នៅថ្ងៃទី៨ ខែកុម្ភៈ ឆ្នាំ២០២៤ មានសេចក្តីរាយការណ៍ថាបណ្តឹងមួយត្រូវបានប្តឹង Han Seo Hee អតីតអ្នកហ្វឹកហាត់តារាK-Pop ពីបទបរិហារកេរ្តិ៍ និងបង្កាច់បង្ខូច Ahn Hyo Seop ក្នុងចំណោមបទចោទប្រកាន់ផ្សេងទៀត។ មេធាវីរបស់តួឯកប្រុស Business Proposal អះអាងថា សាររបស់ Han Seo Hee បានធ្វើឱ្យខូចកេរ្តិ៍ឈ្មោះរបស់ Ahn Hyo Seop តាមរយៈការចែករំលែកការសន្ទនាដែលមានអត្ថន័យចង់បបួលគ្នាឡើងសណ្ឋាគារចំណាយពេល១យប់ជាមួយគ្នា។
កាលពីចុងខែមករា Kakaotalk បានបង្ហាញការសន្ទនាដោយ Han So Hee បានសុំ Ahn Hyo Seop មកសណ្ឋាគារមួយ ហើយចំណាយពេលមួយយប់ជាមួយនាង។ អ្នកនិយមលេងអ៊ីនធឺណិតបានចង្អុលបង្ហាញថា Han Seo Hee បានបង្ហោះរូបភាពនៅទីតាំងមួយនៅថ្ងៃតែមួយដូចដែលសារនោះបានបែកធ្លាយ។ ទោះជាយ៉ាងណាក៏ដោយ Han Seo Hee បានបំភ្លឺថាការសន្ទនាដែលបែកធ្លាយនោះត្រូវបានគេប្រឌិត។ រឿងនេះអតីតអ្នកហ្វឹកហាត់តារាK-Pop រូបនេះ ក៏រងការរិះគន់ដូចគ្នាព្រោះនាងធ្វើឱ្យ Ahn Hyo Seop ស្អុយឈ្មោះដោយសារតែតារាប្រុសរូបនេះល្បីល្បាញដូច្នេះសារនោះបានរីករាលដាលខយ៉ាងខ្លាំងនៅលើប្រព័ន្ធអ៊ឺនធឺណិត។
នេះមិនមែនជាលើកទីមួយទេ Han Seo Hee អូសទាញអ្នកល្បីល្បាញបង្កឱ្យមានរឿងអាស្រូវផ្សេងៗ ។ Han Seo Hee គឺជាអតីតអ្នកហ្វឹកហាត់ K-Pop ដែលសម្បូររឿងអាស្រូវមិនល្អមាន ប្រវត្តិប្រើប្រាស់ទំនាក់ទំនងភាពជាតារារបស់នាងដើម្បីទាក់ទាញតារាល្បីៗផ្សេងទៀតក្នុងភាពចម្រូងចម្រាស។ Han Seo Hee ត្រូវបានដោះលែងពីពន្ធនាគារកាលពីខែវិច្ឆិកា ឆ្នាំ២០២៣ ពីបទល្មើសពាក់ព័ន្ធនឹងសារធាតុហាមឃាត់៕
