នាវាចម្បាំងចិនមួយគ្រឿង បានធ្វើដំណើរមកដល់ដែនសមុទ្ររាម ដើម្បីត្រៀមក្នុងសមយុទ្ធនាគមាស ទ្រង់ទ្រាយធំមិនធ្លាប់មាន ចាប់ពីថ្ងៃទី១៦ ដល់ថ្ងៃទី៣០ ខែឧសភា ឆ្នាំ២០២៤ ខាងមុខនេះ។

នាវាកងទ័ពជើងទឹករំដោះប្រជាជនចិនចំនួន០១គ្រឿង លេខ985 ជាប្រភេទនាវាពហុមុខងារ Type-071 ដឹកនាំដោយឧត្តមនាវីទោ កៅ សៀវឆឹង នាយសេនាធិការរង កងទ័ពជើងទឹករំដោះប្រជាជនចិនភាគខាងត្បូង។

នាវានេះ មានបណ្ដោយប្រវែង២១០ម៉ែត្រ ទទឹងប្រវែង២៨ម៉ែត្រ ដែលមានល្បឿន២៥ ណត និងមានទំងន់ផ្ទុក២៥០០០តោន។

គួរបញ្ជាក់ថា “សមយុទ្ធនាគមាស” នេះ មានការចូលរួមពីយោធាកម្ពុជា-ចិន ប្រមាណជាង ២០០០នាក់ នឹងធ្វើឡើងនៅមជ្ឈមណ្ឌលហ្វឹកហ្វឺនកងរាជអាវុធហត្ថ (ភ្នំជុំសែនរីករាយ) ស្ថិតក្នុងភូមិច្រកកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង សម្រាប់កងទ័ពជើងគោក រីឯកងទ័ពជើងទឹកធ្វើនៅសមុទ្រ ក្នុងខេត្តព្រះសីហនុ ក្រោមប្រធានបទ “ប្រតិបត្តិការប្រឆាំងភេរវកម្មរួមគ្នា និងការងារសង្គ្រោះមនុស្សធម៌”៕

នៅថ្ងៃទី១៥ ខែឧសភា ឆ្នាំ២០២៤ សម្តេចធិបតីហ៊ុន ម៉ាណែត បានប្រកាសជួយដោះស្រាយ ដល់បងប្អូនប្រជាពលរដ្ឋដែលរងគ្រោះនៅក្នុងគម្រោងរបស់អតីតឧកញ៉ា ឡេង ចាន់ណា ដោយសម្តេចបានផ្តល់ភារកិច្ចជូនឯកឧត្តម គី តិច ប្រធានក្រុមមេធាវីរបស់រាជរដ្ឋាភិបាល ដើម្បីការពារប្រជាពលរដ្ឋ និងធ្វើជាតំណាងប្រជាពលរដ្ឋនៅក្នុងសំណុំរឿងទាំងឡាយដែលកំពុងចាត់ការដោយស្ថាប័នអយ្យការ និង ស្ថាប័នតុលាការ។

ជុំវិញករណីអតីតឧកញ៉ា ឡេង ចាន់ណា សមត្ថកិច្ចបានធ្វើការស៊ើបអង្កេត ដោយបានរកឃើញថា គំរោងវិនិយោគរបស់ក្រុមហ៊ុន ប្រ៊ីលានសីធី ពុំមានលក្ខណៈដូចជាគម្រោងវិនិយោគអចលនទ្រព្យផ្សេងទៀត ដែលជាគម្រោងវិនិយោគពិតប្រាកដ ហើយជួបប្រឈមឧបសគ្គជាមួយនឹងបញ្ហានៃការធ្លាក់ចុះទីផ្សារនោះទេ ប៉ុន្តែ ផ្ទុយទៅវិញគម្រោងរបស់ក្រុម ឡេង ចាន់ណា មានលក្ខណៈជាប្រព័ន្ធឆបោកតាមរូបមន្ត Ponzi Scheme។

ផ្អែកលើលទ្ធផលនេះ កាលពីថ្ងៃទី១២ មីនា ២០១៤ សម្តេចធិបតី បានបញ្ជាឱ្យកម្លាំងសមត្ថកិច្ចអនុវត្តច្បាប់ឱ្យបានម៉ឺងម៉ាត់ និងឈានទៅឃាត់ខ្លួនឈ្មោះ ឡេង ចាន់ណា ដើម្បីបញ្ជូនទៅតុលាការតាមនីតិវិធីជាធរមាន។
ក្រោយមកនៅថ្ងៃទី១៣ ខែមីនា សម្តេចធិបតីក៏បានធ្វើសំណើថ្វាយ ព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុត ដើម្បីបញ្ចប់ងារជាឧកញ៉ា របស់លោកស្រី ឡេង ចាន់ណាផងដែរ។

ទាក់ទង់នឹងបញ្ហានេះ សម្តេចធិបតីហ៊ុន ម៉ាណែត បានសង្កត់ធ្ងន់ថា៖”ទោះបីជាសំណុំរឿងស្ថិតនៅក្នុងដៃរបស់តុលាការ ក៏រាជរដ្ឋាភិបាលនៅបន្តតាមដានករណីនេះជាប្រចាំ នឹងបានប្រគល់ភារកិច្ចឱ្យសមត្ថកិច្ចពាក់ព័ន្ធបន្តការស្រាវជ្រាវ និង សហការគាំទ្រដល់ដំណើការរបស់តុលាការគ្រប់រូបភាពដែលច្បាប់អនុញ្ញាត ធ្វើយ៉ាងណារួមគ្នាដោះស្រាយបញ្ហាជូនប្រជាពលរដ្ឋឲ្យអស់លទ្ធភាពទៅតាមផ្លូវច្បាប់”៕

ដោយសង្កេតឃើញថា កាលពីពេលកន្លងទៅនេះ នៅជុំវិញតំបន់ផ្លូវអន្ទង់អាំង ភ្នំ១៥០០ ខេត្តពោធិ៍សាត់ បានទទួលរងនូវការឈូសឆាយដើម្បីអភិវឌ្ឍខ្លះៗដែរ ដែលជាហេតុបង្កឲ្យមានការមិនពេញចិត្តយ៉ាងខ្លាំងនៅក្នុងចំណោមមហាជននៅក្នុងបណ្តាញសង្គម ពិសេសគឺចំពោះអ្នកដែលរស់នៅតំបន់នោះផ្ទាល់តែម្តង។ មតិដែលបានលើកឡើងថាគួរតែអភិរក្សភ្នំ១៥០០នេះទុក ដើម្បីជាលើកកម្ពស់ជីវភាពរស់នៅរបស់ប្រជាពលរដ្ឋទីនោះ ព្រោះវាជាតំបន់ធម្មជាតិដ៏កម្រនិងស្រស់ស្អាត ក៏ដូចជាដើម្បីទាក់ទាញភ្ញៀវទេសចរទាំងជាតិនិងអន្តរជាតិ។

បើនិយាយពីតំបន់ទេសចរណ៍ធម្មជាតិដ៏ស្រស់ត្រកាលមួយកន្លែងស្ថិតនៅស្រុកវាលវែង ខេត្តពោធិ៍សាត់ ដែលកំពុងតែលាក់ខ្លួន បង្អួតសម្រស់ធម្មជាតិដ៏ខៀវស្រងាត់ប្រៀបបាននឹងឋានសួគ៌ គួរជាទីគយគន់សម្រាប់ប្រជាជនកម្ពុជានិងជនបរទេសនោះប្រាកដណាស់ថាគេនឹងនឹកដល់ «តំបន់ទេសចរណ៍ធម្មជាតិភ្នំ១៥០០»។

ប្រវត្តិនៃការដាក់ឈ្មោះថា តំបន់ភ្នំ១៥០០ ដែលមនុស្សភាគច្រើនមិនសូវបានដឹងនោះតាមពិតគឺវាទាក់ទងនឹងរឿងរ៉ាវប្រវត្តិសាស្រ្តខ្មែរ ដែលគេហៅតាមផែនទីភូមិសាស្រ្តរបស់ទាហានកាលពីសង្គ្រាមជាមួយខ្មែរក្រហម និងហៅតាមការកំណត់កំពស់ភ្នំធៀបជាមួយនីវ៉ូទឹកសមុទ្រ តែកំពស់ពិតមិនមែន១៥០០ម៉ែត្រទេ គឺ១៦០០ម៉ែត្រ ហើយត្រង់ចំនុចផ្លូវអន្ទង់អាំងមានកំពស់ប្រមាណតែ៩០០ម៉ែត្រប៉ុណ្ណោះ។

ជាមួយនឹងផ្លូវបត់បែនលូនឡើងលើភ្នំ ប្រៀបបាននឹងអន្ទង់អាំង ស្ថិតនៅចន្លោះកណ្តាលនៃជ្រលងភ្នំ១៥០០ ត្រូវបានគេស្គាល់ថាជា ផ្លូវបុប្ផាលាក់ខ្លួន ស្អាតប្លែកភ្លែក ខុសពីផ្លូវឡើងភ្នំដទៃៗទៀត ដែលវិស្វករនិងអ្នកជំនាញបានព្យាយាមស្ថាបនាផ្លូវមួយខ្សែមួយដោយការយកចិត្តទុកដាក់ខ្ពស់បំផុត ទើបបង្កើតបានផ្លូវបត់បែនល្អឯកបែបនេះ។ ម៉្យាងវិញទៀត ភ្ញៀវទេសចរណ៍គឺអាចសំចតនៅទីតាំងណាក៏បានកាត់វាលស្មៅលើខ្នងភ្នំនេះ ប្រកបដោយសុវត្ថិភាពបំផុតផងដែរ។

នៅតាមផ្លូវធ្វើដំណើរ ភ្ញៀវទេសចរណ៍គ្រប់ៗរូបក៏អាចយល់ដឹងអំពីវប្បធម៌និងជីវភាពនៃការរស់នៅបែបសាមញ្ញៗរបស់ប្រជាពលរដ្ឋដែលរស់នៅក្នុងតំបន់នោះ។ បន្ថែមតែពីសម្បូរដោយព្រៃប្រឹក្សាដ៏ខៀវស្រងាត់គ្របដណ្តប់លើផ្ទៃភ្នំ១៥០០នេះទាំងមូលហើយ អាកាសធាតុក៏អំណោយផលល្អជាពិសេសនាពេលរាត្រី ព្រមជាមួយនឹងជំនោរត្រជាក់និងសន្សើមព្រៃភ្នំ បង្កើតបានជាបរិយាកាសពិសេសៗដែលមិនអាចបំភ្លេចបានឡើយ។

ជាមួយគ្នាដោយផ្អែកតាមការលើកឡើងខាងលើ បើយោងតាមអនុសាសន៍ដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅក្នុងពិធីសម្ពោធឆ្លង “ព្រះបទុមចេតិយ ក្នុងវត្តមណីរតនារាម ខេត្តពោធិ៍សាត់” កាលពីថ្ងៃទី៣១ ខែមីនា ឆ្នាំ២០២៤ គឺបានស្នើឱ្យមានសិក្សាដាក់តំបន់ជុំវិញ “ផ្លូវបុប្ផាលាក់ខ្លួន” ឬ ផ្លូវអន្ទង់អាំង នៅភ្នំ១៥០០ ស្រុកវាលវែង ខេត្តពោធិ៍សាត់ ជាតំបន់អភិរក្សធម្មជាតិ ដើម្បីបម្រើដល់វិស័យទេសចរណ៍ធម្មជាតិរយៈពេលយូរអង្វែង។

សម្តេចបានបន្តថា តំបន់ខាងលើនេះ ធ្លាប់មានការឈូសឆាយអភិវឌ្ឍខ្លះដែរ ដែលត្រូវពិនិត្យឡើងវិញ ដោយដោះស្រាយនូវការអភិវឌ្ឍទាំងនោះដាក់ជាតំបន់អភិរក្សធម្មជាតិទាំងសងខាងផ្លូវអន្ទង់អាំងនេះ សម្រាប់ជាតំបន់ទេសចរណ៍ ជូនប្រជាពលរដ្ឋក្នុងនិងក្រៅស្រុកផងដែរ៕

កោះតាព្រហ្ម ជារមណីយដ្ឋានធម្មជាតិស្ថិតនៅភូមិសាស្រ្តភូមិជ្រោយតាព្រហ្ម នៃឃុំព្រែកឯង ក្រុងភ្នំពេញដែលមានទេសភាពស្រស់បំព្រងជាប់មាត់ទន្លេមេគង្គក្រោម។

ទីនេះដើមឡើយជាកន្លែងជួលទូកប៉ុណ្ណោះ តែបច្ចុប្បន្នត្រូវបានគេកែច្នៃ ពីកន្លែងជួលទូកទៅស្ទូចត្រី ក្លាយជាតំបន់ដ៏ទាក់ទាញបំផុតមួយ សម្រាប់បងប្អូនដែលចូលចិត្តសម្រាកគេបោះតង់។

ដើម្បីទៅកោះនេះ ញៀវទេសចរត្រូវធ្វើដំណើរដោយទូកចំលង ដែលមាននៅទីនោះស្រាប់ ប្រមាណជា៥នាទីប៉ុណ្ណោះ ដោយតម្លៃសេវាកម្មចម្លងទូក គឺ ៥០០០រៀល ក្នុងម្នាក់សម្រាប់ឆ្លងទៅមក។

ពេលធ្វើដំណើរដល់លើកោះហើយ យើងត្រូវបន្តដំណើរទៀតដែលឆ្លងកាត់ចំការរបស់អ្នកភូមិ ទើបដល់កន្លែងសម្រាកបោះតង់ដែលមាននៅលើកោះនោះ។

ចំពោះអ្នកបោះតង់ ត្រូវចំណាយម្នាក់ ១០០០០ រៀល ហើយសម្រាប់ក្មេងក្រោមអាយុ១០ឆ្នាំ គឺមិនគិតថ្លៃនោះឡើយ។ ម្យ៉ាងវិញទៀតសម្រាប់បងប្អូនដែលចង់ទៅកម្សាន្តវិលល្ងាច ក៏មានភាពងាយស្រួលផងដែរ ដោយនោះលើកោះនោះមាន ភោជនីយដ្ឋានសម្រាប់ធ្វើម្ហូបអាហារពិសេសដូចជា មាន់ស្រែដុតត្រីទន្លេដុត ទាដុត និងម្ហូបផ្សេងៗទៀតជាច្រើនតាមចំណង់ចំណូលចិត្តរបស់ភ្ញៀវទេសចរផងដែរ៕