ថ្លែងក្នុងពិធីសម្ពោធឆ្លងព្រះបទុមចេតិយ និងសមិទ្ធផលនានានៅវត្តមណីរតនារាម ស្ថិតក្នុងសង្កាត់រលាប ក្រុងពោធិ៍សាត់ ខេត្តពោធិ៍សាត់ នៅព្រឹកថ្ងៃទី៣១ ខែមីនា ឆ្នាំ២០២៤ នេះ សម្ដេចធិបតីហ៊ុន ម៉ាណែត បានមានប្រសាសន៍ថា៖”ការព្រួយបារម្ភរឿង “សង្ក្រាន្ត” ជារឿងមួយត្រឹមត្រូវ អត់ខុសនោះទេ ប៉ុន្ដែកម្ពុជានៅតែមានសិទ្ធិប្រើប្រាស់ពាក្យ “សង្ក្រាន្ត” ទោះបីថៃចុះពាក្យនេះ ទៅក្នុងបញ្ជីបេតិកភណ្ឌពិភពលោកក៏ដោយ ហើយឆ្នាំនេះការរៀបចំសង្ក្រាន្តឆ្នាំថ្មីឱ្យកាន់តែសប្បាយនៅតាមខេត្តនានា។

សម្ដេចធិបតី បានសង្កត់ធ្ងន់ថា៖”កម្ពុជាមិនបានធ្វេសប្រហេស ឱ្យប្រទេសណាមកយកនូវអ្វីដែលជាវប្បធម៌របស់ខ្មែរយើងដោយមិនមានការការពារ ជាពិសេស “សង្ក្រាន្ត” គឺមិនមានអ្វីដែលត្រូវបាត់បង់នោះទេ”។

លើសពីនេះ សម្តេចធិបតី ហ៊ុន ម៉ាណែត បានណែនាំឱ្យ ក្រសួងវប្បធម៌ និងវិចិត្រសិល្បៈ រៀបចំឯកសារសម្រាប់ដាក់ពាក្យ “សង្ក្រាន្តនៅកម្ពុជា” ក្នុងបញ្ជីបេតិកភណ្ឌអរូបិយនៅឆ្នាំក្រោយ ដើម្បីអោយនៅកម្ពុជាអាចចូលបេតិកភណ្ឌអរូបិយបាននៅឆ្នាំ២០២៦ បន្ទាប់ពី ក្រម៉ា និង អាពាហ៍ពិពាហ៍ខ្មែរ ដែលបច្ចុប្បន្នបាននឹងកំពុងអនុវត្តនីតិវិធីស្នើសុំបញ្ចូល៕

ថ្លែងក្នុងពិធីសម្ពោធឆ្លងព្រះបទុមចេតិយ និងសមិទ្ធផលនានានៅវត្តមណីរតនារាម ស្ថិតក្នុងសង្កាត់រលាប ក្រុងពោធិ៍សាត់ ខេត្តពោធិ៍សាត់ នៅព្រឹកថ្ងៃទី៣១ ខែមីនា ឆ្នាំ២០២៤ នេះ សម្ដេចធិបតីហ៊ុន ម៉ាណែត បានប្រកាសផ្តល់រង្វាន់សម្រាប់ខេត្តណា ដែលមិនមានគ្រោះថ្នាក់ចរាចរណ៍ ក្នុងឱកាសបុណ្យចូលឆ្នាំថ្មី ប្រពៃណីខ្មែរ នាពេលខាងមុខ។សម្ដេចធិបតី ហ៊ុន ម៉ាណែត មានប្រសាសន៍ថា៖”សូមចូលរួមសប្បាយដោយទទួលខុសត្រូវ សុំកុំលេង ឬបង្កសកម្មភាពអ្វីដែលបង្កគ្រោះថ្នាក់ដល់អ្នកដទៃ ពិសេសកុំបើកបរ ហើយផឹកគ្រឿងស្រវឹង។ បើសិនសង្ក្រាន្តឆ្នាំនេះ អត់មានគ្រោះថ្នាក់ចរាចរណ៍ជាការល្អបំផុត។ ខេត្តមួយៗ បើយក សូចនាករគ្រោះថ្នាក់ចរាចរណ៍តិចបំផុតមកប្រកួតប្រជែងគ្នា ក៏ជាការល្អដែរ។ ហើយបើខេត្តណា អត់មានគ្រោះថ្នាក់ចរាចរណ៍ សូន្យ កត់ឱ្យសុក្រឹត គឺចាំមកទទួល… មានរង្វាន់ពីនាយករដ្ឋមន្ត្រីទៀត”។សម្តេចសង្កត់ធ្ងន់ថា៖”ក្នុងឱកាសបុណ្យចូលឆ្នាំថ្មី ដែលនឹងប្រព្រឹត្តទៅចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤ ខាងមុខនេះ សូមកុំលេង និងឆ្លៀតឱកាស ធ្វើសកម្មភាពណាដែល ប៉ះពាល់សេចក្ដីថ្លៃថ្នូររបស់អ្នកដទៃ ជាពិសេស សេចក្ដីថ្លៃថ្នូររបស់ស្ដ្រី ត្រូវគោរពគ្នាទៅវិញទៅមក”៕

ពិតជាមានសន្តានចិត្តល្អប្រសើរពិតមែនចំពោះគូស្វាមីភរិយាថ្មីថ្មោង ហេង វិសាល និង ជា ស្រីនា ដែលជា Influencer ដ៏ល្បីប្រចាំប្រទេសកម្ពុជា។បន្ទាប់ពីរៀបការរួច អ្នកទាំងពីរបានបរិច្ចាគនូវទឹកប្រាក់សរុបចំនួន១ម៉ឺនដុល្លារដល់មន្ទីរពេទ្យចំនួន២គឺ មន្ទីរពេទ្យគន្ធបុផ្ផាចំនួន៥០០០ដុល្លារ និងមន្ទីរពេទ្យកុមារអង្គរចំនួន៥០០០ដុល្លារ។ នេះពិតជាស័ក្តិសមជាអាយដលគំរូពិតៗរបស់អ្នកគាំទ្រមានអត្តចរិតល្អទាំងប្តីទាំងប្រពន្ធ។

ព្រឹកថ្ងៃទី៣០ ខែមីនា ឆ្នាំ២០២៤ នៅលើបណ្តាញសង្គមរបស់ ហេង វិសាល បានបង្ហោះរូបភាព៣សន្លឹកភ្ជាប់មកជាមួយខ្លឹមសារថា «បន្ទាប់ពីកម្មវិធីរបស់ពួកយើងត្រូវបានបញ្ចប់ ពួកយើងពិតជាទទួលបានក្តីស្រឡាញ់ និងភាពកក់ក្តៅពីបងប្អូនទាំងអស់គ្នា ហើយក៏ដូចរាល់ដងក្តីស្រឡាញ់នេះមិនគួរបញ្ចប់ត្រឹមតែពួកយើងទេ។ ថ្ងៃនេះខ្ញុំនិងភរិយានឹងចែកចាយភាពកក់ក្តៅទាំងអស់នេះបន្តទៅកាន់កុមារកម្ពុជារបស់ពួកយើងដែរ។ ជូនបុណ្យផងណា»។ នៅក្នុងរូបភាពដែល ហេង វិសាល បានបង្ហាញគឺបានបរិច្ចាគទឹកប្រាក់៥០០០ដុល្លារដល់មន្ទីរពេទ្យគន្ធបុផ្ផា និងទឹកប្រាក់ចំនួន៥០០០ដុល្លារ ដល់មន្ទីរពេទ្យកុមារអង្គរ។ ទឹកចិត្តដ៏សប្បុរសនេះទស្សនិកជនពោលសរសើរមិនដាច់ពីមាត់ចំពោះគូស្វាមីភរិយាថ្មីថ្មោងនេះពិតជាបុគ្គលគំរូពិតៗនៅក្នុងសង្គមបង្ហាញរឿងល្អជាគំរូដល់បណ្តាអ្នកគាំទ្រ។

គេចាំបានថាកាលពីកន្លងទៅនេះ ហេង វិសាល ក៏បានបរិច្ចាគទឹកប្រាក់ចំនួន៤០០០ដុល្លារទៅដល់មន្ទីរពេទ្យពីរខាងលើនេះដូចគ្នាដោយមួយមន្ទីរពេទ្យចំនួន២០០០ដុល្លារ ដោយលោករកលុយបានចំនួន៣២០០ដុល្លារពីហ្វេកប៊ុករយៈពេល៧ថ្ងៃនិងបានបន្ថែមទឹកប្រាក់ផ្ទាល់ខ្លួន៨០០ដុល្លារ។

គួរបញ្ជាក់ផងដែរថា ហេង វិសាល និង ជា ស្រីនា បានរៀបអាពាហ៍ពិពាហ៍ជាមួយគ្នាយ៉ាងអធិកអធមកាលពីថ្ងៃទី២៧ ,២៨ ខែមីនា ឆ្នាំ២០២៤ នេះក្រោយការចូលរួមអមអរសាទរយ៉ាងច្រើនពីទស្សនិកជន។ មង្គលការអ្នកទាំងពីរប្រមូលស្ទើរតែទាំងអស់តារាល្បីៗប្រចាំស្រុកខ្មែរចូលរួមក្នុងនោះក៏មាន ព្រះនាងតូច ជេនណា , ឧកញ៉ា ព្រាប សុវត្ថិ ជី ដេវីត វណ្ណដា រួមទាំងភ្ញៀវកិត្តិយសអ្នកមានមុខមាត់ក្នុងសង្គមជាច្រើនទៀត៕

ភ្នំបាយ៉ង់កោរ ខេត្តតាកែវ ក្រៅតែពីជាទីតាំងប្រវត្តិសាស្រ្តខ្មែរដ៏មានតម្លៃហើយ បច្ចុប្បន្នក៏ជាកន្លែងប្រមូលផ្តុំដោយជីវចម្រុះ ប្រភេទសត្វ រុក្ខជាតិខៀវស្រងាត់ និងទេសភាពដ៏ស្រស់ត្រកាលគួរជាទីគយគន់បំផុត។ ជាមួយគ្នានោះ ក៏មានដំណាលនៃរឿងព្រេងនិទានខ្មែរបុរាណទាក់ទងនឹងសេ្តចបាយ៉ង់កោរ និងព្រះនាងសក់ក្រអូប ព្រមជាមួយនឹងពាក្យបណ្តាសារជេ.រប្រទេចគ្នា បានលេចឡើងតាំងពីពេលនោះមក។

«ភ្នំបាយ៉ង់ ឬភ្នំបាយ៉ង់កោរ» គឺមានទីតាំងស្ថិតនៅភូមិពោធិ៍រោង ឃុំព្រះបាទជាន់ជុំ ស្រុកគិរីវង់ ខេត្តតាកែវសព្វថ្ងៃ។ ខណៈលើកំពូលភ្នំកម្ពស់ ៣១៣ ម៉ែត្រនេះ គឺមានប្រាសាទបុរាណដ៏ល្បីរន្ធឺមួយដែលហៅថា «ប្រាសាទបាយ៉ង់» ស្ថាបនាឡើងនៅក្នុងសតវត្សរ៍ទី ៧ (ឆ្នាំ៦១៥ដល់៦៣៥) ដោយព្រះបាទភវវរ្ម័នទី២។ ក្រៅពីប្រាសាទបាយ៉ង់ មានប្រាសាទចំនួន ៤ ទៀត ដែលស្ថិតនៅក្បែរនោះ គឺប្រាសាទព្រះគោ ប្រាសាទខាងលិច ប្រាសាទខាងកើត និង ប្រាសាទកាណុង។

យោងតាមវិចារកថារបស់លោក កែវ ឈុន៖ រឿងភ្នំបាយ៉ងកោរ ជារឿងព្រេងនិទានមួយ ដែលមានទំនាក់ទំនងយ៉ាងស៊ីជម្រៅនៅក្នុងប្រវត្ដិសាស្ត្រខ្មែរ។ ព្រះនាងសក់ក្រអូប អគ្គមហេសីព្រះបាទបាយ៉ងកោរ មានរូបឆោម ល្អល្អះយ៉ាងក្រៃលែង គ្មាននារីណាប្រដូចបាន ព្រះនាងមានសក់ក្រអូប សាយក្លិនរហូត១យោជន៍។ រូបសម្រស់ល្អឆើតរបស់ព្រះនាងសក់ក្រអូប ធ្វើអោយស្ដេចសៀមកើតសេចក្ដីប្រតិព័ទ្ធស្នេហា លើរូបព្រះនាងយ៉ាងខ្លាំង ហើយបញ្ជូនទ័ពមួយសែននាក់ អោយមកចាប់ដណ្ដើមយកព្រះនាង។ តែព្រះនាងត្រូវបានព្រះស្វាមីព្រះបាទបាយ៉ង កោរ នាំភៀសខ្លួនគេចផុតពីកណ្ដាប់ដៃទ័ពសៀម ទៅតាំងព្រះរាជតំណាក់ទៅលើភ្នំបាយ៉ង។

ទោះជាយ៉ាងណា ពួកសៀមបានខិតខំប្រើឧបាយកលជាបន្តបន្ទាប់រហូតបានសម្រេច ដោយប្រើវិធីសម្ដែងល្ខោនមហោស្រព បំពុលពង្វក់ស្មារតី ពួកបរិវារព្រះបាទបាយ៉ង និងព្រះនាងសក់ក្រអូប អោយសប្បាយឈ្លក់វង្វេងភ្លេចខ្លួន ហើយចាប់យក ព្រះនាងបានទៅដោយស្រួល ។

ពេលដែលពួកសៀមចាប់យកព្រះនាងសក់ក្រអូបទៅបានហើយ លុះក្រោយមកទៀត បុត្រព្រះនាងសក់ក្រអូប គឺព្រះបាទដៃខ្លី បានទៅតាមរកព្រះនាងនៅឯស្រុកសៀម ដោយកូនពុំស្គាល់ម្ដាយ ម្ដាយពុំស្គាល់កូន ព្រះបាទដៃខ្លី និងព្រះនាងសក់ក្រអូប បានទាក់ទងស្នេហា រហូតបានរួមរក្សសេពសន្ថវជាមួយគ្នា។ ពេលបានដឹង អ្វីៗវាបានកន្លងហួសអស់ទៅហើយ ដើម្បីលុបលាង ស្មាលាទោសជាមួយ ម្ដាយ ព្រះអង្គដៃខ្លីត្រូវជីកអង្គ (ស្រះ) មួយពាន់មួយស្រះ (១០០១) ហើយលុះត្រាតែ ពីរពាន់ឆ្នាំក្រោយមក ពេលស្រះទាំងនេះរលុបស្មើ ក្លាយជាវាល ស្រែ ទើបកូននោះរួចកម្មពៀរបាន។ ហេតុនេះបានជានៅក្នុងខេត្ដតាកែវទាំងមូល មានទីកន្លែងមានឈ្មោះថា «អង្គៗ» នេះច្រើនណាស់ ដូចជាអង្គរកា អង្គសឹង្ហ ជាដើម។

ម្យ៉ាងទៀតទាក់ទងនឹងរឿងស្ម័គ្រស្មន់អន្ធករនេះ នៅក្នុងសង្គមខ្មែរមានពាក្យជេរប្រទិច ដាក់បណ្ដាសា គ្នាថា «ចុយម្រាយ» ឬ «ចុយម៉ាយ» ពាក្យនេះប្រហែលជាបុព្វបុរសក្នុងសម័យដើម ចង់ពោលដាក់ទោសដល់អ្នកដែលប្រព្រឹត្ដខុស អោយ មានទុក្ខទោសលំបាកដូចព្រះបាទដៃខ្លីដែរ តែនៅក្នុងសង្គមខ្មែរបច្ចុប្បន្ន អ្នកដែលខឹងជេរ ជេររត់មាត់ ឬភ្លាត់មាត់ ជាទម្លាប់សឹងគ្រប់ៗគ្នា លែងដឹង លែងយល់អត្ថន័យ អ្វីអស់រលីងទៅហើយ៕