កម្លាំងការិយាល័យនគរបាលប្រឆាំងបទល្មើសសេដ្ឋកិច្ច សហការជាមួយ ក.ប.ប រាជធានីភ្នំពេញ ធ្វើការបង្ក្រាប ស្លាបមាន់ ខូចគុណភាព ចំនួន២០០កេស ស្មើនឹង ២,០០០គីឡូក្រាម យកទៅដុតកម្ទេចចោល។

ស្លាបមាន់ ខូចគុណភាព ២តោននេះ គ្មានឯកសារបញ្ជាក់ពីប្រភពច្បាស់លាល់ និងមិនអនុលោមភាពផ្នែកបទដ្ឋានព័ត៌មានលក្ខខ័ណ្ឌតម្រូវម្ហូបអាហារ ដែលធ្វើឱ្យប៉ះពាល់ដល់សុខភាពប្រជាពលរដ្ឋជាអ្នកប្រើប្រាស់។

ការនាំចូលស្លាបមាន់ ខូចគុណភាពទាំងនេះ ត្រូវបានឈ្មួញដឹកតាមរថយន្តម៉ាក Ssang Young ពណ៌លឿន ពាក់ផ្លាកលេខ ភ្នំពេញ 2AM-9042 មកពីប្រទេសវៀតណាម មកចែកចាយនៅរាជធានីភ្នំពេញ។

បច្ចុប្បន្នកម្លាំងការិយាល័យនគរបាលប្រឆាំងបទល្មើសសេដ្ឋកិច្ច និង ក.ប.ប. រាជធានីភ្នំពេញ បានយកទៅបំផ្លាញចោលតាមនីតិវិធី៕

អ្នកស្រាវជ្រាវម្នាក់ឈ្មោះ Alice E. Ellie មកពីសាកលវិទ្យាល័យ Drexel សហរដ្ឋអាមេរិក បានធ្វើការស្រាវជ្រាវមួយពាក់ព័ន្ធនឹងការស្រេកឃ្លាន និងភាពរ៉ូមេនទិករបស់មនុស្សស្រី ។ អ្នកស្រាវជ្រាវរូបនេះបានឱ្យមនុស្សស្រីមើលរូបភាពរ៉ូមេនទិក និងរូបភាពទូទៅ ខណៈពួកនាងពុំទាន់បរិភោគអ្វីសោះចូលក្នុងពោះ ។ បន្ទាប់មក ឱ្យពួកនាងមើលរូបភាពទាំងនេះម្តងទៀត ក្រោយពេលពួកនាងបានបរិភោគអាហារឆ្អែតហើយ ។

គេបានពិនិត្យមើលអាកប្បកិរិយារបស់ស្រីៗទាំងនេះនៅមុនពេល និងក្រោយពេលបរិភោគអាហាររួច តាមរយៈការស្កេនបែប MRI បង្ហាញថា ពួកនាងមានអារម្មណ៍រ៉ូមេនទិកទៅលើរូបភាពបានយ៉ាងល្អ នៅពេលពួកនាងបរិភោគអាហារឆ្អែតតឹងពោះ ។ បើនិយាយឱ្យងាយស្រួលយល់ គឺបើមានអារម្មណ៍ឃ្លាន ពួកនាងនឹងផ្តោតទៅលើរឿងស៊ីចុកច្រើនជាងរឿងផ្សេងទៀត ។ ហេតុនេះ ក្រោយពេលបរិភោគអាហារឆ្អែតនឹងធ្វើឱ្យខួរក្បាលរបស់មនុស្សស្រីគិតរឿងផ្សេងទៀត ។

*អាហារមានរសជាតិផ្អែមផ្តល់ឥទ្ធិពលដល់ភាពរ៉ូមេនទិក ៖
អាហារមានរសជាតិផ្អែមបានផ្តល់ផលល្អសម្រាប់ទំនាក់ទំនងទូទៅ ហើយបើបានបរិភោគអាហាររសជាតិផ្អែម វានឹងធ្វើឱ្យមនុស្សយើងនិយាយស្តីផ្អែមល្ហែមច្រើនជាងការបរិភោគអាហារទូទៅ ។ មនុស្សស្រីភាគច្រើននឹងមានភាពទន់ភ្លន់ជាមួយអ្នកនិយាយផ្អែមដាក់នាងក្នុងអំឡុងពេលទទួលទានអាហារ ។ ហេតុនេះ ភាពផ្អែមល្ហែមអាចធ្វើឱ្យទំនាក់ទំនងកាន់តែជិតស្និទ្ធមួយកម្រិតទៀត ។

លើសពីនេះ ប្រសិនបើការទទួលទានអាហារនោះមានការបញ្ចុកអាហារគ្នាទៅវិញទៅមក ឬភាគីម្ខាងបានចម្អិនអាហារដោយផ្ទាល់ដៃឱ្យភាគីម្ខាងទៀតទទួលទាន វានឹងអាចបង្កើតភាពរ៉ូមេនទិក ឬមនោសញ្ចេតនាឱ្យគ្នាទៅវិញទៅមកកាន់តែខ្លាំង ហើយបង្ហាញឱ្យឃើញថា ភាគីម្ខាងទៀតមានសារៈសំខាន់ខ្លាំងកម្រិតណា ។

ក្រៅពីការបរិភោគឆ្អែត និងរសជាតិអាហារហើយ យើងត្រូវគិតដល់រឿងមួយទៀតផងដែរ គឺការយកចិត្តទុកដាក់ និងរក្សាទំនាក់ទំនងឱ្យបានល្អ ដោយការបន្ថែមភាពផ្អែមល្ហែមឱ្យគ្នាទៅវិញទៅមក វានឹងធ្វើឱ្យទំនាក់ទំនងនេះនៅគង់វង្ស ៕

រដ្ឋមន្ត្រីក្រសួងមុខងារសាធារណៈ ឯកឧត្ដម ហ៊ុន ម៉ានី ត្រូវបានរដ្ឋសភាបោះឆ្នោតផ្តល់សេចក្តីទុកចិត្តលើការតែងតាំងបន្ថែមជាឧបនាយករដ្ឋមន្ត្រី នេះបើយោងតាមខ្លឹមសារបង្ហោះនៅលើទំព័រហ្វេសប៊ុក របស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា។

តាមសេចក្តីសម្រេចរបស់គណៈកម្មាធិការអចិន្រ្តៃយ៍រដ្ឋសភា សម័យប្រជុំរដ្ឋសភាជាវិសាមញ្ញនីតិកាលទី ៧ នាព្រឹកថ្ងៃទី ២១ ខែកុម្ភៈខាងមុខនេះ មានរបៀបវារៈតែមួយ គឺការបោះឆ្នោតផ្តល់សេចក្តីទុកចិត្តលើការតែងតាំង បំពេញបន្ថែមសមាសភាពរាជរដ្ឋាភិបាលចំនួន ៣រូបមាន៖

• ឯកឧត្តម ហ៊ុន ម៉ានី ជាឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ
• លោក ស៊្រី ថាមរុង្គ ជាទេសរដ្ឋមន្ត្រី ទទួលបន្ទុកបេសកកម្មពិសេស
• លោក ប៉ែន វិបុល ជាទេសរដ្ឋមន្ត្រី ទទួលបន្ទុកបេសកកម្មពិសេស

កិច្ចប្រជុំគណៈកម្មាធិការអចិន្រ្តៃយ៍រដ្ឋសភា កាលពីព្រឹកថ្ងៃទី ១៥ ខែកុម្ភៈ ឆ្នាំ ២០២៤នេះ ក៏បានអនុម័តទទួលយកសេចក្តីព្រាងច្បាប់ ស្តីពី ការដឹកជញ្ជួនតាមផ្លូវទឹក និងសេចក្តីព្រាងច្បាប់ ស្តីពី ការអនុម័តយល់ព្រមលើពិធីសារសម្រាប់ធ្វើវិសោធនកម្មកិច្ចព្រមព្រៀងម៉ារ៉ាកេស ស្តីពី ការបង្កើតអង្គការពាណិជ្ជកម្មពិភពលោក ដើម្បីបញ្ចូលកិច្ចព្រមព្រៀង ស្តីពី ការឧបត្ថម្ភធនជលផល តាមសំណើរបស់រាជរដ្ឋាភិបាល មកប្រគល់ជូនគណៈកម្មការជំនាញរដ្ឋសភាពិនិត្យ សិក្សា ហើយធ្វើរបាយការណ៍ជូនគណៈកម្មាធិការអចិន្រ្តៃយ៍រដ្ឋសភា វិញដែរ៕

ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ អគ្គនាយកដ្ឋានបច្ចេកវិទ្យាឌីជីថលនិងផ្សព្វផ្សាយអប់រំ បានធ្វើការស្រាវជ្រាវស៊ើបអង្កេត រហូតឈានដល់ការកំណត់អត្តសញ្ញាណម្ចាស់គណនីហ្វេសប៊ុកមួយឈ្មោះ”វិញ្ញាសាត្រៀមប្រឡងសញ្ញាបត្រមធ្យមសិក្សាទុតិយភូមិ” ដែលបានផ្សព្វផ្សាយព័ត៌មានធ្វើឱ្យប៉ះពាល់ដល់ដំណើរការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៣។

ម្ចាស់គណនីហ្វេសប៊ុកនោះ បានសារភាពថា ខ្លួនពិតជាបានផ្សព្វផ្សាយរូបភាពវិញ្ញាសាប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៦ វិច្ឆិកា ២០២៣ លើទំព័រហ្វេសប៊ុកឈ្មោះ “វិញ្ញាសាត្រៀមប្រឡងសញ្ញាបត្រមធ្យមសិក្សាទុតិយភូមិ” ពិតមែន ហើយរាល់ឯកសារដែលបានយកផ្សព្វផ្សាយនោះខ្លួន ទទួលបានពីប្រភពមិនច្បាស់ដែលបានចែកចាយលើប្រព័ន្ធបណ្តាញទំនាក់ទំនងសង្គម។

បុគ្គលរូបនេះបានសារភាពបន្ថែមថា៖” រាល់ការបង្ហោះឯកសារពាក់ព័ន្ធខាងលើ ខ្លួនមានចេតនាប្រើប្រាស់ទាញយកប្រជាប្រិយភាពមកលើទំព័រហ្វេសប៊ុក “វិញ្ញាសាត្រៀមប្រឡងសញ្ញាបត្រមធ្យមសិក្សាទុតិយភូមិ” របស់ខ្លួន ឱ្យសាធារណជនកាន់តែមានការចាប់អារម្មណ៍ច្រើនឡើង ទុកសម្រាប់ប្រើប្រាស់បង្កើនចំណូលតាមរយៈការធ្វើអាជីវកម្មលក់សៀវភៅ និងកំណែវិញ្ញាមុខវិជ្ជាសិក្សាផ្សេងៗដែលខ្លួនដាក់លក់លើទំព័រហ្វេសប៊ុកខាងលើនេះ”។

ក្រោយពីបានសាកសួរបំភ្លឺ បុគ្គលរូបនេះ បានទទួលស្គាល់នូវកំហុស ធ្វើកិច្ចសន្យាជាលាយលក្ខណ៍អក្សរ និងបានថតវីដេអូឃ្លិបសុំទោសក្រសួងអប់រំ យុវជន និងកីឡា នៅចំពោះមន្ត្រីនគរបាលយុត្តិធម៌ចំពោះកំហុសដែលខ្លួនបានប្រព្រឹត្តកន្លងមក៕