កាលពីពេលថ្មីៗនេះនៅលើគណនីទិកតុករបស់បុរសវ័យក្មេងម្នាក់ឈ្មោះថា ជុង យាន ជាអតីតជ័យលាភីលំដាប់ទី១ក្នុងកម្មវិធី ROAD 2 THE STAR រដូវកាលទី២ បានបង្ហោះវីដេអូដោយលោកយកដៃទៅស្ទាបក្លៀករបស់ ពេជ្រ សូលីកា រួចហើយក៏យកដៃនោះមកហិត។ សកម្មភាពភាពបែបនេះរបស់អ្នកទាំងពីរធ្វើឱ្យអ្នកលេងបណ្តាញសង្គមបញ្ចេញមតិយ៉ាងច្រើននិងមានការលើកឡើងថា «បុរសពិត លូកស្តាំហិតឆ្វេង» រហូត ពេជ្រ សូលីកា ទ្រាំពុំបានពន្លះទៅវិញតែម្តង។

នៅលើគណនីទិកតុករបស់ ពេជ្រ សូលីកា បានបង្ហោះវីដេអូនិងភ្ជាប់ជាមួយសំណេរថា «ថាមិនចង់លូកដៃទេ ព្រោះវីដេអូផុស FUN FUN ធម្មតាតែឃើញថាមានខម្មិនប្រតិកម្មនឹងដៃឆ្វេង ស្តាំ ច្រើនដែរ បាននៅស្ងៀមមិនបាន។ ចេះតែថីក្នុងខ្លួនស្គាល់ Camera មុខក្រោយអត់? បើស្ទើរទេកុំធ្វើចេះ គេផុសឱ្យមើលហើយ មើលទៅនៅវិភាគច្រើនមេស? បុរសពិត មិនពិត ពាក្យចឹងមនុស្សចេះដឹងគេប្រើមកនិយាយដែរ?»។

មួយរយៈក្រោយនេះអ្នកគាំទ្រសង្កេតឃើញថា តារាចម្រៀង ពេជ្រ សូលីកា និង ជុង យានមានសកម្មភាពស្និទ្ធស្នាលជាមួយគ្នាយ៉ាងខ្លាំងមិនដឹងថាពួកគេទាំងពីរនាក់មានគម្រោងអ្វីថ្មីសម្រាប់អ្នកគាំទ្រឬមានអ្វីលើសពីនេះនោះទេ។

ពេជ្រ សូលីកា បានឃ្លាតឆ្ងាយពីទ្រនំហង្សមាសដោយគេពុំឃើញនាងទម្លាក់បទថ្មីឡើយទំនងនាងជ្រើសរើសផ្លូវឯករាជ្យវិញ។ បើនិយាយពីរឿងបេះដូងវិញចាប់តាំងពីបែកគ្នាជាមួយគូដណ្តឹង ពេជ្រ សូលីកា បានបង្ហាញតម្រុយខ្លះៗថាខ្លួនមានអ្នកស្អំបេះដូងហើយ ប៉ុន្តែនាងមិនទាន់ទម្លាយអត្តសញ្ញាណបុរសរូបនោះនៅឡើយទេ។

តារាចម្រៀងរូបនេះ ធ្លាប់ប្រទះរឿងអាស្រូវធំៗជាច្រើននៅក្នុងជីវិត ប៉ុន្តែនាងនៅតែឈរយ៉ាងរឹងមាំ ព្រោះនាងជាគោលជំហរក្នុងគ្រួសារត្រូវមើលថែកូនប្រុស និងប្អូនស្រី ខណៈកេរ្តិ៍ឈ្មោះសិល្បៈរបស់នាងមិនសូវចោទជាបញ្ហានោះទេ ពោល ពេជ្រ សូលីកា នៅតែមានអ្នកគាំទ្រតាមលើកទឹកចិត្តនិងស្រលាញ់ទឹកដមសំឡេងរបស់នាងដូចដើម៕

https://www.tiktok.com/@pich.solikah/video/7303527678563437842

តារាចម្រៀងល្បីឈ្មោះ ទេព បូព្រឹក្ស បានសម្រេចក្តីស្រមៃរបស់ខ្លួនមានឱកាសច្រៀងរួមគ្នាជាមួយតារាចម្រៀង យក់ ថិតរដ្ឋា ជារៀមច្បងក្នុងអាជីពសិល្បៈហើយក៏ជាអាយដលរបស់នាងតាំងពីខ្លួននៅតូចមកម្ល៉េះ។ ទទួលបានក្តីស្រលាញ់និងការឱ្យតម្លៃពីសិល្បករជំនាន់ក្រោយដូចនេះអ្នកនាង យក់ ថិតរដ្ឋា បានពោលពាក្យនេះទៅកាន់ ទេព បូព្រឹក្ស និង ជី ដេវីត។

ការប្រគំតន្រ្តីរបស់ ទេព បូព្រឹក្ស ដែលប្រព្រឹត្តទៅនៅខេត្តបាត់ដំបងកាលពីថ្ងៃទី១៩ ខែវិច្ឆិកា តារាចម្រៀងរូបនេះបានប្រាប់អ្នកគាំទ្រថា កាលពីខ្លួននៅក្មេងពេលតារាចម្រៀង យក់ ថិតរដ្ឋា ទៅទីណាគឺនាងតាមទៅទីនោះនិងឱ្យម្តាយជូនទៅមើលរហូត ហើយតែងតែមានក្តីស្រមៃ ទោះបីជារាល់ថ្ងៃបាក់ទឹកចិត្តឬគិតថាកន្លែងខ្លះមិនអាចទៅរួចគឺនាងមិនដែលបោះបង់ក្តីស្រមៃនោះចោលទេ។

ទេព បូព្រឹក្ស បានប្រាប់អ្នកគាំទ្ររបស់ខ្លួនទៀតថាកុំបោះបង់ក្តីស្រមៃដូចគ្នា បើសិនជាថ្ងៃមុខចង់បានភាពជោគជ័យដូចពេលនេះជាដើម។ កាលពីមុននាងមានក្តីស្រមៃចង់ច្រៀងលើឆាកជាមួយរៀមច្បង យក់ ថិតរដ្ឋា ទាល់តែបានហើយពេលនេះក្តីស្រមៃរបស់ខ្លួនបានក្លាយជាការពិតដោយសារតែខ្លួនមិនដែលបោះបង់ទោះបីជីវិតរបស់ខ្លួនក្នុងវិថីសិល្បៈជួបបញ្ហាលំបាកខ្លាំងយ៉ាងណាក៏ដោយ។

ក្រោយពីទទួលបានគោរពស្រលាញ់ពីតារាចម្រៀង ទេព បូព្រឹក្ស មកកាន់ខ្លួនអ្នកនាង យក់ ថិតរដ្ឋា ក៏បង្ហាញចំណាប់ដែរថា «បងពិតជារំភើបនិងសប្បាយរីករាយខ្លាំងណាស់ អូន
ទេព បូព្រឹក្ស ហើយក៏អរគុណអូនដែលតែងតែផ្តល់កិត្តិយសនិងក្តីស្រឡាញ់រាប់អានសម្រាប់បងទាំងពីររហូតមកណាប្អូនស្រី N I want to say that’s am really love u n bro Ngoun Chan Davith so much»។ ទន្ទឹមនឹងពាក្យពេចន៍នេះអ្នកនាង យក់ ថិតរដ្ឋា ក៏បានតាំងរូបCoverជាមួយ ទេព បូព្រឹក្ស ផងដែរ។

តារាចម្រៀង យក់ ថិតរដ្ឋា ជាតារាចម្រៀងជើងចាស់មួយរូបនៅក្នុងវិថីសិល្បៈទោះបីជាធ្លាប់ផ្អាកពីអាជីពនេះច្រើនឆ្នាំក្តីប៉ុន្តែតារាចម្រៀងរូបនេះនៅតែវិលមកបំរើការងារនេះវិញដដែល។ ទន្ទឹមនឹងការងារសិល្បៈអ្នកនាង យក់ ថិតរដ្ឋា បច្ចុប្បន្នមានកូនប្រុសស្រី៣នាក់ហើយគ្រួសាររបស់នាងពេញដោយសុភមង្គលពុំដែលមានរឿងអាស្រូវពីជីវិតគូឡើយ៕

កញ្ញា ចន សុទីម៉ា បវរកញ្ញាចក្រវាលកម្ពុជាឆ្នាំ២០២៣ បន្ទាប់ពីបំពេញបេសសកម្មតំណាងប្រទេសលើឆាកអន្តរជាតិរួចត្រូវបានហ្វេនៗជំរុញឱ្យស្រីស្អាតរូបនេះចូលប្រកួតកម្មវិធី Miss Grand Cambodia វិញម្តង។ ឆ្លើយតបជាមួយអ្នកគាំទ្រដោយមិនស្ទាក់ស្ទើរ សុទីម៉ា បាននិយាយថា៩០ភាគរយនាងគ្មានបំណងប្រកួតកម្មវិធីនេះទេដោយសារតែខ្លួនចូលចិត្តកម្មវិធីបែបសង្គមជាង។

តាមរយៈវីដេអូខ្លីដែលបានចែកចាយនៅលើបណ្តាញសង្គមទិកតុក អ្នកគាំទ្ររបស់ ចន សុទីម៉ា បានជំរុញឱ្យនាងចូលប្រកួតកម្មវិធី Miss Grand Cambodia វិញម្តង ដោយបវរកញ្ញារូបនេះបានឆ្លើយតបថា «មិនប្រាកដ ប៉ុន្តែ៩០ភាគរយគឺមិនចូលប្រកួតព្រោះនឿយហត់ណាស់ណាមួយមិនមែនជាកម្មវិធីដែលខ្លួនស្រលាញ់ ខ្លួនមិនពូកែកម្មវិធីទេប៉ុន្តែកម្មវិធីនេះមិនសូវត្រូវជាមួយនាងណាមួយមិនសូវស្រលាញ់»។ ទីម៉ា បាននិយាយថានាងចូលចិត្តបែបធម្មតា ស្រគត់ស្រគុំ និងសង្គមជាង មិនសូវចូលចិត្តកម្មវិធីបែបសប្បាយៗនោះទេ។

ទោះបីជាលើកនេះ ចន សុទីម៉ា បដិសេធមិនចូលប្រកួត Miss Grand ប៉ុន្តែកាលពីឆ្នាំ២០១៧ នាងក៏ធ្លាប់បានប្រកួតកម្មវិធីនេះផងដែរព្រមទាំងបានជាប់លំដាប់រងទី២។ អាចថានេះជាបទពិសោធដែលខ្លួនធ្លាប់បានប្រកួតហើយទើប ទីម៉ា និយាយថាកម្មវិធីនេះមិនត្រូវជាមួយខ្លួន។ ទន្ទឹមនឹងនេះ មុននឹងបានមកុដ Miss Universe Cambodia2023 ទីម៉ា បានប្រកួត Miss Universe Cambodia 2019 ដោយជាប់លំដាប់រងទី២ និងបានទៅប្រកួតនៅលើឆាកអន្តរជាតិ Miss Tourism International 2019 ជាប់TOP5ផងដែរ។

គូសបញ្ជាក់ថា ចន សុទីម៉ា បានតំណាងកម្ពុជាចូលប្រកួត Miss Universe លើកទី៧២ លើទឹកដី El Salvador ដែលទើបបញ្ចប់មកថ្មីៗនេះទោះបីជាលទ្ធផលរបស់នាងមិនបានចូលTOPនៅក្នុងកម្មវិធីក្តី ប៉ុន្តែអ្នកគាំទ្រនៅតែពេញចិត្តនិងមានមោទនភាពចំពោះសមត្ថភាពរបស់ ចន សុទីម៉ា ក្នុងការតំណាងឱ្យកម្ពុជាឈរលើឆាកដ៏អស្ចារ្យក្នុងចំណោមបវរកញ្ញាមកពីជាង៨០ប្រទេស៕