មហាជនហួសចិត្ត! តើបុរសម្នាក់នោះមានចេតនាអ្វីឱ្យប្រាកដទៅលើ វណ្ណដា ទោះបីដឹងច្បាស់ថាជាខ្មែរហើយ តែមិនព្រមបកស្រាយ

មហាជនសម្តែងក្តីហួសចិត្តយ៉ាងខ្លាំងទៅលើបុរសម្នាក់ដែលមានហ្វេកប៊ុកថា Heng-Creator បានធ្វើវីដេអូដើរសួរជនជាតិថៃនៅប្រទេសថៃមានប៉ុន្មានភាគរយដែលស្គាល់តារាចម្រៀងរ៉េប វណ្ណដា ប៉ុន្តែបែរជាមិនបកស្រាយថា វណ្ណដា ជាជនជាតិអ្វីដែលគេចោទសួរជាជនជាតិមីយ៉ាន់ម៉ាឬសិង្ហបុរី សុខចិត្តដើរចេញទៅវិញ ព្រមទាំងមិនបានបកស្រាយរឿង ភ្លេងបុរាណខ្មែរទាំងគេនិយាយថាជាភ្លេងថៃ។

នៅលើបណ្តាញសង្គមកំពុងរិះគន់យ៉ាងចាស់ដៃទៅលើបុរសម្នាក់ដែលមានហ្វេកប៊ុកផេក Heng-Creator ធ្វើវីដេអូខំហោះពីប្រទេសកម្ពុជាទៅប្រទេសថៃសួរជនជាតិថៃគេស្គាល់វណ្ណដាដែរឬអត់ដោយសារតែ វណ្ណដា ជាតារាចម្រៀងដែលទទួលបានការគាំទ្រខ្លាំងធ្លាប់ទៅប្រគំតន្រ្តីនៅប្រទេសថៃ និងសហការណ៍ចេញបទចម្រៀងជាមួយជនជាតិថៃដូចជាបទ «Run The Town» និង «BONG » ជាដើម។ នៅក្នុងវីដេអូនោះ អ្នកធ្វើវីដេអូនោះបានដើរសម្ភាសសួរជាច្រើននាក់តែមិនមានអ្នកស្គាល់ វណ្ណដា ទេ ហើយលោកបានព្យាយាមដើរសួរបន្តទៀតរហូតបានជួបអ្នកបានស្គាល់តារាចម្រៀង វណ្ណដា។

អ្វីដែលធ្វើឱ្យមហាជនខកចិត្តនិងរិះគន់បុរសរូបនោះដោយសារតែពេលប៉ះអ្នកស្គាល់ វណ្ណដា ហើយគេមិនដឹងថាជាជនជាតិខ្មែរនោះទេផ្ទុយមកវិញគេបានសួរទៅ Heng-Creator វណ្ណដា ជាជនជាតិមីយ៉ាន់ម៉ា ឬសិង្ហបុរី ហើយថែមទាំងនិយាយទៀតថា វណ្ណដា ធ្វើបទចម្រៀងលាយជាភ្លេងបុរាណថៃ ខណៈអ្នកធ្វើវីដេអូរូបនេះសុខចិត្តដើរចេញដោយមិនពន្យល់ថា វណ្ណដា ជាជាតិអ្វីព្រមទាំងមិនប្រាប់ថាឧបករណ៍នោះជាភ្លេងបុរាណខ្មែរទាល់តែសោះ។

អ្នកលេងបណ្តាញសង្គម លើកឡើងថា តើ Heng-Creator មានចេតនាអ្វីឱ្យពិតប្រាកដបានជាមិនព្រមបកស្រាយពេលគេយល់ច្រលំ វណ្ណដា ជាជនជាតិផ្សេង ថែមទាំងមិនពន្យល់ថាភ្លេងក្នុងបទចម្រៀងរបស់ វណ្ណដា ជាភ្លេងបុរាណខ្មែរមិនមែនជាភ្លេងថៃហើយសុខចិត្តដើរចេញដោយមិនបកស្រាយទៅវិញ។ អ្នកខ្លះទៀតក៏លើកឡើងទៀតថា ចេះដើរសួរគេតែមិនចេះបកស្រាយទៅវិញ និងផ្សេងទៀតថា ជនជាតិថៃមួយចំនួនទោះស្គាល់ វណ្ណដា ក៏និយាយថាមិនស្គាល់ដែរ៕