្រទេសចិន ៖ ភ្ញៀវមកចូលរួមក្នុងពិធីរៀបអាពាហ៍ពិពាហ៍បានភ្ញាក់ផ្អើលយ៉ាងខ្លាំង ខណៈគូស្នេហ៍១គូបានរៀបអាពាហ៍ពិពាហ៍ក្នុងសណ្ឋាគារប្រណីតមួយនៅប្រទេសចិន ប៉ុន្តែពួកគេបានទទួលភ្ញៀវត្រឹមតែផ្តល់បាយម្នាក់១ប្រអប់ប៉ុណ្ណោះ ។ គូស្នេហ៍នេះនិយាយថា វាឆាប់រហ័ស និងមិនខាតបង់ពេលវេលាច្រើន ហើយធ្វើឱ្យអ្នកលេងបណ្តាញសង្គមចិនរិះគន់ចំពោះទង្វើនេះ ។

សារព័ត៌មានបរទេសចុះផ្សាយថា គូស្នេហ៍១គូនេះបានរៀបចំពិធីពិពាហ៍ពិពាហ៍របស់ពួកគេក្នុងសណ្ឋាគារដ៏ប្រណីត ប៉ុន្តែអាហារសម្រាប់ទទួលភ្ញៀវមកចូលរួមនោះ គឺមានត្រឹមតែបាយ១ប្រអប់ប៉ុណ្ណោះ និងគ្មានអ្វីបន្ថែមផ្សេងទៀតទេ ។ ដូច្នេះ ធ្វើឱ្យភ្ញៀវមកចូលរួមទទួលទានអាហារក្នុងពិធីនេះស្រឡាំងកាំងគ្រប់គ្នា ហើយញញឹមទាំងមុខស្ងួត ។

រីឯសារព័ត៌មានចិនវិញបានចុះផ្សាយពីវីដេអូពិធីរៀបអាពាហ៍ពិពាហ៍របស់គូស្នេហ៍នេះនៅទីក្រុងវូហាន ប្រទេសចិន ដែលបានរៀបចំឡើងយ៉ាងអធិកអធមក្នុងសណ្ឋាគារមួយកន្លែង ។ ម្ចាស់កម្មវិធីបានចែកបាយភ្ញៀវម្នាក់១ប្រអប់ ហើយបាយនេះគ្មានអ្វីប្លែកទេ ថែមទាំងមានតម្លៃថោកទៀត ។ ដូច្នេះ ម្ចាស់កម្មវិធីចង់ឱ្យមានភាពងាយស្រួល, ការបរិភោគឆាប់រហ័ស និងងាយស្រួលបោសសម្អាត ប៉ុន្តែពួកគេយកបាយប្រអប់មកទទួលភ្ញៀវក្នុងពិធីរៀបអាពាហ៍ពិពាហ៍បែបនេះ គឺអាចមានតែមួយនេះទេ នៅលើពិភពលោក ។

ភ្ញៀវមកចូលរួមកម្មវិធីនិយាយថា ខ្លួនបានទទួលថង់ផ្លាស្ទិកធំមួយពណ៌ក្រហម ហើយនៅក្នុងថង់នេះមានបាយ១ប្រអប់ ដែលមានតម្លៃប្រមាណ៥០យាន់ (ឬស្មើប្រមាណ២ម៉ឺន៤ពាន់រៀល) ។ ភ្ញៀវរូបនេះបន្តថា ក្នុងប្រអប់នោះរួមមាន បាយសដាក់ស៊ុតចៀន១គ្រាប់ ព្រមទាំងមានម្ហូបចំនួន៣មុខ ក្នុងនោះមានឆាសាច់ជាមួយបន្លែ ។

រឿងរ៉ាវនេះបានធ្វើឱ្យផ្ទុះការរិះគន់យ៉ាងខ្លាំងនៅក្នុងបណ្តាញសង្គមប្រទេសចិន ក្នុងនោះអ្នកលេងបណ្តាញសង្គមចិនម្នាក់និយាយថា ៖ «ខ្លួនទើបតែបានឃើញបាយប្រអប់សម្រាប់ទទួលភ្ញៀវក្នុងពិធីរៀបអាពាហ៍ពិពាហ៍ជាលើកដំបូង នៅទីក្រុងវូហាន» ។ ជនជាតិចិនម្នាក់ទៀតថា ៖ «វាជារូបភាពគួរឱ្យខ្មាស់អៀន បើមិនចែកបាយឱ្យភ្ញៀវ គឺល្អជាង» ។ ជនជាតិចិនម្នាក់ទៀតថា ៖ «មើលទៅបាយប្រអប់នេះស្រដៀងគ្នានឹងបាយដែលគេទុករយៈពេល១០០ឆ្នាំមុនអីចឹង ពីព្រោះពួកគេចម្អិនវាយូរហើយ ទើបយកមកចែកចាយ» ។

ចំណែកអ្នកលេងបណ្តាញសង្គមខ្លះទៀតយល់ឃើញថា នេះអាចជាការបរិភោគអាហារថ្ងៃត្រង់ងាយៗប៉ុណ្ណោះ មុននឹងឈានដល់ការបរិភោគអាហារពេលល្ងាច ដែលម្ចាស់កម្មវិធីនឹងរៀបចំម្ហូបអាហារសម្បូរបែបក៏ថាបាន ។ ចំណែកក្រុមអ្នកមកអង្គុយបរិភោគអាហារទាំងនេះ គឺអាចជាសាច់ញាតិ ឬក្រុមគ្រួសារ ឬមិត្តភក្តិ ដែលមកជួយការងារមុននឹងពិធីចាប់ផ្តើម ៕

ប្រភព ៖ khaosod

អាមេរិក៖ ទោះបីជាពិធីបុណ្យ Halloween មានត្រឹមតែមួយថ្ងៃក៏ដោយ ក៏ពិធីបុណ្យនេះនៅតែជំរុញការចំណាយលើផលិតផលគ្រប់ប្រភេទនៅក្នុងសហរដ្ឋអាមេរិក ដោយពលរដ្ឋអាមេរិកភាគច្រើនបានចំណាយប្រាក់រហូតទៅដល់ ១២.២ ពាន់លានដុល្លារ។យោងតាមលទ្ធផលនៃការស្ទង់មតិប្រចាំឆ្នាំដែលធ្វើឡើងដោយសហព័ន្ធលក់រាយជាតិរបស់សហរដ្ឋអាមេរិក (NRF) បានឱ្យដឹងថា ចំនួនការចំណាយនេះបានកើនឡើង ៣ ឆ្នាំជាប់គ្នា។ ក្នុងចំណោមនោះ ជនជាតិអាមេរិកត្រូវបានគេប៉ាន់ប្រមាណថានឹងចំណាយប្រាក់ ៤.១ ពាន់លានដុល្លារលើសំលៀកបំពាក់ និង ៣.៩ ពាន់លានដុល្លារលើការតុបតែងផ្ទះ រួមទាំង ៣.៦ ពាន់លានដុល្លារលើស្ករគ្រាប់។

ដូច្នេះ ចំនួនទាំងអស់នេះបានកើនឡើងយ៉ាងខ្លាំងបើប្រៀបធៀបទៅនឹងឆ្នាំមុន ខណៈដែលចំនួនប្រាក់ជាមធ្យមនៃមនុស្សម្នាក់គ្រោងចំណាយក្នុងពិធីបុណ្យ Halloween ឆ្នាំនេះក៏បានឡើងដល់កំណត់ត្រាចំនួន ១០៨ ដុល្លារផងដែរ។

Halloween គឺជាពិធីបុណ្យខ្មោចមួយដែលប្រារព្ធធ្វើឡើងជារៀងរាល់ឆ្នាំនៅថ្ងៃទី៣១ ខែតុលា និងមានប្រភពមកពីលោកខាងលិច។ សកម្មភាពពេញនិយមក្នុងអំឡុងពិធីបុណ្យនេះគឺទិញសំលៀកបំពាក់ប្លែកៗដើម្បីតែងខ្លួនជាខ្មោច ក៏ដូចជារៀបចំផ្ទះឱ្យដូចទៅនឹងរឿងភ័យរន្ធត់ និងគោះទ្វារអ្នកជិតខាងដើម្បីសុំស្ករគ្រាប់។

ភាគរយដែលប្រជាជនអាមេរិកចូលរួមពិធីបុណ្យនេះគឺ ៧៣% កើនឡើងពី ៦៩% ក្នុងឆ្នាំ ២០២២ ដូច្នេះការទិញទំនិញ និងគ្រឿងតុបតែងទាំងអស់នេះបានធ្វើឱ្យសេដ្ឋកិច្ចអាមេរិកកើនឡើងយ៉ាងខ្លាំងដោយរំពឹងថានឹងបង្កើតកំណត់ត្រាចំនួន ១២.២ ពាន់លានដុល្លារក្នុងរយៈពេលចុងឆ្នាំនេះ៕

ក្រុមហ៊ុន Baichuan របស់ចិនគឺជាក្រុមហ៊ុនបង្កើតសញ្ញាសិប្បនិមិត្តិបានដាក់ចេញនូវគំរូ AI របស់ខ្លួនបានបង្ហាញថា វាមានលក្ខណៈពិសេសដែលអាចសង្ខេបអត្ថបទប្រលោមលោកយ៉ាងវែងបាន ហើយជាគំរូដ៏ខ្លាំងក្លាបំផុតដែលអាចបំប្លែងពីអត្ថបទវែងទៅជាអត្ថបទខ្លីៗបាន និងសមត្ថភាពលើសពី Antropic Claude 2 របស់អាមេរិក ព្រោះមានគុណភាពក្នុងការឆ្លើយតប និងមានកម្រិតយល់ដឹងនូវអត្ថបទវែងៗបានផងដែរ។

កាលពីថ្ងៃចន្ទទី៣០ខែតុលានេះ សេចក្តីរាយការចេញពីក្រុមហ៊ុន Baichuan នាទីក្រុងប៉េកាំងបាននិយាយថា កំណែទម្រង់ចុងក្រោយគេបង្អស់របស់ខ្លួនគឺជាការកំណត់យកនៅគំរូដ៏ធំនៃប្រព័ន្ធ AI « Context Window» ដែលអាចសង្ខេបអត្ថបទអក្សរចិនបានរហូតដល់ទី ៣៥០ ០០០ ពាក្យ។

បើប្រៀបធៀបជាមួយនឹង Anthropic Claude2 របស់អាមេរិក ដែលបានដាក់ចេញកាលពីខែកក្កដាកន្លងទៅថាជាប្រព័ន្ធ AI ទំនើបបំផុតលើពិភពលោក ជាគំរូដែលអ្នកប្រើប្រាស់អាចដាក់នៅក្នុង Context Window ជាភាសាអង់គ្លេសបានត្រឹមតែ ៧៥ ០០០ពាក្យតែប៉ុណ្ណោះនៃអត្ថបទ។

លើសពីនេះទៅទៀត បណ្តាញទំនាក់ទំនងសង្គមក៏ដូចជាវិដេអូហ្គេមរបស់ចិន បានបង្កើននូវការកែច្នៃគំរូសិប្បនិមិត្តរបស់ខ្លួនបន្ថែមទៀត ដែលបានបម្រើនូវសេវាកម្មក៏ដូចជាដាក់លក់ផលិតផលផ្សេងៗ ហើយការប្រកួតប្រជែងនេះទទួលបាននូវការរីកចម្រើនជាខ្លាំងជាបន្តបន្ទាប់ នាំឲ្យចិនក្លាយជាមហាអំណាចសេដ្ឋកិច្ចលំដាប់ទី២លើសកលលោក។ ពួកគេក៏នៅតែបន្តការកែលម្អទៅលើសេវាកម្មគំរូសិប្បនិមិត្តផ្សេងៗទៀតដើម្បីបម្រើនិងបង្កើនការងាយស្រួលដល់អ្នកប្រើប្រាស់។

យោងតាមក្រុមហ៊ុនបានឱ្យដឹងថា អតិថិជនមកពីគ្រប់វិស័យ រួមទាំងធ្វើអាជីវកម្ម ការអប់រំ ហិរញ្ញវត្ថុ ឱសថ និងប្រព័ន្ធផ្សព្វផ្សាយ កំពុងប្រើប្រាស់គំរូ Hunyuan របស់ក្រុមហ៊ុនចិននេះ រួចហើយ។ ម្យ៉ាងវិញទៀត វិស្វករដែលរៀនកម្មវិធីកុំព្យូទ័រទាំង៣២ជំនាញ បានប្រើប្រាស់គំរូ Hunyuan របស់ក្រុមហ៊ុនចិននេះដើម្បីជួយដល់ការសរសេរកូដ និងបំបាត់នូវកំហុសដែលកើតឡើងជាប្រចាំផងដែរ។ South China Morning Post

ទីក្រុងសេអ៊ូលនៃប្រទេសកូរ៉េខាងត្បូងគឺជាទីក្រុងគោលដៅទេសចរណ៍មួយដ៏ពេញនិយមបំផុតនៅក្នុងប៉ែកអាស៊ី ព្រោះតាំងពីសម័យមុនរហូតដល់បច្ចុប្បន្ន កូរ៉េខាងត្បូងបានកំណត់និន្នាការពិភពលោករាប់ចាប់ពីតន្រ្តី រោងកុន ម្ហូបអាហារ និងម៉ូតពេញនិយមជាច្រើន។ ក្នុងប៉ុន្មានទតវត្សមកនេះ កូរ៉េខាងត្បូងបានទទួលរកឥទ្ធិពលពីប្រទេសជិតខាងដូចជាចិននិងជប៉ុនជាដើម ដោយសារតែកត្តាទីតាំងភូមសាស្រ្ត ដែលជាការផ្លាស់ប្តូរដ៏គួរឲ្យកត់សម្គាល់នៅក្នុងការបង្ហាញភាពអស្ចារ្យនៃប្រទេសនេះទៅកាន់ពិភពលោក។ ដូច្នេះហើយ ខាងក្រោមនេះគឺជាបទពិសោធន៍មួយចំនួនសម្រាប់អ្នកដែលមានគម្រោងមកលេងនៅទីក្រុងសេអ៊ូល ប្រទេសកូរ៉េខាងត្បូងមិនគួរមើលរំលង៖

១ ញាំអាហារនៅតាមដងផ្លូវ Street Food ៖ បទពិសោធន៍ដ៏ល្អមួយដែលគួរតែធ្វើនៅពេលដែលទៅដល់ទីក្រុងសេអ៊ូលប្រទេសកូរ៉េគឺដើរញាំអាហារនៅតាមដងផ្លូវ។ Gwangjang Market គឺជាផ្សារដ៏ធំមួយប្រចាំបប្រវត្តិសាស្រ្ត ដែលមានជម្រើសនៃស្តង់ម្ហូបជាង៥០០០ប្រភេទផ្សេងៗពីគ្នា រួមទាំងតូបលក់សម្លៀកបំពាក់ស្អាតៗ លម្អដោយភ្លើងរាត្រីចម្រុះពណ៌គួរឲ្យទាក់ចិត្តបំផុត។ ម្ហូបដ៏ពេញនិយមបំផុតនៅទីនោះគឺ Kalguksu (គុយទាវកាត់ជាមួយនឹងទឹកស៊ុបបែបកូរ៉េ) និង សាច់ជ្រូកអាំងកូរ៉េ រួមជាមួយនឹងគីមឈីជាដើម។ ម្យ៉ាងវិញទៀត ផ្សារលក់អាហារតាមដងផ្លូវ ដ៏ពេញនិយមបំផុតមួយដែរគឺផ្សារ Myeongdong ជាផ្សាររាត្រីដែលមានលក់ម្ហូបរាប់រយមុខរសជាតិឆ្ងាញ់។ មុខម្ហូបប្រចាំតំបន់ដែលគួរតែសាកពេលទៅដល់ទីនោះគឺ គីមប៉ាប់ ដែលគីមនៅទីនោះធ្វើឡើងពីសារ៉ាយសមុទ្រ និងប៉ាប់ធ្វើឡើងពី បាយម្យ៉ាង មានរសជាតិស្រដៀងនឹងស៊ូស៊ី លាយជាមួយសារ៉ាយសមុទ្រ បាយ បន្លែ សាច់ និងត្រីជាដើម។

២ ទៅធ្វើសេវាកម្ម K Beauty ៖ Myeongdoong គឺជាទីកន្លែងសម្បូរបែបនិងគួរឲ្យចង់រស់នៅបំផុត។ ពីព្រោះនៅទីនោះគឺបណ្តំទៅដោយហាងលក់គ្រឿងថែរក្សាសម្រស់លល្អៗរាប់មុឺនប្រភេទ។ ការថែរក្សាសម្រស់គឺជារឿងសំខាន់បំផុតសម្រាប់ប្រជាជនកូរ៉េទូទៅ ជាពិសេសគឺនារីកូរ៉េ។ វាមិនមែនជារឿងដែលចម្លែកទេ ដែលប្រទេសកូរ៉េជាប្រទេសមួយដែលមានចំនួនអ្នកកែសម្ភស្សច្រើនជាងគេនៅលើសកលលោក ព្រោះប្រជាជនកូរ៉េភាគច្រើននិយមចូលចិត្តវះកាត់ត្របកភ្នែករបស់ពួកគេដើម្បីឲ្យមើលទៅធំស្អាតជាងមុនក៏ដូចជាវះកាត់ថ្គាមមុខអក្សរវីជាដើម។

៣ ទៅទស្សនាកន្លែងប្រវត្តិសាស្រ្តនិងស្លៀកពាក់ឈុតប្រពៃណីកូរ៉េដោយសេរី៖ នៅក្រុងសេអ៊ូល អ្នកអាចស្លៀកសម្លៀកបំពាក់កូរ៉េបានក្នុងបរិវេណទីតាំងប្រត្តិសាស្រ្តដោយសេរី។ ជាពិសេសគឺនៅតំបន់ Gyeongbokgung ជាទីតាំងប្រត្តិសាស្រ្តនៃព្រះរាជវាំងរបស់អធិរាជ Joseon Dynasty ដែលបានបង្ហាញពីសក្តានុពលផ្នែកនយោបាយនិងសេដ្ឋកិច្ចដ៏រុងរឿងមួយក្នុងអំឡុងឆ្នាំ១៣៩៥ លាតសន្ធឹងក្នុងផ្ទៃដីសរុបជាង ៤០ ០០០ម៉ែត្រការ៉េ ។នៅទីនោះក៏មានដាក់ជួលនូវសម្លៀកបំពាក់ប្រពៃណីកូរ៉េផងដែរ ដែលគេឲ្យឈ្មោះថា ហាន់ប៊ុក ជាមួយនឹងសម្លៀកបំពាក់ជាង៩០០បែបខុសៗគ្នា ដែលបង្ហាញពីការស្លៀកពាក់នៅក្នុងសម័យកាលអធិរាជ Joseon Dynasty ផ្ទាល់តែម្តង។ ជាទូទៅនៅពេលដែលអ្នកទៅដល់កន្លែងទាំងនោះអ្នកនឹងប្រទះឃើញនារីកូរ៉េភាគច្រើនថតរូបដោយមោទនភាពជាមួយនឹងឈុតប្រពៃណីពួកគេ ដោយស្លៀកសំពត់វែងច្រើនជាន់ អាវដៃវែង ដៃខ្លីមានប៉ាក់ និងតុបតែងលម្អផ្សេងៗជាដើម។

៤ ច្រៀងចម្រៀង K pop នៅការ៉ាអូខេ៖ ប្រសិនបើអ្នកទៅដល់ទីក្រុងសេអ៊ូល ហើយឃើញផ្លាកសញ្ញាដែលគេឲ្យឈ្មោះថា Noraebang សូមកុំខកខានឲ្យសោះព្រោះនោះជាទីកន្លែងច្រៀងចម្រៀងខារ៉ាអូខេជនជាតិកូរ៉េ ហើយវាក៏ទទួលបាននូវការពេញនិយមបំផុតពីស្រទាប់យុវវ័យទៅលើបទចម្រៀង K Pop នៅពេញផ្ទៃប្រទេស។ នៅទីនោះក៏មានជួលជាបន្ទប់គិតតម្លៃជាម៉ោង ជាមួយនឹងកន្លែងអង្គុយដ៏មានផាសុខភាព និងស្រ្គីនធំៗដែលបង្ហាញពីសក្តានុពលនៃសកលលោកនៃចម្រៀង K Pop ដ៏អស្ចារ្យបំផុត។

៥ ទៅទស្សនាសារមន្ទីរនៃភាពច្នៃប្រឌិតដ៏អស្ចារ្យរបស់ Samsung ៖ សម្រាប់ជនជាតិកូរ៉េ Samsung គឺជាមោទនភាពមួយរបស់ជាតិ។ អ្នកនឹងឃើញ Samsung នៅគ្រប់ទីកន្លែងមិនថាជា ផ្ទាំង LED ឬ Poster យក្ស និងផ្ទាំបាដាម៉ាកយីហោល្បីៗនៅពេញផ្ទៃប្រទេស។ សារមន្ទីរនេះគឺជាទីស្នាក់កាលកណ្តាលនៃមជ្ឈមណ្ឌលកូរ៉េ និងត្រូវបានគេស្គាល់ថាជាមជ្ឈមណ្ឌលស្រាវជ្រាវនិងអភិវឌ្ឍ លាតសន្ធឹងលើផ្ទៃដីជិត២លានម៉ែត្រការ៉េ មានអាគារចំនួន១៣០ រួមមានទាំងអាហារដ្ឋានដើម្បីភ្ញៀវប្រមាណ៥០ ០០០ចានក្នុងមួយថ្ងៃ និងមានហាងកាហ្វេប្រមាណ៣០កន្លែងផ្សេងគ្នា។ បើទោះបីជាប្រទេសកូរ៉េខាងត្បូងទើបតែងើបឡើងពីសង្គ្រាមដែលបង្កឡើងដោយជនស៊ីវិលដែលធ្វើឲ្យប្រទេសខូចខាតជាខ្លាងនៅក្នុងឆ្នាំ១៩៥០ ប៉ុន្តែនៅតែអាចងើបឡើងវិញជាមួយបច្ចេកវិទ្យាខ្នាតយក្សរបស់ Samsung ដែលមានបុគ្គលិកលើសពី ៣០០ ០០០នាក់នៅជុំវិញពិភពលោក និងជាគូរប្រជែងរបស់ក្រុមហ៊ុន Apple និង Sony ផងដែរ៕

ប្រទេសវៀតណាម ៖ បច្ចុប្បន្ននេះ ប្រទេសវៀតណាមបានបង្កើនការទាក់ទាញភ្ញៀវទេសចរបរទេសឱ្យមកកម្សាន្តក្នុងប្រទេសខ្លួន មិនចាញ់ប្រទេសថៃនោះទេ ។ គេសង្កេតឃើញថា គ្រាន់តែរយៈពេល១០ខែនៃឆ្នាំ២០២៣ ប្រទេសវៀតណាមបានទទួលភ្ញៀវទេសចរបរទេសស្មើរហូតដល់១០លាននាក់ឯណោះ ។ ចំនួននេះខ្ពស់ជាងចំនួនដែលប្រទេសវៀតណាមបានដាក់គោលដៅទៅទៀត ។

យោងតាមទិន្នន័យរបស់ការិយាល័យស្ថិតិទូទៅនៅវៀតណាមបង្ហាញថា ក្នុងរយៈពេល១០ខែដំបូងនៃឆ្នាំ២០២៣ (គឺចាប់តាំងពីខែមករា រហូតដល់ខែតុលា) មានភ្ញៀវទេសចរបរទេសធ្វើដំណើរមកកម្សាន្តនៅប្រទេសវៀតណាម ចំនួន១០លាននាក់ ។ ដូច្នេះ ចំនួននេះខ្ពស់ជាងចំនួនដែលប្រទេសវៀតណាមបានដាក់គោលដៅទៅទៀត ។ ប្រទេសវៀតណាមបានដាក់គោលដៅចំនួនភ្ញៀវទេសចរបរទេសសរុបរបស់ឆ្នាំ២០២៣ គឺស្មើនឹង៨លាននាក់ ប៉ុន្តែរយៈពេលត្រឹមតែ១០ខែប៉ុណ្ណោះ មានភ្ញៀវទេសចរបរទេសធ្វើដំណើរមកវៀតណាមរហូតដល់១០លាននាក់ ហើយវាខ្ពស់ជាងវៀតណាមរំពឹងទុករហូតដល់២៥% ។

ភ្ញៀវទេសចរបរទេសមកកាន់ប្រទេសវៀតណាម ស្មើនឹង១០លាននាក់នាពេលនេះ គឺមិនទាន់រួមបញ្ចូលចំនួនភ្ញៀវទេសចរបរទេសដែលបម្រុងធ្វើដំណើរមកវៀតណាមបន្ថែមទៀត នៅខែវិច្ឆិកា និងខែធ្នូ ឆ្នាំ២០២៣ ទេ ។ នៅចុងឆ្នាំ២០២៣ គឺជារដូវកាលភ្ញៀវទេសចរបរទេសធ្វើដំណើរកម្សាន្តច្រើននៅតាមប្រទេសនានា ។ ចំណែកនៅខែតុលា ឆ្នាំ២០២៣ គឺជាខែទី៤ បន្តបន្ទាប់គ្នា ដែលមានភ្ញៀវទេសចរបរទេសធ្វើដំណើរមកវៀតណាម លើសពីចំនួន១លាននាក់ក្នុង១ខែ ។

ភ្ញៀវទេសចរបរទេសដែលធ្វើដំណើរមកប្រទេសវៀតណាមច្រើនបំផុត គឺមកពីប្រទេសកូរ៉េខាងត្បូង ស្មើនឹង២៩សែននាក់ក្នុងរយៈពេល១០ខែ ឆ្នាំ២០២៣ ។ បន្ទាប់មក គឺភ្ញៀវទេសចរចិន ។ ភ្ញៀវទេសចរបរទេសចាប់អារម្មណ៍នឹងប្រទេសវៀតណាម ដោយសារមានតំបន់ទេសចរណ៍ពេញនិយមជាច្រើនកន្លែង បើធៀបនឹងប្រទេសផ្សេងទៀតក្នុងតំបន់អាស៊ីអាគ្នេយ៍ ក្នុងនោះវៀតណាមមានតំបន់ទេសចរណ៍ធម្មជាតិ និងតំបន់ទេសចរណ៍ប្រវត្តិសាស្ត្រ ខណៈការចាយវាយផ្សេងៗ ក៏ធូរថ្លៃដែរ ។ ហេតុនេះ វាធ្វើឱ្យវៀតណាមក្លាយជាគូប្រជែងដ៏សំខាន់របស់ប្រទេសថៃសម្រាប់វិស័យទេសចរណ៍ ៕ ប្រភព ៖ nation tv

បរទេស៖ ពលរដ្ឋជាច្រើនដែលមកពីបណ្តាប្រទេសដូចជា សហរដ្ឋអាមេរិក អង់គ្លេស បារាំង និងអូស្ត្រាលី បានចាកចេញពីតំបន់ហ្គាហ្សាដោយសុវត្ថិភាព នឹងបានមកដល់ប្រទេសអេហ្ស៊ីបតាមច្រកព្រំដែនរ៉ាហ្វា។
យោងតាមគេហទំព័រ AP News ដែលបានរាយការណ៍នៅថ្ងៃទី២ ខែវិច្ឆិកាថ្មីៗនេះថា ប្រទេសជាច្រើនបានបញ្ជាក់ថា ពលរដ្ឋរបស់ពួកគេបានចាកចេញពីតំបន់ហ្គាហ្សានឹងបានឆ្លងកាត់ច្រកព្រំដែន Rafah ចូលទៅក្នុងប្រទេសអេហ្ស៊ីបដោយសុវត្ថិភាពហើយ ប៉ុន្តែមិនបានបញ្ជាក់ចំនួនពិតប្រាកដនោះទេ។

ទោះជាយ៉ាងណាក៏ដោយ យោងតាមអ្នកនាំពាក្យក្រសួងការបរទេសអាមេរិក លោក Matthew Miller បាននិយាយថា ក្រុមជនបរទេសដំបូងដែលឆ្លងកាត់ច្រកព្រំដែន Rafah ចូលទៅក្នុងប្រទេសអេហ្ស៊ីប រួមមានពលរដ្ឋអូទ្រីស ៣១នាក់ ពលរដ្ឋអូស្ត្រាលី ២០នាក់ និងពលរដ្ឋបារាំង ៥នាក់។ក្រសួងការបរទេសអូទ្រីសបាននិយាយថា «អូទ្រីសគឺជាប្រទេសដំបូងគេដែលមានពលរដ្ឋត្រូវបានជម្លៀស»។ ដូច្នេះ ក្រុមមនុស្សដែលចាកចេញភាគច្រើនសុទ្ធតែជាពលរដ្ឋដែលមានសញ្ជាតិពីរ រស់នៅក្នុងតំបន់ហ្គាហ្សា ឬទៅសួរសុខទុក្ខសាច់ញាតិ រួមទាំងអនីតិជនចំនួន ១០ នាក់ទៀត។

គួរបញ្ជាក់ដែរថា កាលពីថ្ងៃទី១ ខែវិច្ឆិកា ប្រទេសអេហ្ស៊ីបបានយល់ព្រមក្នុងការស្នើសុំរបស់រដ្ឋាភិបាលអ៊ីស្រាអែល ដើម្បីបើកច្រកព្រំដែន Rafah ជាលើកដំបូងចាប់តាំងពីមានជម្លោះហាម៉ាស- អ៊ីស្រាអែល ផ្ទុះឡើង ដោយអនុញ្ញាតឱ្យអ្នកកាន់លិខិតឆ្លងដែនបរទេសចាកចេញពីតំបន់ Gaza។ ប៉ុន្តែទោះជាយ៉ាងណាក៏ដោយ ច្រកព្រំដែនរបស់អេហ្ស៊ីបនឹងបើកក្នុងរយៈពេលមានកំណត់ ក៏ដូចជាអនុញ្ញាតឱ្យជនបរទេសនិងអ្នករងរបួសធ្ងន់ធ្ងរចាកចេញតែប៉ុណ្ណោះ៕