នៅលើពិភពលោក មានទន្លេធំៗវែងៗច្រើនជាង ១៩០ ខ្សែ ដែលទន្លេនីមួយៗសុទ្ធតែមានលក្ខណពិសេសប្លែកៗពីគ្នា ប៉ុន្តែតើអ្នកដឹងទេថា ទន្លេណាខ្លះដែលមានទេសភាពស្រស់ស្អាតជាងគេបំផុតនៅលើពិភពលោក?

១.The Nile៖ ទន្លេនីល ស្ថិតនៅក្នុងប្រទេសអេហ្ស៊ីប គឺជាទន្លេដ៏ធំ និងអស្ចារ្យបំផុតរបស់ពិភពលោក ជាមួយសម្រស់ដ៏ស្រស់ត្រកាលនៅភាគខាងជើងនៃទ្វីបអាហ្រ្វិកលាតសន្ធឹងប្រវែង ៤១៣២ គីឡូម៉ែត្រ និងរត់ឆ្លងកាត់ប្រទេសចំនួន ១១ ។ ទន្លេនេះក៏ដើរតួយ៉ាងសំខាន់ក្នុងប្រវត្តិសាស្ត្រអេហ្ស៊ីបបុរាណផងដែរ។

២.Mississippi River៖ ទន្លេមីស៊ីស៊ីពី ស្ថិតនៅក្នុងប្រទេសអាមេរិកខាងជើង គឺជាទន្លេដ៏ធំបំផុតរបស់អាមេរិក ហើយវាក៏ជាទន្លេដ៏ស្រស់ស្អាតបំផុតមួយនៅក្នុងពិភពលោកផងដែរ រួមទាំងជាកន្លែងសម្រាប់ទាក់ទាញភ្ញៀវទេសចរយ៉ាងច្រើន។

៣.The Ganges៖ ទន្លេ Ganges ស្ថិតនៅក្នុងប្រទេសឥណ្ឌា ដែលត្រូវបានគេគោរពថាជាទន្លេដ៏បរិសុទ្ធ និងជាទន្លេដែលអាចលាងជម្រះអំពើបាបរបស់មនុស្សគ្រប់គ្នាបានទៀតផង។ លើសពីនេះ ទន្លេ Ganges គឺមានទិដ្ឋភាពស្រស់ស្អាតខ្លាំងណាស់ ដែលជាបទពិសោធន៍ដ៏ទាក់ទាញ និងស្ងប់ស្ងាត់បំផុត។

៤. The Thames៖ ទន្លេដ៏គួរឱ្យភ្ញាក់ផ្អើលមួយទៀតក្នុងពិភពលោកគឺទន្លេ Thames ដែលជាកន្លែងទាក់ទាញភ្ញៀវទេសចរដ៏លេចធ្លោមួយក្នុងទីក្រុងឡុងដ៍ប្រទេសអង់គ្លេស។ វាផ្តល់នូវផ្ទៃខាងក្រោយដ៏គួរឱ្យស្រឡាញ់ចំពោះភាពទាក់ទាញដ៏ស្រស់ស្អាតជាច្រើនរបស់ទីក្រុង ហើយក៏ជាទន្លេវែងជាងគេរបស់អង់គ្លេសមានស្ពានប្រហែល ២០០ និងផ្លូវរូងក្រោមដីជាង ២០ ដែលគេស្គាល់វាថាជាស្ពានឡុងដ៍ដ៏ល្បីល្បាញ។

៥. The Amazon៖ ទន្លេអាម៉ាហ្សូន ស្ថិតនៅក្នុងប្រទេសអាមេរិកខាងត្បូង គឺជាទន្លេដ៏ធំបំផុតមួយក្នុងពិភពលោក អាម៉ាហ្សូនដ៏ធំត្រូវបានគេចាត់ទុកថាជាសរសៃឈាមនៃភពផែនដីរបស់យើង នឹងត្រូវបានគេស្គាល់ផងដែរថាជា River Sea ទន្លេនេះគឺជាជម្រករបស់ piranha ដែលត្រូវបានគេចាត់ទុកថាជាសត្វដ៏សាហាវបំផុតមួយនៅក្នុងពិភពលោក។

៦. The Colorado៖ ទន្លេ Colorado ស្ថិតនៅក្នុងសហរដ្ឋអាមេរិក គឺជាទន្លេដែលមានភាពស្រស់ស្អាតបំផុតលើលោក ហើយធ្វើដំណើរឆ្លងកាត់វាលខ្សាច់អារីហ្សូណាស្ងួត ដែលផ្តល់នូវទិដ្ឋភាពដ៏អស្ចារ្យនៃតំបន់នេះ។

៧. The River Rhine៖ ទន្លេ Rhine គឺជាទន្លេធំទីពីររបស់អឺរ៉ុប ជាមួយនឹងសម្រស់ដ៏អស្ចារ្យ ស្ថិតក្នុងចំណោមទន្លេដ៏ល្បីល្បាញ និងស្រស់ស្អាតបំផុតរបស់ពិភពលោក ដោយវាមានប្រភពមកពី Swiss Alps ហើយហូរកាត់ទីក្រុងធំៗមួយចំនួននៅអឺរ៉ុប។

៨. The Zambezi៖ Zambezi គឺជាទន្លេដែលវែងជាងគេរបស់ទ្វីបអាហ្រ្វិក ហើយត្រូវបានកត់សម្គាល់សម្រាប់ការទាក់ទាញដ៏ល្បីល្បាញបំផុតរបស់វា ជាមួយទឹកធ្លាក់ Victoria ដ៏គួរឱ្យភ្ញាក់ផ្អើល ក៏ដូចជាទឹកធ្លាក់រត់តាមព្រំដែនរវាងប្រទេសហ្ស៊ីមបាវ៉េ និងហ្សាំប៊ី ក្នុងប្រទេសអាហ្វ្រិកខាងត្បូង។

៩. The Yangtze៖ ទន្លេ Yangtze ស្ថិតនៅក្នុងប្រទេសចិន គឺជាទន្លេដែលវែងជាងគេទី ៣ របស់ពិភពលោក ដែលលាតសន្ធឹងប្រវែង ៦៣០០ គីឡូម៉ែត្រ រួមជាមួយទេសភាពដ៏គួរឱ្យទាក់ទាញជាទីបំផុត។

១០. The Mekong៖ ទន្លេមេគង្គស្ថិតនៅក្នុងប្រទេសចិន។ ទន្លេដ៏អស្ចារ្យនេះហូរចេញពីខ្ពង់រាបទីបេដ៏ល្បីល្បាញ ហើយធ្វើដំណើរកាត់ប្រទេសចិន មីយ៉ាន់ម៉ា ថៃ វៀតណាម កម្ពុជា និងឡាវ មុនពេលជួបសមុទ្រចិន។ ទន្លេមេគង្គត្រូវបានរាប់បញ្ចូលក្នុងចំនោមទន្លេដ៏ស្រស់ស្អាតបំផុតទាំង ១០ នៅលើពិភពលោក៕

នៅថ្ងៃទី៧ ខែវិច្ឆិកា ប៉ូលិសក្រុង Sao Paulo បាននិយាយថា ពួកគេកំពុងស៊ើបអង្កេតករណីបែកធ្លាយដែលបានកើតឡើងនៅឯផ្ទះល្វែងមួយបន្ទាប់ពីមានជនប្រដាប់អាវុធ៣នាក់ បានចូលទៅក្នុងផ្ទះល្វែងនោះ ចងដៃជនរងគ្រោះ២នាក់ អាយុ៥០ឆ្នាំម្នាក់ និង៥២ឆ្នាំ ហើយលួចយកកាបូប នាឡិកា និងត្បូងមានតម្លៃ។
ប្រភពដដែលបានបញ្ជាក់ថាជនសង្ស័យម្នាក់អាយុ២០ឆ្នាំម្នាក់ត្រូវបានចាប់ខ្លួន បន្ទាប់ពីមានហេតុការណ៍នេះជនដៃដល់ម្នាក់ទៀតត្រូវបានគេកំណត់អត្តសញ្ញាណហើយម្នាក់ទៀតដែលនៅសល់កំពុងត្រូវបានគេស្វែងរក។ យោងតាមកាសែតក្នុងស្រុកជនរងគ្រោះពីរនាក់ខាងលើមិនមានរបួសនោះទេ ខណៈគេដឹងថាជនរងគ្រោះនោះជាឪពុកម្តាយរបស់ Bruna Biancardi ដែលត្រូវជាមិត្តស្រីរបស់កីឡាករឆ្នើម Neymar។

ប៉ុន្មានម៉ោងមុនហេតុការណ៍នេះ តារាម៉ូដែលវ័យ ២៩ ឆ្នាំរូបនេះបានបង្ហោះរូបភាព និងវីដេអូនៃកម្មវិធីជប់លៀងចេញខែកូនស្រីនាងមានឈ្មោះ Mavie ដោយមិនបានបង្ហាញពីពេលវេលា និងទីកន្លែងនោះទេ។ មិត្តស្រីនិងកូនរបស់ Neymar ស្ថិតក្នុងគោលដៅនៃការចាប់ជំរិត ដើម្បីបង្ខូចកេរ្តិ៍ឈ្មោះ ប៉ុន្តែជាសំណាងល្អពួកគេទាំងពីរនាក់មិននៅក្នុងផ្ទះនោះឡើយ។

ហេតុការណ៍នេះដែរ អ្នកតំណាងរបស់ Neymar បាននិយាយថា ពួកគេមិនបានដឹងអ្វីអំពីឧបទ្ទវហេតុនេះទេ ស្របពេលដែលអ្នកតំណាងរបស់មិត្តស្រីកីឡាកររូបនេះមិនឆ្លើយតបដូចគ្នា។

មិត្តស្រីរបស់កីឡាកររូបនេះជាតារាម៉ូដែលដែលមានអ្នកតាមដានជាងប្រាំលាននាក់នៅលើ Instagram ។ Neymar និងនាងបានប្រកាសពីទំនាក់ទំនងរបស់ពួកគេកាលពីឆ្នាំមុន ប៉ុន្តែបានបែកបាក់គ្នាយ៉ាងខ្លីនៅរដូវក្តៅឆ្នាំ២០២២។ នៅខែមេសា ឆ្នាំ២០២៣ ពួកគេបានប្រកាសថាមិត្តស្រី Neymar មានផ្ទៃពោះ ហើយនៅថ្ងៃទី៧ ខែតុលា ឆ្នាំ២០២៣ នាងសម្រាលបានកូនស្រីដោយពួកគេបានដាក់ឈ្មោះថា Mavie ។មុនពេល កីឡាកររូបនេះមានទំនាក់ទំនងជាមួយមិត្តស្រីបច្ចុប្បន្ន Neymar បានមានទំនាក់ទំនងជាមួយតារាម៉ូដែលម្នាក់ទៀតឈ្មោះ Carolina Dantas ហើយពួកគេមានកូនប្រុសម្នាក់ឈ្មោះ Davi Lucca កើតនៅថ្ងៃទី១៣ ខែសីហា ឆ្នាំ ២០១១។

គូសបញ្ជាក់ថា Neymar បានរងរបួសជង្គង់ខាងឆ្វេងធ្ងន់ធ្ងរអំឡុងពេលរបស់ពេលប្រេស៊ីលចាញ់ ០-២ ក្រោមស្នាដៃម្ចាស់ផ្ទះអ៊ុយរូហ្គាយក្នុងវគ្គជម្រុះ World Cup ឆ្នាំ ២០២៦ នៅថ្ងៃទី ១៧ ខែតុលា ហើយកីឡាកររូបនេះទទួលការវះកាត់និងកំពុងសម្រាកព្យាបាលនៅប្រទេសប្រេស៊ីល ប៉ុន្តែត្រូវបានគេរំពឹងថានឹងអវត្តមានជាច្រើនខែលើទីលានប្រកួត៕

ចាប់តាំងពីខែតុលានេះ តម្លៃលក់នៅលើទីផ្សា ធូរេនពូជ Mekong Delt បានកើនឡើងពី 50%-60% ដោយសារការផ្គត់ផ្គង់នៅចុងរដូវនៃផ្លែធូរេនមិនបានច្រើនគ្រប់គ្រាន់សម្រាប់តម្រូវការរបស់អតិថិជន។

កាលពីពេលថ្មីៗនេះ កសិករម្នាក់រស់នៅក្នុងខេត្ត Tien Giang ប្រទេសវៀតណាមបាននិយាយថា គាត់បានលក់ទុរេនដែលមានគុណភាពល្អបំផុតរបស់គាត់ក្នុងតម្លៃរហូតដល់ទៅ 105,000 ដុង (4.31 ដុល្លារ) ក្នុងមួយគីឡូក្រាម ដែលវាជាអត្រាខ្ពស់បំផុតតាំងពីលក់មករហូតមកដល់ពេលនេះ ដែលជាធម្មតាក្នុងខែកក្កដានេះតម្លៃទុរេនត្រឹមតែ ៦៥,០០០ដុង (2.67$)ប៉ុណ្ណោះ ដូច្នេះតម្លៃបច្ចុប្បន្នបានធ្វើឲ្យគាត់កាក់កបកើបប្រាក់ចំណេញបានយ៉ាងច្រើនពីដំណាំមួយនេះ។

លោក Thanh កសិករដាំទុរេនម្នាក់ទៀតនៅខេត្ត Dak Lak ភាគកណ្តាលនៃប្រទេសវៀតណាមបាននិយាយថា ឈ្មួញកំពុងចរចាតម្លៃជាមួយគាត់ដោយធូរេនមួយគីឡូក្រាម មានតម្លៃរហូតដល់ទៅ ១១៥.០០០ ដុង (4.7$) គឺជាតម្លៃដែលមិនធ្លាប់មានពីមុនមក។ គាត់បានបន្តថា ពួកឈ្មួញទាំងនោះនឹងទិញទុរេនទាំងអស់ដែលគាត់មានផងដែរ។ គាត់ក៏ត្រូវបានឈ្មួញទំាងនោះកក់លុយទុកជាមុនផង បើទោះបីជាធូរេន មិនទាន់បានកាប់ពីដើមក៏ដោយព្រោះដើម្បីធានាការផ្គត់ផ្គង់ឲ្យបានគ្រប់គ្រាន់របស់ពួកគេ។

ជាមួយគ្នានេះដែរ កសិករនៅវៀតណាមនាពេលនេះបាននឹងកំពុងមើលឃើញពីការកើនឡើងនៃតម្រូវការទីផ្សារផ្លែធូរេនទាំងក្នុងនិងក្រៅស្រុក ជាពិសេសគឺប្រទេសចិន។ រីឯតម្លៃវិញ ត្រូវបានគេរំពឹងថានឹងកើនឡើងបន្ថែមទៀតប្រសិនបើថ្ងៃខាងមុខ ការផ្គត់ផ្គង់ផ្លែធុរេននៅតែបន្តធ្លាក់ចុះបែបនេះ។

លោក Nguyen Nhu Cuong រដ្ឋមន្រ្តីក្រសួងកសិកម្ម និងអភិវឌ្ឍន៍ជនបទ បាននិយាយថា រដូវទុរេននៅខេត្តខ្ពង់រាបភាគកណ្តាលនៃប្រទេសវៀតណាមនាពេលនេះជិតដល់អស់ហើយ គឺនៅសល់តែផ្ទៃដីតូចមួយប៉ុណ្ណោះដែលមិនទាន់ទុំនៅក្នុងខេត្ត Gia Lai ៕

ប្រទេសថៃ ៖ កាលពីថ្ងៃទី៧ ខែវិច្ឆិកា ឆ្នាំ២០២៣ សារព័ត៌មានថៃបានចុះផ្សាយថា នាពេលកន្លងមក ប្រទេសថៃមានបញ្ហាខូចជណ្តើរយន្តនៅអាកាសយានដ្ឋានដនមឿង និងបណ្តាលឱ្យអ្នកដំណើរម្នាក់ពិការជើងអស់មួយជីវិត ហើយបញ្ហានេះនៅតែមិនទាន់ចប់ទេ រហូតដល់លើកនេះ វាបានកើតឡើងលើភ្ញៀវទេសចរបរទេស ។

ហេតុការណ៍នេះបានកើតឡើងកាលពីល្ងាចថ្ងៃទី៥ ខែវិច្ឆិកា ឆ្នាំ២០២៣ ក្នុងហាងទំនើបមួយកន្លែងនៅតំបន់អាស៊ីអេ ហើយក្រុមភ្ញៀវទេសចរចិនដែលតែងតែមកដើរកម្សាន្តនៅទីនេះបាននាំគ្នាដើរលើជណ្តើរយន្តក្នុងហាង ។ ប៉ុន្តែនៅសុខៗ ស្រាប់តែវាខូចម្តងទៀត ហើយការខូចលើកនេះ គួរឱ្យខ្លាចខ្លាំងណាស់ ព្រោះតួជណ្តើរយន្ត និងបង្កាន់ដៃចាប់គ្មានទំនាក់ទំនងគ្នា គឺតួជណ្តើរយន្តបានវិលទៅមុខ រីឯបង្កាន់ដៃចាប់បែរជាឈប់ស្ងៀមមិនរំកិលទៅមុខ ។ ដូច្នេះ ធ្វើឱ្យភ្ញៀវទេសចរចិននៅលើជណ្តើរនេះភ័យប៉ះសក់យ៉ាងខ្លាំង ។

ក្នុងចំណោមនោះ មានភ្ញៀវទេសចរចិនមានអាយុច្រើនចំនួន២នាក់បានធ្លាក់ពីលើជណ្តើរយន្តសង្កត់លើគ្នា និងរងរបួ.សភ្លាមៗ ។ នៅពេលភ្ញៀវទេសចរចិនផ្សេងទៀតឃើញការដួលសង្កត់លើគ្នាបែបនេះ ពួកគេក៏នាំគ្នាស្រែកខ្លាំងៗសុំការជួយសង្គ្រោះ និងព្យាយាមចាប់បង្កាន់ដៃដើម្បីកុំឱ្យធ្លាក់ជាមួយកាំជណ្តើរ ។ រូបភាពនេះអាក្រក់មើល និងគួរឱ្យខ្លាចខ្លាំងណាស់ ។

ចំណែកអ្នកថតវីដេអូហេតុការណ៍នេះនិយាយថា ខ្លួនបានឮសូរសំឡេងស្រែកខ្លាំងៗ ទើបប្រញាប់មកមើល និងយកទូរស័ព្ទដៃមកថតវីដេអូបង្ហោះក្នុងបណ្តាញសង្គម ។ ប៉ុន្តែអ្នកលេងបណ្តាញសង្គមថៃនាំគ្នារិះគន់ និងសួរថា ហេតុអ្វីអ្នកឃើញហេតុការណ៍នេះ មិនប្រញាប់ចុចបញ្ឈប់ដំណើរការជណ្តើរយន្ត ដើម្បីជួយជីវិតមនុស្សសិន ? ហើយការយកទូរស័ព្ទមកថតវីដេអូបែបនេះ មិនត្រឹមត្រូវនោះទេ ។

ទោះយ៉ាងណា អ្នកថតវីដេអូហេតុការណ៍ខាងលើបញ្ជាក់ថា បន្ទាប់ពីថតវីដេអូរួច ខាងសន្តិសុខប្រចាំហាង ក៏ប្រញាប់មកចុចបញ្ឈប់ដំណើរការជណ្តើរយន្ត និងនាំគ្នាជួយសង្គ្រោះភ្ញៀវទេសចរចិនភ្លាមៗ ។ រីឯជនជាតិថៃម្នាក់និយាយថា ការចុចបញ្ឈប់ដំណើរការជណ្តើរយន្ត ដោយសារយើងមិនដឹងច្បាស់នោះ វាគ្រោះថ្នាក់ខ្លាំងណាស់ ព្រោះមិនត្រឹមតែមិនបានជួយសង្គ្រោះជីវិតមនុស្សនោះទេ ប៉ុន្តែវាបានបង្កគ្រោះថ្នាក់ថែមទៀត ។

វីដេអូនេះបានធ្វើឱ្យអ្នកលេងបណ្តាញសង្គមថៃប្រកែកគ្នា ព្រោះមានអ្នកផ្តល់ដំណឹងថា នៅបរិវេណព្រះរ៉ាម៩ នេះ ពោរពេញទៅដោយភ្ញៀវទេសចរចិនជាច្រើននាក់ ។ លើសពីនេះ ភ្ញៀវទេសចរចិនក៏ហូរហៀរទៅដល់តំបន់ហួងក្វាងផងដែរ ដែលគេជ្រាបថា ភ្ញៀវទេសចរចិនបានមកស្នាក់នៅទីនេះយ៉ាងច្រើនកុះករ ។ ភ្ញៀវទេសចរ និងជនជាតិចិនរស់នៅតំបន់នេះមួយចំនួនបានបង្ហាញអាកប្បកិរិយាមិនសមរម្យ ដោយពួកគេគ្មានរបៀបរៀបរយ និងប្រជែងគ្នាតម្រង់ជួរនៅតាទីកន្លែងផ្សេងៗបង្កើតភាពក្តៅក្រហាយដល់ជនជាតិថៃ ដែលជាម្ចាស់ប្រទេសយ៉ាងខ្លាំង ។

សារព័ត៌មានថៃ Khaosod លើកឡើងថា ប៉ុន្តែករណីជណ្តើរយន្តខូចរហូតធ្វើឱ្យជនជាតិចិនរងរបួ.សនេះ គឺជាការឆ្លុះបញ្ចាំងឱ្យឃើញថា អ្នកថែទាំជណ្តើរយន្តធ្វើការងារគ្មានប្រសិទ្ធភាព និងបណ្តោយឱ្យកើតរឿងនេះ ។ បើយើងជាភ្ញៀវទេសចរបរទេស ហើយជួបហេតុការណ៍បែបនេះ តើមានភ្ញៀវទេសចរណាចង់ធ្វើដំណើរមកលេងនៅប្រទេសថៃទៀត? ខណៈប្រទេសថៃត្រូវការស្តារសេដ្ឋកិច្ចឡើងវិញ បន្ទាប់ពីជំងឺកូវីដ-១៩ ឆ្លងរាតត្បាត ។

សារព័ត៌មានថៃបន្តថា បើទោះជាវិស័យទេសចរណ៍អាចជួយសេដ្ឋកិច្ចថៃមិនច្រើន ស្របពេលប្រទេសជាច្រើនព្យាយាមប្រជែងគ្នាទាក់ទាញភ្ញៀវទេសចរឱ្យមកកម្សាន្តនៅប្រទេសពួកគេ ប៉ុន្តែហេតុការណ៍នេះ ថៃត្រូវតែប្រញាប់ស៊ើបអង្កេត ដើម្បីការពារកុំឱ្យបញ្ហានេះកើតឡើងទៀត ។ បញ្ហាជណ្តើរយន្តនៅថៃខូច រហូតមានអ្នករងរបួ.សធ្ងន់ធ្ងរ នៅតែពុំទាន់ទទួលបានដំណោះស្រាយឡើយ ហើយធ្វើឱ្យប្រទេសថៃគ្មានសុវត្ថិភាពក្នុងក្រសែភ្នែកភ្ញៀវទេសចរបរទេស ក៏ដូចជាជនជាតិថៃ ។ ចុងក្រោយ សារព័ត៌មានថៃសង្ឃឹមថា វានឹងជាហេតុការណ៍ចុងក្រោយដែលកើតឡើងនៅប្រទេសថៃ ៕

ប្រភព ៖ khaosod

ប្រទេសចិន៖ ទីក្រុងប៉េកាំងបានសម្តែងការមិនពេញចិត្តជាខ្លាំង នៅពេលដែលប្រជាជនចិនរងគ្រោះ និងរងរបួសពាក់ព័ន្ធនឹងការប្រយុទ្ធគ្នារវាងយោធាមីយ៉ាន់ម៉ា និងក្រុមឧទ្ទាមនៅតំបន់ក្បែរព្រំដែនជាមួយប្រទេសចិន។
យោងតាមគេហទំព័រ Myanmar-Now ដែលបានរាយការណ៍នៅថ្ងៃទី៨ ខែវិច្ឆិកាថ្មីៗនេះថា ប្រទេសចិនមានការមិនពេញចិត្តយ៉ាងខ្លាំងចំពោះការកើនឡើងនៃជម្លោះប្រដាប់អាវុធ រវាងកងទ័ពរដ្ឋាភិបាលមីយ៉ាន់ម៉ា និងក្រុមឧទ្ទាមរបស់មីយ៉ាន់ម៉ា នៅភាគខាងជើងនៃតំបន់ក្បែរព្រំដែនចិន ដែលធ្វើឱ្យប៉ះពាល់សុវត្ថិភាពរបស់ប្រជាជនចិន។

ប្រព័ន្ធផ្សព្វផ្សាយក្នុងស្រុកមីយ៉ាន់ម៉ា ក៏បានឱ្យដឹងទៀតថា ជនជាតិចិនចំនួន ២ នាក់បានបាត់បង់ជីវិត និងមួយចំនួនទៀតបានរងរបួស បន្ទាប់ពីយោធាមីយ៉ាន់ម៉ាបានបាញ់ផ្លោងកាំភ្លើងធំមួយគ្រាប់ទៅលើតំបន់ព្រំដែនចិននិងមីយ៉ាន់ម៉ា។
លោក Wang Wenbin អ្នកនាំពាក្យក្រសួងការបរទេសចិន បាននិយាយថា ទីក្រុងប៉េកាំងនឹងធ្វើអន្តរកម្មយ៉ាងតឹងរ៉ឹងជាមួយភាគីពាក់ព័ន្ធ ក៏ដូចជាកំពុងតាមដានយ៉ាងដិតដល់នូវស្ថានភាពជម្លោះនៅភាគខាងជើងនៃប្រទេសមីយ៉ាន់ម៉ា។

លោក Wang Wenbin ក៏បានសង្កត់ធ្ងន់ដែរថា “បច្ចុប្បន្នប្រទេសចិនបានស្នើឱ្យភាគីពាក់ព័ន្ធក្នុងជម្លោះនៅភាគខាងជើងប្រទេសមីយ៉ាន់ម៉ា បញ្ឈប់ជាបន្ទាន់ និងចាត់វិធានការទប់ស្កាត់រាល់ស្ថានភាពដែលបង្កគ្រោះថ្នាក់ដល់អាយុជីវិត និងទ្រព្យសម្បត្តិរបស់ប្រជាជនចិននៅក្នុងតំបន់ព្រំដែនពិភពលោក”។ ដូច្នេះ ប្រទេសចិននឹងចាត់វិធានការដ៏ចាំបាច់ដើម្បីការពារអាយុជីវិត និងទ្រព្យសម្បត្តិពលរដ្ឋរបស់ខ្លួន។

គួរបញ្ជាក់ដែរថា រដ្ឋ Shan នៅក្នុងប្រទេសមីយ៉ាន់ម៉ាដែលស្ថិតនៅតំបន់ជាប់ព្រំដែនជាមួយប្រទេសចិន គឺជាកន្លែងនៃការប្រយុទ្ធគ្នារវាងកងទ័ពរដ្ឋាភិបាលមីយ៉ាន់ម៉ា និងក្រុមជនជាតិភាគតិចឧទ្ទាម។ តំបន់នេះក៏ជាជម្រករបស់ក្រុមឧទ្ទាម ដែលបានប្រយុទ្ធជាមួយយោធាអស់ជាច្រើនទសវត្សរ៍ ដើម្បីស្វ័យភាព និងការគ្រប់គ្រងធនធានធម្មជាតិ៕

ប្រទេសថៃ ៖ កាលពីថ្ងៃទី៧ ខែវិច្ឆិកា ឆ្នាំ២០២៣ គេសង្កេតឃើញពលរដ្ឋរស់នៅខេត្តពិជិត ប្រទេសថៃ នាំគ្នាយកយានជំនិះទៅចាក់ប្រេងនៅតាមស្ថានីយចាក់ប្រេងនានាតាំងពីព្រឹកព្រលឹម រហូតដល់ប្រេងសរុបប្រមាណជាង១ម៉ឺនលីត្រអស់ពីស្តុក ។ បុគ្គលិកបម្រើការក្នុងស្ថានីយចាក់ប្រេងមួយកន្លែងនិយាយថា ប្រេងសម្រាប់លក់ឱ្យអតិថិជននៅពេលនេះមិនគ្រប់គ្រាន់ទេ ដោយសារអតិថិជនមកចាក់ប្រេងច្រើន ។

ស្ថានការណ៍ដូចគ្នានេះ ក៏បានកើតឡើងនៅស្ថានីយចាក់ប្រេងនៅស្រុកមឿងកំផែងពេជ្រ ផងដែរ ។ អតិថិជននិយាយថា ខ្លួនបានយកម៉ូតូទៅចាក់ប្រេងនៅតាមស្ថានីយចាក់ប្រេងចំនួន៣កន្លែងហើយ ប៉ុន្តែស្ថានីយចាក់ប្រេងទាំងនេះប្រាប់ថា ប្រេងលក់អស់ពីស្តុកហើយ តាំងពីតម្លៃប្រេងធ្លាក់ចុះមក ។

ចំណែកនៅខេត្តពិស្នុលោក បុគ្គលិកធ្វើការនៅក្នុងស្ថានីយចាក់ប្រេងប្រាប់ថា ពេលតម្លៃប្រេងនៅប្រទេសថៃធ្លាក់ចុះបែបនេះ ការទិញប្រេងមកស្តុកទុកនៅស្ថានីយចាក់ប្រេង គឺត្រូវកក់មុនជាច្រើនថ្ងៃ ។ ចំណែកការដឹកជញ្ជូនប្រេងមានសភាពយឺតយ៉ាវ ប៉ុន្តែបុគ្គលិកធ្វើការក្នុងស្ថានីយចាក់ប្រេងរូបនេះជឿថា វានឹងប៉ះពាល់ត្រឹមរយៈពេលខ្លីប៉ុណ្ណោះ ។

ដូចគ្នានេះ នៅខេត្តមហាសារ៉ាខាម ពលរដ្ឋបានយកយានជំនិះរបស់ពួកគេទៅចាក់ប្រេងនៅតាមស្ថានីយចាក់ប្រេងជាច្រើនកន្លែងនៅស្រុកមឿងមហាសារ៉ាខាម រហូតដល់ស្ថានីយចាក់ប្រេងមួយចំនួនបិទស្លាកប្រកាសថា ប្រេងអស់តាំងពីម៉ោង៩ព្រឹកម៉្លេះ ។ ហេតុនេះ អតិថិជនចង់ចាក់ប្រេង ត្រូវរង់ចាំរហូតដល់ពេលល្ងាច ព្រោះស្ថានីយចាក់ប្រេងនឹងដឹកប្រេងមកបំពេញស្តុកនៅម៉ោង៥ល្ងាច ។

ចំណែកនៅទីក្រុងបាងកក អតិថិជនជាច្រើននាក់បានទៅចាក់ប្រេងនៅតាមស្ថានីយចាក់ប្រេងមួយចំនួនតាំងពីព្រលឹម ។ អតិថិជនទាំងនេះប្រាប់ថា វិធានការបញ្ចុះតម្លៃប្រេង បានជួយសម្រាលបន្ទុកដល់ជីវភាពរស់នៅរបស់ពួកគេច្រើន ហើយពួកគេបានសំណូមពរឱ្យរដ្ឋាភិបាលថៃបញ្ចុះតម្លៃប្រេងបែបនេះរហូតតទៅ។

រីឯភាគីពាក់ព័ន្ធបានលើកឡើងពីវិធានការបញ្ចុះតម្លៃប្រេងសាំង ដោយការកាត់បន្ថយពន្ធប្រេងសាំងថា វានឹងប៉ះពាល់ដល់ប្រាក់ចំណូលរបស់រដ្ឋាភិបាលប្រមាណ៩០០លានបាតក្នុង១ខែ ។ ការបញ្ចុះតម្លៃប្រេងលើកនេះនឹងមានរយៈពេល៣ខែ ហើយប្រាក់ចំណូលសរុបរបស់រដ្ឋាភិបាលនឹងបាត់បង់ប្រមាណ២ពាន់៧រយលានបាត ៕ ប្រភព ៖ ThaiPBS North