បន្ទាប់ពីមានឱកាសដើរលើកម្រាលព្រំក្រហមមហោស្រពភាពយន្តកានលើកដំបូងក្នុងឆាកជីវិត តារាសម្តែង មាន សូនីតា ទទួលបានការចាប់អារម្មណ៍យ៉ាងខ្លាំងពីទស្សនិកជនក្នុងស្រុក រួមទាំងបណ្តាញសារព័ត៌មានបរទេសថែមទៀត។ អ្វីដែលកាន់តែចាប់អារម្មណ៍ មាន សូនីតា បានក្លាយជាសិល្បករិនីដំបូងត្រូវបានគេហទំព័រដ៏ល្បីល្បាញគឺ រ៉យទ័រ (Reuters) បានចុះផ្សាយពីនាងនៅលេខរៀងទី១២ ក្នុងចំណោម១០៣ ជាមួយសិល្បករ សិល្បការិនីដទៃទៀតដែលចូលរួមព្រឹត្តិការណ៍នេះ។

នៅថ្ងៃទី១ ការដើរលើកម្រាលព្រំក្រហមរបស់ខ្លួន មាន សូនីតា បានរំលេចខ្លួនយ៉ាងស្រស់ស្អាតជាមួយឈុត ក្រមាខ្មែរអមព័ន្ធដោយអក្សរយ័ន្ត រំលេចឌិនដាមតាមរចនាបថបុរាណ ទំនើប។ មួកក្រមា កែច្នៃតាមមួកស្លឹកត្នោត។ រចនាបថ និងការច្នៃម៉ូតទៅលើរ៉ូបនិងមួករបស់នាងគឺឈរលើគោលការណ៍«អភិវឌ្ឍន៍ដើម្បីអភិរក្ស»។

មួយឈុតនេះរបស់ រាជិនីក្រមា បានទាក់ទាញអារម្មណ៍យ៉ាងខ្លាំងពីបណ្តាញសារព័ត៌មានធំៗ ដូចជា dailymail.co.uk និងកាសែតបារាំង nicematin បានចុះផ្សាយពី មាន សូនីតា ផងដែរ ខណៈតារាសម្តែងរូបនេះទើបតែបង្ហាញថា សារព័ត៌មានល្បី រ៉យទ័រ ក៏បានចុះផ្សាយដូចគ្នា។

អ្វីដែលកាន់តែចាប់អារម្មណ៍ គ្រាន់តែចូលទៅគេហទំព័រដែលនិយាយពី Style fashion លើកម្រាលព្រំក្រហមគឺលោតឱ្យឃើញរូប មាន សូនីតា ក្នុងឈុតក្រមាមុនគេតែម្តង ខណៈតារាសម្តែងកម្ពុជារូបនេះស្ថិតនៅលេខរៀងទី១២ នៃការចុះផ្សាយក្នុងចំណោម១០៣រូបភាពពីសិល្បករ សិល្បការិនី ដែលបានចូលរួម។
តាមការកត់សម្គាល់ នេះបានន័យថា តារាសម្តែង មាន សូនីតា បានក្លាយជាសិល្បការិនីកម្ពុជាដំបូងគេដែលមានមុខនៅលើគេហទំព័រដ៏ល្បីល្បាញជុំវិញពិភពលោកនេះ។

គួរបញ្ជាក់ថា នៅថ្ងៃទី២ នៃការដើរលើកម្រាលព្រំមហោស្រពភាពយន្តកានលើកទី៧៧ មាន សូនីតា បង្ហាញខ្លួនក្នុងឈុត «ផ្កាចន្ទន៍អង្គរ នារីកម្ពុជា»ប្រៀបដូចអប្សរពត់ពេនយ៉ាងប្រណីត រំលេចជាមួយផ្កាចន្ទន៍ពណ៌មាសលើដងខ្លួនដោយមានជំហរឈរខ្ពស់យ៉ាងមុតមាំពោរពេញដោយសម្រស់ពីធម្មជាតិមកច្នៃចេញជាសិល្បៈ ក្នុងទម្រង់ខ្មែរបែបសម័យទំនើប៕

តារាចម្រៀង Red King ម្ចាស់បទ «កុំឱ្យខ្ញុំដើរផ្លូវចាស់» ត្រូវទទួលរងថ្មបាក់ គេសម្រុកចូលជេរផ្អើលប្រទេសដោយសារតែថ្ងៃនោះលោកក៏មានឆាកច្រៀងនៅទីនោះបន្ទាប់ពីមានការបង្ហោះរឿង Rapper ពីរនាក់បំពា.នរា.ងកាយនិស្សិតម្នាក់នៅបាត់ដំបង តែយ៉ាងណា លោកបដិសេធដាច់ខាតថាខ្លួនមិនជាប់ពាក់ព័ន្ធរឿងនេះឡើយ។ Red King ថាកេរ្តិ៍ឈ្មោះ៥ឆ្នាំលោកខំសាងត្រូវខូចឈ្មោះអ្នកមួយចំនួនចូលជេរទាំងមិនទាន់ដឹងរឿងពិតហើយការងារក៏ត្រូវបានលុបចោលតើនរណាទទួលខុសត្រូវលើរឿងនេះ។

បន្ទាប់ពីការទម្លាយរឿង Rapper ពីរនាក់និងបក្ខពួកត្រូវចោទប្រកាន់ពីបទបៀតបៀននិងចាប់រំលោភនិស្សិតម្នាក់នៅខេត្តបាត់ដំបងនិងបានបញ្ជាក់ថ្ងៃកើតហេតុថ្ងៃទី១០ ខែមីនា ឆ្នាំ២០២៤ ធ្វើឱ្យវីដេអូចាស់នៅក្នុងកម្មវិធីប្រគំតន្រ្តីបានផ្ទុះឡើងសាជាថ្មី ខណៈតារាចម្រៀង Red King ដែលវត្តមានក្នុងកម្មវិធីចំថ្ងៃតែមួយត្រូវរងគ្រោះមានអ្នកលេងបណ្តាញសង្គមជាច្រើនចូលជេរទក់សាច់។

ឃើញសភាពការមិនស្រួលត្រូវគេជេរផ្អើលប្រទេសទាំងមិនជាប់ពាក់ព័ន្ធ Red King ចេញមកអះអាងភាពស្មោះត្រង់និងភាពស្អាតស្អំរបស់ខ្លួនមិនជាប់ពាក់ព័ន្ធជាមួយរឿង Rapper ពីរនាក់ដែលកំពុងមានរឿងអាស្រូវក្តៅគគុកឡើយ។ ម្ចាស់បទ «កុំឱ្យខ្ញុំដើរផ្លូវចាស់» បានបញ្ជាក់យ៉ាងដូច្នេះថា «ហើយមិចក៏នាំគ្នាជេរពួកខ្ញុំ ទាំងពួកខ្ញុំអត់ដឹងរឿងអីសោះចឹង ខ្ញុំស្អាតស្អំ បើពួកខ្ញុំខូចឈ្មោះអត់ការងារធ្វើ តើអ្នកណាទទួលខុសត្រូវ? ? ខ្ញុំខំសាងមក៥ឆ្នាំណា ហត់ណាស់»។
Red King បានបង្ហោះជាបន្តបន្ទាប់ថា «លក់បណ្ដើរអួលដើមកបណ្ដើរ ឥឡូវធូរស៊ីបាយបានវិញ អត់ម៉ាព្រឹកហើយសូមឱ្យមានការងារបន្តទៀតឆាប់, គេជេរឯងកន្លះប្រទេស អ្នកខ្លះមិនទាន់ដឹងរឿងពិតផង ចុងក្រោយលុបចោល ចុះការងារខ្ញុំនៅបាត់ដំបង ខែ៦ Cancel អ្នកណាទទួលខុសត្រូវដោយសាររឿង ថ្ងៃមិញនឹង ? ? ? ?»។

យ៉ាងណាមិញបន្ទាប់ពីអ្នកបង្ហោះទម្លាយរឿង Rapper ចេញមកលាងភាពស្អាតស្អំឱ្យ Red King វិញតារាចម្រៀងរូបនេះលែងត្រូវបានគេជេរហើយ ប៉ុន្តែអ្វីដែលអ្នកគាំទ្រអាណិត Red King នោះគឺត្រូវគេជេរទក់សាច់ទាំងមិនជាប់ពាក់ព័ន្ធ ហើយការងារក៏ត្រូវខាតបង់ទទេៗខាតចំណូលរបស់គេថែមទៀត៕

ថ្មីៗនេះមានការចាប់អារម្មណ៍យ៉ាងខ្លាំងបន្ទាប់ពីមានជនបរទេសម្នាក់ដែលអះអាងថាត្រូវបានតែងតាំងជាអនុប្រធាន Miss Global Cambodia បង្ហោះថាលោក អ៊ិន សុភិន ស៊ីលុយក្រោមតុដើម្បីធានាតំណែងឱ្យបេក្ខភាពចូលប្រកួតអាចចូលTOP 5នៃកម្មវិធីប្រកួត។ មិនពេញចិត្តទង្វើនេះរូបលោកបានប្រកាសលាលែងតំណែងជាអនុប្រធានផងដែរ។ ការបង្ហោះនេះជំរុញឱ្យពិធីករ សុខ រ៉ាស៊ី ដែលមានបញ្ហាក្តីក្ខាំងជាមួយ លោក អ៊ិន សុភិន ថាធ្វើបាបខ្មែរគ្នាឯងមិនគ្រប់ធ្វើបាបដល់ជាតិសាសន៍ផ្សេង ខណៈលោកថាតើមាននរណាមានចំណាត់លើលោក អ៊ិន សុភិន បានព្រោះមានជនរងគ្រោះច្រើនត្រូវបានបោកប្រាស់។

ពិធីករហង្សមាស លោក សុខ រ៉ាស៊ី បានសរសេរនៅលើបណ្តាញសង្គមនាព្រឹកថ្ងៃទី២៤ ខែឧសភា ថា «សូមសរសើរ ធ្វើបាបខ្មែរមិនអស់ចិត្តធ្វើបាបដល់ ជាតិសាសន៍ផ្សេងទៀត តើអ្នកណាអាចមានចំណាត់ការលើបុគ្គល អ៊ិន សុភិន នេះបាន?? លុយខ្ញុំមិនបាន សូម្បីមួយរៀល ៤ឆ្នាំហើយ មានបុគ្គលិក មានគ្រូបង្វឹក មានអ្នកនិពន្ធ សុទ្ធតែជននេះ ធ្លាប់បោកប្រាស់»។

ទន្ទឹមនឹងការលើកឡើងនេះ ពិធីករ សុខ រ៉ាស៊ី បានប្រែខ្លឹមសាររបស់ជនបរទេសដែលទម្លាយរឿងលោក អ៊ិន សុភិន ដែលជនបរទេសនេះបង្ហោះកាលពីថ្ងៃទី២២ ថា«សួស្តីអ្នកទាំងអស់គ្នា ខ្ញុំឈ្មោះ Fahed Sharaf ខ្ញុំត្រូវបានតែងតាំងជាអនុប្រធាន Miss Global Cambodia នាពេលថ្មីៗនេះ ហើយខ្ញុំកំពុងចែករំលែកការបង្ហោះនេះដើម្បីឆ្លុះបញ្ចាំងឱ្យដឹងរបៀបដែលនាយកជាតិ លោក អ៊ិន សុភិន កំពុងដឹកនាំប្រតិបត្តិការរបស់ខ្លួន។
ថ្មីៗនេះ មានការចាប់អារម្មណ៍ថា បេក្ខភាពមួយរូបបានផ្ទេរប្រាក់ទៅឱ្យអ្នកគ្រប់គ្រងផលិតកម្មមហាហង្សគឺលោក សេង សន ដើម្បីធានាបានតំណែងក្នុងបេក្ខភាព Top 5 សម្រាប់ការប្រកួត Miss Global Cambodia 2024 ដែលរំពឹងថានឹងធ្វើជាម្ចាស់ផ្ទះក្នុងខែសីហា ឆ្នាំនេះ។ ការកត់សម្គាល់ក្នុងប្រតិបត្តិការនេះ ជាភាសាខ្មែរ ប៉ុន្តែខ្ញុំត្រូវបានគេជូនដំណឹងថា វាមានន័យថា ប្រតិបត្តិការ ៥០០ ដុល្លារ គឺជាការទូទាត់ដំបូងដែលនៅសេសសល់ចំនួន ១៥០០ដុល្លារ សម្រាប់នាងក្នុងការជាប់ចំណាត់ថ្នាក់លេខ ៥ ។
មានន័យថា លោក អ៊ិន សុភិន លក់មកុដឱ្យអ្នកដែលមានចិត្តចង់ចំណាយ ជាជាងឱ្យបេក្ខភាពប្រជែងយកមកុដ Miss Global Cambodia តាមវិធីដែលបវរកញ្ញាជុំវិញពិភពលោកត្រូវដឹកនាំ ដោយមាន ម្ចាស់ជ័យលាភី Miss Global ជាតំណាងផ្លូវការរបស់ Miss Global នៃប្រទេសដែលចូលរួម។
សូមជួយ Share ផុសនេះ ដើម្បីបង្កើនការយល់ដឹងអំពីស្ថានភាពនេះ។ ជាមួយនឹងការលាតត្រដាងពីរបៀបដែលលោក អ៊ិន សុភិន កំពុងដឹកនាំ Miss Global Cambodia ខ្ញុំសូមប្រកាសលាលែងពីតំណែងអនុប្រធាន Miss Global Cambodia។ ខ្ញុំបានជូនដំណឹងដល់ ខ្មែរថាមស៍ អំពីស្ថានភាពនេះរួចហើយ ហើយនឹងទាក់ទងអ្នកសារព័ត៌មានផ្សេងទៀតផងដែរ ដើម្បីស៊ើបអង្កេតស្ថានភាពនេះ។

ខ្ញុំក៏បានទទួលដំណឹងពីប្រជាពលរដ្ឋជាច្រើនថា លោក សុភិន ក្នុងការពន្យារពេលបើកប្រាក់ខែ និងប្រាក់ខែសម្រាប់ការងារដែលពួកគេបានធ្វើជាច្រើនខែមកហើយ។ រួមទាំងករណីមួយដែលត្រូវបានចែករំលែកនៅក្នុងការបង្ហោះមួយផ្សេងទៀតជាមួយគ្រូបង្វឹកដែលចង្អុលបង្ហាញថាលោក ជំពាក់គាត់ $ 2000+ ហើយរហូតមកដល់សព្វថ្ងៃនេះមិនទាន់បានសងគាត់វិញទេ»។

យ៉ាងណាមិញ ចាប់តាំងពីការបង្ហោះរបស់ជនបរទេសខាងលើតាំងពីថ្ងៃទី២២ ឧសភា មកទល់នឹងព្រឹកថ្ងៃទី២៤ ឧសភា លោក អ៊ិន សុភិន មិនទាន់បានឆ្លើយតបជុំវិញការចោទប្រកាន់នេះឬយ៉ាងណាទេ ប្រសិនមានអ្វី update KBN News នឹងជម្រាបជូនបន្ត៕