គ្រប់ទឹកហើយពេលនេះ! ក្រសួងធនធានទឹក និងឧតុនិយមថៃ កាលពីថ្មីៗនេះបានព្រ.មានខេត្តចំនួន ៦០ និងទីក្រុងបាងកក ឲ្យត្រៀមខ្លួនសម្រាប់ព្យុះរដូវក្តៅដ៏ខ្លាំងក្លាមួយ ដែលនឹងនាំមកនូវផ្គររន្ទះ ខ្យល់កន្ត្រាក់ ដុំទឹកកកតូចៗ និងរន្ទះបា.ញ់ ចាប់ពីថ្ងៃទី ២៣ ដល់ថ្ងៃទី ២៥ ខែកុម្ភៈ។ នេះបើតាមរបាយការណ៍ដែលចេញផ្សាយដោយសារព័ត៌មាន The Nation ។

យោងតាមនាយកដ្ឋានបង្ការ និងកាត់បន្ថយគ្រោះមហន្តរាយ (DDPM) របស់ប្រទេសថៃ ការព្រ.មាននេះគ្របដណ្តប់លើខេត្តទាំងអស់នៅភាគខាងជើង ភាគឦសាន និងតំបន់កណ្តាលភាគច្រើន ក៏ដូចជាតំបន់ទីប្រជុំជនទីក្រុងបាងកក។ មន្ត្រីជំនាញបាននិយាយថា ការរួមបញ្ចូលគ្នានៃអាកាសធាតុក្តៅ និងការប្រែប្រួលលំនាំខ្យល់ ត្រូវបានគេរំពឹងថានឹងបង្កឱ្យមានស្ថានភាពអាកាសធាតុធ្ងន់ធ្ងរនៅទូទាំងតំបន់ទាំងនេះ។

នាយកដ្ឋានឧតុនិយមថៃ ព្យាករណ៍ថា ប្រព័ន្ធសម្ពាធខ្ពស់ដែលបកមកពីប្រទេសចិន នឹងជួយបង្កើតលក្ខខណ្ឌមិនស្ថិតស្ថេរ ដែលបង្កើតបានទៅជាព្យុះ លាយឡំជាមួយនឹងខ្យល់កន្ត្រាក់ ភ្លៀងធ្លាក់ខ្លាំង ដុំទឹកកក (Hailstone) និងរន្ទះបាញ់ក្នុងអំឡុងពេលនេះ។

ពាក់ព័ន្ធនឹងរដូវកាលខែប្រាំងនេះដែរ បញ្ជាការដ្ឋានបង្ការ និងកាត់បន្ថយគ្រោះមហន្តរាយជាតិថៃ (NDPMC) ក៏បាននែនាំឲ្យបណ្តាខេត្តទាំងអស់ក្នុងប្រទេស ត្រូវបង្កើនការត្រៀមលក្ខខ្ពស់ណៈសម្រាប់គ្រោះរាំងស្ងួតឆ្នាំ២០២៦ ដោយផ្តល់អាទិភាពខ្ពស់លើការបម្រុងទឹកសម្រាប់ប្រើប្រាស់ក្នុងគ្រួសារ។ អាជ្ញាធរថៃព្រ.មានបន្ថែមថា ស្ថានភាពស្ងួតហួតហែងចាប់ពីពាក់កណ្តាលខែមករាដល់ពាក់កណ្តាលខែឧសភា អាចបង្កឲ្យមានការខ្វះខាតទឹកយ៉ាងធ្ងន់ធ្ងរ ជាពិសេសប៉ះពាល់ដល់វិស័យកសិកម្មនៅក្រៅតំបន់ស្រោចស្រព និងការផលិតទឹកស្អាត។

ទោះជាយ៉ាងណា ក្រៅពីការជូនដំណឹងឲ្យប្រជាពលរដ្ឋបានត្រៀមលក្ខណៈ អាជ្ញាធរថៃក៏បានរៀបចំដាក់ពង្រាយក្រុមសង្គ្រោះបន្ទាន់ និងឧបករណ៍ជួយសង្រ្គោះនៅតាមតំបន់ដែលមានហានិភ័យខ្ពស់ ដើម្បីឆ្លើយតបយ៉ាងឆាប់រហ័សប្រសិនបើមានករណីចាំបាច់ ហើយកសិករត្រូវបានណែនាំឱ្យការពារដំណាំ និងសត្វពាហនៈពីការខូចខាតដែលអាចកើតមានជាយកថាហេតុ៕

សាងបា.បកម្មអ្វី នឹងទទួលបានផលមកវិញទាន់ហន់! ស្រុកជាច្រើននៅខេត្តឈៀងម៉ៃ បានរងការវាយប្រ.ហារយ៉ាងខ្លាំងក្លាពីខ្យល់ព្យុះដ៏កំណា.ចលាយឡំដុំព្រិលធំៗ និងមានភ្លៀងធ្លាក់ដូចហែកមេឃ បង្កផលប៉ះពាល់យ៉ាងធ្ងន់ធ្ងរដល់ផ្ទះសម្បែងពលរដ្ឋរាប់រយគ្រួសារ ព្រមទាំងខូចខាតអគារមន្ទីរពេទ្យ និងវត្តអារ៉ាម ។ ពលរដ្ឋថៃសុំការជួយសង្គ្រោះជាបន្ទាន់ ពីព្រោះខ្យល់ព្យុះលើកនេះធ្ងន់ធ្ងរខ្លាំងពេក និងពុំធ្លាប់កើតឡើងក្នុងប្រវត្តិសាស្ត្រ ។

ខ្យល់ព្យុះរដូវក្តៅលាយឡំព្រិលធំៗបានវាយប្រហារស្រុកជាច្រើននៅខេត្តឈៀងម៉ៃ ប្រទេសថៃ កាលពីថ្ងៃទី២២ ខែកុម្ភៈ ឆ្នាំ២០២៦ បណ្តាលឱ្យផ្ទះសម្បែងពលរដ្ឋខូចខាតរហូតដល់ជាង៨០០ខ្នង ខណៈឧតុនិយមថៃជូនដំណឹងពីខ្យល់ព្យុះនឹងវាយប្រហារខេត្តផ្សេងៗរហូតដល់៦០ខេត្ត រហូតដល់ថ្ងៃទី២៥ ខែកុម្ភៈ ។

សារព័ត៌មាន TNN រាយការណ៍ថា កាលពីថ្ងៃទី២២ ខែកុម្ភៈ ខ្យល់ព្យុះរដូវក្តៅលាយឡំព្រិលធំៗបានវាយប្រហារស្រុកមេវ៉ាង ខេត្តឈៀងម៉ៃ ដែលដុំព្រិលទាំងនេះមានទំហំធំៗជិតស្មើផ្លែក្រូចឆ្មារ បានធ្លាក់ចុះមកប្រមាណ៣០នាទី ព្រមទាំងមានខ្យល់កន្ទ្រាក់ និងរន្ទះបាញ់ ។

ដូចគ្នានេះ នៅស្រុកចមថង ខេត្តឈៀងម៉ៃ ក៏រងការវាយប្រហារពីខ្យល់ព្យុះផងដែរ បណ្តាលឱ្យប៉ើងដំបូល និងពិដានរបស់មន្ទីរពេទ្យនៅស្រុកចមថង ខណៈដំបូលចំណតរថយន្តនៅក្បែរនោះបានបាក់សង្កត់លើរថយន្តជាច្រើនគ្រឿង ។

តាមការត្រួតពិនិត្យជំហ៊ានដំបូង មានឃុំចំនួន៤ រងផលប៉ះពាល់ដោយសារខ្យល់ព្យុះ រួមមាន ៖ ឃុំបានហ្លួង, ដយកែវ, ឃុងតៅ និងស៊ុទៀ សរុបមាន២៥០ភូមិ និង៥០០គ្រួសារ ។ ក្រោយកើតហេតុ អាជ្ញាធរ និងមន្ត្រីពាក់ព័ន្ធក្នុងតំបន់បានចុះមកពិនិត្យមើលស្ថានការណ៍ និងជួសជុលដំបូលផ្ទះសម្បែងខូចខាតដោយសារខ្យល់ព្យុះ ដោយឱ្យពលរដ្ឋប្រុងប្រយ័ត្នគ្រោះថ្នាក់ ពីព្រោះខ្យល់ព្យុះនឹងបន្តវាយប្រហារជាច្រើនថ្ងៃទៀត ។

ចំណែកវត្តមួយនៅស្រុកប្រាវ ខេត្តឈៀងម៉ៃ ក៏រងផលប៉ះពាល់ដោយសារខ្យល់ព្យុះយ៉ាងខ្លាំងដែរកាលពីថ្ងៃទី២២ ខែកុម្ភៈ ស្របពេលវត្តកំពុងតែរៀបចំពិធីបុណ្យ ដែលបណ្តាលពលរដ្ឋមកចូលរួម ក្រុមសិល្បករ និងព្រះសង្ឃ រត់ចែកផ្លូវគ្នាជាបន្ទាន់ ។ លើសពីនេះ ដំបូលព្រះវិហារបានប៉ើងស្ទើរទាំងស្រុងដោយសារកម្លាំងខ្យល់ព្យុះ ខណៈផ្ទះសម្បែងនៅស្រុកសាន់សាយ ខូចខ្ទេចខ្ទីរហូតដល់៣០០ខ្នង ។

គួរបញ្ជាក់ថា ខ្យល់ព្យុះដ៏កំណាចនេះបានកើតឡើងបន្ទាប់ពីខេត្តមួយចំនួនរបស់ថៃកើតគ្រោះរញ្ជួយដី គ្រោះរាំងស្ងួត និងមានអគ្គិភ័យលេបត្របាក់ផ្ទះសម្បែងជាបន្តបន្ទាប់ ដែលទាមទារឱ្យរដ្ឋាភិបាលថៃដោះស្រាយបញ្ហាជាបន្ទាន់ ៕

កំដៅនៃការកើតសង្គ្រា.មកាន់តែក្តៅខ្លាំងឡើង រុស្ស៊ីបានព្រមានចំៗថា នឹងសងសឹ.កយ៉ាងចាស់ដៃ ប្រសិនបើកូរ៉េខាងត្បូងហ៊ានចូលរួមក្នុងគម្រោង PURL របស់អង្គការណាតូ ដែលរៃអង្គការថវិកាពីប្រទេសសមាជិកទិញអាវុ.ធរបស់អាមេរិកបញ្ជូនឱ្យអ៊ុយក្រែន​ ។ រុស្ស៊ីចាត់ទុកការចូលរួមរបស់កូរ៉េខាងត្បូង នឹងធ្វើឱ្យសង្គ្រា.មនៅអ៊ុយក្រែនកាន់តែអូសបន្លាយ ព្រមទាំងបំផ្លា.ញទំនាក់ទំនងរវាងរុស្ស៊ីជាមួយកូរ៉េខាងត្បូង ។

តាមការចុះផ្សាយរបស់សារព័ត៌មានបរទេសនៅថ្ងៃទី២៣ ខែកុម្ភៈ ឆ្នាំ២០២៦ អ្នកនាំពាក្យក្រសួងការបរទេសរុស្ស៊ី អ្នកស្រី Maria Zakharova បាននិយាយកាលពីថ្ងៃទី២១ ខែកុម្ភៈ ឆ្នាំ២០២៦ អំពីកូរ៉េខាងត្បូងចង់ចូលរួមក្នុងគម្រោង PURL របស់អង្គការណាតូ ដើម្បីបញ្ជូនអាវុ.ធឱ្យកងទ័ពអ៊ុយក្រែនថា រុស្ស៊ីនឹងគ្មានជម្រើសអ្វីផ្សេងក្រៅពីសងសឹកកូរ៉េខាងត្បូង ព្រមទាំងកំណត់វិធានការមួយចំនួន ។

គម្រោង PURL របស់អង្គការណាតូបានរៃអង្គាសប្រាក់ពីប្រទេសជាសមាជិកដើម្បីទិញអាវុធពីអាមេរិកឱ្យអ៊ុយក្រែន ហើយសារព័ត៌មានអន្តរជាតិនានាផ្សាយពីកូរ៉េខាងត្បូងចង់ចូលរួមក្នុងគម្រោងនេះ ។ អ្នកស្រី Maria បញ្ជាក់ថា ការចូលរួមក្នុងគម្រោងដោយផ្ទាល់ ឬប្រយោលរបស់កូរ៉េខាងត្បូងដើម្បីស្វែងរកការទិញអាវុធឱ្យអ៊ុយក្រែន នឹងធ្វើឱ្យការបញ្ចប់សង្គ្រាមនៅអ៊ុយក្រែនកាន់តែយឺតយ៉ាវ ព្រមទាំងធ្វើឱ្យទំនាក់ទំនងរវាងរុស្ស៊ី-កូរ៉េខាងត្បូង ត្រូវកាត់ផ្តាច់ជារៀងរហូត ក៏ដូចជាប៉ះពាល់ដល់ការចរចានៅឧបទ្វីបកូរ៉េ ។

អ្នកនាំពាក្យក្រសួងការបរទេសរុស្ស៊ីរូបនេះភ្ញាក់ផ្អើលយ៉ាងខ្លាំងពីកូរ៉េខាងត្បូងចូលរួមក្នុងគម្រោង PURL និងថា ការធ្វើបែបនេះផ្ទុយនឹងគោលជំហរជាផ្លូវការរបស់ប្រទេសដែលមិនចូលរួមជាមួយលោកខាងលិចក្នុងការផ្គត់ផ្គង់អាវុធ និងគ្រាប់កាំភ្លើងជាច្រើនទៅឱ្យកងទ័ពអ៊ុយក្រែន ។ រុស្ស៊ីចាត់ទុកការមិនចូលរួមរបស់កូរ៉េខាងត្បូង គឺជាការការពារមិនឱ្យទំនាក់ទំនងរវាងរុស្ស៊ី និងកូរ៉េខាងត្បូងត្រូវកាត់ផ្តាច់ និងជាលក្ខខណ្ឌដំបូងក្នុងការចរចាពីកិច្ចសហការរុស្ស៊ី-កូរ៉េខាងត្បូង នាថ្ងៃអនាគត ។

ចំណែកមន្ត្រីក្រសួងការបរទេសកូរ៉េខាងត្បូងនិយាយថា កូរ៉េខាងត្បូងកំពុងតែពិភាក្សាជាមួយអង្គការណាតូ អំពីវិធានការផ្សេងៗដើម្បីជួយគាំទ្រអ៊ុយក្រែន និងគាំទ្រគម្រោង PURL ដែលបានបង្កើតឡើងកាលពីខែកក្កដា ឆ្នាំ២០២៥ ។

គួរបញ្ជាក់ថា ប្រទេសមិនមែនជាសមាជិកអង្គការណាតូ ដូចជា ៖ អូស្ត្រាលី និងនូវែលសេឡង់ បានចូលរួមក្នុងគម្រោង PURL រួចហើយ ខណៈជប៉ុនវិញក៏គ្រោងងចូលរួមក្នុងគម្រោងនេះជាផ្លូវការផងដែរ ៕

មិនប្រមាណកម្លាំង បុរសវ័យជាង ២០ឆ្នាំម្នាក់ត្រូវបានទីភ្នាក់ងារសេវាសម្ងាត់អាមេរិកបា.ញ់ស.ម្លា.ប់នៅនឹងកន្លែង បន្ទាប់ពីគេព្យាយាមជ្រៀតចូលទៅក្នុងភូមិគ្រឹះលម្ហែរបស់លោកប្រធានាធិបតី ដូណាល់ត្រាំ នៅរដ្ឋផ្លរីដា ទាំងកណ្ដាលអាធ្រាតជាមួយកាំភ្លើងនៅក្នុងដៃ។ នេះបើយោងតាមសេចក្ដីរាយការណ៍របស់ទីភ្នាក់ងារ AP News។

យោងតាមសេចក្ដីជូនដំណឹងរបស់ទីភ្នាក់ងារសេវាសម្ងាត់សហរដ្ឋអាមេរិក បានឲ្យដឹងថា នៅថ្ងៃទី ២២ ខែកុម្ភៈ វេលាម៉ោងប្រហែល ១:៣០ យប់ បុរសម្នាក់ដែលមានអាយុជិត ២០ ឆ្នាំត្រូវបានបា.ញ់សម្លាប់ដោយភ្នាក់ងារសេវាសម្ងាត់សហរដ្ឋអាមេរិក បន្ទាប់ពីគេបានលួ.ចចូលដោយគ្មានការអនុញ្ញាតចូលទៅក្នុងបរិវេណសុវត្ថិភាពរបស់លោក ត្រាំ នៅ Mar-a-Lago។

តាមប្រភពដដែល បុគ្គលរូបនេះត្រូវបានគេឃើញនៅច្រកទ្វារខាងជើងនៃភូមិគ្រឹះ ដោយកាន់អ្វីដែលមើលទៅដូចជាកាំភ្លើងខ្លីមួយដើម និងប្រេងឥន្ធនៈមួយធុងផងដែរ។

ភ្នាក់ងារសេវាសម្ងាត់សហរដ្ឋអាមេរិក និងអនុប្រធានការិយល័យនគរបាលខោនធើ (PBSO) ម្នាក់បានចេញទៅទប់ស្កាត់បុគ្គលនោះ ហើយការបា.ញ់ប្រហា.រក៏ត្រូវបានចាប់ផ្ដើមឡើង រហូតក្រុមអាជ្ញាធរឈានដល់ការសម្រេចអនុវត្តច្បាប់ការពារខ្លួនក្នុងអំឡុងពេលនៃការប៉ះទង្គិចគ្នា។ ទោះជាយ៉ាងណា មិនមានបុគ្គលិកសេវាសម្ងាត់សហរដ្ឋអាមេរិក ឬ PBSO ណាម្នាក់រងរបួសឡើយ។

គួរជម្រាបថា ក្នុងអំឡុងពេលដែលហេតុការណ៍នេះបានកើតឡើង លោកត្រាំ មិនបានស្ថិតនៅក្នុងភូមិគ្រឹះនោះឡើយ ដែលនេះគឺជាសំណាងដ៏ធំមួយព្រោះលោកនិងភរិយាទើបតែបានចាកចេញពីទីនេះត្រឡប់ទៅសេតវិមានវិញកាលពីថ្ងៃសៅរ៍។

នេះមិនមែនជាលើកទី១ឡើយ ដែលប្រធានាធិបតីសហរដ្ឋអាមេរិក លោក ដូណាល់ត្រាំ បានប្រឈមនឹងការប៉ុនប៉ងធ្វើឃា.តពីសំណាក់បុគ្គលដែលមិនពេញចិត្តលោក។ ករណីដែលល្បីកក្រើកបំផុត គឺកាលពីអំឡុងពេលនៃការឃោសនាបោះឆ្នោតកាលពីឆ្នាំមុន លោក ត្រាំ ត្រូវបានខ្មាន់កាំភ្លើង បា.ញ់សំដៅជាច្រើនគ្រាប់ក្នុងបំណងធ្វើឃា.តលោក ប៉ុន្តែគ្រាប់កាំភ្លើងបានត្រឹមតែហោះបញ្ឈិតក្បាលរបស់លោក និងមុតត្រចៀកហូរឈា.មតែបន្តិចប៉ុណ្ណោះ៕