អ្នកលេងបណ្តាញសង្គមនិងជាអ្នកគាំទ្របានបង្ហាញការតក់ស្លុតនិងព្រួយបារម្ភយ៉ាងខ្លាំងក្រោយពីឃើញស្រីស្អាត Jane តារាចម្រៀងរបស់ 3F Music ថតខុសបច្ចេកទេសត្រូវភ្លើងឆេះសំលៀកបំពាក់ដោយគេមិនទាន់ដឹងច្បាស់ថាឧបទ្ទវហេតុនេះបណ្តាលឱ្យរាងកាយតារាចម្រៀងរូបនេះរងរបួសកម្រិតណាទេ។

នៅថ្ងៃទី៥ មករា នេះមានការផ្ទុះការភ្ញាក់ផ្អើលយ៉ាងខ្លាំងដោយក្តីតក់ស្លុតបន្ទាប់ពីឃើញវីដេអូសកម្មភាពក្រៅឆាកពីការផលិតបទចម្រៀងថ្មីរបស់ Jane ជួបឧបទ្ទវហេតុនឹកស្មានមិនដល់។ នៅក្នុងវីដេអូដែលបានចែកចាយលើបណ្តាញសង្គមគេបានឃើញ Jane ម្ចាស់បទ «ថ្នាក់រៀនជាប់គ្នា» កំពុងតែថតបទថ្មីជូនកាដូដើមឆ្នាំដល់អ្នកគាំទ្រក្នុងខែមករា ប៉ុន្តែដោយសារតែការថតខុសបច្ចេកទេសបណ្តាលឱ្យមានភ្លើងឆាបឆេះសំលៀកបំពាក់នាំឱ្យកើតចលាចលពេញស្ទូឌីយ៉ូថត។

ក្នុងវីដេអូខ្លីនេះធ្វើឱ្យអ្នកឱ្យគាំទ្រព្រួយបារម្ភសុខភាពរបស់ Jane យ៉ាងខ្លាំងមិនដឹងថាភ្លើងឆេះនេះបណ្តាលឱ្យនាងរងរបួសលើរាងកាយឬអត់នោះទេ ដោយអ្នកគាំទ្រសង្ឃឹមថានាងមិនកើតអីធ្ងន់ធ្ងរទៅចុះ។

គួរបញ្ជាក់ផងដែរថា Jane ធ្លាប់បានច្រៀងជាមួយរៀមច្បង ពេជ្រ សូលីកា និង នីកូ តាមរយៈបទចម្រៀង «អ្នកចម្បាំងក្រុងអង្គរ» ខណៈរូបនាងមានបទចម្រៀងផ្ទាល់ខ្លួនដូចជា លើសជំហ៊ាន, ថាមែនៗ និងបទដែលទទួលបានការគាំទ្រខ្លាំងជាងគេមានចំណងជើងថា «ថ្នាក់រៀនក្បែរគ្នា»៕

https://www.tiktok.com/@bravidz/video/7320457358847659272?_r=1&_t=8ilxtvpQBxC

ពេជ្រ វត្តីសារ៉ាវឌ្ឍី បវរកញ្ញាដ៏មានប្រជាប្រិយភាពទាំងក្នុងនិងក្រៅប្រទេសបន្ទាប់ពីមមាញឹកការងារសិល្បៈមួយរយៈ ដើមឆ្នាំ២០២៤នេះ ពេជ្រ វត្តីសារ៉ាវឌ្ឍី ត្រៀមបើកសាលាបង្រៀនដើរម៉ូតតាមបែប Fashion និង បវរកញ្ញា ព្រមទាំងបង្ហាត់នូវគន្លឹះជាច្រើនទៀត។ នេះគឺជាក្តីស្រមៃមួយក្នុងជីវិតរបស់នាង ខណៈគ្រាន់តែបង្ហើបដំណឹងនេះហ្វេនៗជាច្រើនបានបង្ហាញចំណាប់អារម្មណ៍ចង់ចូលរួមយ៉ាងខ្លាំង។

សម្រាប់វិស័យបវរកញ្ញា ពេជ្រ វត្តីសារ៉ាវឌ្ឍី បានជ្រោមជ្រែងមុខមាត់កម្ពុជាយ៉ាងខ្លាំងធ្វើឱ្យវិស័យមួយនេះកាន់តែទទួលបានការចាប់អារម្មណ៍បន្ថែមទៀតព្រោះវិស័យបវរកញ្ញានៅកម្ពុជានៅមានកម្រិតនៅឡើយ។ ក្រោយ ពេជ្រ វត្តីសារ៉ាវឌ្ឍី ទទួលបានចំណាត់ល្អគួរសមនៅលើឆាកអន្តរជាតិគួបផ្សំនិងអត្តចរិតមានភាពរួសរាយទៅកាន់អ្នកជុំវិញខ្លួនរូបនាងមានការស្រលាញ់ចូលចិត្តពីបវរកញ្ញាផ្សេងៗទៀតជាច្រើនមានទាំងហ្វេនជាតិនិងអន្តរជាតិយ៉ាងសន្ធឹកសន្ធាប់ រួមទាំងការងារនៅប្រទេសជារឿយៗទាំងជាបវរកញ្ញាកិត្តិយស និងជាពិធីការិនីជាដើម។

កេរ្តិ៍ឈ្មោះកាន់តែរីកសុះសាយ លេចមុខជាតួឯកក្នុងខ្សែភាពយន្តខ្នាតធំផង ជាទូតសុឆន្ទៈផង និងកម្មវិធីនានាជាច្រើនទៀតនាដើមឆ្នាំ២០២៤នេះក៏មានដំណឹងថា ពេជ្រ វត្តីសារ៉ាវឌ្ឍី ត្រៀមបើកសាលាបង្រៀនដើរម៉ូតផងដែរ។ តាមរយៈផេកអ្នកគាំទ្រវិស័យបវរកញ្ញាមួយនិងមានភាពជិតដិតជាមួយបវរកញ្ញារូបនេះផ្ទាល់បានបង្ហើបប្រាប់អ្នកគាំទ្រថា «បើកក្បាលឆ្នាំ២០២៤ ពេជ្រ វត្តីសារ៉ាវឌ្ឍី ត្រៀមបើកសាលាបង្ហាត់បង្រៀនដើរម៉ូតបែប Fashion – បវរកញ្ញា និងគន្លឹះជាច្រើនពាក់ព័ន្ធជាមួយវិស័យម៉ូឌែល ការថតរូប កាច់ស្ទាយ ជាច្រើនទៀត ហើយ ពេជ្រ វត្តីសារ៉ាវឌ្ឍី នឹងមកបង្រៀនអ្នកពីបទពិសោធន៍នៃការពិតក្នុងវិស័យមួយនេះដែលអ្នកមិនធ្លាប់ដឹង»។

គួរបញ្ជាក់ផងដែរថា ពេជ្រ វត្តីសារ៉ាវឌ្ឍី គឺជា Miss Grand Cambodia 2022 និងជាលំដាប់រងទី៥ Miss Grand International 2022 មុនក្លាយជាម្ចាស់មកុដក្នុងស្រុកកម្មវិធីនេះ ពេជ្រ វត្តីសារ៉ាវឌ្ឍី បានជាប់លំដាប់រងទី១ កម្មវិធី Miss Cambodia 2020។ កាលពីចុងខែធ្នូ បវរកញ្ញាមានប្រជាប្រិយភាពរូបនេះបាន បង្ហើបថា៣ទៅ៤ឆ្នាំទៀតនាងនឹងចូលប្រកួតវិស័យនេះម្តងទៀត ខណៈនាងនឹងពង្រឹងសមត្ថភាពឱ្យខ្លាំងជាងនេះហើយប្រកួតដណ្តើមយកមកុដតែម្តង៕

នៅក្នុងកម្មវិធីប្រគំតន្រ្តីមួយតារាចម្រៀង លីម តិចម៉េង ម្ចាស់ពាន Cambodian Idol រដូវកាលទី៤ បានជ្រើសបទចម្រៀងរបស់កំពូលតារាចម្រៀងរ៉េប វណ្ណដា មានចំណងជើងថា «Solo Again » មកអង្រួនឆាកយ៉ាងកក្រើក ធ្វើឱ្យហ្វេនៗសរសើរយ៉ាងច្រើន។ ទោះយ៉ាងណា ទន្ទឹមនឹងការសរសើរស្រាប់តែមានអ្នកលេងបណ្តាញសង្គមម្នាក់ចេញមករិះគន់ លីម តិចម៉េង ថាជាម្ចាស់ពានគួរបង្កើតស្នាដៃខ្លួនឯងឃើញតែយកបទគេមកច្រៀងដោយរូបគេអះអាងថាជាការរិះគន់បែបស្ថាបនា។

ជឿជាក់ថាទស្សនិកជនមួយចំនួនធំប្រាកដជាស្គាល់បទចម្រៀងរបស់ វណ្ណដា មួយបទមានចំណងជើងថា «Solo Again » ដែលតារាចម្រៀងរូបនេះបានទម្លាក់កាលពីថ្ងៃទី១ ខែមករា ឆ្នាំ២០២២ ដែលទទួលបានការគាំទ្រយ៉ាងខ្លាំងពីសំណាក់មិត្តយុវវ័យខណៈមកទល់ពេលនេះបទនេះមានការចូលស្តាប់ជាង៣៩លានដងហើយ។
ដោយឡែកថ្មីៗនេះនៅក្នុងកម្មវិធីប្រគំតន្រ្តីភេសជ្ជៈមួយ លីម តិចម៉េង ដែលជាតារាចម្រៀង ក្នុងទ្រនំហង្សមាសនិងជាម្ចាស់ពានកម្មវិធីលំដាប់ថ្នាក់ពិភពលោកមួយរូបបានយកបទ «Solo Again » របស់ វណ្ណដា មកបកស្រាយយ៉ាងពីរោះជក់ចិត្តមានការសរសើរយ៉ាងច្រើនពីទស្សនិកជន និងមានការចែករំលែកយ៉ាងច្រើនទាំងនៅលើបណ្តាញសង្គមហ្វេកប៊ុក និងទិកតុក។

ទោះយ៉ាងណាទន្ទឹមនឹងការកោតសរសើរច្រៀងបទរបស់រៀមច្បងនោះកំលោះតូច លីម តិចម៉េង ក៏រងនូរការរិះគន់ពីអ្នកលេងបណ្តាញសង្គមមួយចំនួន ប៉ុន្តែហ្វេនៗរបស់លោកក៏បានបកស្រាយនិងតតាំងជំនួសវិញ។ គណនីទិកតុកមួយឈ្មោះថា «ChaNa Gameming» បានខម្មិនដាក់ លីម តិចម៉េង ថា«ពីរោះតែគួតែបង្កើតអ្វីដែលជាស្នាដៃខ្លួនឯងខ្លះទៅជាម្ចាស់ពានតែឃើញយកតែបទគេមកច្រៀងរហូត(សុំទោសផងបាទខ្ញុំគ្រាន់តែរិះគន់ដើម្បីស្ថាបនាទេ)»។ ការរិះគន់នេះដែរ ហ្វេនៗរបស់ លីម តិចម៉េង ក៏បានចូលទៅឆ្លើយតបវិញថា ជាConcept របស់កម្មវិធីគេទេដោយពួកគេបានបញ្ចេញមតិជាច្រើនទៀតថា អ្នករិះគន់គួរបើកចិត្តឱ្យទូលាយវិញ ព្រោះសូម្បី សួស វីសា ក៏នៅច្រៀងបទ អ៊ីវ៉ា ដែរ ព្រមទាំងមានការលើកឡើងទៀតថា ជាការស្រលាញ់របស់ តិចម៉េង ទៅលើ វណ្ណដា ប៉ុណ្ណោះកុំមានការរិះគន់បែបនេះទៀត។

គេចាំបានដែរថា កាលពីថ្ងៃទី៥ ឧសភា ឆ្នាំ២០២៣ ក្នុងកម្មវិធីប្រកាសបើកព្រឹត្តិការណ៍កីឡាអាស៊ីអាគ្នេយ៍លើកទី៣២នៅពហុកីឡដ្ឋានជាតិមរតកតេជោ តារាចម្រៀង លីម តិចម៉េង ក៏បានថតរូបជាមួយរៀមច្បង វណ្ណដា និងបង្ហោះនៅលើបណ្តាញសង្គមផងដែរ ដែលអាចបញ្ជាក់ថា តិចម៉េង មានការគោរពស្រលាញ់ វណ្ណដា ក៏ដូចជារៀមច្បងដទៃទៀតក្នុងអាជីពសិល្បៈ ដូចនេះការដែល តិចម៉េង យកបទចម្រៀងរបស់រៀមច្បងមកច្រៀងនោះគ្រាន់តែជាការស្រលាញ់ចូលចិត្តរបស់គេប៉ុណ្ណោះ៕