូលីសបានសម្រេចចិត្តជឿជាក់លើបញ្ញាសិប្បនិម្មិត ហើយបានចាប់អ្នកវិទ្យាសាស្ត្រទៅឃុំឃាំង ហើយក៏ត្រូវជាប់ពន្ធនាគាររយៈពេល ១០ ខែ ចំពេលមានការអំពាវនាវពីក្រុមគ្រួសាររបស់គាត់ឱ្យដោះលែងគាត់ផងដែរ។ ទោះជាយ៉ាងណា សេចក្តីរាយការណ៍នេះក៏ត្រូវបាន ប្រធានាធិបតីរុស្ស៊ីលោក វ្ល៉ាឌីមៀ ពូទីន ផ្ទាល់បានបញ្ជាឱ្យដោះលែងអ្នកវិទ្យាសាស្ត្ររូបនេះផងដែរ។ ទោះបីជាគាត់ត្រូវបានដោះលែងក៏ដោយ ប៉ុន្តែបច្ចុប្បន្នប៉ូលីសមិនទាន់ច្រានចោលការចោទប្រកាន់ណាមួយមកលើរូបគាត់នៅឡើយទេ៕

យោងតាមគេហទំព័រ Tripadvisor ដែលជាក្រុមហ៊ុនអាមេរិកប្រតិបត្តិការភ្នាក់ងារទេសចរណ៍អនឡាញ បានពឹងផ្អែកលើការវាយតម្លៃរបស់អ្នកដំណើរជាង ១០.៧ លាននាក់នៃគោលដៅទេសចរណ៍ល្បីៗចំនួន ១០០ ជុំវិញពិភពលោក ដើម្បីស្វែងរកកន្លែងដែលត្រូវបានគេរិះគន់ច្រើនបំផុត។ ក្នុងនោះភ្ញៀវទេសចរភាគច្រើនបានត្អូញត្អែរថា “ដំណើរកម្សាន្តក្នុងកន្លែងទាំង ២០ នោះគឺមានការរង់ចាំយូរពេកក្នុងការទស្សនា”។

ដូច្នេះកន្លែងដែលត្រូវបានភ្ញៀវទេសចររិះគន់ច្រើនបំផុតក្នុងឆ្នាំ ២០២៣ រួមមាន៖
១. ប៉ម Eiffel នៃទីក្រុងប៉ារីស ប្រទេសបារាំង២. London Eye ស្ថិតនៅទីក្រុងឡុងដ៍ ប្រទេសអង់គ្លេស៣. រោងមហោស្រព Colosseum នៃទីក្រុងរ៉ូម ប្រទេសអ៊ីតាលី៤.សួនកម្សាន្ត Legoland Windsor Resort នៅចក្រភពអង់គ្លេស៥.ព្រះវិហារ Sagrada Familia ក្នុងប្រទេសអេស្ប៉ាញ៦.អគារ Empire State នៅសហរដ្ឋអាមេរិក៧. Alton Towers Resort នៅចក្រភពអង់គ្លេស៨.សួនទឹក Siam Park ក្នុងប្រទេសអេស្ប៉ាញ៩.រមណីយដ្ឋានកម្សាន្ត Disneyland Paris ប្រទេសបារាំង១០. Universal Studios Singapore ប្រទេសសិង្ហបុរី១១.ប៉ម Tower of London នៅចក្រភពអង់គ្លេស១២.តំបន់ភ្នំ Victoria Peak នៃទីក្រុងហុងកុង ប្រទេសចិន១៣.សារមន្ទីរសិល្បៈជាតិ Louvre ស្ថិតនៅទីក្រុងប៉ារីស ប្រទេសបារាំង១៤.អគារខ្ពស់ Burj Khalifa នៅក្នុងទីក្រុងឌូបៃ សហព័ន្ធអារ៉ាប់រួម១៥.សួនកម្សាន្ត Thorpe Park ប្រទេសអង់គ្លេស១៦.សារមន្ទីរ Madame Tussauds ប្រទេសអង់គ្លេស១៧. Chessington World កន្លែងកម្សាន្តរបស់ Adventures Resort ប្រទេសអង់គ្លេស១៨.សារមន្ទីរ Van Gogh ប្រទេសហូឡង់១៩.កន្លែងសង្កេតនៅលើកំពូលនៃមជ្ឈមណ្ឌល Rockefeller នៅសហរដ្ឋអាមេរិក
២០. Warner Bros. Studios. Studio Tour London និងការបង្កើត Harry Potter ប្រទេសអង់គ្លេស៕

្រទេសថៃ ៖ កាលពីថ្ងៃទី១៣ ខែធ្នូ ឆ្នាំ២០២៣ សារព័ត៌មានថៃរាយការណ៍ថា ពលរដ្ឋក្នុងភូមិមួយនៅខេត្តនគររាជសីម៉ា បានភ័យខ្លាចយ៉ាងខ្លាំងក្រោយពីប្រទះឃើញព្រះសង្ឃ១អង្គញៀនថ្នាំ និងដើរកាន់កាំបិតស្រែកឡូឡាគំរា.មគេឯងពេញភូមិ ។ ក្រោយមក អាជ្ញាធរប្រចាំតំបន់បានសហការជាមួយប៉ូលិស ចុះមកចាប់ខ្លួនព្រះសង្ឃនេះបញ្ជូនទៅព្យាបាលនៅមន្ទីរពេទ្យ ។

លោក Sakkarin Semehiran ចៅហ្វាយស្រុកបួញ៉ៃ ខេត្តនគររាជសីមា បានបញ្ជាឱ្យលោក Nuchit Panyaphong មានតួនាទីទទួលបន្ទុកផ្នែកសន្តិសុខប្រចាំស្រុកបួញ៉ៃ ព្រមទាំងកម្លាំងប៉ូលិសស្រុកបួញ៉ៃ ចុះមកត្រួតពិនិត្យនៅកន្លែងកើតហេតុ ករណីពលរដ្ឋប្តឹងថា មានព្រះសង្ឃគង់នៅវត្តមួយក្នុងឃុំខុនថង ស្រុកបួញ៉ៃ បានសេពថ្នាំញៀន ។ ពលរដ្ឋលើកឡើងថា ព្រះសង្ឃនេះបាននិយាយស្តីតែម្នាក់ឯង និងដើរកាន់កាំបិតទៅមកក្នុងវត្ត និងក្នុងទីប្រជុំជន ហើយបង្កការភ័យខ្លាចដល់អ្នកស្រុកយ៉ាងខ្លាំង ។

នៅពេលអាជ្ញាធរប្រចាំតំបន់ និងប៉ូលិសបានទៅដល់កន្លែងកើតហេតុ ក៏ប្រទះឃើញព្រះសង្ឃនេះអង្គុយនិយាយតែម្នាក់ឯងមែន នៅផ្ទះរបស់សាច់ញាតិ ។ លើសពីនេះ ព្រះសង្ឃថែមទាំងបានកាន់កាំបិតមុតស្រួចគ្រប់ពេលវេលាទៀតផង ។ ហេតុនេះ អាជ្ញាធរ និងសាច់ញាតិក៏បាននិយាយបញ្ចុះបញ្ចូលឱ្យព្រះសង្ឃដាក់កាំបិតចុះ និងប្រគល់ខ្លួនឱ្យប៉ូលិសចាប់តាមសម្រួល ។

ព្រះសង្ឃញៀនថ្នាំនេះ ព្រះនាម Suthipong បានសារភាពប្រាប់ប៉ូលិសថា ព្រះអង្គពិតជាបានប្រើប្រាស់ថ្នាំញៀនមែន និងធ្លាប់បានទទួលការព្យាបាលផ្លូវចិត្តនាពេលកន្លងមក ។ ក្រោយមក ប៉ូលិសបានធ្វើការផ្សឹកព្រះសង្ឃ និងបញ្ជូនទៅកាន់មន្ទីរពេទ្យបួញ៉ៃ ដើម្បីធ្វើរោគវិនិច្ឆ័យ និងព្យាបាលផ្លូវចិត្តតាមគម្រោង «Korat Care U» បន្តទៀត ៕ ប្រភព ៖ nation

ប្រទេសទាំង ១០ ខាងក្រោមនេះគឺជាប្រទេសដែលត្រូវបានអ្នកទេសចរស្វែងរកច្រើនបំផុតក្នុងខែធ្នូ ឆ្នាំ២០២៣ តាមរយៈ Google។ ដូច្នេះ ក្នុងចំណោមប្រទេសទាំង ១០ នោះគឺសុទ្ធតែស្ថិតក្នុងទ្វីបអឺរ៉ុប មានតែប្រទេសនៅអាស៊ីតែមួយប៉ុណ្ណោះដែលមានឈ្មោះក្នុងបញ្ជីនេះ។

ហេតុនេះហើយចំណាត់ទី១ បានទៅលើប្រទេសក្រិច ដែលជាប្រទេសមានអ្នកស្វែងរកច្រើនបំផុត។ មិនថាពួកគេទៅទីណាទេ ប្រទេសក្រិចតែងតែធ្វើឱ្យអ្នកទស្សនាចាប់អារម្មណ៍យ៉ាងខ្លាំង ចាប់ពីទិដ្ឋភាពថ្ងៃលិចនៅ Santorini រហូតដល់ឆ្នេរដ៏ស្ងប់ស្ងាត់នៅ Corfu ។

ចំពោះចំណាត់ថ្នាក់ទី២ វិញគឺប្រទេសអេស្ប៉ាញ ដែលជាប្រទេសត្រូវបានសរសើរដោយ CN Travller ថា “ស្រស់ស្អាតពេញមួយឆ្នាំ” ។ អ្នកអានទស្សនាវដ្ដីនេះបានបោះឆ្នោត San Sebastian របស់ប្រទេសអេស្ប៉ាញថាជាទីក្រុងដែលមានមុខម្ហូបល្អបំផុតនៅក្នុងពិភពលោក។ លើសពីនេះទីក្រុង Barcelona ក៏ត្រូវបានគេវាយតម្លៃខ្ពស់ចំពោះភោជនីយដ្ឋាន សណ្ឋាគារ និងប្រព័ន្ធកម្សាន្តដ៏សម្បូរបែបផងដែរ។

រីឯចំណាត់ថ្នាក់ទី៣ បានទៅលើប្រទេសអ៊ីតាលី គឺជាប្រទេសដែលមានឆ្នេរសមុទ្រមេឌីទែរ៉ាណេវែង ក៏ដូចជាបន្សល់ទុកនូវសញ្ញាដ៏មានអានុភាពលើវប្បធម៌ និងម្ហូបបស្ចិមប្រទេស រួមទាំងមានសិល្បៈល្បីៗ និងប្រាសាទបុរាណជាច្រើនទៀត។

ចំណែកឯចំណាត់ថ្នាក់ទី៤ គឺប្រទេសព័រទុយហ្គាល់ ដែលមានទីតាំងនៅលើមហាសមុទ្រអាត្លង់ទិកបានជះឥទ្ធិពលលើទិដ្ឋភាពជាច្រើននៃវប្បធម៌ ក៏ដូចជាគោលដៅដ៏សំខាន់មួយ និងស្ថាបត្យកម្មរបស់ប្រទេសភាគច្រើនមានតាំងពីទសវត្សរ៍ឆ្នាំ ១៥០០-១៨០០។ចំណាត់ថ្នាក់ទី៥ ប្រទេសក្រូអាត គឺជាប្រទេសមួយដែលមានទីតាំងនៅផ្លូវបំបែកនៃអឺរ៉ុបកណ្តាល និងអាគ្នេយ៍ ដែលមានឆ្នេរសមុទ្រស្រស់ស្អាតបំផុតលើលោក។

ចំណាត់ថ្នាក់ទី៦ ប្រទេសស៊ីប គឺជាកោះធំជាងគេទីបី និងមានប្រជាជនច្រើនជាងគេនៅសមុទ្រមេឌីទែរ៉ាណេ ក៏ដូចជាមានវប្បធម៌ និងមានអាហារដ៏សម្បូរបែប។

ចំណាត់ថ្នាក់ទី៧ ប្រទេសថៃ គឺជាប្រទេសអាស៊ីតែមួយប៉ុណ្ណោះដែលមានឈ្មោះក្នុងបញ្ជីនេះ។ ប្រទេសថៃមានកោះចំនួន ១៤៣០ សម្រាប់អ្នកទេសចរជ្រើសរើសជាគោលដៅ ដែលកោះនីមួយៗផ្តល់នូវបទពិសោធន៍ផ្សេងៗគ្នា។ ប្រសិនបើអ្នកត្រូវការកន្លែងលំហែរកាយ អ្នកគួរតែជ្រើសរើសកោះសាមុយ ឬកោះតៅជាកន្លែងឈប់សម្រាកសម្រាប់ភ្ញៀវទេសចរដែលចូលចិត្តកីឡាផ្សងព្រេងនៅក្នុងទឹក។

ចំណាត់ថ្នាក់ទី៨ ប្រទេសអេហ្ស៊ីប គឺជាប្រទេសដែលមានវប្បធម៌ចំណាស់ជាងគេបំផុតលើពិភពលោក។ ប្រទេសនេះក៏មានអាហារល្បីៗ ភោជនីយដ្ឋាន សណ្ឋាគារ និងប្រព័ន្ធកម្សាន្តដ៏សម្បូរបែបផងដែរ។

ចំណាត់ថ្នាក់ទី៩ ប្រទេសម៉ាល់តា គឺជាទីតាំងប្រវត្តិសាស្ត្រដែលទាក់ទងនឹងការស្នងរាជ្យនៃអ្នកគ្រប់គ្រងដែលរួមមាន Romans, Moors, Knights of Saint John, បារាំង និងអង់គ្លេស។

ចំណាត់ថ្នាក់ទី១០ ដែលជាចំណាត់ថ្នាក់ចុងក្រោយនៃអ្នកទេសចរស្វែងរកច្រើនបំផុតនោះ គឺប្រទេសហូឡង់ ដែលជាប្រទេសត្រូវបានគេស្គាល់ថាមានទេសភាពផ្ទះល្វែងនៃប្រឡាយ វាល tulip រោងម៉ាស៊ីនខ្យល់ និងផ្លូវជិះកង់ដ៏ទំនើប រួមទាំងមានសារមន្ទីរល្បីៗជាច្រើនដូចជា Van Gogh ជាដើម៕