ឧទ្យានជាតិគឺជាតំបន់ទេសភាព និងធម្មជាតិដ៏ស្រស់បំព្រងដែលមានសារៈសំខាន់ សម្រាប់បម្រើឱ្យការស្រាវជ្រាវវិទ្យាសាស្រ្ត ការអប់រំ ការកំសាន្ត ការទស្សនា និងរមណីយដ្ឋានទេសចរ។ លើសពីនេះឧទ្យានជាតិ ក៏ត្រូវបានគ្រប់គ្រងជាពិសេសសម្រាប់ការពារប្រព័ន្ធអេកូឡូស៊ី ដែលបានកំណត់សម្រាប់ប្រយោជន៍ដល់មនុស្សជំនាន់ក្រោយ។ ឧទ្យានជាតិជាច្រើនត្រូវបានបង្កើតឡើងនៅជុំវិញពិភពលោក ទោះជាយ៉ាងណាតើអ្នកដឹងទេថា ឧទ្យានជាតិរបស់ប្រទេសណាខ្លះដែលមានទំហំធំជាងគេបំផុតនៅលើភពផែនដី?

១.ឧទ្យានជាតិ Greenland៖ ឧទ្យានជាតិហ្គ្រីនឡែនខាងជើងគឺជាឧទ្យានជាតិដ៏ធំបំផុតនៅលើពិភពលោកដែលវាស្ថិតក្នុងប្រទេសដាណឺម៉ាកមានទំហំ ៣៧៥,០០០ ហិកតា។ទេសភាពដ៏ធំរបស់វាទ្រទ្រង់សត្វគួរឱ្យចាប់អារម្មណ៍ដូចជាកញ្ជ្រោងអាក់ទិក គោទឹកកក និងខ្លាឃ្មុំតំបន់ប៉ូល។ ឧទ្យានជាតិនេះមានប្រជាជនរស់នៅប្រហែល ៥០ នាក់ប៉ុណ្ណោះនិងជាតំបន់ហាមឃាត់ដោយសារមានសត្វកាចសាហាវច្រើន និងមានអាកាសធាតុត្រជាក់ខ្លាំងបណ្តាលឱ្យមានផ្លូវរអិលពិបាកដល់ភ្ញៀវទេសចរធ្វើដំណើរ។

២.ឧទ្យាន Namib Naukluft៖ ឧទ្យាន Namib Naukluft ជាប់ចំណាត់ថ្នាក់ជាឧទ្យានជាតិដ៏ធំបំផុតនៅទ្វីបអាហ្វ្រិក។ ឧទ្យាននេះលាតសន្ធឹងពាសពេញទីវាលដ៏គួរឱ្យចាប់អារម្មណ៍នៃវាលខ្សាច់ Namib ដ៏ស្រស់ស្អាត។ វាមានទំហំ ១៩,២១៦ ហិកតាស្ថិតក្នុងប្រទេសណាមីប៊ីដែលជាប្រទេសមួយនៅអាហ្វ្រិកខាងត្បូង។

៣.ឧទ្យាន Wood Buffalo៖ ឧទ្យានជាតិ Wood Buffalo គឺជាឧទ្យានជាតិដ៏ធំបំផុតរបស់ប្រទេសកាណាដា។ បន្ថែមពីលើស្ថានភាពដ៏គួរឱ្យចាប់អារម្មណ៍វាក៏បម្រើជាផ្ទះសម្រាប់សត្វខ្លាឃ្មុំ និងជាទំនប់ទឹកដ៏ធំបំផុតនៅលើពិភពលោកផងដែរ។ ដូច្នេះឧទ្យានជាតិ Wood Buffalo មានទំហំ ១៧,៣០០ ហិកតា។

៤.ឧទ្យាន Pedra Branca State Park៖ Pedra Branca State Park គឺជាឧទ្យានជាតិលំដាប់ទី ៤ ស្ថិតក្នុងទីក្រុងរីយោដឺហ្សង់នែរ៉ូ (Rio de Janeiro) ដែលជាក្រុងដ៏ធំបំផុតរបស់ប្រទេសប្រេស៊ីល។ ឧទ្យានជាតិនេះមានទំហំ ១២,៣៩៤ ហិកតា ដោយគេបានផ្ដល់នាមមួយទៀតដល់ឧទ្យានជាតិនេះថា «ព្រៃទីក្រុង»។

៥.ឧទ្យាន McDowell Sonoran Preserve៖ ឧទ្យានដ៏ធំនេះវិញស្ថិតនៅក្នុងទីក្រុងស្កុតដាល (Scottsdale) ក្នុងរដ្ឋអារីហ្សូណា សហរដ្ឋអាមេរិក។ ឧទ្យានជាតិលំដាប់ទី ៥ នេះមានទំហំ ១២,៣០០ ហិកតា ហ៊ុមព័ទ្ធទៅដោយវាលខ្សាច់សូណូរ៉ាន (Sonoran) ដោយភ្ញៀវទេសចរអាចធ្វើដំណើរដោយថ្មើរជើង ជិះសេះ និងជិះកង់ក៏បាន។

៦.ឧទ្យាន Losiny Ostrov National Park៖ ឧទ្យានជាតិលំដាប់ទី ៦ មានឈ្មោះថា Losiny Ostrov National Park ស្ថិតនៅក្នុងរដ្ឋធានីមូស្គូ សហព័ន្ធរុស្ស៊ី។ ឧទ្យានជាតិនេះមានទំហំ ១១,៦០០ ហិកតា ហើយវាគ្របដណ្តប់ដោយព្រៃឈើលើសពី ៨០% ខណៈដែលទំហំលើសពីពាក់កណ្តាលនៃឧទ្យាននេះ មិនបើកឱ្យចូលកម្សាន្តជាសាធារណៈនោះទេ៕

អ្នកបង្កើតមាតិកាម្នាក់ដែលមានគណនីផេកឈ្មោះថា D Vid បានចេញវីដេអូបកស្រាយថាខ្លួនគេមិនមានកំហុសនោះទេមិនបានដូចគេចោទប្រកាន់ថាបានកេងចំណេញលើស្រីៗ ការថតគឺមានការយល់ព្រមពីសាមីខ្លួនហើយមិនបានធ្វើអ្វីតែពីរនាក់គឺថតនៅតាមទីសាធារណៈ។ អ្នកបង្កើតមាតិការូបនេះបានបញ្ជាក់ទៀតថា មុននឹងលោកបង្ហោះវីដេអូសុទ្ធតែបានផ្ញើឱ្យសាមីខ្លួនមើលដូចគ្នាថាបង្ហោះបានឬអត់? ហើយបើគេមិនពេញចិត្តខ្លួនក៏មិនមានអំណាយណាបង្ខំគេឱ្យថតដែរ។ យ៉ាងណាមិញជុំវិញការបកស្រាយរបស់អ្នកបង្កើតមាតិការូបនេះអ្នកលេងបណ្តាញសង្គមមួយចំនួននៅបញ្ចេញមតិរិះគន់រូបគេដដែល។

នៅព្រឹកថ្ងៃទី១ ខែឧសភា ឆ្នាំ២០២៤ អ្នកបង្កើតមាតិកា D vid បានចេញវីដេអូបកស្រាយជាង១៩នាទី ដោយបានដាក់ខ្លឹមសារថា «ជំរាបសួរពុកម៉ែបងប្អូនទាំងអស់គ្នាមើលវីដេអូឱ្យចប់ចាំខម្មិនណាអ្នកទាំងអស់គ្នា។ អ្នកទាំងអស់គ្នាសាកគិតមើលបើសិនជាគេមិនឱ្យខ្ញុំថតតើខ្ញុំបង្ខំគេឱ្យថតបានមែនអ្នកទាំងអស់គ្នាសាកគិតមើល។តើអ្នកណាម្នាក់ដែលមិនធ្លាប់កាន់ដៃគ្នា។អ្នកទាំងអស់គ្នានិយាយមើលកាន់ដៃវាមានអត្ថន័យច្រើនមួយគ្រាន់តែចង់ធ្វើឱ្យគេអៀនស្នាមញញឹមសប្បាយចិត្តពីរចាត់ទុកជាប្អូនចាត់ទុកជាអ្នកស្គាល់គ្នាមិនមែនបំពានគេឡើយ»។

អ្នកបង្កើតមាតិកាដដែល បានឱ្យដឹងទៀតថា «តើអ្នកណាម្នាក់ដែលមិនធ្លាប់ចាប់ដៃគ្នាហ៊ានស្បថជាមួយខ្ញុំអត់មុននឹងបង្ហោះផ្ញើឱ្យគេមើលទៀតដល់តែសាមីខ្លួនគេអូខេបានហ៊ានបង្ហោះហើយចាប់ដៃគេហ្នឹងមិនមែននៅកន្លែងស្ងាត់ធ្វើខុសសីលធម៌ណាគឺនៅសាធារណៈដែលមានពុកម៉ែបងប្អូនយើងដើរលេងកម្សាន្តជាច្រើនមិនមែនធ្វើអីឱ្យខុសសីលធម៌ណាបើសិនជាខ្ញុំសុំគាត់ថតគាត់មិនឱ្យខ្ញុំថតបើសិនជាខ្ញុំថតហើយប៉ះពាល់អារម្មណ៍គាត់គាត់ក៏អាចប្រាប់ខ្ញុំបានដូចគ្នាប៉ុន្តែគាត់អូខេជាមួយខ្ញុំ។ គេថាវីដេអូហ្នឹងមិនអីទេខ្ញុំគ្រាន់តែចង់បកស្រាយឱ្យអ្នកទាំងអស់គ្នាបានយល់សង្ឃឹមថាអ្នកទាំងអស់គ្នានឹងយល់អ្វីដែលខ្ញុំបកស្រាយ។

គណនីហ្វេកប៊ុក Da Vid បានស៊ែរភ្ជាប់ជាមួយអត្ថន័យមួយទៀតថា « នេះគឺជាវីដេអូដែលខ្ញុំបកស្រាយបន្ថែមឱ្យយល់ថាខ្ញុំមិនបានដូចគេចោទប្រកាន់ទៅកេងចំណេញទៅប៉ះពាល់គេឡើយ។ហ៊ានស្បថអត់ម្នាក់ៗដែលថាមិនដែលឱ្យមានអ្នកណាកាន់ដៃ។ហ៊ានអត់ ? ខ្ញុំថតគេទាល់តែគេព្រមឱ្យខ្ញុំថតបានមានវីដេអូហ្នឹងចេញមកបើគេមិនយល់ព្រម។តើខ្ញុំទៅថតគេបានយ៉ាងម៉េចខ្ញុំមិនបានទៅធ្វើអីគេនៅតែពីរនាក់ណាគឺថតគេនៅសាធារណៈដោយមិនបានកេងចំណេញពីគេដោយមិនឱ្យគ្មានអ្នកណាឃើញណា។កុំឱ្យតែអ្នកផ្សេងធ្វើអីលើសលួសខុសសីលធម៌ជាងហ្នឹងទៅបានហើយ។អរគុណវាជាការឆ្លើយតបរបស់ខ្ញុំលើកចុងក្រោយ»។

ជាមួយការបកស្រាយរបស់អ្នកបង្កើតមាតិការូបនេះ គេសង្កេតឃើញថាអ្នកលេងបណ្តាញសង្គមមួយចំនួននៅបញ្ចេញមតិរិះគន់ដដែលព្រមទាំងមានការខម្មិនមួយចំនួនលើកឡើងថា សុំថតតែគេមិនដឹងថាមានការចាប់ដៃនោះទេ ។

គណនីផ្ទាល់ខ្លួនមានឈ្មោះថា Da Vid របស់អ្នកបង្កើតមាតិការូបនេះ បានបង្ហោះសំណេរមួយទៀតថា «អ្នកផ្សេងទៀតសុទ្ធតែថាខ្ញុំបំពានគាត់គេងចំណេញគាត់សួរថាបើសិនជាគាត់មិនឱ្យខ្ញុំថត។តើខ្ញុំអាចថតបានវីដេអូហ្នឹងយកមកបង្ហោះអត់ ? សួរថាគាត់យល់ព្រមឲ្យខ្ញុំថតអត់ ? ខ្ញុំហ៊ានទៅបង្ខំគាត់អត់បើសិនជាគាត់មិនឱ្យខ្ញុំថតមិនមែនមានវីដេអូជាមួយខ្ញុំពីមួយទៅពីរទៅ ៣ទៅ ៤ ទៅ ៥ ទៅ ១០ឡើយសុទ្ធតែស្ម័គ្រចិត្តរៀងៗខ្លួនហេតុអ្វីបានចុងក្រោយទម្លាក់កំហុសឱ្យគេតែម្នាក់ឯង។ បើសិនជាគេមិនពេញចិត្តឱ្យខ្ញុំថតគេប្រាប់ខ្ញុំបានតើមិនមែនអាចថតជាមួយខ្ញុំទៅខេត្តបានទេ។ ហើយរឿងដែលនិយាយល្អពីខ្ញុំនៅនឹងវីដេអូពីមុនហ្ន៎ដែលសរសើរខ្ញុំហ្មងថា ខ្ញុំចិត្តល្អ ថាខ្ញុំគោរពគេល្អ អាហ្នឹងបាត់ទៅណាអស់ហើយ។តើអ្នកណាបង្រៀនកាត់វីដេអូ? តើអ្នកណាឱ្យ tik tok លែងឱ្យ follower តើអ្នកណាជាអ្នកប្រាប់ពីវិធីធ្វើវីដេអូល្អ បាត់ទៅណាអស់ហើយ? តើអ្នកណាជាអ្នកដែលគេហៅប្រមូតសុខចិត្តអត់យកខ្លួនឯងឱ្យទៅតួស្រីដែលហៅមកថតទាំងអស់។ តើអ្នកណាជាអ្នកបង្រៀនជាអ្នកពន្យល់ឱ្យបានធ្វើវីដេអូដែរ? តើអ្នកណាជាអ្នកដែលនៅធ្វើឱ្យគេស្គាល់ថ្ងៃហ្នឹងមានតែសម្រស់អត់សមត្ថភាពក៏វាមិនកើតដែរ។អ្វីដែលខ្ញុំជួយកន្លងមកណែនាំកន្លងមកបាត់ទៅណាអស់ហើយ?។

គួរបញ្ជាក់ថាកាលពីម្សិលមិញ(៣០ មេសា) អ្នកបង្កើតមាតិការូបនេះបានចេញសំណេរសូមទោសជាសាធារណៈឈប់ផលិតមាតិកាបែបនេះ ប៉ុន្តែសំណេរសូមទោសនោះបានបាត់ទៅវិញហើយចេញវីដេអូបកស្រាយថាខ្លួនលោកមិនមានកំហុសលើការផលិតវីដេអូព្រោះសុទ្ធតែមានការសុំអនុញ្ញាតិត្រឹមត្រូវ ខណៈមហាជនថាការផលិត Content បែបនេះគឺបែបកេញចំណេញលើស្រីៗមិនគួរមាននៅប្រទេសកម្ពុជា៕

រូបភាពចែកចាយពីបណ្តាញសង្គម ស្របពេលដែលអាកាសធាតុមួយរយៈនេះហាក់ឡើងកម្តៅខ្លាំងពេក ទើបលោកគ្រូអ្នកគ្រូនៃសាលាបឋមសិក្សាមួយកន្លែង បានឲ្យសិស្សានុសិស្សរបស់ខ្លួនអនុវត្តនូវវិធីសាស្រ្តខ្លះៗ ដើម្បីបញ្ចុះកម្តៅ ដោយយកកន្សែងជ្រលក់ទឹកស្អំលើក្បាលគ្រប់ៗគ្នា។

កាលពីថ្ងៃទី៣០ ខែមេសា ឆ្នាំ២០២៤នេះ តាមការបង្ហោះដោយគណនីហ្វេសបុកមានឈ្មោះថា វិចិត្រ តារា បានបង្ហោះរូបថតប៉ុន្មានសន្លឹកអមជាមួយនឹងពាក្យពេចន៍មួយឃ្លាថា «យោងតាមអាកាសធាតុក្តៅខ្លាំង នាយកសាលាបឋមសិក្សាគំរូស្រុកមង្គលបូរី សូមអំពាវនាវដល់មាតាបិតាសិស្សទាំងអស់ មេត្តាដាក់កន្សែងពោះគោតូចល្មមទុកឲ្យកូនជ្រលក់ទឹកស្អំ ពេលមករៀនដើម្បីកាត់បន្ថយកំដៅ និងណែនាំកូនៗញ៉ាំទឹកឲ្យបានច្រើន។ សូមអរគុណ!»។

ជាមួយគ្នានេះ ក៏មានមតិជាច្រើនដែលបានលើកឡើងក្នុងចំណោមមហាជន ដោយអ្នកខ្លះថា «គួរតែផ្អាក ឬបិទសាលាមួយរយៈជាការល្អ ព្រោះថាក្មេង ៗ កម្លាំងខ្សោយ ស្បែកនៅខ្ចី ងាយនិងរងការឈឺស្កាត់ មិនដូចមនុស្សធំទេ ទោះដាក់កន្សែងត្រជាក់ក៏មិនអាច ជួយបានដែរ បើកម្ដៅឡើងដល់ 41,42 ហើយនិង តំបន់ខ្លះ 43 ឯនោះលោកគ្រូ ទោះបីបង្ខំ ឬសម្រុករៀន នៅពេលនេះក៏មិនអាចធ្វើឲ្យគាត់រៀនបានចូលល្អដែល ព្រោះអាកាសធាតុឥលូវមិនអំណោយផលសោះ ។ នេះ គ្រាន់តែជាការយល់ឃើញរបស់ខ្ញុំទេ បើមានខុសឆ្គងអ្វី អធ្យាស្រ័យផងបាទ»។

ចំណែកម្នាក់ទៀតថា«ខ្ញុំសូមអំពាវនាវបើសិនជាអាចសូមអោយនាយកសាលា មេត្តាបង្រួមថ្នាក់សិក្សាតែមួយវេនបានហើយគឺវេនព្រឹក (ជាទូទៅសាលាតែងតែបែងចែកជាពីរវេន ព្រឹក&រសៀល)ដើម្បីជៀសវាងពីការប៉ះពាល់កម្ដៅខ្លាំង នៅពេលដែរធ្វើដំណើរទៅសាលារៀននា ពេលរសៀលហើយខ្ញុំគិតថាក៏ជាវិធីល្អក្នុងការជំនួស អោយសិស្សផ្អាកការសិក្សាមួយរយៈផងដែរ»។

ស្របពេលដែលមតិមួយទៀតក៏បានសំណូមពរថា«តើក្រសួងអាចផ្តួបវ៉ាកងតូចនឹងវ៉ាកងធំចូលគ្នាឈប់សំរាក ក្នុងរដូវក្តៅបានទេសំរាប់ឆ្នាំសិក្សាក្រោយៗ ដោយសារតែកំដៅពីមួយឆ្នាំទៅមួយឆ្នាំមានការ កើនឡើងរហូតខ្ញុំពិតជាបារម្ភពីក្មេងតូចៗណាស់»។

ជាការឆ្លើយតបវិញភ្លាមៗ កាលពីថ្ងៃទី៣០ ខែមេសា ឆ្នាំ២០២៤នេះ យោងតាមការចេញផ្សាយរបស់ក្រសួងអប់រំ យុវជន និងកីឡា ដែលមានខ្លឹមសារយ៉ាងដូច្នេះថា រដូវប្រាំងឆ្នាំ ២០២៤ អាកាសធាតុក្តៅហួតហែងខ្លាំង និងអាចមានសីតុណ្ហភាពលើសពី ៤០ អង្សារ ជាពិសេស នៅចន្លោះពីម៉ោង ១០:០០ ព្រឹក ដល់ម៉ោង ១៤:០០ រសៀល ។

ដើម្បីបង្ការទប់ស្កាត់ហានិភ័យ និងចៀសវាងជំងឺផ្សេងៗ ដែលអាចប៉ះពាល់ដល់ សុខភាព ការរៀនសូត្ររបស់សិស្សានុសិស្ស និងការបំពេញការងាររបស់លោកគ្រូ អ្នកគ្រូ ក្រសួងសូមណែនាំដល់ លោក លោកស្រីប្រធាន និងគណៈគ្រប់គ្រងគ្រឹះស្ថានសិក្សាទាំងអស់ ពិនិត្យស្ថានភាពជាក់ស្តែង និងចាត់ចែងអនុវត្តដូចតទៅ៖

-ពេលព្រឹក ចូលរៀននៅម៉ោង ៧:០០ ចេញម៉ោង ១០:០0
-ពេលរសៀល ចូលរៀននៅម៉ោង ១៤:០០ ចេញម៉ោង ១៧:០០
-ក្នុងមួយម៉ោងសិក្សា លោកគ្រូ អ្នកគ្រូត្រូវឱ្យសិស្សឈប់សម្រាក ឬចេញលេងរយៈពេល ១៥ នាទី
-គ្រឹះស្ថានសិក្សាត្រូវត្រៀមទឹកសម្រាប់គ្រូបង្រៀន និងសិស្សប្រើប្រាស់ និងណែនាំសិស្សឱ្យយកទឹកឆ្អិន ពីផ្ទះមកទទួលទាន
-ក្នុងករណីសីតុណ្ហភាពឡើងខ្លាំងលើសពីការគ្រប់គ្រង គ្រឹះស្ថានសិក្សាមានសិទ្ធិក្នុងការសម្រេចជាក់ស្តែង អនុវត្តតាមគោលការណ៍ដែលមានស្រាប់វិញ នៅពេលផុតរដូវក្តៅ៕

កម្ពុជាគឺជាប្រទេសដែលមានបេតិកភណ្ឌវប្បធម៌ដ៏សម្បូរបែប និងរឿងរ៉ាវអតីតកាលបានជាប់ពាក់ព័ន្ធជាមួយលំហូរនៃទន្លេ និងផ្លូវទឹកជាយូរមកហើយ។ អរិយធម៌បុរាណដូចជា សម័យហ្វូណន និងអង្គរ ពឹងផ្អែកលើពាណិជ្ជកម្ម និងការដឹកជញ្ជូនតាមផ្លូវទឹក ដែលបង្ហាញពីសារៈសំខាន់នៃបណ្តាញនាវាចរណ៍ក្នុងប្រវត្តិសាស្ត្រកម្ពុជា។

យោងតាមទស្សនៈរបស់ លោកបណ្ឌិត ស៊ឺន សំ អ្នកវិភាគគោលនយោបាយនៃរាជបណ្ឌិត្យសភាកម្ពុជា និងជាអនុប្រធាននាយកដ្ឋានទំនាក់ទំនងសាធារណៈនិងពិធីការនៃរាជបណ្ឌិត្យសភាកម្ពុជា បានលើកឡើងថា ព្រែកជីកហ្វូណនតេជោ គឺជាសក្តានុពលសេដ្ឋកិច្ចរបស់ប្រទេសកម្ពុជា។ ព្រែកជីកនេះត្រូវបានគេមើលឃើញថាជាអ្នកផ្លាស់ប្តូរជោគវាសនាកម្ពុជា នាំឱ្យការដឹកជញ្ជូនទំនិញកាន់តែរលូន កាត់បន្ថយថ្លៃដឹកជញ្ជូន និងបើកឱកាសពាណិជ្ជកម្មថ្មីសម្រាប់ប្រជាជនកម្ពុជា។ ម្យ៉ាងវិញទៀត គម្រោងនេះ ត្រូវបានគេរំពឹងថានឹងជំរុញកំណើនសេដ្ឋកិច្ច បង្កើតការងារ និងទាក់ទាញការវិនិយោគទៅកាន់តំបន់ផ្សេងៗក្នុងប្រទេសកម្ពុជា។

សម្រាប់ធុរកិច្ច និងសហគ្រិនកម្ពុជា ព្រែកជីកនេះ តំណាងឱ្យច្រកចូលទៅកាន់ទីផ្សារក្នុងតំបន់ និងពិភពលោក។ ព្រែកជីកនេះក៏នឹងបើកផ្លូវសម្រាប់ការពង្រីក ការធ្វើពិពិធកម្ម និងការបង្កើនការប្រកួតប្រជែងនៅក្នុងតំបន់ផងដែរ។ ការរំពឹងទុកនៃការតភ្ជាប់កាន់តែប្រសើរឡើងតាមរយៈព្រែកជីកនេះ បានធ្វើឱ្យមានការគាំទ្រពីវិស័យឯកជន និងស្ថាប័នានា ដោយមនុស្សជាច្រើនមើលឃើញថាវាជាយន្តការសំខាន់សម្រាប់ការផ្លាស់ប្តូរសេដ្ឋកិច្ចកម្ពុជា។

ជាងនេះទៅទៀត គម្រោងព្រែកនេះត្រូវបានគេរំពឹងថានឹងជំរុញការអភិវឌ្ឍន៍ទីក្រុង និងជនបទ ពិសេសនៅតាមបណ្តោយផ្លូវដែលជាប់នឹងព្រែកជីកជាមួយនឹងតំបន់សេដ្ឋកិច្ចថ្មី តំបន់លំនៅដ្ឋាន និងមជ្ឈមណ្ឌលពាណិជ្ជកម្មនឹងលេចចេញជារូបរាងនៅពេលអនាគត។

ព្រែកជីកហ្វូណនតេជោមិនត្រឹមតែជាគម្រោងប្រទេសកម្ពុជាប៉ុណ្ណោះទេ ប៉ុន្តែជានិមិត្តរូបនៃសេចក្តីប្រាថ្នារបស់កម្ពុជាសម្រាប់សមាហរណកម្ម និងកិច្ចសហប្រតិបត្តិការក្នុងតំបន់។ តាមរយៈការពង្រឹងការតភ្ជាប់ជាមួយប្រទេសជិតខាង និងតំបន់អាស៊ីអាគ្នេយ៍ដ៏ធំទូលាយ ព្រែកជីកនេះជំរុញពាណិជ្ជកម្ម ទេសចរណ៍និងការផ្លាស់ប្តូរវប្បធម៌ ឆ្ពោះទៅរកទំនាក់ទំនងកាន់តែជិតស្និទ្ធជាមួយដៃគូក្នុងតំបន់ និងជាកត្តាជំរុញសន្តិភាព និងស្ថិរភាព។ ទីតាំងយុទ្ធសាស្ត្ររបស់ព្រែកជីកនេះ ក៏នឹងធ្វើឱ្យប្រទេសកម្ពុជាក្លាយជាតួអង្គសំខាន់ក្នុងបណ្តាញដឹកជញ្ជូន ក្នុងតំបន់ផងដែរ។

បន្ថែមពីនេះ គម្រោងនេះរួមមានវិធានការកាត់បន្ថយផលប៉ះពាល់បរិស្ថាន ថែរក្សាជម្រកធម្មជាតិ និងធានាការគ្រប់គ្រងទឹកប្រកបដោយការទទួលខុសត្រូវ។ វិធីសាស្រ្តប្រកបដោយតុល្យភាពនេះ រួមបញ្ចូលការអភិវឌ្ឍន៍សេដ្ឋកិច្ចជាមួយនឹងការគ្រប់គ្រងបរិស្ថាន ស្របតាមក្រមសីលធម៌កម្ពុជានៃភាពសុខដុមជាមួយធម្មជាតិផងដែរ៕