បរទេស៖ បច្ចេកវិទ្យា Invisibility Shield អាចធ្វើឱ្យមនុស្សបាត់ខ្លួននៅពេលដែលពួកគេឈរពីក្រោយឧបករណ៍ដ៏ទំនើបនេះ។
កាលពីថ្ងៃទី៣០ ខែមីនា ឆ្នាំ២០២៤ យោងតាម Design Boom បានឱ្យដឹងថា ប្រទេសអង់គ្លេសគ្រោងនឹងផលិតបច្ចេកវិទ្យាពិសេសមួយដែលអាចបំបាំងកាយបាន ដែលវាគឺជាសន្លឹកថ្លាអាចមើលឃើញទិដ្ឋភាពជុំវិញដោយមិនឃើញមនុស្ស នៅពេលដែលមនុស្សឈរពីក្រោយរបាំងនេះ។ បច្ចេកវិទ្យា Invisibility Shield ផលិតឡើងដោយសារធាតុប៉ូលីកាបូណាតថ្លាដែលអាចដាក់បញ្ឈរបានដោយប្រើស៊ុមប៉ូលីកាបូណាតនៅខាងក្រោយ។ ស៊េរីនៃកញ្ចក់ស្តើង និងខ្ពស់ត្រូវបានបិទភ្ជាប់នៅខាងក្នុងកញ្ចក់នីមួយៗដំណើរការពីកំពូលទៅបាតនៃប្រឡោះ។

នៅពេលដែលអ្នកប្រើប្រាស់ឈរ ឬលាក់ខ្លួននៅពីក្រោយឧបករណ៍ កញ្ចក់នឹងបញ្ចេញពន្លឺដែលមានសមត្ថភាពបិទបាំងមនុស្សយ៉ាងល្អឥតខ្ចោះ ដោយឆ្លុះបញ្ចាំងឱ្យឃើញតែទេសភាពជុំវិញប៉ុណ្ណោះ។ ក្នុងពេលជាមួយគ្នានេះ កែវថតក៏បញ្ចេញពន្លឺដែលឆ្លុះបញ្ចាំងពីទិដ្ឋភាពផ្ទៃខាងក្រោយផងដែរ ដោយសារតែអ្នកប្រើប្រាស់មានទំហំតូចជាងផ្ទៃខាងក្រោយ ពន្លឺចេញពីរាងកាយរបស់ពួកគេនឹងត្រូវលិចលង់ដោយពន្លឺពីផ្ទៃខាងក្រោយ។ ជាលទ្ធផល នៅពេលដែលនរណាម្នាក់មើលខែលពីខាងមុខ ពួកគេនឹងឃើញតែពន្លឺផ្ទៃខាងក្រោយដែលសាយភាយនិងលាយឡំទៅក្នុងទិដ្ឋភាពជុំវិញប៉ុណ្ណោះ។

ខែលដំណើរការបានល្អបំផុតនៅពេលដែលអ្នកប្រើស្លៀកសម្លៀកបំពាក់ពណ៌ស្រាល ទោះអ្នកសង្កេតការណ៍ឈរនៅឆ្ងាយប៉ុណ្ណាក៏ដោយ ក៏ឥទ្ធិពលនៅដដែល។ ខែលដែលមើលមិនឃើញមានកម្មវិធីជាច្រើនដូចជាការលាក់មនុស្សឬវត្ថុសម្រាប់ការកម្សាន្តឬសង្កេតមើលសត្វព្រៃ។ ប្រឡោះទំហំពេញមានកម្ពស់ ៩៩ម និងទទឹង ៦៩ម ខណៈមេហ្គាសៀ មានទំហំ ១៨៣ x ១២២ ស.ម. ប្រភេទតូចបំផុតគឺ Mini ទំហំ ៣០.៥ x ២០ សង់ទីម៉ែត្រ សមរម្យសម្រាប់លាក់វត្ថុតូចៗនៅលើតុ។

ម៉ូដែលទាំងបីគឺប្រើប្រាស់បានយូរ ទម្ងន់ស្រាល និងងាយស្រួលដឹកជញ្ជូនជាងកំណែដើម។ លើសពីនេះ ពួកវាមិនជ្រាបទឹកយ៉ាងពេញលេញ មិនត្រូវការថ្ម និងត្រូវបានផលិតចេញពីវត្ថុធាតុកែច្នៃ ១០០% ។ នេះជាលទ្ធផលបន្ទាប់ពីក្រុមស្រាវជ្រាវជាង ៤ ឆ្នាំផ្តោតលើការកែលម្អបច្ចេកវិទ្យាអុបទិកដើម្បីធ្វើឱ្យមនុស្ស និងវត្ថុមើលមិនឃើញនៅពេលថ្ងៃភ្លឺ ដូច្នេះផលិតផលបច្ចេកដ៏ទំនើបនេះនឹងដាក់បង្ហាញជាផ្លូវការនៅប្រទេសអង់គ្លេសក្នុងពេលឆាប់ៗនេះ៕

សហរដ្ឋអាមេរិក៖ គម្របសៀវភៅធ្វើពីស្បែក.មនុស្សក្នុងសតវត្សទី ១៩ ដែលរក្សាទុកក្នុងបណ្ណាល័យ Harvard អស់រយៈពេលជាច្រើនឆ្នាំ ឥឡូវនេះត្រូវបានគេដកចេញពីបណ្ណាល័យដើម្បីធ្វើការគោរពបូជា។
នៅថ្ងៃទី៣០ ខែមីនា ឆ្នាំ២០២៤ សាកលវិទ្យាល័យ Harvard ទើបតែប្រកាសដកគម្របសៀវភៅដែលធ្វើពីស្បែកមនុស្សចេញ បន្ទាប់ពីរក្សាទុកសៀវភៅនេះក្នុងបណ្ណាល័យអស់រយៈពេលជាច្រើនឆ្នាំ ដោយសៀវភៅនោះមានឈ្មោះថា Des Destinées de l’Ame (Destinies of the Soul)។

Destinies of the Soul គឺជាសៀវភៅដែលមានប្រវត្តិដ៏អាក្រក់បំផុតក្នុងចំណោមសៀវភៅប្រហែល ២០ លានក្បាលនៅក្នុងបណ្ណាល័យរបស់សាកលវិទ្យាល័យ Harvard ។ សៀវភៅនេះត្រូវបានដាក់តាំងក្នុងទសវត្សរ៍ឆ្នាំ ១៩៣០ ដែលនិយាយពីការតាំងសមាធិលើព្រលឹង និងជីវិតបន្ទាប់បន្សំ ដែលនិពន្ធដោយលោក Arsène Houssaye នៅពាក់កណ្តាលទសវត្សរ៍ឆ្នាំ ១៨៨០។ អ្នកនិពន្ធ Arsène Houssaye ត្រូវបានគេដឹងថា ដំបូងឡើយ គាត់បានផ្តល់អំណោយសៀវភៅធ្វើពីស្បែកមនុស្សនេះទៅឱ្យមិត្តរបស់គាត់គឺវេជ្ជបណ្ឌិត Ludovic Bouland ដោយសៀវភៅនេះផលិតពីរាងកាយរបស់អ្នកជំងឺស្រីមិនស្គាល់អត្តសញ្ញាណម្នាក់ដែលបានទទួលមរណភាពដោយមូលហេតុធម្មជាតិ។

បន្ទាប់មកលោកវេជ្ជបណ្ឌិតក៏បានយកសៀវភៅនេះទៅឱ្យសាកលវិទ្យាល័យ Harvard ដើម្បីដាក់តាំងក្នុងបណ្តាល័យ។ ទោះជាយ៉ាងណា បន្ទាប់ពីដាក់បង្ហាញអស់រយៈពេលជាច្រើនឆ្នាំសៀវភៅធ្វើពីស្បែកមនុស្សក៏ត្រូវបានដកចេញពីបណ្ណាល័យ ដោយសារក្រុមអ្នកកាសែត Needham បានអះអាងថា បណ្ណាល័យ Harvard បានគ្រប់គ្រងសៀវភៅនេះ យ៉ាងព្រៃផ្សៃ ជាការតាំងពិពណ៌ដែលទាក់ទាញចំណាប់អារម្មណ៍ នេះហាក់ដូចជាកំពុងបំពាន និងមើលងាយជនរងគ្រោះ។ មិនយូរប៉ុន្មានសាលាក៏បានទទួលស្គាល់ថាគម្របសៀវភៅរបស់ខ្លួនមិនបានបំពេញតាម “ស្តង់ដារសីលធម៌” ដោយពេលខ្លះប្រើពាក្យពេជ្រមិនសមរម្យដើម្បីផ្សព្វផ្សាយសៀវភៅនេះឱ្យគេចាប់អារម្មណ៍ ដែលវាហាក់ដូចជាកំពុងមើលងាយជនរងគ្រោះពិតមែន។

ហេតុនេះសាលាក៏សម្រចដកគម្របសៀវភៅចេញពីបណ្ណាល័យដើម្បីធ្វើការគោរពបូជាតាមរបៀបត្រឹមត្រូវ ដោយសាកសពត្រូវបានបញ្ចុះនៅប្រទេសបារាំង។ គួរបញ្ជាក់ដែរថា បើយោងតាមរបាយការណ៍របស់សាលាឆ្នាំ ២០២២ បានឱ្យដឹងថា មានសំណល់មនុស្សច្រើនជាង ២០,០០០ នាក់នៅក្នុងបណ្ណាល័យ Harvard ចាប់ពីគ្រោងឆ្អឹងពេញលេញរហូតដល់សក់ បំណែកឆ្អឹងតូចៗ និងធ្មេញ។ ក្នុងចំណោមទាំងនេះ ប្រហែល ៦,៥០០ ជាជនជាតិដើមអាមេរិក ប្រជាជនក្នុងតំបន់ និងមនុស្ស ១៩ នាក់ជាជនជាតិដើមអាហ្រ្វិក ដែលគេជឿថាសុទ្ធតែជាជនរងគ្រោះនៃទាសភាព៕

ប្រទេសថៃ ៖ កាលពីថ្ងៃទី៣១ ខែមីនា ឆ្នាំ២០២៤ សារព័ត៌មានថៃរាយការណ៍ថា រដ្ឋាភិបាលស្ថិតក្រោមការដឹកនាំរបស់លោក Srettha Thavisin នាយករដ្ឋមន្ត្រីថៃ និងជារដ្ឋមន្ត្រីក្រសួងហិរញ្ញវត្ថុ បានបង្ហាញលទ្ធផលការងារក្នុងអាណត្តិរបស់ខ្លួន ដោយបានបញ្ជាឱ្យបិទគេហទំព័រ ល្បែ.ងស៊ីស.ង មានខ្លឹមសារមិនសមរម្យ ស្មើជាង៦ម៉ឺនគេហទំព័រ ។ មន្ត្រីនាំពាក្យរបស់រដ្ឋាភិបាលបញ្ជាក់ថា រដ្ឋាភិបាលនឹងបន្តចាត់វិធានការឧក្រិដ្ឋកម្មតាមអនឡាញជាបន្តបន្ទាប់ ។

លោកស្រី Kanika Ounjit មន្ត្រីនាំពាក្យទីស្តីការនាយករដ្ឋមន្ត្រី បានលើកឡើងពាក់ព័ន្ធនឹងគោលនយោបាយបង្ក្រាបគេហទំព័រល្បែងស៊ីសងអនឡាញ ដែលដឹកនាំដោយលោក Prasert Chandraruangthong រដ្ឋមន្ត្រីក្រសួងសេដ្ឋកិច្ច និងសង្គមឌីជីថល ព្រមទាំងលោក Srettha Thavisin នាយករដ្ឋមន្ត្រីថៃ ធ្លាប់លើកឡើងថា គេហទំព័រល្បែងនាពេលបច្ចុប្បន្ន គឺស្ថិតក្នុងឧក្រិដ្ឋកម្មសេដ្ឋកិច្ច និងខុសច្បាប់ ពីព្រោះគេហទំព័រទាំងនេះបានបោកប្រាស់ពលរដ្ឋ និងបន្លំយកទិន្នន័យផ្ទាល់ខ្លួនទៅលក់ ហើយមានយុវជនជាច្រើននាក់ជឿតាមការបោកប្រាស់ទាំងនេះ ។

យុវជនភាគច្រើនបានឈ្លក់នឹងការល្បែងស៊ីសងតាមអនឡាញ ដែលបណ្តាលឱ្យប៉ះពាល់ដល់សេដ្ឋកិច្ច និងសង្គមជាតិទាំងមូល ។ ហេតុនេះ រដ្ឋាភិបាលនឹងបង្ក្រាបគេហទំព័រល្បែងស៊ីសងជាបន្តបន្ទាប់ ដើម្បីទប់ស្កាត់ករណីឧក្រិដ្ឋកម្មតាមអនឡាញមិនឱ្យប៉ះពាល់ដល់ពលរដ្ឋបន្តទៀត ។

យោងតាមទិន្នន័យបង្ហាញថា ក្រសួងសេដ្ឋកិច្ច និងសង្គមឌីជីថលបានត្រួតពិនិត្យ និងបិទគេហទំព័រល្បែងស៊ីសងមានខ្លឹមសារមិនសមរម្យគ្រប់ប្រភេទជាបន្តបន្ទាប់ ចាប់ពីថ្ងៃទី១ ខែតុលា ឆ្នាំ២០២៣ រហូតដល់ថ្ងៃទី៥ ខែមីនា ឆ្នាំ២០២៤ ស្មើនឹង៦០.៦៨១គេហទំព័រ ក្នុងនោះក្រសួងបានបិទគេហទំព័រពាក់ព័ន្ធនឹងល្បែងភ្នាល់តាមអនឡាញ ចំនួន២៥.៥៧១គេហទំព័រ ។ វាកើនឡើង១៣ដង ពីចំនួន២.០៥៩គេហទំព័រ ក្នុងរយៈពេលដូចគ្នានៅឆ្នាំ២០២៣ ហើយជនល្មើសនឹងជាប់ពន្ធនាគារមិនលើស២ឆ្នាំ និងពិន័យជាប្រាក់មិនលើស២.០០០បាត ឬទាំងជាប់ពន្ធនាគារ និងពិន័យជាប្រាក់ ។

រដ្ឋាភិបាលព្រួយបារម្ភពីពលរដ្ឋទាំងអស់ និងសូមឱ្យពលរដ្ឋកុំជឿតាមការឃោសនាដើម្បីវិនិយោគ ឬរកប្រាក់ពីគេហទំព័រល្បែងអនឡាញ ពីព្រោះពលរដ្ឋនឹងក្លាយជាជនរងគ្រោះរបស់ពួកឧក្រិដ្ឋជន ។ លើសពីនេះ ជនខិលខូចអាចបោកប្រាស់ឱ្យជនរងគ្រោះដោនឡូត App ដាក់ក្នុងទូរស័ព្ទ ដើម្បីលួចប្រាក់ពីបញ្ជីធនាគារ ឬលួងលោមលួចយកទិន្នន័យសំខាន់ពីជនរងគ្រោះ ដើម្បីយកទៅប្រើប្រាស់ដោយខុសច្បាប់ ។ ហេតុនេះ វានឹងធ្វើឱ្យប៉ះពាល់ដល់ជនស្លូតត្រង់ និងក្រុមគ្រួសារផងដែរ ៕