ប្រិយមិត្តតាមដានវិស័យបវរកញ្ញាជ្រាបមកហើយថា ម៉ាច ដាវី តំណាងឱ្យខេត្តរតនៈគីរី មានគេទម្លាយរឿងឯកជនធ្លាប់រៀបការហើយ និងតួលេខអាយុខុសប្រក្រតី។ បន្ទាប់ពីរឿងក្តៅគគុកនេះកក្រើកពេញបណ្តាញសង្គមស្ថាប័ន Miss Grand Ratanakiri ចេញមកច្រានចោលថាជារឿងមិនពិតជុំវិញពិធីមង្គលការ និងអាយុរបស់ ម៉ាច ដាវីដោយត្រៀមនឹងបង្ហាញព័ត្តុតាងដើម្បីបញ្ជាក់ភាពស្អាតស្អំរបស់ ម៉ាច ដាវី។ ទោះយ៉ាងណា ងាកទៅកាន់អ្នកលេងបណ្តាញសង្គមបានបញ្ចេញមតិថា គេចវេសពីការពិត ដំរីងាប់យកចង្អេរមកបាំងក៏មិនកើតដែរ។

នៅល្ងាចថ្ងៃទី១០ មិថុនា ផេក Miss Grand Ratanakiri បានចេញមកបំភ្លឺជុំវិញព័ត៌មានរឿងអាស្រូវរបស់ ម៉ាច ដាវី ដែលត្រូវបានគណនីហ្វេកប៊ុកមួយឈ្មោះថា «Dariya Kun» ចេញមកបកអាក្រាតថាបេក្ខភាពរូបនេះធ្លាប់រៀបការកាលពីឆ្នាំ២០២២ និងតួលេខអាយុខុសប្រក្រតី។ តាមសេចក្តីជូនដំណឹងរបស់ស្ថាប័ន Miss Grand Ratanakiri បានឱ្យដឹងថា «សូមអរគុណទស្សនិកជនអ្នកគាំទ្រទាំងអស់ដែលបានអត់ធ្មត់ក្នុងការរងចាំការបកស្រាយពីកញ្ញា ម៉ាច ដាវី Miss Grand Ratanakiri 2024 ជុំវិញរឿងរ៉ាវរូបថត ,វីដេអូ និងព័ត៌មានដែលត្រូវបានបង្ហោះលើបណ្តាញសង្គមមុននេះ។ យើងនឹងធ្វើការបកស្រាយបង្ហាញការពិត ភ្ជាប់ដោយភស្តុតាងពាក់ព័ន្ធ ទៅនឹងករណីនេះ។ ជាមួយគ្នានេះយើងសូមច្រានចោលព័ត៌មានមិនពិតជុំវិញពិធីមង្គលការ និងអាយុ របស់ កញ្ញា ម៉ាច ដាវី ដែលត្រូវបានចែកចាយមុននេះផងដែរ។ លិខិតបញ្ជាក់ភាពនៅលីវ របស់នាងនឹងត្រូវបង្ហាញក្នុងពេលឆាប់ៗនេះដើម្បីបញ្ជាក់ភាពស្អាតស្អំជូនកញ្ញាឯករបស់យើង»។
ប្រភពដដែលបញ្ជាក់ទៀតថា «ក្នុងនាមជាអ្នកគ្រប់គ្រងកម្មវិធី Miss Grand Ratanakiri សូមឱ្យអ្នកប្រើប្រាស់បណ្តាញសង្គមបញ្ឈប់រាល់សកម្មភាពនៃការចែករំលែកព័ត៌មានមិនពិត និងការប្រើប្រាស់ពាក្យសម្តីមិនសមរម្យអសីលធម៌មកកាន់កញ្ញាឯកយើង ហើយយើងក៏នឹងធ្វើចំណាត់ការទៅតាមផ្លូវច្បាប់រាល់សកម្មភាពទាំងឡាយណាដែលនាំឱ្យប៉ះពាល់ដល់កិត្តិយសសេចក្តីថ្លៃថ្នូរ របស់កញ្ញា ម៉ាច ដាវី និងស្ថាប័នយើង ។ ក៏សូមថ្លែងអំណរគុណចំពោះអ្នកគាំទ្រ ទស្សនិកជនដែលបានជឿជាក់ និងគាំទ្រមកកាន់កញ្ញាឯកនិងស្ថាប័នយើង ដែលដែលនេះជាកម្លាំងចិត្តសម្រាប់ពួកយើងបន្តបេសកកម្មចូលរួមប្រកួតឈរលើស្មារតីស្មោះត្រង់យុត្តិធម៌ក្នុងកម្មវិធីMiss Grand Cambodia 2024»។

ទោះយ៉ាងណាការចេញមកបញ្ជាក់នេះក៏ធ្វើឱ្យអ្នកលេងបណ្តាញសង្គមបញ្ចេញមតិផ្សេងៗមានទាំងការគាំទ្រនិងមិនគាំទ្រដោយអ្នកខ្លះថាគេចវេសពីការពិត។ គណនីមួយបានលើកឡើងថា «សាលាឃុំសង្កាត់ ទោះបីលែងគ្នាឬយ៉ាងណាក៏អាច ចុះលិខិតនៅលីវបានដែរ ទោះគាត់រៀបការរួចក៏ដោយ ក៏មិនអាចលាក់ប្រព័ន្ធទិន្ន័យ របស់សាលាឃុំ ដែរបញ្ចូនទៅសាលាស្រុក ខាងស្រុកបញ្ចូនទៅខេត្ត ខេត្តបញ្ចូនឈ្មោះទៅដល់ក្រសួងមហាផ្ទៃ នៃព្រះរាជាណាចក្រកម្ពុជា ចង់ដឹងច្បាស់មេឃុំចៅសង្កាត់បញ្ជាក់បាន មេភូមិក៏បាន ការឬមិនការ ។ មួយទៀតចង់ដឹងច្បាស់ បើកការស៊ើបអង្កេតមើល ការមែនឬអត់ សំបុតនៅលីវចង់បញ្ជាក់១០០ដងទៀតក៏បាន ។ នេះសូមនិយាយបែបបទរដ្ឋបាលសាលាឃុំសង្កាត់ទេ ដោយផ្អែកលើការស្នើសុំចុះឈ្មោះភាពនៅលីវ តែរូបថតនិងភស្តុតាងមានទាំងអស់ ទទួលស្គាល់ឬអត់ មានតែស៊ើបអង្កេតទើបដឹងច្បាស់ ។ កុំជេរខ្ញុំ ខ្ញុំនិយាយឱ្យយុត្តិធម៌តែជេរខ្ញុំ ជេរវិញហើយ ខ្ញុំមកនិយាយនេះជាអ្នកធ្លាប់ជួបបញ្ហាហ្នឹងផ្ទាល់ ។ សូមលុបបំបាត់ចោលមនុស្សខូចកុហកភូតភរដើម្បីប្រយោជន៍ផ្ទាល់ខ្លួន បើមិនគិតពីមុខមាត់ជាតិ លើឆាកបវរកញ្ញាឯក MGIទេ គឺយើងប៉ះពាល់កិត្តិយសជាតិណាស់ កម្ពុជាខំសាងវិស័យនេះមកយ៉ាងលំបាក តាណាវ៉ាត់បើដឹង ដកចោលដូចស្ពៃ ស្មានលាក់គេជិតមែន ដំរីងាប់យកចង្អេរមកបាំងម្ដេចនិងជិត ។ សូមឃើញខុសថាខុស ត្រូវថាត្រូវ ទើបវិស័យនេះទៅមុខទាន់គេ»។

គណនីផ្សេងទៀតលើកឡើងដែរថា «បកស្រាយរឿងអាយុផងបង ដែរគេយាយថាកាលគាត់ប្រកួត MUC 2020 មានអាយុ 25 ដល់ចូលប្រកួត Grand 2024 មានអាយុ 26 Fanតឹងត្រូងណាស់ប្រកួតជិតចប់ហើយបែរជាមានរឿង,អ្នកផ្សេងទៀតថា ត្រឹមលិខិតបញ្ចាក់ភាពនៅលីវ ចង់ការ100 ដងក៏នៅអាចបញ្ជាក់បាន បើគាត់អត់ចុះសំបុត្រអាពាហ៍ពិពាហ៍ត្រឹមត្រូវតាមច្បាប់។ តែបើវីដេអូរនិងរូបភាពវាជាភត្តុតាងមិនអាចប្រកែកបាន ទៅអន្តរជាតិគេអត់សើររើមែន?, កាន់តែអស់សំណើចនៅពេលដែរខំប្រកែកកិច្ចវេសពីការពិតបែបនេះ?????????កុហក់គេបាន តែកុហក់ខ្លួនឯងមិនបានទេ អ្នកនៅក្នុងវិស័យនេះអ្នកខ្លះគេដឹងហើយថារឿងវាម៉េចយ៉ាងម្ដេច ? ហើយច្បាប់ក្នុងវិស័យនេះក៏គេបានចែងដែរ ។បើវាជាការពិតវិញបងបកស្រាយយ៉ាងណា? , ចុះអាយុគាត់? ដំរីងាប់យើងយកចង្អេរមកបាំងកើតទេ រឿងវាបម្រុងនិងកើតឡើងហើយ ទៅមុខទៀតក៏នៅតែកើតឡើងដែរ។ យ៉ាងណាក៏ចូលរួមសោកស្តាយ»៕

មិនដឹងថាជាង Makeup រូបណាមានបញ្ហាចម្រូងចម្រាសជាមួយគ្នាទៅលើរឿងអ្វីស្រាប់តែ ព្រះកាយច័ន្ទ បោះសម្តីចុកៗមិនសំចៃមាត់ព្រោះតែតាមខាំនាងមិនលែងទាំងនាងខំBlockចោលហើយ។ ព្រះកាយច័ន្ទ បានប្រាប់ភិនភាគជាង Makeup នោះជាភេទទី៣ ក្បាលត្រឡោកការងារ Makeup តែផុសរករឿងតែគេ។

ជឿជាក់ថាអ្នកតាមដានវិស័យសិល្បៈជ្រាបមកហើយថា ព្រះកាយច័ន្ទ គឺជាសិល្បការិនីដ៏មានទេពកោសល្យមួយរូបទាំងការសម្តែង ពិធីការិនី បើកក្លិបបង្រៀនក្មេងៗជំនាន់ក្រោយទាំងសិល្បៈបុរាណ និងសម័យ ធ្លាប់ប្រកួតចម្រៀង និងជាអតីតម្ចាស់មកុដ Miss Grand ភ្នំពេញទៀត។ ព្រះកាយច័ន្ទ កាន់តែល្បីរន្ទឺនៅពេលហាក់ចូលបប្រឡូកវិស័យបវរកញ្ញាបើទោះបីជាកន្លងមកនេះមានមតិខ្លះចោទនាងថាជាមនុស្សអំនួតក្តីនិងមតិខ្លះទៀតថានាងចូលមកក្រឡុកវិស័យមួយនេះ។

ថ្មីៗនេះពោលគឺនៅយប់ថ្ងៃទី១០ មិថុនា ស្រាប់តែ ព្រះកាយច័ន្ទ ចេញមកបង្ហោះសារមួយយ៉ាងក្តៅគគុកនិងបោះសម្តីធ្ងន់ៗទៅកាន់ជាង Makeup មួយរូបដែលមានសក់ត្រឡោកតាមខាំនាងមិនព្រមលែងទាំងនាងអហោសិកម្មឱ្យហើយ។ ព្រះកាយច័ន្ទ បានសរសេរថា «ខ្ញុំបានអហោសិកម្មឱ្យបងរួចហើយណាបងខ្ទើយMake up ក្បាលត្រឡោកការងារMake up ( តែpostរកតែរឿងគេ )ដោយBlockបងចោល ហើយមិនពាក់ព័ន្ធនឹងបង តែចំណែកបងវិញវាចេះតែយ៉ាងមិចក្នុងខ្លួនបានខាំគេមិនលែងសោះចឹង »។

អតីត Miss Grand ភ្នំពេញរូបនេះបានបន្ថែមទៀតថា «ចង្អុលដៃ10 Version 2 soon កុំឱ្យខ្ញុំដឹងថាមានអ្វីដែលពាក់ព័ន្ធនឹងខ្ញុំជាបន្ត ស្អប់ខ្ញុំBlockខ្ញុំចោល ហើយកុំយកខួរដ៏កង្វក់របស់បងមកខ្វល់ពីរឿងខ្ញុំទៅវាចប់ ហើយរស់រាងខ្លួន។ បើមានលើកក្រោយខ្ញុំនឹងមិនទប់ទៀតទេ លើកក្រោយទោះបងមិននិយាយឈ្មោះខ្ញុំចំក៏ដោយ ក៏ខ្ញុំនិយាយឈ្មោះបងឱ្យចំដែរដើម្បីឱ្យរឿងវាឆាប់ចប់ កុំខ្លាំងបានតែក្រោយខ្នងគេ»។

ទោះយ៉ាងណា អ្នកគាំទ្រមិនដឹងថា ព្រះកាយច័ន្ទ ចង់សម្តៅទៅកាន់ជាង Makeup រូបណាទេដែលមានក្បាលត្រឡោក ហើយមិនដឹងថាអ្នកទាំងពីរមានបញ្ហាអ្វីនឹងគ្នារហូតដល់នាងឆេះឆួលបែបនេះរហូតដល់ ព្រះកាយច័ន្ទ ចេញមកព្រលះមិនសំចៃមាត់បោះសម្តីធ្ងន់ៗមិនដឹងសាមីខ្លួនស្តាប់ហើយមានអារម្មណ៍បែបណានោះទេ។

គួរបញ្ជាក់ថា ព្រះកាយច័ន្ទ ជាអតីតបវរកញ្ញាមួយរូបដែលត្រូវអ្នកមួយចំនួនលើកសរសើរដែរថានាងជាមនុស្សនិយាយត្រង់ៗមិនចេះអែបអម ឃើញយ៉ាងមិចថាយ៉ាងនោះ។ កន្លងមកនេះ ព្រះកាយច័ន្ទ ក៏បានទម្លាយប្រាប់ទស្សនិកជននៅក្នុងកម្មវិធីមួយដែរថាវិស័យបវរកញ្ញាពិតកាប់ចាក់ច្រណែនឈ្នានីសសាហាវជាងនៅក្នុងរឿងភាគទៅទៀត៕

ហេង វិសាល បានបង្ហោះសារជូនពរ ជា ស្រីនា ជាភរិយាក្នុងថ្ងៃខួបកំណើតពោរពេញដោយអារម្មណ៍ផ្អែមល្អែមអមដោយការលេងសើចតិចតួចធ្វើឱ្យអ្នកគាំទ្រអ្នកទាំងពីរញញឹមបិទមាត់មិនជិត។ នេះជាឆ្នាំដំបូងរបស់ ហេង វិសាល ជូនពរ ជា ស្រីនា ក្នុងនាមជាប្តីប្រពន្ធនឹងគ្នា។

នៅថ្ងៃទី៩ មិថុនា គឺជាថ្ងៃកណើតរបស់ ជា ស្រីនា Influencer ដ៏ល្បីល្បាញប្រចាំប្រទេសកម្ពុជា ហើយឆ្នាំនេះនាងឈានចូលដល់អាយុ២៤ឆ្នាំ។ ក្នុងថ្ងៃដ៏ពិសេសនេះ ហេង វិសាល ដែលជាស្វាមីល្អមួយរូប បានបង្ហោះជូនពរខួបកំណើតទៅកាន់ ជា ស្រីនា ជាភរិយាជាមួយរូបថតជាគ្រួសារ និងអមពាក្យពេចន៍ដ៏ផ្អែមល្អែម។

ហេង វិសាល បានសរសេរ ថា «រីករាយថ្ងៃកំណើតប្រពន្ធសម្លាញ់,បងរកនឹកSurpriseអ្វីអត់ឃើញទេ ចឹងមានតែSurpriseរូបចុងក្រោយក្នុងAlbumនេះដល់អូនហើយ។ សម្រាប់បងអូនគឺជាបងស្រីដែលល្អ កូនស្រីដែលល្អ យុវជនដ៏ល្អ សង្សារល្អ គូដណ្តឹងល្អ ប្រពន្ធល្អ កូនប្រសារ ប្អូនថ្លៃ បងថ្លៃល្អ ។ អូនតែងតែគិតពីគេ ហើយតែងតែជួយគេ ចិត្តអូនពិតជាធំ និងទូលាយណាស់ បងសឹងតែមិនជឿទេបើអត់បានជួប»។

Influencer ដ៏ស្រស់សង្ហានេះ បានបន្ថែមទៀតថា «សម្រាប់បងអូនពិតជាល្អខ្លាំងណាស់ បងពិតជាសំណាងណាស់ដែលបានអូនជាប្រពន្ធ អរគុណអូនដែលតែងតែលើកទឹកចិត្តបង យល់ពីបង ហើយនឹងផ្តល់ក្តីស្រឡាញ់ដ៏បរិសុទ្ធមួយដល់បង បងចង់ប្រាប់ថាបងទទួលបានគ្រប់យ៉ាងនិងចាំក្នុងចិត្តរាល់ទង្វើរបស់អូន។ ហើយអរគុណដែលបានចូលមកកូរក្នុងជីវិតរបស់បង បើអត់អូនជីវិតបងពិតជាក្លាយជាតាចាស់វ័យ២៩ឆ្នាំម្នាក់មែនហើយ អរគុណដែលចូលចិត្តនាំបងលេងអីឆ្កួតៗ វាពិតជាសប្បាយមែន នេះប្រហែលជាគុណសម្បត្តិដែលមានប្រពន្ធចរិត cute»។

ការជូនពរពីសំណាក ហេង វិសាល ទៅកាន់ ស្រីនា បានធ្វើឱ្យអ្នកគាំទ្របង្ហាញអារម្មណ៍រំភើបចិត្តយ៉ាងខ្លាំងចំពោះប្តីប្រពន្ធមួយគូនេះមានឈ្មោះល្បីល្បាញ ល្អទាំងព្រមចូលចិត្តធ្វើបុណ្យ មិនបំពុកសង្គមដើម្បីតែភាពល្បីល្បាញឡើយ ខណៈការជូនពរថ្ងៃខួបកំណើតនេះជាឆ្នាំដំបូងដែលអ្នកទាំងពីរជាប្តីប្រពន្ធនឹងគ្នា។

គួរបញ្ជាក់ថា គូស្នេហ៍ Influencer បានរៀបការផ្អើលពាសពេញប្រទេសកាលពីចុងខែមីនា ឆ្នាំ២០២៤ មានតារាល្បីៗជាច្រើនរូបចូលរួម ខណៈមង្គលអ្នកទាំងពីរបានធ្វើឱ្យហេតុការណ៍មួយនឹកស្មានមិនដល់នោះទេគឺ ជី ដេវីត និង វណ្ណដា បានជួបនិងប៉ះគ្នាដោយផ្ទាល់នៅក្នុងកម្មវិធី៕