ការប្រឡងសញ្ញាប័ត្រមធ្យមសិក្សាទុតិយភូមិឆ្នាំ២០២៣ បានចាប់ផ្តើមប្រព្រឹត្តិទៅជាផ្លូវការហើយនៅក្នុងថ្ងៃនេះ ដោយបេក្ខជនជាច្រើនបានចូលរួមប្រឡង និងខ្លះទៀតក៏បានបោះបង់ការប្រឡងផងដែរ។

ក្នុងនោះ អ្វីដែលគួរឱ្យកត់សម្គាល់នោះ មានបេក្ខជនមួយមានវ័យដល់ ៥៨ឆ្នាំ ហើយ តែនៅតែមានចិត្តជំនះមកប្រឡង បើទោះបីជាប្រឡងធ្លាក់ជាច្រើនលើកហើយក៏ដោយ។

បេក្ខជនដែលមានវ័យចាស់ជាងគេ ឈ្មោះ ហែម ស៊ីណាត អាយុ៥៨ឆ្នាំ កំពុងប្រឡងនៅមណ្ឌល អនុវិទ្យាល័យ ទឹកថ្លា ខេត្តបន្ទាយមានជ័យ។

ការដែលលោកស្រីមិនបោះបង់ការប្រឡងនេះ លោកស្រីធ្លាប់បានលើកឡើងថា៖” មិនបោះចោលក្ដីស្រមៃត្រឹមនេះឡើយ ដើម្បីបំពេញក្ដីស្រមៃក្លាយជាបង្រៀនក្នុងក្របខណ្ឌ ខណៈបច្ចុប្បន្នខ្ញុំជាគ្រូបង្រៀនផ្នែកអក្ខរកម្មប៉ុណ្ណោះ”៕

បន្ទាប់ពីបញ្ចប់ការប្រកួតសេនាគុនខ្មែរពិភពលោករវាងកីឡាករកម្ពុជា ព្រំ សំណាង និងកីឡាករភូមា ដាវ លីឌុច ទទួលលទ្ធផលស្មើគ្នាឃើញថាសន្ទុះនៃការបញ្ចេញមតិសាធារណជនលើបណ្តាញសង្គមមានទាំងវិជ្ជមាននិងអវិជ្ជមានទៅលើកីឡាករ ព្រំ សំណាង។ ចំណែកឯអ្នកសិល្បៈជាច្រើនរូបក៏បានបញ្ចេញមតិរបស់ខ្លួនផងដែរទាក់ទងនឹងការប្រកួតគូឯកមួយគូនេះ។

នាយប់ថ្ងៃទី៥ ខែវិច្ឆិកា ឆ្នាំ២០២៣ កម្មវិធីប្រកួត សេនាគុនខ្មែរពិភពលោកគូមិត្តភាពអន្តរជាតិចំនួន៦គូបានទាញចំណាប់អារម្មណ៍សាធារណជនយ៉ាងខ្លាំង។ ក្នុងនោះគូមិត្តភាពអន្តរជាតិកីឡាករ ព្រំ សំណាង និងកីឡាករភូមា ដាវ លីឌុច ប្រកួតលើវិញ្ញាសារម៉ាសហ្វៃ៩នាទី ដែលទទួលបានលទ្ធផលស្មើគ្នានាំឱ្យសាធារណជនវែកញែកយ៉ាងខ្លាំងពេញបណ្តាញសង្គម។

មតិមួយចំនួនបានរិះគន់ទៅលើកីឡាករ ព្រំ សំណាង មានគ្រូជួយបង្ហាញផ្លូវរហូតដល់១០នាក់តែពេលប្រកួតប្រឹងតែទប់មិនវាយឡើយ ព្រមទាំងលើកឡើងទៀតថា ដាវ លីឌុច មិនវាយផ្តាច់ព្រោះគិតពីមនោសញ្ចេតនា ទុកមុខមាត់ឱ្យម្ចាស់ផ្ទះព្រោះទម្រង់វាយរបស់ស្តេចប្រដាល់ភូមារូបនេះមិនបញ្ចេញអស់ឡើយ ខណៈមតិមួយចំនួនបានបញ្ចេញមតិលើកទឹកចិត្តទៅដល់កីឡាកររូបនេះផងដែរ។

យ៉ាងណាមិញ ងាកទៅកាន់អ្នកសិល្បៈដែលស្នេហាវិស័យគុនខ្មែរក៏បានបញ្ចេញមតិរបស់ខ្លួននៅលើបណ្តាញសង្គមដូចគ្នាទៅលើការប្រកួតរវាងកីឡាករ ព្រំ សំណាង និងកីឡាករ ដាវ លីឌុច ។

តារាកំប្លែងល្បីឈ្មោះ នាយ ពាក់មី បានសរសេរថា «ខំចាំមើល ព្រុំសំណាង វ៉ៃ អត់វ៉ៃសោះ ទាត់ជើងគេតិចៗ គេចរហូត ? ? ឯណាក្បាច់គុណបុរាណខ្មែរ ? ម៉េចមិនបញ្ចេញ ?»។ ពិធីករ ប៉ែន ចំរុង បានលើកឡើងថា «លទ្ធផលល្អ ជាការចងមិត្តភាព ហើយក៏ជាផ្សព្វផ្សាយ គុនខ្មែរទៅកាន់ឆាកអន្តរជាតិ តែខ្ញុំស្តាយពូណាងចេញកែងនិងជង្គង់តិចពេក សង្ឃឹមប្រកួតបន្ទាប់គាត់រឹតតែធ្វើបានល្អជាងនេះទៅទៀត»។

ងាកទៅកាន់តារាចម្រៀង កែវ វាសនា វិញបានសរសេរថា «ឈប់ដាក់សម្ពាធផ្លូវចិត្តគាត់ទៀតទៅបងប្អូន គាត់ក៏មិនចង់បានលទ្ធផលចឹងដែរ តែត្រូវទទួលស្គាល់ថាគេល្អមែន ត្រូវលើកទឹកចិត្តឱ្យគាត់ខំវិវត្តខ្លួនបន្តទៀត គ្មានកីឡាករលំដាប់ណាដែលវៃមិនធ្លាប់ចាញ់ទេ»។ លោក ផេន បូទី វិញបានលើកឡើងថា «ខ្ញុំចាប់អារម្មណ៍ជាងគេ នៅពេលចប់ទឹកហើយ ឮជួងហើយ អាជ្ញាកណ្ដាលក៏ឃាត់ ដាក់ដៃញែកហើយ ហេតុអ្វី ពូ ណាង មានចេតនាទៅបុកកែងឱ្យ Dave Leduc បែកឈាមទៀត ហ៊ឹម…»។

លោក ករុណា ពេជ្រ បានបញ្ចេញមតិថា ការប្រដាល់គុនខ្មែរ រវាងកីឡាករ សំណាង និង ដាវ លីឌុច លោកយល់ថាគួរឱ្យអាណិត ព្រំ សំណាងទៅវិញទេ ព្រោះមើលមុខគាត់ គាត់ខំប្រឹងទប់ឱ្យបានស្មើតាមលក្ខណ្ឌ័នៃការប្រកួត ដើម្បីឱ្យបានស្មើហើយមិនគួរណាបងប្អូនមួយចំនួនតូចមានគំនិត អវិជ្ជមាន ចំពោះគាត់ដែលគាត់ក៏ជាប្រជាជនកម្ពុជាស៊ូទ្រាំមិនឱ្យសន្លប់ ដើម្បីកិត្តិយសកម្ពុជា បែរជាអ្នកមួយចំនួនតូចមិនឱ្យតម្លៃគាត់ ខ្លះជេរ ខ្លះដៀល បំបាក់ទឹកចិត្តគាត់សោះ..រឺ មួយទាល់តែគាត់ ត្រូវដាវវ៉ៃសន្លប់ ដេកននៀលពេញរិញ ហើយលើកដៃសំពះសុំឈប់ សុំចាញ់ បានបងប្អូនសើចសប្បាយពេញចិត្ត..??។ អ្នកនាង គឹម លីហ្សា វិញបានសរសេរថា « ដល់ពេលនេះហើយ កុំបន្ទោសគាត់អី មើលទឹកមុខគាត់ទៅ»..៕

លោកតាគង់ ណៃ ដែលប្រជានជនខ្មែរស្គាល់ថាជា ព្រឹទ្ធាចារ្យចាបុីដងវែង ដ៏ល្បីនោះ បានធ្លាក់ខ្លួនកាន់តែឈឺធ្ងន់ ក្រោយសភាពជំងឺហាក់មិនធូរស្បើយ ពីមួយថ្ងៃទៅមួយថ្ងៃ។

បើតាមការបង្ហោះរបស់កូនប្រុសរបស់លោកតា គឺលោក គង់ សម័យ បានឱ្យដឹងថា៖”សូមវត្ថុសក្ដិសិទ្ធិក្នុងលោកសូមតាមថែរក្សារពុកខ្ញុំផង” អមជាមួយរូបភាពមួយចំនួនអំពីស្ថានភាពរបស់លោកតាផងដែរ។

តែយ៉ាងណាមិញ ជុំវិញស្ថានភាពជំងឺរបស់លោកតា មិនត្រូវបានក្រុមគ្រួសារ បង្ហើបឱ្យដឹងច្បាស់នោះទេ ថាតើលោកតាមានជំងឺប្រចាំកាយអ្វីខ្លះ។

សូមបញ្ជាក់ថា ព្រឹទ្ធាចារ្យ គង់ ណៃ គឺជាសិល្បករចាប៉ីដងវែងដ៏ល្បីល្បាញមួយរូបរបស់កម្ពុជាដែលមានគោរមងារថាជាព្រឹទ្ធាចារ្យកោសល្យវោហារ គង់ ណៃ។

ក្រៅពីមានគោរមងារថ្នាក់ជាតិជាមត៌កមនុស្សរស់ហើយនោះ ព្រឹទ្ធាចារ្យ គង់ ណៃ ក៏ជាធ្លាប់ទទួលបានពានរង្វាន់ទាំងថ្នាក់ជាតិ និងអន្តរជាតិជាច្រើនពានរង្វាន់ផងដែរ។

ជាមួយនឹងការបង្ហាញខ្លួនភ្ជាប់ដោយវ៉ែនតាពណ៌ខ្មៅជានិច្ច លោកគឺជា តន្រ្តីករប្រពៃណីបុរាណ ដែលត្រូវបានគេស្គាល់ច្បាស់ និងល្បីល្បាញបំផុតនៅកម្ពុជានិងលើឆាកអន្តរជាតិ៕

ក្រោយពីដឹកដៃកូនក្រមុំ អ្នកនាង ឡៅ ដាណេ ចូលពិធីអាពាហ៍ពិពាហ៍ នៅខេត្តសៀមរាម លោកគ្រូសាន សុជា គ្រោងនឹងបរិច្ចាកថវិការទាំងអស់ ដែលមកពីញាតិមិត្តចងដៃ ទៅកាន់កន្លែងជាច្រើនផ្សេងៗគ្នា។នៅក្នុងនោះលោកគ្រូ នឹងបរិច្ចាកទៅកាន់៖

១. ឧបត្ថម្ភមន្ទីរពេទ្យគន្ធរបុប្ផា ១០លានរៀល
២. ឧបត្ថម្ភមន្ទីរពេទ្យកុមារអង្គរ ១០លានរៀល
៣. ឧបត្ថម្ភគ្រូបង្រៀនវត្តមណីរតនារាម ១០០០$ (មួយពាន់ ដុល្លារ)
៤. ឧបត្ថម្ភអង្គការកុមាកម្ពុជាអូស្ត្រាលី ៥០០$ (ប្រាំរយដុល្លារ)
៥. ឧបត្ថម្ភមេភូមិចាក់ដីធ្វើផ្លូវ ៣០០$ (បីរយដុល្លារ)
៦. ឧបត្ថម្ភសាលាហ៊ុនសែនប្រាសាទបាគងសម្រាប់ទិញ ទូរទស្សន៍បញ្ចាំង slide ៨០០$(ប្រាំបីរយដុល្លារ)
៧. ឧបត្ថម្ភកុមារកំព្រា ៥០០$ (ប្រាំរយដុល្លារ)
៨. ឧបត្ថម្ភសាលាឃុំមានជ័យ ៥០០$ (ប្រាំរយដុល្លារ) សម្រា ទិញComputer

គួរបញ្ជាក់ផងដែរថា បន្ទាប់ពីស្ថិតនៅក្នុងភាពជាបព្វជិតអស់ ៣១ឆ្នាំមក លោកគ្រូ សាន សុជា បានឮលាចាកសិក្ខាបទ កាលពីថ្ងៃទី២១ ខែឧសភា ក្រោយបានភ្ជាប់ពាក្យកាលពីថ្ងៃទី៣០ ខែកក្កដា និងបានរៀបអាពាហ៍ពិពាហ៍កាលពីថ្ងៃទី៤-៥ វិច្ឆិកា ឆ្នាំ២០២៣កន្លងទៅ៕

នៅក្នុងវេទិកាកម្រិតខ្ពស់នៃធនាគារខួរក្បាលចិន-កម្ពុជា ដែលបានធ្វើនៅថ្ងៃទី១ ខែវិច្ឆិកា ឆ្នាំ២០២៣ នៅរដ្ឋធានីប៉េកាំង ប្រទេសចិន លោក លោក ពុយ គា ប្រធានក្លឹបអ្នកកាសែតកម្ពុជា បានអញ្ជើញអ្នកផលិតខ្សែភាពយន្ត “No More Bets” មកថតរឿងវគ្គ២ ដើម្បីស្ដារវិស័យទេសចរណ៍របស់កម្ពុជា ជាពិសេស កេរ្តិ៍ឈ្មោះនៃខេត្តព្រះសីហនុ។
ការស្នើបែបនេះ ក៏ដើម្បីស្តារកេរ្តិ៍ឈ្មោះខេត្តព្រះសីហនុឡើងវិញ ក្រោយពីភាពយន្ត “No More Bets” វគ្គ១ បានធ្វើឱ្យប៉ះពាល់វិស័យទេចរណ៍កម្ពុជា ដោយនៅក្នុងភាពយន្តនេះ កម្ពុជាត្រូវបានគេបង្ហាញដោយប្រយោលថាជាប្រទេសដ៏មានគ្រោះថ្នាក់មួយ។

ភាពយន្តរឿង No More Bets អាចមកផលិតវគ្គ២នៅកម្ពុជាដោយថតនៅខេត្តព្រះសីហនុ ដើម្បីមើលឃើញពីស្ថានភាពជាក់ស្តែងរបស់ខេត្ត ជៀសវាងផ្សាយដោយគ្មានមូលដ្ឋានច្បាស់លាស់៕

ត្រី គឺជាអាហារដែលមនុស្សជាច្រើនគ្រួសារនិយមចូលចិត្ត ប៉ុន្តែទោះជាយ៉ាងណាក៏ដោយ ត្រីគឺមានក្លិនអាក្រក់ខ្លាំងណាស់។ ដូច្នេះ ដើម្បីបំបាត់ក្លិនយ៉ាងឆាប់រហ័ស និងមានប្រសិទ្ធភាពបំផុតនោះ យើងសូមណែនាំគន្លឹះលាងសម្អាតត្រីមួយចំនួនដូចខាងក្រោម៖

១.លាងត្រីជាមួយខ្ញី និងទឹកខ្មេះ៖ ជាដំបូងត្រូវលាងសម្អាតត្រីជាមួយទឹកធម្មតាសិន បន្ទាប់ពីត្រីត្រូវបានសម្អាតរួច ចាក់ខ្ញីបុក និងទឹកខ្មេះលាយឱ្យស្មើគ្នាលើដងខ្លួនត្រី បន្ទាប់មកលាងជម្រែះជាមួយទឹកម្តងទៀតជាការស្រេច។

២.ប្រើទឹកអង្ករ៖ យកត្រីទៅត្រាំក្នុងទឹកអង្ករប្រហែល ១៥ នាទី រួចលាងជាមួយនឹងទឹកស្អាត១ ឬ ២ដង ត្រូវប្រាកដថាត្រីនឹងបាត់បង់ក្លិនដោយមិនបាត់បង់សារធាតុចិញ្ចឹម។

៣.ប្រើក្រូចឆ្មារស្រស់៖ ក្រូចឆ្មារគឺជាផ្លែឈើដ៏ពេញនិយមមួយប្រភេទដែលតែងតែមានជាប្រចាំនៅក្នុងផ្ទះ។ ក្រូចឆ្មាស្រស់មានប្រសិទ្ធភាពបំផុតក្នុងការបំបាត់ក្លិនត្រី និងជាវិធីសម្អាតត្រីយ៉ាងរហ័សផងដែរ ដោយអ្នកត្រូវច្របាច់ទឹកក្រូចឆ្មារលាយក្នុងទឹកក្តៅឧណ្ណៗ រួចយកត្រីទៅត្រាំប្រហែល ៣-៥ នាទី បន្ទាប់មកលាងជាមួយទឹកធម្មតាឱ្យស្អាតជាការស្រេច។

៤.ប្រើទឹកដោះគោស្រស់៖ នេះជាវិធីបំបាត់ក្លិនត្រី ដែលមនុស្សតិចណាស់ដឹង ដោយដំបូងអ្នកត្រូវប្រើទឹកដោះគោស្រស់ត្រាំជាមួយត្រី ចំណាំថាទឹកដោះគោគឺមិនត្រូវមានជាតិផ្អែមឡើយ ដើម្បីកុំឱ្យត្រីឆេះនៅពេលកែច្នៃ៕