តៃវ៉ាន់ ៖ ស្ត្រីតៃវ៉ាន់ម្នាក់រៀបរាប់ថា នៅសុខៗ ស្រាប់តែមានប្រជ្រុយដុះនៅបាតជើង ហើយខ្លួនស្មានថាមិនអី ក៏យកក្រមួនមកលាបបាតជើង និងពុំបានទៅមន្ទីរពេទ្យទេ ។ ក្រោយការលាបក្រមួនរួចហើយពុំទទួលផល ដោយសារប្រជ្រុយនេះរីកកាន់តែធំខ្លាំងឡើង ស្ត្រីរូបនេះក៏សម្រេចចិត្តទៅមន្ទីរពេទ្យដើម្បីត្រួតពិនិត្យប្រជ្រុយ ប៉ុន្តែគាត់ស្លុតចិត្តយ៉ាងខ្លាំងក្រោយគ្រូពេទ្យពិនិត្យរួច ។

គេហទំព័រ ETtoday រាយការណ៍ថា ស្ត្រីចំណាស់រូបនេះបានឃើញប្រជ្រុយនៅលើបាតជើងរបស់ខ្លួនដោយពុំជ្រាបពីមូលហេតុ ប៉ុន្តែគាត់ពុំបានទៅមន្ទីរពេទ្យភ្លាមៗទេ ពីព្រោះគិតថា វាមិនធ្ងន់ធ្ងរ ហើយចង់សន្សំសំចៃប្រាក់ផងដែរ ។ លើសពីនេះ គាត់គិតថា ប្រជុយនៅបាតជើងពុំបានធ្វើឱ្យប៉ះពាល់ដល់ជីវិតរបស់គាត់ រហូតដល់ប្រជ្រុយនេះរីកកាន់តែធំ ទើបគាត់យកក្រមួនមកលាបបាតជើង ។

បើទោះជាគាត់ព្យាយាមលាបក្រមួនលើបាតជើងយ៉ាងណា ប៉ុន្តែប្រជ្រុយនៅតែពុំជាសះស្បើយ ហើយបាតជើងរបស់គាត់ចាប់ផ្តើមមានដំបៅស្អុយរលួយ ។ ហេតុនេះ ក្រុមគ្រួសារក៏បានបញ្ជូនគាត់ទៅមន្ទីរពេទ្យ ដើម្បីឱ្យវេជ្ជបណ្ឌិតព្យាបាល ។ លោកវេជ្ជបណ្ឌិត Huang Bohan មានជំនាញផ្នែកជំងឺស្បែក ប្រាប់ថា គ្រាន់តែឃើញភ្លាម លោកដឹងថា វាមិនមែនជាប្រជ្រុយធម្មតាទេ ប៉ុន្តែវាជាដុំសាច់របស់មហារីកស្បែក ហើយជំងឺនេះរាលដាលលឿនណាស់ ។

លោកវេជ្ជបណ្ឌិត Huang Bohan បាននិយាយក្នុងកម្មវិធីមួយរបស់តៃវ៉ាន់ថា ដុំសាច់មហារីកដែលគេប្រទះឃើញច្រើនបំផុត គឺវាមានលក្ខណៈស្រដៀងនឹងប្រជ្រុយដែរ ។ រីឯមូលហេតុសំខាន់ដែលបណ្តាលឱ្យកើតជំងឺមហារីកស្បែក គឺបណ្តាលមកពីកត្តាខាងក្រៅ ដូចជា ៖ ការត្រូវពន្លឺថ្ងៃ ឬការត្រូវពន្លឺអ៊ុលត្រាវីយូឡេត (UV) រយៈពេលយូរ ។

ខាងក្រោមនេះ គឺជារបៀបសង្កេតពីដុំសាច់មហារីកស្បែកតាមវិធី ABCDE រួមមាន ៖
A: Asymmetry ផ្ទៃប្រជ្រុយមិនរាបស្មើ គឺផ្នែកខាងឆ្វេង និងខាងស្តាំពុំស្មើគ្មា
B: Border បរិវេណព័ទ្ធជុំវិញប្រជ្រុយមិនរាបស្មើ
C: Color ពណ៌ប្រជ្រុយមិនដូចគ្នា ដូចជា មានពណ៌ខ្មៅដិត ខណៈនៅជុំវិញប្រជ្រុយមានពណ៌សខ្លាំង ឬកើតដំបៅនៅបរិវេណនេះញឹកញាប់
D: Diameter បើប្រជ្រុយរីកកាន់តែធំក្នុងរយៈពេលខ្លី ឬមានទំហំធំជាង០.៦សង់ទីម៉ែត្រឡើងទៅបញ្ជាក់ថា វាជាដុំសាច់មហារីកស្បែក
E: Evolving វាប្រែប្រួលខ្លាំង ដូចជា ៖ ដុំប្រជ្រុយមានសភាពខុសធម្មតា និងដំបៅនៅលើស្បែក ជាដើម ។

ចុងក្រោយ លោកវេជ្ជបណ្ឌិតដាស់តឿនថា បើមានប្រជ្រុយនៅលើស្បែកជាច្រើនឆ្នាំ ពុំចាំបាច់ភ័យស្លន់ស្លោទេ ។ ផ្ទុយទៅវិញ បើប្រជ្រុយនេះទើបតែដុះឡើងថ្មីៗ និងរីកកាន់តែធំក្នុងរយៈពេលខ្លី គួរតែប្រុងប្រយ័ត្នឱ្យខ្លាំង និងប្រញាប់ទៅជួបគ្រូពេទ្យជាបន្ទាន់ ៕

ចិនគឺជាប្រទេសមហាអំណាចសេដ្ឋកិច្ចទី ២ នៅលើពិភពលោកបន្ទាប់ពីអាមេរិក។ យោងតាមទិន្នន័យ Ceoworld Magazine បានបង្ហាញថា ប្រទេសចិនគឺជាម្ចាស់បំណុលដល់ប្រទេសដែលមានចំណូលទាប និងមធ្យមជាច្រើនចំនួនជាង ៩០ ប្រទេស ជាមួយនឹងប្រាក់កម្ចីសរុបឈានដល់ ១៨០ ពាន់លានដុល្លារអាមេរិក។ ទោះជាយ៉ាងណានៅក្នុងអត្ថបទនេះនឹងប្រាប់អ្នកត្រឹមតែ ២០ ប្រទេសប៉ុណ្ណោះ ដោយសារបញ្ជីទាំង ២០ នេះជាប់ជាប្រទេសដែលជំពាក់បំណុលចិនច្រើនជាងគេបំផុតក្នុងឆ្នាំ ២០២៤ ក្នុងនោះក៏មានប្រទេសកម្ពុជាយើងដែរ។

១.ប្រទេសប៉ាគីស្ថាន (២៦.៦ ពាន់លានដុល្លារអាមេរិក)
២.ប្រទេសអង់ហ្គោឡា (២១ ពាន់លានដុល្លារអាមេរិក)
៣.ប្រទេសស្រីលង្កា (៨.៩ ពាន់លានដុល្លារអាមេរិក)
៤.ប្រទេសអេត្យូពី (៦.៨ ពាន់លានដុល្លារអាមេរិក)
៥.ប្រទេសកេនយ៉ា (៦.៧ ពាន់លានដុល្លារអាមេរិក)
៦.ប្រទេសហ្សំប៊ី (៦.១ ពាន់លានដុល្លារអាមេរិក)
៧.ប្រទេសបង់ក្លាដែស (៦.១ ពាន់លានដុល្លារអាមេរិក)
៨.ប្រទេសឡាវ (៥.៣ ពាន់លានដុល្លារអាមេរិក)
៩.ប្រទេសអេហ្ស៊ីប (៥.២ ពាន់លានដុល្លារអាមេរិក)
១០.ប្រទេសនីហ្សេរីយ៉ា (៤.៣ ពាន់លានដុល្លារអាមេរិក)
១១.ប្រទេសអេក្វាឌ័រ (៤.១ ពាន់លានដុល្លារអាមេរិក)
១២.ប្រទេសកម្ពុជា (៤ ពាន់លានដុល្លារអាមេរិក)
១៣.ប្រទេសបេឡារុស្ស (៣.៩ ពាន់លានដុល្លារអាមេរិក)
១៤.ប្រទេសកូតឌីវ័រ (៣.៩ ពាន់លានដុល្លារអាមេរិក)
១៥.ប្រទេសកាមេរូន (៣.៨ ពាន់លានដុល្លារអាមេរិក)
១៦.ប្រទេសអាហ្វ្រិកខាងត្បូង (៣.៤ ពាន់លានដុល្លារអាមេរិក)
១៧.ប្រទេសកុងហ្គោ (៣.៤ ពាន់លានដុល្លារអាមេរិក)
១៨.ប្រទេសប្រេស៊ីល (៣.៤ ពាន់លានដុល្លារអាមេរិក)
១៩.ប្រទេសម៉ុងហ្គោលី (៣ ពាន់លានដុល្លារអាមេរិក)
២០.ប្រទេសអាហ្សង់ទីន (២.៩ ពាន់លានដុល្លារអាមេរិក)។

គួរបញ្ជាក់ដែថា សម្រាប់មូលហេតុភាគច្រើននៃបំណុលនេះត្រូវបានបែងចែកទៅឱ្យគម្រោងហេដ្ឋារចនាសម្ព័ន្ធ និងឧស្សាហកម្មនិស្សារណកម្ម ការកសាងនិងអភិវឌ្ឍន៍ប្រទេស រួមទាំងការអភិវឌ្ឍផ្លូវថ្នល់ អាកាសយានដ្ឋាន ផ្លូវរថភ្លើង និងរោងចក្រថាមពលជាច្រើន ហើយកំពុងតស៊ូជាមួយបន្ទុកបំណុលផ្សេងទៀត៕

ថ្មីៗនេះ មហាជនហាក់សម្តែងនូវការមិនពេញចិត្តជាខ្លាំងទៅលើវីដេអូចែកចាយពីបណ្តាញសង្គមទំនងជាមានប្រភពមកពីប្រទេសឡាវ បានបង្ហាញឲ្យឃើញពីសកម្មភាពរបស់កុមារីសិស្សសាលាវ័យមិនទាន់គ្រប់កាល និងបុរសវ័យចំណាស់ បានប្រព្រឹត្តិនូវកាយវិ.ការមិ.នសមរម្យនៅតាមទីសាធារណៈ។

តាមរយៈវីដេអូ គេបានសង្កេតឃើញអំពីទង្វើអសីលធម៌របស់ជនមួយក្រុមមានទាំងកុមារីនិងមនុស្សប្រុសចាស់ៗប៉ុន្មាននាក់បាននឹងកំពុងស្ថិតនៅហាងផឹកស៊ីមួយកន្លែង។ កុមារីនៅក្នុងឈុតសម្លៀកបំពាក់សិស្សសាលា (អាវសរ សំពត់បត់តាមប្រពៃណីឡាវ) ដែលមើលទៅមានអាយុប្រហែលមិនដល់១៥ឆ្នាំផង កំពុងតែឈរអោប ថើបក្នុងកាមឥណ្ហាជាមួយបុរសមា្នក់វ័យចំណាស់នឹងឪពុកខ្លួន ថែមដៃនាងកាន់កែវស្រាម្ខាងយ៉ាងសប្បាយរីករាយ។ រីឯអាកប្បកិរិយាក្មេងស្រីទាំងនោះទៀតសោត ហាក់មិនមានការខ្មាស់អៀន និងមិនមែនជាការចាប់បង្ខំរបស់មនុស្សចាស់ទៅលើខ្លួននោះទេ។

ក្រឡែកទៅលើបុរសម្នាក់ដែលគៀកនឹងក្មេងស្រីម្នាក់នេះវិញ ហាក់មិនកោតក្រែង ហ៊ានប្រព្រឹត្តិទង្វើដែលប្រាស់ចាកពីក្រមសីលធម៌របស់មនុស្សធំទៅលើក្មេងស្រីមិនទាន់គ្រប់អាយុបែបនេះទៅរួចដែរ ដែលនេះគឺសបញ្ជាក់ពីកម្រិតភាពយល់ដឹងទាបរបស់បុរសចំណាស់ទាំងនោះ។ ទោះជាយ៉ាងណា តាមរយៈការលួចថតបាននៅទីតាំងតែមួយនោះ គឺមានប្រមាណ ២-៣គូរទៀតរវាងក្មេងនឹងមនុស្សចាស់សុទ្ធតែប្រព្រឹត្តិទង្វើបែបនេះទាំងអស់ផងដែរ។

តាមរយៈការបង្ហោះចែកចាយនៅលើបណ្តាញសង្គមនេះ មហាជនទាំងឡាវនិងខ្មែរគឺបានចូលទៅបញ្ចេញមតិព្រាតបែបខឹងសម្បារ ថាក្មេងទៅវាមិនដឹងអ្វី ប៉ុន្តែនេះ មនុស្សចាស់ហើយបែរជាមិនដឹងដូចជាក្មេងដែរ។ ជាមួយគ្នានោះ អ្នកខ្លះគឺបានលើកឡើងថា«នេះហើយគឺជាសង្គមមួយដែលគ្មានវប្បធម៌ប្រពៃណី»។ ជនជាតិឡាវខ្លះថា «នេះហើយគឺជាការពិតជាក់ស្តែងនៅក្នុងសង្គមឡាវ ព្រោះថាប្រជាជនឡាវជាច្រើនគឺគ្មានការងារធ្វើ ក្រីក្រ អតិផរណា(ទំនិញឡើងថ្លៃ ប្រាក់ឈ្មួលធ្លាក់ចុះ) និងមានការគាបសង្កត់ពីអ្នកមានអំណាចជាដើម»។

ចំណែកជនជាតិឡាវម្នាក់ទៀតបានលើកឡើងថា «បើមើលទៅលើការបញ្ចេញមតិគឺមានការវាយប្រហារយ៉ាងខ្លាំងទៅលើក្មេងស្រីទៅវិញ? ក្មេងគឺជាក្មេង មិនស្គាល់អ្វីជាក្រមសីលធម៌ មិនដឹងខុសមិនដឹងត្រូវទេ! បើសង្គមបែបនោះ វានឹងដឹកនាំពួកគេឆ្ពោះទៅរកផ្លូវនោះ ក្មេងឈាមរាវ ចង់ចេះ ចង់ដឹងចង់សាក ឆាប់ធ្វើតាមគេយ៉ាងងាយ។ រវាងមនុស្សធំគិនិងកូនក្មេងគិតមិនដូចគ្នាទេ គឺខ្ញុំយល់ឃើញបែបនេះ ខ្ញុំមិនចាប់កំហុសទេ»៕

ប្រទេសកូរ៉េខាងត្បូង ៖ នៅខែឧសភា ឆ្នាំ២០២៤ ពលរដ្ឋកូរ៉េខាងត្បូងប្រមាណជាង១០០នាក់ បានអង្គុយស្ងៀមស្ងាត់ និងមិនធ្វើអ្វីសោះ នៅក្រោមផ្លូវល្បឿនលឿនមួយកន្លែងក្នុងទីក្រុងសេអ៊ូល ។ ពួកគេបានអង្គុយយ៉ាងស្ងៀមស្ងាត់ដោយគ្មានសំឡេងជជែកគ្នា ដើម្បីស្វែងរកបេក្ខជនមានភាពអត់ធ្មត់ខ្ពស់ និងទទួលរង្វាន់ពីគណៈកម្មការ ។

ការប្រកួតនេះមានឈ្មោះថា «Space-Out Competition» បានរៀបចំឡើងកាលពី១២ ខែឧសភា ឆ្នាំ២០២៤ ដើម្បីស្វែងរកអ្នកអាចអង្គុយនៅស្ងៀមយូរបំផុត មិនធ្វើអ្វីសោះ ។ ប៉ុន្តែសម្រាប់លក្ខខណ្ឌការប្រកួត គឺបេក្ខជនទាំងអស់ពុំអាចដេកលក់, ពុំលេងទូរស័ព្ទដៃ និងពុំជជែកគ្នារយៈពេល៩០នាទី ។

ក្នុងអំឡុងពេលប្រកួតនេះ បេក្ខជនម្នាក់ៗនឹងត្រូវបានគណៈកម្មការវាស់កម្រិតជីពចរ ខណៈមហាជនមកចូលរួមទស្សនាការប្រកួតអាចដាក់ពិន្ទុដល់បេក្ខជនណាម្នាក់ដែលពួកគេពេញចិត្ត ។ រីឯបេក្ខជនឈ្នះការប្រកួតនឹងទទួលបានរង្វាន់លើកទឹកចិត្ត ក្រោយពេលគណៈកម្មការត្រួតពិនិត្យចង្វាក់បេះដូងឃើញថា មានសភាពធម្មតា ។

ការប្រកួតនេះ មានបេក្ខជនដាក់ពាក្យចូលរួមរហូតដល់ជាង៤.០០០នាក់ឯណោះ ប៉ុន្តែគណៈកម្មការជ្រើសរើសឱ្យចូលរួមប្រកួតត្រឹមតែ១១៧នាក់ប៉ុណ្ណោះ ។ ក្នុងចំណោមបេក្ខជនចូលរួមប្រកួតនៅស្ងៀម គឺមានតាំងពីកូនសិស្សរៀនថ្នាក់បឋមសិក្សា រហូតដល់មនុស្សចាស់មានអាយុជាង៦០ឆ្នាំ ។

បេក្ខជនជាច្រើននាក់ប្រាប់ថា ការប្រកួតនេះអាចធ្វើឱ្យពួកគេកាត់បន្ថយភាពតានតឹងផ្លូវចិត្តបានល្អ និងមានថាមពលធ្វើការងារជាងមុន ខណៈបុគ្គលិកធ្វើការនៅប្រទេសកូរ៉េខាងត្បូងភាគច្រើនមានអារម្មណ៍បាក់ទឹកចិត្តនៅកន្លែងធ្វើការ ព្រោះតែប្រកួតគ្នាធ្វើការ ។

ចំណែកអ្នកទទួលបានជ័យជម្នះក្នុងការប្រកួត «Space-Out Competition» គឺអ្នកស្រី Kwon So-ah អាយុ៣៥ឆ្នាំ ជាបុគ្គលិកធ្វើការក្រៅម៉ោងនៅទីក្រុងសេអ៊ូល ។ អ្នកស្រីនិយាយថា ៖ «ការមិនធ្វើអ្វីសោះក៏ល្អដែរសម្រាប់សុខភាពផ្លូវចិត្តរបស់យើង និងសុខភាពរាងកាយ ពីព្រោះរាងកាយនឹងបានសម្រាក ។ ប៉ុន្តែរាងកាយអាចសម្រាកបាន លុះត្រាតែខួរក្បាលសម្រាកជាមុន» ៕

សហរដ្ឋអាមេរិក ៖ ជញ្ជាំងឥដ្ឋមួយកន្លែងពោរពេញទៅដោយស្ករកៅស៊ូជាង១លានដុំ បានក្លាយជាតំបន់ទេសចរណ៍ដ៏ពេញនិយមមួយនៅអាមេរិក និងមានភ្ញៀវទេសចរគ្រប់ជាតិសាសន៍មកកម្សាន្តនៅទីនេះជាហូរហែ ។ ទន្ទឹមនឹងនេះ ជញ្ជាំងស្ករកៅស៊ូក៏ត្រូវបានគេចាត់ទុកថា គឺជាទីកន្លែងកខ្វ.ក់ បំផុតនៅលើពិភពលោកផងដែរ ។

កាលពីមុន ជញ្ជាំងមួយកន្លែងនេះគ្រាន់តែជាជញ្ជាំងឥដ្ឋធម្មតារបស់រោងភាពយន្តមួយឈ្មោះ «Seattle Theatresports» មានទីតាំងស្ថិតក្នុងផ្សារ Pike Place Market ក្នុងទីក្រុង Seattle រដ្ឋវ៉ាស៊ីនតោន សហរដ្ឋអាមេរិក ។ រីឯអ្នកចង់ទស្សនាភាពយន្តក្នុងរោង ពួកគេត្រូវមកតម្រង់ជួរនៅក្បែរជញ្ជាំងនេះដើម្បីទិញសំបុត្រកុន ។

ប៉ុន្តែទម្លាប់ចម្លែកមួយចាប់ផ្តើមកើតឡើងកាលពីឆ្នាំ១៩៩០ គឺអ្នករង់ចាំទិញសំបុត្រកុនមួយចំនួនបានយកស្ករកៅស៊ូមកបិទនៅលើជញ្ជាំងឥដ្ឋជាមួយកាក់ជាបន្តបន្ទាប់ ។ ចំនួនស្ករកៅស៊ូនៅលើជញ្ជាំងក៏ចេះតែកើនឡើងច្រើនទៅៗពាសពេញ ដោយសារកាក់ត្រូវបានគេលួចអស់ ។

បុគ្គលិករោងភាពយន្តនេះធ្លាប់បានយកស្ករកៅស៊ូចេញពីជញ្ជាំងឥដ្ឋចំនួន២ដងហើយ ប៉ុន្តែបែរជាមានស្ករកៅស៊ូថ្មីៗកើនឡើងកាន់តែច្រើន រហូតដល់បុគ្គលិករោងភាពយន្តគិតថា ពុំអាចសម្អាតស្ករកៅស៊ូចេញពីជញ្ជាំងអស់ទេ ។ ដូច្នេះ កាលពីឆ្នាំ១៩៩៩ បុគ្គលិករោងភាពយន្តក៏បានប្រកាសថា ជញ្ជាំងស្ករកៅស៊ូ គឺជាតំបន់ទេសចរណ៍តែម្តង ។

តាមរយៈការស្ទង់មតិនៅឆ្នាំ២០២៤ ជញ្ជាំងស្ករកៅស៊ូបានជាប់ចំណាត់ថ្នាក់ទី២ នៅលើពិភពលោក គឺជាកន្លែងគ្មានអនាម័យ ឬកខ្វក់បំផុត ។ ជញ្ជាំងនេះពោរពេញទៅដោយស្ករកៅស៊ូប្រវែងជាង១៥ម៉ែត្រ និងមានកម្ពស់ខ្ពស់ផុតពីដៃ ហើយគេសន្និដ្ឋានថា មានស្ករកៅស៊ូបិទនៅលើជញ្ជាំងរហូតដល់ជាង១លានដុំ ។

ក្រោយពីជញ្ជាំងស្ករកៅស៊ូក្លាយជាតំបន់ទេសចរណ៍ គេក៏បានប្រើប្រាស់ជញ្ជាំងនេះធ្វើជាផ្ទាំងសម្រាប់ថតភាពយន្ត Hollywood រឿង «Love Happens» ដែលសម្តែងដោយអ្នកស្រី Jennifer Aniston និងលោក Aaron Eckhart ។ លើសពីនេះ វាក៏បានក្លាយជាកន្លែងថតរូបភាពអាពាហ៍ពិពាហ៍របស់គូស្នេហ៍អាមេរិក ឬបង្ហាញភាពផ្អែមល្ហែមជាមួយគ្នាផងដែរ ៕

នៅលើភពផែនដីយើងគឺមានរឿងចម្លែកៗជាច្រើនដែលមិននឹកស្មានដល់ ដោយយោងតាមរូបភាពមួយចំនួនដែលថតជាប់ដោយ Google Earth បង្ហាញឱ្យឃើញថានៅក្នុងពិភពលោកយើងនេះគឺមានវត្ថុអាថ៌កំបាំងជាច្រើនលាក់ខ្លួនក្នុងផែនដី ដោយអ្នកវិទ្យាសាស្ត្រសព្វថ្ងៃនៅមិនទាន់រកឃើញមូលហេតុច្បាស់លាស់នោះទេ។ ទោះជាយ៉ាងណារូបភាពខាងក្រោមនេះបានបង្កឱ្យមានការជជែកវែកញែកយ៉ាងក្តៅគគុកពេញបណ្តាញសង្គម ខណៈអ្នកខ្លះមានការងឿយឆ្ងល់ថាតើរូបភាពទាំងនេះជាអ្វីពិតប្រាកដ ហើយវាកើតឡើងដោយរបៀបមិច? ដូច្នេះអត្ថបទនេះនឹងនាំប្រិយមិត្តមកដឹងពីអត្ថន័យរូបភាពចម្លែកៗទាំង ៥ ដែលថតជាប់ដោយ Google Earth៖

១.ប្រហោងខ្មៅនៅកណ្តាលមហាសមុទ្រប៉ាស៊ីហ្វិក៖ នៅឆ្នាំ២០២១ អ្នកប្រើប្រាស់នៅលើបណ្តាញសង្គម Reddit បានចែករំលែករូបថតមួយសន្លឹកដែលបានរកឃើញដោយប្រើ Google Earth នៃ “ប្រហោងខ្មៅ” លេចឡើងនៅកណ្តាលមហាសមុទ្រប៉ាស៊ីហ្វិកដែលបណ្តាលឱ្យមានការជជែកវែកញែកយ៉ាងក្តៅគគុក។ មនុស្សមួយចំនួនបានបញ្ចេញមតិថា វាជាច្រកសម្ងាត់នៃផែនដីដែលអាចឱ្យមនុស្សឆ្លងពេលវេលាបាន។ អ្នកខ្លះទៀតថា វាអាចជាមូលដ្ឋានសម្ងាត់ដែលត្រូវបានគេបិទបាំង។

ទោះជាយ៉ាងណាអ្នកជំនាញបានចុះមកស្រាវជ្រាវដោយផ្ទាល់ ហើយបានបង្ហាញការពិតថា វាមិនមែនអ្វីចម្លែកដូចមនុស្សគិតនោះទេ ប្រហោងខ្មៅនៅកណ្តាលមហាសមុទ្រប៉ាស៊ីហ្វិកតាមពិតគ្រាន់តែជាកោះមួយដែលគ្មានមនុស្សរស់នៅ។ វាមានទំហំប្រហែល ២៤ ហិកតា ដែលជាកម្មសិទ្ធិរបស់អធិបតេយ្យភាពនៃសាធារណរដ្ឋគីរីបាទី និងស្ថិតនៅចម្ងាយប្រហែល ២,២៨០ គីឡូម៉ែត្រពីភាគខាងកើតនៃឆ្នេរសមុទ្រស៊ីដនីរបស់ប្រទេសអូស្ត្រាលី។ ហេតុផលដែលវាមើលទៅដូចជា “ប្រហោងខ្មៅ” គឺដោយសារតែដើមឈើពណ៌បៃតងក្រាស់ពេកនៅពេលដែលយើងថតពីចម្ងាយគឺឃើញពណ៌ខ្មៅងងឹតបែបនេះដូច្នេះកុំយល់ច្រឡំអី។

២.ត្រីបាឡែនហែលទឹកនៅក្នុងស្រះ៖ ថ្មីៗនេះរូបថត «ត្រីបាឡែន» ហែលក្នុងស្រះមួយ ត្រូវបានបង្ហោះនៅលើបណ្ដាញសង្គម។ វាត្រូវបានគេដឹងថារូបថតនេះត្រូវបានថតនៅកសិដ្ឋានមួយនៃភាគនិរតីរដ្ឋផ្លរីដាសហរដ្ឋអាមេរិក។ យ៉ាងណាមិញ អ្នកប្រើអ៊ីនធឺណិតមួយចំនួនបានចង្អុលបង្ហាញថា នេះគ្រាន់តែជាប្រភពទឹកប៉ុណ្ណោះ មិនមានត្រីបាឡែនអ្វីនោះទេ។

៣.រណ្តៅជ្រៅដ៏អាថ៌កំបាំងនៅក្នុងព្រៃ៖ រណ្តៅជ្រៅដ៏អាថ៌កំបាំងមួយត្រូវបានគេរកឃើញនៅក្នុងព្រៃនៃស្រុក Abyysky ក្នុងសាធារណរដ្ឋ Sakha ប្រទេសរុស្ស៊ី។ នៅជុំវិញរន្ធ ខ្សាច់ និងដីត្រូវបានបញ្ចេញដោយស្វ័យប្រវត្តិ ហើយគែមងងឹតនៅខាងក្នុងរន្ធជ្រៅ គឺជាសញ្ញានៃការឆេះខ្លាំងពីមុន។ យោងតាមអ្នកវិទ្យាសាស្ត្រ រន្ធដ៏ជ្រៅនេះអាចបណ្តាលមកពីការឡើងកំដៅផែនដី បណ្តាលឱ្យឧស្ម័នលេចធ្លាយ ឈានទៅដល់ការផ្ទុះ។

៤.ផ្កាយដុះកន្ទុយលើថ្មប៉ប្រះទឹកផ្កាថ្ម៖ នៅតំបន់មាត់សមុទ្រនៃ Great Barrier Reef ប្រទេសអូស្ត្រាលី មនុស្សមួយចំនួនបានប្រើប្រាស់ Google Earth ហើយបានរកឃើញរូបថតចម្លែកនៃកន្លែងនេះ។ នោះគឺជារូបភាពនៃពន្លឺពណ៌ក្រហមដ៏វែងដែលរត់កាត់តំបន់នេះ ដែលមកទល់នឹងពេលនេះ គ្មាននរណាម្នាក់អាចកំណត់បានថា តើនេះជារូបថតនៃចលនារបស់កប៉ាល់ ឬពន្លឺពីផ្កាយដុះកន្ទុយដែលហោះកាត់ថ្មប៉ប្រះទឹកនេះទេ។

៥.គំនូរចម្លែកនៅវាលខ្សាច់៖ គំនូរចម្លែកមួយនៅវាលខ្សាច់ Gobi ក្នុងប្រទេសម៉ុងហ្គោលី ត្រូវបានរកឃើញដោយ Google Earth ។ យោងតាមអ្នកជំនាញ នេះអាចជាមូលដ្ឋានយោធាដែលមានប្លុកដែលប្រើសម្រាប់មុខងារផ្សេងៗគ្នាជាច្រើន ដូចជាតំបន់សាកល្បងអាវុធ រ៉ាដា ឬសូម្បីតែកន្លែងសាកល្បងសម្រាប់ផ្កាយរណបចារកម្ម៕